moldavia

Mavraj.png
Vladimir Prenga22:23 | 17/10/2019

Salvador Kaçaj, ish-futbollisti i kombëtares, është një nga të ftuarit në emisionin “Pressing” në ABC News. Ai flet për fitoren me Moldavinë dhe thekson se nuk duhet të festojnë për të. Në shënjestër është edhe Mavraj.

“Mavraj ka tre vite që rri me valixhe në dorë, pa ekip. Luan në liga të dyta e të treta. Si është paraqitur në kombëtare? Pse ishte kapiten skuadre? Ne kemi të drejtë ta gjykojmë trajnerin për këtë”, tha Kaccaj fillimisht.

Më pas ai shtoi: “Me Turqinë mund të festosh, jo me Moldavinë që të dhuron tre gola. Ishte një Moldavi si ekipi i Milotit. Vetëm ekip futbolli nuk është. Për me Turqinë trajneri Reja ka merita, sepse e vendosi mirë ekipin. Moldavinë e mundi edhe Andorra”. /abcnews.al

manaj-cika.jpg
Vladimir Prenga22:38 | 14/10/2019

Shqipëria ia ka dalë të fitojë me lehtësi ndaj Moldavisë, me rezultatin 4-0. Cikalleshi, Bare dhe Trashi shënuan për kuqezinjtë që në pjesën e parë, ndërsa në të dytën Manaj me finte plotësoi “pokerin”. Tre pikë që na mbajnë vendin e katërt dhe deri në fund mbetet të luftohet për t’u ngjitur me një shkallë.

PJESA E PARË – Shqipëria që në fillim u mundua të tregojë se donte të komandonte lojën dhe të shënonte. Moldavia nga ana tjetër mbrohej me forca të shumta, duke tentuar më pas kundërsulmet. Rezistenca zgjati pak më shumë se 20 minuta, pasi Sokol Cikalleshi me mjeshtëri shmangu një mbrojtës në zonë dhe topi i gjuajtur prej tij shkoi drejt e në rrjetë.

Kuqezinjtë nuk tërhiqen dhe kërkojnë të realizojnë edhe golin e qetësisë dhe për këtë në ndihmë u erdhi portieri i Moldavisë, Koşelev, i cili nuk e kontrolloi si duhet një top në zonë dhe Bare me portën e boshatisur shënoi. Vendasit trullosen dhe nuk vonuan të gabojnë sërish, këtë herë në mbrojtje. Lorenc Trashi me një të majtë potente shënoi edhe golin e tetë të takimit. Kaq për pjesën e parë, pasi pesë minutat e mbetura dhe koha shtesë nuk sollën asnjë ndryshim.

Melodia ishte e njëjtë, por Moldavia në dy raste iu afrua golit. Shqipëria vijoi të dominonte dhe traversa e ndali Keidi Baren në minutën e 55-të. Abrashi pak minuta më vonë dhuroi spektakël në fushë, por goditja e tij u ndal. Vendasit nuk kishin fuqi të bënin përpara dhe goditja e parë në portën në minutën  87-të është një tregues i qartë. Në shtesë kishte kohë edhe për një gol tjetër, me autor Rey Manajn që mori një pasim të bukur nga Roshi dhe shënoi. Fieraku në fund mund të shënonte edhe të pestin, por nuk ndodhi. Katër gola dhe Shqipëria mori pikët e plota.

KUALIFIKUESET E EURO 2020

MOLDAVI-SHQIPËRI 0-4
Shënues: Cikalleshi 22′, Bare 34′, Trashi 40′, Manaj 91′
MOLDAVIA:
Koşelev, Reabciuk, Mudrac (Rozgoniuc  30′), Posmac, Ioniţa (C), Cebotaru, Prepeliță, Suvorov (Boiciuc 60′), Anton, Sidorenco (Sandu 80′), Graur. Trajner: Semen Altman
SHQIPËRIA: Strakosha, Ismajli (Kumbulla 89′), Dermaku, Djimsiti, Veseli, Bare (Selahi 89′), Gjasula, Abrashi, Lenjani, Manaj, Cikalleshi (Roshi 76′). Trajner: Edoardo Reja

Karton të verdhë: Mudrac 29′, Graur 38′, Cebotaru 58′, Reabciuk 62′, Prepelita 81’/ Bare 46′, Cikalleshi 57′, Gjasula 81′, Reja 82′

/abcnews.al

cikalleshi-1.jpg
Vladimir Prenga21:33 | 14/10/2019

Shqipëria ka shpërthyer që në pjesën e parë ndaj Moldavisë, duke shënuar tre herë. Ishin Sokol Cikalleshi, Keidi Bare, Lorenc Trashi ata që realizuan golat. Kuqezinjtë e trajnerit Edi Reja u treguan kërkues që në fillim, por vendasit ishin të vendosur mirë dhe nuk linin shumë hapësira. Gjithsesi ata nuk rezistuan shumë.

Sokol Cikalleshi zhbllokoi shifrat në minutën e 22-të. Sulmuesi nga Kavaja bëri një lëvizje mjaft të bukur në zonë dhe goditi saktë drejt e në rrjetë. Festë kuqezi në fushë dhe në shkallët e stadiumit. Shqipëria ishte më lart, por e ndihmuan edhe vendasit me gabimin e portierit që u kthye në gol nga Bare.

Pesë minuta nga fundi i pjesës së parë ishte Lorenc Trashi që me një të majtë potente shënoi edhe golin e tretë. Lojtari i Partizani përfitoi nga gabimi i mbrojtësit kundërshtar dhe e dërgoi topin në rrjetë. Më pas nuk pati më gola dhe skuadrat iu drejtuan dhomave të zhveshjes.

KUALIFIKUESET E EURO 2020

MOLDAVI-SHQIPËRI 0-3
Shënues: Cikalleshi 22′, Bare 34′, Trashi 40′
MOLDAVIA:
Koşelev, Reabciuk, Mudrac (Rozgoniuc  30′), Posmac, Ioniţa (C), Cebotaru, Prepeliță, Suvorov, Anton, Sidorenco, Graur. Trajner: Semen Altman
SHQIPËRIA: Strakosha, Ismajli, Dermaku, Djimsiti, Veseli, Bare, Gjasula, Abrashi, Lenjani, Manaj, Cikalleshi. Trajner: Edoardo Reja

Karton  i verdhë: Mudrac 29′

/abcnews.al

policia-greke.jpg
G. P.09:13 | 25/09/2019

Autoritetet greke kanë shkatërruar një bandë që merrej me prostitucionin e femrave nga Moldavia. Bëhet e ditur se në pranga kanë rënë gjithsej 15 persona.

Sipas policisë, femrat detyroheshin që të kryenin marrëdhënie seksuale me 40 klientë në ditë. Ndërkohë banda drejtohej nga një burrë dhe një grua shqiptare, përftimet e të cilëve arrinin deri në 100.000 Euro për çdo femër që shfrytëzonin.

Banda i merrte femrat nga Europa Lindore dhe i sillte në Greqi ku protituoheshin në bordellot e Athinës. Ato jetonin në gjashtë apartamente të marra me qira në qendër të qytetit./abcnews.al

zeri-i-amerikes.jpg
G. P.18:05 | 11/06/2019

Eksperti për Ballkanin Daniel Server, në një intervistë për “Zërin e Amerikës” u shpreh se një ndarje e mundshme e Kosovës do të kishte pasoja jo vetëm për rajonin. Ai u shpreh pesimist mbi arritjen e një marrëveshjeje mes Prishtinës dhe Beogradit.

Profesori i Universitetit Johns Hopkins të Uashingtonit, ekspert për Ballkanin dhe një ndër ndërmjetësit për arritjen e Marrëveshjes së Dejtonit për Bosnjën, ka deklaruar se  nuk është shumë optimist se në samitin e Parisit, në fillim të korrikut, Kosova e Serbia mund t’ia dalin të arrijnë ndonjë marrëveshje përmasash të gjera.

Në një intervistë dhënë seksionit serb të “Zërit të Amerikës”, ai tha se presidenti i Serbisë Vuçiç ka dëshmuar se në këtë moment nuk po kërkon zgjidhje të sinqertë për kontestin me Kosovën, ndërkohë që rikujtoi se liderët e Kosovës nuk kanë besim tek shefi i diplomacisë Ivica Daçiç dhe kryeministrja Ana Brnabiç.

Liderët e Serbisë dhe Kosovës thotë analisti Daniel Server, nuk kanë manifestuar vullnet që në dialogun e të dyja palëve të shkojnë përpara sikurse kryeministrat Zoran Zaev e Aleksis Tsipras, të cilët i dhanë fund kontestit prej shumë dekadash mes Maqedonisë dhe Greqisë.

“Mendoj se nga Vuçiçi dhe Thaçi nuk mund të pritet diçka e tillë”, ka thënë Server për seksionin serb të “Zërit të Amerikës”, duke shtuar se është iluzion ideja aktuale për një zgjidhje “në paketë” të kontestit Serbi-Kosovë, ndaj  nevojitet më shumë kohë dhe durim.

Duke folur për problemin për çështje e tarifave të vendosura nga qeveria e Kosovës për mallrat serbe, analisti i njohur rikujton  problemet e shumta mes dy palëve dhe përmend fushatën e Serbisë për të bllokuar anëtarësimin e Kosovës në organizatat ndërkombëtare:

“Heqja e taksave në këmbim të stopimit të fushatës së autoriteteve serbe që po e zhvillojnë me qëllim të bllokimit të anëtarësimit të Kosovës në organizatat ndërkombëtare. Po ashtu, është tejet e rëndësishme që Bashkimi Evropian të përmbush premtimin për vendosjen e liberalizimit të vizave me Kosovën. Nuk mund të arsyetohet fakti se kjo ende nuk është bërë. E di se kjo është ofruar si këmbim për heqjen e tarifave, prandaj ndoshta në këtë aspekt mund të përgatitet një paketë e trefishtë”, thotë Daniel Server për “Zërin e Amerikës”.

I pyetur se çfarë mendon për idenë e ndarjes, shkëmbimin e territoreve ose ndryshimin e kufirit, eksperti për çështjet ballkanike gjithë këtë e quan “ide të vdekur dhe të keqe”, sepse, argumenton ai, kjo do të destabilizote rajonin e Ballkanit Perëndimor, por edhe Gjeorgjinë, Moldavinë dhe Ukrainën.

Server nuk është shumë optimist se në samitin e Parisit, në fillim të Korrikut, të dyja palët mund të afrojnë qëndrimet, për shkak se, përfundon ai, aktualisht nuk ka kushte për arritjen ndonjë marrëveshjeje përmasash të gjera./ABC News Albania 24/7

elbasan-1.jpg
G. P.17:27 | 11/06/2019

Dikur bulevardi dhe i gjithë Elbasani gumëzhinte. Qyteti vishej i tëri kuq e zi dhe shqiptarët nga të gjitha trojet mblidheshin aty. Brohorisnin, këndonin, krijonin atmosferë festive.

Por nuk po ndodh. Ekipi kombëtar duket se nuk e ka më lavdinë e dikurshme. Dhe kjo është lehtësisht e dallueshme.

Edhe para sporteleve të biletave nuk shikon më njerëz. Ndërsa janë gjithnjë e më të pakët ultrasit e zjarrtë nga Maqedonia dhe Kosova.

Megjithatë tifozët nuk e lënë atë asnjëherë në baltë. Të pakët në numër sërish kthehen në stadium për të mbështetur ekipin e tyre të zemrës.  Thonë se nuk janë mjaft të kënaqur me kombëtaren. Disa ia vënë fajin trajnerëve, të tjerët lojtarëve. Por megjithatë ende shpresojnë. Sot presin fitoren me Moldavinë.

“Presim një fitore me një ekip kaq të dobët sa Moldavia. Po s’morëm dhe tre pikët me këtë, turp”.

“Meqë ka ardhur trajneri i ri tani, presim fitore”.

Nga ana tjetër Federata dhe policia kanë marrë të gjitha masat për mbarëvajtjen e takimit. Do të ketë një numër të shtruar të uniformave blu dhe do të bllokohet qarkullimi i automjeteve përreth stadiumit, në bulevard dhe në disa akse të rëndësishme./ABC News Albania 24/7

edi-reja.jpg
nev ila23:02 | 10/06/2019

Kombëtarja duhet të luajë mirë dhe të fitojë ndaj Moldavisë. Trajneri Reja vendos objektivin për ndeshjen e Evropianit, ndërsa deklaron se do të bëjë 3-4 ndryshime në formacion.

Nuk u kënaqëm me rezultatin, por nuk mbetëm pa shpresë. Kështu menduan tifozët, dhe duket se kështu mendon edhe trajneri i kombëtares, Edi Reja, pas ndeshjes së humbur minimalisht në Islandë. Italiani doli në konferencë për shtyp, përpara ndeshjes ndaj Moldavisë, këtë të martë për eliminatoret e Evropianit, me ide të qartë.

Ne kemi nevojë edhe të luajmë mirë, por edhe që ta fitojmë ndeshjen. Ky është objektivi, sepse nëse do t’ia dalim për t’u paraqitur mirë dhe për të fituar, atëherë aspekti moral do të ishte i jashtëzakonshëm. Ne po punojmë mirë, por lojtarët kanë nevojë të marrin shpërblim për punën që bëjnë. Ndaj kur ia del mbanë, fitoret të ndihmojnë shumë“.

Gjithsesi, pati kritika për skemën 3-5-2, sidomos për golin e pësuar.

“Nuk pashë probleme në mbrojtje apo mesfushë. Problem pasimi i fundit, kur duhej të vinim lojtarin për të konkluduar, aty patëm disi vështirësi. Jemi në rritje në lojën tonë, në ritmin e aksioneve dhe në fazën ofensive, dhe në lëvizje. Na mungoi finalizimi, por gjithsesi e vumë në vështirësi Islandën, që krijoi vetëm një rast në portën tonë. Tani, gjithsesi, duhet të jemi më konkretë”.

Cili do të jetë formacioni i Rejës për sfidën në “Elbasan Arena”?

“Ka kaluar pak kohë që kur mbërritëm, dhe është shpejt për të vendosur për formacionin. Duhet të shoh se cilët janë të lodhur, dhe pastaj do të flas me lojtarët. Ata që u impenjuan shumë në Islandë, edhe mund të pushojnë, por ekipi është i plotë, dhe për çdo pozicion ka dy lojtarë. Kush do të luajë, do të jetë në 100 për qind. Mund të ndryshojnë 3-4 lojtarë, ndoshta. Në mbrojtje ka pak nevojë për ndryshim, në mesfushë duhet të lë ndonjë pushim, dhe dua të bëj ndryshime edhe në sulm, pasi lojtarët punuan shumë. Kam në dispozicion Sadikun, po ashtu Uzunin”.

Si e konsideron Reja ndeshjen me Moldavinë, ndoshta të kalueshme?

“Të gjithë rivalët janë të rrezikshëm, nuk ka skuadra të lehta. Kurrë nuk mund të jemi të bindur se jemi superiorë. Superioritetin duhet ta tregojmë në fushë, ku duhet zemër e madhe dhe përqendrim i madh, motivim i madh. Të vazhdojmë punën që kemi bërë, që e treguam edhe në Islandë, ku patëm personalitet të madh, ku e sulmuam rivalin, i bëmë presion, të njëjtën gjë do të kërkoj edhe këtë herë”.

Turqia mundi Francën dhe tregoi se e pamundura mund të bëhet e mundur.

“Unë shoh shtëpinë, time, jo Turqinë apo Francën. Unë kam detyrë që ta rris këtë skuadër. Erdha sepse kishte probleme që duhen zgjidhur, ndryshe përse do të vija unë. Është e qartë se problemet nuk mund t’i zgjidh në një javë apo në 15 ditë. Duhet të përmirësohemi dhe ju e patë që nga ndeshja në Islandë që ka përmirësim, për këtë duhet të biem dakord, apo jo?”

Shqipëria ka tri pikë pas tri ndeshjeve të para, po aq sa edhe Moldavia./ABC News Albania 24/7

KOMBETARJA-IZOLOHET-NE-DURRES.mpg_snapshot_00.06-1280x720.jpg
ent ela19:05 | 09/06/2019

Kombëtarja shqiptare ka nisur punën në Durrës, për ndeshjen e dytë eleminatore të Europianit, atë ndaj Moldavisë. Trajneri Reja përpiqet të mbajë lart moralin pas humbjes me Islandën.

U kthyem duarbosh, por kemi edhe një ndeshje tjetër.

Kombëtarja shqiptare ndoshta mund të mos jetë me moralin më të lartë pas humbjes në Islandë, veçse të martën duhet të jetë gati për Moldavinë.

Trajneri Edi Reja është kujdesur që skuadra të jetë tërësisht e izoluar në kompleksin “Tropikal” në Durrës, edhe pse është periudhë pushimesh, ndërsa në seancën stërvitore pranon kamerat, si gjithnjë, vetëm 15 minuta.

Italiani është përpjekur gjatë gjithë kohës të nxisë lojtarët, duke theksuar se prova në Islandë ishte pozitive, pavarësisht humbjes, pra një bazë e mirë për vazhdimin.

Trajneri lavdëroi karakterin e treguar nga lojtarët e tij, që nuk u tronditën pas pësimit të golit, por luajtën fort deri në fund.

Për fat në skuadër kthehet kapiteni Mavraj, i cili përfundoi pezullimin prej 3 ndeshjesh, dhe ky do të jetë një plus I madh për repartin e mbrojtjes, që tregoi dobësi në Rejkjavik, sidomos në pësimin e golit.

Ende nuk dihet se cila mund të jetë skema e Rejës për ndeshjen eleminatore të Europianit, të martën ndaj Moldavisë në “Elbasan Arena”.

Me shumë gjasë, do të jetë pak a shumë ajo e Islandës, ku kombëtarja luajti me dy sulmues, dhe me modulin 4-3-3.

Italiani do të shikojë gjendjen fizike të lojtarëve, sidomos pas 90 minutave të lodhshme të së shtunës, dhe mund të bëjë ndryshime në formacion, ku Sadiku, Kaçe apo Ndoj mund të mendohen titullarë. /ABC News Albania 24/7

 

KOMBETARJA-SKEMAT-PER-EUROPIANIN.mpg_snapshot_00.25-1280x720.jpg
ent ela12:55 | 23/05/2019

Trajneri i kombëtares, Edi Reja, po mendon për të forcuar lojën në mbrojtje, për dy ndeshjet e radhës në eleminatoret e Europianit. Italiani duhet të bëjë pa kapitenin Mërgim Mavraj.

Është shumë shpejt të flitet për skemat, por po mendohet për to.

Edi Reja e bëri të qartë që në konferencën për shtyp se do të përpiqej të ishte i kujdesshëm me lojën sulmuese të kombëtares, dhe duket se ka ndërmend që këtë ide ta verë në praktikë.

Mund të besohet se trajneri dëshiron ta ketë skuadrën në fushë me skemën 3-5-2, duke menduar të jetë i mbuluar në mbrojtje, sidomos në mungesë të kapitenit Mërgim Mavraj, që mbetet i pezulluar.

Me vetëm 10 lojtarë të kombëtares në dispozicion, por edhe me 12 futbollistë të ekipit Shpresa, Reja ka krijuar të paktën numrat që i duhen për eksperimentet e veta.

Me tre mbrojtës dhe me dy lojtarë krahu, Shqipëria mund të ndihet më e sigurt në një ndeshje të vështirë fizike dhe atletike, sidomos si ajo në fushën e Islandës, në 8 qershor, për eleminatoret e Europianit, dhe më pak ajo ndaj Moldavisë në “Elbasan Arena” në datën 11.

Kjo do të thotë një kthim në kohën e De Biazit, edhe pse ish-trajneri kishte mbrojtje zakonisht me katër lojtarë, por me mesfushë të përforcuar në qendër, për të ndihmuar prapavijën.

Reja do të ketë mundësi të mbështetet në më shumë lojtarë, pasi rikthehen Lenjani, Roshi, Cikalleshi, ndërsa Sadiku duket edhe më në formë.

Mediat italiane njoftojnë se në kombëtare kthehet mbrojtësi i majtë, Hysen Memolla, që luan në Serinë B Salernitana.

Trajneri Reja do të ketë të gjithë futbollistët në dispozicion duke nisur nga e hëna e ardhshme, kur edhe do t’i shpallë në konferencën për shtyp. /ABC News Albania 24/7

elbasan-arena-1280x720.jpg
G. P.14:59 | 01/05/2019

Shqipëria nuk do të luajë në Arenën e re Kombëtare, ndaj Moldavisë në 10 qershor. UEFA konfirmon zyrtarisht se ndeshja eleminatore e Europianit do të zhvillohet në “Elbasan Arena”.

Përfundimisht nuk do të jemi aty ku shpresuam. Kombëtarja do të detyrohet ta luajë në “Elbasan Arena” ndeshjen ndaj Moldavisë për eliminatoret e Europianit.

E njofton vetë faqja zyrtare e UEFA-s, duke konfirmuar se dëshira për ta zhvilluar duelin e 10 qershorit në Arenën e re Kombëtare në Tiranë, nuk u realizua.

Pavarësisht se në stadiumin e ri po punohet me ritme të larta dhe deri në orët e vona të natës, është e pamundur që të arrihet afati i vendosur fillimisht nga Federata Shqiptare e Futbollit dhe i kërkuar me këmbëngulje nga kryeministri Rama, me shumë gjasë për ta pasur si një plus në fushatën e mundshme elektorale të zgjedhjeve vendore.

Shpresa mbetet që Arena të jetë gati në 10 Shtator për ndeshjen eliminatore ndaj Islandës, ose në nëntor për duelet ndaj Andorrës dhe sidomos ndaj Francës.

Ekipi përfaqësues ka luajtur këta muaj në “Loro Boriçi” të Shkodrës, me duelet e fundit ndaj Skocisë apo Turqisë, ndërsa në “Elbasan Arena” ndeshja e fundit ishte miqësorja fituar 1-0 ndaj Uellsit./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono