morti

berat-morti-1280x720.jpg
ent ela12:10 | 09/01/2019

U përcoll për në banesën e saj të fundit, Anxhelina Petro, 28-vjeçarja që u vra barbarisht nga babai i saj Aleko Petro, disa ditë më parë në Greqi.

Kortezhi udhëhiqej nga e motra e Anxhelinës, Klea, e cila mbante në duar fotografinë e viktimes dhe kurora me lule.

Familjarët e Anxhelinës nuk kanë dhënë asnjë deklaratë për mediat, ndërkohë që nuk dihet nëse u lejuan të marrin pjesë apo jo në varrim familjarët e babait të vajzës. /abcnews.al

ARETHA-VARRIMI-ABCM4T1.mpg_snapshot_02.15-1280x720.jpg
G. P.16:51 | 01/09/2018

Ikona e muzikës Aretha Frenklin është përcjellë për në banesën e fundit, me një ceremoni mortore të ndjekur nga këngëtarë, familjarë, miq dhe ish-presidentë që mes të tjerash kanë vlerësuar angazhimin e saj për mbrojtjen e të drejtave të qytetarëve me ngjyrë.

Muzikantë, familjarë, miq dhe adhurues i dhanë lamtumirën e fundit legjendës Aretha Frenklin, në ceremoninë mortore të mbajtur në Detroit. Ceremonia zgjati për rreth 7 orë dhe u shoqërua si me vajtim, ashtu edhe me këngë dhe në një moment vallëzime. Duke u fokusuar tek lidhja e fortë e Frenklin me Ungjillin, gjatë ceremonisë performuan këngëtarja Ariana Grande dhe Çaka Khan, të shoqëruar nga Stivi Uonder, që dha dhe një finale emocionuese. Frenklin ndërroi jetë për shkak të kancerit në pankreas në moshën 76-vjeçare.

Ajo u përcoll në banesën e fundit nga një autokolonë prej 100 Kadillakësh rozë, një arkivol të larë në ar, e vlerësuar nga tre ish-presidentë dhe dhjetëra predikues. Të pranishmit e kujtuan atë jo vetëm si mbretëreshën e Soul-it, por edhe si teze, gjyshe, shoqe dhe aktiviste për të drejtat civile të njerëzve me ngjyrë. “Arsyeja përse jemi këtu sot është dashuria. Dashuria për këtë grua”, tha Stivi Uonder, duke interpretuar refrenin e një prej këngëve të tij që thotë: “Do të të dua përgjithmonë”. Ylli i muzikës pop, Ariana Grande këndoi një nga këngët ikonë të Frenklin, “A Natural Woman”; Xhenifer Hjudson këndoi “Ëmejzing Grejs”, ndërsa versioni i Gledis Najt “You will never walk alone” bëri që të pranishmit të ngriheshin në këmbë dhe të luteshin. I pranishëm në ceremoni, ish-presidenti Bill Klinton foli nga podiumi, duke u prezantuar si një adhurues të Frenklin dhe vlerësoi punën etike të yllit të muzikës.

Ndërsa ish-presidenti Barak Obama, në pamundësi për të qenë i pranishëm, dërgoi mesazhin e tij. “Përmes zërit të saj të veçantë, Aretha u dha fuqi dhe frymëzim të lënduarve, të shtypurve dhe kujtdo që kishte nevojë për pak dashuri”, thuhej në mesazhin e presidentit të parë me ngjyrë. Një mesazh të ngjashëm dërgoi edhe ish-presidenti Xhorxh W. Bush. Gjatë karrierës muzikore të gjatë 7 dekada, Frenklin fitoi 18 çmime Gremi dhe dominoi 17 herë top tenin e klasifikimeve amerikane. Performanca e saj e fundit ishte nëntorin e kaluar në një event në Nju Jork, në mbështetje të fondacionit të kolegut Elton John kundër Sidës./abcnews.al

vlcsnap-error544-1-1280x720.jpg
us er12:11 | 26/12/2017

Disa ditë pas vdekjes së të riut shkodran Florenc Beqiri, në një burg të Marsejës në Francë, Këshilli Bashkiak ka miratuar vendimin për mbulimin e të gjitha shpenzimeve për ceremoninë mortore. Shuma e akorduar është 500.000 lekë dhe nuk kishte asnjë kundërshtim nga asnjë anëtar i Këshillit. Ky vendim që mori votat unanime në Këshill, është përshëndetur edhe nga qytetarët shkodranë të cilët, të tronditur nga humbja e jetës së Florencit./abcnews.al

vlcsnap-error294-1-1280x719.jpg
us er14:53 | 23/12/2017

Nëna e Florenc Beqirit, i cili humbi jetën në rrethana të dyshimta në një burg të Francës, kërkon trupin e të birit. Ajo thotë se djalin ia vranë dhe për këtë duhet të gjenden përgjegjësit.

Në familjen Beqiri në Shkodër janë hapur dyert e mortit. Djali i tyre Florenci humbi jetën pas një qendrimi të dyshimtë në burgun e Marsejës. Nëna foli me të birin për herë të fundit më 8 Dhjetor. Kurse katër ditë më parë një polic francez u ka komunikuar atyre lajmin e vdekjes.

Të premten me miratimin e babait, Florenc Beqirit, i cili mbahej në jetë përmes aparaturave iu hoq oksigjeni që e mbante në jetë klinikë. Familja kërkon trupin e tij.

23 vjeçari Florenc Beqiri u arrestua nga policia franceze 3 javë më parë pasi nuk kishte dokumentat e qëndrimit në këtë shtet. Sipas familjarëve ai ishte larguar nga Shkodra para dy viteve. Në Francë edhe ka punuar here pas here. Por për tri javë ai u mbajt në një burg të Marsejës dhe katër ditë më parë policia e dorëzoi në spital si të vdekur. Për këtë ngjarje pati reagime edhe nga institucionet e posaçme diplomatike të Tiranës./abcnews.al

22810032_10212533598713923_1066501784_n.jpg
us er13:37 | 21/09/2017

 

Familja Konci në Romanat të Durrësit ka hapur dyert e mortit, për të përcjellë për në banesën e fundit tre vogëlushët . Për shkak të dëmeve nga zjarri, ceremonia mortore është organizuar tek shtëpia e gjyshërve të viktimave. Dyshohet se të vegjëlit ishin duke luajtur me shkrepse dhe fillimisht janë asfikuar, me pas janë djegur deri në karbonizim.

Duhet të ishin në kopësht  së bashku me vogëlushë të tjerë, por po përcillen për në banesën e fundit.

Jeta e tre vegjëlve trinjakë Artur, Valerio dhe Alesio, përkatësisht 4 vjeç u ndërpre ende pa nisur, kur  dhoma e tyre u përfshi nga flakët.

Ngjarja tragjike i ka tronditur të gjithë.

Fqinjë, të afërm dhe arsimtarë, ndodhen pranë familjareve për t’i ofruar mbështetjen e tyre.

Daja i familjes tregon gjithçka ka mësuar rreth ngjarjes. Teksa i ati i fëmijëve ndodhej në punë larg, e ëma i kishte mbyllur të vegjelit në dhomë për  të çuar tek vjehrra vetëm 100 metra larg dy vajzat e rritura për të mesuar.

Ende nuk është përcaktuar se çfarë e shkaktoi zjarrin, por familjaret kanë dëgjuar se fëmijët kanë qenë duke luajtur me shkrepse.

Tragjedia në Rromanat të Durrësit ndodhi në familjen e Gazmend  Konçit pasditen e së mërkurës.  Teksa trinjakët ndodheshin të vetëm në banesë, dhoma e tyre u përfshi nga flakët. Ekspertët i thanë ABC Neës se fëmijët fillimisht janë asfiksuar dhe me pas kanë pësuar diegie të shkallës së rënde deri në karbonizim.

https://youtu.be/Pdr-_pjap1c


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono