ndahet nga jeta

50074683_2252486598362165_740520570206027776_o.jpg
ent ela12:32 | 10/01/2019

Ndahet nga jeta, në moshën 78-vjeçare, ish-portieri i Partizanit dhe i ekipit përfaqësues, Mikel Janku. Një tjetër humbje e madhe për sportin kombëtar.

Futbolli shqiptar humbet një tjetër personalitet. Ish-portieri i kombëtares dhe i Partizanit, Mikel Janku, u nda nga jeta në moshën 78-vjeçare.

Janku u shkollua fillimisht si aviator në Bashkimin Sovjetik, por më shumë u bë i njohur për karrierën sportive.

Ai ishte për shumë vite portier i Partizanit, duke fituar kupa dhe kampionate, si dhe mbrojti për 9 ndeshje portën e ekipit përfaqësues, duke pasur përballë lojtarë të rëndësishëm si Franc Bekenbauer, Gerd Myler apo Xhorxh Best.

Me kryeqytetasit luajti disa ndeshje në Europë, si ndaj Këlnit në Kupën e Kampionëve, Torinos në Kupën e Kupave apo me Norçepingun e Suedisë.

Tek Partizani, Janku nisi të luante në krah të lojtarëve të mëdhenj si Refik Resmja, Panajot Pano apo Lin Shllaku.

Trajner i tij me klubin ishte i shquari Loro Boriçi.

Pas lënies së futbollit, punoi si drejtues dhe trajner tek Partizani, ndërsa në vitet 90 dhe 2000 ishte gazetar në “Sport Ekspres”. /abcnews.al

01D731E7-A040-4E87-A175-648F04E90EEF_cx0_cy3_cw0_w1023_r1_s.jpg
ent ela08:18 | 26/08/2018

Është shuar në moshën 81-vjeçari senatori republikan Xhon MekKejn. Ai vuante që prej vitit 2017 nga një tumor në tru dhe të premten vendosi të mos merrte trajtimin e nevojshëm.

Senatori republican John McCain ka ndërruar jetë në moshën 81-vjeçare. Veteran i luftës së Vietnamit, luftonte prej kohësh kundër një tumori në tru dhe të premten njoftoi vendimin e tij për të mos marrë kurat e nevojshme. Pavarësisht sëmundjes, McCain është përpjekur të respektojë angazhimin e tij politik deri në fund, duke sfiduar edhe presidentin Donald Trump. Në 2008 ai garoi kundër Barack Obamës për zgjedhjet presidenciale. Për shkak të përplasjeve, kreu i Shtëpisë së Bardhë me anë të një mesazhi në tuitër nuk ka thënë asnjë fjalë për senatorin por vetëm shprehu simpatinë e tij për familjen e McCain. “Zemrat dhe lutjet tona janë me ju”, shkruan ai. Mes Trump dhe McCain raportet nuk ishin ndër më të mira, me senatorin që i dha një goditje të rëndë lidhur me zëvendësimin e Obamacare dhe sigurisht këtë Trump nuk e ka harruar. Por tensionet lindën edhe më përpara: në fushatën elektorale Trump e ka akzuar se nuk ishte hero duke parë që ishte kapur nga ushtria e Vietnamit.

Duke i shprehur ngushëllimet e tij për familjen McCain, ish presidenti Obama rikujton sfidën e tyre në 2008. “Ne ishim shumë të ndryshëm, por ne ndanim besnikëri ndaj diçkaje më të lartë, domethënë idealet për të cilat gjeneratat e amerikanëve dhe emigrantëve luftuan, manifestuan dhe bënë sakrifica “, thotë ai duke e quajtur senatorin republikan një” guximtar “i cili” na frymëzon “. Ish-presidenti Bill Clinton falënderon McCain për rolin e tij në normalizimin e marrëdhënieve midis Shteteve të Bashkuara dhe Vietnamit dhe shpreh ngushëllime për familjarët.

Me një të shkuar si pilot në avionët luftarakë, si nxënës i mbijetoi një rrëzimi të një avioni në stërvitje. Në 1967 në Vietnam, mjeti fluturues i tij mori flakë ndërsa po përgatitej për ngritje nga një avionmbajtëse. Disa muaj më vonë ai u rrëzua nga ushtarët e vietnamit në qiellin e Hanoi. McCain, i kapur në një pellg në qendër të qytetit ku edhe sot një pllakatë përkujton ngjarjen, mbijetoi përsëri, me këmbët dhe një krah të thyer. Ushtria e mbylli atë në ish-burgun francez, ku ai kaloi vite të tmerrshme, i torturuar dhe u përdor për qëllime propagande pas zbulimit se ai ishte biri i admiralit që komandonte të gjitha forcat në Paqësor.

Pas rikthimit në SHBA I hyri politikës, porn ë vitet ’70 pati vështirësi në ndërtimin e karrierës së tij, për shkak të jetës së tij personale. Gruaja e parë, një modele, e divorcoi në 1980, për shkak të tradhëtive. “isha një 40-vjeçar i papjekur dhe egoist”, ka treguar McCain, i cili u martua përsëri me Cindy Hensley, trashëgimtare e një kompanie birre. Vetëm në vitet ’80, në kohën e Ronald Reagan, John filloi të bëhej I njohur, edhe si protagonist për nisma jot ë mbështetura edhe nga partia e tij si ligji I reformës për financimin electoral dhe torturat. Në vitin 2000 tentoi për herë të parë garimin për në Shtëpinë e Bardhë, me një fushatë jashtë ekraneve. I cilësuar politikisht i vdekur pas mposhtjes në paraprake kundër George W Bush, në mënyrë surprizë u kandidua nga republikanë në 2008-n. në krah të tij ishte dhe Sara Palin si zëvendëse, por në fund Obama arriti të triumfojë. /abcnews.al

gaqo-cako-1280x720.jpg
ent ela22:22 | 01/08/2018

Është ndarë nga jeta në moshën 83 vjeçare simboli historik i operas dhe muzikës shqiptare, Gaqo Çako. Mjeshtri i madh u shua në shtëpinë e tij në Tiranë. Lajmi u publikua në faqen zyrtare të facebook të Teatrit Kombëtar të Operas, Baletit dhe Ansamblit Popullor.

“Lamtumirë simboli historik i Operas dhe Muzikës Shqiptare, “Nderi i Kombit” – Gaqo Cako.

Me hidhërim të thellë bëjmë me dije se pak minuta më parë është ndarë nga jeta në moshen 83 vjeçare tenori virtuoz, simboli historik i muzikës operistike shqiptare, “Nderi i Kombit”,  Gaqo Cako. Mjeshtri i madh u shua në shtëpinë e tij në Tirane. Ngushëllime familjes, miqve dhe kolegëve të Gaqo Cakos  “Nderit të Kombit”.

Për homazhet dhe ceremoninë mortore, TKOBAP do t’ju bëjë me dije në vijim”.

Gaqo Çako ka lindur më 24 janar 1935.

Tenori legjendar, Gaqo Çako, Artist i Popullit, është i rreshtuar në emrat e mëdhenj të Panteonit të muzikës shqiptare si Ramiz Kovaçi, Mentor Xhemali, etj. Midis viteve 1957 dhe 1961 ai studioi në konservatorin “Çajkovski” të Moskës nën drejtimin e pedagoges Anna Soloviova. Pas kthimit në Shqipëri më 1961 ai u emërua tenor i përhershëm i Teatrit të Operës dhe Baletit të Tiranës, ku këndoi shumë nga rolet e para të repertorit operistik, duke u bërë kështu tenori kryesor për tri dekada me radhë.

Përvoja dhe karriera e tij mjaft e pasur në operat “Traviata”, “Bohema”, “Rigoleto”, “Norma”, etj, si dhe operat shqiptare “Mrika” e Prenk Jakovës, “Lulja e kujtimit” e Kristo Konos, “Pranvera” e Tish Daisë, “Heroina” e Vangjo Novës, “Skënderbeu” i Prenk Jakovës e “Skënderbeu” i Abdulla Grimcit, “Komisari” i Nikolla Zoraqit, “Zgjimi” i Tonin Harapit, “Toka e jonë” e Pjetër Gacit, etj, e bëjnë atë me një karrierë të shkëlqyer.

Mjaft i njohur edhe në skenat italiane, ku ai ka mbaruar konservatorin e Santa Cecillias. Zëri i tij është kthyer në objekt kënaqësie kudo që ai dëgjohet e shfaqet, në opera, në televizion, në radio, në salla të mëdha a të vogla koncertesh.

Edhe pse vlerën më të madhe ai e pati në interpretimet e roleve operistike, ai u popullarizua nëpërmjet këngës, veçanërisht atyre të Festivaleve të Radios. /abcnews.al

02-bw-avicii-press-2017-cr-Sean-Eriksson-billboard-1548.jpg
ent ela20:05 | 20/04/2018

Është ndarë sot nga jeta jeta në moshën 28 vjeçare DJ suedez Avicii, emri i vërtetë i të cilit është Tim Bergling.

“Është një dhimbje e thellë që ne të njoftojmë humbjen e Tim Bergling, i njohur edhe si Avicii,” tha në një deklaratë Diana Baron. “Ai u gjet i vdekur në Muscat, Oman këtë të premte pasdite. Familja është shkatërruar dhe ne i kërkojmë të gjithëve që të respektojnë privatësinë e tyre në këtë kohë të vështirë”– deklaroi përfaqësuesja e tij.

DJ Avicii ka bashkëpunuar me Madonnën, Coldplay dhe Rita Orën.

Hitet e tij më të mëdha janë Wake Me Up, Hey Brother, dhe kohët e fundit, Lonely Together me Rita Orën.

Pas lajmit të vdekjes së tij shumë artistë të tjerë shkruan mesazhe ngushëllimi në rrjetet sociale.

Në vitin 2016, di xheji i famshëm njoftoi tërheqjen nga muzika për probleme shëndetësore.

C_2_articolo_3130496_upiImagepp.jpg
ent ela08:58 | 26/03/2018

Televizioni Italian është në zi, pas ndarjes nga jeta në moshën 60 vjeçare të prezantuesit të njohur Fabricio Frici. Ai ndërroi jetë mbrëmjen e së dielës si pasojë e një hemorragjie cerebrale .

Prezantuesi i njohur Italian Fabrizio Frizzi ka ndërruar jetë gjatë natës së të dielës në Romë si pasojë e një hemoragjie cerebrale. Lajmi është konfirmuar nga bashkëshortja e tij Carlotta, vëllai i tij Fabio dhe familja e tij: “Faleminderit Fabrizio për gjithë dashurinë që na keni dhënë”. “Me Fabrizion ikën  dhe një pjesë e jona , e historisë sonë, e jetës sonë të përditshme“, deklaroi RAI duke komentuar lajmin tragjik.

Në 23 tetor të një viti më parë Frizzi u godit nga një ishemi gjatë regjistrimit të emisionit “L’Eredità” i cili transmetohej nga Rai. Por pas disa ditësh në spital u duk se gjendja e tij shëndetësore u përmirësua. Ai u rikthye sërish në televizion në dhjetor për të drejtuar emisionin e tij. Në 5 shkurt të këtij viti ai mbushi 60 vjeç dhe në një intervistë shprehej se nëse do të shërohej plotësisht do të tregonte të gjitha detajet.

Fabrizio Frizzi doli për herë të parë në televizion në Rai, në moshën 20 vjeçare në vitin 1980, duke u bërë me kalimin e viteve një nga emrat më popullorë të Rai Uno. I apasionuar pas muzikës ai ka bërë dhe dubluesin në shumë filma vizatimorë.

Edhe pse janë 73 emisionet e prezantuara nga ai, Miss Italia është program me të cilin publiku do e kujtojë gjithnjë. Frizzi ka drejtuar konkursin e bukurisë pr 16 edicione nga 1988 deri në 2002 e më pas 2011 – 2012. Në edicionin e 2002-shit ai njohu dhe bashkëshorten e tij Karlotta Mantovan, e cila ishte pjesë e garës për t’u bërë më pas një gazetare për Sky TG 24.

Më parë ai ka qenë i martuar me prezantuesen e njohur Rita Dalla Chiesa me të cilën mbeti gjithnjë në marrëdhënie të mira aq sa drejtuan dhe një emission së bashku “Posta e Zemrës”./abcnews.al

 

gezim-qendro-1024x576.jpg
ent ela10:44 | 27/02/2018

Ndërron jetë në moshën 60 vjeçare Gëzim Qendro. Kritiku i njohur i artit, i cili do te mbahet mend gjatë edhe si njëri prej ish-drejtuesve më të sukseshëm të Galerisë Kombëtare të Artit, mbylli sytë në orët e para të mëngjesit të sotëm, duke humbur kështu luftën me një sëmundje të pashërueshme me të cilën përballej prej rreth një viti. Përveç kontritubit artistik, Gëzim Qëndro, njihet edhe si autor i përkthimeve të shumta mbi historinë dhe teorinë e artit. 60 vjeçari Qendro ka lënë pas një krijimtari të pasur me monografi, mes të cilave mund të veçohen “Kinostudio – Shqipëria e vjetër”, “Surrealizmi socialist”, “Heronjtë janë të uritur”, “Fuqia e Imazheve” apo edhe “Arkeologjia e Mëngjesit”,

Qëndro drejtoi Galerinë e Arteve për 5 vjet, nga vitit 1997-2002. Gjatë kësaj periudhe ai kuroi një sërë ekspozitash të rëndësishme si dhe nisi botimin e revistës “PamorART”. Gjatë kohës që kjo Galeri drejtohej nga Gëzim Qendro, aty u hap dhe një bibliotekë dhe pikërisht aty nesër do të zhvillohen homazhet për intelektualin e mirënjohur Gëzim Qendro. Për ndarjen nga jeta të kritikut të artit shkroi sot dhe ministrja e Kulturës Mirela Kumbaro, e cila e cilëson Gëzim Qendron si një nga më të mirët, më profesionistët e më të mençurit e Artit dhe të Mendjes, si kritiku dhe historiani i estetikës dhe artit, drejtori që bëri kthesën në Galerinë Kombëtare të Arteve. /abcnews.al

vlcsnap-error196-1-1280x720.jpg
ent ela14:13 | 21/02/2018

Rritet në 4 numri i viktimave të aksidentit tragjik të së dielës në rrugën Shkodër- Velipojë. Sot është shuar në spital edhe vajza e madhe e familjes Preka, e cila u godit shumë rëndë nga ky aksident.

Noemi Preka  e humbi  betejën, nuk mundi të jetojë.

As për nënën e saj që kërkon fëmijët vazhdimisht në spital.

Dhe as për ata që luteshin.

Prej pasdites së dielë vajza dhjetë vjeçe ishte në koma.

Tre pjestarë të tjerë të familjes së saj u përcollën për në banesën e fundit të martën.

Bashkë humbën jetën në aksidentin tragjik në Velipojë.

Noemi Preka është fëmija i tretë i familjes që ndërron jetë.

Babai, Edmondi që drejtonte makinën humbi jetën në vend, pasi përplasja me një mjet tjetër tip fuoristradë rezultoi fatale.

Por atë natë në spital ndërruan jetë edhe djali tetë muajsh dhe vajza 5-vjeçe.

Në spital ndodhet e plagosur nëna, Evisa Preka 36-vjeçe.

Ajo është përmendur  dhe mjekët thone se është jashtë rrezikut për jetën, por jo në dijeni për tragjedinë.

Të plagosur nga aksidenti i së dielës ishin edhe dy personat që ndodheshin në fuoristradë, por jashtë rrezikut.

Sapo lajmi u përhap,  Famullitari i Velipojës Dom Marjan Gega shkroi në FB:

“Me sa duket Zoti të deshti ma shumë se sa ne. Ma shumë se të qendrojë me ne, ndoshta të gjithë jetën e pikëllume, ai i Lumi preferoi me të bashku me babën, motrën e vllaçkon tand!

Pushofsh ne Paqe Noemi!”

/abcnews.al

ANXHELA-768x445.jpg
ent ela09:51 | 03/02/2018

Anxhela Noçka, studentja e vitit të katërt të Arkitekturës humbi betejën me leuçeminë akute. 22- vjeçarja është ndarë nga jeta në Spitalin e Budapestit dhe lajmin e hidhur e kanë bërë të ditur miqtë e saj në rrjetin social Facebook.
Noçka u prek nga sëmundja e rëndë në Janar të vitit 2017 dhe menjëherë pas lajmit të kësaj sëmundje miqtë e saj morën nisma të shumta për të ndihmuar në kurimin e Anxhit, por ajo mund mundi dot të shpëtonte.

Mesazhi në Facebook
“Ishim miq prej shumë kohësh, lamtumirë. Për të gjithë ne që besuam në betejën e saj!!
Anxhi Noçka ndërroi jete sonte në spitalin që kurohej, në Budapest!
Lufta e saj ishte e gjatë dhe shumë e mundimshme. Ajo luftoi e besoi fort deri në fund, nuk u dorëzua asnjë çast deri në momentet e fundit! Te gjithë besuam,mbështetem dhe u lutem për Anxhin, por ndoshta e keqja qe kishte zaptuar trupin e saj,nuk donte te dëgjonte lutjet tona!
Ajo luftoi duke besuar të pabesueshmen!
Jam e bindur që Anxhi nga atje lart, ka falënderuar secilin nga ju që e mbështet e që besuat te Ajo!!😢😢
Ajo do dëshironte pa fund të mos zhgënjente asnjërin prej jush, do dëshironte pafund të kthehej mes jush e t’ju përqafonte fort të gjithëve JU,NE…por mesa duket Zoti e deshi fort! Nuk e la mes nesh, fizikisht, ndonëse shpirtërisht ajo do të jetë përjetësisht mes gjithë atyre që njohën shpirtin e saj të bukur !!
Anxh 😢😢sma mbajte premtimin, por unë do të të fal,sepse jam e bindur qe Zoti do te kujdeset për ty!!
Lamtumire Anxh!
Lamtumire bukuri!
Shpirti yt i bukur u prehtë në paqe!
Do të ruaj për jete në zemrën time!!❤️😢😢
/tvklan.al

761dbbfd4ab14edf93398457fc38647a.jpg
G. P.22:31 | 15/01/2018

Shuhet papritur në moshën 46-vjeçare, këngëtarja Irlandeze, Dolores O’Riordan. Njoftimi është bërë nga agjenti i saj. Ajo u bë e famshme me hitin e saj Zombi në vitin 1995.

Kantautorja, muzikantja dhe aktorja irlandeze Dolores O’Riordan është shuar papritur në moshën 46-vjeçare. Lajmi është konfirmuar nga agjenti i saj me anë të një njoftimi. “Këngëtarja ishte një Londër për një sesion të shkurtër regjistrimi. Nuk ka detaje të tjera për momentin”, theksohet në njoftim. Dolores ishte pjesë e grupit “The Cranberries”. Në 2017, ata kishin ndërprerë turin e koncerteve për shkak të problemeve shëndetësore të 46-vjeçares.

“Familjarët janë të shkatërruar nga lajmi dhe kanë kërkuar që të respektohet privatësia e tyre në këtë moment kaq të vështirë”, nënvizohet në njoftim.
Dolores O’Riordan iu bashkua grupit në vitin 1990. Albumi i tyre i parë ishte: “Everybody Else Is Doing It, So Why Can’t We?”. Ndërsa një vit më vonë në 1994 “The Cranberries” publikuan albumin “No Need to Argue”, i cili përmbante dhe këngën me titull “Zombie”.

Kjo këngë e bëri grupin shumë të famshëm dhe arriti të fitojë çmimin e “MTV Awards” si kënga më e mirë e 1995-s. Ata më pas do të publikonin dhe disa albume të tjera përpara se të shpërbëheshin si grup në vitin 2003. Për disa kohë, Dolores O’Riordan zhvilloi aktivitetin si soliste. Por në 2009, ajo zyrtarizoi ribashkimin e grupit. Albumi i tyre i fundit u publikua në 2017 dhe mban titullin “Something Else”.

Këngët e Dolores janë përdorur në shumë filma. Gjithashtu këngëtarja irlandeze ka pasur edhe disa bashkëpunime ndërkombëtare. Që prej 2013 ajo ishte pjesë e jurisë së versionit irlandez të “The Voice”./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono