ndoka

SINKRON-BASHA-ME-ALEATET-ABC-M4-T2.mpg_snapshot_00.02-1280x720.jpg
ent ela17:17 | 18/02/2019

Pasi mori mbështetjen unanime të grupit të tij parlamentar, rradhën e kishin aleatët parlamentarë. Mbledhja zgjati pak, por konfirmoi shumë. Pavarësisht mendimeve të ndryshme mes krekrëve të partive aleate, rrugën e ndërmarrin bashkë.

Basha: “Padyshim që vendimi për djegjen e mandateve është i opozitës së bashkuar”.

Mediu: “Mendoj që është detyrim i gjithëseicilit nga ne për tju përgjigjur protestuesve prër djegien e mandateve dhe do jetë unanim për çdo deputet që ka kandiduar në çdo forcë që i është bashkuar këtij koalicionidhe padyshim ai zë që do të mungojë në parlament do të jetë me qytetarët në çdo cep të Shqipërisë”.

Duka: “Natyrisht jam për zgjidhje institucionale por meqe opoztia ka marrë vendimin edhe unë tre mandatet do i djeg”.

Shehi: “Sa kohë të jetë rama aty do na shihni bashkë, ditën që do mbarojë kjo punë mund të shihni ndonjë gjë bashkë, ato mandate sna bëjnë ndonëj vlerë të madhe”.

Kjo lëvizje sjell de jure fillimin e fundit të mandatit kryeministror të Edi Ramës, që de facto e vulosi 16 Shkurti, sipas aleatëve.

Dule: “Një mision i cili nuk mbaron me djegien e mandateve të këtij Parlamenti ilegjitim i cili i jep fund dhe qeverisjes së zotit Rama. Misioni është i vështirë, i rëndë dhe kërkon mbështetje sot më shumë se kurrë jo vetëm të tradicionalëve por gjithë atyre që janë të mashtura dhe gënjyer”.

Ndoka: “Axhenda e opozitës është e qartë, nëse ai nuk do të reflektojë natyrshëm për mijëra qytetarë është detyra jonë ti tregojmë mënyrën si duhet të largohet”.

Djegja e mandateve vlerësohet si rruga e vetme e rikthimit të legjitimitetit në parlament edhe për Lëvizjen Socialiste për Integrim. Zyrtarizimi i këtij procesi do të shënojë edhe precedentin. Kjo do të jetë hera e parë kur opozita parlamentare djeg gjithë mandatet e deputetëve të saj./abcnews.al

byro1.jpg
ent ela20:40 | 04/02/2019

Opozita ka paralajmëruar për protestë masive më 16 Shkurt, e cila do të mbahet përpara Kryeministrisë. Aleatët e Bashës sonte në studion e emisionit “Byro Politike”, kanë komentuar se ç’ kërkon opozita me zgjedhje tranzitore. Nga radhët e LSI-së ishte deputetja Klajda Gjosha e cila u shpreh se protestat opozitare do të arrijnë kulmin më 16 Shkurt.

Gjosha: “Besoj që nuk protestat nuk kanë nisur në 4 Shkurt, por është një valë protestash që ka filluar prej muajsh dhe do donim që të kulmonte në 16 Shkurt. Protesta ka nisur me Unazën e Re dhe ka qënë një nga skandalet më të mëdha. Qëndresa e qytetarëve atje është për t’u lavdëruar.

E dyta është protesta e studentëve dhe ka qenë një protestë pozitive. Opozita është aty për të mbështetur kur ata qëndrojnë fort. Qytetarët nuk kanë frikë ndaj një lideri autokrat, që ka në kontroll të gjitha llojet e pushteteve. Qytetarët qëndrojnë fort dhe ky është makthi më i madhe që ka Kryeministri. Opozita është në rrugën e duhur dhe vendi ka nevojë për një alternativë. Kjo bëhet vetëm nëpërmjet një qeveria trazitore për t’i dhënë vendit alternativë dhe shpresë”.

Ndërsa Dashamir Shehi u shpreh se nuk po kërkojnë protesta për të sjellë në pushtet Bashën.

Shehi: “Nuk po bëjmë fjalë për të larguar drejtorin e ambulancës, por po largojmë Kryeministrin. Një lloj pregatitje duhet për këtë punë dhe jo vetëm për organizimin e njerëve por ne duhet t’u themi njerëzve se ku pos shkojnë dhe çfarë iu ofrojmë. Ne duam t’i sqarojmë njerëzit. Kjo protestë shërben për njerëzit dhe duhet t’u themi çfarë bëhet pas kësaj dite. Ne nuk po rrëzojmë zotin Rama për të venë zotin Basha. Kjo është shumë e rëndësishme dhe duhet t’ua bëjmë të qartë. Ne nuk do e rrëzojmë Ramën për një qeveri tranzitore. Ne duam që të ofrojmë zgjedhje të lira, të largojmë bandat kriminalë, oligarëktë që zgjedhjet të mos bëhen më me pistoletë tek koka. Të krijohet një klimë e re dhe zgjedhet të bëhen të lira dhe shqiptarët të votojnë dhe të zgjedhin këtë të duan. Mund të zgjedhin sërish zotin Rama, ose Dukën, ose Shehin ose Bashën”.

Duka: “Ne gjithmonë në takime me Bashën kemi këmbëngulur për rregullimin e Kodit Zgjedhor. Basha në këtë rast nuk e mbajti fjalën, sepse gjithë kohën po artikulon do shkojmë pa Ramën në qeversije ndërkohë që nuk po fol për Kodin Zgjedhor.

Protestat janë të kuptueshme se populli po zien dhe është një kazan që po vlon dhe jo kazan mediatik sikur thotë Rama. Nuk po mendojmë shumë për alternativën, por në radhë të parë duhet të ikë Rama”.

Ndoka: “E para se duhet të jemi të qartë që opozita ka pasur përballje të vazhdueshme me mazhorancën. Beteja e parë është se Basha e ka rraf Ramën në mënyrë të barabartë si kryetar bashkie. Basha e pastroi politikën shqiptare si në Parlament, ashtu edhe në bashki. I bëri një shërbim të jashtëzakonshëm vendit. U fut në një marrëveshje me një fushë të minuar, sepse Rama e kishte pregatitur vendin për t’i fituar zgjedhjet. Ne dolëm të traumatizuar nga ato zgjedhje. Kjo u vërtetua edhe pse Basha e tha, por asnjë nuk e besoi”./abcnews.al

VOLVO-4-APEL-2-1280x728.jpg
ent ela14:07 | 15/11/2018

Pa kaluar tre javë nga mega-operacionit “Vol vo 4”, pas të cilit 34 persona shkuan me pranga në gjykatë, vetëm 17 prej tyre mbetën në qeli. Apeli i Krimeve të Rënda liroi të enjten nga qelia dy ish-deputetët Arben Çuko dhe Arben Ndoka. Për ta dhe 4 të tjerë masa “arrest në burg” u ndryshua në “arrestë shtepie”. Masa “arrest në burg” u la e pandryshuar për anëtarët e fisit Avdyli dhe persona të akuzuar për trafikun e narkotikëve.

Gjykata e Apelit për Krimet e Rënda vendosi të lirojë nga qelitë e paraburgimit dy ish-deputetët e Partisë Socialiste, Arben Çuko dhe Arben Ndoka. Ata u arrestuan në 21 Tetor në kuadër operacionit policor “Vol-Vo 4”, për goditjen e katër grupimeve kriminale në 12 qytete të vendit. Apeli ndryshoi masën “arrest në burg” dhënë më herët për ta, duke i lënë në “arrest shtëpie”.

Dy ish-anëtarët e Kuvendit nuk ishin prezentë në sallën e gjyqit gjatë shpalljes së vendimit. Ish-drejtori i Përgjithshëm i Burgjeve, Arben Çuko, akuzohet për një aferë korruptive gjatë drejtimit të këtij institucioni, ndërsa për ish-deputetin Ndoka, prokuroria ka ngritur dyshime për 7 vepra penale, mes të cilave “falsifikim dokumentesh”, “shpërdorim i tokës” dhe “grup i strukturuar kriminal”.

Masa “arrest në burg” ndryshoi  në “arrest shtëpiak” edhe për 4 të arrestuarit Ardit Gjyriqi, Paulin Simoni, Elis Guri dhe Zef Lazri.

Të njëjtin fat nuk patën 17 të dyshuar të tjerë të dosjes, për të cilët treshja e Apelit e përbërë nga gjyqtarët Sokol Binaj, Idriz Mulkurti dhe Dhimitër Lara la në fuqi masën “arrest në burg”. Në qelitë e paraburgimit do të hetohen gjithë anëtarët e fisit Avdyli dhe të arrestuarit e tjerë nga Shijaku, por edhe vëllai i ish-deputetit Ndoka, Gjevi Ndoka.

Prokuroria për Krimet e Rënda ka dyshime se ata janë të përfshirë në trafikun e drogës brenda dhe jashtë vendit, akuza që u mohuan prej tyre në gjykatë. Për katër të proceduar të tjerë të dosjes, Lule Zeneli, Zef Ndoka, Vasil Nika dhe Gent Zeneli, Apeli caktoi masën e sigurisë “detyrim për paraqitje”. Ata dyshohet të jenë përfshirë në çështjen e tjetërsimit të pronave në Lezhë. /abcnews.al

VOLVO-4-APEL-2-1280x728.jpg
ent ela13:59 | 13/11/2018

Gjykata e Apelit për krime të rënda pritet të shprehet në datën 15 nëntor lidhur me kërkesën e 24 prej të arrestuarve gjatë operacionit “VOL VO 4” për ndryshimin e masës së sigurisë “arrest në burg”, të caktuar nga Gjykata e Shkallës së Parë. Mes të prangosurve nga ky operacion të lënë në qeli janë edhe ish-deputetët Arben Cuko dhe Arben Ndoka.

Në seancën e së martës, të gjithë të arrestuarit personalisht, ose përmes avokatëve të tyre kanë mohuar akuzat e ngritura nga prokuroria. Dy ish-deputetët nuk ishin të pranishëm në seancë, por përmes avokatit kërkuan lirim nga paraburgimi duke pretenduar se akuzat ndaj tyre ishin të pabaza.

Ndërsa Astrit Avdyli nuk ka ngurruar të përmendë në seancë edhe kryebashkiakun e Durrësit. Sipas tij, ata janë miq dhe se besontë në platformën e tij politike. “Rroftë Dako dhe PS se aty i qaj hallet”, mësohet të jetë shprehur Avdyli. Më tej ai ka shpjegiuar se anëtarë të fisit Ndoka ishte njohur në burg, ndrësa ka mohuar kategorikisht të ketë përdorur për trafik droge. 24 nga 34 të arrestuarit në “Volvo 4”, përfshirë edhe dy-ish deputetët, janë lënë me masën e sigurisë “arrest në burg”, për 8 të tjerë gjykata e shkallës së parë kishte caktuar “arrest shtëpie”, ndërsa për dy gra kishte vendosur masën e sigurisë “detyrim paraqitjeje”./abcnews.al

 

vlcsnap-error205-1280x720.jpg
us er16:31 | 09/12/2017

Nga një atentat mafioz mbeti i vdekur Aleksandër Ndoka, vëllai i ish-deputetit socialist Arben Ndoka. Policia e Lezhës e gjeti të pajetë rreth orës 04:00 të mëngjesit të sotëm në makinën e tij teksa po shkonte në banesë. Autorët dyshohet se kanë qenë dy persona.

 Me 14 plumba kallashnikovi u ekzekutua pranë shtëpisë Aleksandër Ndoka, vëllai i ish deputetit socialist Arben Ndokës.

Policia e Lezhës njoftoi se 48 vjeçari u gjet i pajetë në orën  04:25 në mjetin  tip “Mitsubish”, me targa AA 382 SE .

Viktima po shkonte në banesën e tij që ndodhet në lagjen “Nënë Tereza” në Lezhë.

Atentatorët mendohet se kanë qenë dy, por ende nuk ka asnjë të dyshuar.

Grupi hetimor nën drejtimin e prokurorit po hetojnë për zbardhjen e plotë të vrasjes.

Për kapjen e autorëve janë ngritur  pika kontrolli në hyrje dhe ne dalje te qytetit si dhe po bëhet këqyrja e zonës për të gjetur prova rreth krimit.

Në ndihmë të policisë së Lezhës kanë shkuar edhe dy grupe të FNSH së Shkodrës.

Në komisariat u shoqëruan për t’u marrë në pyetje edhe familjarët dhe të afërmit e viktimës.  Kujtojmë se djali i viktimës Samuel Ndoka u ndalua kohë më parë si i dyshuar për një plagosje të ndodhur në Shëngjin.

Aleksandër Ndoka ishte i martuar dhe babai i katër fëmijëve.

Mësohet se para dy muajsh Ndoka ishte emëruar kryetar i IKMT në Shkodër.

Ndërsa që prej vitit 2015 ai ishte anëtar i Këshillit Bashkiak në Lezhë dhe njëkohësisht merrej edhe me një biznes privat.

Më herë ka punuar si jurist në hipotekën e Lezhës./abcnews.al

 

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono