modric

Liridon-Selahi.png
Vladimir Prenga12:31 | 07/11/2019

Lindon Selahi, mesfushori i Twente, do të jetë sërish pjesë e Shqipërisë për ndeshjet me Andorrën dhe Francën. Emri i tij nuk figuronte me Shpresat, ndërkohë që 20-vjeçari në një intervistë të dhënë në rrjetet sociale të klubit holandez ka zbuluar ftesën e marrë.

I pyetur se cili është lojtari më i mirë me të cilin ai është përballur, Selahi ka deklaruar: “Kam luajtur me shumë lojtarë të mirë, por javën e ardhshme do të luaj kundër Francës me kombëtaren dhe atje do të luaj kundër një prej më të mëdhenjve”.

Selahi dhe Ramadani në grumbullim me Shqipërinë

Mesfushori më tij zbulon edhe shembullin e tij në botën e futbollit: “Idhulli im është Luka Modric, pasi luan në të njëjtin pozicion si unë. Shikoj gjithmonë videot e tij në Youtube dhe përpiqem të luaj si ai. Është një nga mesfushorët më të mirët në botë”.

Sa i takon lojtari më të mirë, mes Messit dhe Ronaldos ai zgjedh këtë të fundit. Gjithashtu anon nga Reali i Madridit dhe jo nga Barcelona. E kuptueshme në fakt. “Ronaldo, sigurisht. Lojtari më i mirë në historinë e futbolli. Barcelona apo Real? Real”, u shprehe Selahi.

Mesfushori më tej tregon edhe ndeshjen më të bukur që ka luajtur me Twente: “Ka qenë ndeshja e parë ndaj PSV, stadiumi ishte fantastik, tifozët po ashtu. E shijova shumë dhe morëm një rezultat të mirë ndaj një ekipi të mirë. Ajo ishte ndeshja më e bukur me Twente”.

Lindon Selahi duke festuar golin në fitoren 4-1 që Twente mori ndaj Emmen

Pyetjet nga fansat kanë qenë të shumta dhe njëra prej tyre lidhej me pozicionin ku do të donte të luante nëse nuk do të ishte mesfushor. “Nëse nuk do të luajë në mesfushë, do kisha pasur dëshirë të aktivizohesha në sulm. Më pëlqen të shënoj shumë gola, si çdo lojtar”.

Selahi ka shënuar edhe një gol në kampionatin holandez, kundër Emmen, dhe më pas festoi duke u ulur. Mesfushori tregon edhe ritualin e tij para çdo ndeshjeje: “Falem, pasi jam mysliman. I kërkoj Zotit që të mos kem dëmtime dhe të bëj më të mirën time në fushë”. /abcnews.al

Giancarlo-Antognoni-e1478260767667.jpg
Vladimir Prenga13:55 | 25/10/2019

Transferimi i Cristiano Ronaldos në Serie A pati një impakt të madh, ndërkohë që Giancarlo Antognoni, menaxherii klubit të Fiorentinës, thekson se të njëjtën gjë ka bërë edhe Franck Ribery. “Ribery si Ronaldo? Po, falë tyre Serie A ka rifituar vëmendjen”, shprehet zyrtari i klubit vjollcë në një intervistë për Tuttosport.

Më tej ai tregon se është shumë i befasuar nga francezi. Ata e dinin se po merrnin një lojtar që ka fituar shumë dhe është kampion, por nuk e njihnin si njeri. “Më duhet ta pranoj që jam mahnitur nga ndikimi që ka në ekip Ribery.

E kishim njohur si kampion, por jo si njeri. Ka ditur të përfshihet në një ambient të ndryshëm me shumë përulësi dhe është gati për çdo gjë. Ribery është një shembull për të gjithë dhe u jep shumë këshilla të rinjve”, tregon Antognoni.

Serie A shumë vite më parë ka qenë “shtëpia” e emrave më të mëdhenj të futbollit. Në Itali ëndërrojnë që gjërat të kthehen si më parë, ndërkohë që Antognoni nuk e fsheh dëshirën e tij të madhe. “Kush do doja të vinte tjetër në Itali? Messi dhe Modric”, e thotë hapur drejtuesi i Fiorentinës. /abcnews.al

Modric.jpg
Veronik Istrefaj21:54 | 10/10/2019

Fituesi i “Topit të Artë”, Luka Modric, është padiskutim një nga lojtarët më të mirë të gjeneratës së tij. Kroati është titullar i padiskutueshëm si te Real Madrid, ashtu dhe te kombëtarja e Kroacisë. Sot, në takimin kundër Hungarisë, Modric shënoi një supergol, duke kaluar në avantazh ballkanasit.

Kapitenit kroat i mjaftuan vetëm 5 minuta për të gjetur rrugën e golit. Me zgjuarsinë e tij, Modric vjedh një top në mesfushë dhe nis slalomin e tij. Edhe pse në një moshë të madhe, shtatshkurtri vrapon më shpejt se të gjithë dhe e sheh veten përballë portierit. Me një qetësi të jashtëzakonshme, Modric arrin të shënojë, për t’i hapur udhë suksesit të kroatëve./abcnews.al

INTER-KERKON-MODRIC-1280x720.jpg
ent ela21:50 | 02/08/2018

Interi po synon një blerje të rëndësishme nga Real Madridi. Bëhet fjalë për mesfushorin kroat Luka Modriç, i shpallur si futbollisti më i mirë i botërorit të fundit në Rusi. Por Presidenti i madrileneve Perez thote se kroati mund të shkojë në Itali vetëm për 750 milionë euro.

Luka Modriç është në merkaton e verës si kërkesë e Interit. Shënjestra e ekipit Italian zikaltër është pikërisht mesfushori kroat. Edhe pse deri tani duket një ëndërr fantastike, lëvizjet janë bërë. Italianet thone se eshtë programuar një takim me presidentin e Real Madridit pas 8 Gushtit.

Por vete Florentino Perez shuan çdo lajm dhe çdo ëndërr të momentit për zikaltrit, pasi në një intervistë për gazetën, “Marca”, bosi i Real Madrid tha: “Nuk ka asnjë çështje Modriç. Mesfushori është i lumtur në Madrid dhe nuk ka ndërmend të zhvendoset!”

Gjithsesi Perez ka shtuar se lojtari do të largohet vetëm nëse dikush është i gatshëm të thyjë çdo rekord në merkato.

Tekniku siguroi se kroati Modric rinovoi kontratën me “Los Blancos” deri në 30 qershor 2020 dhe do të lëvizë nga Madridi, vetëm “nëse dikush është i gatshëm të paguajë 750 milionë euro”.

Kontrata e Modriç me Realin ka një vlerë prej 10 milionë euro, plus 1.5 bonuse, ndërsa kostoja e kartonit të tij shkon në 50-60 milionë euro.

Vetë Real Madridi duket në vështirësi, sepse pas ikjes së Ronaldos, nuk do jetë e lehtë që tifozeria të gëlltisë një tjetër largim të rëndësishëm, por nga ana tjetër, duhet edhe dëshira e vetë Luka Modric, njëlloj si për Ronaldon, e kjo do vendoset pas takimit që Modric do ketë me presidentin e Realit. Mesfushorit  kroat i pëlqen ideja e transferimit në Milano, ku do gjente edhe shokë të kombëtares. Ai është i lidhur me Real Madridin, por largimet e Zidanit e Ronaldos, me të cilët kishte marrëdhënie shumë të mira, e kanë prekur. Në moshën 32 vjeçare, pas 6 sezoneve tek Real Madridi e 4 titujve të fituar të Ligës së Kampionëve, Modric dëshiron sfida të tjera.

 

 

 

 

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono