Napoli

San-Siro-Champions-League.jpg
Vladimir Prenga08:46 | 25/02/2020

Champions League rikthehet sërish sonte dhe në program janë dy ndeshje mjaft interesante dhe të forta. Në Napoli vendasit presin spanjollët e Barcelona. Lionel Messi do të luajë në “San Paolo”, aty ku tifozët vendas janë dashuruar me legjendën Diego Armando Maradona.

Katalanasit i pret “ferri”, ndërkohë që sikurse dihet nuk kanë të gatshëm lojtarë si Suarez, Dembele e Jordi Alba. Edhe Napoli nuk është i plotë, pasi Koulibaly, Llorente dhe Malcuit janë të dëmtuar. Gjithsesi pritet një ndeshje e zjarrtë dhe e gjitha për t’u parë.

Takimi tjetër i zjarrtë luhet në Londër. Chelsea, me mungesën e madhe të Kante, do të përballet me Bayern Munchen. Dy skuadra që do kërkojnë kualifikimin për në raundin tjetër dhe për të do të luftojnë fort në fushën e blertë, duke nisur nga sonte. Të dyja takimet nisin prej orës 21:00. /abcnews.al

GAtusso-2.jpg
Veronik Istrefaj21:18 | 24/02/2020

Trajneri i Napolit, Gennaro Gatusso, ka folur para ndeshjes kundër Barcelonës, në konferencë për shtyp: “Ne përballemi me një ekip që ndonjëherë duket si një planet tjetër në fushë. Unë gjithashtu di diçka rreth tyre, sepse kam luajtur si futbollist. Kur luanim me Barçën, dukej se ata ishin nga një kategori tjetër, sepse nuk ju lejuan të shihni topin.

Ne e dimë pra që nesër do të përballemi me një kundërshtar të një niveli stratosferik dhe e dimë që rrezikojmë shumë, por dua të them që nuk dua që djemtë të kenë frikë. Respekti për Barcelonën është maksimal, por unë dua një Napoli që nuk ka frikë dhe që të luajë me kokën të mbajtur lart. Gjëja më e rëndësishme për mua është që ne vazhdojmë të luajmë si një ekip, siç po bëjmë në këtë periudhë.

Nëse luani si ekip, ju e dini se në fushë mund të jepni asgjë përtej kundërshtarit tuaj. Barcelona është aq e fortë sa ndonjëherë duket se luan një sport tjetër, por ne duhet të jemi të gatshëm të dimë se si të vuajmë dhe ta shprehim lojën tonë kur të kemi mundësitë.

Unë shoh atë që Messi bën në fushë në Playstation, kur luaj me djalin tim. Ai është një kampion që ka bërë gjëra të papërsëritshme dhe i cili është gjithashtu një shembull për fëmijët, për mënyrën sesi ai e ka zhvilluar karrierën e tij. Mbetet më i miri nga të gjithë ”.

Para konferencës, Gennaro Gattuso dëshironte të shprehte afërsinë e tij për familjet e prekura nga rastet e CoronaVirusit: “Ne jemi afër njerëzve që kanë probleme me virusin Corona dhe jemi afër Qeverisë për atë që po bën. Shpresoj që problemet mund të zgjidhen së shpejti.”/abcnews.al

Ter-Stegen.jpg
Igli Nikolli13:59 | 24/02/2020

Marc-Andre Ter Stegen është gati për duelin kundër Napolit në Champions League. Portieri i Barcelonës karikon shokët e skuadrës në deklaratën e dhënë për Mundo Deportivo dhe “kërcënon” kundërshtarët italianë.

Kemi shumë lojtarë të mirë, duam të zbavitemi në maksimum dhe dëshirojmë të jemi gjithmonë të përgatitur në 100% për këto lloj sfidash. Javët e fundit jemi përshtatur me trajnerin e ri. Duhet të jemi gati për të vuajtur dhe për të fituar ndeshjen me Napolin.

Jemi gati për këtë përballje. Fitimi i Champions League është gjithmonë objektivi ynë kryesor, edhe pse është e komplikuar. Na pret një duel shumë i vështirë, por do të japim gjithçka të marrim një rezultat pozitiv në ‘San Paolo’ për të mbyllur çështjen e kualifikimit në fushën tonë“, deklaron portieri gjerman. /abcnews.al

barcelona-tifoze-e1578954412166.jpg
Igli Nikolli18:50 | 23/02/2020

Napoli është rivali i Barcelonës në Champions League dhe dueli i parë për një vend në çerekfinale do të luhet në Itali të martën në mbrëmje. Hera e parë që Leo Messi do të zbarkojë në “San Paolo” në një ndeshje zyrtare.

Quique Setien ka publikuar listën e lojtarëve të grumbulluar dhe Rey Manaj nuk bën pjesë në të. Dy janë mungesat kryesore të spanjollëve për këtë përballje: Sergio Roberto dhe Jordi Alba, të cilët janë të dëmtuar.

Me ekipin do të udhëtojë edhe Martin Braithwaite, blerja e re e skuadrës. Sulmuesi danez nuk është regjistruar në listën e Champions League dhe nuk mund të zbresë në fushë, gjithsesi trajneri i Barcelonës ka vendosur ta marrë me vete në Napoli. /abcnews.al

Perez-Zidane.jpg
Igli Nikolli17:56 | 23/02/2020

Fabian Ruiz nuk e nisi mirë sezonin, por kohët e fundit e ka marrë veten. Kualiteti i mesfushorit të Napolit nuk vihet në dyshim dhe duket sikur Gattuso ia ka dalë ta kthejë në formën e tij më të mirë. Dy magjitë e dhuruara ndaj Interit në Kupën e Italisë dhe Brescias në kampionat kanë tërhequr përsëri vëmendjen e klubeve të mëdha.

La Repubblica raporton se Real Madrid i është rikthyer pistës së 23-vjeçarit dhe ka gati 80 milion euro për kartonin e tij. Fabian Ruiz ka një kontratë me klubin italian deri në verën e vitit 2023 dhe tani pritet përgjigja e presidentit De Laurentiis.

Lojtari debutoi qershorin e vitit të kaluar me kombëtaren e Spanjës dhe deri tani ka shënuar 1 gol në 6 ndeshje të zhvilluara. Zidane e pëlqen shumë dhe tani pritet vetëm përgjigja e Napolit në lidhje me ofertën e “Los Blancos”. /abcnews.al

 

Fabian Ruiz
Gattuso-2.jpg
Igli Nikolli16:41 | 23/02/2020

Gennaro Gattuso është një person gjaknxehtë dhe emocional. Kështu ka qenë edhe si futbollist, teksa puna e tij te Napoli po fillon të japë frytet pozitive. Fitorja e fundit në fushën e Brescias ishte e rëndësishme për ngjitjen në renditje në Serie A dhe moralin e mirë përpara sfidës kundër Barcelonës në Champions League.

Pjesa e parë u mbyll me avantazhin e “Dallëndysheve” dhe kjo e tërboi shumë trajnerin e Napolit. Il Matino raporton se Gattuson nuk e mbante vendi në pushim të ndeshjes dhe filloi të godiste me shkelma dollapët e dhomave të zhveshjes, madje u dëmtua në njërën këmbë.

Ky veprim karikoi lojtarët e skuadrës mike, që shënoi dy herë në minutat e para të pjesës së dytë dhe përmbysi rezultatin falë golave të Lorenzo Insignes dhe Fabian Ruiz. Të martën është dueli i parë i raundit të 1/8 në Champions League dhe në “San Paolo” do të zbarkojë Barcelona dhe Leo Messi. /abcnews.al

Brescia-tifoze-e1582322205380.jpg
Igli Nikolli22:55 | 21/02/2020

Skuadra e Napolit është ndër më të kontestuarat në Serie A dhe haset me lloj lloj ofendimi në transferta, sidomos në veri të Italisë. Napolitanët urrehen në këto anë dhe kështu ka ndodhur edhe në sfidën e sotme në fushën e Brescias.

Tifozët vendas kanë kënduar koret “napolitan me koronavirus” gjatë zhvillimit të takimit në stadiumin “Rigamonti”, duke treguar zero respekt për miqtë. Gazetari napolitan, Carlo Alvino ishte ndër të parët që protestoi në rrjetet sociale.

Një gjest i turpshëm, teksa me shumë mundësi tifozeria e “Dallëndysheve” do të dënohet për këtë gjest dhe këto kore. /abcnews.al

Ruiz-Fabian-e1582321552920.jpg
Igli Nikolli22:39 | 21/02/2020

Napoli përmbysi Brescian në pjesën e dytë dhe shkon me moral të lartë në duelin e së martës kundër Barcelonës në Champions League. Ndeshja nisi keq për skuadrën e Gattusos dhe vendasit kaluan në avantazh në minutën e 26-të.

Krosi i Sandro Tonalit nga këndorja u shfrytëzua nga mbrojtësi Chancellor. Venezueliani kërceu fort, goditi me kokë dhe dërgoi topin në rrjetë, duke gjetur golin e tretë në Serie A. Pjesa e parë u mbyll me avantazhin e “Dallëndysheve”, teksa pushimi i bëri mirë miqve. Napoli fitoi një penallti me ndihmën e VAR-it dhe Lorenzo Insige nuk gaboi në minutën e 49-të.

Kapiteni u tregua i saktë nga pika e bardhë dhe pas pesë minutash erdhi edhe goli i avantazhit. Fabian Ruiz dhuroi një tjetër perlë si ajo kundër Interit në Kupën e Italisë. Mesfushori spanjoll lëshoi një goditje fantastike dhe topi përfundoi në trekëndësh. Vendasit tentuan të gjenin golin e barazimit, Emanuele Ndoj u hodh në fushë në minutën e 85-të, por Napoli ruajti avantazhin dhe siguroi tre pikët e radhës. /abcnews.al

Brescia – Napoli 1-2
(Chancellor 26′ / Insigne (pen) 49′, Fabian Ruiz 54′)

Ruiz-1.jpg
Igli Nikolli21:56 | 21/02/2020

Pushimi mes pjesëve i ka bërë mirë Napolit dhe skuadra e Gattusos përmbys Brescian brenda pesë minutave. VAR-i akordoi një penallti për miqtë në minutën e 49-të dhe kapiteni Insigne nuk gaboi.

Pesë minuta më vonë erdhi edhe goli i avantazhit. Fabian Ruiz lëshoi një nga perlat e tij dhe kaloi Napolin në avantazh. Realizim fantastik ai i mesfushorit spanjoll, i cili është rikthyer në formën e tij më të mirë. /abcnews.al

Brescia.jpg
Igli Nikolli21:13 | 21/02/2020

Është zhbllokuar ndeshja midis Brescias dhe Napolit. Vendasit kanë kaluar në avantazh në minutën e 26-të me anë të Jhon Chancellor. Mbrojtësi nga Venezuela shfrytëzoi një goditje këndi të Tonalit dhe realizoi me kokë.

Një avantazh i çmuar për “Dallëndyshet” që renditën në vend të parafundit, teksa Napolit të Gattusos i vështirësohet marrja e fitores në këtë përballje. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono