mjeket

femijet-meningokoku.jpg
nev ila16:42 | 15/01/2020

Në urgjencën e Pediatrisë në Qendrën Spitalore Universitare “Nënë Tereza” në Tiranë shkon për të trajtuar një sëmundje, por mund të marrësh një tjetër.

Ndërsa prindërit me fëmijë paraditen e të mërkurës hynin e dilnin për një vizitë tek mjeku përpara shërbimit punohej për të zhbllokuar pusetat e ujërave të zeza.

Era e rëndë të zinte hundët.  Ndërkohë numri i pacientëve të vegjël me virozë dhe grip në 24 orët e fundit ka shkuar në 300.

Shumë prindër i drejtohen QSUT pasi kanë pak besim tek mjekët e qendrave shëndetësore.  Ndërkohë specialistët pranë tyre tregojnë se tek ta mund të marrin të njëjtin shërbim.

“Kemi një shërbim të kualifikuar dhe shumë të mirë, ndoshta dhe me më shumë eksperiencë se sa një shërbim që bëhet në urgjencë. Kështu që doja ti drejtohesha të gjithë prindërve, që ti sjellin pa hezitim fëmijët pranë qendrave shëndetësore. Dhe në qendrat e tjera janë shtuar mjekët e specializuar në qendrat shëndetësore”.

Të frikësuar dhe  qarkullimi i infeksioneve të shkaktuara nga meningokoku prindërit kanë kërkuar ndihmën e mjekut në shqetësimin më të parë të fëmijës, por bluzat e bardha thonë se nuk ka vend për panik ndërsa rekomandojnë.

“Kryesisht ajo që do ju rekomandoja është se prindërit ti drejtohen mjekut që në momentin e parë që konstatojnë se diçka nuk shkon te fëmija i tyre, sidomos kur janë të lodhur, të përgjumur, të këputur, nëse vërejnë disa elementë në lëkurë, dhimbje koke, të vjella, pra nëse paraqesin këtë klinikë duhet të paraqiten menjëherë te mjeku”.

Infeksionet nga meningogoku përhapen nga personi i sëmurë tek një person i shëndetshëm përmes prekjes, spërklave dhe ajrit. Higjena është këshilla kryesore e mjekëve.

“Për shkak të prirjes që kanë për të qëndruar në grup, për ti dhënë afeksion njëri-tjetrit, predispozita për përhapjen e meningjitit është më i lartë në moshën e adoleshencës. Gjithashtu të rriskuar janë edhe moshat e fëmijëve të vegjël. Rekomandohet që të bëhet vaksina tek ata persona që kanë imuno-defiçencë”.

Instituti i Shëndetit Publik pak ditë më parë konfirmoi se një person humbi jetën nga meningokoksemia ndërsa po analizohen shkaqet e dy vdekjeve të tjetra. Megjithëkëtë specialistët thonë se nuk kemi të bëjmë me epidemi dhe nuk ka vend për alarm./abcnews.al

mjeket-diber.jpg
nev ila17:32 | 12/01/2020

Në qarqet më të ftohta të vendit është rritur numri i të prekurve nga gripi. Në Dibër në zonat e thella temperaturat kane shkuar deri dhe -10 gradë celcius. Ndaj dhe është e pashmangëshme rritja e numrit të virozave gripale.

Në urgjencën e Spitalit të Peshkopisë ka një numur të shtuar vizitash mbi 100 në ditë dhe dominojnë fëmijët. Shefi i Pediatrisë, në spitalin e Peshkopisë, Filip Cfarku jep detaje.

“Si pasoje e ftohjes së motit ka një shtim të ndjeshëm  të  vizitave, në ditët e fundit në spitalin e Peshkopisë parqiten me temperaturë të lartë dhe kjo virozë zgjat në kohë”, tha ai.

Shpesh herë të sëmurët nguten dhe nisin mjekimin pa u konsultuar me mjekët ndaj Cfarku jep këtë këshillë.

“Të mos përdoren antibiotikë pa rekomandimin e mjekut dhe të mahet temperatura nën krontroll”, këshillon ai.

Duke parë se Dibra ka shtrirje shumë të madhe dhe zona shumë të thella, prindërit për çdo rast duhet ti drejtohen fillimisht mjekëve të zonave apo të familjes, përpara se ti drejtohen spitalit.

Edhe në Kukës mjekët raportojnë për numër të shtuar të prekurish nga virozat por për fat të mirë nuk ka patur raste të komplikuara.

Shpesh herë qytetarët ngatërrojnë shenjat dhe sa herë kanë temperature të lartë mendojnë se është domosdoshmërish grip dhe neglizhojnë duke mos shkuar tek mjeku.

Jo gjithnjë është kështu pasi tre persona që neglizuan disa ditë më parë ndërruan jetë.

Deri tani njërit prej tyre u zbulua shkaktari, që ishte infeksioni i meningokokut i patrajtuar në kohë që zhvilloi sëmundjen e meningitit.

Meningokoku ka raste që prek cipën e trurit, invalidizon të sëmurin ose i merr jetën. Por ka dhe raste që përhapet në gjak dhe në lëkurë shfaqen njolla të dukshme e më pas individi humb jetën./abcnews.al

juli.jpg
in a13:11 | 25/11/2019

Julian Asanzh rrezikon të vdesë në burg nëse nuk merr mjekim të menjëhershëm. Lajmi është publikuar nga Skaj Njus, i cili njëkohësisht publikon dhe një letër të hapur të firmosur nga më shumë se 60 mjekë. Këta të fundit pretendojnë se themeluesi i Wikiliaks vuan nga shqetësime fizike dhe psikologjike,përfshirë dhe depresionin. Mjekë të Mbretërisë së Bashkuar, Sri Lankës, europianë dhe australianë u shprehën të shqetësuar për faktin nëse Asanzh mund të përballojë një proces gjyqësor.

Letra e tyre i është dërguar ministrit të brendshëm britanik, Priti Patel. Asanzh, 48 vjeç, mbahet në burgun e Belmarsh, në juglindje të Londrës, në pritje të seancës gjyqësore të programuar për në muajin shkurt, ku do të kundërshtojë ekstradimin në Shtetet e Bashkuara të Amerikës, ku duhet të përballet me 18 akuza. Mes tyre është dhe ajo për komplot për të hakeruar një kompjuter “të klasifikuar” të Pentagonit.

Mjekët kërkojnë transferimin e Asanzh në një spital, ku mund t’i nënshtrohet kontrolleve dhe terapive nga ana e një stafi mjekësor. Në letër shkruhet ndër të tjera se nga një këndvështrim mjekësor, dhe me provat në dispozicion, ka vend për shqetësim për sa i përket mundësisë së Asanzh për t’u përballur me procesin gjyqësor në 2020-tën./abncews.al

VIROZAT-SPITALI-HYGEIA-1280x720.jpg
ent ela16:33 | 21/11/2019

Mos e neglizhoni gripin! Apeli vjen nga drejtori i Departamentit të Patologjisë dhe Urgjencës në Spitalin Hygeia, doktor Arben Pilaca, i cili gjithashtu tregon masat që duhen marrë për ta parandaluar.

Ndryshimi i temperaturave ka shtuar numrin e personave që kërkojnë ndihmën e mjekut nëpër spitale. Sipas drejtorit të Departamentit të Patologjisë dhe Urgjencës në Spitalin Hygeia në Tiranë, profesor doktor Arben Pilaca,  shqetësimet më të shpeshta të tyre lidhen me rrugët e frymëmarrjes.

Personat që vuajnë nga sëmundje kronike shprehet mjeku, janë të parët që duhet të vaksionohen, por jo të vetmit.

Pavarësisht kësaj disa masa të thjeshta sipas drejtorit të Departamentit të Patologjisë dhe Urgjencës në Spitalin Hygeia në Tiranë mund të mbajnë larg nesh sëmundjen.

Mos e nënvlerësoni gripin këshillon profesor doktor Arben Pilaca, i cili gjithashtu këshillon që nëse simptomat e sëmundjes rëndohen dhe ajo zgjat në kohë, kërkoni ndihmën e specialistit. /abcnews.al

 

OK-VAKSINA-E-GRIPIT-NE-RRETHE-ABC-M2-T1.mpg_snapshot_00.10-1280x720.jpg
ger ta16:22 | 19/11/2019

Vaksina e gripit këtë vit ka nisur të shpërndahet me vonesë. Vitet e mëparshme shpërndahej në tetor ndërsa këtë vit nisi në muajin nëntor. Aktualisht jo të gjitha qëndrat shëndetësore në vend e disponojnë. Ministria e Shëndetësisë këtë vit ka zgjeruar dhe grupet që do ta përfitojnë atë falas. Veç personelit shëndetësor dhe të moshuarve dhe janë shtuar fëmijët nga 2 deri 5 vjeç.

Mësohet se në Qarkun e Gjirokastrës vaksinimi nuk ka nisur të kryet. Burimet e Abc Neës sqarojnë se sot mjekët e shëndetit publik nga rrethet janë nisur drejt Tiranës për të tërhequr vaksinat.

Edhe në qytetin bregdetar të Vlorës intresi i qytetarëve për tu vaksinuar është I lartë. Deri tani janë në dispozicion të tyre janë rreth 4.200 vaksina. Po jo të gjithë përfituesit kanë djeni se mund ta kryejnë falas.

Në Shkodër është siguruar një numër prej 7 mijë vaksinash që do aplikohen falas dhe shefja e epidemiologjisë, Dhurata Hysa thekson se ende nuk ka numër masiv të prekurish nga gripi stinor.

Ndryshe paraqitet situate në Qarkun Dibër, pasi prej 2 javësh ka vijuar vaksinimi falas. Por sasia prej 900 është shumë e papërfillshme në raport me grupet që kanë nevojë.

Mësohet se në Fier është rritur kërkesa për vaksinën e gripit. Rreth 4800 kanë nisur tu injektohen të moshuarve, të sëmurëve kronikë dhe fëmijëve, por ky numri s’mbulon të gjitha këto kategori.

Pensionistët dhe prindër të fëmijëve deri në 5 vjec në pjesën më të madhe janë ende të paqartë.

Ndërkaq në Kukës ka më shumë se një javë që ka nisur vaksinimi i popullates kunder gripit, por dhe në këtë qark sasia nuk mjafton.

Shefja e Epidemiologjise Denisa Duraku, shprehet se kontigjenti nuk është i mjaftueshëm për të përballuar skemën e personave qeë përfitojnë falas vaksinat

Sasia e vaksinave që janë përllogaritur të jepen falas nga Ministria e Shëndetësisë është 138 mijë doza. Po është e qartë se ajo nuk mbulon numrin total të të moshuarve, të sëmurëve kronikë, shtatëzanve dhe fëmijëve.

maksi-1280x720.jpg
nev ila13:58 | 12/10/2019

Lajm i mirë për avokatin e njohur shqiptar, Maks Haxhia. Dy ditë pasi u shtrua me urgjencë në spital për shkak të një hemorragjie cerebrale, mësohet se Haxhia e ka kaluar gjendjen kritike dhe ka dalë nga reanimacioni.

Mjekët që kanë nën kujdes avokatin Haxhia, pohuan se ai është në gjendje të mirë dhe nuk ka pasoja nga problemi shëndetësor që kaloi.
Avokati Haxhia, u shtrua me urgjencë mbrëmjen e 10 tetorit në Spitalin Amerikan ku iu nënshtrua një ndërhyrje kirurgjikale. Por tashmë gjendja e tij është drejt rehabilitimit.

Ai është një emër i njohur për opinionin publik dhe ka mbrojtur personazhe të ndryshëm të njohur. Ndërkohë që kujtojmë se Haxhia ka qenë Prokuror i Përgjithshëm në periudhën korrik-nëntor 1992./abcnews.al

SHENDETI-MENDOR.mpg_snapshot_00.25-1280x720.jpg
nev ila16:57 | 10/10/2019

Askush nuk është imun ndaj problemeve të shëndetit mendor. 1 në 4 persona sipas mjekëve po preket prej tyre.  Në ditën botërore të sensiblizimit ndaj këtyre sëmundjeve specialistët bëjnë thirrje për të lënë me një anë turpin dhe për të kërkuar ndihmë.

Nga afër askush nuk është normal! Çrregullimet e shëndetit mendor sipas Organizatës Botërore të Shëndetësisë moto e të cilës është dhe kjo, vitin e ardhshëm pritet të zënë vendin e parë në botë. 1 në 4 persona mund të preket prej tyre.  Tendencë të njëjtë mjekët po vërejnë dhe në Shqipëri.  Arsyet sipas tyre janë disa.

Shqetësime të tilla vitet e fundit po bëhen të shpeshta dhe tek fëmijët e adoleshentët. Vetëm në Qendrën Spitalore “Nënë Tereza” në Tiranë rreth 1 mijë pacientë kërkojnë ndihmën e mjekëve në një vit, por ky numër shpjegojnë psikiatrit është i vogël krahasuar me ato që paraqiten pranë qendrave të shëndetit mendor.

Nga tërheqja prej shoqërisë e deri tek vetëdëmtimi janë shfaqje të sjelljeve të adoleshentëve të cilët vuajnë prej çrregullimeve të tilla.

Sjellje qe shpesh neglizhohen nga prinderit te cilet i drejtohen specialistit teper vone.

Nëse kapen herët disa prej çrregullimeve të shëndetit mendor mund të kurohen plotësisht.  Ndërsa ¼ e tyre fëmijët e trashëgojnë  dhe në moshë madhore./ABC News Albania 24/7

mjekte-1280x723.jpg
ad min17:00 | 17/08/2019

Sipas mediave ruse, mjekët që u kujdesën për të plagosurit gjatë shpërthimit në bazën ushtarake në veri të Rusisë, kanë rezultuar pozitivë ndaj radioaktivitetit. Personeli i spitalit në mënyrë anonime ka denoncuar faktin se askush nuk i informoi për situatën në mënyrë që të merreshin masa mbrojtëse.

Kur personat e mbetur të plagosur si pasojë e shpërthimit në bazën ushtarake në ekstrem të veriut rus mbërritën në spitalin e Arkhangelsk, mjekët nuk u informuan se pacientët ishin radioaktivë dhe asnjeri nuk u tha atyre të merrnin masa mbrojtëse. Deklarata u bë nga një nga kirurgët e strukturës në një intervistë për Moska Times. Pas shpërthimit niveli i radioaktivitetit në rajon ishte 20 herë më shumë se ai normal.

Media ruse më tej raporton se autoritetet ruse po mbajnë sekret rrethanat e shpërthimit, duke shtuar se reagimi ndaj rastit ngjan shumë me qëndrimin e mbajtur pas asaj që ndodhi në Çernobil. Mjekët e spitalit, duke folur në mënyrë anonime u shprehën se specialistët të cilët mjekuan të plagosurit në shpërthim morën një kërkesë nga shërbimet e inteligjencës për të firmosur një marrëveshje rezervimi, që u ndalon atyre të flasin për atë që ka ndodhur.

Ata theksuan se firmosja nuk ka qenë e detyrueshme por ishin të paktë ata që nuk firmosën. Një nga mjekët konfirmoi se personeli i spitalit është shumë i zemëruar për shkak të mungesës së informacioneve./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono