nafta

irani.jpg
ent ela15:33 | 10/11/2019

Irani ka zbuluar një rezervë të madhe nafte prej pothuajse 50 miliard fucish në jug të vendit. Lajmi u konfirmua nga presidenti I vendit Hasan Rohani.

Puset e reja do të shtojnë me një të tretat rezervat aktuale të vendit që për momentin konfirmon se ka rreth 150 miliard fuçi.

Vendi ndodhet në provincën e Khuzestan. Industria energjitike iraniane u godit rëndë nga sanksionet amerikane pas prishjes së marrëveshjes për programin bërthamor të Teheranit. /abcnews.al

nafta.jpg
ad min23:45 | 21/10/2019

SHBA-ja po mban disa trupa pranë fushave të naftës në verilindje të Sirisë për t’i mbrojtur ato nga militantët e Shtetit Islamik, njoftoi të hënën Sekretari i Mbrojtjes Mark Esper.

Një autokolonë prej më shumë se 100 mjetesh mbushur me trupa amerikane kaloi në Irak nga Siria të hënën, një lëvizje që pason urdhërin për tërheqje nga Siria veriore dhënë nga Presidenti Donald Trump. Por zoti Esper tha se disa forca amerikane do të vazhdojnë të patrullojnë ende pranë fushave të naftës përkrah Forcave Demokratike Siriane të udhëhequra nga kurdët.

Shefi i Pentagonit tha se nuk është marrë ende ndonjë vendim afatgjatë “në lidhje me numrin e trupave apo diçka të lidhur me të” dhe se asnjë plan nuk i është paraqitur Presidentit Trump. Të dielën zoti Trump shkruante në twitter se “SHBA po garanton fushat e naftës”.

Tërheqja e trupave me urdhër të Presidentit Trump ka zemëruar kurdët në veri të Sirisë, të cilët kanë luftuar përkrah forcave amerikane kundër terroristëve të Shtetit Islamik. Tërheqja u pasua nga ofensiva turke në veri të Sirisë.

Të hënën zoti Trump i tha anëtarëve të kabinetit të tij se SHBA-ja “nuk është angazhuar të luftojë krah kurdëve për 400 vjet” për t’i mbrojtur ata.

Javë e kaluar SHBA-ja ndërmjetësoi një armëpushim pesëditor me Turqinë për t’i dhënë luftëtarëve kurd mundësinë për t’u larguar nga kufiri ku Turqia dëshiron të vendosë një “zonë të sigurt” 32 kilometra të gjerë.

Zoti Trump tha se armëpushimi kryesisht po respektohet pavarësisht disa përleshjeve të armatosura.

Ai tha se luftëtarët kurdë po largohen nga zona e sigurt “ndonëse jo me shpejtësi, por me kujdes” siç tha ai.

Zoti Trump tha se “nëse Turqia nuk sillet siç duhet SHBA-ja do t’i vendosë tarifa e sanksione”, ndonëse siç tha nuk do të donte që një gjë e tillë të ndodhte.

Presidenti turk Rexhep Tajip Erdogan përsëriti të hënën se ofensiva kundër luftëtarëve kurdë do të rifillojë nëse ata nuk tërhiqen nga kufiri turk deri në momentin e përfundimi të afatit të asaj që ai e quan pauzë e ofensivës. Armëpushimi përfundon të martën në mbrëmje.

Falë vendimit për tërheqje të trupave amerikanë, Rusia, aleati i Presidentit sirian Bashar al-Asad, po mbush vakumin e krijuar në veri të Sirisë. Edhe pse Turqia është një vend aleat i NATO-s, zoti Erdogan pritet të takohet me Presidentin rus Vladimir Putin në Moskë për të hartuar strategjinë e tyre për Sirinë.

Pa dhënë shumë detaje zoti Erdogan tha gjatë një forumi në Stamboll të hënën, se me zotin Putin do të ndërmarrin hapat e nevojshëm për verilindjen e Sirisë.

Të hënën autokolona me trupa amerikane që u fut rajonin e Kurdistanit të Irakut u gjuajt me patate të kalbura nga banorë të zonës ndërsa kalonte në qytetin e Duhok-ut. Sekretari i Mbrojtjes Mark Esper tha se të gjitha forcat amerikane që do të largohen nga Siria do të vendosen në Irakun perëndimor dhe mund të kryejnë operacione antiterror kundër Shtetit Islamik.

SHBA-ja ka aktualisht rreth 5 mijë trupa në Irak bazuar në një marrëveshje mes Bagdadit dhe Uashingtonit. Trupat u tërhoqën në vitin 2011 kur operacionet uashtarake atje përfunduan, por u rikthyen pas tre vitesh kur Shteti Islamik mori kontrollin e pjesës më të madhe të vendit, territor që e humbi sërisht më vonë.

Sekretari Esper tha se marrëveshja e nënshkruar të enjten e kaluar për armëpushim pesëditor mes forcave turke e kurde në veri të Sirisë “duket se po respektohet”.

Turqia njoftoi se një prej ushtarëve të saj u vra dhe një tjetër u plagos të dielën pas një sulmi të milicisë kurdo-siriane YPG në Tel Abyad në verilindje të Sirisë.

Ndërkohë një përfaqësues i grupit kryesor kurd në Siri i Forcës Demokratike Siriane (SDF) ndodhet në Uashington për bisedime me zyrtarët amerikanë./VOA

ROUHANI-MACRON.mpg_snapshot_00.26-1280x718.jpg
ad min15:07 | 23/09/2019

Në Asamblenë e Përgjithshme të Kombeve të Bashkuara në Nju Jork, javën e ardhshme, Irani do të kërkojë vendosjen e një force sigurie në zonën e Gjirit Persik. Ndërsa Riadi do të kërkojë një reagim të përbashkët global ndaj sulmeve të Iranit.

Një forcë sigurie për zonën e Gjirit në bashkëpunim me vendet e tjera në rajon. Propozimi do të bëhet nga presidenti iranian Hasan Rouhani në Asamblenë e Përgjithshme të Kombeve të Bashkuara, javën e ardhshme.

Kreu i shtetit iranian i përgjigjet në këtë mënyrë akuzave të Arabisë Saudite dhe Shteteve të Bashkuara të Amerikës sipas të cilave ka qenë Teherani që ka sulmuar rafineritë e naftës së kompanisë saudit Aramko, në 14 Shtator.

Sulmi u mor përsipër nga rebelët jemenitë shiitë Huthi, të cilët në luftën civile në Jemen luftojnë kundër koalicionit të drejtuar nga sauditët. Të premten e kaluar në 20 Shtator, presidenti amerikan Donald Trump konfirmoi dërgimin e ushtarëve të tjerë amerikanë në zonë për të mbështetur mbrojtjen saudite.

Sulmet ndaj rafinerive të naftës u konsideruan nga Riad si një përpjekje për të destabilizuar rendin botëror ndaj së cilës duhet një reagim i përbashkët global. Kërkesë që do e paraqesë në Asamblenë e Përgjithshme të Kombeve të Bashkuara./ABC News Albania 24/7

SPECIALE-ARABI-SAUDITE-SHBA.mpg_snapshot_00.05-1280x720.jpg
ent ela11:20 | 21/09/2019

Atentatet kundër rafinerisë në Arabinë Saudite, SHBA mbështet Riadin kundër Iranit

Nga Dorina Kurtaj – Nafta që digjet. Dy atentatet me dronë ndaj rafinerisë më të madhe në botë Aramko në Arabinë Saudite, sollën një sërë pasojash që nga rritja rekord e çmimit të naftës si dhe aleancën më të fundit të Riadit me Shtetet e Bashkuara të Amerikës kundër Iranit. Uashingtoni ndërkohë shtoi në mënyrë domethënëse sanksionet ndaj Teheranit.

Fundjavën e kaluar dy dronë shpërthyes u lëshuan kundër dy impianteve të Saudi Aramko dhe shkaktuan zjarre të mëdha. Kompania shtetërore saudite e naftës, një gjigand në tregun botëror, deklaroi se kishte vënë menjëherë situatën nën kontroll. Ministri i brendshëm saudit foli qartë për një sulm por pa specifikuar autorët.

Një nga impiantët e goditur gjendet 60 kilometra në jugperëndim të Daran në provincën lindore të Arabisë Saudite dhe përmban sistemin më të madh të përpunimit të karburanteve në botë. Rafineria dhe më parë kishte qenë objektiv i një sulmi të planifikuar nga Al Kaeda në vitin 2006, por atentati ishte parandaluar. Impianti i dytë i sulmuar, Kurais, ndodhet 190 kilometra dhe më në jugperëndim dhe përmban rezervat më të mëdha të naftës në vend. Bëhet fjalë për dy impiantë strategjikë dhe asete shumë të rëndësishme për sauditët.

Tensioned në rajon u përshkallëzuan në muajt e fundit pas sulmeve në qershor dhe korrik ndaj anijeve naftëmbajtëse në ujërat e Gjirit. Veprime për të cilat Riad dhe Uashingtoni akuzuan Iranin. Akuza që u hodhën poshtë nga Teherani, i cili gjithësesi është protagonist i krizës së Gjirit, në qendër të dinamikave për marrëveshjen e programit bërthamor si dhe viktimë e lëvizjeve politike të brendshme. Në fakt në vend pasdaranët synojnë të marrin sa më shumë mbështetje nga kriza nëpërmjet një axhende aggressive dhe të pavarur nga linja më pragmatike e qeverisë.

Dronet janë përdorur nga rebelët jemenitë Hiti, të rreshtuar në mbështetje të Iranit, në disa sulme përtej kufirit. Sauditët drejtojnë një koalicion I zili po përpiqet prej më shumë se katër vitesh që të shtypë ofensivat e rebelëve huti, që ka rrëzuar qeverinë e Sama dhe ka futur Jemenin në kaosin e një lufte të përgjakshme civile. Rebelët kanë sulmuar më parë dhe impiantin e naftës së Shaibah duke përdorur dhe në atë rast drone kamikaze. Sulme të ngjashme u kryen dhe në muajin maj. Në të dyja rastet sulmet u pasuan nga zjarret por nuk ndaluan prodhimin në impiantet në fjalë.

Aramko përgatitet për shitjen e aksioneve Brenda këtij viti, në kuadër të përpjekjeve të ndërmarra nga kursi politik i vendosur nga trashëgimtari i fronit Mohammed bin Salman. Ky i fundit synon të ndryshojë ekonominë e naftës. Ai ka punësuar nëntë banka si koordinatorë global për të drejtuar operacionin, i cili është përshpejtuar ndjeshëm kohët e fundit.

Sulmi ndaj stukturave të naftës, në një moment kaq të brishtë, është një mënyrë për të ndërhyrë në planet saudite duke e paraqitur sektorin si pak të sigurtë. Në mënyrë jo të drejtpërdrejtë sulmi minon dhe vizionin e Bin Salman, sovrani që ka ngritur impaktin saudit në politikën rajonale..

Shtetet e Bashkuara të Amerikës dhe Arabia saudite vijojnë të publikojnë të dhënë për përgjegjësinë e sulmit ushtarak të së shtunës ndaj dy rafinerive të mëdha arabe. CNN raportoi se duke u bazuar na analizimin e fotografive satelitore nga shërbimi amerikan i inteligjencës, 20 dronët dhe 11 raketat që kanë sulmuar rafineritë janë nisur nga një bazë iraniane në kufi me Irakun. Nga një zonë shumë pranë objektivave të sulmuar më krahasim me zonat e kontroluara nga rebelët Huti në veri të Jemenit.

CNN shpjegon se analiza përfundimtare e mënyrave të impaktit konfirmon se raketat vinin nga veriu dhe jo  nga jugu, si duhej të kishte qenë nëse do të ishin komanduar nga rebelët Huti.

Sulmet iraniane apo të aleatëve të tyre Huti kundër impianteve saudite ishin operacioni më i rëndësishëm në Gjiri Persik që nga koha e pushtimit të Kuvajtit në vitin 1991. Pak orë pas sulmeve, Nju Jork Tajm analizoi disa pamje satelitore duke pretenduar se drejtimi nga vinin raketat dhe të bombave të droneve, parashikonte një itenerar nga verilindja drejt impianteve, më saktë nga Iraku apo drejt për drejt nga Irani.

Janë përdorur 20 drone dhe të paktën 10 raketa, një operacion ushtarak që sipas të dhënave të shërbimit amerikan të inteligjencës, për planifikimin dhe drejtimin – duke menduar se duhej të komandoheshin 20 drone në fluturim – mund të kryhej vetëm nga një ushtri e organizuar. Dhe kjo ushtri mund të jetë vetëm ajo e pasdaranëve iranianë.

Për momentin si amerikanët ashtu dhe vendet sunite të gjirit po përforcojnë mbrojtjen ushtarake, pasi kuptuan se nga kishin kaluar ato drone, lëvizjet e para kishin të bënin me përforcimin e rrjetit të radarëve dhe të gjitha instalimeve saudite amerikane. Prej dy muajsh marina ushtarake amerikane ka vendosur një aeroplan mbajtëse në zonën e Gjirit, por në bazat saudite janë vendosur me dhjetëra avionë ushtarakë dhe bombardues.

Të domosdoshëm për një luftë totale por më pak efikas për llojin e luftës që kanë zgjedhur të bëjnë iranianët: aksione ushtarake me intensitet të ulët, me dronë pa pilotë të aftë për të shkaktuar dëme të mëdha pa lënë gjurmë të dukshme. Irani nuk kërkon një luftë të hapur por njëkohësisht nuk dëshiron të gjunjëzohet ngadalë nga sanksionet amerikane. Sanksione të cilat janë rënduar dhe më shumë pas sulmeve të impianteve të naftës në Arabinë Saudite.

Për sa i përket dëmit ekonomik, Mbretëria Saudite ndërpreu më shumë se gjysmën e prodhimit të saj: 5.7 milion fuçi në ditë – që janë rreth 5 për qind e të gjithë prodhimit global. Më tej ishte më se e parashikueshme dhe rritja e menjëhershme e çmimit të naftës: me 20 për qind – si nuk kishte ndodhur pre vitesh.

Analistë politikë por dhe ushtarakë dhe pse e konsiderojnë si një sulm të paprecedentë shtrojnë disa pyetje: si është e mundur që Arabia saudite nuk ishte në gjendje ta parandalonte? Dhe mbi të gjitha si shpjegohen dëme aq të mëdha?

Por rezultati i mirë shpjegohet me llojin e raketave të përdorura që udhëtonin në nivel tokë – tokë dhe për këtë arsye ishte shumë i vështirë gjurmimi i tyre. Ndërsa arsyeja e dëmit të madh të shkaktuar shpjegohet nga fakti se impiantet e naftës, për të pasur njjë rendiment më të mirë, ndërtohen në një mënyrë shumë të mbyllur, kompakt dhe të përqendruar. Mjafton të goditet vetëm njëri prej tyre dhe prodhimi bllokohet.

Ata që besojnë s emund të kenë qenë rebelët Huti autorë të sulmit, shpjegojnë se këta të fundit nuk janë të papërgatitur. Sigurisht raketat janë ndërtuar dhe furnizuar nga Irani. Si dhe janë vendosur në funksion nga iranianë të lidhur me pjesën më radikale, atë për shembull që është kundër një takimi të presidentit amerikan me homologun e tij Iranian Rouhani.

Por mund të mendohet dhe si një aksion i cili synonte futjen në krizë të regjimit Iranian. Nëse do të konfirmohej se është Irani përgjegjës i sulmeve, për Teheranin do të ishte një situatë jo pak e frikshme: impiantet iraniane janë të gjithë në breg dhe janë shumë objektiva të lehtë për një sulm ajror. Kjo mund të conte drejt një përshkallëzimi të një konflikti i cili duket se po përgatitet prej kohësh.

Një luftë me një ndryshim regjimi në Teheran – si pretendon një pjesë e caktuar e adiministratës amerikane, dhe pse Bolton, personazhi që mendonte më shumë për konfliktin, është pushuar nga puna – parashikon pushtimin e vendit, një gjë është praktikisht e pamundur. Irani është një lloj fortese e rrethuar nga mallet Zagros, dhe kalimi këtyre maleve nuk është aspak i lehtë nga pikëpamja ushtarake. Më e mundur duket opsioni i një serie sulmesh ajrore nga Arabia Saudite apo nga anijet amerikane të luftës të pranishme në zonën e Gjirit. Mund të jetë fillimi i një përshkallëzimi shqetësues, por duhet theksuar se reagimi amerikan ishte i moderuar: nëse nuk lëvizin Shtetet e Bashkuara të Amerikës nuk lëviz as Arabia Saudite.

Në këtë pikëpamje mund të thuhet se situata nuk është aspak e lehtë në lindjen e mesme. Sulmet në fakt u morën përsipër nga rebelët shiitë Huti por sekretari amerikan i shtetit Majk Pompeo akuzoi në mënyrë të drejtpërdrejtë Iranin si përgjegjës të vërtetë. Komandanti i forcave ajrore pasdarane u shpreh se të gjithë e dinë se të gjitha bazat amerikane dhe avionmbajtëset në një distancë deri në dy mijë kilometra, janë të arritshme nga raketat iraniane. Irani është gjithnjë gati për një luftë totale, përfundoi ai.

Pak pas tij ministria e jashmte iraniane i konsideroi si të pakuptimta akuzat amerikane sipas të cilave Teherani është përgjegjës i sulmeve ndaj dy rafinerive të naftës në Arabinë Saudite. Sipas deklaratës zyrtare për media të kësaj ministrie, këto akuza janë një justifikim për të arsyetuar një sulm ndaj Iranit në të ardhmen.

Riadi është prodhues i tretë në botë, pas Shteteve të Bashkuara të Amerikës dhe Rusisë me rreth 10 milion fuci nafte në ditë. Por mbi të gjitha është eksportuesi i parë me shtatë milionë fuci në ditë. Por gjithashtu është i vetmi që ka dhe rezerva për prodhim duke bërë që të arrijë të prodhojë deri në 12 milion fuçi në ditë.

E kotë të thuhet se nëse Teherani do të kishte kryer vërtetë sulmet do të ishte një sfidë e re për sigurinë rajonale dhe në të njëjtën kohë do të ishte një problem dhe për shtëpinë e bardhë. Kjo me presidentin amerikan Donald Tramo që do ishte i detyruar të anulonte planet për një takim historic me homologun Iranian, e ndoshta mund të jetë dhe i detyruar të reagojë duke sulmuar Iranin. Ai që do të përfitonte nga një situatë e tillë do të ishte ai që do të ruajë në rajon një konflikt të vazhdueshëm me intensitet të ulët. Sepse nëse do të realizoheshin negociatat mes Trampit dhe Rouhanit mund të krijohej një arkitekturë e re e sigurisë së përgjithshme. Ata që janë kundër kësaj ideje janë: ekstremistët iranianë, linjat e forta të Riadit, ata që mbështesin idenë e luftës dhe që ndodhen Brenda adiministratës amerikane, si dhe ata që në Izrael duan të përfitojnë mbështetje rreth temës së armiqve të vendit. Ndërkohë sigurisht që janë bllokuar dhe përpjekjet amerikane për të nisur bisedimet për paqe me rebelët Huti, për t’i dhënë fund në këtë mënyrë një lufte të përgjakur që ka shkatërruar popullsinë në Jemen. /abcnews.al

sulmi-irani.jpg
nev ila20:20 | 16/09/2019

Shtetet e Bashkuara kanë publikuar provat që sipas tyre tregojnë se sulmet ndaj rafinerive saudite të naftës janë kryer nga Irani. Administrata amerikane ka publikuar foto satelitore dhe trajektoren e sulmeve, të cilat tregojnë se ato janë nisur nga Republika Islamike.

Zyrtarë në Shtetet e Bashkuara kanë publikuar një seri pamjesh satelitore dhe kanë cituar burime pranë shërbimeve të inteligjencës për të mbështetur pistën e tyre se prapa sulmit ndaj rafinerive saudite të naftës qëndron Irani.

Në kushte anonimati, zyrtarët kanë deklaruar se në rafineritë e goditura janë konstatuar 19 pika impakti, të cilat sugjerojnë se sulmet kanë ardhur nga një drejtim veri-perëndimor dhe jo nga zonat e kontrolluara nga rebelët Huthi, që ndodhen në jug-perëndim të impianteve saudite.

Zyrtarët kanë shtuar se të dhënat në fjalë sugjerojnë se sulmi mund të jetë kryer nga Irani ose nga Iraku.

Nga ana e tij, Iraku ka mohuar që dronët që kryen sulmet të jenë nisur nga territori i tij.

Kryeministri Adel Abdul Madi deklaroi se sekretari amerikan i Shtetit, Majk Pompeo e kishte siguruar përmes një telefonate se Shtetet e Bashkuara nuk kishin asnjë dyshim tek qeveria e Bagdadit.

Më herët edhe qeveria iraniane, përmes zëdhënësit të Ministrisë së Jashtme mohoi çdo përgjegjësi.

Ndërkohë, autoritete të cituara nga “Nju Jork Tajms” kanë deklaruar se përveç dronëve në sulm janë përdorur edhe raketa “Kruis”, por jo të gjitha i kanë goditur objektivat në impiantet në Abkaik dhe Kurais./ABC News Albania 24/7

nafta.jpg
ad min15:54 | 21/08/2019

Kryeministri Edi Rama reagoi në rrjetet sociale pas bllokimit të 550 tonëve karburant jashtë standardeve në Ballsh.

“Kush merret me naftë duhet të zgjedhë: o sipas ligjit o goditjen e ligjit”, e nis statusin e tij në Facebook Rama, i cili më tej shton se lufta kundër informalitetit nuk do të ndalet para asnjë subjekti, duke filluar çdo ditë me të mëdhenjtë.

“Ata që nxjerrin, përpunojnë apo tregtojnë naftë, janë në shënjestrën e strukturave të shtetit dhe s’do të kenë asnjë shteg jashtë rrugës së ligjit e të standardeve që meritojnë konsumatorët.

Informaliteti në dëm të cilësisë është po aq i dëmshëm dhe i patolerueshëm, sa edhe informaliteti financiar në kurriz të konsumatorit e të shtetit”, shkruan Rama.

550 tonë karburant në rafinerinë e naftës në Ballsh të Fierit, u bllokua këtë të mërkurë dhe nuk do të hidhet në treg për mosplotësim të standardeve të cilësisë. Zbulimi u bë përmes një laboratori të lëvizshëm që analizon mostrat e karburantit në 30 minuta deri në 1 orë.

Rezervuari i bllokuar dhe karburanti nuk do të hidhet në treg, por do të vazhdojë për përpunim të mëtejshëm. Do ketë përsëri kontroll dhe nëse do të përmirësohet cilësia do të lejohet për treg.


/abcnews.al

BALLUKU-NAFTA-SINKRON_ABC-M2-T1.mpg_snapshot_00.02-1280x720.jpg
ent ela12:12 | 21/08/2019

Ministria e Energjetikës ka bllokuar sot 550 tonë naftë për cilësi të dobët. Ministrja Belinda Balluku deklaroi nga Ballshi se nuk do të tolerohet asnjë biznes që abuzon me standardet në fushën e hidrokarbureve.

550 ton karburant në rafinerinë e naftës në Ballsh të Fierit, u bllokua dhe nuk do të hidhet në treg për mosplotësim të standardeve të cilësisë.

Zbulimi u bë përmes një laboratori të lëvizshëm që analizon mostrat e karburantit në 30 minuta deri në 1 orë.

Rezervuari i bllokuar dhe karburanti nuk do të hidhet në treg, por do të vazhdojë për përpunim të mëtejshëm. Do ketë përsëri kontroll dhe nëse do të përmirësohet cilësia do të lejohet për treg.

“Inspektorati Shtetëror Teknik Industrial në vijim të detyrës inspektuese për kontrollin e cilësisë dhe standardeve për respektimin e kërkesave ligjore në vijim të kërkesës për certifikimin e produktit 550 ton në depozitën G46 pas analizimit ka rezultuar me shmangie të treguesve cilësorë dhe nuk respekton kërkesat SSHEN590. Në treguesit numri i cetanit 45.9 nga 51 që është minimum i standardit. Indeksi i cetanit në 45.5 nga 46 që është edhe minimumi i standardit. Në këto kushte ISHTI ka vijuar me bllokimin e rezervuarve. Në këto kushte produkti nuk mund të hidhet në treg, por do të vazhdojë për ripërpunim të mëtejshëm. Kur të arrihen kushtet do ët hidhet në treg” .

E pranishme në këtë aksion ishte ministrja e Infrastrukturës dhe Energjetikë, Belinda Balluku. Ajo tha se ishte vetë subjekti që kërkoi kontroll, me qëllim çertifikimin e produktit.

“Lufta kundër informalitetit është frontale, informaliteti cilesor është po aq i rrezikshëm dhe i demshëm sa informaliteti fiskal. Ministria po kryen kontrolle të befasishme në të gjitha subjektet, në te gjithë territorin. Nuk kemi lënë asgjë për në shtator, po punojmë çdo ditë duke analizuar gjithë cilësinë ne treg, duke krijuar edhe raste shembujsh, për të qenë të qarte që nga kjo luftë nuk do shpëtojë asnjë subjekt dhe nuk përbën për ne asnjë lloj problematike emri i subjektit se sa i madh apo i vogël është”.

Inspektorati Shtetëror Teknik Industrial ka ditë që ka ndërmarrë aksione në biznese të ndryshme përsa i përket cilësisë dhe standardeve të produkteve që hidhen në treg.

/ABC News Albania 24/7

karburant.jpg
ad min16:19 | 15/03/2019

Pas një ulje para pak javësh dhe një stabiliteti në tregun e hidrokarbureve, nafta dhe benzina prej 2 ditësh kanë pësuar sërish një rritje me 5 deri në 6 lekë për litër në tregun me pakicë.

Prej dy ditësh, çmimi i naftës dhe i benzinës me pakicë është rritur me 5 deri në 6 lekë për litër. Nga 172 lekë për litër që shitej mesatarisht nafta, tani atë e gjen me 177 lekë. Ndërkohë çmimi i benzinës ka shkuar në 178 lekë për një litër. Gjithsesi, çmimet vendase kanë qenë shumë të larta, jo vetëm krahasuar me vendet fqinjë, por edhe me vende me nivel shumë herë më të lartë jetese se Shqipëria.

Shumica e vendeve të rajonit e kanë më të lirë karburantin. Në Mal të Zi është 1.25 euro, në Maqedoninë e Veriut 0.99 euro, në Bosnje 1.18, në Bullgari 1.17 euro, Rumani 1.19 euro. Ky është një pasqyrim i rritjes graduale të çmimit të hidrokarbureve në të gjitha tregjet botërore që nga fillimi i vitit. Tanimë nafta bruto amerikane shitet rreth 60 dollarë për fuçi, ndërkohë që në Janar të këtij viti kishte arritur të zbriste edhe më poshtë se niveli 45 dollarë./abcnews.al

cyprus-nafta.jpg
ad min13:25 | 01/03/2019

Ministri qipriot i Energjisë konfirmoi se në juglindje të ishullit është zbuluar një depozitë e madhe gazi, madje më e madhja në botë që është zbuluar këto dy vitet e fundit.

Një depozitë e madhe gazi është zbuluar nga amerikanët e “ExxonMobil” në juglindje të ishullit të Qipros. Bëhet fjalë për një sipërfaqe prej disa miliarda metrash kub. Sipas ministrit qipriot të Energjisë, kjo është depozita më e madhe e zbuluar në botë në dy vitet e fundit. Një delegacion i kompanisë amerikane u takua me autoritetet e Nikozias për të prezantuar rezultatet e eksplorimeve të kryera në një zonë nën kontrollin ekskluziv qipriot.

Për gazin e ishullit luhen lojëra të rëndësishme ekonomike dhe gjeopolitike me turqit që në tension me Nikozian, pretendojnë të drejta në disa zona detare. Për këtë arsye, në fillim të vitit të kaluar ata bllokuan një anije të kompanisë italiane “ENI”, veprim që shkaktoi tensione të forta diplomatike mes Ankarasë dhe Romës. Presidenti turk Erdogan ka deklaruar disa herë në të kaluarën qëndrimin e tij të palëkundur kundër kërkimeve në brigjet e ishullit ku Ankaraja ka pretendime, sidomos për sa i përket bllokut 3 për të cilin mendon se duhet të menaxhohet nga turko–qipriotët./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono