ndeshje

psg.jpg
G. P.13:59 | 13/12/2018

Skuadrat kryesore të Europës pësuan humbje në ndeshjet e fundit të Ligës së Kampionëve. Të rënda, sidomos, disfatat për Realin dhe Juventusin.

Nuk mbahet mend të ketë ndodhur kaq keq më parë. Katër skuadra favorite u mposhtën në ndeshjet e fundit të Championsit, madje Reali e Juventusi mund të thuhet se u turpëruan. Bashkë me ta, edhe Manchester United, i thyer në Spanjë nga Valencia, dhe Roma e mposhtur në Çeki nga Viktoria Plzenj.

Çfarë ndodhi që gjigandë të tillë si madrilenët dhe juventinët u dorëzuan kaq pa lavdi?

Duke lënë mënjanë, për momentin, teoritë konspirative, le të themi se Reali thjesht konfirmoi se nuk mund t’i zihet besë këtë sezon. Juvja, ndërkaq, pati një mbrëmje “jo” në fushën e një rivali mjaft modest si Young Boys-i i Zvicrës, në një sfidë si ajo e Davidit ndaj Goliadhit.

Kampionët e Italisë kanë të ardhura vjetore prej mbi 400 milionë eurosh, ndërsa zviceranët mezi arrijnë në 35 milionë. Cristiano Ronaldo sërish nuk arriti të shënonte, ndonëse ishte titullar. Prej 11 vitesh nuk i ndodhte që të shënonte vetëm 1 gol në fazën e grupeve në Champions. Reali, kampion i Europës, pësoi një humbje që as nuk mund të mendohej, 0-3 në “Bernabeu” ndaj CSKA-së së Moskës, disfata më e rëndë në shtëpi në histori, në Ligën e Kampionëve.

Trajneri Solari bëri ndryshime në formacion, por gjithsesi pati mjaft emra të njohur, plus pas pushimit u aktivizuan edhe Kross, Karvajal apo Bale. Po në këtë grup, i hidhur edhe dështimi i Romës. Klubi italian ishte padyshim një gjigand i vërtetë në krahasim me Viktorian modeste të Plzenjit nga Çekia, me një buxhet shumë më të vogël.

Humbja 1-2 nuk i prishi punë romanëve, por i futi edhe më shumë në krizë dhe e afroi shkarkimin e trajnerit Di Françesko.

E rëndë edhe për Manchester United dhe për Jose Mourinhon. Edhe pse me një ekip me mjaft ndryshime, sërish trajneri portugez priste më shumë në Spanjë, ku u mund 1-2 nga Valencia. Ai i dha shans yllit kryesor të ekipit, Paul Pogba, veçse as francezi nuk mundi të ndryshonte balancën e ndeshjes, ndërsa konflikti i tij me Mourinhon vazhdon. Pavarësisht se shumë nga skuadrat e mëdha pësuan humbje, ato e siguruan kualifikimin për në turin e dytë.

Të hënën hidhet shorti dhe të kualifikua janë këto.

Vendet e para në grup: Barcelona, Bayern, Dortmund, Juventus, Manhcester City, Paris SG, Porto, Real Madrid.

Vendet e dyta në grup: Ajax, Atletiko Madrid, Liverpool, Lyon, Manchester United, Roma, Schalke, Tottenham./abcnews.al

KONFERENCE-ILIR-DAJA-ABCM5T2.mpg_snapshot_00.39-1280x720.jpg
G. P.22:27 | 22/11/2018

Flamurtari-Partizani do të jetë sfida hapëse e javës së 14 të kategorisë superiore. Trajneri i Flamurtarit, Ilir Daja tha për mediat se fitorja është objektivi i vetëm për keëtë ndeshje.

Një ndeshje ku nuk pranohet hapi fals. Flamurtari do të presë në shtëpi skuadrën e Partizanit në sfidën e cila do të startojë në orën 18:00. Vlonjatët janë të destinuar për tre pikët pasi e shohin veten në vendin e 6 ne kuoten e 19 pikëve. Në konferencën në prag të kësaj sfidë, trajneri Ilir Daja tha se skuadrës i duhen më shumë se kurrë tre pikët.

Ilir Daja: “Do të jetë shumë e vështirë, por ashtu siç kërkon Partizani për të ruajtur objektivat e veta, ashtu kërkojmë dhe neve rikuperimin në tabelën e klasifikimit. Kështu që nesër duhet që të kemi një qëndrueshmëri sa më të madhe taktike dhe nga ana psikologjike, në mënyrë që të shkojmë drejt asaj që kërkojmë marrjen e rezultatit pozitiv, marrjen e një 3 pikëshi.”/abcnews.al

auto_13532925_1637597443046630_7897455960859023270_n1475789572.png
G. P.22:04 | 20/11/2018

Kombëtarja shqiptarja rikthehet te fitorja pas disfatës ndaj Skocisë. Kuqezinjtë fituan me shifrat minimale 1-0 në miqësoren e zhvilluar në “Elbasan Arena” ndaj Uellsit të Gareth Bale.

Shqipëria rikthehet të fitojë. Kuqezinjtë mposhtën Uellsin në miqësoren e zhvilluar në Elbasan Arena me shifrat minimale 1-0. Golin e vetëm të takimit e shënoi sulmuesi Bekim Balaj nga pika e bardhë e 11 metërshit. Një fitore që vjen në një moment aspak të mirë për djemte e drejtuar nga tekniku panuçi pasi u shkatërruan ndeshjen e kaluar ndaj Skocisë me shifrat 4-0.

Në Elbasan Arena u shihej qartë një skuadër tjetër nga ajo e ndeshjeve te funditt, lojë bindëse, futbollistë të rreshtuar mire, reduktim i gabimeve në mbrojtje dhe mbi të gjitha një përmirësim në fazën sulmuese. Ndoshta çelesi i suksesit të fitores ishte largimi i presionit nga lojtarët pasi ishte vetëm një miqësore, ndoshta ishte lëvizja e duhur taktika e trajnerit panuçi. Por më shumë rendesi ka që kuqezinjtë u riktheyn te fitorja e cila ishte shndërruar në një tabu.

Në të 14 minute janë miqtë që tentojnë të surprizojnë nga goditja e dënimit, por topi i goditur nga Uillson por topi ndalet në rrjeten e jashtme. Në të 35 minut ndodh një episodë që nese do te ishte ndeshje zyrtare, arbitri nuk do ta kursente kartonin e kuq. Taulant xhaka humbet kontrollin dhe përplaset fizikisht me futbollistin Bruks. Pjesa e parë mbyllet me rrjeta të paprekura.

Fillimi i fraksionit të dytë të lojës nis në fushore për kuqezintjë pasi në të 58 minutë gjyqtari akordon 11 metërsh për Shqipërinë, që shënderrohet në gol nga Bekim Balaj. Një gol që aq shumë i mungonte kuqezinjve. Aktivizmi i Bale i hap punë kombëtares shqiptare, por uellsiani nuk ia del të gjejë rrugën e rrjetes.

Minutën e fundit të takimit, ylli i real Madrid ekzekuton një goditje dënimi, por topi ndalet në murin mbrojtes. Gjyqtari sinjalizon përfundimin e këtij takimi dhe Shqipëria merr frymë lirisht. Pas kësaj fitoreje trajneri Panuçi i ka më të qarta idetë e tij se ç’duhet të bëjë në takimin e radhës./abcnews.al

KOSOVA-ME-5-YJE.mpg_snapshot_01.09-1280x805.jpg
G. P.22:37 | 17/11/2018

Përfaqësuesja e Kosovës vazhdon të mrekullojë me paraqitjet e saj në Nations League. Viktima e radhës ishte Malta të cilën e shpartalluan me shifrat e thella 5-0
Perfaqesuesja e kosovës me pesë yje. Verdheblute likuiduan me shifrat e thella 5-0 kombëtaren e Maltës. Fitore e cila e ngjiti Kosovën në vendin e parë ne grupin 3 të ligës D në kuotën e 11 pikëve. Heroi i takimit për Kosovën ishte Avdijaj me dy gola të shënuar. Festivalin e golave e hapi Muriqi i cili rezultoi të ishte goli i vetëm në pjesën e parë. Fraksioni i parë i lojës ishte i balancuar, ndërkohë që në pjesën e dytë Kosova dhuroi spektakël.

Në 70-n minut Kulolli realizon një gol alla-Messi duke lënë të shtangur portierin Hog. Në të 71 minut inkuadrohet në fushën e lojës Avdiaj, i cili realizoi një dopietë personale. Në të 78 minut shënon golin e tretë me portën e boshatisur, ndërsa dy minuta më vonë realizon edhe të katërtin për Kosovën. Për ti vendosur kapakun ndeshjes mendon Rashica në fundin e takimit. Goli i tij është një mrekulli më vete. Pas driblimit të kundershtarëve, Rashica lëshon një goditje të fuqishme që ndalet në shtyllë e më pas në rrjetë. Kosova merr tre pikët e radhës dhe vazhdon rritjen. progresive./abcnews.al

berat-gjimshiti.jpg
G. P.19:52 | 13/11/2018

Berat Gjimshiti dhe Andi Lila dolën përpara gazetarëve, për ndeshjen e radhës në Ligën e Kombeve. Gjimshiti është optimist pas golit së shënuar në Serinë A, ndërsa Lila nuk shqetësohet nga rezultatet e fundit.

Në kombëtare vjen menjëherë pas këtij goli. Berat Gjimshiti luajti një ndeshje të madhe për Atalantën kundër Interit në Serinë A edhe në sulm, por edhe në mbrojtje ku ka vendin, dhe natyrshëm që duhet të jetë edhe më optimist.

Çfarë thotë qendërmbrojtësi në pritje të sfidës ndaj Skocisë?

“Kam pas momente më të mira kur kam pasur gol. Vij këtu për të dhënë maksimumin”, tha Gjimshiti

Çfarë nuk shkon tek skuadra, sipas Gjimshitit?

“Ishte një lojë që e patëm në dorë. Kemi luajtur shumë mirë dhe bëmë një gabim që morëm atë gol”, u shpreh Gjimshiti.

Mbrojtësi tjetër kuqezi, Andi Lila, tregohet edhe më optimist, madje nuk i pëlqejnë kritikat ndaj ekipit.

“Ekipi është në një fazë ndërrimi gjeneratash. Do kohën e vet. Mendimi im personal është që ndeshjet e fundit kombëtarjha ka luajtur shumë mirë. Ne duhet të japim 200 përqin”, u shpreh Lila.

Në këtë ndeshje, Lila mund të luajë si mbrojtës i majtë, në vend të Hysajt të pezulluar./abcnews.al

DAILY-MAIL-SHAQIRI_ABC-M1-T1.mpg_snapshot_00.11-1280x720.jpg
G. P.12:34 | 07/11/2018

Vendimi i Liverpul për të lënë jashtë ekipit futbollistin me origjinë shqiptare Xherdan Shaqiri në ndeshjen kundër Cverna Zvezdës në Beograd, është komentuar nga shumë media britanike. Daili Mail shkruan se në këtë rast kanë fituar idiotët.

Prestigjozja britanike Daili Mail i ka dhënë shumë hapësirë vendimit të ekipti të Liverpul për të lënë jashtë formacionit futbollistin me origjinë shqiptare Xherdan Shaqiri, në ndeshjen kundër Cverna Zvezdës në Beograd. Në titullin kryesor shkruhet: Fituan idiotët! Shaqiri nuk udhëtoi me skuadrën e Liverpulit për t’u përballur me Crvena Zvezdën në Beograd. Shqiptari i Kosovës që luan për Zvicër festoi me shqiponjën dykrenare golin kundër Serbisë në Botëror. Vendimi për të mos e marrë Shaqirin ka bërë që tashmë ky vendim të konsiderohet politik shkruan Daily Mail.

Liverpool u mundua të ulte tensionet në Beograd dhe la Xherdan Shaqirin në shtëpi kur udhëtoi për në stadiumin “Marakana” në Serbi për tu përballur me Crvena Zvezdën mbrëmjen e së martës, ku ekipi britanik u mund me rezultatin 2 me 0 në ndeshjen e vlefshme për Champions League.
Vendimi u mor për të evituar një lloj hakmarrjeje për lojtarin që bëri shqiponjën me duar, simbolin e Shqipërisë, pasi shënoi për Zvicrën në Botëror duke e mundur Serbinë, vendin që patriotët e tij e luftuan për të fituar pavarësinë, shkruhet më tej. Trajneri i Liverpul Jurgen Klop pak ditë para ndeshjes shprehej se ky nuk ishte një vendim i kërkuar nga Shaqiri pasi ai dëshironte të luante. Por e ka pranuar duke kuptuar situatën.

…dhe Liverpool humbi. Sepse një gjë që duhet vlerësuar në golin kontrovers të Shaqirit për Kombëtaren zvicernae në fitoren 2-1 në Kaliningrad këtë verë. Mënyra e festimit të Shaqirit suhte një reagim ndaj sjelljeve të tifozëve serbë të cilët fishkëllenin sa herë aiprekte topin. Dhe sa herë portreti I tij shfaqej në ekranin e madh atë e fyenin. Por ai u largua nga fusha me kokën dhe duart lart tek tifozët serbë, triumfues edhe pse shtatshkurtër. Vendimi i Liverpool ka vendosur një precendent që nuk i ndihmon futbollit. Dy javë më parë, trajneri i Crvena Zvezdës bëri një deklaratë publike për pritjen që do i bëhej Shaqirit nëse shkonte në Beograd.
“Mendoj që Shaqiri do të përjetonte një presion të madh psikologjik”, tha Terzic. “Ai e di ku po vjen. Nuk e di nëse ai do të luan në Marakana në këto kushte”.
Një deklaratë e papranueshme, sipas Daili Mail, e bërë nga një ekip që përdor politikën si mjet për të përfituar duke lënë Liverpoolin pa një lojtar të rëndësishëm në Beograd.

Nuk ka pasur asnjë agjenci inteligjente që ka paralajmëruar për ndonjë kërcënim me jetë kundër Shaqirit. Madje nuk ka pasur as ndonjë parullë të përgatitur kundër lojtarit para kësaj ndeshje, shkruante gazetari i njohur serb i sportit Milos Markovic. Crvena Zvezda i ka tërhequr vërejtje tifozëve për faktin se klubi është në presion të vazhdueshëm të UEFA-s dhe rrezikon gjoba të rënda dhe ndoshta edhe eliminim nga gara nëse sinjalizohen sjellje kundër rregullave të saj. Por, idiotët fituan. Në vend që të largojnë elementin politik dhe të “fokusohen në një ndeshje futbolli, të lirë nga çdo gjë”, siç tha Klopp, vendimi ishte më shumë politik. Nuk ka asnjë justifikim për supozimet që dominuan konferencën për shtyp në stadium, përfundon shkrimi./abcnews.al

gjermant.png
G. P.15:02 | 17/10/2018

Gjermania pësoi një tjetër disfatë në Ligën e Kombeve. Ish-kampionët e botës nuk ia dolën dot në Francë, por gjithsesi loja e tyre dha shpresë për të ardhmen. U bë modë që kjo skuadër të humbë.

Nëse më parë thuhej se Gjermania vetëm fiton, tashmë gjigandët e futbollit e kanë tepër të vështirë që t’ia dalin. Disfatë edhe në përballjen ndaj Francës, dhe eleminim nga Liga e Kombeve, madje me rrezikun për të rënë nga kategoria. Nuk ishte thjesht humbja apo rezultati 1-2 që dëshpëruan publikun gjerman, por fakti se kombëtarja e tyre nuk arrin të reagojë edhe pas eleminimit nga Botërori, dhe se ka fituar vetëm tri herë në 11 takimet e fundit. Frika e madhe është se ndoshta futbolli gjerman sot nuk ka potencialin për të reaguar e për të qenë në nivelin e më të mirëve, duke sjellë pesimizëm e fatalitet. Gjithsesi, nuk është se ndeshja në Paris u luajt keq, aq më shumë që përballë ishin kampionët e botës. Toni Kros kaloi miqtë në epërsi në “Stad dë Frans” që në minutën e 14-të. Trajneri i Francës, Deshamp, e thotë qartë vështirësinë.

Didie Deshamp, trajner i Francës: “Vuajtëm shumë ndaj Gjermanisë në pjesën e parë, derisa arritëm të reagonim pas pushimit. U detyrova të bëja ndryshime në lojë. Gjithsesi, sukseset tona vijnë në radhë të parë nga uniteti, dhe kjo më lejon që të bëj ndryshimet që dua”.

Franca ia doli pas dy golave të Antuan Grizmanit, pas pushimit, dhe sulmuesi i Atletikos së Madridit, gjithashtu lavdëron rivalët.

Antuan Grizman, futbollist i Francës: “E patëm shumë të vështirë në fillim, pasi ata na zunë në befasi duke luajtur me 3 lojtarë në mbrojtje. Në pushim të ndeshjes ne ishim të qetë dhe folëm me njëri-tjetrin. Ndryshuam disa gjëra taktikisht dhe kjo na ndihmoi”.

A ndihet nën presion trajneri gjerman, Joakim Lëv, pas një tjetër humbjeje?

Joakim Lev, trajner i Gjermanisë: “Jam i zhgënjyer me rezultatin, por aspak me lojën. Ishte një humbje krejt e ndryshme nga ajo e së shtunës. Ne luajtëm shumë mirë futboll, dhe mendoj se ishim në nivel të njëjtë me ekipin më të mirë të botës. Diferencën e bëri sidomos cilësia individuale më e madhe e Francës”.

Edhe publiku gjerman duket se pati ndjenja pozitive. Gazeta “Bild” e shprehu më së miri shpresën e tifozëve: “Kjo është rruga e duhur Jogi! Nuk ka rëndësi nëse biem nga kategoria në Ligën e Kombeve, por që të pretendojmë në Euro 2020 dhe kjo po bëhet, pavarësisht humbjes. Iu dha shansi lojtarëve të rinj e të motivuar”. Në Francë, natyrisht që ka krenari dhe ndjenjë lavdie. “L’Ekip”: Njëri ose tjetri! Franca mund të mbështetet gjithnjë tek njëri nga sulmuesit e saj për të shënuar golat dhe për të arritur fitoret”. Franca kualifikohet për në gjysmëfinalen e Ligës së Kombeve, nëse barazon në Holandë, ose nëse humbet duke shënuar më shumë se dy gola./abcnews.al

PRAG-FRANCE-GJERMANI.mpg_snapshot_00.52-1280x720.jpg
G. P.15:56 | 16/10/2018

Francë-Gjermani është sfida e madhe e Ligës së Kombeve, sonte në mbrëmje, në orën 20:45. Kampionët e botës jepen favoritë, por gjermanët premtojnë të mos dorëzohen.

Është më mirë kur feston përpara luftës. Dikur e bënin gjeneralët apo piratët e famshëm, ndërsa mbrëmjen e së hënës e bëri kampionia e botës, Franca, në prag të duelit të madh ndaj Gjermanisë, sonte në 20:45. Trajneri Didie Deshamp mbushi 50 vjeç. Gjithsesi, në futbollin profesionist kremtimet janë të shkurtëra, dhe francezët iu vunë punës për të qenë gati për ndeshjen e Ligës së Kombeve. Florian Toven i Marsejës nuk luan për shkak dëmtimi, po ashtu mbrojtësi i Barcelonës, Ymtiti, ndërsa shqetësimi më i madh ishte tërheqja nga kombëtarja e mbrojtësit të Arsenalit, Koshielni, duke akuzuar trajnerin për padrejtësi. Franca jepet favorite, por jo edhe aq për Deshampin.

Didie Deshamp, trajner i Francës: “Nuk pres që përballë nesh të jetë një Gjermani e dorëzuar. Gjermania mbetet gjithnjë Gjermani, pavarësisht nga momenti. Nuk mund ta quajmë veten favoritë, por të luftojmë fort siç kemi bërë deri tani. Nuk jemi ende të kualifikuar, ndërsa në grupin tonë mund të ndodhë gjithçka”.

Gjermania udhëtoi drejt Parisit e ndërgjegjshme sesa të vështirë do ta ketë. Katastrofa në Holandë, që pasoi dështimin në Botëror, e kanë ulur shumë moralin, ndërsa shumë prej lojtarëve nuk janë aspak në formë. Trajneri Joakim Lëv është nën kritika të ashpra, ndërsa duhet të gjejë mënyrën për t’u kthyer tek suksesi. Në një sfidë që mendohet përcaktuese për fatin e tij, Lëv, nuk do të ketë mbrojtësin e dëmtuar të Bajernit, Boateng, ndërsa kapiteni Manuel Nojer është hija e vetvetes. Gjithsesi, trajneri nuk dorëzohet.

Joakim Lev, trajner i Gjermanisë: “Humbja në Holandë ishte shumë e dhimbshme për të gjithë, sidomos për tifozët. E dija që rruga jonë për t’u kthyer tek suksesi do të ishte e vështirë. Është një proces ku do të marrim shumë goditje, por nuk do të shkojmë në Francë të dorëzuar. Duhet të mbledhim gjithë forcat tona, dhe kam folur me lojtarët për këtë. Do të bëj ndryshime, por Manuel Nojer mbetet në portë. Ai është kapiteni ynë”.

Dy skuadrat barazuan pa gola në Berlin, në ndeshjen e parë në Ligën e Kombeve, ndërsa bilanci total është në favor të francezëve, me 13 fitore e 10 humbje, por sidomos me dominim në 30 vitet e fundit. Edhe parashikimet janë Francën favorite, me kuotën 1.8 për fitoren vendase, 3.75 për barazimin, dhe 4.3 për suksesin e Gjermanisë./abcnews.al

KOMBETARJA-GJERMANE-NE-KRIZE.mpg_snapshot_00.05-1280x783.jpg
G. P.19:55 | 14/10/2018

Kombëtarja gjermane është nën kritika të ashpra pas humbjes së rëndë ndaj Holandës në Ligën e Kombeve. I akuzuari kryesor, trajneri Joakim Lëv.

Cila skuadër mund të pësojë 6 humbje në 10 ndeshjet e fundit? Padyshim që nuk mund të jetë Gjermania, por ja që është pikërisht ajo. Kampionia e botës deri në qershor të këtij viti, kapitulloi përsëri, madje për zemërimin e tifozëve, në derbin aq shumë të ndjerë ndaj Holandës. Askush nuk mund ta mendonte që formacioni holandez, prej vitesh i çoroditur plotësisht, do të ishte në gjendje të shkatërronte 3-0 katër herë kampionët e botës, në ndeshjen e Ligës së Kombeve në Amsterdam. Van Dajk, Depai dhe Vajnaldum ishin autorët e golave. Kjo disfatë, bashkë me barazimin në fushën e vet ndaj Francës, rrezikojnë që Gjermania të bjerë nga kategoria në këtë kompeticion, duke zbritur në nivelin B. Paradoksi ishte i madh, pasi skuadra e trajnerit Joakim Lëv pati mjaft raste për të shënuar, pra ishte në gjendje të luante futboll, ndërsa deri në minutën e 87-të rezultati ishte vetëm 0-1.

“Ne kemi humbur besimin, – ishte analiza e Joakim Lëvit, – problemi ynë më i madh është që nuk po shfrytëzojmë rastet. Mund të kishim kaluar të parët në avantazh, patëm disa mundësi gjatë ndeshjes, dhe gjithçka do të kishte shkuar ndryshe”.

Lëv u bë pikërisht ndaj Holandës, trajneri rekordmen i Gjermanisë me 168 ndeshje në stol, por nuk ishte një mbrëmje e lumtur. Ish-ylli Mikael Balak ishte shprehur kritik ndaj Lëvit që përpara ndeshjes, duke thënë për “Dojçe Velen” se “jam i habitur sesi trajneri nuk u shkarkua pas Botërorit”. Legjenda e dikurshme e Gjermanisë, Oliver Kahn, i doli në krah trajnerit, por me paralajmërim.

“Tashmë, Botërori ka mbetur prapa, – u shpreh ai në studion e ZDF-së, – kritika të tilla nuk ndihmojnë, por vetëm prishin punë. Është e qartë se lojtarët dhe trajneri janë në borxh me publikun, por është koha që futbollistët dhe sidomos kampionët e botës të tregojnë veten”.

Mediat gjermane, padyshim që ishin të ashpra.
“Bild”: “Bilanci horror i Jogit, Gjermania nuk kishte pësuar kaq shumë humbje që nga viti 1985. Presidenti flet për krizën, por kritikat për trajnerin janë me tone të buta”.
Revista “Kiker”: Kombëtarja, vetëm karrikatura e vetvetes! Presidenti Grindel për thirrje për unitet, ndërsa drejtori sportiv, Birhof, nuk pranon të flasë.
“Berliner Cajtung” bën ironi për lojtarët e Bajernit: Blloku i Bajernit, Nojer, Humels, Boateng, Myler, zgjuan simpati në kombëtare!
“Frankfurter Algemajne Cajtung” flet për tifozët: Ne nuk jemi aspak fajtorë! Tifozët iu kundërvunë lojtarëve kur këta shkuan t’i përshëndesnin pas ndeshjes.

Joakim Lëv ende nuk mund të thuhet se rrezikon postin, por për tifozët kjo nuk ka shumë rëndësi. Kryesorja është se kur Gjermania e tyre do të jetë përsëri e madhe./abcnews.al

IZRAELI-ESHTE-OPTIMIST.mpg_snapshot_00.41-1280x709.jpg
G. P.17:19 | 14/10/2018

Izraeli ka dëmtime, por mbetet optimist për ndeshjen e sotme. Trajneri Hercog i bën thirrje lojtarëve t’i tregojnë Shqipërisë se ç’do të thotë të luash në Izrael.

U nda me një shtrëngim duarsh dhe me mendjen tek revanshi. Trajneri i Izraelit, Andreas Hercog, nuk e ka harruar humbjen në debutimin e tij në detyrë, në “Elbasan Arena”, dhe do të përpiqet të hakmerret ndaj Shqipërisë sonte në mbrëmje. Ndërsa kënaqet me detin në hotelin e ekipit në Haifa, austriaku mendon sesi duhet të luajë në qytetin e ngritur në këmbët e Malit Karmel, të mbiquajtur Vreshtat e Zotit. Suksesi 2-1 me përmbysje ndaj Skocisë ishte një plus i madh për skuadrën izraelite, që tani ka shanse të vërteta për kualifikim, ndonëse do të duhet të përsërisë veten ndaj Shqipërisë.

“Fitorja ndaj Skocisë ishte një lumturi e vërtetë, – tha Hercog, – I përgëzova lojtarët për lojën, sidomos në 50 minuta, por u thashë edhe se duhet të përqëndrohemi tek ndeshja e radhës. Duhet të mësohemi të luajmë dy ndeshje në javë, nëse duam të kemi sukses. Shqipëria është e ndryshme nga Skocia, ndaj nuk mund të bëjmë krahasime. Gjithsesi, duhet t’i tregojmë kundërshtarit sesa e vështirë është të luash në fushën tonë”.

Izraeli mund të ketë në formacion Tomer Hemedin, që pati probleme dëmtimi ndaj Skocisë, ndërsa po ashtu titullar pritet të jetë veterani i mesfushës, Dor Perec, autor goli ndaj skocezëve.
Hercog ka shqetësimin e dëmtimeve të Manor Solomonit dhe Eran Zahavit. Izraeli jepet favorit nga kompanitë e basteve, me koeficientin 1.95 për fitore, barazimi kuotohet 3.2, ndërsa fitorja e Shqipërisë, 4.4./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono