mosbindja civile

lulzim-bahsaa-1280x707.jpg
G. P.20:13 | 26/02/2019

Pas mbylljes së protestës së opozitës, kryetari i Partisë Demokratike, Lulzim Basha, deklaroi se mosbindja civile do të shtrihet në të gjithë vendin.

Kryedemokrati tha se përveç mosnjohjes së qeverisë dhe Kuvendit, tashmë nuk do njihet më dhe policia.

“Si minjtë u mblodhën sot duke shpresuar që tinëzisht do ia hidhnin popullit. Ju falenderoj nga zemra qindra mijëra qytetarëve që brenda disa orëve u mblodhën. Sot Edi Rama përdori dhunën e verbër ndaj qytetarëve që protestonin në paqe për të marrë sendin e vjedhur nga bandat kriminale, atë që përfaqëson sovranin, Kuvendin e Shqipërisë. Sonte le t’i çojmë këtë mesazh çdo shqiptari se ne nuk e njohim më jo vetëm Kuvendin dhe qeverinë e krimit, por as policinë, se mosbindja civile do shtrihet nga jugu në veri, se ne do e çlirojmë Shqipërinë nga kjo bandë. Çdokush me uniformë apo pa unifomë, me syze analisti apo kostum oligarku që është në krah të Edi Ramës është tradhëtar i popullit të vet, tradhëtar i interesave të vendit dhe do trajtohet si tradhëtar i vendit të vet kudo që të jetë”, tha Basha.

Opozita protestoi këtë të martë para parlamentit, ndërkohë që mazhoranca zhvillonte seancën parlamentare. /abcnews.al

pashynyan.jpg
G. P.20:40 | 08/05/2018

Nikol Pashinyan është kryeministri i ri i Armenisë. Lideri i opozitës është zgjedhur në drejtim të qeverisë nga parlamenti, në një seancë të jashtëzakonshme. Pashinyan ishte kandidat i vetëm për kryeministër.

Ky zhvillim erdhi pas protestave të shumta dhe mosbindjes civile, të drejtuara pikërisht nga 42-vjeçari. Partia kundërshtare e tij, që ka mazhorancën në Kuvendin e Armenisë, njoftoi javën e kaluar se do të mbështeste çdo kandidaturë, që ka mbështetjen e një të tretave në Kuvend, ndërsa nuk paraqiti kandidat të vetin, në mënyrë që të gjendej një zgjidhje për krizën politike.

Menjëherë pas zgjedhjes, Pashinyan konfirmoi partneritetin ushtarak dhe bashkëpunimin strategjik me Rusinë. Ai shprehu vullnetin për të negociar me Azerbajxhanin, për gjetjen e një zgjidhje paqësore për një rajon të kontestuar mes dy vendeve./abcnews.al

armenia.jpg
G. P.15:56 | 02/05/2018

Armenia ka hyrë në krizë politike pasi Parlamenti nuk mbështeti kandidaturën e liderit opozitar për kryeministër të një qeverie kalimtare. Vendi është përfshirë nga mosbindja civile.

Dhjetëra mijëra mbështetës të liderit të protestave, Nikol Pashinyan, i janë përgjigjur thirrjeve të tij për mosbindje civile, duke bllokuar rrugët kryesore dhe ndërtesat qeveritare. Pashinyan ka drejtuar për disa javë protestat anti-qeveritare që çuan në dorëheqjen e ish-kryeministrit Serzh Sargsyan. Ai bëri thirrje për greve të përgjithshme pasi deputetët e partisë në pushtet refuzuan ta mbështesnin në pozicionin e kryeministrit të përkohshëm.

Protesta të mëdha u regjistruan në kryeqytetin Jerevan si dhe në qytetin e dytë më të madh në vend, Gyumri. Makina dhe Kamionë bllokuan rrugët kryesore të kryeqytetit, ndërsa demonstruesit ndaluan trafikun në rrugën qëndrore që lidh Jerevanin me aeroportin kryesor të vendit. Turistët u detyruan të braktisin makinat dhe të udhëtojnë në këmbë bashkë me valixhet e tyre. Stacionet e metrove në Jerevan janë mbyllur si pjesë e fushatës së mosbindjes civile.

Mësues dhe studentë të ndryshëm janë mes atyre që marrin pjesë në protestat massive që kanë bllokuar ish-shtetin sovjetik me 2.9 milionë banorë, një aleat i afërt i Rusisë. Hyrjet në disa ndërtesa qeveritare janë bllokuar. Gjithashtu mosbindja civile ka prekur dhe shërbimin hekurudhor dhe stacionet kufitare.

Ndërkohë, duke parë këtë situatë, lideri opozitar i bëri thirrje manifestuesve që të mos bllokojnë aeroportin si dhe shërbimin shëndetësor./abcnews.al

PD-GRUP-PER-PROTESTEN-1280x720.jpg
ent ela15:26 | 09/04/2018

Si deklaroi vetë Lulzim Basha pas takimit me aleatët parlamentar ditën e premte, opozita i rikthehet protestave pas festës së pashkëve ortodokse.

Kreu i opozitës gjatë takimit me përfaqësues të biznesit të vogël dhe të mesëm në vend, deklaroi  mbështetjen për protestën e ditës së nesërme të paralajmëruar nga bizneset e vogla se do të ulin qepenat prej orës 11:00 deri në 12:00.

Grupi parlamentar i Partisë Demokratike pritet të zhvillojë një mbledhje në selinë blu rreth orës 18:30 ku deputetët pritet të diskutojnë për vazhdimsinë e aksionit të mosbindjes civile, thirrur nga kjo force politike.

Pas bllokimit të katër akseve rrugore në Shqipëri të ditës së enjte, shkak për procedimin e thuajse 30 deputetëve dhe kryebashkiakëve opozitar, Partia Demokratike pritet të artikulojë planin për vijimin e kësaj proteste./abcnews.al

BYRO-POLITIKE-06-PRILL-2018-1280x720.jpg
ent ela09:10 | 07/04/2018

Mosbindja civile e kërkuar nga kreu demokrat Basha dhe aleatët e tij që do të nisë të martën e ardhshme ka qenë në fokus të bisedës në studion e “Byro Politike” nga Juli Xhokaxhi në ABC News. Të ftuar në studio ishin: Dhurata Çupi deputete e PD-së, Ervin Bushati deputet i PS, Luçiano Boçi deputet i PD dhe Alfred Peza, gazetar.

Për deputeten e PD-së Dhurata Çupi opozita është në krah të qyetarëve të varfër të Shqipërisë.

Sipas Bushatit jemi para një fenomeni pozitiv, por reagimi negativ, pasi është hera e parë që protestohet për arsye ekonomike, ndërkohë që deri më sot arsyet kanë qenë politike.

Deputeti demokrat Boçi tha se sheh një lojë të Ramës për të fituar kohë, pasi tërheqëja e tij është në një vendim të dytë.

Gazetari Peza u shpreh se nisi si një lëvizje civile dhe në momentin që politika kuptoi se mund të kishte sukses e ktheu në kauzë./abcnews.al

EDMOND-SPAHO-1280x720.jpg
ent ela23:44 | 05/04/2018

Kreu i grupit parlamentar demokrat Edmond Spaho gjatë një interviste në mbrëmje në ABC News ka folur për vendimin më të fundit të opozitës, atë të mosbindjes civile duke nisur nga e marta e ardhshme. Spaho tha se lëvizja e parë do jetë në Kukës, të hiqet taksa 5 euro dhe të lirohen qytetarët, lëvizja tjetër në mbështetje të biznesit të vogël, në lidhje me skemën e TVSH. /abcnews.al

rruget-e-bllokuara.jpg
G. P.13:21 | 05/04/2018

Protestues të drejtuar edhe nga deputetë të partive opozitare PD dhe LSI u mblodhën të rrethrrotullimi i Bradasheshit në Elbasan, për të bllokuar rrugën që lidh Tiranën me Juglindjen, tek rrethrrotullimi në Çermë të Lushnjes për Jugun dhe tek rrethrrotullimi i Milotit për të bllokuar rrugën drejt Veriut. Gjatë këtyre tubimeve, nuk pati incidente.

Kryebashkiaku i Kukësit është njeriu që mbështeti banorët e tij nga protesta e ashpër në Rrugën e Kombit deri në sallën e gjyqit, ku 11 kuksianë mbetën në burg.

Por nuk u tërhoq kur kryeministri Edi Rama nga Parlamenti njoftoi për mos aplikim të tarifës së Rrugës deri në një zgjidhje për banorët.

“Një gjë duhet të sqaroj, në kontratë nuk ka asnjë pikë ku thuhet taksa është për kuksianët, taksa është për të gjithë shqiptarët”

Kryqëzimi i Milotit ishte bllokuar nga protestuesit, kur policia kërkoi formalisht largimin e tyre nga rruga.

Pati vetëm një irritim të momentit. Ndërsa lëvizja e mjeteve ishte devijuar në aksin e vjetër Milot-Mamurras.

Mjeti i urgjencës u la i lirë të kalonte në rrugë pa asnjë vonesë. Kurse ata që kishin mbërritur në kryqëzimin që lidh veriun me Tiranën ishin të zemëruar.

“Nuk di se kur do të dalim nga kjo situatë”.

“Kjo është një qeveri bandite”.

“Për ato qindra e mijëra shqiptarë që ikin nga Shqipëria, kjo ëhstë protestë paqësore.”

“Poshtë komunizmi dhe duam bukë”

“Kemi bërë luftë 100 vjet  me çlirue Kosovën e në mënyrë paqësore me vu taksën vëllezërit tanë”

“Me qindra kolegë e nxënës ikin dhe vetëm ikin nga Shqipëria”

“Qeveria dhe institucionet shqipatre e kanë humbur të drejtën me dhënë leje për protesta popullore”

“Kjo mosbindje qyterarë do vazhdojë derisa ky vend të çlirohet nga Edi Rama”.

Në Bradashesh aty ku Elbasani lidhet me Tiranën dhe me Juglindjen situata ishte pak e tensionuar, dhe pse aty kishte një numër më të vogel protestuesish. Që në fillim protestuesit dogjën disa goma makinash dhe bllokuan lëvizjen.

Pati qytetarë që kërcënuan deri më vetëflijim dhe protestat do të vazhdojnë.

“Këtu në Shqipëri demokracia nuk funksionon fare”.

“Rama po e çon vendin në kaos”

Një biznes të vogël hapa unë dhe po e mbyll”

“Ky arreston njerëzit për bukën e gojës”

Ç’është kjo që të vesh në dy të natës e të lebetitësh fëmijët e Kukësit”

“Po pate mundësi na vër taksa dhe për fëmijët”

“Ngrihen natën dhe marrin djemtë e nënave si shtazë”

“Po mbyll bizneset, ti je vandal”

Forcat e policisë qëndruan në largësi dhe mjetet lëvizen nga rruga e Durrësit. Edhe këtu nën kujdesin e deputetëve dhe të protestuesve lejuan të qarkullonin autoambulancat dhe urgjencat.

Përfaqësuesit e opozitës së bashkuar sulmuan qeverinë dhe folën për rezistencë të ashpër javët e ardhshme.

Kryemadhi: “Ky është teatër i radhës i Ramës. Sa herë që është në hall thotë gjëra të tilla. Gjëja e parë që duhet të bëjë Rama është të lirojë kuksianët që ka në birucat e tij”.

Spaho: “Në ditët e ardhshme rezistenca jonë do të jetë shumë e ashpër deri sa të arrijmë objektivin që ta shporrin këtë të keqe nga Shqipëria, ai duhet të iki, jo shqiptarët”.

Në rrethrrotullimin e Çermës në Lushnje,  policia qëndroi 300 m larg nga protestuesit

Të mbledhur nga qytete të ndryshme të Jugut folën për taksat e larta, papunësinë, tarifën në Rrugën e Kombit.

“Po na thith gjakun si shushunjat”.

“T’i lirojë ata trimat e Kukësit”.

“Të gjithë në sulm, nuk do me të mirë ai zagar”.

As misër të zjerë nuk ka zona më”

“Të ftoj kryeministër të dalësh nga Tirana e deri në Gjirokastër të shikosh tokat shqipatre si i ke lënë”

Është një protestë e njerëzve të dëshpëruar që duan punë dhe të mbrojnë lirinë e tyre, thanë përfaqësuesit e opozitës.

Alibeaj: “Kjo është protestë e njerëzve që nuk vjedhin si Rama, nuk merren me drogë si Tahiri, nuk vjedhin si Beqja e Ahmetaj. Këta njerëz duan punë e liri”.

Për shkak të fluksit të madh të mjeteve, 10 minuta pas shpërndarjes së protestuesve u bllokua qarkullimi rrugor. /abcnews.al

 

 

bllokimi-1280x736.jpg
G. P.10:09 | 05/04/2018

Protestuesit e opozitës kanë bllokuar qarkullimin e automjeteve në disa rrugë kombëtare këtë të enjte.

Bëhet fjalë për rrugët në Vorë, Çermë, Milot dhe Bradashesh.

Kjo protestë ishte paralajmëruar disa ditë më parë dhe vjen në vazhdën e mosbindjes civile e thirrur nga opozita shqiptare.

Mësohet se kryetari i Partisë Demokratike, Lulzim Basha, i është bashkuar protestuesve në Vorë./abcnews.al

talanda-balla.jpg
G. P.15:49 | 03/04/2018

Deputetët e mazhorancës shprehen kundër thirrjeve të opozitës për mosbindje civile. Sipas tyre, një shtet e ka të pamundur të funksionojë pa pagesën e taksave.

Jo vetëm janë kundër deklaratës së opozitës për mosbindje civile, por edhe argumentojnë pse. Sigurisht që bëhet fjalë për deputetët e mazhorancës.

Ermonela Felaj: “Do më lejoni të mos bëj asnjë koment sepse është një çështje aq banale, që pikërisht Lulzim basha të bëjë thirrje të tilla që shkojnë ndesh me interesin e vendit. Si ecën përpara një vend? Duke mos paguar taksa dhe tatime? Këtë po bën thirrje Lulzim Basha dhe vetëm e vetëm për interesat e pushtetit të tij personal”.

Më qetësisht dhe pa ngutje e shpjegon kryetari i grupit parlamentar socialist, Taulant Balla, arsyen pse bëhen tani këto deklarata.

Taulant Balla: “Kush tenton që për arsye të personale politike, dhe këtë e them shumë qartë, Lulzim Basha është në fund të karrierës së vet politike dhe siç do fund karriere po mundohet t’i bëjë dëm Shqipërisë”.

Por nuk harron t’i përmendë edhe çështjen e financimit rus.

Taulant Balla: “Të thuash që të mos paguani taksat do të thotë që të mbyllim spitalet. Megjithatë në papërgjegjshmërinë e vet të Lulzim, të gjithë e dimë, halli i madh e kazënë po të kemi parasysh disa fatalitetet që e presin PD-n në vijim”.

Por jo të gjithë deputetët kanë një përgjigje për thirrjen e kreut demokrat.

Shumica vendos t’i japë përgjigje me heshtje interesimit të gazetarëve./abcnews.al

robert-bitri.jpg
G. P.15:06 | 03/04/2018

Pas thirrjeve të Lulzim Bashës dhe Monika Kryemadhit për mosbindje civile, një prej depuetetëve të Lëvizjes Socialiste për Integrim e ka shprehur publikisht qëndrimin e tij kundër. Deputetit Robert Bitri ka deklaruar se nuk është dakord me mosbindjen civile.

Ndonëse thirrja për mosbindje civile u bë në emër të opozitës së bashkuar,deputeti i Lëvizjes Socialiste për Integrim Robert Bitri, e ka dëgjuar ndryshe.

“Lulzim Basha nuk është kryetari i partisë time. Nuk jam dakord me mosbindjen civile”, deklaroi ai për gazetarët nga kryesia e Kuvendit.

Në këtë mënyrë deputeti i Lëvizjes Socialiste për Integrim kundërshton qëndrimin e opozitës për mosbindje civile në mbarë vendin pas protestave të mbajtura të shtunën kundër tarifës që do të paguhet në tunelin e Thirrës, pjesë e rrugës Durrës-Kukës Morinë.

Kryetari i PD i ka bërë thirrje qytetarëve që të mos paguajnë asnjë taksë dhe të bashkohen në protestë, që sipas tyre, do të jetë me të gjitha format./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono