mogherini

MOGHERINI-MASS-PER-KOSOVEN-ABC-M4-T2.mpg_snapshot_00.26-1280x720.jpg
ent ela19:41 | 31/08/2018

Shefja e diplomacisë së BE, Federica Mogherini shprehet pro rishikimit të kufijve, duke mbështetur çdo pakt që bazohet në të drejtën ndërkombëtare. Ndërsa sipas ministrit të jashtëm gjerman edhe vetë diskutimet mbi ketë temë janë të gabuara.

Shefja e politikës së jashtme të Bashkimit Evropian, Federica Mogherini, tha se ajo do të mbështeste shkëmbimin e territoreve midis Kosovës dhe Serbisë nëse dy vendet shmangin çdo përpjekje për të krijuar shtete etnikisht homogjene.

“Cilido që të jetë rezultati i dakorduar në mënyrë reciproke, do ta ketë mbështetjen tonë, me kusht që ai të jetë në përputhje me të drejtën ndërkombëtare”, tha Mogherini.

Ajo i bëri këto komente në një konferencë për media në Vjenë, pas një takimi midis ministrave të jashtëm të Bashkimit Evropian dhe homologëve të tyre ballkanikë.

Deklaratat Mogherini i beri pak dite para raundit të radhës të dialogut mes presidentëve Vuçiç dhe Thaçi në Bruksel, që zhvillohet me ndërmjetësimin e BE.

Por në këtë takim në Vjenë, Gjermania e bëri të qartë përmes ministrit të Jashtëm, Heiko Mass se jo vetëm ideja e shkëmbimit, por edhe vetë diskutimet mbi ketë temë janë të gabuara.

“Ne besojmë se në këtë mënyrë mund të hapen shumë plagë të vjetra e kjo na bën skeptikë. Diskutimet për shkëmbim territoresh nuk çojnë në drejtimin e duhur”, tha Heiko Mass. /abcnews.al

MOGERINI-BALLKANI-1280x720.jpg
ent ela17:36 | 30/08/2018

Përfaqësuesja e Lartë e Unionit për Politikë të Jashtme, Federika Mogerini thotë se BE-ja dhe Ballkani kanë kaluar në fazën e dytë të marrëdhënive. Tashmë palët janë partnerë në mbrojtje dhe siguri, ndërsa më përpara ishte Brukseli që garantonte siguri në këtë rajon.

Shefja e diplomacisë evropiane, Federica Mogherini, në një takim të ministrave të mbrojtjes të Bashkimit Evropian në Vjenë, tha se roli i BE në Ballkan ka qenë prej kohësh për të krijuar sigurinë. “Tradicionalisht, ne shikojmë Ballkanin Perëndimor, si një rajon i jostabilitetit ku për shumë vite, madje edhe dekada BE kishte një rol të atij që ofron siguri. Ne tani kalojmë në një fazë ku jemi partnerë në një mbrojtje dhe siguri të përbashkët”, është shprehur.

Mogherini, e cila kryeson takimin joformal të ministrave të mbrojtjes të BE që nisi punimet të mërkurën në Vienë, tha se takimi filloi me një diskutim mbi bashkëpunimin me Ballkanin Perëndimor në çështje që lidhen me mbrojtjen dhe sigurinë.

“Kemi folur së bashku me NATO-n dhe OKB-në, partnerët tanë kryesorë në rajon me qëllim të përmirësimit të bashkëpunimit në fushën e mbrojtjes dhe sigurisë, si pjesë përbërëse e punës sonë me Ballkanin Perëndimor”, ka thënë kryediplomatja e BE-së. /abcnews.al

TAKIMI-THACI-VUCIC-MBULIM.mpg_snapshot_00.04-1280x703.jpg
G. P.15:45 | 25/08/2018

Dialogu i nivelit të lartë mes Kosovës dhe Serbisë, me ndërmjetësimin e BE, do të vijojë në 7 shtator në Bruksel. Në këtë datë do të takohen në kryeqendrën europiane presidentët e dy vendeve Hashim Thaçi dhe Aleksander Vuçiç, në praninë e Përfaqësueses së Lartë të Bashkimit Europian, Federica Mogherini. Ka qenë vetë zyra e zonjës Mogherini, që ka bërë të ditur lajmin për takimin Thaçi-Vuçiç, në kuadër të përpjekjeve për normalizimin e marrëdhënieve dypalëshe.

“Përfaqësuesja e Lartë do të vazhdojë diskutimet me dy presidentët rreth marrëveshjes së normalizimit në drejtim të arritjes së progresit konkret, duke marrë parasysh prioritetin e dialogut ndërmjet Beogradit e Prishtinës dhe perspektivën europiane të rajonit”, thuhet në deklaratën e zyrës së Mogherinit.

Një temë diskutimi në këtë takim mes dy presidentëve mund të jetë edhe ajo e rishikimit të kufirit të përbashkët, sipas një ideje të hedhur javët e fundit nga presidenti kosovar. Vetë Thaçi kishte deklaruar disa ditë më parë se e ka gati një plan për korrigjimin e kufirit që do t’ja prezantonte homologut të tij Vuçiç në shtator gjatë takimit në Bruksel./abcnews.al

DANAS-THACI-VUCIC-NOBEL.mpg_snapshot_00.03-1280x666.jpg
G. P.11:41 | 16/08/2018

Gazeta serbe Danas në një artikull shkruan se presidenti i Kosovës Thaçi, ai i Serbisë Vuçiç dhe përfaqësuesja e lartë e BE-së Mogherini do të nominohen për çmimin Nobel për Paqen nëse arrijnë një marrëveshje për normalizimin e marrëdhënieve. Një ndikim i rëndësishëm për këtë, sipas gazetës është dhe biografia e Thaçit, e cila po promovohet në vende perëndimore.

Hashim Thaçi, Aleksander Vuçiç dhe Frederica Mogherini do të nominohen për çmimin Nobel për Paqe. Kjo do të ndodhë vetëm nëse çështja e Kosovës arrin të zgjidhet deri në pranverën e vitit 2019. Kështu shkruan gazeta serbe “Danas”, e cila mbështetet në burime diplomatike perëndimore. “Hapi i parë drejt nominimit të mundshëm të presidentit të Kosovës, është biografia e tij me titull “Shtet i Ri, Burrështetas Modern”, i cili gjatë kësaj vere po promovohet në kryeqendrat perëndimore”, nënvizon gazeta serbe.
Autorët e biografisë së Thaçit janë redaktori diplomatik britanik i revistës “Time”, Rodger Boys dhe gazetarja e kësaj reviste Susy Jagger, ndërsa parathënien e ka shkruar ish-kandidati për president i SHBA-s, Bob Dol, i cili konsiderohet si njëri nga këshilltarët e presidentit Trump.

“Bashkëbiseduesit tonë thonë se në qoftë se zgjidhet problemi me Kosovën atëherë shanset janë që Thaçi, Vuçiç e Mogherini do të nominohen për çmimin Nobel”, shkruan Danas. Sipas informacioneve jozyrtare të kësaj gazete, libri i Thaçit ku flitet për veprimtarinë e tij, është prezantuar në Londër, Berlin, Paris e Vjenë. Raportime se Thaçi e Vuçiç mund të jenë kandidatë për çmimin Nobel për Paqe ka pasur edhe më herët. Ndërkohë, shkrimi i Danas vjen pas intervistës që zhvilloi me presidentin e Kosovës, i cili ripërsëriti qëndrimin e tij për ndryshimin e kufijve, gjë e cila kundërshtohet nga shumë parti dhe politikanë në Kosovë./abcnews.al

BALLKANI-SAMITI-1280x720.jpg
ent ela22:36 | 10/07/2018

Në ditën e dytë të samitit të Londrës për Ballkanin, shefja e Politikës së Jashtme të BE-së, Federica Mogherini ka deklaruar se rajoni e meriton mbështetjen e Unionit në procesin e integrimit. Ndërsa kancelarja Angela Merkel e ka vënë theksin tek mbështetja për zhvillimin ekonomik të Ballkanit.

Samiti i pestë i Ballkanit Perëndimor në kuadrin e procesit të Berlinit kulmoi me takimin e 6 liderëve të rajonit me disa liderë të Bashkimit Europian dhe zyrtarë të institutioneve europiane. Në fillim të samitit, shefja e diplomacisë europiane, Federica Mogherini ka tërhequr vëmendjen mbi faktin, se vendet e Ballkanit Perëndimor kanë kryer reforma të rëndësishme në rrugën e integrimit europian, për të cilat BE u detyrohet mbështetje.

Federica Mogherini, shefja e diplomacisë europiane: “Ne u detyrohemi vendeve të Ballkanit Perëndimor vëmendjen dhe mbështetjen që ata meritojnë, pasi qytetarët e Ballkanit dhe veçanërisht të rinjtë na rikujtojnë gjithnjë anën tërheqëse të Bashkimit Europian, se është një organizatë vitale dhe e vërtetë. Ndonjëherë kjo kuptohet më mirë nga jashtë sesa nga brenda”.

Në konferencën përfundimtare për shtyp, kancelarja gjermane Angela Merkel ka treguar përkushtimin në vazhdim ndaj procesit të Berlinit për mbështetje të zhvillimit ekonomik, të ndërlidhjes në fushën e infrastrukturës dhe energjisë në rajon, si edhe nxitjen e shkëmbimeve midis qytetarëve dhe të rinjve të vendeve të rajonit. Ndërkohë pas anoncimit të investimit britanik në fushën e dixhitalizimit të 4500 shkollave në rajon, si dhe në fushën e asministratës publike në Maqedoni dhe Malt të Zi dhe për reformën e drejtësisë në Shqipëri dhe Kosovë, kryeministrja britanike Theresa May ia ka kaluar stafetën kryeministrit polak, Mateusz Morawiecki, i cili gjatë presidencës polake synon të transmetojë te vendet e Ballkanit eksperiencën e Polonisë në reformën administrative dhe thithjen e fondeve të Bashkimit Europian. Në samitin e Ballkanit Perëndimor në Londër është nënshkruar gjithashtu marrëveshja për një seli në Serbi të komunitetit të transportit. /abcnews.al

 

federica-mogherini.jpg
G. P.16:48 | 24/06/2018

Në Bruksel po zhvillohet raundi i radhës i dialogut të nivelit të lartë për normalizim mes Kosovës dhe Serbisë. Fillimisht përfaqësuesja e lartë e BE-së për politikë të jashtme, Federica Mogherini takoi presidentin serb, Aleksandër Vuçiç.

Ndërsa aktualisht po bisedon me presidentin e Kosovës, Hashim Thaçi. Para se të hyjë në takim, Thaçi nënvizoi se gjendet në Bruksel për të shënuar fillimin fazës finale të dialogut për normalizim të plotë të marrëdhënieve mes dy vendeve.

“Do të punojmë me vullnetin më të mirë për arritjen e marrëveshjes. Nëse nuk arrihet të dy vendet do të jemi humbës, por unë kam shpresë”, tha presidenti i Kosovës./abcnews.al

MOGERINI-DHE-HAHN-REAGIM-1280x720.jpg
ent ela14:28 | 17/06/2018

Përfaqësuesja e BE-së për politikë të jashtëme Federika Mogerini tha se nënshkrimi i marrëveshjes shënon një ditë të madhe për të gjithë. Ndërsa eurokomisioneri për zgjerim Johanes Han e konsideroi një hap shumë pozitiv drejt anëtarësimit të Shkupit për në BE.

“Dy palët i kanë bërë krenarë të gjithë në Evropë për marrëveshjen e arritur”. Kështu është shprehur përfaqësuesja e lartë e BE-së për politikë të jashtëme, Federica Mogherini. Ajo nënvizon se kjo është marrëveshje ku kanë fituar të gjithë palët. “Ky akord do të ndikojë për promovimin e paqes në gjithë rajonin dhe një shembull i mirë për të gjithë. BE do të jetë afër për të ndihmuar dhe për të kontrolluar çdo hap të implementimit të kësaj marrëveshje. Kjo është një ditë e madhe për të gjithë ne”, ka deklaruar Mogherini.

Lidhur me ngjarjen historike ka dhënë një prononcim edhe Eurokomisioneri për zgjerim dhe fqinjësi të mirë, Johannes Hahn. “Duhej shumë kohë dhe shumë rrugë për të arritur këtu ku jemi”, u shpreh ai. “Kjo është një ditë historike dhe mundësi për qytetarët e Maqedonisë Veriore që të marrin përgjigje pozitive për integrimet euro-atlantike. Në fund të ditës, të gjithë do të shohin se marrëveshja është një kompromis i mirë në të cilin gjithkush merr diçka”, deklaroi Hahn.

Ndërkohë, marrëveshja është përshëndetur edhe nga kryeministri i Bullgarisë, Bojko Borisov si dhe nga presidenti i Kosovës, Hashim Thaçi. Kreu I qeverisë së Sofies thotë se ky është një hap i madh drejt integrimit të Shkupit në BE dhe NATO. /abcnews.al

mogherini.jpg
G. P.15:24 | 07/06/2018

Zëvendëskryeministri për Çështje Evropiane në qeverinë e Maqedonisë, Bujar Osmani, gjatë vizitës në Bruksel është takuar me përfaqësuesen e Lartë të BE-së, Federica Mogherini.

Pas bisedës, ai është shprehur se ka përparim të dukshëm për zgjidhjen e çështjes së emrit dhe nënvizoi se asnjëherë më parë Maqedonia dhe Greqia nuk kanë qenë kaq afër zgjidhjes.

“Orët në vazhdim mund të jenë vendimtare për epilogun e negociatave”, u shpreh ai duke shtuar se ka shpresa për një rezultat pozitiv në negociata.

Osmani nënvizon më tej se mes dy vendeve pritet të pasojë një klimë e mirë për thellimin e bashkëpunimit./abcnews.al

MOGHERINI-MAQEDONIA-1280x720.jpg
ent ela18:45 | 28/05/2018

Përfaqësuesja e Lartë e BE-së, Federica Mogherini ka përshëndetur rrjedhën e deritanishme të negociatave për çështjen e emrit mes Greqisë dhe Maqedonisë. Por ajo ka nënvizuar se palët nuk janë ende pranë finalizimit të një marrëveshjeje.

Shefja e Politikës së Jashtme të BE-së, Federica Mogherini ka vlerësuar përpjekjet e deritanishme mes Maqedonisë dhe Greqisë për zgjidhjen e çështjes së emrit. Megjithatë, në një konferencë për shtyp në Bruksel, Mogherini ka nënvizuar se duhet ende kohë që palët të arrijnë një marrëveshje. “U njohja nga ministri i Jashtëm maqedonas, me të cilin pata një takim pozitiv, me progresin e bërë për çështjen e emrit. Ecuria është shumë inkurajuese dhe premtuese, por ende nuk është finalizuar”, ka deklaruar Mogherini. Përfaqësuesja e Lartë e BE-së ka rikonfirmuar vendosmërinë e Brukselit për të mbështetur një ujdi që mund të arrihet sipas saj në ditët ose javët e ardhshme. “Çështja e emrit ekziston prej kohësh dhe ka krijuar komplikacione për vite me radhë. Ne mbështesim bisedimet e ndërmjetësuara nga OKB”, ka vijuar Mogherini. Për të konfirmuar mbështetjen e Unionit kundrejt vendeve të Ballkanit, shefja e diplomacisë europiane ka theksuar se KE ka rekomanduar hapjen e negociatave me Shkupin dhe Tiranën, në bazë të reformave të kryera dhe kritereve që duhet të përmbushen. /abcnews.al

MOGERINI-SIRIA-1280x720.jpg
ent ela15:15 | 24/04/2018

Përfaqësuesja e lartë e BE-së për politikë të jashtme, Federika Mogerini gjatë një konference tha se Siria nuk është një fushëbetejë gjeopolitike. Zyrtarja e Brukselit nënvizoi se duhet gjetur një zgjidhje politike për t’i dhënë fund konfliktit që ka hyrë në vitin e tetë.

“Siria nuk është një fushëbetejë, nuk është një lojë gjeopolitike. Siria i përket qytetarëve sirianë dhe janë ata që duhet të vendosin për të ardhmen e vendit”. Këtë e ka thënë Federica Mogherini, Përfaqësuesja e Lartë e Bashkimit Europian për Politikë të Jashtme, gjatë ditës së parë të koonferencës ku diskutohet për të ardhmen e vendit.

Në një konferencë për shtyp me të dërguarin special të Kombeve të Bashkuara, Staffan De Mistura dhe pas një takimi me eksponentë të shoqërisë civike siriane, Mogherini nënvizoi se qasja e përbashkët e BE-së dhe OKB-së është “kërkimi i një zgjidhjeje paqësore”. Gjithashtu kërkoi me ngulm përdorimin e diplomacisë, dialogut dhe respektimin e të drejtave të njeriut.

“Kur një ngërç politik është kaq dramatic si sot dhe përshkallëzimi ushtarak rrezikon të shpërndahet akoma dhe më shumë, atëherë vlen më tepër zëri i sirianëve, femrave dhe burrave të atij vendi”, theksoi Mogherini duke i bërë thirrje palëve që të rikthehen në tavolinën e negociatave të ndërmjetësuara nga OKB. “Duhet gjetur një zgjidhje politike për krizën në Siri”, përfundoi përfaqësuesja e lartë e Unionit. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono