ndalohen

policia-diber.jpg
ger ta16:34 | 14/11/2019

Policia e Dibrës ka ndaluar 7 siriane pasi po përpiqeshin të kalonin ilegalisht kufirin.

Sipas uniformave blu sirianët kishin hyrë ilegalisht në Shqipëri,  me qëllim për të kaluar në drejtim të Maqedonisë dhe më pas në një nga vendet e BE-së.

Njoftimi i plotë: 

Bashkëpunimi me qytetarët parandalon një rast të kontrabandimit të klandestinëve nga vendet e Lindjes së Mesme.

Policia e Dibrës, pas informacionit të marë nga qytetarët për disa shtetas të huaj që po tentonin të largoheshin në drejtim të Pikës së Kalimit Kufitar Bllatë, për të kaluar kufirin në mënyrë të paligjshme, ka organizuar punën duke bërë lokalizimin dhe vendndodhjen e tyre.

Policia ka bërë shoqërimin e 7 shtetasve sirianë, të cilët dyshohet se kishin hyrë ilegalisht në Shqipëri,  me qëllim për të kaluar në drejtim të Maqedonisë dhe më pas në një nga vendet e BE-së.

Shtetasit sirianë janë shoqëruar në Qendrën e Rehabilitimit në Kukës, ndërkohë që Policia vijon hetimet për identifikimin dhe arrestimin e personit që i ka sjellë në Dibër dhe që do t’i transportonte në drejtim të kufirit me Maqedoninë, kundrejt fitimit./abcnews.al

 

maxresdefault.jpg
Autor E10:17 | 15/10/2019

Agjentët civilë të policisë së Tiranë kanë kapur mat dy të rinj në derën e një shkolle teksa përpiqeshin të shisnin lëndë narkotike.

Zbulimi i tyre është bërë gjatë kontrolleve rutinë për të parandaluar shpërndarjen e drogës tek të rinjtë në shkolla.

Të arrestuar janë D.A 27 vjeç dhe M.K 22 vjeç.

Njoftimi i policisë
Sekuestrohen në cilësinë e provës materiale një sasi dozash kanabisi me peshë 23.6 gr.

Seksioni për Hetimin e Narkotikëve në bashkëpunim me Komisariatin e Policisë Nr. 2, në vijim të planit të masave për “Identifikimin, goditjen dhe vënien para përgjegjësisë ligjore të personave që shpërndajnë apo tentojnë të shpërndajnë lëndë narkotike në ambientet e shkollave apo përreth tyre” bëri arrestimin në flagrancë të shtetasve:

– D. A., 27 vjeç dhe M. K., 22 vjeç (të dy banues në Tiranë).

Shërbimet e Komisariatit të Policisë Nr. 2, në bashkëpunim me Seksionin për Hetimin e Narkotikeve në Drejtorinë Vendore të Policisë Tiranë, rreth orës 12:25 kanë ushtruar kontroll në ambientet përreth një shkolle në Tiranë, ku kanë kapur në flagrancë shtetasit D. A. dhe M. K., të cilët në bashkëpunim me njëri – tjetrin kryenin aktivitetin e kundërligjshëm të shitjes së lëndëve narkotike (Cannabis Sativa).

Gjatë kontrollit, u është gjetur një sasi dozash me lëndë narkotike të llojit Cannabis Sativa, me peshë 23.6 gr, të cilat u u sekuestruan në cilësinë e provës materiale.

Materialet procedurale iu referuan për veprime të mëtejshme Prokurorisë së Rrethit Gjyqësor Tiranë, për veprën penale “Prodhimi dhe shitja e lëndëve narkotike, e kryer në bashkëpunim”.

policia-kukes-1280x669.jpg
nev ila21:50 | 14/09/2019

Policia e Kukësit ka shoqëruar në komisariat 26 irakianë që kishin mbërritur në këtë qytet gjatë pasdites, me qëllim kalimin në mënyrë ilegale të kufirit Shqipëri-Kosovë, përmes Morinit.

Refugjatët janë 13 burra, 5 gra dhe disa fëmijë të moshës 4 -13 vjeç. Policia  po punon për zbardhjen e mënyrës së mbërritjes së tyre në Kukës.

Sipas policisë së Kukësit, dyshohet se ata janë larguar nga qendra e azilkërkuesve në Tiranë./ABC News Albania 24/7

policia-rrugore-1280x710.jpg
ad min16:30 | 07/08/2019

Trafiku i rënduar kryesisht në veri të vendit ka detyruar policinë rrugore të ndalojë lëvizjen e mjeteve të rëndë në Fushë Krujë -Thumanë. Në të njëjtën kohë policia shqiptare dhe ajo e Kosovës kanë shtuar postblloqet në pikat më shqetësuese.

Në autostradën Thumanë-Fushë-Krujë  por dhe zonat bregdetare do të bllokohet lëvizja për automjetet e tonazhit të rëndë nga ora 6  e mëngjesit deri në orën 22.  Ky vendim u mor ketë të mërkurë.

Situata e rëndë në qarkullimin rrugor çoi në Shëngjin dy drejtuesit e parë të policisë rrugore, Shqipëri – Kosovë.

Për të përballuar fluksin e lartë të automjeteve dhe dyndjen e pushuesve drejt plazheve policia shqiptare me atë të Kosovës po shtojnë patrullimet në pikat të cilat tashmë njihen si me shqetësuese.

Nënkolonel  Jeton Rexhepi, ka thënë se edhe këtë vit Kosova  mbështet policinë e Shqipërisë  në mbikëqyrjen e trafikut rrugor sikur vitet e kaluara.

Në rrugën Fushë Krujë – Thumanë prej ditësh lëvizja është bërë e pamundur. Radhët e makinave kanë shkuar deri 8 kilometra dhe drejtuesit kanë pritur në trafik me orë të tëra./ABC News Albania 24/7

KED-1280x823.jpg
nev ila12:13 | 31/07/2019

Këshilli i Emërimeve në Drejtësi ka përfunduar verifikimet për një pjese të kandidatëve për vendet vakante për Gjykatën Kushtetuese dhe Inspektorin e Lartë të Drejtësi.

Kështu KED ka miratuar lejimin e kandidimit për gjyqtar në Kushtetuese të Elsa Toskës, e cila ka aplikuar për vendet vakante që ka shpallur Presidenti dhe Kuvendi.

KED njofton se ka vendosur të ndalojë kandidimin e kandidatëve për gjyqtarë në Gjykatën Kushtetuese të 7 kandidatëve, të cilët kishin paraqitur interesin pas shpalljes së vakancave nga Institucioni i Presidentit të Republikës e Kuvendi.

Bëhet fjalë për:

1. Valbona Bala,

2. Klodian Rado,

3. Rexhep Bekteshi,

4. Sinan Tafaj,

5. Petrit Kaja,

6. Gëzim Allaraj,

7. Fiona Papajorgji.

Ndërsa për vendin vakant të Inspektorit të Lartë të Drejtësisë, KED ka vendosur të lejojë kandidimin e Artur Metanit e të ndalojë atë të Genci Gjonçajt.

Në njoftimin e KED thuhet se në mbledhjen e radhës do shqyrtohen kandidaturat e Eris Hysit, Klodian Rados, Zhaklina Petos dhe Marsida Xhaferllarit.

Procedura e vlerësimit të kandidatëve nga KED përfshin kontrollin e pasurisë, figurën dhe integritetin si dhe kushtet ligjore që mundësojnë kandidimin./ABC News Albania 24/7

1563798220_shqiptarebritani.jpg
ad min13:40 | 22/07/2019

Policia ka arrestua ka 4 shqiptarë të cilët ishin përpjekur të futeshin ilegalisht në Britani të Madhe. Ata janë gjetur të fshehur në pjesën e pasme të një furgoni brenda kutive prej kartoni.

Rojet kufitare ndaluan furgonin, i cili po udhëtonte nga Frankfurti në Derby, në Calais para se të kalonte Kanalin në Britani të Madhe. Shqiptarët kishin paguar 700 euro secili për një bandë të trafikimit të njerëzve, ku njëri nga personat është arrestuar.

Në mesin e personave të ndaluar është edhe Vladimir Tollumi, 39 vjeç, që trafikonte emigrantë të paligjshëm në Britani. Që nga viti 2004 Tollumi qëndronte ligjërisht në Mbretërinë e Bashkuar, pasi ishte i pajisur me dokumente të rregullta.

Pas përfundimit të dënimit me 40 muaj burg, 39-vjeçari do përballet me dëbimin. Hetimet zbuluan se Tollumi ishte përpjekur që të mos linte gjurmë dhe të mos kapej nga autoritetet britanike, por ato dështuan. Qindra telefonata që ai kishte bërë ishin dukshëm për trafik njerëzish./abcnews.al

epalivethree011400-3602345-854x480.jpg
ad min21:30 | 23/06/2019

Nëntë shqiptarë dyshohen se janë autorë të rreth 70 vjedhjeve, të kryera në komunat përreth qytetit francez  Montpellierit.  Sipas autoriteteve franceze të gjithë personat e arrestuar ishin anëtarë të një rrjeti.

Të dyshuarit u arrestuan të mërkurën në një shtëpi në Montpellier, ku në aksion morën pjesë  130 xhandarë, të mbështetur nga CRS dhe policia në kufi.

Bizhuteri, armë dhe makina ishin mallrat të cilat u sekuestruan gjatë aksionit.

Persona e ndaluar u identifikuan pas marrjes së mostrës së ADN-së, përgjimit të telefonave dhe dëshmive.

Shërbimet e xhandarmërisë do të ndjekin procedurat për të gjetur pronarët e këtyre mallrave të sekuestruara. Ndërsa anëtarët e grupit do të merren në pyetje dhe do të dalin ditët në vijim përpara drejtësisë franceze./abcnews.al

KLOSI-PER-KIMIKATET.mpg_snapshot_00.10-1280x720.jpg
ad min15:30 | 28/05/2019

Shumë shpejt vendi ynë do të ketë gati një regjistër kombëtar ku do të saktësohen kimikatet që lejohen dhe ndalohen. Ministria e Turizmit dhe Mjedisit po punon për ketë, me specialiste suedeze të mjedisit.

Suedia do të ndihmojë Shqipërinë për të përmirësuar menaxhimin e kimikateve. Hartimi i një regjistri kombëtar dhe një zyre mbikëqyrëse tregoi ministri i Turizmit dhe Mjedisit Blendi Klosi do të jenë dy nga pikat ku do te fokusohet ky bashkëpunim.

Ky projekt vjen në kuadër të detyrimeve që duhet të përmbushë vendi ynë në kuadër të hapjes së negociatave me Bashkimin Evropian.

Specialistet suedeze te mjedisit beri te ditur ministri Klosi kane evidentuar 22 problematika dhe qasjen që duhet të ketë vendi ynë ndaj tyre para hapjes se negociatave me BE./ABC News Albania 24/7

auto-grabitja-rinas-0-620x3401481461911-c1200x600.jpg
nev ila10:50 | 02/05/2019

Prokuroria e krimeve të rënda ka kërkuar ndalimin e 5 personave në lidhje me grabitjen e parave në Rinas më 9 prill.

Sipas burimeve nga organi i akuzës, mësohet se personat për të cilët është kërkuar ndalimi, janë punonjës të kompanisë së sigurisë se aeroportit ICTS  dhe të bankave të cilave u përkisnin vlerat monetare.

Sipas të njëjtave burime, këta persona pritet të merren në pyetje në lidhje me ngjarjen,  përmbushjen e detyrimeve dhe përgjegjësive të tyre ligjore.

Ka  dyshime se këta persona kane konsumuar veprën penale të shpërdorimit të detyrës. Deri tani për grabitjen e Rinasit, janë vënë në pranga 6 persona, që dyshohet se kanë qenë pjesë e bandës që ka hyrë në aeroport, apo bashkëpunëtorë që kanë ndihmuar në realizimin e planit të grabitjes.

Ndërsa 3 persona të tjerë janë shpallur zyrtarisht në kërkim. Shuma e parave që u mor nga grabitësit është konfirmuar zyrtarisht nga bankat për organin e akuzës. Ajo është 6 milionë euro./abcnews.al

Bruseeles-1024x735.jpg
ad min20:30 | 01/05/2019

Gjashtë persona kanë përfunduar në pranga në kuadër të një operacioni të koduar “Transportuesi”.

 Sipas policisë në kuadër të këtij operacioni u bë ndalimi i shtetasve:

M.Sh., 47 vjeç, lindur dhe banues në Shkoder.
D.K., 36 vjeç, lindur dhe banues në Tiranë,
K.Sh., 44 vjeçe, banuese në Durrës.
I.N, 56 vjeç, lindur në Fier dhe banues në Tiranë.
D. M., 55 vjeç, banues në Tiranë.
M.N., 56 vjeçe, banuese në Tiranë.

Arrestimi i tyre u bë pasi janë kapur në kushtet e flagrancës në aksin rrugor “Tuneli Elbasanit – Rrethrrotullimi Tegut” , me një sasi mallrash të dyshuara kontrabandë, si veshje dhe produkte të tjera në vlerë të konsiderueshme.

Theksojmë se të gjithë personat e arrestuar janë subjekte tregtare me NIPT dhe ushtrojnë aktivitetin tregtar në qytetin e Tiranës.

Në cilësinë e provës materiale në funksion të këtij procedimi u sekuestruan mallra të ndryshme kontrabandë, si veshje të ndryshme për të gjitha moshat , parfume dhe barna mjekësore.

Materialet procedurale i kaluan Prokurorisë së Rrethit Gjyqësor Tiranë, në ngarkim të shtetasve të lartpërmendur, për veprat penale “Kontrabandë me mallra të tjera’ në bashkëpunim” dhe ” Kontrabanda nga punonjës që lidhen me veprime doganore”./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono