mogherini

frederika-mogherini.jpg
ent ela11:18 | 26/11/2019

Deklarata e përfaqësueses së lartë të politikës së jashtme dhe të sigurisë së Bashkimit Europian, Federica Mogherini për tërmetin në Shqipëri:

“Në vazhdën e tërmetit shkatërrues që goditi Shqipërinë herët në mëngjes, duke shkaktuar humbje të disa jetëve dhe duke plagosur shumë të tjera, ne shprehim ngushëllimet tona të thella për njerëzit dhe autoritetet e vendit.

Bashkimi Evropian qëndron në solidaritet me Shqipërinë dhe është i gatshëm të ofrojë ndihmë, përfshirë edhe përmes mekanizmit të mbrojtjes civile të Bashkimit Europian. Qendra jonë e koordinimit për reagimin e emergjencave (ERCC) ka qenë në kontakt të vazhdueshëm me autoritetet e mbrojtjes civile në Shqipëri”.

MOGHERINI-DARKA.mpg_snapshot_00.15-1280x720.jpg
ent ela15:19 | 29/10/2019

Përfaqësuesja e lartë e politikës së jashtme dhe të sigurisë së Bashkimit Europian, Federica Mogherini organizon një darkë jo-zyrtare në Bruksel ku liderët e 6 vendeve të Ballkanit Perëndimor priten të shkëmbejnë këndvështrimet e tyre mbi zhvillimet në rajon, të bisedojnë mbi sfidat që kanë përpara dhe të bëjnë një bilanc tê hapave që janë arritur në pesë vitete e fundit.

Përfaqësuesja e lartë e politikës së jashtme dhe të sigurisë së Bashkimit Europian, Federica Mogherini organizon një darkë pune jozyrtare me liderët e 6 vendeve të Ballkanit Perëndimor në Bruksel.

Në këtë darkë pune pritet të bëhet një bilanc i arritjeve gjatë 5 viteve të mandatit të kryediplomates Mogherini dhe sfidave që kanë përpara vendet e rajonit. Këtë e ka konfirmuar zëdhënësja e Komisionit Europian, Maja Kocijancic duke u përgjigjur për ABC Neës në konferencën e mesditës së këtij institucioni..

Maja Kocijançiç, zëdhënëse e KE-së: “Zv/presidentja e Komisionit Europian dhe njëkohësisht përfaqësuesja e lartë e politikës së jashtme dhe të sigurisë së Bashkimit Europian, Federica Mogherini do të ftojë sonte liderët e Ballkanit Perëndimor për një takim jozyrtar në formatin e një darke pune. Kjo darkë është e fundit në serinë e takimeve të rregullta të punës me liderët e rajonit që janë kryer vitet e fundit. Liderët priten të shkëmbejnë këndvështrimet e tyre mbi zhvillimet në rajon, të bisedojnë mbi sfidat që kanë përpara dhe të bëjnë një bilanc tê hapave që janë arritur në pesë vitete e fundit. Ndërkohë në nivelin e komunikimit, ne do të publikojmë një deklaratë mbi përmbledhjen e diskutimeve.”

Kjo është darka e fundit e kryediplomates Mogherini para përfundimit të mandatit të saj në ekipin Junkcer të Komisionit Europian. /ABC News Albania 24/7

 

B06136FD-B76A-4F71-9387-E239344D72D4_w1023_r1_s.jpg
ent ela09:34 | 29/10/2019

Shefja e politikës së jashtme të Bashkimit Evropian, Federica Mogherini, pret sonte në darkë pune udhëheqësit e vendeve të Ballkanit Perëndimor.

Bëhet fjalë për një traditë joformale që ka nisur qysh në vitin 2017.

Është njoftuar se në takim do të marrin pjesë presidenti i Kosovës, Hashim Thaçi, presidenti i Serbisë, Aleksandar Vuçiq, kryeministri i Maqedonisë së Veriut, Zoran Zaev, kryeministri i Shqipërisë, Edi Rama, presidenti i Malit të Zi, Millo Gjukanoviq, dhe anëtarët e presidencës trepalëshe të Bosnjës: Zhelko Komshiq, Millorad Dodik dhe Shefik Xhaferoviq.

Është ky takimi i parë midis Mogherinit dhe udhëheqësve të Ballkanit qëkur Këshilli Evropian dështoi t’i jepte dritën jeshile Shqipërisë dhe Maqedonisë së Veriut për të filluar bisedimet e pranimit.

Po ashtu presidentët e Kosovës dhe të Serbisë do të takohen për herë të parë që nga viti i kaluar, kur bisedimet për normalizimin e marrëdhënieve midis tyre janë ndërprerë, për shkak të taksës që u ka vënë Kosova prodhimeve të importuara nga Serbia, në nëntor, 2018.

Mogherini ka ndërmjetësuar për disa vite dialogun midis Kosovës dhe Serbisë.

Mandati i saj skadon më 1 dhjetor. /REL

CAKAJ-MOGERINI-MBULIM-_ABC-M4-T2.mpg_snapshot_00.01-1280x720.jpg
ent ela19:45 | 23/09/2019

Federika Mogherini dhe Gent Cakaj ndajne qendrimin se mbyllja e çështjeve të hapura në Ballkanin Perëndimor është thelbësore për të garantuar jo vetëm stabilitetin, por edhe zhvillimin e përgjithshëm social-politik të tij.

Përfaqësuesja e Lartë e Bashkimit Evropian për Punët e Jashtme dhe Sigurinë u takua me ministrin  ne detyre te puneve te jashme Gent Cakaj në Neë York, ku ndodhen për të marrë pjesë në punimet e sesionit të 74 të Asamblesë së Përgjithshme të Kombeve të Bashkuara.

Në  një darkë të shtruar për krerët e delegacioneve të vendeve të Ballkanit Perëndimor, fokusi ka qenë tek integrimi i Rajonit në BE dhe tek thellimi i mëtejshëm i bashkëpunimit.

Nga  të gjithë të pranishmit u theksua nevoja për hapjen e negociatave për anëtarësim në BE të Shqipërisë dhe Maqedonisë së Veriut në tetor. /ABC News Albania 24/7

 

maxresdefault-3-1280x720.jpg
ent ela12:20 | 10/07/2019

Veprimet e ish-diplomates së lartë të Bashkimit Europian Federika Mogerini mund të shkaktonin luftë në Ballkan. Është kjo deklarata e ish kryenegociatores së Kosovës Edita Tahiri, e cila akuzon Mogerinin se ka shkelur parimet europiane në Ballkan.

Edita Tahiri, ish-kryenegociatorja e Kosovës për bisedimet me Serbinë, u shpreh se përfaqësuesja e lartë e BE-së, Federica Mogherini, deri para një viti ka mbrojtur parimet evropiane në Ballkan, ndërsa së fundmi i ka shkelur ato, duke hyrë në aventura, të cilat do të kishin shkaktuar luftë në Ballkan

Ish-kryenegociatorja e Kosovës për bisedimet me Serbinë Edita Tahiri është takuar disa herë në Bruksel me përfaqësuesen e lartë të Bashkimit Evropian për Politikë të Jashtme dhe Siguri, Federica Mogherini.

Në një ntervistë për të përditshmen Zëri në Kosovë Tahiri theksoi ndër të tjera se nga përvoja që ka pasur me Mogherini, deri para një viti ajo ka qenë në mbrojtje të parimeve evropiane në Ballkan sipas të cilave gjashtë vendet e Ballkanit, duke përfshirë edhe Kosovën, të bëhen anëtare të BE-së. /ABC news Albania 24/7

frederika-mogherini.jpg
ad min13:10 | 29/05/2019

Shefja e politikës së jashtme të BE, Mogherini, në një konferencë për shtyp nga Brukseli prezantoi detaje nga progres-raportet për secilin nga vendet e Ballkanit Perëndimor dhe Turqinë.

Duke u ndalur tek Shqipëria, Mogherini theksoi se Komisioni Evropian rekomandon hapjen e negociatave për shkak të reformës së thellë të bërë në gjyqësor. Më tej gjatë fjalës së saj ai u shpreh se rekomandimi pozitiv i ka kaluar Këshillit Evropian, duke u shprehur se tashmë topin në fushën e Këshillit, i cili do thotë fjalën e tij për progres-raportin e publikuar sot.

“Është bërë punë madhore për të vlerësuar ecurinë e arritur për të arritur në këto raporte. Gjatë viteve të fundit BE ka investuar me shifra të mëdha në Ballkanin Perëndimor. Ne kemi qenë dëshmitarë të arritjeve dhe suksese që janë mbresëlënëse, Maqedonia e Veriut dhe Shqipëria kanë treguar rezultate për reformat. Zbatim mbresëlënës i reformës në drejtësi, që ka sjellë rezultate të prekshme. Kam qenë së fundi në Tiranë për Samitin. Në bazë të një vlerësimi të rreptë dhe objektiv këtë vit për herë të dytë komisioni rekomandon çeljen e negociatave për Shqipërinë dhe Maqedoninë e Veriut. Ato kanë bërë pjesën e tyre të punës dhe tashmë është radha e BE-së të bëjë punën e tij. Topi ynë tani do të kalojë në Këshillin e Evropës. BE të japë ato merita aty ku ato ekzistojnë. Kur ne vlerësojmë meritat në mënyrë objektive, ato duhen njohur. Në të kundërt do të dëmtohet besueshmëria e BE-së, do të minohet stabiliteti dhe do të shkurajonin reformat e mëtejshme, ndoshta sjellin edhe një moment zhgënjimi në këto vende të rajonit, por edhe në BE dhe tek BE si institucion”, tha Mogherini./abcnews.al

resize_VpabFnPWcSds4jEiJ0ykKzvoAIqx3ltr_980x590.jpg
ent ela11:20 | 22/05/2019

Në prag të zgjedhjeve parlamentare europiane mediat italiane publikojnë pagat marramendëse të Presidentit të Komisionit Europian Junker dhe drejtuesve të tjerë. 6 për qind e buxhetit total europian shkon për pagat e 60 mijë nëpunësve.

Bashkimi Europian ka ndarë për vitin 2019 një shifër prej 9.943 miliardë eurosh, thënë ndryshe 6% të buxhetit total europian për të paguar rreth 60 mijë nëpunës. Paga mujore bruto e Zhan Klod Junker, President i Komisionit Europian është 138% më e lartë se paga e drejtorëve të përgjithshëm: 28 mijë euro në muaj, dhe pse duhet thënë se 45 për qind e kësaj shifre rikthehet menjëherë në arkat e buxhetit europian.

E përditshmja italiane “Fatto quotidiano” raporton se pagës së Junker i shtohen dhe 4 mijë euro të tjera për të paguar rezidencën si dhe 1500 euro të tjera për shpenzime përfaqësimi. Pra në total paga e tij bruto llogaritet më shumë se 33 mijë euro në muaj.

Nuk merr më pak Federika Mogerini, përfaqësuesja e lartë e Bashkimit Europian për çështjet e jashtme dhe politikat e sigurisë. Ajo paguhet rreth 32 mijë euro në muaj. Zëvendës presidentët e Komisionit marrin rreth 30 mijë euro në muaj, ndërsa francezi Pier Moskoviç 27 mijë euro. /ABC News Albania 24/7

mogherini.jpg
ad min22:43 | 08/05/2019

Përfaqësuesja e Lartë e Bashkimit Europian, Federica Mogherini është pritur në një takim edhe nga presidenti i Republikës Ilir Meta.

Nëpërmjet një statusi në rrjetet sociale kryetari i shtetit përcjell mesazhin se “Pavarësisht sfidave dhe vështirësive që mund të kapërcehen vetëm me dialog e bashkëpunim, integrimi europian është e vetmja rrugë përpara”.

Prania e saj në Samitin e Brdo-Brijuni, tregues i rëndësisë që BE i jep bashkëpunimit rajonal- shkruan presidenti Meta në statusin e tij në rrjetet sociale./ABC News Albania 24/7

haradinaj-1-1280x707.jpg
ad min15:40 | 08/05/2019

Mogherini-Thaçi-Rama e Vuçiç janë katërshja për të cilët Kryeministri i Kosovës Ramush Haradinaj dyshon se kanë biseduar për ndarjen e Kosovës. Deklaratën Haradinaj e bëri kur u pyet për takimin e sotëm të Brdo Brionit që po mbahet në Tiranë .

Kryeministri i Kosovës Ramush Haradinaj dyshon se presidenti i Kosovës, Hashim Thaçi ai i Serbisë Aleksandër Vuçiç dhe kryeministri i Shqipërisë Edi Rama kanë biseduar për ndarjen e Kosovës.

Ndërsa sipas tij këto biseda i ka udhëhequr përfaqësuesja e lartë e BE-së Federika Mogherini.

“Ekziston ky dyshim i bazuar se kjo është bërë nën udhëheqjen e zonjës Mogherini. Shpresoj se ata do t’i kërkojnë falje njëri-tjetrit për kohën që ia kanë humbur vetes, popujve të vet dhe taksapaguesve të BE-së”.

Në  një tryezë të organizuar nga Instituti Demokratik i Kosovës Haradinaj tha se nuk beson se do të vazhdoj më procesi i dialogut nga Mogherini.

Kundër ndryshimit të kufijve është edhe ambasadori Zviceran në Kosovë.

Jean Hubert Lebet, ambasador i Zvicrës, Kosovë: “Ndryshimi i kufijve nuk funksionon, as nuk ka funksionuar kurrë në histori. Nëse lëvizin kufijtë arsyet e konfliktit nuk do të zgjidhen, sidomos në Ballkan. Mund të futeni në telashe. Ai ka thënë se ndarja e korrigjimi i kufijve nuk është mirë as për serbët e jugut as për ata në veri”.

Ndërsa takimin në Paris kryeministri Haradinaj e cilëson si vazhdim të dialogut. Ai ka thënë se nëse pala serbe është e interesuar atëherë Kosova është e gatshme dhe do të vazhdojë dialogun./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono