nderime

ARETHA-VARRIMI-ABCM4T1.mpg_snapshot_02.15-1280x720.jpg
G. P.16:51 | 01/09/2018

Ikona e muzikës Aretha Frenklin është përcjellë për në banesën e fundit, me një ceremoni mortore të ndjekur nga këngëtarë, familjarë, miq dhe ish-presidentë që mes të tjerash kanë vlerësuar angazhimin e saj për mbrojtjen e të drejtave të qytetarëve me ngjyrë.

Muzikantë, familjarë, miq dhe adhurues i dhanë lamtumirën e fundit legjendës Aretha Frenklin, në ceremoninë mortore të mbajtur në Detroit. Ceremonia zgjati për rreth 7 orë dhe u shoqërua si me vajtim, ashtu edhe me këngë dhe në një moment vallëzime. Duke u fokusuar tek lidhja e fortë e Frenklin me Ungjillin, gjatë ceremonisë performuan këngëtarja Ariana Grande dhe Çaka Khan, të shoqëruar nga Stivi Uonder, që dha dhe një finale emocionuese. Frenklin ndërroi jetë për shkak të kancerit në pankreas në moshën 76-vjeçare.

Ajo u përcoll në banesën e fundit nga një autokolonë prej 100 Kadillakësh rozë, një arkivol të larë në ar, e vlerësuar nga tre ish-presidentë dhe dhjetëra predikues. Të pranishmit e kujtuan atë jo vetëm si mbretëreshën e Soul-it, por edhe si teze, gjyshe, shoqe dhe aktiviste për të drejtat civile të njerëzve me ngjyrë. “Arsyeja përse jemi këtu sot është dashuria. Dashuria për këtë grua”, tha Stivi Uonder, duke interpretuar refrenin e një prej këngëve të tij që thotë: “Do të të dua përgjithmonë”. Ylli i muzikës pop, Ariana Grande këndoi një nga këngët ikonë të Frenklin, “A Natural Woman”; Xhenifer Hjudson këndoi “Ëmejzing Grejs”, ndërsa versioni i Gledis Najt “You will never walk alone” bëri që të pranishmit të ngriheshin në këmbë dhe të luteshin. I pranishëm në ceremoni, ish-presidenti Bill Klinton foli nga podiumi, duke u prezantuar si një adhurues të Frenklin dhe vlerësoi punën etike të yllit të muzikës.

Ndërsa ish-presidenti Barak Obama, në pamundësi për të qenë i pranishëm, dërgoi mesazhin e tij. “Përmes zërit të saj të veçantë, Aretha u dha fuqi dhe frymëzim të lënduarve, të shtypurve dhe kujtdo që kishte nevojë për pak dashuri”, thuhej në mesazhin e presidentit të parë me ngjyrë. Një mesazh të ngjashëm dërgoi edhe ish-presidenti Xhorxh W. Bush. Gjatë karrierës muzikore të gjatë 7 dekada, Frenklin fitoi 18 çmime Gremi dhe dominoi 17 herë top tenin e klasifikimeve amerikane. Performanca e saj e fundit ishte nëntorin e kaluar në një event në Nju Jork, në mbështetje të fondacionit të kolegut Elton John kundër Sidës./abcnews.al

adem-demaci-1.jpg
G. P.14:13 | 28/07/2018

Është përcjellë për në banesën e fundit Adem Demaci, i cili ndërroi jetë dy ditë më parë në moshën 82-vjeçare. Figura e tij si mbrojtës i të drejtave dhe lirive të njeriut, që udhëhoqi rezistencën kombëtare të Kosovës, është vlerësuar nga liderë të ndryshëm të politikës që ishin të pranishëm në ceremoni.

Është varrosur me nderime shtetërore veprimtari i çështjes kombëtare, Adem Demaçi. Liderë të ndryshëm të politikës shqiptare kanë marrë pjesë në ceremoninë e varrimit në Kosovë.

Presidenti i Kosovës, Hashim Thaçi, u shpreh se koha kur jetoi njeriu i cili vuajti 28 vjet burg si pasojë e bindjeve të tij politike, do të njihet si Epoka e Adem Demaçit. Thaçi shtoi se Demaci kishte shtruar rrugën për çlirimin e Kosovës.

“Parimi kryesor i Adem Demaçit ishte bashkimi i shqiptarëve”, ka thënë Presidenti. “

“Adem Demaçi ishte lufta e lavdishme e UÇK-së”.

I pranishëm ka qenë dhe Presidenti i Republikës së Shqipërisë, Ilir Meta, i cili ndër të tjera tha se jeta e Demaçit ka qenë një luftë, një luftë të cilën ai e fitoi.

Adem Demaçi është varrosur pak metra larg ish-presidenti të Kosovës, Ibrahim Rugova, në Velani.

Ndërkohë kryeministri i Kosovës, Ramush Haradinaj, pas ceremonisë mortore, në nderim të emrit dhe veprës së Adem Demaçit ka propozuar vendosjen e shtatores së Adem Demaçi, në sheshin “Adem Demaçi” në Prishtinë, emërtimin e Autostradës Prishtinë–Pejë “Autostrada Adem Demaçi” dhe propozimin për të emërtuar Parkun e Qytetit të Prishtinës “Parku Adem Demaçi”.

Vendim–propozimi do të procedohet në mbledhjen e radhës të qeverisë së Republikës së Kosovës për respekt te emrit dhe veprës së tij, si pjesë e identitetit shpirtëror dhe politik të Kosovës, një figurë unike në përpjekjen për liri.

Bashkë me vendimin do të krijohet komisioni përkatës, që do të drejtohet nga Zyra e Kryeministrit për të ndjekur të gjitha procedurat e nevojshme. Zyra e Kryeministrit do të mbulojë shpenzimet e këtij vendimi./abcnews.al

vlcsnap-error750-1280x717.jpg
us er14:13 | 09/11/2017

Presidenti i Kosovës Hashim Thaçi nderoi Kukësin me “Urdhërin e Lirisë”. Dekorata më e lartë e shtetit të Kosovës u dha në shenjë mirënjohje për kontributin e banorëve të Kukësit në përballimin e krizës së vitit 1999. Kryebashkiaku Bashkim Shehu tha se kjo është një ditë e shënuar për Kukësin.

Presidenti i Kosovës, Hashim Thaçi ishte në qytetin e Kukësit ku dha për banorët e këtij qyteti medaljen “Urdhri i Lirisë” per kontributin dhe mikpritjen kuksiane gjate eksodit të vitit ’99. Gjatë ceremonies, Thaçi vlerësoi se falë solidaritetit dhe ndjenjës së pastër atdhetare, në Kukës dhe në mbarë Shqipërinë, kosovarët e dëbuar gjetën ngrohtësinë e vatrës shqiptare.

Presidenti Thaçi tha se tashmë pas 18 vitesh Kosova e Shqipëria janë faktorë të rëndësishëm në rajon, duke arritur aspiratat drejt rrugës për integrimin europian. Ndërsa kryebashkiaku i Kukësit, Bashkim Shehu tha se është një ditë e shënuar pasi nderimi më i lartë për qytetin dhe banorët e tij vjen nga Kosova, e cila nuk harron mikëpritjen dhe bujarinë e Kukesit dhe kuksianëve.

Ceremonia e organizuar nga Bashkia e Kukësit u mbyll me këngë e valle të trevës në pallatin e kulturës “Hasan Prishtina”. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono