ndalohen

corovode.jpg
ad min09:15 | 27/04/2019

Dy persona të armatosur dhe të dyshuar si shpërndarës të kokainës u arrestuan gjatë operacionit “Osumi”, në Çorovodë. Kapja e tyre u bë pas dy muajsh hetimi me metoda të specializuara.

Të dy të arrestuarve u janë gjetur doza kokaine, si dhe armë zjarri.

Ata zakonisht i gjenin klientët ne një lokal në Çorovodë, pronari i të cilit po hetohet në gjendje të lirë. Gjatë këtij operacioni janë bërë edhe kontrolle të tjera nëpër lokale dhe banesa./abcnews.al

082147157-8676fbdf-fc44-4dc4-ac54-f498b48d3644.jpg
ad min15:54 | 26/04/2019

Mbrëmjen e së enjtes policia italiane në Pulia ka ndaluar një gomone me 1.5 ton marijuanë në brigjet e Maria di Leuka. Dy skafistët shqiptarë, më pas të arrestuar, hodhën një pjesë të sasisë së drogës në det dhe u përpoqën të largoheshin. Por pas ndalimit nga policia italiane, në gomone u gjetën 71 pako me marijuanë me peshë 1.5 ton, e cila kap vlerën e 15 milion eurove.

Gomonia ishte e gjatë 10 metra dhe ishte modifikuar me dy motorë të fuqishëm. Dy shqiptarët e arrestuar akuzohen për mbajtje dhe trafik ndërkombëtar substancash narkotike./abcnews.al

vdekja-elbasan.jpg
nev ila21:13 | 22/04/2019

Pas ngjarjes të rëndë, ku humbi jetën 25 vjeçarja Rexhina Debrova, janë shoqëruar në policinë e Elbasanit për tu marrë në pyetje 4 mjekë të spitalit të këtij qyteti të cilët kishin asistuar në rastin e 25 vjeçares që humbi jetën gjatë lindjes.

Burime nga policia e Elbasanit bënë të ditur se është ndaluar mjeku kardiolog Mehmet Ibaj dhe reanimatori Nikollaq Thana. Ndërsa dy mjekët gjinekologë Ardjan Kadaifçiu dhe Kasem Dylgjeri janë lënë të lirë pas dhënies së dëshmive për këtë ngjarje.

Rexhina Debrova me banim në Cërrik, humbi jetën pas operacionit të lindjes së foshnjes. Humbja ka tronditur tej mase familjarët të cilët hedhin akuza ndaj mjekëve për ndërhyrje me vonesë./abcnews.al

106523717_30b86b87-abc2-4e1c-8f82-71653d1d4231.jpg
ad min21:30 | 19/04/2019

Shërbimet sekrete në Turqi kanë arrestuar dy agjentë arabë që vepronin në Stamboll prej disa muajsh. Autoritetet dyshojnë se prania e tyre ka lidhje me vrasjen e gazetarit Xhamal Kashogi.Autoritetet në Turqi kanë arrestuar dy persona që po kryenin aktivitete spiunazhi për llogari të Emirateve të Bashkuara Arabe. Një burim pranë qeverisë turke ka deklaruar se dy personat po hetohen edhe nëse kanë lidhje me vrasjen e gazetarit saudit Xhamal Kashogi’. Një nga dy të arrestuarit kishte mbërritur në Turqi në tetor 2018, pak ditë pasi Kashogi’ ishte vrarë në konsullatën saudite në Stamboll. Ndërsa personi i dytë kishte mbërritur pak më vonë për të ndihmuar kolegun e tij në operacionet e fshehta.

Burimi zyrtar, që ka insistuar të ruajë anonimatin, ka deklaruar se një nga dy personat po mbahej nën mbikëqyrje prej 6 muajsh dhe ka gjasa që gjatë kësaj kohe ai dhe bashkëpunëtori të kenë mbledhur informacione për qytetarët arabë, përfshirë disidentët politikë, që jetojnë në Turqi.

Ndërkohë, një gjykatë turke vendosi të premten që dy të dyshuarit të mbahen në ndalim, nën akuzën e spiunazhit ndërkombëtar. Kashogi’, një analist i “Washington Post” dhe kritik i regjimit të princit Mohamed bin Salman, u vra në konsullatën saudite në Stamboll më 2 tetor nga një skuadër agjentësh sauditë./abcnews.al

56739357_2401307600155597_7550344934893551616_n.jpg
ent ela18:37 | 08/04/2019

Katër persona janë arrestuar sotme Tiranë, gjatë një operacioni antidrogë. Sipas burimeve të policisë, të arrestuarit janë: Leonard Duka, 33 vjeç , Elvis Gacaj, 44 vjeç, Oltian Logaj, 38 vjeç dhe Dritan Agaj, 38 vjeç, te gjithe banues ne Tirane.

Policia bëri të ditur se keta shtetas u ndaluan për veprat penale“Prodhim dhe mbajtje pa leje të armëve e municionit luftarak” dhe “Prodhim dhe shitje lëndësh narkotike”.

Policia njoftoi se ka ushtruar kontroll në banesën me qera ku jetonin këta shtetas, pasi dispononte informacion se ata kishin në banesë sende të kundraligjshme.

Gjatë kontrollit të ushtruar 4 te ndaluarit janë munduar të largojnë sendet e kundraligjshme duke hedhur një pjesë të tyre nga ballkoni i banesës.

Policia sekuestroi në cilësinë e provës materiale:

– Një mjet të blinduar;

– Një armë zjarri pistoletë me krehër me fishekë;

– 46 fishekë luftarak, si dhe doza me lëndë narkotike kanabis.

Në bashkëpunim me Prokurorinë vijon puna për dokumentimin e plotë të veprimtarisë kriminale të tyre, si dhe të përfshirjes të personave të tjerë./abcnews.al

56161922_2395266824093008_3930571971275784192_n.jpg
ent ela17:37 | 30/03/2019

Policia e Tiranës ka finalizuar operacionin e koduar “Stafeta”, duke vënë në pranga 5 persona që bashkëpunonin me njëri-tjetrin në shitjen e drogave të forta.

 Në pranga kanë rënë shtetasit me inicialet Gj. D., 36 vjeç, banues në Laç; M. P., 44 vjeç, banues në Mamurras; A. L., 25 vjeç, banues në Fushë Kuqe/Patok; A. N.,23 vjeç, banues në Fushë Kuqe/Patok dhe E. D., 28 vjeçe, banuese në Laç.

Në  bazë të informacioneve të siguruara në rrugë operative nga burime të ndryshme, policia dyshoi se shtetasi Gj. D., me banim në Laç, në bashkëpunim me shtetasit M. P., A. L., A. N., dhe E. D., tregtonin dhe shisnin në kryeqytet me porosi klientele, lëndë narkotike të llojit kokainë, të cilin e sillnin nga qyteti i Laçit.

Këta shtetas janë konstatuar nga shërbimet e policisë duke qarkulluar me dy automjete në rrugën e “Valiasit” në Kamzë dhe janë ndaluar për kontroll. Gjatë kontrollit të ushtruar, policia gjeti në njërin mjet një qese me lëndë të dyshuar narkotike, e llojit kokainë.

Janë sekuestruar në cilësinë e provës materiale 249.2 gramë lëndë e dyshuar narkotike e llojit kokainë; dy automjete dhe gjashtë aparate celular.

Materialet procedurale i kaluan Prokurorisë Tiranë, për veprën penale te “Prodhimit dhe shitjes së lëndëve narkotike në bashkëpunim”, në ngarkim të shtetasve të lartpërmendur.

motor-2-1280x715.jpg
ent ela16:47 | 30/03/2019

Një ditë pas grabitjes së ndodhur në rrugën e “Barrikadave”, ku një kambist u sulmua, u plagos dhe iu morën 60 mijë dollarë, Policia e Tiranës arrestoi tre bashkëpunëtorë në këtë krim. Përveç personit të vënë në pranga dje në flagrancë falë ndërhyrjes në momentin e ngjarjes së një polici rrugor, blutë e Tiranës arrestuan Elvis Berishën 37 vjeç, Xhoni Didon 23 vjeç të dy të dënuar më parë për vjedhje, si dhe Blenard Hoxhën 27 vjeç.  Tre personat u vunë në pranga në kuadër të një operacionit të koduar “Valuta”. Mëngjesin e djeshëm  persona të maskuar grabitën kambisti Agron Shima, i cili mbeti i plagosur nga goditjet me leva dhe thikë. policia sekuestroi edhe disa sende të përdorura prej tyre gjatë vjedhjeve. Të arrestuarit dyshohet se janë të përfshirë në një grabitje të ndodhur në janar të këtij vitit në rrugën “Mine Peza” në kryeqytet./abcnews.al

aushvic.jpg
ad min14:59 | 25/03/2019

Vizitorëve të shumtë të muzeut të Auschwitz u është kërkuar që të mos realizojnë më fotografi në vendin ku janë vrarë më shumë se një milion hebrenj. Atyre u kërkohet që të kenë më shumë respekt për viktimat.

Muzeu i kampit të përqendrimit nazist të Auschwitz u ka kërkuar vizitorëve që të kenë më shumë respekt për rreth një milion e 100 mijë viktimat e Luftës së Dytë Botërore, duke mos bërë më fotografi gjatë turit të tyre në vend.

Rreth dy milionë persona çdo vit vizitojnë kampin e shfarosjes së Adolf Hitler, një nga simbolet më famëkeqe të Holokaustit. Por pavarësisht rëndësisë së vendit, disa persona zgjedhin të bëjnë fotografi për të dokumentuar qëndrimin e tyre atje.

Me sa duket nuk janë të pakët në numër dhe për këtë arsye autoritetet vendosën të reagojnë.

Në mesazhin e publikuar në Twitter nga muzeu, lexohet ndër të tjera se të gjithë ata që vendosin të vizitojnë Auschwitz-in, duhet të mbajnë mend se ndodhen në një vend ku janë vrarë e depërtuar drejt vdekjes miliona persona ndaj nuk është vendi për fotografi.

Realizimi i fotografive në vende si Auschwitz, është kthyer në një trend që po përhapet pa asnjë arsye të qartë. Muzeu i Auschwitz në fushatën e tij kundër fotografive, qartëson se ato nuk janë të ndaluara, por vizitorëve u bëhet apel që të tregojnë më shumë respekt./abcnews.al

4347.0.1048321450_ori_crop_MASTER__0x0.jpg
ad min22:50 | 18/02/2019

Autoritetet në Itali kanë arrestuar prindërit e ish-kryeministrit Mateo Renzi. Ata akuzohen se kanë abuzuar me 3 kompani të cilat i kanë përdorur për të lëshuar fatura falso për operacione financiare. Duke reaguar, ish-kreu i qeverisë është shprehur i bindur për pafajësinë e familjarëve të tij.

Janë arrestuar dhe janë dërguar në arrest shtëpie prindërit e ish-kryeministrit të Italisë, Mateo Renci, të akuzuar për një seri mashtrimesh financiare. Sipas mediave italiane, masa e sigurisë ndaj çiftit Renci është propozuar nga Prokuroria e Firences dhe pranuar nga gjykata e këtij qyteti. Konkretisht, Ticiano dhe Laura Renci akuzohen se kanë qenë në zotërim të tre kooperativave, përmes të cilave kanë lëshuar fatura për veprime financiare fantazmë dhe që më pas kanë shpallur qëllimisht falimentim të rremë. Masa e sigurisë është dhënë pas konkretizimit të një hetimi të gjatë të Guardia di Financës, përmes të cilit është zbuluar se familja Renci krimet në fjalë i ka kryer përgjatë periudhës 2010-2018. Duke reaguar ish-kryeministri ka deklaruar se ka besim se drejtësia italiane do të nxjerrë të vërtetën. Ai është shprehur i paduruar për të ndjekur procesin gjyqësor, i bindur se akuzat ndaj prindërve të tij janë një fabrikim absurd. Renci, 44 vjeç, shërbeu si kryeministër i Italisë nga shkurti 2014 deri në dhjetor 2016, kur dha dorëheqjen pas dështimit të referendumit për reformën kushtetuese. Pas lajmit ai është detyruar të anulojë prezantimin e librit të tij që do të bëhej në Torino./abcnews.al

black-car-turkmenistan_resize_md.jpg
ent ela14:50 | 13/01/2018

Presidenti i Turkeminstanit urdhëroi ndalimin e qarkullimit të automjeteve me ngjyrë të zezë në kryqytetin e vendit Aşgabat. Që në vitin 2015 ishte ndaluar importi i aujtomjeteve me ngjyrë të zezë dhe këtë vit, ai që do të kapet duke drejtuar një automjet me këtë ngjyrë do të gjobitet dhe do të detyrohet ta lyejë atë me një mgjyrë tjetër brenda javës. Sipas kreut të shtetit e zeza është një ngjyrë që sjell ters, ndërsa e preferuara e tij është ngjyra e bardhë.

Agjenci të ndryshme lajmesh online ndërkombtare raportojnë se aktualisht janë sekuestruar shumë automjete private me ngjyrë të zezënë bend. Pronarët e tyre janë detyruar të firmosin një marrëveshje ku premtojnë se do ti lyejnë brenda javës. Duke përfituar nga ky urdhër cmimi për rilyrejen e automjetit ka shkuar deri në një mijë dollarë./abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono