nancy pelosi

cakaj-1.jpg
ad min15:40 | 04/04/2019

Gjatë vizitës së tij zyrtare në Ëashington, Ministri në Detyrë për Europën dhe Punët e Jashtme, Gent Cakaj, zhvilloi një takim me kryetaren e Kongresit amerikan Nancy Pelosi.

Gjatë takimit, Pelosi u shpreh se SHBA kanë mbështetur pa rezerva Shqipërinë në rrugëtimin e saj deri në anëtarësimin e plotë në NATO 10 vjet më parë e do vazhdojnë ta bëjnë këtë edhe për aspiratën e Shqipërisë për t’u anëtarësuar në Bashkimin Evropian.​

Ministri Cakaj theksoi se Shqipëria ka çmuar përherë partneritetin strategjik me Shtetet e Bashkuara dhe ky partneritet përbën një nga elementet kryesorë në politikën e jashtme dhe angazhimin e Shqipërisë në rajonin tonë./abcnews.al

Donald-Trump-e1526640469549.jpg
ad min09:16 | 30/03/2019

Presidenti Trump është hedhur në sulm që kur u përmbyll raporti mbi hetimin dy vjeçar për lidhjet me Rusinë në prag të zgjedhjeve presidenciale të 2016-ës. Raporti i Prokurorit të Posaçëm Robert Mueller nuk nxori aktivitet të paligjshëm nga ana e presidentit. Korrespondenti i Zërit të Amerikës Michael Brown njofton se Presidenti Trump po u kushton vëmendje të veçantë demokratëve që janë shprehur se raporti nuk konfirmon pafajësinë e presidentit.

Presidenti Trump u hodh në sulm të ashpër ndaj atyre që mbështetën hetimet e prokurorit të posaçëm gjatë një tubimi mbrëmë në Miçigan. Ai u përqëndrua në veçanti tek dy ligjvënës demokratë me peshë që kanë thënë se hetimet mbi presidentin, fushatën dhe bizneset e tij do të vazhdojnë: kreun e Komisionit mbi Shërbimet e Zbulimit, Adam Schiff dhe kreun e Komisionit për Gjyqësorin, Jarry Nadler:

“Shumë njerëz u dëmtuan rëndë nga kjo skemë mashtruese. Por ajo që është edhe më e rëndësishme është se u dëmtua vendi. Tani ata po e mbajnë veten me bombol oksigjeni. Adam Schiff-i me qafë të hollë. E pashë sot kur po thoshte “Nuk e dimë vërtetë. Mund të ketë pasur bashkëpunim me rusët.” Është e neveritshme. Këta janë njerëz të neveritshëm,” tha presidenti.

Megjithëse raporti i Prokurorit Mueller nuk është bërë publik, presidenti thotë se përfundimet e raportit e nxjerrin plotësisht të pafajshëm:

“Prokurori i posaçëm e përfundoi raportin dhe nuk ka zbuluar bashkëpunim të fshehtë apo pengim të drejtësisë. Këtë përfundim e kishit nga unë dy vjet e gjysmë më parë. Dola plotësisht i pastër, plotësisht i shpaguar,” the presidenti.

Në përmbledhjen e tij me katër faqe, Prokurori i Përgjithshëm William Barr thotë se “raporti nuk arrin në përfundimin se presidenti ka kryer akte të paligjshme, por gjithashtu nuk konfirmon pafajësinë”.

Por Kryetarja e Dhomës së Përfaqësuesve, Nancy Pelosi thotë se përmbledhja e prokurorit të përgjithshëm nuk mjafton dhe se demokratët duan të lexojnë raportin e plotë.

“Duam të shohim faktet. Duam të shohim çfarë ka raporti. Nuk na duhet fjala apo interpretimi i prokurorit të përgjithshëm, i cili para se të merrte këtë detyrë tha se presidenti është mbi ligjin, apo kur tha se nuk mendon që ndaj një presidenti amerikan mund të ngrihet aktpadi”.

Fillimisht Presidenti Trump u bëri jehonë thirrjeve të demokratëve për publikimin e raportit në formë të plotë. Por deklaratat e zotit Trump dje në adresë të demokratëve flasin për një thellim të përçarjeve politike në Amerikë ndërkohë që demokratët përgatiten për betejë kundër presidentit në zgjedhjet e nëntorit 2020./VOA

180207192557-nancy-pelosi-house-speech-exlarge-169.jpg
ad min14:05 | 17/01/2019

Nancy Pelosi kryetarja e dhomës së deputetëve amerikanë, i ka kërkuar kreut të Shtëpisë së Bardhë që të shtyjë fjalimin tradicional të Shteteve të Bashkuara për shkak të “Shutdown”.

Kryetarja e Dhomës së Deputetëve amerikanë, Nancy Pelosi, i ka kërkuar Presidentit të Shteteve të Bashkuara të Amerikës, Donald Trump që të shtyjë datën e fjalimit të tij për Shtetet e Bashkuara, në program për në 29 Janar. Pelosi e bën këtë kërkesë për shkak të shutdown, mbylljes së pjesshme të aktiviteteve të qeverisë dhe shërbimeve publike për shkak të mosmarrëveshjes mes republikanëve dhe demokratëve për projektligjin e buxhetit.

Fjalimi për Shtetet e Bashkuara është një nga momentet më të rëndësishme të politikës amerikane, ku Presidenti jep llogari para Kongresit për kushtet e vendit, si dhe prezanton prioritete për të ardhmen. Si arsye tjetër për kërkesën e saj Pelosi rendit dhe problemet për të garantuar sigurinë e deputetëve të mbledhur në të njëjtin vend me Presidentin. Ajo kërkoi që presidenti të dërgonte një mesazh të shkruar.

Bëhet fjalë për një masë të jashtëzakonshme dhe që është aplikuar pak herë të tjera në historinë amerikane: nga Ronald Regan në vitin 1986 pas shpërthimit në “Space Shuttle Challenger” ku humbën jetën shtatë persona, dhe nga Franklin Roosvelt që në vitin 1944 dërgoi një mesazh të shkruar për shkak të përkeqësimit të gjendjes së tij shëndetësore./abcnews.al

180207192557-nancy-pelosi-house-speech-exlarge-169.jpg
ad min15:08 | 04/01/2019

Nancy Pelosi, kryetarja e Dhomës së Deputetëve amerikanë, në fjalimin e saj të parë u shpreh se presidenti amerikan duhet të respektojë  të vërtetën. Duke pranuar se bashkëpunimi me republikanët do të jetë i vështirë, ajo bëri të qartë se do të priten përfundimet e hetimeve të prokurorit special Mueller, për të vendosur qëndrimin që do mbahet ndaj presidentit amerikan Trump.

Kryetarja e re e Dhomës së Deputetëve në Shtetet e Bashkuara të Amerikës, Nancy Pelosi, deklaroi se demokratët do të presin dhe do të vlerësojnë përfundimet e hetimeve të prokurorit special Robert Mueller për Russiagate, para se të vendosin nëse do të nisin procedurat për “impeachment” ndaj presidenti Donald Trump. Hipoteza për të parë të dënuar një president në fuqi, dicka e paprecedentë deri tani, mund të mos jetë dhe aq e parealizueshme.

Mbi kreun e Shtëpisë së Bardhë rëndojnë dhe disa hetime të tjera si ai për fondacionin apo dhe për shkeljen e ligjit elektoral si dhe për pagesën ndaj një aktorjeje pornografike për të mos kompromentuar fushatën e tij elektorale. Pelosi në fjalimin e saj të parë nga ky post ka kërkuar respekt reciprok mes palëve duke shtuar se bashkëpunimi me republikanët nuk do të jetë i lehtë. Ajo i ka kërkuar presidentit amerikan që të respektojë të vërtetën.

Në një intervistë të mëparshme ajo kishte bërë të qartë se demokratët nuk do të ndërmarrin procedurat për “impeachment” për arsye politike. Liderja demokrate theksoi se përfundimet e prokurorit special Mueller janë shumë të rëndësishme për të vendosur hapat e radhës. Ajo pranoi se rrëzimi i një presidenti në fuqi do të shkaktonte përçarje në vend dhe do të ishte e trishtueshme.

Duke rimarrë sërish mazhorancën në Dhomën e Deputetëve, pas zgjedhjeve të mesit të mandatit, demokratët kanë numrat e duhur për herë të parë që nga zgjedhjet presidenciale të 2016-s, për të nisur procedurën e “impeachment”. Por duke marrë parasysh dominimin e republikanëve në Senat, kjo procedurë do  të mbetej përgjysëm. Për ta realizuar duhet mazhoranca e thjeshtë në dhomën e deputetëve dhe më pas dy të tretat e votove në Senat. Nancy Pelosi është gruaja e parë që është emëruar kryetare e dhomës së deputetëve, është nga të paktat që ka mbajtur këtë post për dy mandate radhazi./abcnews.al

180207192557-nancy-pelosi-house-speech-exlarge-169.jpg
ent ela12:52 | 08/02/2018

Demokratja 77 vjeçare Nancy Pelosi ka thyer çdo rekord në Kongresin Amerikan, duke folur për tetë orë pa ndërprerje për programin që mbron fëmijët e emigrantëve në Shtetet e Bashkuara të Amerikës. Fjala e saj u ndoq dejtpërsëdrejti në Tuiter nga më shumë se 280 mijë përdorues.

Një fjalim pa ndërprerje dhe i gjatë tetë orë, në mbrojtje të emigrantëve të rin që janë sjellë në Shtetet e Bashkuara të Ameriëks nga prindër klandestinë. Në këtë mënyrë, liderja e minorancës në dhomën e deputetëve në kongresin amerikan, 77 vjeçarja italo amerikane Nancy Pelosi, me maratonën e saj ka thyer të gjitha rekordet për kohëzgjatjen e një fjalimi. Një sfidë oratorie, e cila u ndoq në mënyrë të drejpërdrejtë në Tuiter nga më shumë se 280 mijë përdorues internet.

Rekordi i mëparshëm mbahej nga ish kryetari i dhomës së deputetëve, republikani John Boehner, i cili në vitin 2009 foli për një orë për shkëmbimin e kuotave të gazrave ndotës.

Me sipërmarrjen e saj Pelosi e ka bërë dhe më  të pasigurtëligjin për buxhetin i cili duhet të miratohet Brenda së enjtes për  të evituar mbylljen e administrates amerikane. Marrëveshja e arritur në senat nuk parashikon një zgjidhje afatgjatë për fëmijët e emigrantëve. Për këtë arsye duhet të rikthehet në dhomën e deputetëve ku do të kërkohet dhe mbështetja e opozitës demokrate./abcnews.al

vlcsnap-error118-1280x720.jpg
ad min22:35 | 07/02/2018

Senati në Shtetet e Bashkuara ka arritur një marrëveshje për një buxhet 2-vjeçar për shërbimet federale, duke shmangur kështu një bllokadë të dytë, pas asaj të verifikuar në Janar, kur u pezulluan shërbimet federale.

Senati amerikan ka arritur një marrëveshje për një buxhet 2-vjeçar, me vlerë 400 miliardë dollarë, që do të rrisë shpenzimet për mbrojtjen dhe programet e brendshme. Marrëveshja dypartiake u negociua nga senatori republikan Mitch McConnell dhe kolegu demokrat, Chuck Schumer.

Tani drafti duhet të kalojë në Senat dhe në Dhomën e Përfaqësuesve, ku pritet të hasë kundërshtime. Ujdia e arritur vjen në prag të skadimit të një afati, që do të shënonte një tjetër pezullim të shërbimeve federale, sikurse ndodhi muajin e kaluar.

Palët në Kongres duhet të bien dakord përpara se qeverisë t’i mbarojnë fondet, mesnatën e së enjtes, kur buxheti njëmujor i caktuar nga pakti i mëparshëm skadon. Si demokratët edhe republikanët në Dhomën e Përfaqësuesve kanë shprehur rezervat e tyre për draftin.

Demokratja Nancy Pelosi u zotua më herët se do të kundërshtonte çdo buxhet që nuk përfshin mbrojtjen e emigrantëve të rinj, që janë sjellë në Amerikë në moshë të mitur nga prindërit. Ndërsa zëdhënësja e Shtëpisë së Bardhë, Sarah Sanders përshëndeti hapin e parë të akordit, duke thënë se gjërat po lëvizin në drejtimin e duhur. Por ajo nuk tha nëse presidenti Trump do ta firmosë atë që të kthehet në ligj./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono