Moska

siria-1280x751.jpg
ent ela12:52 | 13/11/2019

Ministri i jashtëm rus Sergei Lavrov akuzoi Shtetet e Bashkuara të Amerikës se po pushtojnë zona të pasura me naftë në Siri, me qëllimin për t’i pasur nën kontroll të plotë.

Rusia kritikon Shtetet e Bashkuara të Amerikës, të cilat sipas Moskës po vazhdojnë të pushtojnë zona të pasura me naftë në Siri, duke shkelur të drejtën ndërkombëtare. Deklarata u bë nga ministri i jashtëm rus Sergei Lavrov, në forumin e paqes në Paris.

Ai theksoi se Shtetet e Bashkuara të Amerikës po bëjnë të pamundurën për të krijuar strukturën e një të ashtuquajturi shtet dhe po u kërkojnë vendeve të Gjirit që të bëjnë investime të rëndësishme, në mënyrë që të mund të krijohet një administratë vendore në bazën e forcave demokratike siriane, të kurdëve, YPG-së dhe të tjerëve. Kjo me qëllimin shumë të qartë për të marrë një territor të caktuar nga Siria dhe për të kontrolluar rezervat e naftës.

Lavrov shtoi se Rusia nuk ka menduar asnjëherë për politikën e jashtme si një mënyrë për të kundërshtuar Shtetet e Bashkuara të Amerikës. Në lindjen e Mesme, Moska sipas tij, është e vetnja që flet me të gjithë, ashtu si në Siri, ku dialogu është ndërtuar me të gjithë: qeverinë, opozitën, kurdët dhe amerikanët.

Shtetet e Bashkuara të Amerikës nisën tërheqjen e trupave ushtarake nga veri lindja e Sirisë në fillim të muajit tetor, duke shkaktuar zemërimin e kurdëve. Pak më oas, Turqia pushtoi territorin me objektivin për të krijuar një të ashtuquajtur zonë sigurie përgjatë kufirit, për një gjatësi prej 400 kilometrash.

Ndërkohë disa civilë mbetën të vrarë këtë të martë teksa protestonin kundër një pranisë ushtarake të patrullave të përbashkëta turko – ruse në qytetin Kobane në veri të Sirisë. Në disa filmime të publikuara në rrjetet sociale, shihen burra dhe gra të moshave të ndryshme që hedhin gurë kundër ushtarëve. Zëdhënësi i forcave demokratike siriane pohoi se ushtria turke kishte qëlluar ndaj manifestuesve duke i vrarë para syve të të gjithë botës. Turqia nga ana e saj i cilësoi manifestimet si një provokim duke shtuar se ishin marrë masa për sigurinë e civilëve, kundër manifestuesve terroristë./abcnews.al

CIA-MOSKE-ABCM5T1.mpg_snapshot_00.02-1280x720.jpg
ent ela19:15 | 09/09/2019

E trembur nga ndarja e informacioneve të klasifikuara që Donald Trump bënte me Rusinë, CIA organizoi një mision sekret në zemër të Moskës për të shpëtuar informatorin e saj, pa dijeninë e presidentit. Lajmi është bërë i ditur nga CNN, sipas të cilës operacioni është realizuar 2 vjet më parë.

Në vitin 2017, shërbimet sekrete të Shteteve të Bashkuara nxorrën me sukses nga Rusia një nga spiunët kryesorë të tyre në radhët e qeverisë ruse. Lajmi është është bërë i ditur nga CNN që citon burime të shumta pranë administratës amerikane, të informuara mbi operacionin. Sipas një prej burimeve, tërheqja e burimit rus të informacioneve u vendos pjesërisht për shkak të keqmenaxhimit që presidenti Donald Trump dhe stafi i tij u bënin informacioneve të klasifikuara, që mund të ekspozonin asetin e CIA-s.

Gjithashtu, vendimi për të nxjerrë burimin nga Moska u mor fare pak kohë pas takimit të zhvilluar në maj të 2017-s në dhomën Ovale mes presidentit Trump dhe ministrit të Jashtëm rus, Sergei Lavrov, me të cilin kreu amerikan i shtetit ndau të dhëna të klasifikuara nga fusha e inteligjencës.

Informimi i palës ruse mbi këto të dhëna, edhe pse jo në mënyrë specifike për spiunin rus, nxiti krerët e inteligjencës amerikane të organizonin operacionin. Asokohe, drejtori i CIA-s Majk Pompeo u tha disa anëtarëve të rëndësishëm të administratës Trump se po zbulonin shumë informacione të klasifikuara, një pjesë e të cilave filluan të qarkullonin edhe në media.

Kjo e bëri edhe më emergjent operacionin për shpëtimin e spiunit, i cili u nxorr nga Moska nga një grup agjentësh të CIA-s. I pyetur nga CNN, një zëdhënës i sekretarit amerikan të Shtetit, Majk Pompeo refuzoi të komentonte. Ndërsa një sekretare e Shtëpisë së Bardhë ka deklaruar se, informacioni i CNN jo vetëm që nuk është i vërtetë, por vë në rrezik jetët e njerëzve. /ABC News Albania 24/7

BERLIN-VRASJA.mpg_snapshot_00.01-1280x720.jpg
ent ela20:10 | 27/08/2019

Në një kohë kur po përpiqet të përmirësojë marrëdhëniet me Perëndimin, Rusia ka përsëritur skenarin e vrasjes së ish-spiunit të saj në Angli, Sergei Skripal. Viktima e radhës ka qenë një ish-luftëtar çeçen që jetonte në Gjermani, i cili është ekzekutuar me plumb pas koke.

Një emigrant çeçen që kishte luftuar kundër trupave ruse në luftën e viteve 2000 është qëlluar për vdekje në Berlin nga një agjent rus. Policia gjermane ka arrestuar një 49-vjeçar rus pak momente pas të shtënave dhe ka gjetur pistoletën dhe një biçikletë të përdorur prej tij në atentat. Dëshmitarë të cituar nga mediat gjermane deklaruan se vrasësi iu afrua emigrantit çeçen nga mbrapa me biçikletën e tij dhe e qëlloi dy herë në kokë përpara se të largohej me shpejtësi. Ngjarja ndodhi në një park në qendër të Berlinit. Policia, e cila nuk vonoi të mbërrinte në vendngjarje, përveç se arrestoi autorin gjeti dhe armën e përdorur prej tij, një “Glok 26” me silenciator, të cilën ai e kishte hedhur në lumë bashkë me biçikletën. I dyshuari kishte udhëtuar në Berlin nga Moska përmes Parisit pak ditë përpara sulmit dhe kishte edhe një biletë kthimi për në kryeqytetin rus, bëjnë të ditur mediat gjermane. Autoritetet deklaruan se ai kishte edhe një shumë të madhe parash në apartamentin e tij në Berlin, të marrë me qera për kohën e qëndrimit. 49-vjeçari është akuzuar për “vrasje në pabesi”. Dyshimet për këtë akt bien mbi Moskën pjesërisht për shkak të sulmeve të profilit të lartë kundër disidentëve që jetojnë jashtë Rusisë. Rastet më të bujshme janë ato ndaj ish-agjentëve sekretë Aleksandër Litvinenko në vitin 2006 dhe Sergei Skripal në vitin 2018, që u helmuan me agjent nervor. Ekzekutimi i ndodhur në Gjermani pritet të ketë pasoja në një kohë kur Rusia po përpiqet të përmirësojë marrëdhëniet me Perëndimin. /ABC News Albania 24/7

salvini.jpg
ad min10:47 | 17/07/2019

Zëvendëskryeministri i Italisë, Matteo Salvini, hodhi poshtë pretendimet se partia e tij populiste është përpjekur të marrë financime të fshehta nga Rusia. Ai ndërkohë ka shtuar komentet në mbrojtje të asaj që e quan “kulturë e krishterë” si dhe për çështjen që e ka shpërblyer më shumë në zgjedhje, emigracionin.

Ndërsa prokurorët e Milanos pohojnë se partia e ekstremit të djathtë Lega ka kërkuar financime të fshehta ruse, zëvendëskryeministri italian ka shtuar komentet e tij anti-emigracion në tubimet dhe në faqet e tij të mediave sociale, duke e lidhur migracionin me krimin dhe papunësinë dhe duke paralajmëruar se kjo është kërcënim për kulturën tradicionale të Italisë.

Kritikët e zotit Salvini thonë se ai po përpiqet të largojë vëmendjen nga akuzat për Rusinë dhe nga problemet e ekonomisë së vendit, e cila vazhdon të jetë e zhytur në recesion.

Pretendimet për financime të fshehta ruse morën një shtysë të re javën e kaluar kur faqja e lajmeve në internet Buzzfeed publikoi audio të një takimi në një hotel të Moskës midis ish-zëdhënësit të shtypit të Salvinit, dhe disa rusëve të paidentifikuar duke diskutuar mbi mundësinë e devijimit të 65 milionë dollarëve drejt partisë Lega nëpërmjet transaksioneve të naftës ruse me çmim të ulur.

Prokurorët e Milanos kërkuan të marin në pyetje zotin Savoini, i cili organizoi një darkë shtetërore më 4 korrik në Romë për nder të Presidentit rus Vladimir Putin, por sipas agjencisë italiane të lajmeve Ansa, ish-gazetari ushtroi të drejtën e tij për të mos iu përgjigjur pyetjeve.

Zoti Salvini po ndjek një qëndrim të ngjashëm me mediat. Në një deklaratë të lëshuar javën e kaluar ai tha se nuk ka marrë “asnjë rubël, asnjë euro, asnjë dollar apo ndonjë litër vodka”. Ai shtoi se admirimi i tij për presidentin rus Vladimir Putin dhe kundërshtimi i tij ndaj sanksioneve evropiane të vendosura ndaj Rusisë për aneksimin e Krimesë në vitin 2014, janë veprime “falas”.

Të hënën ai u tha gazetarëve se: “nuk kam ndërmend të flas më për paratë që kurrë nuk i kam parë dhe që kurrë nuk i kam kërkuar”.

Deri më tani zoti Salvini u ka rezistuar thirrjeve në rritje për të dalë përpara parlamentit të vendit për t’iu përgjigjur pyetjeve në lidhje me pretendimet për takime të zëdhënësit të tij zotit Savoini me presidentin e një shoqërie biznesi italiano-ruse dhe një nga kontaktet kryesore të Lega-s, me Kremlinin.

Në vend të kësaj, Salvini ka përforcuar retorikën e tij kundër emigrantëve përballë kritikave të opozitës se ai po nxit urrejtjen racore. Duket se kjo strategji po sjell rezultate në sondazhet e opinionit. Partia e tij Lega ka gëzuar një rritje të pandërprerë të mbështetjes në kurriz të partnerit të saj në qeverinë e koalicionit, Lëvizja Pesë Yje.

Të martën, ai i dërgoi një letër prefektëve të Italisë duke u bërë thirrje atyre të përgatisin “një raport mbi praninë e vendbanimeve të komuniteteve rome, sinti dhe kaminanti” brenda territoreve të tyre, në mënyrë që të “përgatisin një plan pastrimi”të kampeve të paligjshme.

Zoti Salvini ka mbajtur një sërë tubimesh të stilit Trump në Italinë qëndrore, një rajon tradicionalisht i majtë, i njohur si “brezi i kuq” i vendit. Në një tubim të shtunën, pranë Bolonjës, zoti Salvini mburrej se do të ketë shumë më pak tregtarë të huaj në plazhet e Italisë këtë vit për shkak të operacioneve të policisë. Ai gjithashtu përshëndeti ekipin lokal të futbollit për mos rekrutimin e lojtarëve të huaj.

Turma e mbështetësve të tij brohoriste, duke mbajtuar flamuj blu dhe të bardhë me mbishkrimin “Prima l’Italia”, “Italia e para”, ndërsa zoti Salvini tallej me kapitenen gjermane të një anijeje shpëtimi të emigrantëve dhe me stillin e saj afrikan të flokëve. Kapitenja Carola Rackete, e cila sfidoi zotin Salvini duke zbarkuar 40 emigrantë në Siçili,

ka thënë tashmë se ka në plan të ngrejë padi ndaj zëvendëskryeministrit të Italisë për komentet fyese ndaj saj.

Një javë më parë në qytetin malor të Orvietos, zoti Salvinini bëri lidhje mes të huajve dhe krimin ndërsa organizatat bamirëse që i ndihmojnë të huajt, si faktorë që duan të shkatërrojnë kulturën tradicionale të krishterë.

Në faqen e tij në Facebook, zoti Salvini ka akuzuar organizatat bamirëse të mbështetura nga BE-ja për përpjekje për të shkatërruar qytetërimin evropian. “Këto nuk janë operacione shpëtimi. Ato janë operacione të planifikuara për të pushtuar Evropën, të sponsorizuara nga miliarderë, jo filantropë, nga spekulatorë miliarderë si Sorosi, që duan të anullojnë rrënjët, kulturën dhe traditën e njerëzve dhe duan skllevër të rinj”, shkruhej në faqen e tij të Facebook-ut.

Udhëheqësi nacionalist populist i Hungarisë Viktor Orban, gjithashtu ka përqendruar zemërimin e tij mbi filantropin amerikan George Soros, i lindur në Hungari, duke u bërë objekt i akuzave për antisemitizëm.

Pavarësisht kritikave nga partitë liberale të Vatikanit dhe Italisë, sondazhet tregojnës se retorika e zoti Salvini po i rrit atij mbështetjen, duke nxitur spekulime në rritje se ai së shpejti do të përpiqet të rrëzojë qeverinë e koalicionit për ta çuar vendin në zgjedhje të parakohshme. Ai shpreson se një veprim i tillë do t’i hapte rrugën për të qeverisur vendin i vetëm ose me mbështetjen e së djathtës ekstreme të Italisë. Mbështetja në nivel kombëtar për partinë Lega tani është në nivel 38 për qind, vetëm dy për qind më pak se pragu që do t’i jepte partisë shumicën në parlament.

Megjithatë prokurorët italianë mbeten një rrezik për Salvinin, thonë analistët. Ata mund ta godasin atë me ndihmën e partnerit në koalicion të Lega-s.

Ligjvënësit e Lëvizjes Pesë Yje tani kanë nisur të kërkojnë përgjigje për pretendimet e vazhdueshme se zoti Salvini ka kërkuar financime të fshehta ruse për partinë e tij. Zëvendëskryeministri dhe rivali politik Luigi Di Maio i Lëvizjes Pesë Yje ka bërë thirrje për një komision parlamentar për të hetuar financimin e partive politike të vendit.

I pyetur nga gazetarët të hënën nëse zoti Salvini duhet të paraqitet përpara parlamentit, Kryeministri i Italisë Giuseppe Conte, i cili u zgjodh në këtë post nga Lëvizja Pesë Yje, u përgjigj: “pse jo?!”

Ai shtoi se: “ne besojmë tek transparenca në çdo nivel, në parlament para së gjithash. Udhëzimet tona janë të qarta: transparencë absolute për qytetarët italianë dhe besnikëri absolute ndaj interesave kombëtare. Qeveria nuk do të lëvizë asnjë centimetër ndaj këtyre parimeve”.

Një ditë më parë Kryeministri Conte vuri në dukje se zoti Savoini u shtua në listën e mysafirëve për darkën e 4 korrikut me presidentin Putin me kërkesë të zyrës së zotit Salvini. Vetë Matteo Salvini kishte thënë më herët se nuk e dinte pse zoti Savoini kishte marrë pjesë në këtë darkë./VOA

5a83f8710f2544329c4dd0ca.jpg
ent ela15:10 | 12/07/2019

Mbërrin në Turqi pjesa e parë e sistemit të raketave për mbrojtjen tokë ajër, nga Rusia. Ministri i jashtëm turk, por dhe Ministria e Mbrojtjes konfirmuan nisjen e procesit që do të vazhdojë disa ditë duke theksuar se nuk ka pasur asnjë problem.

Procesi i dorëzimit të sistemit raketor rus për mbrojtjen anti ajrore S-400 në Turqi, ka nisur mëngjesin e të premtes dhe do të vazhdojë dhe në ditët në vijjim. Raketat e para mbërritën në bazën e Murted Hava, 35 kilometra në veri lindje të kryeqytetit Ankara. Ministria turke e mbrojtjes në një deklaratë për media konfirmoi se dorëzimi i pjesës së parë ka nisur me sukses dhe se në ditët në vijim do të jenë autoritetet kompetente që do të vendosin se si do të përdoret.

Sipas mediave turke, për instalimin dhe aktivizimin e plotë të raketave duhet pritur të paktën deri në tetor. Presidenti Erdogan mbrojti këtë vendim duke thënë se është i domosdoshëm për të garantuar sigurinë kombëtare dhe sovranitetin e vendit.

Ministri i jashtëm turk gjithashtu konfirmoi fillimin e procedurës së dorëzimit së sistemit mbrojtës nga Rusia në Turqi duke theksuar se nuk kishte pasur asnjë problem.

Blerja nga Ankaraja e sistemit S-400 ka krijuar polemika me Shtetet e Bashkuara të Amerikës muajt e fundit të cilat pretendojnë se ai nuk përputhet me sistemet që përdoren nga NATO. /ABC News Albania 24/7

zaev-1-1-1280x700.jpg
ent ela14:50 | 11/07/2019

Rusia nuk është vendi që zhvillon luftë speciale kundër Maqedonisë së Veriut. Kështu ka deklaruar Kryeministri Zoran Zaev gjatë një takimi me ambasadorin rus në Shkup Sergej Bazdnikin. Zaev ka lënë të kuptohet se Rusia zyrtare është haptazi kundër hyrjes së vendit në NATO, por se nuk është e përfshirë në kurdisjen me bisedat telefonike.

Pasi kërkoi falje nga presidentet e Kosovës dhe Serbisë, i erdhi rendi ta ulë topin edhe me ruset. Kryeministri Zoran Zaev, u paraqit sot në hapjen e pompës së benzinës në hyrje të Haraçinës, kur prezent ishte edhe ambasadori rus, Sergey Bazdnikin.

“Pasi të përfundojmë këtu shkojmë në takim që e kemi aranzhuar para 10 dite, për shkak se komunikim të rregullt me të gjithë ambasadorët, ashtu është edhe me ambasadorin rus. Federata ruse është mik i Republikës së Maqedonisë së Veriut. Këto performaca të rrejshme që janë bërë edhe ndaj meje për fat të keq, janë punë private, nuk janë akt i Federatës Ruse”.

Zaev tha se anëtarësimi i Maqedonisë së Veriut në NATO, nuk do të thotë se do të jemi armiq të Federatës Ruse. Një shtet i vogël si Maqedonia e Veriut, dëshiron miqësi me të gjitha shtetet.

“Ka shumë qendra të fuqisë që nuk u shkon në dobi të tyre që Republika e Maqedonisë së Veriut të bëhet anëtare e NATO-s, dhe këtë e thonë qartë shumë shpesh. Unë i kuptoj argumentet që i kanë për këto qëndrime, por edhe në herë e përsëris se alternative përveç anëtarësimit në NATO dhe BE nuk ka dhe kjo është përcaktim i qytetarëve”. 

Përveç audio xhirimeve, portale të afërta me opozitën, filluan të publikojnë edhe fotografi nga mesazhet që i kanë ndërruar Zaev dhe Poroshenko i rrejshëm.

/ABC News Albania 24/7

MBULIM-MOSKA-REAGIMI.mpg_snapshot_00.09-1280x720.jpg
ent ela15:10 | 28/05/2019

Moska kërkon lirimin e menjëhershëm të shtetasit rus të arrestuar gjatë operacionit policor në veri të Kosovës, mëngjesin e të martës.

Mikail Krasnoshcekov, shtetas rus dhe pjesëtar i administratës së brendshme të misionit të Kombeve të Bashkuara në Kosovë – UMNIK – është ndër të arrestuarit gjatë operacionit të ndërmarrë nga forcat special ROSU në veri të Kosovës.

Burime të spitalit të Mitrovicës, konfirmuan për agjencinë ruse të lajmeve TASS se shtetasi rus ka marrë mjekim për plagët e marra gjatë arrestimit.

Ambasada ruse në Beograd ka kërkuar lirimin e menjëhereshëm të tij. Ndërkohë Ministria e jashtme ruse në një deklaratë për media u shpreh se arrestimi u krye pavarësisht imunitetit të tij si nëpunës i Kombeve të Bashkuara. Më herët Moska cilësoi arrestimet në veri si një provokim të mbështetur nga Shtetet e Bashkuara të Amerikës dhe Bashkimi Europian në shkelje të marrëveshjes mes Beogradit dhe Prishtinës. /ABC News Albania 24/7

shba-rusi-1280x839.jpg
ent ela23:16 | 01/05/2019

Rritja e tensioneve në Venezuelë ka bërë që të acarohen edhe më tej marrëdhëniet SHBA-Rusi. Ndërsa Uashingtoni ka paralajmëruar me opsion ushtarak, Moska, me tone kërcënuese, i ka bërë thirrje administratës amerikane që të mos përzihet në punët e brendshme të vendit latin.

Tensioni në ngjitje në rrugët e Venezuelës ka bërë që përplasja mes Shteteve të Bashkuara dhe Rusisë të arrijë pikun. Ditën e mërkurë, Uashingtoni dhe Moska kanë shkëmbyer akuza dhe kanë përdorur kërcënime me tone të Luftës së Ftohtë. Shkak është bërë një deklaratë e sekretarit të Shtetit, Majk Pompeo se Shtetet e Bashkuara po shqyrtojnë edhe opsionin ushtarak për Venezuelën. “Nëse do të jetë e nevojshme është pikërisht ajo që do të bëjmë për të rivendosur demokracinë, edhe pse do të donim një kalim paqësor të pushtetit”, ka deklaruar Pompeo. Por në një bisedë telefonike, ministri i Jashtëm rus Sergei Lavrov ka kritikuar ashpër homologun amerikan. Ai i ka bërë thirrje Uashingtonit që të mos përzihet në punët e brendshme të Venezuelës, duke kërcënuar me pasoja të rënda. “Çdo ndërhyrje ushtarake është një shkelje flagrante e së drejtës ndërkombëtare, që nuk ka asnjë lidhje me rivendosjen e demokracisë”, ka thënë Lavrov. Po aq i ashpër ka qenë reagimi i shefit të diplomacisë amerikane, që ka akuzuar Rusinë se synon destabilizimin e Venezuelës, duke vënë në rrezik marrëdhëniet mes Uashingtonit dhe Moskës. Popmpeo i ka bërë thirrje Lavrov që Rusia të ndërpresë menjëherë aktivitetet e saj në mbështetje të presidentit Nikolas Maduro. /ABC News Albania 24/7

 

 

nato-1-1.jpg
ent ela15:30 | 03/04/2019

Sekretari i përgjithshëm NATO-s Jens Stoltenberg është pritur në Shtëpinë e Bardhë nga presidenti amerikan Donald Trump. Ai do të flasë para kongresit amerikan me rastin e 70-vjetorit të aleancës

NATO feston 70-vjetorin në Uashington ku u firmos traktati nga 12 anëtarët themelues, dhe pas një 20-vjeçari luftërash kontroverse në Ballkan dhe Afganistan, aleanca mbetet ende në objektivin e armikut të vjetër dhe të përhershëm: Rusisë.

Sekretari i Përgjithshëm i NATO-s, Jens Stoltenberg u prit nga Presidenti Amerikan Donald Trump në Shtëpinë e Bardhë dhe mbrëmjen e së mërkurës do të flasë para Kongresit Amerikan.

Kjo është hera e parë për një Sekretar të Përgjithshëm të NATO-s, me një ftesë dy palëshe, një marrëdhënie që shpesh herë është vënë në dyshim nga kreu i shtëpisë së bardhë. Trump i cili sapo është çliruar nga çështja e Russiagate, bëri apel që Moska të mos kthehej në një kërcënim për sigurinë.

Ai shtoi se Shtetet e Bashkuara të Amerikës mund të shkojnë mirë me Rusinë, ndërsa më pas lavdëroi rritjen e shpenzimeve të shumë vendeve aleate për mbrojtjen, pas këmbënguljes së tij. Por në këtë rast përjashtohet Gjermania e cila nuk ka pranuar të rrisë buxhetin për NATO-n./abcnews.al

donald-trump.jpg
ad min11:11 | 25/03/2019

Sipas raportit përfundimtar të prokurorit special Robert Mueller, nuk ka asnjë provë që të vërtetojë ndonjë lidhje të mundshme të presidentit amerikan apo stafit të tij elektoral me Moskën. Një lajm ky që konsiderohet si një fitore e padiskutueshme e kreut të Shtëpisë së Bardhë.

Nuk ka asnjë provë të një marrëveshjeje apo koordinimi mes stafit elektoral të Donald Trump dhe Moskës në zgjedhjet presidenciale të 2016-s. Kështu pas dy vjet hetimesh, është mbyllur çështja e prokurorit special Robert Mueller për Russiagate.

Një dosje që është një fitore e padiskutueshme për presidentin amerikan, i cili prej muajsh përsërit se është i pafajshëm. Raporti nuk përfundon me faktin se Trump ka kryer një krim, por as nuk e shfajëson

“Asnjë përplasje, asnjë pengesë, një lirim i plotë dhe total nga akuzat. Të bëjmë Amerikën të madhe sërish”.

Është ky reagimi i parë i kreut të Shtëpisë së Bardhë me anë të një mesazhi të publikuar në profilin e tij në Tëitter. Në dokumentin që i është dorëzuar Kongresit amerikan nga ministri i Drejtësisë William Bar shkruhet se Mueller nuk ka gjetur prova të mjaftueshme për të pretenduar se Tump ka penguar drejtësinë, por nuk e shfajëson atë.

Zëdhënësja e Shtëpisë së Bardhë Sarah Sanders, theksoi se administrate Trump është informuar për përmbajtjen e raportit sipas të cilit presidenti lirohet nga akuzat. Sipas Trump, hetimi ishte një grusht shteti i paligjshëm, i cili dështoi.

“Raporti i Mueller konfirmon atë që njerëz të shëndetshëm mendërisht e dinin prej kohësh, pra që nuk ka pasur asnjë lidhje me Rusinë”, ka reaguar në këtë mënyrë djali i Trump, Donald Junior.

Ky i fundit parashikon se mediat të cilat prej vitesh sulmojnë babain e tij, në vend që të kërkojnë falje, vijojnë të shpikin çdo lloj teorie. Edhe avokati i presidentit amerikan Rudolf Xhuliani është shprehur i lumtur duke thënë se çdo gjë përfundoi më mirë se ç’pritej./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono