ndalimi

aleksander-gjoka.jpg
nev ila19:01 | 23/12/2019

Këngëtari i rrokut Aleksandër Gjoka është ndaluar nga policia, pasi mësohet se drejtonte automjetin në gjendje të dehur.

Siç raporton gazetari i ABC News, Andi Qosja, Gjoka ishte duke udhëtuar me mjetin e tij “‘Chevrolet”, kur patrulla e policisë e ndaloi dhe e detyroi ti nënshtrohej testit të alkoolit. Nga sa u vërejt nga policia rezultoi se niveli i alkoolit në gjak ishte mbi normën e lejuar.

Kanë qenë efektivët e komisariatit nr. 4 ata që e kanë ndaluar, dhe më pas shoqëruar në polici këngëtarin Gjoka.

Ndërkohë Policia ka dhënë dhe informacionin zyrtar në lidhje me ndalimin e këngëtarit:

Njoftimi i Policisë:

“Nga specialistët e qarkullimit rrugor në Komisariatin e Policisë Rrugore u bë arrestimi në flagrancë i shtetasit: A. Gj., 60 vjeç, banues në Tiranë.

Arrestimi i tij u bë pasi më datën 23.12.2019, rreth orës 00.15, është ndaluar nga shërbimet e Komisariatit të Policisë Nr 4 në rrugën “Sotir Caci” duke drejtuar mjetin veturë, tip ‘Chevrolet”.

Pas testimit me aparat “Drager”, nga shërbimet e Policisë Rrugore rezultoi se ky shtetas drejtonte mjetin në gjendje të dehur në masën 0.66 mg/l.

Materialet i kaluan Prokurorisë se Rrethit Gjyqësor Tiranë, për veprën penale “Drejtimi i automjeteve në mënyrë të parregullt”. /abcnews.al

pompeo-1.jpg
nev ila17:16 | 09/12/2019

Sot, në Ditën Ndërkombëtare Kundër Korrupsionit, Sekretari amerikan i Shtetit Mike Pompeo theksoi se Shtetet e Bashkuara do t’i shtojnë përpjekjet për të luftuar korrupsionin në mbarë botën.

Korrupsioni, thotë kryediplomati amerikan, fuqizon dhe mbështet udhëheqësit autokratë, dobëson besimin tek sistemet demokratike dhe krijon mundësi për aktorë të tretë që të shfrytëzojnë vendet partnere të Shteteve të Bashkuara.

Sekretari Pompeo njoftoi se gjatë vitit 2019, për shkak të përfshirjes në korrupsion madhor, rreth 40 zyrtarë të huaj dhe anëtarët e familjeve të tyre janë përfshirë nga Departamenti i Shtetit në listën e atyre që u ndalohet hyrja së bashku me familjet në ShBA.

Uashingtoni, tha ai, do ta vazhdojë më tej këtë praktikë.

Nga Shqipëria në këtë listë, janë 3 ish zyrtarë dhe familjet e tyre, që e çojnë në 14 numrin e përgjithshëm të individëve që u ndalohet hyrja në Amerikë.

Zyrtari i fundit nga Shqipëria i përfshirë në këtë listë ishte ish kryetari i Bashkisë së Durrësit, Vangjush Dako. E njëjta masë është marrë më parë për ish-Prokurorin e Përgjithshëm Adriatik Llalla dhe ish-deputetin socialist Tom Doshi./abcnews.al

D1E2430B-99CD-4625-8523-18E18BE5F2DB_cx0_cy19_cw0_w1023_r1_s.jpg
ent ela18:39 | 26/10/2019

Gjatë një aksioni policor në fshatin Vaksicë të Kumanovës, policia maqedonase ka ndalur 81 migrantë, të cilët po mbaheshin në një objekt të braktisur, pronë e shtetasit me inicialet N.A, person me precedentë penal.

“Polica ka ndaluar 81 emigrantë, 19 prej të cilëve ishin të moshës së mitur. Personi që dyshohet për trafikim me qenie njerëzore është arrestuar, ndërsa migrantët janë dorëzuar në Qendrën e pranimit në Tabanoc”, ka deklaruar Toni Angellovski, zëdhënës i Ministrisë së Punëve të Brendshme të Maqedonisë së Veriut.

Sipas policisë, migrantët kanë qenë të strehuar për një kohë të gjatë në këtë objekt ndërsa si destinacion të radhës besohet të kenë pasur kufirin me Serbinë, që ndodhet pranë fshatit ku janë kapur nga njësitet speciale të sigurimit.

Gjatë vitit 2019, policia ka vepruar në 57 raste duke parandaluar rreth 18.500 kalime ilegale me Serbinë.

Trafikantët janë kryesisht shtetas të Maqedonisë së Veriut. Maqedonia e Veriut është duke hartuar një plan rezervë, që të ballafaqohet me një valë eventuale të migrantëve, kanë bërë të ditur nga qendra për menaxhimin me kriza. /REL

qafe-thaneee.jpg
ent ela17:18 | 26/10/2019

Policia Kufitare në Qafë-Thanë, ka ndaluar në hyrje të Shqipërisë shtetasin bullgar të shpallur në kërkim. Ai është 52 vjeçari me iniciale G.K. banues në Bllagoevgrad  të Bullgarisë.

Ndalimi i tij u bë pasi, Gjykata e Apelit Tiranë me vendimin e datës 12.11.2015, e ka dënuar këtë shtetas me 4 vite burg (nga të cilat i mbeten për të vuajtur 3 vite e 8 ditë burg) për veprën penale “Fshehja e të ardhurave”.

Veprimet e mëtejshme lidhur me këtë rast do të ndiqen nga Seksioni për Krimin Ekonomik-Financiar, pranë Drejtorisë Vendore të Policisë Tiranë. /abcnews.al

CIGARJA-ELEKTRONIKE.mpg_snapshot_00.04-1280x720.jpg
ent ela13:26 | 05/09/2019

Cigaret elektronike janë të dëmshme dhe kanë pasoja afatgjata dhe pse nuk janë shumë të qarta. Micigan bëhet shteti i parë amerikan që ndalon shitjet e tyre, me ekspertët që kanë rënë dakord se tashmë përdorimi i tyre konsiderohet një emergjencë shëndetësore sidomos tek të rinjtë dhe tek adoleshentët.

Micigani është shteti i parë amerikan që ka ndaluar shitjen e cigareve elektronike. Sipas guvernatorit Uajtmer, bëhet fjalë për një masë të domosdoshme për të mbrojtur të rinjtë dhe adoleshentët nga efektet anësore të saj. Një hetim i departamentit amerikan të shëndetit publik të Miçigan, vendosi se përdorja e cigares elektronike nga adoleshentët është tashmë një emergjencë publike.

Sipas guvernatorit prodhuesit nëpërmjet shijeve të ëmbla I bëjnë të rinjtë që të varen nga nikotina, dhe pse në doza minimale, në cigaret elektronike me pasoja të rënda afatgjata.

Studimet e departamentit të shëndetit publik dëshmuan se konsumatori thith një sasi elementesh kimike dhe metalike, efekti i së cilës nuk është ende i qartë. Por janë të qarta pasojat që nikotina mund t’i shkaktojë trurit. Ndalimi që parashikon bllokimin e shitjeve dhe online dhe në dyqane, është i menjëhershëm dhe do të jetë në fuqi për të paktën 6 muaj. Guvernatori gjithashtu ndali dh etiketimin e këtyre cigareve si të pastra, të sigurta dhe të shëndetshme. Gjithashtu ndalohet dhe reklamimi i tyre.

Një muaj më parë qendrat për kontrollin dhe parandalimin e sëmundjeve konfirmuan se në Shtetet e Bashkuara të Amerikës janë regjistruar 153 raste të patologjive në mushkëri si pasojë e përdorimit të cigareve elektronike.

Por Micigan nuk është një rast i izoluar: disa qyette dhe komunitetet amerikane kanë vendosur të ndalojnë shitjen e cigareve ekektronike. Mes të parave është San Francisco. Por dhe në Amerikën Latine ku në Argjentinë dhe Brazil ndalohet përdorimi i tyre në ambjente publike. Në Europë ka ligje më të ashpra në Austri dhe Norvegji ndalohet shitja e tyre për adoleshentët. /ABC News Albania 24/7

BLLOKOHET-MISHI-MBULIM.mpg_snapshot_00.10-1280x720.jpg
ent ela11:00 | 23/08/2019

AKU ndalon hyrjen e 387.1 ton mish derri dhe vici të pasigurta në territorin shqiptar. Sipas njoftimit te ketij autoriteti,  234.5 ton mish janë kthyer në vendet e origjinës, ndersa 152.6 ton të tjera janë në proces për kthim.

Tre ngarkesa me sasi totale 74.9 ton “Mish Derri” me origjinë nga Kanadaja, u ndaluan ne Portin e Durresit pasi nuk përmbushin kërkesat ligjore të sigurisë ushqimore dhe kishin mangësi  dokumentacionin shoqërues.

Po ashtu , dy ngarkesa 52.2 ton “Mish Viçi” me origjinë nga Brazili, me destinacion final Kosovën, rezultuan me mangësi dhe mospërputhje thelbësore në dokumentacionin shoqërues të mallit.

Më herët, analizat e kryera për disa nga ngarkesat me mish të importuar rezultuan me ngarkesë mikrobiologjike. Per kete arsye, Autoriteti Kombëtar i Ushqimit vendosi kthimin e tyre në vendin e origjinës.

Keshtu 107.2 ton “Mish derri” me origjinë nga Brazili, janë kthyer në vendin e origjinës. Ndersa per 6 ngarkesa me mish, në total 152.6 ton, po përmbyllen procedurat për kthimin ne vendin e origjinës ose asgjësimin e tij.

Njoftimi i AKU

AKU ndalon hyrjen e 387.1 ton produkteve ushqimore të pasigurta në territorin shqiptar. Autoriteti Kombëtar i Ushqimit njofton se 234.5 ton mish janë kthyer në vendin e origjinës dhe 152.6 ton të tjera janë në proces për kthim.

Në kuadër të mbarëvajtjes të sezonit turistik veror, Autoriteti Kombëtar i Ushqimit vijon monitorimet rigoroze për cilësinë dhe efektivitetin e kontrolleve zyrtare të ushqimit si në terren ashtu dhe në Pikat e Inspektimit Kufitar.

Kontrollet e kryera nga inspektoret e ushqimit të AKU Durrës në Pikën e Inspektimit Kufitar Durrës gjatë ditëve të fundit kanë konkluduar se disa ngarkesa me produkte importi janë të pasigurta për konsum njerëzor dhe si rrjedhojë kanë vendosur për kthimin e tyre në vendin e origjinës. Më konkretisht:

  • Tre ngarkesa me sasi totale 74.946 ton “Mish Derri” me origjinë nga Kanadaja, importuar nga subjekti “FRIGO ALB shpk”, rezultuan se nuk përmbushin kërkesat ligjore të sigurisë ushqimore dhe kishin mangësi në besueshmërinë e dokumentacionit shoqërues (kryesisht të certifikatës veterinare si dokumenti kryesor i sigurisë së produktit si dhe certifikatat e analizave raportonin prezencë Ractopaminë, një produkt mjekësor veterinar i paregjistruar dhe i ndaluar për përdorim në Shqipëri dhe në BE)

 

  • Dy ngarkesa me sasi totale 52.257 ton “Mish Viçi” me origjinë nga Brazili, importuar nga subjekti “Apetit shpk”, në rregjim tranzit në territorin e Shqipërisë me destinacion final Kosovën, rezultuan me mangësi dhe mospërputhje thelbësore në dokumentacionin shoqërues të mallit (çertifikata e origjinës dhe ajo veterinare mbanin të dhëna të ndryshme nga dokumenti i transportit dhe fatura komerciale) çka e bën mallin ushqimor të importuar pa identitet të konfirmuar dhe të pasigurt për konsum.

Më herët, analizat e kryera për disa nga ngarkesat me produkte ushqimore mish të importuar rezultuan me ngarkesë mikrobiologjike (analizat laboratorike raportuan prezencën e Salmonella spp) dhe si rrjedhojë, produkti ushqimor i importuar me këto ngarkesa është i pasigurt dhe i papërshtatshëm për konsum njerëzor. Për ketë arsye dhe referuar bazës ligjore dhe rregullatore në fuqi, Autoriteti Kombëtar i Ushqimit vendosi kthimin e këtyre ngarkesave në vendin e origjinës, më konkretisht:

  • Katër ngarkesa me sasi totale 107.240 ton “Mish derri” me origjinë nga Brazili, importuar nga subjekti “ZICO sh.a.” është finalizuar praktika dhe ngarkesat janë kthyer në vendin e origjinës.
  • Gjashtë ngarkesa (152.631 ton në total) janë në proces përmbyllje praktike për kthimin ne vendin e origjinës ose asgjësim, më konkretisht:

o             51.984 ton “Mish Derri” me origjinë nga Brazili, importuar nga subjekti “AMG shpk”,

o             27 ton “Fileto Pule” nga Brazili, importuar nga subjekti “KING MIT”,

o             25.999 ton “Mish Derri” nga Brazili, importuar nga subjekti “FRIGO ALB shpk”,

o             22.648 ton “Mish Viçi” nga Brazili, importuar nga subjekti “DEKON FRIGO shpk”.

o             25 ton “Mish Derri” me origjinë nga Qipro, importuar nga subjekti “EHW shpk”,

dhe me finalizimin e praktikës për kthimin ne vendin e origjinës ose asgjësim, rezultati do të njoftohet në rrjetin Europian të shkëmbimit të informacionit mbi rreziqet që lidhen me ushqimin (RASFF).

 

AZILKERKUESIT-NE-SHQIPERI_ABC-M2-T1.mpg_snapshot_00.03-1280x720.jpg
ent ela15:10 | 27/07/2019

Rreth 1600 emigrantët të jashtëligjshëm nga vendet e lindjes së mesme janë ndaluar nga në kufirin Shqiptaro-Grek gjatë 7 muajve të parë të 2019. Numri në i azilkërkuesve nuk ka ardhur në ulje edhe pse në kufirin me greqinë janë dislokuar 50 oficer të FRONTEX.

Edhe pse në kufirin jugor dhe ate juglindor janë dislokuar rreth 50 oficer të Rojes Kufitare FRONTEX, përsëri numri i emigrantëve të paligjshmëm që zgjedhin Shqipërinë si vend tranzit drej Bashkimit Europian nuk ka rënë.

Nga janari deri në 15 korrik janë ndaluar brenda kufirit Shqiptar 1623 emigrantë, kryesisht nga Siria, Afganistani dhe Eritrea. Azilantët kishin hyrë nga territori grek duke paguar shume të konsiderueshme parash.

Burime nga Policia e Shtetit pohojne se, rreth 60% e tyre janë kthyer vullnetarisht në shtetin fqinj, duke bërë procedurat nga ana e palës Shqiptare. Për të gjithë personat e kapur në kufi policia kufitare, kryen procedurat, si marrja e gjurmëve të gishtërinjëve, verifikimi dhe regjistrimi në sisitem TIMS.

Ndërkohë Pjesa tjetër emigrantëve të paligjshëm kanë kërkuar azil në Shqipëri, duke u trajtuan në qendrën e azilit në Babrru.

Rreth 100  e azilkërkuesve të tjerë janë në qendren e Karreçit, e cila është në varësi të Drejtorisë së Kufirit dhe Emigracionit.

Duke para numrin në rritje nga viti në vit të emigrantëve azlikërkuesve, Bashkimi Europain, vendosi në fund të majit të dislokojë oficerët e  FRONTEX-i në kufirin Shqiptaro-Grek. Agjensia e Rojes Kufitare dhe Bregdetare, patrullon e kufirin e gjelbër, ku ekipe të përbashkëta, të përbëra nga oficerë të policisë kufitare nga 11 vende të BE-së, inspektojnë kufirin për të parandaluar, emigracionin e paligjshëm dhe krimin ndërkufitar. Fillimisht 50 oficerë u vendosën në pikat e kalimit kufitar në Kakavijë dhe në Kapshticë, të konsideruara si pikat më të nxehta të kalimit të emigrantëve të paligjshëm nga Greqia në Shqipëri, në orvatje për të kaluar më pas në vendet e BE. /ABC News Albania 24/7

 

 

Vulin-serbi.jpg
ent ela12:40 | 10/07/2019

Ministrit të Mbrojtjes së Serbisë, Aleksandar Vulin, dhe delegacionit të kësaj Ministrie nuk i është lejuar vizita në Qendrën Klinike dhe Spitalore në veri të Mitrovicës. Mediat serbe raportojnë se lajmi është konfirmuar nga kabineti i ministrit serb të Mbrojtjes. Sipas tyre, nuk u është lejuar vizita pavarësisht nga fakti se javën e kaluar kryeministri i Kosovës, Ramush Haradinaj, i tha homologes serbe, Ana Bërnabic, se ishte një lajm i rremë që Prishtina ua ndaloi të gjithë zyrtarëve serbë vizitat në Kosovë. /ABC News Albania 24/7

Rama-per-Mynyr-Konin-1280x723.jpg
ent ela13:51 | 22/04/2019

Pas ndalimit të 4 personave të përfshirë në grabitjen e aeroportit, ka reaguar kryeministri Edi Rama i cili e sheh si një zhvillim inkurajues në rrugën e ndalimit dhe ndëshkimit ligjor të të gjithë autorëve të krimit.

Sipas shefit të qeverisë Policia e Shtetit duhet të provojë përditë se sa më shumë sulmohet e baltoset,aq më shumë rritet forca e saj goditëse- shkruan kryeministri Rama në Tëitter. /abcnews.al

plastika-1280x676.jpg
ent ela12:07 | 28/03/2019

Duke filluar që nga viti 2021 në vendet e Bashkimit Europian nuk do të përdoren më materialet plastike një përdorimshe. Parlamenti europian e miratoi ligjin që ndalon përdorimin e tyre me 560 vota pro. Ndërsa brenda vitit 2025 shishet e plastikës duhet të kenë të paktën 25 për qind të materialit të riciklueshëm.

Parlamenti Europian miratoi në mënyrë përfundimtare ligjin i cili ndalon që nga viti 2021 përdorimin e disa artikujve plastikë një përdorimshe. Ligji mori 560 vota pro, 35 kundër dhe 28 abstenime, ai parashikon ndër të tjera se duke filluar që nga viti 2025 shishet e plastikës duhet ët përmbajnë të paktën 25 për qind material të riciklueshëm, kuotë e cila do të arrijë në 30 për qind brenda vitit 2030.

Ligji fikson dhe një objektiv për mbledhjen e 90 për qind të shisheve të plastikës brenda vitit 2029.

Propozimi parashikon objektiva për reduktimin e konsumit dhe të pijeve që tregtohen në shishe plastike. Shtetet anëtare mund të reduktojnë konsumin duke ofruar produkte alternative, dhe duke ndaluar që produktet e plastikës një përdorimshe të mos shpërndahen falas.

Ndërkohe që letrat e lagura dhe artikuj të tjerë higjienikë do të kenë një etiketë të veçantë ku të tregohet se si mund të asimilohen dhe për impaktin negativ të tyre në ambjent, por dhe për përqindjen e plastikës.

Dhe mjetet e peshkimit preken nga ky ligj pasi përbëjnë 27 për qind të mbeturinave që mblidhen në plazhe.

Sipas Komisionit Europian më shumë se 80 për qind e mbeturinave në det përbëhet nga plastika. Për shkak të dekompozimit të ngadaltë, plastika grumbullohet në det, në oqeane dhe në plazhet e vendeve të BE-së por dhe të botës. Mbeturinat e plastikës gëlltiten nga gjallesat në det, duke u bërë në këtë mënyrë të pranishme dhe në zinxhirin ushqimor njerëzor. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono