ndjekje

5f25fd5e-dfe5-409a-9071-8049d7f98568.jpg
R D15:00 | 05/02/2020

Një ditë më parë policia ndoqi nga Devolli në Elbasan një makinë që drejtohej nga 23-vjecari Alidron Shehu. Më në fund duke hedhur zinxhirë në rrugë, policia arriti ta ndalojë atë në hyrje të qytetit të Elbasanit, ku u shkaktua dhe një aksident masiv me 5 të plagosur.

Gazetari i Abc News Aldo Kozarja raporton se ndaj automjetit Passat me targa greke që drejtonte 23 vjecari është qëlluar me armë nga policia, edhe pse kjo e fundit e ka mohuar.

Dyshimet e para të grupit hetimor janë se 23 vjeçari ka qenë duke transportuar lëndë narkotike. Gjithashtu nuk përjashtohet mundësia që ai të jetë vrasës me pagesë. Po kështu ka dyshime se ai mund të ketë qenë nën efektin e drogës, ndaj edhe i janë marrë analizat në spital.

Sakaq, 23 vjecari ne dëshminë përpara grupit hetimor ka ngritur alibinë se “po e ndiqte një fuoristradë e zezë”  ndaj është larguar me shpejtësi, duke i ikur policisë./abcnews.al

baf1b01b-0485-4130-a8de-d567a7144cd6.jpg
R D11:49 | 04/02/2020

Policia e Elbasanit ndërhyri për të parandaluar një atentat dhe si pasojë e ndjekjes ndaj personit të dyshimtë u shkaktua aksident masiv ku mbetën të plagosur 1 polic dhe 5 persona të pafajshëm. Autori, Aldrion Shehu u prangos në spital, pasi i kishte ikur policisë për disa kilometra.


Burimet i thanë gazetarit Aldo Kozarja se policia ka patur një sinjalizim për një atentat dhe është vënë në ndjekje të dy automjeteve që nga Librazhdi. Në Krastë të Elbasanit, blutë kanë tentuar të ndalojnë dy makina. Mësohet ndaj mjetit tip Passat i janë hedhur zinxhirë me gozhda për ta ndaluar. Ndërsa automjeti tjetër ka arritur të largohet.

Nga kjo përplasje janë plagosur 6 persona, 5 prej të cilave ndodhen në spitalin e Elbasanit, kurse polici Eugen Abdurrazaku është dërguar për mjekim më të specializuar në Tiranë. Burimet thanë se efektivi i Shqiponjave ka tentuar ti bëjë post-bllok autorit por ky i fundit e ka përplasur, duke i shkaktuar plagë të shumta.

Të plagosurit në spitalin e Elbasanit:

Diana Fadil Plaka 56 vjec nga Cerriku

Durin Aqif Plaka 56 vjec nga Cerriku

Adriana Agim Latifi 34 vjec Elbasan

Albert Agim Cani 48 vjec nga Elbasani

Dorina Valter Hazizi 34 vjec nga Elbasani

Në spitalin e Traumës, polici Eugen Abdurrazaku 27 vjeç.

Policia sqaron se makina e tipit “Passat” me targa greke që drejtohej nga 27- vjeçari nga Gjirokastra, Aldrion Shehu (shih videon) ka kaluar me shpejtësi të gjitha postoblloqet e mundshme nga Korça, Pogradeci dhe në Librazhd ku u shtuan forcat policore që e ndoqën dhe tentuan ta ndalojnë në Elbasan. Vetëm kur mjetët u përplasën u bë e mundur dhe arrestimi i drejtuesit të mjetit Passat, Aldrion Shehu. Nga ana tjetër policia mohon të ketë patur të shtëna me armë.

Njoftimi zyrtar i policisë për ngjarjen

“Më datë 04.02.2020, rreth orës 09:00, Salla e Drejtimit Korçë, ka njoftuar Sallën e Drejtimit të DVP Elbasan se mjeti tip Pasat i zi me targa Greke IEH 3922, nuk i ka ndaluar shërbimeve të policisë Korçë dhe Pogradec dhe është larguar me shpejtësi në drejtim të Elbasanit.

Menjëherë në Librazhd është ngritur pikë kontrolli e përforcuar , por drejtuesi i mjeti sa ka parë policinë ka marrë përpara sinjalistikën e vendosur në rrugë sipas procedurës për pikë kontrolli dhe nuk i është bindur urdhërit të policisë për të ndaluar duke rrezikuar jetën e punonjësve të policisë dhe ka vijuar me shpejtësi të madhe në drejtim të Elbasanit.

Shërbimet e Policisë së Librazhdit janë vënë në ndjekje të mjetit deri në Elbasan duke mbajtur komunikim me shërbimet policisë në Elbasan.

Forcat Shqiponja , ato të Patrullave të Përgjithshme dhe të Qarkullimit Rrugor, në hyrje të qytetit Elbasan në aksin rrugor Librazhd -Elbasan, kanë ngritur pikë kontrolli duke kontrolluar rrugën.

Drejtuesi i mjetit ka tentuar të largohet duke goditur makinën e policisë dhe dy mjete të tjera.

Si pasojë është plagosur jashtë rrezikut për jetën një punonjës policie dhe 4 shtetas.

Drejtuesi i mjetit shtetasi A. Sh, 27 vjec , banues në Gjirokastër është shoqëruar në Polici për veprime të mëtejshme.

Ky drejtues mjeti edhe në vitin 2018 , ka kryer të njëtat veprime duke mos ju bindur urdhërit të punonëjsit të policisë për të ndaluar.

Nga kontrolli i mjetit nuk u gjetën armë apo lëndë narkotike por vetëm disa targa atuomjetesh.

Theksojmë se nuk ka patur asnjë të shtënë me armë zjarri gjatë ndalimit të automjetit.

/abcnews.al

*Polici i plagosur Eugen Abdurrazaku

policia-durres.jpg
Autor E09:52 | 07/12/2019

Një pengmarrje si në filma ka ndodhur sëfundmi në Tiranë ku dy persona kanë futur fillimisht me forcë në makinë një 23 vjeçar nga Maqedonia duke i kërkuar 250 mijë euro pasi i kishin vënë pistoletën në kokë.

Burime zyrtare bëjnë me dije se ngjarja ka ndodhur gjatë ditëve të fundit në lagjen “Ali Demi” pranë Kryegjyshatës Bektashiane ku dy persona, një 41 vjeçar dhe një 42 vjeçar fillimisht futen me forcë në makinë 23 vjeçarin nga Maqedonia Davor Velefski.

Pasi e kanë futur në makinë ata i kanë vendosur pistoletën në kokë duke i kërkuar 250 mijë euro.

Dalin pamjet e operacionit: Si e shpëtoi policia maqedonasin që u mor peng për 250 mijë euro në Tiranë

Pasi është informuar për ngjarjen, policia është vënë në ndjekje të personave duke i arrestuar. Njëri prej tyre tentoi të largohej në këmbë me vrap, por pas një ndjekjeje të shkurtër efektivët e policisë kanë mundur ta kapin.

Të arrestuarit janë Abert Xhoka dhe Sokol Masha, të cilët tani akuzohen për veprat penale “Heqje e padrejtë e lirisë” dhe “Shtrëngimit me anë të kanosjes ose dhunës për dhënien e pasurisë”.

Atat hodhën poshtë akuzat pasi pretendonin se nuk ishte pengmarrje por se 23 vjeçarit i kishin bërë presion për kthimin e një borxhi.

Nga policia është proceduar dhe shtetasi tjetër maqedonas Subi Ethemi për moskallëzim krimi.

Njoftimi i policisë

Tiranë

Goditet një rast i heqjes së padrejtë të lirisë dhe shtrëngimit me anë të kanosjes ose dhunës për dhënien e pasurisë.

Finalizohet operacioni policor i koduar “Lake”.

Vihen në pranga dy shtetas dhe një tjetër procedohet në gjendje të lirë.

Forca e Posaçme “Shqiponja” në bashkëpunim me Komisariatin e Policisë Nr.1, në sajë të informacioneve të marra në rrugë operative, zhvilluan operacionin policor të koduar “Lake” si rezultat i të cilit u arrestuan në flagrancë për veprat penale “Heqje e padrejtë e lirisë” dhe “Shtrëngimit me anë të kanosjes ose dhunës për dhënien e pasurisë”, shtetasit:

– A. Xh., 41 vjeç, dhe S. M., 42 vjeç, banues në Tiranë.

Gjithashtu u procedua në gjendje të lirë për veprën penale “Moskallëzim krimi”, shtetasi: S. E., 50 vjeç, lindur dhe banues në Strugë/Maqedoni.

Këta tre shtetas në bashkëpunim me njëri-tjetrin i kanë hequr lirinë shtetasit maqedonas D. V., 23 vjeç dhe nën kërcënimin e armës i kanë kërkuar një shumë prej 250 000 eurosh.

Materialet procedurale iu referuan për veprime të mëtejshme Prokurorisë së Rrethit Gjyqësor Tiranë.

shqiptari.jpg
ad min12:02 | 05/06/2019

Rezistencë ndaj policëve dhe mos justifikim të pajisjeve që i përdoren për vjedhje në makinën e tij. Kështu ra në pranga një 41-vjeçar shqiptar në Itali. Mediat italiane bëjnë me dije se ai quhet Ylber Markja dhe u kap të martën mbrëma. Fillimisht, ai nuk i ishte bindur urdhrit të policisë për të ndaluar gjatë kohës që po i jepte një makine tip “Seat Leon”.

Pas kësaj, autoritetet ishin vënë në ndjekje të veturës. Pas disa kilometrash ndjekje, shqiptari u fut në një rrugë të gabuar, në të cilën rrezikonte edhe jetën e përdoruesve të tjerë të saj.

Duke parë që nuk kishte rrugëdalje dhe karabinierët që i ishin ngjitur nga pas, sëbashku me dy persona të tjerë ende të paidentifikuar, ndaluan makinat dhe tentuan që të largoheshin me vrap.

Por ky rezultoi edhe gabimi i Markjes pasi arriti të kapej nga policia. Më vonë gjatë kontrollit të ushtruar në automjet u gjet një arsenal i vërtetë mjetesh, të cilat shqiptari i përdorte për të vjedhur, duke përfshirë kapuç, leva, pinca, kaçavida, çekiç,  doreza etj. Pasi u arrestua Ylber Markja u dërgua në burgun Santa Maria Capue Vetere.  /abcnews.al

MBULIM-HAJDUTI-SHQIPTAR.mpg_snapshot_00.08-1280x647.jpg
ad min16:52 | 14/10/2018

Një shtetas shqiptar ka humbur jetën dhe dy të tjerë mbetën të plagosur në Itali si pasojë e një aksidenti të rëndë në rajonin e Lombardisë. Ngjarja e rëndë ndodhi në orët e para të së dielës. 3 shqiptarët, të cilët kishin kryer një grabitje, po tentonin t’i iknin policisë italiane duke ecur me shpejtësi të lartë në automjetin e tipit “BMW”. Por drejtuesi i mjetit ka humbur kontrollin dhe kanë përfunduar jashtë rrugës, ndërsa shpejtësia e mjetit sipas mediave italiane, i kalonte 200 kilometrat në orë. Shqiptari që humbi jetën është identifikuar si A.K 31 vjeç. Menjëherë në vendngjarje mbërritën dhe disa ambulanca. Ndërkohë, pas kontrollit në mjetin e aksidentuar, policia ka zbuluar mijëra euro të grabitura si dhe disa bizhuteri./abcnews.al

vlcsnap-error020-1280x720.jpg
ad min17:29 | 02/03/2018

Një makinë e policisë ka aksidentuar një automjet që po transportonte drogë. Ngjarja ka ndodhur në Sarandë.
Sipas burimeve të ABC News, efektivët e policisë më herët kishin marrë informacion se një makinë, ku ndodheshin dy persona kishte drogë. Mjeti po udhetonte në rrugen nacionale pranë Bistricës.
Policia gjatë ndjekjes e ka goditur makinën nga pas dhe ka ndaluar në flagrance dy persona. Ende nuk ka të dhëna për sasinë e drogës që po transportonin dy të arrestuarit./abcnews.al

vlcsnap-error705-1-1280x720.jpg
ad min15:52 | 06/01/2018

Vijojnë të mos kenë rezultat kërkimet intensive të policisë shqiptare mbi një gomone të pikasur të premten në afërsi të ishullit të Sazanit. Ky mjet lundrues nuk iu bind sinjaleve të policisë për ndalim. Gomonia mundi t’i shpëtojë ndjekjes të bërë nga deti dhe nga ajri përmes manovrave të befta në det dhe fuqisë së lartë motorrike.

Policia e Shtetit njoftoi se fillimisht në ndjekje të gomones u vunë tre mjete lundruese, pas dyshimeve se ajo do të përdorej për transportimin e një sasie droge. Për shkak të pamundësisë së neutralizimit të lëvizjeve të saj është kërkuar ndihma e anijes “Oriku” si edhe të një helikopteri “Cougar” të Forcave të Armatosura. Njëkohësisht janë lajmëruar edhe forcat e Guardia di Financias në Shqipëri e Itali. Nga pamjet filmike të realizuara nga helikopteri gjatë ndjekjes së gomones në ujërat neutrale në bordin e saj janë vënë re tre persona dhe disa bidona plastike, ndërsa pjesa tjetër ka qenë bosh.

Sipas policisë dyshohet se gomonia është fshehur në ndonjë gji detar në ujërat territoriale mes Malit të Zi dhe Kroacisë, zonë ku po vijon kërkimi nga ajri. Nga krehja e zonës në gadishullin e Karaburunit policia ka gjetur 28 kilogramë lëndë narkotike të ndarë në 5 pako, ndërkohë që vazhdon kërkimi për gomonen./abcnews.al

 

vlcsnap-error479-1280x720.jpg
ad min19:55 | 05/01/2018

Një gomone u pikas nga policia shqiptare pasditen e sotme në afërsi të Karaburunit. Megjithëse u është bërë thirrje nga forcat detare për të ndaluar, tre skafistët vazhduan lundrimin në det. Në ndjekje të gomones u vunë tre mjete lundruese të policisë kufitare, Delta Forcë, anija Oriku dhe helikopteri i FA. Deri tani nuk është bërë e mundur kapja e gomones pasi dyshohet se është fshehur në ndonjë gji bregdetar, në ujërat territoriale midis Malit të Zi dhe Kroacisë, por vijon kërkimi nga ajri nga Guardia di Finanza. Nga pamjet filmike të realizuara nga helikopteri i FA, në bordin e gomones dallohen tre persona dhe disa bidona plastikë, ndërsa pjesa tjetër e bordit ishte bosh. Dyshohet se gomonia do të merrte lëndën narkotike në Sazan për ta trafikuar drejt Italisë. Nga krehja e zonës në gadishullin e Karaburunit policia ka gjetur 28 kilogramë lëndë narkotike të ndarë në 5 pako./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono