molle sherri

KRONIKE-PERGJIMET-GILMANDO-DANI.mpg_snapshot_00.08-1280x720.jpg
G. P.16:33 | 25/12/2018

Gjykata për Krimet e Rënda ka refuzuar kërkesën e Gilmando Danit, krahut të djathtë të Emiliano Shullzit për t’i vënë në dispozicion dy përgjime që u bënë “mollë sherri” gjatë procesit. Sipas avokatëve, përgjimet nuk u bënë prezente nga prokuroria, pasi provonin se biznesmeni Ylvi Beqja kishte pasur marrëdhënie të mira me të pandehurit para arretimit të tyre.

Një muaj pasi dha një total prej 55 vitesh burg për Emiliano Shullazin dhe të bashkëpandehurve, Gjykata për Krimet e Rënda ka refuzuar një kërkesë të krahut të djathtë të tij, Gilmando Danit. Pak ditë pas dënimit, Dani, i është drejtuar me një kërkesë gjykatës për t’i vënë në dispozicion transkiptet e dy bisedave telefonike të përgjuara mes tij dhe biznesmenit Ylvi Beqja, dëshmitar i mbrojtur, që pretendoi se është kërcënuar dhe gjobitur nga grupi.

Bëhet fjalë për dy biseda telefonike të datës 5 Mars 2016, një muaj para arrestimit të të pandehurve të dosjes. Dy transkiptet janë bërë objekt debati edhe gjatë procesit gjyqësor, ku avokatët lëshuan akuza në drejtim të prokurorëve në sallën e gjyqit duke pretenduar fshehjen e tyre. Avokatët pretenduan se përmbajtja e bisedave do të rrëzonte akuzën, pasi në to dëgjohej Gilmando Dani teksa komunikonte në mënyrë miqësore me biznesmenin Beqja. Por kërkesa e Gilmando Danit, për t’i pasur këto nuk ka gjetur miratimin e gjykatës. Sipas vendimit të gjyqtares Etleva Deda, një kopje e të cilit u sigurua nga ABC News pretendimi i Danit është i pabazuar në ligj.

Gjykata argumenton se procedimi penal nr.1 i vitit 2016 është në fazë hetimi paraprak dhe për këtë shkak, kërkesa për zotërimin e transkipteve duhet të shqyrtohet nga përfaqësuesit e akuzës. Pesë të pandehurit e grupit të Shullazit po vuajnë dënimet e dhëna në Shkallën e Parë në 13 nëntor 2018, pasi u fajësuan për “gjobëvënie” dhe “grup të strukturuar kriminal”, dënime që janë ankimuar në Apelin e Krimeve./abcnews.al

kim-jong-un-trump-1.jpg
G. P.22:42 | 25/08/2018

Krahas luftës tregtare, Shtetet e Bashkuara dhe Kina janë përfshirë në një tjetër kontest, që ka të bëjë me Korenë e Veriut. Një deklaratë e presidentit Trump se, Pekini nuk po ndihmon në çarmatimin bërthamor të Penianit është parë me shqetësim nga qeveria kineze.

Shtetet e Bashkuara dhe Kina janë përplasur sërish, këtë herë për shkak të çështjes bërthamore të Koresë së Veriut. Pasi anuloi vizitën e sekretarit të Shtetit në Penian me argumentin se pala koreane nuk po u përmbahej zotimeve për asgjësimin e arsenalit bërthamor, presidenti Donald Trump akuzoi Pekinin se nuk po ndihmon në këtë proces.

“Për shkak të qëndrimit tonë të sertë në tregtinë me Kinën dyshoj se ky vend nuk po ndihmon në procesin e çarmatimit bërthamor”, tha Trump në Twitter.

Duke reaguar, Pekini zyrtar e ka cilësuar të papërgjegjshme deklaratën e shefit të Shtëpisë së Bardhë. Një zëdhënës i Ministrisë së Jashtme kineze deklaroi se akuza e presidentit amerikan bie ndesh me faktet dhe shtoi se Kina ka mbetur shumë e shqetësuar.

Qëndrimi i fundit i Trump në lidhje me çështjen bërthamore të Koresë së Veriut bie ndesh me atë të shprehur prej tij pas takimit të qershorit me liderin Kim Jong un, se vendi aziatik nuk përbënte me asnjë kërcënim.

Sipas mediave amerikane, shkak për këtë ndryshim janë bërë raportimet se shteti korean nuk po i çmonton impiantet bërthamore dhe madje po punon për prodhimin e raketave balistike. Nga ana tjetër, Kina është aleatja kryesore e Veriut dhe njëkohësisht rivalja strategjike numër 1 e Shteteve të Bashkuara në Azi.

Aktualisht dy fuqitë janë përfshirë në një luftë tarifash tregtare, pas kritikave të Trump për një deficit tregtar të Amerikës kundrejt Kinës dhe akuzave të tij për praktika të paligjshme tregtare nga ana e Pekinit./abcnews.al

emiljano-shullazi-1280x683.jpg
G. P.17:44 | 13/03/2018

Emri i shoferit të biznesmenit Ylvi Beqja, Besnik Musai, dëshmia e të cilit rëndoi pozitën penale të Emiliano Shullazit u kthye në një “mollë sherri” mes palëve në seancën e të martës.

Avokatët u përfshinë në debate të ashpra me prokuroren, se përse dëshmitari Musai, bashkëjetueses së Beqjes, ishte marrë nën mbrojtje policore.

Gjuhës së tensionuar nuk i shpëtoi as i pandehuri Shullazi. Ai kërkoi llogari nëse dëshmitari Musai kishte dhënë deklarime në Prokurori, para se të pyetej në Gjykatë.

Prokurorja në sallën e gjyqit shpjegoi se Musai mbrohej si rreth familjar i Ylvi Beqjes dhe se ai nuk ishte pyetur prej saj në prokurori.

Pas kësaj përgjigje, Shullazi kërkoi rithirrjen në proces të dëshmitarit, për të sqaruar këtë moment.

Gjatë dëshmisë së tij në muajin Shtator 2017, Musai tha se kishte parë Shullazin t’i drejtonte pistoletën biznesmenit Ylvi Beqja./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono