mungesa

kondicioner-1280x722.jpg
Sej rie17:13 | 14/06/2019

Në disa autobusë urbanë në Tiranë qytetarët udhëtojnë në temperatura mjaft të larta në këto ditë të nxehta. Për mosfunksionimin e kondicionerëve, Agjencia e Mbrojtjes së Konsumatorit ka vendosur gjoba  ndaj shoqërive të transportit. Ndjekim vëzhgimin e “Abc News”.

Kamera e ABC News detyroi ndezjen e kondicionerit  në një nga autobusët urbanë të Unazës në Tiranë. Është ora 13:00 dhe temperatura shënon 35 grade celcius. Por udhëtarët e këtij autobusi në kryeqytet janë të detyruar të udhëtojnë si në sauna. Në një tjetër linje të Unazës, kamera nuk u lejua të filmojë.

Faturino nuk dha asnjë shpjegim veç faktit se ky autobus është privat, ndonëse një shërbim publik për qytetarët taksapagues, i garantuar si detyrim i një kontrate me bashkinë.

Udhëtare të linjës së Unazës po edhe asaj Kombinat – Kinostudio nuk pranojnë të flasin para kamerës, por ata thonë se shpesh herë kondicionerët nuk ndizen, pavarësisht temperaturave shumë të larta.

Por nuk funksionon kështu për të gjithë autobusët. Në një autobus të linjës Porcelan-Qendër kondicioneri ishte në funksion.

Estref Agolli, Specialist i Transportit në Agjencinë për Mbrojtjen e Konsumatorit,  i kontaktuar nga ABC News, tha se që nga data 1 Qershor ka nisur vendosja e masave administrative për shoqëritë e transportit urban në Tiranë, që nuk respektojnë detyrimin për kondicionerët apo për plotësimin e kushteve të tjera për udhëtarët.

Agalliu tha se ankesat e qytetarëve janë të shumta, por situata në krahasim me një vit më parë ka ndryshuar dhe tek operatorët e linjave te transportit  urban ne Tirane, vihet re një ndërgjegjësim më i madh./ABC News Albania 24/7

LINDA-SPAHIU-PER-ETNOGRAFINE-1280x720.jpg
ent ela17:15 | 14/05/2019

Koleksionistja e kostumeve popullore shqiptare Linda Spahiu e sheh si shqetësim mungesën e një muzeu etnografik në Tiranë. Spahiu thotë se pasuria e kostumeve popullore shqiptare është e jashtëzakonshme, ndaj kjo pasuri ka nevojë të ruhet e transmetohet ndër breza.

Bukuria e kostumeve popullore shqiptare prej vitesh e ka rrëmbyer pediatren Linda Spahiu. Përmes  një mini ekspozite ajo prezantoi disa artefakte të pakonestueshme në muzeun Historik Kombëtar.

Për koleksionisten rikthimi tek rrënjet është po aq i domosdoshëm sa edhe shëndeti. Ruajtja e kësaj trashëgimie të çmuar ndër breza është mision më vete dhe domosdoshmëri për vijimësi.

Mungesa e një muzeu etnografik prej vitesh është një problem i madh sipas saj, pasi as turistët nuk  kanë mundësi që të njihen me këtë pasuri të paçmuar të popullit tonë.

Linda Spahiu rendit si kryeartefaktin me të veçantë xhubletën, e cila daton rreth 4000 mijë vjetë më parë.  Sipas saj  ky artefakt i rrallë duhet të jetë pjesë e trashëgimisë nën mbrojtjen e UNESCO-s.

Disa prej kostumeve popullore shqiptare u prezantuan për disa orë në Muzeun Historik Kombëtar. /ABC News Albania 24/7

tirana-partizani.jpg
G. P.21:39 | 09/05/2019

Në prag të derbit me Tiranën, trajneri i Partizanit Skënder Gega ka shume pikëpyetje rreth formacionit titullar. Të kuqtë vuajnë nga 3 mungesa të rëndësishme.

Në vigjilje të derbit të kryeqytetit Tirana-Partizani, të kuqtë do të luajnë me ndryshime të shumta në formacion. Ndryshe nga takimet e mëparshme, trajneri Skënder Gega është i detyruar të improvizojë me lojtarët që ka në dispozicion.

Bruno Telushi është dënuar nga Komisioni i Disiplinës, ndërkohë që Emanuel Mensah dhe Jasir Asani kanë plotësuar numrin katër të kartonave dhe do të mungojnë ndaj Tiranës.

Detyra e Gegës është të gjejë ekuilibrat e duhura edhe pse do të jetë tepër e vështirë përballë një Tirane të uritur për fitore aq më tepër që vjen pas shkëlqimit në kupë ndaj Luftëtarit.

Për kryesuesit e kampionati shqiptar ka edhe lajme të mira pasi do të rikthehet Belica, i cili mund të rreshtohet përkrah Rexhepit në qendrën e mbrojtjes ndërkohë që Atanda pritet të vendoset në rolin e Telushit.

Sa i përket zëvendësimit të Asanit dhe Mensah, Gega pritet të hedhë në fushë Çinarin dhe njërin mes Hebaj dhe Trashit./ABC News Albania 24/7

tirana-1280x705.jpg
Sej rie19:05 | 03/05/2019

Trajneri i skuadrës së Tiranës, Ardian Mema është i lumtur me formën e skuadrës dhe shpreson për një rezultat pozitiv ndaj Skënderbeut. Ndër të tjera Mema mendon se mungesa e tifozëve do t’ia vështirësojë punët skuadrës.

Tirana luan në Selman Stermasi ndaj Skënderbeun me objektivin e vetëm fitoren dhe shkëputjen nga Kastrioti. Bardheblutë barazuan javën e kaluar ndaj Luftëtarit dhe trajneri Ardian Mema thekson se pas transfertës në Gjirokastër lojtarët janë paraqitur mjaft mirë dhe janë të gatshëm për duelin kundër jug lindoreve. Sa i përket grupit, Mema tha qe nuk ka asnjë mungese dhe kontingjenti i lojtarëve është i plotë. Tirana do të luajë të shtunën pa tifozë dhe për trajnerin është një problem jo i vogël./abcnews.al

bakaj-1-770x470.jpg
G. P.20:50 | 02/05/2019

Tirana do të pres të shtunën në “Selman Stermasi” skuadrën e Skënderbeut. Të dyja klubet kanë mungesa të mëdha në prag të këtij dueli. Një sfidë shumë delikate për të dyja skuadrat, por kryesisht për Tiranën mbetet përplasja e kësaj fundjave me Skënderbeun.

Duhen me patjetër 3 pikët për të mos komplikuar edhe më shumë çështjen e mbijetesës edhe pse Mema nuk mund ta ketë të gjithë kontigjentin e lojtarëve në dispozicion. Kapiteni Erando Karabeci ende nuk dihet nëse do t’ia dalë të jetë i gatshëm për takimin ndaj korçarëve, si pasojë e një dëmtimi në gju. Ndërkohë, në dyshim mbetet prania e Eni Imamit. Edhe mbrojtësi mungoi në takimin e fundit, megjithatë është në luftë me kohën për të qenë i gatshëm. Nga ana tjetër tashmë mungon prej disa javësh Dorian Kërçiku. Mbrojtësi ka pësuar një dëmtim në gju dhe nuk pritet të jetë as këtë ndeshje pranë skuadrës. Ndërkaq, rikthehet për këtë takim sulmuesi Majkëll Ngo pas shlyerjes së dënimit me skualifikim.

Probleme lojtarësh ndërkaq edhe në kampin kundërshtar te Skënderbeu. Trajneri Orges Shehi nuk do të ketë në dispozicion dy lojtarë me shumë peshë, kapitenin Marco Radas dhe mesfushorin Bruno Dita. Të dy lojtarët kanë plotësuar numrin e kartonëve të verdhë dhe do të jenë dy mungesat e mëdha të bardhekuqve në sfidën ndaj bardhebluve./ABC News Albania 24/7

005-1280x707.jpg
G. P.23:59 | 09/04/2019

Skuadra e Juventusit do të luajë ndaj Ajaks me dy mungesa të mëdha si Giorgio Chellini dhe Emre Can. Lajm i mirë për bardhezinjtë është rikthimi i Cristiano Ronaldo, i cili sipas trajnerit Allegri do të aktivizohet si titullar.

Skuadra e Juventusit do të zbresë në fushën e lojës të mërkurën në orën 21:00 në transfertën delikate të Ajaks, e vlefshme për Champions League. Bardhezinjtë nuk do ta kenë kontigjentin e plotë për shkak te dy mungesave të mëdha siç është kapiteni Giorgio Chellini dhe mesfushori Emre Can.

Gjithsesi në kampin Juventin janë të qetë pasi Cristiano Ronaldo është stërvitur normalisht me skuadrën dhe do të jetë i gatshëm për takimin e parë çerekfinale të Ligës së Kampioneve.

Për këtë takim është grumbulluar edhe braziliani Daglas Costa, i cili rikthehet pas një mungese të gjatë. Në konferencën e zakonshme për shtyp, trajneri i Juventusit Masimiliano Allegri hodhi dritë rreth situatës aktuale tek lojtarët dhe tha se Ronaldo do ta nisë nga minuta e parë.

“Nesër do të luajmë me një mentalitet sulmues sepse duhet të shënojmë të paktën një gol. Përmbysjet si ndaj Atletikos nuk ndodhin gjithmonë. Ronaldo do të aktivizohet nga minuta e parë. Do të mungojë Chelini dhe Emre Can, ndërsa të tjerët janë gati. Daglas Costa është rikthyer dhe ky është një lajm mjaft i mirë. Dybala është stërvitur mirë, por nuk mund të them nëse do të luajë nga minuta e parë. Rugani do ta nisë titullar. Ekipi është stërvitur mirë, por dhe Ajaksi është i rrezikshëm pasi ka eliminuar Realin dhe ka zhvilluar paraqitje të mira ndaj Bayern-it”, tha trajneri i Juventusit Masimiliano Allegri./abcnews.al

Trajneri-Dedja-1280x708.jpg
ent ela17:14 | 08/04/2019

Është normale që skuadrat e kreut si Partizani dhe Kukësi të gabojnë. Ky është mendimi i trajnerit Hysen Dedja, i cili bën një analizë për Superligën, në intervistën për Abc News-in. 

Polemika, nerva, por për fat jo grushte. Superliga shqiptare mbylli fazën e tretë, njëlloj sikur po shkon drejt fundit të sezonit, dhe normalisht është koha për një analizë, të cilën e bën trajneri Hysen Dedja, në intervistën për Abc News-in.

Trajneri me përvojë gjykoi se ishte normale që Kastrioti të mundte Kukësin, ndërsa thotë se nuk u habit nga gabimet e Partizanit.

Dedja: “Shikoj që ka pak lojtarë, është ky grup kjo 11-she që në fillimet e Kampionatit, në takimet e kupës, në miqësore dhe këta janë lojtarë shumë të rinj dhe janë të ngarkuar nga ana psikologjike dhe fizike dhe pritej në momente të veçanta që të kishin një ndeshje të tillë”.

Trajneri shkodran ndalet sidomos tek Tirana, duke thënë se rënia nisi që në ndeshjen e kampionatit ndaj Laçit.

Dedja: “Kishte 2-3 minuta lojë dhe ishin 5-6 lojtarë të Tiranës në stol duke qenë kundërshtari me 10 lojtarë , dhe që në atë moment merr atë gol dhe humbja në Kupë, humbja në Vlorë dhe më pas fillojnë debatet dhe trajneri duhet të ishte shumë i kujdesshëm e disa deklarata.  Drejtuesit, Presidenti, trajneri dhe drejtori teknik duhet të përçojnë tek skuadra të imazhin që ne duhet të përballemi vetëm me fushën e blertë”.

Sa seriozisht rrezikon Tirana, sipas Dedjes?

Dedja: “Po të bisedoja me drejtuesit e Tiranës ose me sportdashësit e Tiranës para 3 javësh do të thonin se ne jemi për Evropë. Sot çohen në një ditë të bukur dhe mendojnë se ne më duket se po shkojmë si një vit më parë”.  

Kryefjalë e javëve të fundit kanë qenë aleancat. Kështu si po shkon sezoni, Dedjes nuk i duket e lehtë që të realizohen.

Dedja: “Ata që bien nga kategoria por janë edhe 4-5 skuadra që kanë pretendime për të na përfaqësuar në Evropë. Më duken shanset e vogla për të qenë në aleanca dhe nuk e mohoj që mund të bëhen këto aleanca, për shembull Partizani e ka zgjidhur problemin e daljes kampion”./abcnews.al

OK-MUNGESA-E-VIJAVE-NE-RRUGE.mpg_snapshot_00.13-1280x720.jpg
ent ela16:09 | 27/03/2019

Mungesa e sinjalistikës rrugore, siç janë dhe vijat e bardha për kalimin e këmbësorëve në rrugët urbane, bëhen shkak edhe për aksidente të mundshme. Në disa rrugë të kryeqytetit, të cilat kanë mjaft lëvizje automjetesh apo këmbësorësh, vijat e bardha janë inekzistente.

Shpeshherë kalimi nga njëra anë e rrugës në tjetrën, mund të kthehet në rrezik për këmbësorët nëse ata nuk janë vigjilentë ndaj automjeteve që kalojnë në rrugë.

Ndërsa në rastet kur vijat e bardha të kalimit të këmbësorëve mungojnë, kemi të bëjme me rrezik serioz të ndonjë aksidenti të mundshëm, siç duket dhe në këto pamje.

Janë disa segmente rrugore në kryeqytet ku vijat e bardha si për kalimin e këmbësorëve, po ashtu edhe ato të automjeteve janë inekzistente. Për këtë qytetarët shprehen mjaft të shqetësuar dhe thonë se ndihen të rrezikuar.

Shpesh edhe Policia Rrugore, e cila ka kryer monitorime në rrugët kryesore urbane dhe interurbane të kryeqytetit, ka kritikuar mënyrën e sjelljes së këmbësorëve në raport me rregullat e qarkullimit rrugor, por ka harruar të evidentoje mungesen e sinjalistikës përkatëse./abcnews.al

byro-politike-1.jpg
ent ela21:27 | 11/03/2019

Në emisionin “Byro Politike” një panel ekspertësh diskutuan për temën “Ekonomia, mungesa e arsyes së stabilitetit”. Të pranishmit në studio, Selami Xhepa, Adrian Civici, Arben Malaj dhe Fatos Çoçoli dhanë mendimet e tyre për situatën e mungesës së stabiliteti në ekonominë e vendit tonë.

Selami Xhepa : Ne kemi fituar betejën me të shkuarën tonë, po nuk kemi fituar betejën me standardet, progresin dhe modernitetin atje ku duhet të jemi. Kur shikojmë se ku ka shkuar bota ne vijojmë të jemi një vend realisht me të njëjtën problematikë relative sikurse e kemi pasur edhe më parë. Ne edhe sot pas 30 vitesh tranzicion jemi gati me 1/3 e të ardhurave të vendeve të BE. Problemi i dytë themelor mendoj se është se ne vazhdojmë akoma ta matim progresin tonë të shoqërisë me një metër të vjetër.

Adrian Civici: Si zhvillohet një vend dhe cilët janë faktorët. Efektivesh dallohen në mënyrë të përgjithshme tre preje tyre. Sasia e kapiteleve që investohen, sasia e burimeve njerëzore apo dhe burimeve natyrore që ka një vend për të përdorur në zhvillimin e tij ekonomik dhe struktura e ekonomisë, cilësia e politikave dhe zgjedhjeve që ne bëjmë ku përfshihen një mori problemesh që ne akoma nuk i kemi zgjidhur, që nga pronat qëndrueshmëria fiskale dhe shumë gjera të tjera.

Fatos Çoçoli: Askush nuk flet se ne kemi një rregullore që është Enti Rregullator i Energjisë që kompania shtetërore dhe ka një vit të mirë dhe nuk parashikon politikën e tarifave. Ka dy tre vite që ka qenë mirë. Po të shikon ata tarifat dhe njerëzit do të ishin të kënaqur.

Këta njerëz jo vetëm po plaken por po braktiset vendi. Po na ikin njerëzit më të aftë për punë. E vetmja mënyrë një qeveri e jona nëse do donte të ishte e përgjigje të investonte aty ku ka përfitime. Pse paratë nuk shkojnë aty ku mund të investohen mirë, tek ai bujku dhe ata para të kthehen për një kohë të shkurtër. Jo po ai nuk ma kthen, rrisko, investo dhe provo.

Arben Malaj: Nëse shoku Fatos më lejon e kam pas edhe koleg në shkollë.

Fatos Çoçoli: Jemi miq nuk jemi vetëm shokë, vazhdo…

Arben Malaj: Nëse politika që ne përmendim të bankës qendrore dhe flas si profesor dhe jo si anëtar i bordit, kështu ndodh edhe në botë mund të shprehesh edhe duke qenë anëtar i bordit për gjërat e bankës.

Fatos Çoçoli: Fol për bankën qendrore pavarësish çfarë pozicioni je…

Arben Malaj: Prit një minutë një minutë … se në qoftë ato që ju përmendi dhe ato që lexojmë çdo ditë se janë hapur shumë diskutime për produktivitetin e bankës qendrore dhe nëse ato mbeten brenda sektorit financiar dhe shërbejnë për shëndoshjen e sektorit financiar por nuk shkojnë si instrumente të monetare në atë të ekonomisë ka diçka që nuk shkon.

Fatos Çoçoli: Ta ka çuar mor vëlla, ta ka çuar afër zeros interesin e përqindjes së parasë.

 Arben Malaj: Tani unë votoj … nëse ke ardhur për të bërë zhurmë unë nuk e di që je zhurmues. Ti nuk mund të më tregosh mua normat e interesit kur unë votoj atje.

Fatos Çoçoli: : Do bëjmë debat kështu folëm që në fillim. 

 Arben Malaj: Por që të bëjmë debat ka një shprehje në demokraci që hapësira për të lëvizur gishtin tënd varet nga afërsia me hundën time. Pra t’i nuk mund të vazhdosh e të flasësh…

Fatos Çoçoli:  Jemi nja 5-6 metra larg.

 Arben Malaj: Kështuqë ta kuptosh.

Fatos Çoçoli: E kuptoj shumë mirë

 Arben Malaj: Mirë më fal dhe mbaje mend mundohu të lexosh pak më shumë dhe të abdetohesh. Se nëse efekti i një politike monetare nuk shkon në ekonominë reale diçka është problem në tërësi. Nëse sot bankat nuk kanë dhënë kredi ka qenë për shkak se kreditë e këqija kanë qenë në nivelin më lart sesa i gjeta në ’97.

Fatos Çoçoli:  25% tani e ke 12.4 % tani të është ulur urdhëro.

 Arben Malaj: Po a e di t’i strukturën e uljes apo jo?

Fatos Çoçoli: Tu fshinë kreditë e këqija…

Arben Malaj: Çfarë do të thotë fshirje kredie?

Fatos Çoçoli:  Do të thotë që është lehtësuar bilanci i një banke tregtare. Se bërë pyetje dhe me lejo të përgjigjem, ose vazhdo me monologun tënd si të duash.

Arben Malaj: Çfarë është fshirë?

Fatos Çoçoli:  Fshirja e kredive të këqija i jep mundësinë bankës që të mos bllokojë kapitelet dhe duke i pasur brenda bilancit të saj i ngrinte sepse për çdo kredi duhet të ishte ngrirë një pjesë e kapitalit të saj.

 Arben Malaj: E para është së duhet të dish që fakti që bankat tregtare nuk japin kredi do të thonë se ulja e kredive nuk ka ardhur nga arkëtimi i kredive të këqija. Pra nuk funksionon që me mbledhjen e kredive të këqija të detyrohen dhe t’i fshijmë./abcnews.al

partizani-13-770x470.jpg
ent ela16:59 | 02/02/2019

Partizani nuk e quan të lehtë ndeshjen ndaj Kamzës, për Superligën. Trajneri Gega vlerëson kundërshtarin, ndërsa kryeqytetasit do të kenë disa mungesa. Rivali i radhës nuk ka qenë aspak i lehtë këtë sezon.

Partizani vërtet ka marrë 6 pikë të plota ndaj Kamzës, por që të dyja sfidat i ka fituar minimalisht nga 1-0, dhe trajneri Skënder Gega, nuk dëshiron të thotë se ekipi I tij ka një sfidë të lehtë. Ja si flet ai në prag të ndeshjes jashtë fushe, në javën e 20-të të Superligës. Janari u mbyll dhe Gega bëri njër përmbledhje të asaj që kërkoi si përforcim, dhe gjendjes së ekipit.

Në krah të trajnerit edhe lojtari i ri i të kuqve, mbrojtësi Hektor Idrizaj, që erdhi pikërisht nga Kamza. Çfarë ndjenjash provon ai në prag të ndeshjes ndaj ish-ekipit? Partizani do të ketë disa mungesa, si ajo e Trashit të pezulluar dhe e Hilës së dëmtuar.

Po ashtu, mesfushori Duka nuk është ende gati, ndërsa besohet se braziliani Kardozo e ka kaluar gjendjen gripale. Kryeqytetasit kryesojnë renditjen e Superligës me 40 pikë, ndërsa Kamza është në vendin e parafundit me 15./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono