mustafa nano

bindja-demokratike-1280x717.jpg
G. P.23:59 | 28/06/2019

Anëtari i bordit të Bindjes Demokratike, Fabian Topollaj, deklaroi këtë të premte se pas zgjedhjeve opozita duhet të riformatohet. Sipas tij e vetmja mënyrë për ta bërë këtë është të votojnë Bindjen Demokratike të dielën e 30 Qershorit

“Unë besoj se në 1 Korrik opozita e këtij vendi duhet të riformatohet. Ka vetëm një pengesë që e ka penguar të djathtën shqiptare për t’u riformatuar të paktën gjatë këtyre dy viteve të fundit dhe ai ka qenë kryetari i PD-së i cili e ka mbajtur me forcë postin e tij. Kështu që një demokrat i zhgënjyer, kush më shumë se demokratët e dinë sot që janë viktima të lidershipit të tyre që e shikojnë Partinë Demokratike si një gjë që duhet ta shfrytëzojnë për interesa krejt personale. Duhet të votoj për opozitën e këtij vendi. Opozita e këtij vendi duhet të ekzistojë pas 1 Korrikut. Opozita e këtij vendi do të fuqizohet pas 1 Korrikut. Demokratët shqiptarë s’duhet ta lënë veten të mos kontribuojnë në fuqizimin e opozitës së këtij vendi. Më 30 Qersjor e vetmja mundësi për të kontribuar në opozitën e këtij vendi është të votojnë për Bindjen Demokratike”, tha Topollaj.

Më tej, ai theksoi se pret që BD të arrijë një rezultat surprizues për zgjedhjet.

Ne besojmë se do të marrim një rezultat shumë të mirë. Ne besojmë se nevoja e shqiptarëve për të shprehur opozitarizmin e tyre është shumë e madhe dhe ne favorizohemi nga fakti që jemi e vetmja pjesë e opozitës që kemi hyrë në këto zgjedhje dhe kemi kuptuar të parët që e vetmja mënyrë për të shprehur opozitarizmin janë dhe mbeten zgjedhjet. Shpresoj shumë dhe besoj që Bindja do të marrë një rezultat surprizues në zgjedhjet e 30 Qershorit”, tha Topollaj./abcnews.al

denar-bibaa.jpg
G. P.23:36 | 28/06/2019

Presidenti i Republikës duhet ë jetë në moshë. Kështu duhet të jetë kreu i shtetit sipas nënkryetarit të KQZ-së, Denar Biba. Ai ishte i ftuar këtë të premte në emisionin “Provokacija” të Mustafa Nanos, i cili i tha se mund të ishte një President i mirë.

Por moderatori nuk ishte i vetmi që ia ka thënë diçka të tillë Bibës, i cili u shpreh se po e merrte me shaka diçka të tillë. Sipas tij presidenti duhet të jetë një person që të vijë në detyrë kur të mos ketë shumë gjëra për të humbur përveç nderit të tij.

Mustafa Nano: Ju mund të ishit një president i mirë.

Denar Biba: Ju jeni personi i katërt që po ma thoni brenda dy javëve dhe kjo gjëja po teprohet. Po ua them të gjithë miqve mos e teproni.

Mustafa Nano: E kanë thënë me shaka?

Denar Biba: Natyrisht me shaka.

Mustafa Nano: Unë e thashë me të vërtetë.

Denar Biba: Le ta lemë, unë po e marr me shaka. Unë gjykoj se një president i mirë në Shqipëri, ose ndoshta nga eksperiencat, zoti Moisiu ëhstë një eksperiencë e shkëlqyer gjykoj duhet të jetë pak në moshë. Kur të mos ketë shumë gjëra për të humbur përveç nderit të vet./abcnews.al

 

denar-biba.jpg
G. P.23:28 | 28/06/2019

Zv/kryetari i Komisionit Qendror të Zgjedhjeve, Denar Biba deklaroi këtë të premte se zgjedhjet që po zhvillohen nuk janë më të mirat, por celebrojnë shtetin e së drejtës. Ai ishte i ftuar në emisionin “Provokacija” të Mustafa Nanos, ku theksoi se mes datës 30 Qershor dhe 13 Tetor vendoset mes ligjit dhe pazarit.

“Këto zgjedhje janë votime në shumicën e tyre, minimalisht në 50% të zonave ne kemi vetëm 1 kandidat, jo për faj të atij kandidati, por se dikush tjetër zgjodhi të mos ta përballte. Nga perspektiva e demokracisë në kuptimin e ngushtë të fjalës, të asaj shumicës matematike periodike çdo katër vjet. Këto nuk janë zgjedhjet më të mira që ne po bëjmë për ta thënë me eufemizëm se nuk dua të them që nuk janë zgjedhjet mirë, nuk më takon. Por kjo që po ndodh është celebrim i shtetit të së drejtës. Jo më kot partnerët ndërkombëtarë kanë këmbëngulur në mënyrë të paimagjinueshme për datën 30.

Çfarë kishte përballë data 30? Data 30 ka datën 13 Tetor përballë. Ligji, pazari. Ne do të zbatojmë ligjin apo do të mbetemi peng në mënyrë të vazhdueshme të pazareve. Në botën perëndimore demokracia erdhi pasi shteti ishte konsoliduar në mënyrë të parikthyeshme, kurse ne tentuam të ndërtonim demokraci pa ndërtuar shtet. Nuk mund të ketë shtet demokratik pa shtet. Duhet të mësojmë që rregullat janë rregulla. Rregullat janë të tilla, kur një gjyqtar atje në Hawaii ose në Sarandë mund t’i thotë presidentit të republikës, ‘zotrote ke gabuar dhe vendimi yt është i sëmurë’. Ky është shteti i së drejtës”, tha Biba.

Për sa i përket ditës së diel, Biba tha se zgjedhjet do të zhvillohen në normalitet edhe pse mendon se do të ketë disa episode të pakëndshme.

“Zgjedhjet e 30 Qershorit do të jenë në kufjitë e normalitetit. Natyrisht do të ketë episode, jo posaçërisht të dhunës, por episode të pakëndshme. Kur nuk ka pasur? Më thoni një palë zgjedhje kur nuk ka pasur? Edhe në 2015 në Kurbin ka pasur edhe viktima”, tha ai./abcnews.al

baton-haxhiu-1.jpg
G. P.23:01 | 28/06/2019

Ilir Meta është një nga miqtë, të cilin Baton Haxhiu e ka humbur gjatë jetës publike të tij. Deklaratën analisti e bëri gjatë emisionit “Provokacija” të Mustafa Nanos. Ai tha se shpresonte që kur Meta u bë President të largohej prej mëkateve.

“Mua më vjen keq që jeta publike rrugës më largon nga miqtë, ose mi humb miqtë, por mes të vërtetës dhe miqësisë, unë jam për këtë të parën. Nuk duhet miqësia aq nëse njeriu nuk ndërron vendin ku bën më mirë për ne.

Meta është një nga miqtë që kam humbur. E them me kënaqësi tash se është që po humb një mik të tillë. Kam shpresuar se kur po shkon President do ikë nga mëkatet”, tha Haxhiu.

Sipas Haxhiut, Meta ka keqpërdoruar postin e Presidentit, me të cilin siç tha ai, populli i “amnistoi” mëkatet.

“Gabimi më i madh i tij është që fakti që shoqëria shqiptare me një mënyrë apo tjetër ja ka “amnistuar” mëkatet duke e bërë president në mënyrën më brutale e ka keqpërdor këtë post. E para njeriu kur e di të vërtetën për veten, për të kaluar politikën, kur hyn në një post kaq të shenjtë siç është presidenca kërkon falje me vete dhe hyn me një ndërgjegje tjetër personale. Hiqe politikën. Nuk ka post më honorik se Presidenti. Nuk e riciklon veten në postin e Presidentit me mëkatet e së kaluarës dhe këto mëkate e kanë bërë që të ndihet ashtu dhe të del në konferencë për shtyp duke treguar se është rrethuar me njerëz pa ndërgjegje, njerëz që nuk e këshillojnë mirë, njerëz të cilët ia kanë bërë atë që quhet varr politik. Një njeri që nuk e ka kuptuar postin honorifik të tij dhe të shqiptarëve duke bërë atë fitnen religjioze siç thuhet në islam dhe ajo fitne e ka krijuar funksionin e pandërgjegjshëm. Funksioni i pandërgjegjshëm e ka treguar fotografinë e Ilir Metës”, tha Haxhiu.

Ai foli edhe për ish-kryeministrin Berisha. Për të tha se nuk mund të jenë miq pasi ish-kryetari i PD-së projekton vetëm armiq.

“Berishën nuk e kam pasur mik. Kam pasur një kontakt më shumë dialogues. Edhe për shkak të miqësisë së fortë që kam me Blendin dhe me Sandrin. Nuk kam pasur takime personale me Berishën. Nuk mund të jem mik me Berishën për arsye se Berisha projekton armiq. Edhe mikun, edhe djalin, edhe vëllain. Këdo ai projekton një armik për të shëruar veten. Kjo është një gjendje shpirtërore  vetëm ai e di pse projekton një armik. Berisha nuk mund të jetojë pa projektuar armikun para vetes me të cilin shërohet për arsye se ka energji të tepërt për të keqen”, tha Haxhiu./abcnews.al

rama-nano-dhe-haxhiu.jpg
G. P.22:51 | 28/06/2019

Sipas Nanos, kryeministri Rama ka kompromentuar reformën në drejtësi. Gjatë një bisede me analistin Baton Haxhiu në emisionin “Provokacija”, ai deklaroi se e ka mbështetur fuqishëm reformën, por nuk e kupton se pse reforma duhet të frikësojë Berishën dhe jo socialistët.

“Reforma në Drejtësi nuk e di nëse është iniciuar nga ai, apo ndoshta e kanë iniciuar ndërkombëtarët, por është mbështetur fuqishëm nga ai. Mirëpo ky e ka kompromentuar dhe reformën që unë e kam mbështetur reformën në drejtësi në ndryshim nga shumë kolegë të mi. Unë kur dëgjoj Ramën që thotë se reforma do bëhet dhe këta që protestojnë kanë frikë nga reforma, unë mendoj që ky e komprometon reformën. Reforma duhet të jetë e besueshme. Unë s’e kuptoj pse reforma duhet të frikësojë Berishën dhe pse nuk duhet të frikësojë ndonjë socialist”, tha Nano.

Mirëpo Baton Haxhiu deklaroi se nga reforma në drejtësi do të gjykohen edhe socialistët.

“Unë e kam një bindje që sa gjykoj me informacionet që kam, por që nuk do të kursehen as socialistët. Njerëzit që do presin në vrimën e miut nuk do të jenë të paktë. Besoni se ka ardhur fundi që njerëzit janë të lodhur dhe presioni publik nuk e duron këtë kastë politikanësh, nuk e duron. Prandaj nuk i kuptoj kolegë të mi që me mënyrën se si e trajtojnë Ramën dëshirojnë të riciklojnë një gjeneratë politike që është dashur moti të vdesë në kuptimin politikisht”, tha Haxhiu.

Ndër të tjera, Haxhiu deklaroi se Rama e ka të vështirë që të drejtojë me dy liderë, të cilët sipas tij kanë instaluar të keqen në vend.

“Është shumë vështirë të jesh një kryeministër me dy liderë që për një kohë të gjatë e kanë instaluar të keqen, pastaj kanë instaluar nepotizmin, kanë instaluar korrupsionin, jo krejt me fajin e tyre natyrisht, por me pafuqinë e tyre që ta ndryshojë Shqipërinë. Rama ka bërë disa beteja. Ka bërë betejën e Tiranës, betejën e PS-së për të ndryshuar strukturën, betejën me Berishën, betejën me Ilir Metën, ka bërë betejën me Shqipërinë ku është krijuar një realitet 30-vjeçar. Unë gjatë kësaj etape trashëgon edhe njerëz që janë kriminelë, gjysmë kriminelë, që janë instaluar një kohë të gjatë në administratë dhe ajo është një betejë me njeriun”, u shpreh analisti./abcnews.al

baton-haxhiu.jpg
G. P.22:41 | 28/06/2019

1 Korriku sipas analistit Baton Haxhiut është vija e kuqe ku do të vendoset mes të ardhmes dhe riciklimit të politikanëve në Shqipëri. Gjatë emisionit “Provokacija” ku ishte edhe i ftuar, ai theksoi se ajo çfarë do të vijë pas zgjedhjeve të 30 Qershorit është beteja të cilën Shqipëria nuk e ka kaluar akoma.

“Mendoj që 1 Korriku do e gjejë Shqipërinë kurrë si më herët për arsye se do vendoset vija e kuqe mes të ardhmes dhe riciklimit. Kjo është beteja që Shqipëria nuk e ka kaluar për gati 30 vite dhe 1 Korriku e gjen ose do ta gjejë Shqipërinë me një të ardhme të re dhe me liderë të deritashëm të cilët do të pensionohen lehtësisht”, tha Haxhiu.

Tek këta liderë, Haxhiu fut Ilir Metën dhe Sali Berishën. Sipas tij, i vetmi që mund të përballet me ta është Edi Rama. Ky i fundit sipas analistit di të bëjë dallimin e shprehej “enough is enough”.

“Fus Berishën, Metën, Mona nuk e ka peshën e këtyre dyve. E Muçi kam ndierë një gjë, i vetmi njeri ai e di që ka dilema kësaj dhe e ka vendos dhe mund ta vendosë të ardhmen e Shqipërisë duke mos e ricikluar me të kaluarën është Edi Rama. Për faktin se kushdo tjetër nuk do mund të bënte betejë me dy liderë politikë të cilët e kanë ricikluar njëri-tjetrin për një kohë të gjatë dhe ai është Berisha dhe Meta. Natyrshëm e mira dhe e keqja e kësaj periudhe 30-vjeçare u takon atyre dyve, natyrisht kështu është edhe Rama, por edhe njëri edhe tjetri nuk kanë kuptuar se ‘enough is enough’, boll është boll. Për faktin se nuk kanë kuptuar që ‘enough is enough’ dhe një personalitet që ka mundur të bëjë një përballje të tillë me të kaluarën ka qenë vetëm kryeministri tashëm.

Do e shohësh se Rama do të jetë një prej atyre njerëzve që politikën do ua lerë gjeneratës së re. Besomëni apo jo, nuk do të jetë në politikë aq gjatë sa njerëzit e mendojnë, por do të jetë mjaftueshëm që Shqipëria t’i takojë gjeneratës së re”, tha Haxhiu./abcnews.al

mustafa-nano-2.jpg
G. P.22:27 | 28/06/2019

Mustafa Nano mendon se opozita ka bërë disa gabime gjatë betejës së saj që prej djegies së mandateve dhe bojkotimit të zgjedhjeve. Ai listoi gjatë monologut të sotëm në emisionin “Provokacija” katër prej tyre dhe që sipas tij kanë qenë gabime fatale.

Sipas gazetarit, zgjedhjet do të mbahen më 30 Qershor dhe kjo nuk ka asnjë pikë dyshimi. Shkak u bë deklarata e Palmer që njihte datën e zgjedhjeve sipas tij dhe në këtë mënyrë edhe opozita do të qëndrojë urtë, ndryshe siç e imagjinonin demokratët se do të vepronte.

Nano u shpreh se gabimi i parë i opozitës ishte që beteja e saj u zhvillua nën moton “o hiç, o gjithçka”.

“Gabimi i parë: Ajo nuk e kuptoi dot që beteja që po bënte ishte një betejë e destinuar të humbte qysh në krye të herës. Madje jo e destinuar që të humbte, por edhe një betejë që do duhej të humbej prej opozitës. Këtë e them sepse nëse do ndodhte e kundërta, nëse beteja e opozitës do të ishte e suksesshme dhe këtë leksion që do nxirrej, mesazhi që do përcillej do ishte ky: ‘hej miq nuk është e vërtetë lodra demokratike që ne dimë, alternimi i pushteteve nëpërmjet votës. Jo ka një mënyrë më të thjeshtë për të ardhur në pushtet. Ik nga parlamenti, digj mandatet, bojkoto zgjedhjet, prishu me perëndimin, kërcënoju shoqërisë me luftë civile dhe bacë u kry’. Ky ka qenë një gabim fatal i PD-së. Beteja ka pasur si maste të veten moton ‘O hiç o gjithçka’ dhe opozita mori hiç, gjithçkanë e mori mazhoranca dhe kjo është e frikshme. Mendoj se ky është faji i opozitës. Nëse ne do kemi në vijim një Edi Ramë të fortë, një mazhorancë të fortë, një mazhorancë të frikshme është faji i opozitës sepse bëri këtë betejë”, tha Nano.

Gabimi i dytë i opozitës për Nanon është fakti që ju kërcënua vendit me luftë civile.

“Gabimi tjetër që bëri opozita është se ju kanos vendit me luftë civile ose të paktën krijoi këtë përshtypje. Edhe nëse nuk e ka pasur si qëllim pasoja e kësaj beteje kjo ishte, tek njerëzit mesazhi që shkoi ky ishte. Ndërsa ajo që opozita kishte protesta të organizuara orë përpara ndoshta dhe ditë përpara njerëzit pyesnin ‘çfarë do ndodhi?’, ‘do ketë përplasje civile?’, ‘do ketë luftë civile?’, ‘do ketë gjak?’. Unë mendoj që kjo ka qenë një strategji fatalisht e gabuar. Vetëm një mendje idiotike mund ta ketë përpunuar këtë strategji duke menduar që është një strategji gjeniale. Këtu nuk ka asnjë strategji gjeniale. Të bësh një betejë me synimin për të terrorizuar shoqërinë nuk ka asnjë gjë gjeniale, është thjeshtë një strategji budallaqe”, u shpreh Nano.

Gabimi i tretë është mënyra se si opozita u përpoq ta sillte protestën.

“Një gabim tjetër që bëri opozita është se betejën që bëri e solli si betejën mes djallit dhe engjëllit. Nuk ka qenë një betejë midis djallit dhe engjëllit. Ka qenë një betejë midis dy djajve. Njerëzit që kanë dalë në opozitë një pjesë e tyre nuk kanë qenë të merakosur për zgjedhje të lira. Njerëzit që kanë dalë nëpër protesta dhe nëpër sheshe për mua kanë qenë njerëz të lodhur në opozitë, kanë qenë horra që nuk kanë duruar dot që ca horra të tjerë si ata kanë pushtet. Kështu që nuk ka qenë një betejë midis engjëjsh dhe djajsh dhe përpjekja për ta sjellë të tillë nuk ka ngjizur, nuk mund të ngjiste. Edhe më budallai në Shqipëri e ka ditur që kjo nuk mund të ishte një betejë me njerëz që kanë ideale dhe njerëz që në anën tjetër nuk kanë asnjë ideal”, tha Nano.

Ndërsa gabimi i fundit i opozitës sipas Nanos është konflikti i panevojshëm që krijoi me partnerët ndërkombëtarë.

“Gabimi i fundit ka të bëjë me marrëdhënien që PD ka vendosur me partnerët tanë ndërkombëtarë. PD përcolli mesazhin që unë këtë betejë do ta fitoj ndonëse partnerët ndërkombëtarë nuk janë me mua, do ta fitoj për inat të partnerëve ndërkombëtarë. Kjo ka qenë gjithashtu një betejë budallaqe dhe u mor vesh në fund, kur mjaftoi vetëm një telefonatë e bërë nga Matthew Palmer, nga njeriu i Washington-it dhe opozita në datë 30 Qershor do të rrijë urtë. Kjo tregon se sa budallaqe ka qenë e gjithë ajo betejë për të krijuar këtë lloj konflikti të panevojshëm me partnerët ndërkombëtarë”, përfundoi ai.

capaliku-1280x713.jpg
nev ila21:49 | 25/06/2019

Në Provokacija, mbrëmjen e sotme ka qenë i ftuar Stefan Çapaliku, shkrimtar, dramaturg. Çapaliku kandarë mendimin e tij në studion e Provokacija në lidhje me arsimimin e shqiptarëve. Ai thotë se Shqipëria është një vend që nuk të ofron asgjë në lidhje me arsimin universal.

Mustafa Nano: Ideja që kishit se shqiptarët e kanë gjetur rrugën e vet por Shqipëria jo. Shqiptarët po shkojnë jashtë dhe po arsimohen, i referoheshe një statistike që nuk e kisha parë më parë, është statistikë e saktë apo jo?

Stefan Çapaliku: Është statistikë e UNESCO. Jemi vendi i parë në Europë për numrin e popullsisë që studiojnë jashtë. 30 në 1000 vetë studiojnë jashtë shtetit. Ky është një investim i jashtëzakonshëm. Po craë bëhet me këta fëmijë? A kthehen më apo jo?

Mustafa Nano: Situata është nga halli apo nga qejfi?

Stefan Çapaliku: Unë mendoj se ikin nga halli. Si pedagog që jam, e di mirë se cili është niveli i Universitetit sot, dhe unë kurrë s’mund ta marr fëmijën tim e ta çoj në këtë shkollë.

Mustafa Nano: E thënë nga një njeri që është brenda kësaj shkolle është e rëndë…

Stefan Çapaliku: Po, unë ju garantoj se fëmijën tim nuk mundem ta marr dhe t’ja u dorëzoj kolegëve të mi, as vetes time. Do kisha shitur edhe tullën e fundit të shtëpisë që të shkolloja fëmijën tim diku jashtë.

Mustafa Nano: Po thoni se Universitetet tona janë një “hale”?

Stefan Çapaliku: Gjithmonë kam qenë i mendimit se disa disiplina të dijes, që janë disiplinat albanologjike, do mësohen këtu se nuk mund të mësohen jashtë. Por disiplinat universale, ju e dini… që ti biesh violinës mësohet në Vienë.

Mustafa Nano: A bëhesh shkrimtar në Shqipëri?

Stefan Çapaliku: Shkrimtar bëhesh kudo por formimin njerëzor ky vend nuk e ofron./abcnews.al

provokacija-capaliku-1280x717.jpg
nev ila21:16 | 25/06/2019

Mbrëmjen e sotme në Provokacija ka qenë i ftuar shkrimtari dhe dramaturgu Stefan Çapaliku. I pyetur nga gazetari Mustafa Nano në lidhje me situatën aktuale, ku sipas Nanos ky është një moment absurd dhe i çmendur. Çfarë po ndodh me ne, me njeriun e sotëm? Ja si shprehet Çapaliku:

“Duke qenë një situatë shumë e marrë dhe shumë budallaqe është tepër e vështirë për ta shpjeguar. Sepse të shpjegosh çmendurinë njerëzore do të thotë të dalësh jashtë të gjithë skemave, por unë mendoj se njeriu i tranzicionit, njeriu i prodhuar pas përpjekjeve që partia komuniste pati për krijimin e njeriut të ri, u krijua tashmë njeriu i tranzicionit, i cili mbart të gjitha sëmundjet, të gjithë simptomat e njeriut të ri plus simptomat e kësaj periudhe 30 vjeçare. Ky aliazh është i çuditshëm dhe i pashpjegueshëm, është shumë fatkeq.

Mustafa Nano: Nëse unë do bëja një listë tiparesh të shqiptarit sot…, apo është i njëjti shqiptar edhe në histori?

“Nuk është i njëjti shqiptar si në histori. Duke qenë shkrimtar dhe duke u marrë  me njeriun në përgjithësi, mendoj se ka disa tipare njeriu i tranzicionit. Jam përpjekur të ndërtoj një anekdotë të shqiptarit të sotëm. Jam frymëzuar shumë nga një fjalë që thonë:

“kur fola gabova, kur s’fola s’gabova!”

4 apo 5 kualitetet që ka njeriu i tranzicionit sipas mendimit tim:

1-Mos mendo

2-Nëse mendon mos fol

3-Nëse mendon dhe flet, mos shkruaj

4-Nëse mendon, flet dhe shkruan mos firmos

5-Nëse flet, shkruan dhe firmos atëherë asnjë nuk e di cfarë mund të ndodhë me ty.

Unë nuk i kam respektuar urdhëresat sepse kuptoj përditë e më tepër se të shkruarit, në të vërtetë është më shumë një farë misioni, një thirrje se sa një zanat, edhe vetë nuk e di pse merresh me këtë punë. Një shoqëri totalisht materialiste, pra të ulesh të shkruash  një libër pa patur një kontratë paraprake me askënd. Askush nuk është thirrur për të shkruar atë libër. Imagjinoni një shoqëri pa shkrimtar dhe pa artist çfarë tmerri do të ishte?“./abcnews.al

 

mimi-kodheli-1.jpg
G. P.20:49 | 25/06/2019

Mimi Kodheli ishte e ftuar këtë të martë në emisioni “Provokacija”. Ish-ministrja e Mbrojtjes u pyet në lidhje me përgjimet e publikuar nga Bild. Ajo theksoi se kjo mënyrë e abuzimit me votat është përdorur në këto 30 vite nga të gjitha palët. Kodheli rrëfeu gjithashtu se nuk ka dhënë asnjëherë as edhe një kafe për të marrë vota.

“Unë kam bërë një diskutim disa kohë më parë, kur opozita ishte akoma në parlament lidhur me votat, blerjen e tyre, abuzimin me to dhe kam thënë që nuk mundet asnjë të çohet këtu dhe të thotë se unë jam ai jo mëkatari se të tillë nuk ka në përgjithësi ndaj në qoftë se dikush në këto 30 vjet zgjat gishtin te tjetri dhe thotë shiko se unë këtë mënyrë të të bërit vota nuk e kam përdorur kurrë dhe vetëm ti e përdor ky është abuzim me naivitetin e njerëzve e dëgjojnë. Këtë gjë e thotë një grua që keni këtu përballë dhe që nuk ka dhënë asnjëherë një kafe për të marrë një votë.

E kam dhënë kafe me dashamirësinë për t’i dhënë kafe një miku, një votuesi, por nuk kam abuzuar asnjëherë me këtë gjë. Kur e them unë dhe e kam thënë kohë më përpara duke bërë një diskurs shumë të rëndësishëm në parlament ndaj askush nuk mund të thotë pse u përgjuan këta 3 individët ca muaj më përpara janë vetëm këta që bëjnë këtë punë. Kjo është një punë e keqe që daton herët. Nuk e kanë filluar socialistët. PS është parti e madhe nuk ka nevojë të blejë vota”, tha Kodheli./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono