nder

580068488a54d80d5f89b403315c0203eb4326563d60d32b74fe880ffbfcee6c.jpeg
ent ela11:15 | 17/03/2019

Buqeta me lule dhe vallëzime tradicionale janë bërë në Zelandën e Re në nder të viktimave të sulmit të së premtes, ku humbën jetën 50 persona. Ndërkohë, policia vijon hetimet mbi ngjarjen.

Homazhe të shumta janë bërë në Kristçërç të Zelandës së Re, në nder të 50 viktimave të sulmit të armatosur në dy xhamitë e qytetit. Një memorial me lule është ngritur nga banorët në përkujtim të të ndjerëve, ndërkohë që një grup motoçiklistësh performuan vallëzimin tradicional Maori. Gjithashtu, ajo që ra në sy ishte dërgimi i një buqete me lule nga një çift i sapomartuar.

Ndërkohë, mbi ngjarjen kanë vijuar hetimet nga të cilat ka rezultuar se atentatori i së premtes, 28-vjeçari australian Brenton Tarrant, veproi i vetëm. Ndërkohë, tre personat e tjerë të ndaluar dyshohet se nuk kanë lidhje me sulmin, deklaroi komisari i policisë vendase Majk Bush. Zyrtari i lartë tha se, autoritetet po punojnë me ritme të shpejta për të identifikuar të gjitha viktimat e sulmit në xhamitë Al Nur dhe Linvud.

“Është një proces i ndjeshëm dhe ne jemi të vetëdijshëm për aspektet kulturore dhe fetare të tij”, tha Bush. 34 persona të tjerë, të cilët mbetën të plagosur nga breshëritë e të shtënave, ndodhen ende në spital për të marrë mjekime. Disa prej tyre kanë marrë plagë të rënda, përfshirë një vajzë 4-vjeçare, që mbetet në gjendje kritike. Agresori, i prezantuar si një supremacist i bardhë, transmetoi live aktin e tij në Facebook. Rrjeti social bëri me dije se brenda 24 orëve të para që nga verifikimi i sulmit ka hequr 1.5 milionë video dhe shtoi se edhe versionet e tjera të modifikuara të ngjarjes do të hiqen në vazhdim./abcnews.al

aksident-2-1280x718.jpg
ent ela17:30 | 21/02/2019

Organizata Boterore e Shëndetesisë e rendit vendin tonë ndër shtetet me nivel të lartë vdekjesh në aksidentet rrugore. Vetëm në muajin janar sipas Institutit të Statistikave 15 persona humbën jetën në rrugë. Numri më i lartë i aksidenteve në këtë periudhë është kryer nga grupmoshat 25 deri ne 35 vjeç.

Rrugët në Shqipëri vrasin më tepër se në shumë shtete europiane. Vetëm gjatë muajit janar 15 persona kanë humbur jetën në aksidentet rrugore nga 13 që ishin të njëjtën periudhë të një viti më parë.   Të dhënat raportohen nga Instituti i Statistikave sipas te cilit muajin e parë të vitit u shënuan gjithsej 104 aksidente rreth 30 me pak se janarin e 2018.  Shkaku kryesor i tyre në 86.5%  të rasteve është sjellja e drejtuesit të mjetit. Numri më i lartë i aksidenteve në këtë periudhe është kryer nga grupmoshat 25 deri ne 35 vjeç.  Instituti i Statistikave vëren një rritje me 30.4% te aksidenteve rrugore shkaktuar nga kjo grupmosh karahasuar me të njëjtën periudhe të një viti më parë. Shqipëria renditet nga Organizata Botërore e Shëndetësisë ndër  vendet me nivel të lartë të vdekjeve nga aksidentet rrugore në Europë, 13.7 vdekje për 100 mijë banorë. Raporti i fundit thekson se rrugët me vdekjeprurëse i ka Rusia me 18 vdekje për 100 mijë banorë, ndërsa rrugët me të sigurta janë në Norvegji dhe Zvicër përkatësisht 2.7 dhe 2.8 vdekje për 100 mijë banorë. Përdoruesit e rrugës në këto vende kanë 5 herë më pak të ngjarë që të vriten në një aksident rrugor se në Shqipëri dhe 7 herë më pak se në Rusi./abcnews.al

nderi.png
G. P.20:15 | 28/09/2018

“Provokacija” e 28 Shtatorit u hap me monologun e Mustafa Nanos në lidhje me familjen iraniane që jeton në Londër. Familja përbëhet nda tre anëtarë, babai, nëna dhe vajza Sofia.

Sofia u lidh më një anglez fshehtazi, por një ditë ata e gjetën sëbashku me të dashurin në shtëpinë e tyre. Reagimi i tyre ishte me të vërtetë i egër pasi babai mori një thikë të madhe për të vrarë djalin, ndërsa nëna kafshoi të bijën.

Ajo që e bën më të çuditshme këtë histori është sepse prindërit e detyruan Sofinë që të shkonte në një gjinekolog për një certifikatë virgjërie. Nëse nuk ishte e virgjër Sofia rrezikonte të kthehej në Teheran.

Në një kulturë si ajo në Britani, kjo ishte e çuditshme për doktorin. Sipas tij, testi do bëhej vetëm nëse vajza donte dhe për këtë duhet të tregonte arsyet.

“Çfarë bote mesjetare kjo e prindërve të Sofisë. Janë gati ta përndjekin vajzën e tyre, ta degdisin larg në Iran madje ta vrasin edhe aty në Londër. Dhe e gjitha kjo për një membranë të hollë brenda vaginës së të bijës me të cilën prindërit asociojnë nderin e tyre. Nëse ajo copë vaginale mbetet e paprekur derri në martesën e vajzës atëherë ata, prindërit, fisi kanë të drejtë të bëjnë një jetë të qetë dhe të jenë të nderuar, por nëse ndodh që e njëjta cipë të shpohet prej penisit të dikujt që nuk është burri i saj, atëherë të gjithë i mori lumi. Kjo ishte logjika që i torturonte prindërit e Sofisë”, thotë Mustafa Nano.

Sipas drejtuesit të “Provokacija”, ky nuk është një problem feje.

“Mund t’ju shkojë mendja që ky është një problem myslimanësh, por nuk është kështu, nuk është problem feje. Jo në këtë rast të paktën. I ati i Sofisë e përmend fenë si një alibi për të përligjur sjelljen e vet, por ai nuk të jep përshtypjen që është mysliman, edhe e shoqja e tij nuk duket myslimane”, shprehet ai.

Ky problem nuk është fetar, por kulturor dhe sipas Nanos duhet të na sillet si i afërt me vajzat shqiptare, që sipas tij nuk kanë kurajon e Sofisë.

“Nuk di pse mendoj që vajzat shqiptare nuk kanë kurajon e Sofisë. Kjo e fundit qëlloi që të merrte gjak në vetull. Kjo ngriti një padi në dëm të prindërve të saj dhe po ballafaqohet në gjyq me ta duke kërkuar që ata të dënohen. Vajza e tyre më në fund ka fituar lirinë. Ajo është bërë e zonja e vetes. E zonja e jetës së saj. E zonja e trupit të saj”, tha Nano./abcnews.al

vlcsnap-error181-1280x720.jpg
G. P.15:36 | 12/02/2018

Biznesmeni shqiptar, Kadri Morina, vlerësohet nga familja mbretërore spanjolle. Presidenti i Eurosig Group përfitoi nga ky rast për të promovuar vlerat e Shqipërisë.

Presidenti i Eurosig Group, Kadri Morinaj, u prit dhe u nderua nga familja mbretërore e
Spanjës për kontributin në fushën e biznesit dhe angazhimin për promovimin e tolerancës fetare në Shqipëri.

Në mbrëmjen gala organizuar në Madrid ku mori edhe çmimin, Morina foli për atë çfarë vendi yne ofron për investitorët e huaj.

Kadri Morinaj: “Gjatë vizitës time në Spanjë, m’u dha mundësia të promovoj Shqipërinë në prag të negociatave per anëtarësim në BE. Pata mundësinë gjithashtu, të takoj përfaqësues të familjes mbretërore, biznesmenë, familje aristokrate të Spanjës dhe në bisedat që pata me ta, u përpoqa të shpalos vlerat e Shqipërisë dhe mundësinë që ofron ajo për investimet e huaja. Biznesmenë spanjollë, të të gjitha fushave, porn ë veçanti të industrisë financiare, të sigurimeve, si dhe të agroturizmit e bujqësisë, shprehën interes për vendin tonë dhe një pjesë e tyre, madje edhe nga New York, që ishin në këto takime, Brenda një afati 3-mujor, do të vizitojnë Tiranën. Gjithashtu, pata mundësinë të takoj dhe profesorë të njohur spanjoll, me të cilët bisedova për mundësinë e ofrimit të bursave studentëve shqiptarë, me qëllim që edhe Tirana të bëhet si metropolet tjera, dhe këta
student, pas studimeve në Spanjë, të kthehen në vendin e tyre, si një aset shumë i çmuar”, tha Morinaj, duke falenderuar familjen mbretërore të Spanjës për vlerësimin e bërë.

Anëtari i familjes mbretërore spanjolle, Enrique de Barbon, vlerësoi rolin e Morinës si filantrop.

“Është e rëndësishme prania e Z.Morinaj, pasi ne këtu në Spanjë, kemi nevojë për përfaqësues të
denjë të Shqipqrisë. Ai është një biznemen që gjithçka e ka arritur vetë dhe e vlerësojmë shumë
edhe rolin e tij si filantrop. Ai është një personalitet i rëndësishëm nga Shqipëria dhe është shumë e rëndsësishme për ne, që ai ndodhet këtu në Spanjë”, tha Enrique de Barbon.

Biznesmeni Morinaj është i njohur si filantrop dhe promovues i vlerave të Shqipërisë nëpër botë.


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono