mjekë

semunshmeria.jpg
ad min15:39 | 25/09/2019

Me ndryshimin e motit ndryshon sëmundshmëria. Për shkak të infeksioneve virale vetëm në Shërbimin Infektiv në Qendrën Spitalore “Nënë Tereza” në Tiranë, çdo ditë kërkojnë ndihmën e mjekëve rreth 100 persona. Mjekja Najada Çomo jep këshillat për t’u mbrojtur nga virozat.

Luhatjet e temperaturave gjatë 24 orëve shumë persona i kanë përballur me infeksionet virale. Vetëm në Shërbimin Infektiv në Qendrën Spitalore “Nënë Tereza” në Tiranë çdo ditë kërkojnë ndihmën e mjekut rreth 100 pacientë.

Mjekët tregojnë se për shkak të komplikacioneve një pjesë e tyre qëndrojnë në spital. Ndërsa presin që fluksi i pacientëve të jetë më i lartë muajin që vjen bluzat e bardha apelojnë për kujdes të shtuar me higjienën personale.

Me ndryshimin e motit ka ndryshuar dhe sëmundshmëria. Mjekët tregojnë se vjeshta e nxehtë ndikoi që shumë persona të shfaqnin probleme me aparatin tretës deri në fillim të Shtatorit./ABC News Albania 24/7

rexhina-debrova-1280x785.jpg
ad min13:15 | 23/04/2019

Menjëherë pas arrestimit policia ka marrë në pyetje dy mjekët që dyshohen për mjekim të pakujdesshëm. Por që të dy ata kanë mohuar akuzat dhe kanë këmbëngulur që 25-vjeçarja pësoi një patologji të rrallë.  

Kardiologu dhe Reanimatori akuzohen për mjekim të pakujdesshëm dhe dosja e tyre u dërgua në Gjykatën e Elbasanit ku dhe do të caktohet masa e sigurisë.

Në dëshminë e tyre Mehmet Ibaj 54 vjeç dhe Niko Thana 60 vjeç nuk kanë pranuar akuzat ndaj tyre kërkuan lirim të menjëhershëm.

Ata kanë thënë se 25-vjeçarja Rexhina Debrova  gjatë operacionit për lindjen e fëmijës, ndërroi jetë si pasojë e një patologjie që hyn në rastet e rralla të komplikacioneve.

Në të njëjtën linjë me dëshmitë e mjekeve ishte dhe reagimi i Spitalit të Elbasanit menjëherë pas ngjarjes. “Pacientja ka ardhur me urgjencë në spital, me barrë të vonuar 42-javëshe dhe është futur në sallë, ku mjekët asistuan lindjen e fëmijës. Nëna e re dyshohet se pësoi komplikacion postoperator “trombemboli pulmonare” i ashtuquajtur infarkt mushkërie”, thuhet deklaratën zyrtare.

Policia kishte shoqëruar dhe dy infermierë që asistuan në operacionin e Deborvës, por mëngjesin e së martës ato u lënë të lirë. Do jetë ekspertiza shkencore mjeko-ligjore ajo që do të përcaktojë shkaqet e vdekjes dhe nëse kanë pasur apo jo faj mjekët.  Familjaret e të ndjerës reaguan ashpër dhe kanë kërkuar të zbardhin shkaqet e vdekjes të gruas 25 vjeçare. Ata kanë akuzuar mjeket për neglizhencë dhe mungesë profesionalizmi./abcnews.al

SINKRON-SPIROPALI-PER-THUMANE-KASHAR.mpg_snapshot_00.34-1280x720.jpg
ad min15:54 | 04/04/2019

Ministrja e Shtetit për Marrëdhëniet me Parlamentin njëherazi edhe zëdhënëse e qeverisë, Elisa Spiropali, i përgjigjet ish-deputetes demokrate Albana Vokshi.

Përmes një postimi në  rrjetin social Twitter, ministrja Spiropali sqaron se pagat e muajit Prill paguhen në Maj, kur dhe do të jetë e reflektuar rritja për mësues e mjekë.

“Si duket, dalja nga Parlamenti shkaktoka probleme serioze edhe me njohuritë mbi institucionet e tjera shtetërore”, shkruan ministrja Elisa Spiropali në rrjetet sociale./abcnews.al

kucove-1280x691.jpg
ent ela16:43 | 31/03/2019

Merr jetë spitali i Kuçovës duke punësuar mjekë të rinj specialist. Ministrja e Shëndetësisë dhe Mbrojtjes Sociale, Ogerta Manasirliu, ka vizituar spitalin ku u prezantua me trupën e kujdesit shëndetësor dhe ka deklaruar se të gjitha spitalet rajonale, do të kenë mjekët përkatës duke investuar në infrastrukturë dhe burime njerëzore.

Spitali i Kuçovës merr jetë me punësimin e mjekëve të ri të specializuar. Qytetarët tashmë kanë mundësi të kryejnë vizitat dhe kontrollet e tyre mjekësore në spitalin e qytetit pa qenë nevojë të udhëtojnë në rrethe.

Për here të pare në këtë spital ofrohen shërbimet e mjekësisë interne dhe gjinekologjike. Ministrja e Shëndetësisë dhe Mbrojtjes Sociale, Ogerta Manastirliu, ka deklaruar se po investohet në spitalet rajonale, për të garantuar shërbimin bazë afër vendbanimit duke investuar në infrastrukturë dhe burime njerëzore edhe në spitalet bashkiake.

“Jam shumë e kënaqur që spitali i Kuçovës, deri dje një ngrehinë e harruar, po investohet jo vetëm në infrastrukturë të përmirësuar, por mbi të gjitha, në burime njerëzore. Tre mjeke të reja specialiste, në shërbimin e Pediatrisë, Gjinekologjisë dhe Sëmundjeve të Brendshme tashmë janë pjesë e këtij spitali, duke jetësuar dhe fuqizuar shërbimet e specializuara në këtë spital bashkiak”.

Është shënuar lindja e parë në këtë spital pas shumë vitesh me punësimit e mjekes gjinekologe si edhe specialisti i sëmundjeve të brendshme dhe mjekut pediatër do të bëjnë të mundur që banorët të marrin suportin mjekësor.

“Me planin tonë të racionalizimit të spitaleve, do të transformojmë spitalet bashkiake në qendra 24 orëshe, duke garantuar paketën e shërbimeve bazë në çdo spital”, u shpreh Manastirliu.

Po ashtu, pritet që 168 mjekë specialist të punësohen në të gjitha spitalet rajonale në vend duke plotësuar nevojat e shqiptarëve./abcnews.al

femije-1.jpg
ad min16:33 | 29/03/2019

Duket se përdorimi i vazhdueshëm i mjeteve elektronike nga fëmijët ka ngritur alarmin e mjekeve për dëmet serioze që ato shkaktojnë në shikimin e të vegjëlve. Mjekët specialistë bëjnë apel që prindërit të bëjnë kujdes dhe mos të lejojnë të vegjlit që të përdorin pajisjet elektronike pa kriter.

Mjetet elektronike si smartphonet apo iPad-ët, të cilat u lihen në dorë fëmijëve kanë rritur numrin e atyre që kanë probleme me shikimin dhe me disa komplikacione të tjera.

Mjekët specialistë konfirmojnë dëmin që shkaktohet nga rrezet e pajisjeve elektronike kryesisht tek fëmijët apo moshat edhe më madhore, duke renditur edhe disa nga komplikacionet.

Nora Burda, mjeke okuliste: Janë bërë shumë studime dhe është parë që incidenca e rasteve me zhvillim ose një përshkallëzim të shfaqjeve rasteve të personave që kanë nevojë për syze është rritur shumë këto kohët e fundit që filluar të zhvillohet teknologjia. Rastet në katarakt janë rritur shumë. Është një lloj sëmundje tjetër që është rritur shumë lidhur me pasojën e dëmtimit toksik që kanë këto light blu që shkojnë në retinë, sepse syri nuk ka barrierë që t’i ndalojë këto rreze të perceptohen dhe përthithen. Gjithë ditën me smartphone dhe kjo u jep njerëzve një lodhje të syve, fluktuacion të pamjes, sindromë të syrit të thatë, një far pickimi, djegie. Përpos kësaj këta persona ndiejnë dhimbje edhe në muskuj e qafës dhe të shtyllës kurrizore për shkak të posturës që kanë që rrinë tërë ditën me smartphone.

Mjekët kritikojnë prindërit, pasi për shkak të angazhimeve të tyre, lënë disi pas dore fëmijët duke u dhënë atyre në dorë për orë të tëra telefonin apo pajisje të tjera elektronike.

Nora Burda: Tek fëmijët e keni parë që nënat që t’i vjenë fëmijët të flenë dhe të hanë u japin smartphona dhe kjo ndikon shumë keq. Fëmijët nga mosha 2 deri në 6 vjeç mund të përdorin 20 minuta smartphonin.

Sipas mjekëve ndonëse ka një ndërgjegjësim në rritje nga ana e prindërve, sërish fëmijët kalojnë orë të zgjatura para kompjuterit apo telefonit dhe duke dëmtuar në mënyrë të vazhdueshme shikimin dhe shëndetin./abcnews.al

mjeket.jpg
ad min11:35 | 12/03/2019

Mjekët e QSUT-së kanë zgjedhur që edhe gjatë kësaj të marte të pezullojnë punën e tyre përreth 1 orë, duke protestuar kundër dhunës që është ushtruar ndaj kolegëve të tyre. Në mbështetje të mjekëve ka dalë edhe Ministria e Shëndetësisë, e cila kërkon ashpërsim të kodit penal ndaj dhunuesve.

Një ditë pas specializantëve, ishte radha e mjekëve të QSUT-së për të protestuar për rastet e dhunës, të shënuara javët e fundit ndaj bluzave të bardha. Shqetësim për ta janë edhe kushtet e punës.

Arjan Harxhi, mjek QSUT: Sot është koha për të ngritur me të madhe zërin për të thënë fort, qartë dhe me empati: Dhuna nuk është pjesë e punës sonë. Ky është mesazhi dhe apeli që bashkësia jonë e personelit mjekësor duam t’ju përcjellim fuqishëm opinionit publik dhe politikbërësve. Duhet të jetë e qartë që vandalizmi dhe dhuna ndaj personelit në detyrë është një krim penal dhe shoqëri e civilizuar duhet të ketë tolerancë zero ndaj akteve të tilla të urryera.

Tritan Kalo, mjek QSUT: Dhuna është shndërruar në një sëmundje kronikë në Shqipëri dhe na takon ne radhë të parë ta parandalojmë. Populli duhet ta ketë qartë që nuk janë mjekët ata që krijojnë probleme, por janë probleme që lidhen me politikat lartë. Mjekët janë këtu për t’u shërbyer njerëzve. Mjeku është figurë e shenjtë. Nëse dikush shkel fushën e blertë në futboll, kërkohet të dënohet tre vjet nga kryeministri, ai që cenon figurën e mjekut ka pak 30 vjet burg.

Ministrja e Shëndetësisë solidarizohet me ta e përmes zëvendësministres Mira Rakacolli, paralajmëron ndryshime ligjore për të ashpërsuar dënimet për agresorët e bluzave të bardha.

Mira Rakacolli, zv.ministre e Shëndetësisë: Jam këtu për të protestuar krah mjekëve sepse për ne është e papranueshme dhuna ndaj bluzave të bardha. Po kërkohen ndryshime në Kodin Penal që e mbrojnë figurnë e mjekut dhe i bëjnë më të rënda masat për ata persona që ushtrojnë dhunë në ambientin ku mjekët punojnë. Nga ana tjetër, po kërkojmë me insistim zbatimin e ri të regjimit të sigurisë që po vendoset nëpër spitale dhe të cilët bëjnë që pacientëve ti krijojnë kushte që mjekëtë të punojnë më me qetësi dhe trë japin shërbimet e tyre më me qetësi dhe më me cilësi.

Mjekët apelojnë se shteti duhet të marrë masa për t’iu garantuar atyre sigurinë gjatë orarit të punës, kushte e pagë më të mirë dhe paralajmërojnë vijim të protestës./abcnews.al

shkoder-1.jpg
ad min09:45 | 12/03/2019

Protesta të mjekëve pati edhe në Shkodër e në Durrës. Ata kërkojnë jo thjeshtë të mbrohen, por edhe rritje të pagave, ndërkohë që nesër të tjera protesta do të ketë.

Duan të mbrohen edhe të mos shikohen si e keqja në këtë vend. Mjekët në Shkodër protestuan për afro një orë. Ata kërkojnë dënime të ashpra për dhunuesit. Në Shkodër janë regjistruar dy raste të renda të agresionit ndaj mjekëve.

Protestë pati edhe në Durrës. Mjekët aty besojnë se dhuna ndaj tyre nuk është më rast, por është kthyer në fenomen. Përveç kësaj, ata i kërkojnë Ministrisë së Shëndetësisë kushte pune dhe rritje pagash.

Të mërkurën protesta të mjekëve do të ketë edhe në spitale të tjera të vendit. Bluzat e bardha në të gjithë vendin do të dalin me kërkesa të përbashkëta të përpiluar në një dokument zyrtar.

Shqetësimi i mjekëve u rrit pas shtimit të rasteve të dhunës dhe akuzave ndaj tyre. Rasti më i rëndë ishte ai i mjekut në Lezhë, i cili përfundoi në spital në Tiranë./abcnews.al

53283316_637544723368248_4901177993977659392_o-1280x853.jpg
ent ela11:07 | 26/02/2019

Pas punësimit të 54 mjekëve të përgjithshëm, ekipit të qendrave shëndetësore dhe ambulancave në vend i shtohen dhe 12 mjekë të rinj. Ata u pritën nga Ministrja e Shendetesise dhe Mbrojtjes Sociale Ogerta Manastirliu e cila inkurajoi që të vendosin një raport të ri mjekë- pacientë. Për këtë çështje  Manastirliu deklaroi se pjesë e edukimit në vazhdim të mjekëve do të jetë dhe komunikimi dhe etika në punë. Ndërkohë ministjra e Shëndetësisë iu tha bluzave të bardha se duke filluar nga muaji prill do të nis rritja e pagave prej 7% për rreth 18 mije e 400  punonjës të shëndetësisë, mes të cilëve 4,650 mjekë dhe 13 mijë e 700 infermierë.

mjeke-te-rinj.jpg
ad min15:18 | 20/02/2019

Ministrja e Shëndetësisë dhe Mbrojtjes Sociale, Ogerta Manastirliu, ka bërë të ditur se duke filluar nga sot, në sistemin e kujdesit shëndetësor parësor do të punësohen 54 mjekë të rinj.

Sipas ministres, mjekët e rinj të familjes do plotësojnë një pjesë të mirë të nevojave edhe në qendra shëndetësore të zonave të thella, e konkretisht në Kukës, Dibër, Fier, Gramsh, Poliçan në Skrapar.

Ministrja e Shëndetësisë garantoi se mjekët do të mbështeten edhe me rritjen e pagave, ku sipas saj prej muajit Prill nis rritja e pagave 7% për të gjithë punonjësit e shëndetësisë./abcnews.al

mjeket-e-rinj.jpg
ad min20:26 | 18/02/2019

Një tjetër portal punësimi do të jetë gati shumë shpejt. Pas “Mësues për Shqipërinë” vjen “Mjekë për Shqipërinë”. Ministrja e Shëndetësisë dhe Mbrojtjes Sociale, Ogerta Manastirliu, e bëri të ditur nga Paskuqani, ku inspektoi një qendër shëndetësore që ka përfunduar së rikonstruktuari.

“103 mjekë familje kanë aplikuar për t’u punësuar në sistemin shëndetësor parësor dhe pritet të punësohen në qendrat shëndetësore dhe pikat e ambulancave në të gjithë vendin brenda muajit Shkurt”.

Ministrja e Shëndetësisë dhe Mbrojtjes Sociale, Ogerta Manastirliu, e bëri të ditur gjatë inspektimit të punimeve të kryera për rehabilitimin e një qendre shëndetësore në zonën e Paskuqanit. Shumë shpejt tha ministrja do të jetë gati dhe platforma “Mjekë për Shqipërinë”.

“Është një thirrje për çdo mjek që sapo është diplomuar dhe pritet të marrë licensën e ushtrimit të profesionit si dhe për çdo mjek që do të punësohet qoftë në qendra shëndetësore apo edhe spitale, të aplikojë për t’u punësuar në sistemin publik”

Qendra Shëndetësore Babrru është rikonstruktuar plotësisht në kuadër të programit kombëtar të rehabilitimit të 300 qendrave shëndetësore. Ajo ofron një standard të ri shërbimi për rreth 10 mijë banorët e kësaj zone./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono