nacionaliste

srebrenica.jpg
ad min23:04 | 11/07/2019

Masakra e Srebrenicës, në Bosnje e Hercegovinë është përkujtuar në mënyra të ndryshme nga dy grupe njerëzish. Njëri që ka dalë për të kujtuar viktimat e gjenocidit serb dhe një tjetër për të kërkuar drejtësi për viktimat serbe.

Një grup nacionalistësh ndërpreu për pak kohë një shfaqje që kujtonte viktimat e gjenocidit në Bosnje. Është nata kur përkujtohen viktimat myslimane të gjenocidit në Srebrenica.

Shteti serb ndër vite ka mohuar ta quaj si të tillë dhe është munduar ta mohoj si të tillë. Krim i rënd konsiderohet zyrtarisht. Këtë përvjetor një grup i vogël njerëzish kanë dalë për të kujtuar viktimat.

Një grup tjetër për ti mohuar ato duke kërkuar drejtësi për viktimat serbe. Për herë të parë aty kanë dalë edhe ambasadorët Perëndimor dhe ai shqiptar si të ftuar. Organizatorët thonë se serbët duhet ta kuptojnë rëndësinë e këtij krimi.

Marko Millosavljeviç, Nisma e të Rinjve për të Drejtat e Njeriut: Pranimi për ata që ende kërkojnë të dashurit e tyre është shumë i rëndësishëm dhe këtë shoqëria serbe dhe politika duhet ta kuptojnë si shumë të rëndësishme. Shpresojmë që vitin e ardhshëm, në 25-vjetor, të mos kalojë si tani, pa komente politike dhe të thuhet se gjenocidi është gjenocid dhe pikë.

Në këtë manifestim u ndezën aq qirinj sa ka patur edhe viktima. Mbi 8 mijë myslimanë u vranë në vitin 1995 dhe këtë e ka konstatuar edhe gjykata ndërkombëtare. Por, e shkuara ngelet pa përballje reale./ABC News Albania 24/7

bossnja.png
ad min10:03 | 09/10/2018

Sipas gjermanes “Die Zeit” nacionalistët në Maqedoni dhe serbët në Bosnje e Hercegovinë kanë të njëjtin qëllim: të pengojnë vendet respektive për anëtarësim në NATO dhe në Bashkimin Europian.

Në një analizë të gjatë mbi rezultatin e zgjedhjeve parlamentare në Bosnje dhe Herzegovinë, gazeta gjermane “Die Zeit” krahason situatën me referendumin në Maqedoni, duke theksuar se qëllimi i nacionalistëve në të dyja vendet është pengimi i anëtarësimit në BE dhe NATO.

Që nga fundi i Luftës së Ftohtë, rajoni i Evropës Juglindore është mbingarkuar nga nacionalizmi etnik, i cili kërkon shpëtim në ndarjen e popujve dhe komuniteteve, vijon më tej analiza. E ky nacionalizëm bllokon përpjekjen për t’u integruar në aleanca përtej kufijve etno-nacionalë.

Si shembull të një politike të tillë, “DieZeit” përmend kreun serb të BeH, Milorad Dodik, i cili po punon për një ndarje të BeH dhe një bllokadë të anëtarësimit të vendit në BE dhe NATO.

Qëndrimi i Dodik gjen të njëjtën frymë, sipas “Die Zeit”, në Maqedoni. Duke përmendur këtu se maqedonasit fundjavën ekaluar votuan në referendum mbi ndryshimin e emrit, i cili do të duhej t’i hapte vendit rrugën për në BE dhe NATO.

Por kundërshtarët e referendumit marrin mbështetje të fortë nga Vladimir Putin. Rusia në të gjithë rajonin mbështet nacionalistët, për të parandaluar përhapjen e mëtejshme të NATO-s dhe BE-së.

Kreu serb boshnjak, Milorad Dodik, takohet rregullisht me presidentin rus dhe partia e tij ndjek kongreset e partisë “Rusia e Bashkuar” në Moskë. BE-ja deri tani ka qenë më e suksesshme se Rusia sa i përket ndikimit. Ndërsa Putin dërgoi agjentët e tij për të punuar në terren, BE u përqendrua në oferta dhe thirrje konkrete.

Gjermanët e shtuan thirrjen për reforma dhe bashkëpunim nëpërmjet procesit të Berlinit. Europa i drejtohet mendjes dhe nevojave ekonomike. Rusia shërben në stomakun e reflekseve nacionaliste. Në Bosnjë dhe Maqedoni, ne do të shohim atë që është më e fortë, shkruan “Die Zeit”./abcnews.al

Juncker-Brexit-wont-be-the-death-of-the-EU.png
ad min21:36 | 12/09/2018

Në fjalën e tij në Parlamentin Europian, presidenti i Komisionit të BE-së Jean Claude Juncker ka bërë apel për solidaritet në çështjen e emigrantëve. Ai tha se nacionalistët janë ata që po shkatërrojnë Bashkimin Europian.

Presidenti i Komisionit Europian, Jean Claude Juncker, është treguar shumë i prerë në fjalën e tij në parlament duke kërkuar ende solidaritet mes vendeve anëtare për çështjen e emigrantëve dhe duke bërë apel që Europa të mos tërhiqet dhe më shumë në baltë.

Në fjalimin e fundit në seancën plenare të Parlamentit Europian para zgjedhjeve në Maj të 2019-s, presidenti i Komisionit Jean Claude Juncker ka mbrojtur Bashkimin Europian si një gardian të paqes dhe kritikoi hapur partitë sovraniste duke i akuzuar se tërhiqnin Europën në baltë.

Jean Claude Juncker: “Duhet të jemi mirënjohës për faktin se jetojmë në një continent paqësor, e bërë e mundur kjo falë bashkimit europian. Duhet të tregojmë më shumë respekt për Bashkimin Europian”.

Mëngjesin e të mërkurës, Juncker mbajti fjalimin tradicional për herë të katërt dhe të fundit. Në Shtator të 2019-s, parlamenti europian duhet të zgjedhë një ekzekutiv të ri dhe nëse konfirmohen sondazhet që qarkullojnë këto ditë, ekzekutivi do të ketë një pamje krejtësisht tjetër. Fjalimi i tij u perceptua nga analistët si një apel drejt qytetarëve për të mos ndjekur nacionalizmin.

“Gjeopolitika na mëson se ka ardhur moment i sovranitetit europian. Dhe ky sovranitet vjen nga sovraniteti i shteteve anëtarë dhe nuk zëvendëson kombet”, tha ai.

Nga ana tjetër, Juncker ka paralajmëruar dhe krijimin së shpejti të një njësie policore tokësore dhe detare europiane. Njësi që do të përballet me fluksin e emigrantëve si dhe do të sigurohet që ata të kenë të drejtë të kryejnë deri në fund kërkesën për azil.

“Europa duhet të mbetet një kontinent i hapjes dhe i tolerancës dhe nuk do të jetë asnjëherë një fortesë që i kthen kurrizin botës”, u shpreh Juncker.

Sipas tij çdo gjë varet nga aftësia e të gjitha vendeve anëtare për të pritur emigrantët klandestinë që mbërrijnë në brigjet e kontinentit të vjetëë.

“Na duhet një solidaritet më i madh në të tashmen dhe në të ardhmen ky solidaritet do të duhet të jetë më i qëndrueshëm.”

Juncker gjithashtu propozoi një aleancë të re mes Afrikës dhe Europës për investime fhe vende pune afatgjata, duke theksuar se kjo aleancë do të mund të krijonte deri në 10 milionë vende punë në Afrikë në dhjetë vitet e ardhshme. Sipas tij duhet nëj zhvillimi i marrëveshjeve të shumta tregrate mes europës dhe afrikës, për të arritur më në fund në një marrëveshje të tregtisë së lirë nga kontinenti në kontinent./abcnews.al

juncker-1.jpg
ad min16:59 | 20/07/2018

Gjatë konferencës së tij për shtyp në Madrid, ku ndodhet për një vizitë zyrtare, presidenti i Komisionit Europian, Jean-Claude Juncker, u shpreh se nacionalizmi dhe populizmi shkaktojnë luftëra.

Nacionalizmat dhe populizmat çojnë drejt një verbërie totale. Ishte ky thelbi i fjalimit të Jean-Claude Juncker në Madrid për perspektivat e reja për të ardhmen e Europës.

Presidenti i Komisionit Europian, i cili foli dhe për progreset e bëra nga kontinenti i vjetër dhe nga ekonomia europiane, foli shumë ashpër për atë që e konsideroi një dobësi të rrezikshme.

Juncker u shpreh se prej disa vitesh po ndodh një fenomen i rrezikshëm. Rikthimi i nacionalizmit, refuzimi për të parë të tjerët me sytë që shohim veten, theksoi ai.

Në konferencën për shtyp Juncker sqaroi se kjo është një tendencë e rrezikshme që ushqen populizmin dhe populizmi i gërshetuar me nacionalizmin ushqen luftërat, ashtu si shprehej dhe Miteron në fjalën e mbajtur në Parlamentin Europian.

Më pas Juncker lavdëroi Spanjën për pritjen që i ka bërë emigrantëve, duke dënuar njëkohësisht vendet që kanë mbyllur dyert ndaj të tjerëve./abcnews.al

vucic-dhe-orban.jpg
ad min22:47 | 13/04/2018

Gazeta prestigjoze britanike “The Guardian”, në një analizë të detajuar i bën thirrje BE-së që të bëjë kujdes nga liderët politikë në Hungari e Serbi, që në Bruksel hiqen si europianë por në vendin e tyre i lobojnë nacionalizmit.

Kryeministri hungarez Viktor Orban dhe presidenti serb Aleksandar Vuçiç nuk janë dy politikanë liberalë që u intereson demokracia apo liria e medias, por dy kamaleonët që i ndryshojnë qëndrimet sipas rrethanave.

Kështu thuhet në një shkrim analitik të publikuar në britaniken “The Guardian”, ku i bëhet thirrje Bashkimit Europian që të mbrojë parimet e veta dhe të mbikëqyrë me kujdes bashkëpunimin mes dy liderëve. Në analizë thuhet se dy miqtë e ngushtë u mëshojnë ndjenjave nacionaliste në vendet e tyre dhe në të njëjtën kohë përpiqen të ruajnë lidhjet me aktorët kyç të Bashkimit Europian.

“Orban dhe Vuçiç janë dy kamaleonët politikë të përsosur. Forca e tyre qëndron në konstatimin e ndryshimit të prirjeve të opinionit publik dhe në përshtatjen me rrethanat e reja”, thotë “The Guardian”.

Në shkrim vihet në dukje se dy liderët nuk kanë marrë drejtimet politike të deklaruara më parë. Nga simbol i demokracisë, Orban është kthyer në përfaqësuesin më të zëshëm të politikave nacionalisto-populiste, ndërsa Vuçiç është bërë një pro-europian i arsyeshëm e i distancuar nga politikat luftarake të Serbisë vetëm në pamje të parë.

Më tej në analizë i bëhet thirrje BE-së, si mekanizmi i vetëm që mund të parandalojë nacionalizmin dhe demagogjinë në këtë pjesë të Europës, të përdorë presionin për të shmangur një rrëshqitje në të kaluarën dhe në rikthimin e tendencave për ndryshimin e kufijve./abcnews.al

arjan-curri.jpg
ad min21:06 | 13/02/2018

Publicisti Arjan Curi është shprehur në emisionin Provokacija të Mustafa Nanos në ABC News se elita greke është po aq nacionaliste sa ajo shqiptare.

Sipas tij, ka shumë shqiptarë që janë pjesë e elitave në Greqi.

“Mua elita greke më rezulton po aq nacionaliste sa elita shqiptare. Elita greke, ne i themi elita kishtare që është dhe elita politike. Sot që ne flasim kryepeshkopi është shqiptar, arvanitas. Në stafin e universtitetin, ku unë kam studiuar kishte edhe mbiemra Shpati, Shkurti që e pranoin që ishin arvanitas”, u shpreh Curi./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono