mungesa

Shqiperi-U21-Kosove-U21.png
Vladimir Prenga17:36 | 11/11/2019

Kosova U21 ka në program ndeshjen me Austrinë U21. Trajneri Rafet Prekazi ka bërë përzgjedhjen e tij dhe janë disa risitë. Për herë të parë me Dardanët janë grumbulluar Lumbardh Dellova (Hajduk Split), Donat Rrudhani (FC Aarau), Luftëtar Mushkolaj (TSV 1860 Rosenheim), Meriton Kastrati (SC YF Zurich), Arb Manaj (FC Trepça’ 89) dhe portieri Dorart Ramadani (FC Dritës).

Këto lëvizje kanë ardhur edhe për shkak të mungesave të shumta. Arbenti Xhemajli është ftuar në përfaqësuesen A nga Bernard Challandes, kurse Leard Sadriu do të jetë pjesë e Kosovës U19 në kualifikueset e Europianit, që zhvillohen në Uells.

Ndërkohë ka edhe lojtarë të dëmtuar, si Lirim Kastrati, qendërmbrojtësi i Bologna, Besfort Kolgeci, Kreshnik Hajrizi dhe Arton Zekaj. Ndeshja me Austrinë zhvillohet më 15 nëntor në Ried. Në listë janë edhe tre lojtarë të Superiores, Vitija e Muja të Skënderbeut, si dhe Daku i Kukësit. /abcnews.al

Lista e Kosovës U21
WhatsApp-Image-2019-11-09-at-14.22.28.jpeg
nev ila14:52 | 09/11/2019

Edi Rama mungoi sot në një aktivitet të PS-së së Tiranës, ku në mëngjes u njoftua se kryeministri do të ishte i pranishëm. Burimet flasin për probleme shëndetësore të kreut të qeverisë, i cili së fundmi ka munguar në disa ngjarje të njoftuar.

Vetë Rama e argumentoi mungesën duke thënë se kishte pasur një mbledhje pune për një ligj special kundër KCK-së. Teksa Elisa Spiropali po kërkonte një mandat të tretë kryeministror për të, Edi Rama nuk doli përpara strutkurave të PS-së për qarkun Tiranë.

Prej ditës, simpatizantët ishin njoftuar për takim me kryeministërin, sic tregohet nga ky poster, e po ashtu, në orën 9 të mëngjesit të kësaj të shtune, edhe media, u njoftua për aktivitet më praninë e Edi Ramës.

Por…ai nuk erdhi. Burime pranë kryeministrit flasin për probleme shëndetësore të Edi Ramës, të cilat së fundmi e kanë kushtëzuar nga disa vepritari publike të parashikuara.

Erjon Veliaj që mori timonin e partisë në mungesë të Ramës, tha se kryeministri ishte duke i ndjekur.  Por Edi Rama njofton se nuk ka qenë përpara tv duke pritur përshëndetjen e militantëve, por duke punuar.

“Kur dal përditë pse del përditë pse del përditë, kur s’dal ca ditë çfarë ka që s’del përditë, historia e vjetër hip se të vrava zbrit se të vrava. Sot e kam nisur ditën me grupin e punës për Ligjin Special kundër krimit të organizuar+masat kundër KÇK që po finalizohen në letër”.

Ky reagim ngre disa pikëpyetje:

-A nuk e dinte zyra e shtypit e PS-së që Rama kishte takim për KCK-në në mëngjes që njoftoi se kryeministri do të vinte tek takimi i partisë?

-Kush është në grupin e punës së kryeministrit për ligjin kundër gjyqtarve e prokurorëve abuzivë, kur të gjithë deputetët socialistë të ligjeve ishin në takimin e partisë?

Ky nuk hera e parë që Rama mungon në një aktivitet publik.

Ai nuk e takoi presidentit maqedonas Pendarovski, dhe zyra e këtij të fundit njoftoi se Rama e anuloi për arsye shëndetësore. Po ashtu, Rama nuk mori pjesë të hënën në interpelancën parlamentare për Alvin Berishën, dhe pse Gramoz Ruçi e kishte  vendosur në rend dite.

Një lloj me sot në strukturat e Tiranës, të mërkurën Rama mungoi dhe në takimin me strukturat e qarkut Elbasan./abcnews.al

shkolla-1.jpg
nev ila16:47 | 15/10/2019

Edhe këtë vit akademik studentët duhet të përballen me sfidën për t’u pajisur me abone studenti e cila kushton vetëm 600 lekë. Mungesa e Kartës se studentit për të pajisur me te, i çon ata te marrin abone të përgjithshme e cila shkon ne vlerën e 1600 lekë.

Aboneja studentore është një lehtësim financiar për studentët. Vlera e saj prej 600 lekësh do të ishte e përballueshme për shpenzimet e tyre mujore, Por mos pajisja me Karta e Studentit i penalizon ata ta kenë atë.

Në rregullin e qarkullimit me automjetet e shërbimit publik kërkohet që aboneja studentore të jetë e shoqëruar edhe me kartën e studentit. Jo vetëm studentët e vitit të parë të cilët sapo kanë filluar studimet nuk janë pajisur me kartën studentore por ka edhe student vitet e dyta që nuk e kanë atë.

Pa Kartë Studenti, por edhe ato të viteve të dyta çka i detyron të blejnë abone të përgjithshme për të përdorur transportin publik në kryeqytet. Sipas publikimeve në media gjatë një muaji prodhohen rreth 14.000 abone studenti.

Sipas kësaj shifre, mund të pajisen me abone studentore vetëm 20% e studentëve, ndërsa 80% e tyre,  janë të detyruar të pajisen me abone të përgjithshme që kushton 1600 lekë ose të përdorin mjete të tjera të transportit publik./abcnews.al

KRONIKE-META-PAS-VENECIAS-ABCM5T2.mpg_snapshot_00.58-1280x720.jpg
ent ela16:00 | 21/09/2019

Një raport monitorues i një organizate joqeveritare për situatën e krijuar në Gjykatën e Lartë jo funksionale, ka bërë që presidenti i Republikës ta risjellë në vëmendje numrin prej 30 mijë dosjesh në pritje shqyrtimi si dhe kohën e kërkuar. Përmes një statusi në Facebook, kreu i shtetit shprehet se askush nuk mban përgjegjësi publike për cënimin e të drejtave themelore të qytetarëve për të patur një shqyrtim gjyqësor brenda një afati të arsyeshëm, dhe nga një gjykatë e caktuar me ligj. “Reforma u bë për qytetarët dhe funksionimi i sistemit të drejtësisë duhet t’i shërbejë vetëm qytetarëve.” shkruan Meta, duke kërkuar marrja e masave që sa më shpejt qytetarët të kenë akses të plotë në të gjitha shkallët e gjyqësorit. /ABC News Albania 24/7

IMG_8881-1-1280x853.jpg
ent ela12:32 | 21/09/2019

Partia Demokratike akuzon Bashkinë e Tiranës se, shkaku që qytetarët po vuajnë mungesën e ujit të pishmë është privatizimi i Ujësjellësit.  Në një dalje publike për mediat Oriola Pampuri në emër të selisë blu tha se ujë është i ndotur dhe rrezikon shëndetin e qytetarëve.

Tiranë po përballet ditët e fundit me mungesën e vazhdueshme të ujit të pijshëm, dhe sipas ish-deputetes së PD-s Orjola Pampuri kjo gjë ka ndodhur nga koha kur ujësjellësi ka kaluar në pronësi të Bashkisë së kryeqytetit.

“Që kur ujësjellësi kaloi në pronësinë e plotë tëBashksië së Tiranës, kryeqyteti po vuan mungesën e ujit të pijshëm dhe, akoma më keq, uji shkon i ndotur në shumë familje shqiptare. Autobotët dhe bidonat e ujit janë simbolet e një qyteti të qeverisur keq”.

Pampuri theksoi se, qytetarët e Tiranës e paguajnë më shtrenjtë ujin e pijshëm se kushdo tjetër në Shqipëri, por përsëri përballen me mungesën e theksuar të tij.

“Arsyeja pse ne nuk kemi ujë në shtëpi dhe bizneset tona, megjithëse e paguajmë atë më shtrenjtë se kushdo në Shqipëri, është rezultat i drejtpërdrejtë i vjedhjes nga ata që drejtojnë kryeqytetin.

Bashkia e Tiranës është shndërruar në një bunker të madh, ku askush nuk jep asnjë informacion për qytetarët, askush nuk jep llogari, por vetëm i zhvat ata duke rritur taksat, duke rritur çmimin e ujit, duke vendosur gjoba, duke betonizuar çdo hapësirë dhe duke përkeqësuar cilësinë e jetesës në qytet”.

Në fund Ish-deputja Pampuri pohoi se, Bashkia e Tiranës është shndërruar në një bunker të madh, ku askush nuk jep asnjë informacion për qytetarët për mungesën e ujit të pijshëm. /abcnews.al

 

 

 

KESHILLI-I-INTEGRIMIT.mpg_snapshot_00.02-1280x720.jpg
ent ela15:20 | 18/09/2019

Në mbledhjen e Këshillit Kombëtar për Integrimin Evropian munguan disa institucione pa asnjë lloj arsye. Një fakt të tillë e vuri në dukje kryetari i grupit parlamentar Taulant Balla sipas të cilit duhet të rriten masat monitoruese të Kuvendit ndaj tyre.

Mblidhen për herë të parë për këtë sesion parlamentar për të bashkëbiseduar mbi problemet e rekomandimet që u është kërkuar të zgjidhin për tu integruar në Bashkimin Evropian.

Por jo të gjitha institucionet kanë treguar vëmëndjen e duhur për këtë takim.

Për nënkryetarin e këshillit kombëtar të integrimit evropian Taulant Balla janë pozitive sinjalet që në 18 tetor Shqipërisë t’i çelen negociatat. Për këtë nevojitet bashkëpunim gjithpërfshirës vuri në dukje ai, një pikë e cila gjeti dakordësi mes zërave të pranishëm në këtë takim.

Në ditët në vijim Kuvendi i Shqipërisë do të shqyrtojë një rezolutë lidhur me fillimin e procesit të bisedimeve për anëtarësimin e Shqipërisë në Bashkimin Europian. /ABC News Albania 24/7

juventus.jpeg
nev ila20:40 | 16/09/2019

Skuadra e Juventus udhëton me mungesa të rëndësishme në transfertën e Atletiko Madrid. Dagllas Kosta dhe Miralem Pjanicc nuk janë në dispozicion të bardh e zinjve.

Juventus ka një test mjaft të vështirë të mërkurën në transfertën e Atletiko Madrid sfidë e vlefshme për grupin D.

Bardh e zinjtë synojnë fitimin e ligës së kampioneve ndërkohë që takimi me spanjollët vjen në momentin më të papërshtatshëm për kampionët e Italisë.

Në radhët e Juventusit konfirmohet mungesa e Dagllas Kostës dhe Miralem Pjanicc. Të dy lojtarët u dëmtuan në ndeshjen e fundjavës në Serie A përballë Fiorentinës.

Braziliani do të mungojë rreth një muaj dhe mund të humbas edhe ndeshjen direkte përballë Interit në datën 6 tetor.

Në dyshim për atletikon mbetet edhe Danilo i cili mund ta nis ndeshjen nga stoli ndërkohë që në krahun e djathtë të mbrojtjes mund të startojë nga minuta e parë Kuadrado.

Në orët e fundit në radhët e Juventus është lënduar edhe Higuain por nuk bëhet ende e ditur nëse bëhet fjalë për një dëmtim të rëndë apo të lehtë.

Trajneri Sarri nuk është aspak i qetë pasi duhet të menaxhojë një situatë delikate dhe me një kalendar të ngjeshur pasi Juventus do të luajë një ndeshje çdo tre ditë.

Me dëmtimin e Kostës ndaj Atletikos pritet të startoje titullar Bernardeski ndërkohë që rriten shanset edhe për Dybalen.

Për transfertën në Madrid Juventus nuk do të llogarisë dy futbollistë tepër të rëndësishëm si Mandzukicc dhe Emre Xhan të cilët janë lënë jashtë listës së champions nga trajneri Sarri.

Juventusi mund të luajë edhe për një barazim duke llogaritur që ndeshjen e kthimit ndaj Atletikos e luan në shtëpi dhe do të shfrytëzojë faktorin fushë.

Ndeshja e fundit mes italianëve dhe spanjollëve u luajt në miqësoren e verës, sfidë e cila përfundoi me fitoren e spanjollëve me rezultatin 2-1./ABC News Albania 24/7

kondicioner-1280x722.jpg
ad min17:13 | 14/06/2019

Në disa autobusë urbanë në Tiranë qytetarët udhëtojnë në temperatura mjaft të larta në këto ditë të nxehta. Për mosfunksionimin e kondicionerëve, Agjencia e Mbrojtjes së Konsumatorit ka vendosur gjoba  ndaj shoqërive të transportit. Ndjekim vëzhgimin e “Abc News”.

Kamera e ABC News detyroi ndezjen e kondicionerit  në një nga autobusët urbanë të Unazës në Tiranë. Është ora 13:00 dhe temperatura shënon 35 grade celcius. Por udhëtarët e këtij autobusi në kryeqytet janë të detyruar të udhëtojnë si në sauna. Në një tjetër linje të Unazës, kamera nuk u lejua të filmojë.

Faturino nuk dha asnjë shpjegim veç faktit se ky autobus është privat, ndonëse një shërbim publik për qytetarët taksapagues, i garantuar si detyrim i një kontrate me bashkinë.

Udhëtare të linjës së Unazës po edhe asaj Kombinat – Kinostudio nuk pranojnë të flasin para kamerës, por ata thonë se shpesh herë kondicionerët nuk ndizen, pavarësisht temperaturave shumë të larta.

Por nuk funksionon kështu për të gjithë autobusët. Në një autobus të linjës Porcelan-Qendër kondicioneri ishte në funksion.

Estref Agolli, Specialist i Transportit në Agjencinë për Mbrojtjen e Konsumatorit,  i kontaktuar nga ABC News, tha se që nga data 1 Qershor ka nisur vendosja e masave administrative për shoqëritë e transportit urban në Tiranë, që nuk respektojnë detyrimin për kondicionerët apo për plotësimin e kushteve të tjera për udhëtarët.

Agalliu tha se ankesat e qytetarëve janë të shumta, por situata në krahasim me një vit më parë ka ndryshuar dhe tek operatorët e linjave te transportit  urban ne Tirane, vihet re një ndërgjegjësim më i madh./ABC News Albania 24/7

LINDA-SPAHIU-PER-ETNOGRAFINE-1280x720.jpg
ent ela17:15 | 14/05/2019

Koleksionistja e kostumeve popullore shqiptare Linda Spahiu e sheh si shqetësim mungesën e një muzeu etnografik në Tiranë. Spahiu thotë se pasuria e kostumeve popullore shqiptare është e jashtëzakonshme, ndaj kjo pasuri ka nevojë të ruhet e transmetohet ndër breza.

Bukuria e kostumeve popullore shqiptare prej vitesh e ka rrëmbyer pediatren Linda Spahiu. Përmes  një mini ekspozite ajo prezantoi disa artefakte të pakonestueshme në muzeun Historik Kombëtar.

Për koleksionisten rikthimi tek rrënjet është po aq i domosdoshëm sa edhe shëndeti. Ruajtja e kësaj trashëgimie të çmuar ndër breza është mision më vete dhe domosdoshmëri për vijimësi.

Mungesa e një muzeu etnografik prej vitesh është një problem i madh sipas saj, pasi as turistët nuk  kanë mundësi që të njihen me këtë pasuri të paçmuar të popullit tonë.

Linda Spahiu rendit si kryeartefaktin me të veçantë xhubletën, e cila daton rreth 4000 mijë vjetë më parë.  Sipas saj  ky artefakt i rrallë duhet të jetë pjesë e trashëgimisë nën mbrojtjen e UNESCO-s.

Disa prej kostumeve popullore shqiptare u prezantuan për disa orë në Muzeun Historik Kombëtar. /ABC News Albania 24/7

tirana-partizani.jpg
ad min21:39 | 09/05/2019

Në prag të derbit me Tiranën, trajneri i Partizanit Skënder Gega ka shume pikëpyetje rreth formacionit titullar. Të kuqtë vuajnë nga 3 mungesa të rëndësishme.

Në vigjilje të derbit të kryeqytetit Tirana-Partizani, të kuqtë do të luajnë me ndryshime të shumta në formacion. Ndryshe nga takimet e mëparshme, trajneri Skënder Gega është i detyruar të improvizojë me lojtarët që ka në dispozicion.

Bruno Telushi është dënuar nga Komisioni i Disiplinës, ndërkohë që Emanuel Mensah dhe Jasir Asani kanë plotësuar numrin katër të kartonave dhe do të mungojnë ndaj Tiranës.

Detyra e Gegës është të gjejë ekuilibrat e duhura edhe pse do të jetë tepër e vështirë përballë një Tirane të uritur për fitore aq më tepër që vjen pas shkëlqimit në kupë ndaj Luftëtarit.

Për kryesuesit e kampionati shqiptar ka edhe lajme të mira pasi do të rikthehet Belica, i cili mund të rreshtohet përkrah Rexhepit në qendrën e mbrojtjes ndërkohë që Atanda pritet të vendoset në rolin e Telushit.

Sa i përket zëvendësimit të Asanit dhe Mensah, Gega pritet të hedhë në fushë Çinarin dhe njërin mes Hebaj dhe Trashit./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono