nasa

PLANETI-MARS-JETA-1280x720.jpg
ent ela13:43 | 08/06/2018

Shkenctarët e NASA-s kanë zbuluar se në Mars ka pasur kushtet e nevojshme për zhvillimin e jetës përpara 3.5 miliardë viteve. Kjo u jep shpresë atyre se në Planetin e Kuq janë akoma kushtet për zhvillimin e jetës.

Në Mars ka molekula organike dhe metani në atmosferë lëviz në mënyrë të rregullt: asnjëherë më parë si tani është zbuluar se planeti i kuq duket se ka pasur kushtet e nevojshme për të zhvilluar jetë dhe ndoshta mund ta bëjë akoma këtë. Të dhënat, e dërguara në Tokë nga misioni “Curiosity” i NASA-s, janë publikuar në revistën Shkenca dhe nuk janë akoma provë se në Mars ka jetë.

Por të dhënat tregojnë një mundësi të madhe që 3.5 miliardë vite më parë në Mars ka pasur kushtet e nevojshme për të zhvilluar jetë. Ky mendohet si një zbulim shumë i rëndësishëm i NASA-s që kërkon prej shumë vitesh alternativa të tjera për jetë në galaktikë.

“Po jetojmë momente entuziaste”, u shpreh Kris Vebster, nga Laboratori i NASA-s. “Shikojmë të ardhmen me shpresë, në kërkim të rezultateve të mëtejshme. Do të duhet akoma kohë përpara se të kuptojnë nëse origjina e metanit është biologjike”, përfundoi ai. /abcnews.al

alen-bin.jpg
gra moz10:12 | 27/05/2018

Ka ndërruar jetë të shtunën, në moshën 86-vjeçare Alen Bin, njeriu i katërt që shkeli në Hënë. Lajmin e kanë bërë të ditur familjarët e astronautit, përmes një komunikate dërguar agjencisë hapësinore NASA. Bin ishte shuar në spitalin Metodist të qytetit të Hjustonit, në Shtetet e Bashkuara, për shkak të një sëmundjeje që e kishte prekur në vitet e fundit.

Bin shkeli terrenin hënor gjatë misionit “Apollo 12”, në nëntor 1969, pas Neill Armstrong, Baz Olldrin dhe Pit Konrad. Ndërsa në Korrik 1973, ai ishte komandant i ekuipazhit të dytë që fluturoi në stacionin e parë hapësinor amerikan, “Skajleb”./abcnews.al

pia22227-full-1280x720.jpg
ent ela18:46 | 05/05/2018

NASA ka lëshuar një mission të ri në Planetin Mars. Me këtë projekt synohet studimi i tërmeteve në planetin e kuq si dhe formimi I tij.

NASA eksploron Marsin përsëri katër vjet e gjysmë pas lëshimit të sondës së fundit, “Maven 2013”. Objektivi: për të studiuar nëntokën e Planetit të Kuq. Misioni i quajtur “InSight” (pamje më në brendësi) do të arrijë atje ku nuk kanë mundur anijet kozmike, modulet e uljes dhe sondat orbitale. Gjetjet mund të mbulojnë fazat më të largëta të formimit të planetit “shkëmbor”, përfshirë Tokën dhe Hënën e saj, në formimin më të gjerë të sistemit diellor.

Raketa, Atlas 5, u lëshua pak pas orës 13 të së dielës nga baza e Kalifornisë në Vandenberg dhe jo nga baza e zakonshme Cape Canaveral në Florida. Mbërritja është planifikuar për në nëntor me zgjerimin e paneleve diellore dhe ekspozimin e pajisjeve kryesore që do të fillojnë menjëherë të punojnë. Para së gjithash, ata duhet të regjistrojnë tërmetet në Mars dhe rrjedhat termale në nëntokë deri në 5 metra thellësi.

Ndërkohë, i gjithë projekti kap një shifër marramëndëse prej 993 milionë eurove. Sonda do të punojë rreth dy vite për të zbuluar se çfarë fshihet poshtë sipërfaqes së planetit Mars.  /abcnews.al

foto-koveri.jpg
gra moz17:53 | 09/03/2018

Në kuadër të botimit të një libri të ri të quajtur “Space Exploration” (Eksplorimi i hapësirës), NASA ka shpërndarë disa nga fotot më mahnitëse që ka arritur të shkrepë ndonjëherë.

Bëhet fjalë për fotografinë e njeriut të dytë që shkeli në Hënë, të realizuar nga austronauti tjetër Neil Armstrong, që kishte zbritur disa minuta para tij.

Por jo vetëm kaq. Nasa ka zbuluar edhe imazhe të mrekullueshme nga unazat e Saturnit, të sjella nga satelitët më të fundit.

Edwin Eugene Aldrin, njeriu i dytë që ka shkelur në Hënë. Ai ishte pjesë e misionit “Apollo 11” më 21 Korrik. Fotoja është shkrepur nga austronauti tjetër, Neil Armstrong, i cili është njeriu i parë që ka ecur në Hënë.
Ky është poli i jugut në Jupiter. Fotoja është bërë në Maj të 2017-s nga sateliti “Juno”.
Kështu duket Toka nga Hëna. Kjo foto është realizuar si pjesë e misionit “Apollo 11”, i cili në fakt është misioni i vetëm që arriti të largohej nga orbita e Tokës, të shkonte në atë të Hënës dhe të rikthehej sërish pa probleme.
Në këtë foto, austronatja Tracey Caldwell Dyson shikon nga dritarja e Stacionit Ndërkombëtar Hapësionr (ISS) planetin.
Kjo foto është realizuar nga sateliti “Cassini”. Për të arritur në këtë përfundim janë përdorur disa imazhe të shkrepura nga sateliti.
Austronauti i Agjencisë Europiane të Hapësirës, Thomas Pesquet gjatë një ecje në hapësirë në Janar të 2017-s.
vlcsnap-error137-1280x720.jpg
gra moz12:40 | 12/02/2018

Uashington Post shkruan se presidenti amerikan, Donald Tramp, tashmë synon të privatizojë segmentin amerikan të Nasa-s. Kreu i Shtëpisë së Bardhë do t’i japë fund financimeve federale për stacionin hapësinor ndërkombëtar brenda 2025-s.

Presidenti amerikan, Donald Trump, synon të privatizojë pjesën amerikane të stacionit hapësinor ndërkombëtar. Lajmi është publikuar nga Ushington Post, pasi ka marrë në dorë dokumentet e Nasa. Shtëpia e Bardhë do t’i japë fund financimeve federale për Nasa-n brenda 2025-s dhe të krijojë kushtet që të jetë një sipërmarrje private që të merret me çështjen e menaxhimit. Për këtë arsye në projektbuxhetin e 2019-s kërkohet një fond prej 150 milion dollarësh.

Në një dokument të Nasa-s të publikuar nga Uashington Post shkruhet se vendimi për t’i dhënë fund mbështetjes federale në 2025-n nuk do të thotë se stacioni hapësinor do të nxirret nga orbita, por industria e sektorit mund të vazhdojë ta mbajë në funksion në kuadër të një platforme të ardhshme tregtare.

Plani i Trump ka shumë mundësi të përballet me një opozitë të fortë, sidomos për faktin se deri tani Shtetet e Bashkuara të Amerikës kanë investuar rreth 100 miliardë dollarë. Dhe ndër të tjera sepse Nasa është ndërtuar për qëllime shkencore, dhe jo për përfitime financiare.

Uashington Post më tej shkruan se Nasa do të zgjerojë partnership-in e saj ndërkombëtar dhe tregtar në shtatë vitet e ardhshme për të garantuar qasjen njerëzore dhe praninë në orbitën e ulët të tokës.
Kërkesa për 150 milionë dollarë për 2019, si dhe fondeve të tjera në të ardhmen synon zhvillimin dhe pjekurinë e enteve tergtare si dhe kompetenca që garantojnë se Stacioni hapësinor ndërkombëtarë të jetë aktiv sa herë që të jetë e nevojshme./abcnews.al

titan-1280x899.jpg
gra moz12:53 | 11/02/2018

Shkencëtarët kanë ndërtuar një oqean “alien” në Tokë.

Kjo është arritur për të ndihmuar kërkuesit të simulojnë një planet tjetër në mënyrë që të eksplorojmë më shumë sistemin tonë diellor dhe të kuptojmë planetet e tjera.

Ata shpresojnë që një ditë të mund të fusin një nëndetëse nën sipërfaqen e Titanit, që është hëna më e madhe e planetit Saturn.

Këtë gjë, Nasa shpreson ta bëjë të mundur brenda 20 viteve të ardhshme.

Por për ta arritur këtë gjë është shumë e vështirë. Sipërfaqja e Titanit është shumë rreth -120 gradë celsius ftohtë dhe oqeanet janë të bëra me metan dhe etan.

Këto karakteristika e bëjnë shumë interesante për kërkuesit sepse ka oqeane, lumenj, re dhe shi si planeti ynë, por fakti që bazohet në metan dhe jo ujë, e bën të vështirë vendin për t’u eksploruar./abcnews.al

mars-1.jpg
gra moz19:22 | 02/02/2018

NASA ka zbuluar për publikun disa pamje nga sipërfaqja e Marsit.
Imazhet janë marrë nga roboti “Mars Curiosity”, i cili është dërguar për të eksploruar planetin e kuq që në vitin 2012.


Një nga kamerat e robotit ka kapur 16 foto që tregojnë pika të ndryshme gjatë udhëtimit të tij.
Falë disa efekteve vizuale, fotot shfaqen në ngjyrë blu në vend të së kuqes, ngjyrë me të cilët e përshuajnë Marsin, duke bërë kështu që të duket e çuditshme për sytë e njerëzve në tokë./abcnews.al

vlcsnap-error829-1-1280x720.jpg
us er12:56 | 31/12/2017

Fishekzjarret nuk do të jenë të vetmet që do të shkëlqejnë qiellin e mbrëmjes së ndërrimit të viteve. Spektaklit të tyre do t’i shtohet edhe ndriçimi i super hënës.
Agjencia NASA ka raportuar se hëna e plotë për vitin 2018 do të shfaqet pikërisht mbrëmjen e parë të Janarit, por edhe përgjatë ditëve në vijim.
Super hëna gjatë këtyre ditëve do të jetë 14% më e madhe në përmasë dhe do të shkëlqejë 30% më tepër.
NASA njofton gjithashtu se hëna e plotë do të shfaqë edhe një eklips të përgjithshëm hënor pasi Toka, Dielli dhe Hëna, do të vendosen në mënyrë të tillë që Toka do të bllokojë dritën e diellit duke i dhënë Hënës një ngjyrë të kuqërremtë.
Ky fenomen hapësinor do të jetë i dukshëm në Amerikën Veriore, mbi Oqeanin Paqësor deri në Azi./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono