Mitat Tola

MITAT-TOLA1-1280x720.jpg
ent ela16:09 | 17/08/2018

Duke marrë shkas nga tragjedia e Xhenovas, Policia Rrugore ka nisur verifikimin e të gjitha urave në vend, nëse janë të pajisura me tabela që tregojnë peshën e lejuar. Kreu i Policisë Rrugore, Mitat Tola, paralajmëroi monitorim të rreptë të zbatimit të këtyre tabelave për të shmangur dëmtimet e urave.

Tragjedia e ndodhur në Genova, Itali, pas shembjes së urës “Morandi” ka vënë në lëvizje autoritetet e Policisë Rrugore në Shqipëri. Kjo strukturë po verifikon të gjitha urat e vendit për pajisjen ose jo të tyre me tabelat sinjalizuese që tregojnë peshën e lejuar.

“Javën në mbyllje dhe javët në vijim, shërbimi i Policisë Rrugore në bashkëpunim me “Autoritetin Rrugor Shqiptar”, ka filluar inspektimin e sistemeve të sinjalizimit vertikal dhe horizontal mbi tregimin e peshës së lejuar të mjeteve mbi ura si dhe në përbërje të grupeve teknike të inspektimit edhe për të verifikuar gjendjen e këtyre strukturave dhe të elementeve të sigurisë”.

Tola foli për monitorim të rreptë kundër ngarkesave që tejkalojnë peshën e lejuar në urë.

“Shërbimi i Policisë Rrugore do të monitorojë në mënyrë të rreptë tejkalimet e peshave të ngarkesave të mjeteve, për të shmangur dëmtimet dhe respektimin e ligjit duke ‘prodhurar’ me shumë siguri rrugore”.

Duke evidentuar disa raste të bllokimit dhe ngadalësime të trafikut në disa akse të vendit për shkak të fluksit të shtuar nga pushuesit kreu i Rrugores nënvizoi angazhimin maksimal të Policisë Rrugore në datat 19-24 gusht për “Pelegrinazhin në Malin e Tomorit”.

 “Nisur nga kushtet e segmenteve rrugore që të çojnë në atë destinacion malor, veçanërisht segmentet rrugore që lidhin aksin rrugor Berat – Skrapar me vendin e kultit – malin Tomor, Drejtoria e Policisë Rrugore në mbështetje të Drejtorisë Vendore të Policisë Berat, kërkon vëmëndjen e drejtuesve të mjeteve për një drejtim më të kujdesshëm të mjetit, mospërdorimin e pijeve alkoolike, duke treguar kujdes maksimal, për shkak edhe të kushteve të rrugës”. /abcnews.al

 

 

 

POLICIA-PER-TRAFIKUN-1280x720.jpg
G. P.18:58 | 13/08/2018

Më pak shkelje të rregullave të qarkullimit rrugor nga ana e drejtuesve të automjeteve konstaton Policia përgjatë 72 orëve. Megjithatë, Drejtori i Policisë Rrugore në të dhënat që publikoi, tha se pavarësisht Apelit për respektim të ligjit sërish janë ndëshkuar 73 drejtues mjetesh.

Në një deklaratë për media drejtori i Policisë Rrugore Mithat Tola në një  analizë paraprake të situatës në akset dhe segmentet rrugore të vendit ka konstatuar se drejtuesit e automjeteve në fundjavë kanë qarkulluar në mënyrë korrekte në kolonë për shkak të mbingarkesës si dhe rrugëve të ngushta dytësore, ndërsa pë rata që kanë kryer parakalim përmes korsisë në sens të kundërt, Policia Rrugore ka vendosur gjobat sips parashikimit ligjor.

“Dua të informoj se mjete të uniformuara me simbolet e policisë dhe mjete jo të uniformuara të Policisë së Shtetit kanë qarkulluar “në kolonë me mjetet e tjera” në segmentet turistike me ngarkesë të madhe trafiku dhe kanë evidentuar këtë kategori drejtuesish mjeti në shkelje të hapur të normave të sjelljes, duke i transmetuar targat e mjeteve “kundravajtëse” shërbimeve të tjera të policise, të cilat kanë bërë ndalimin dhe ndëshkimin e kundravajtësve sipas dispozitës sipërpërmendur”.

73 drejtues mjetesh në 72 orë janë ndështuar për këtë shkelje, theksoi ai.

Aksioni i Policisë Rrugore këtë javë do të jetë kontrolli ndaj drejtuesve të mjeteve me dy rrota për mospërdorim të kaskove mbrojtëse; kontroll i drejtuesve të mjeteve që përdorin aparatet celularë gjatë drejtimit, tejkalimet e shpejtësisë, dhe respektimi i këmbësorëve nga drejtuesit e mjeteve në qendrat urbane. /abcnews.al

 

KRONIKE-MITAT-TOLA-PER-AKSIDENTET-ABC-M5-T2.mpg_snapshot_00.26-1280x720.jpg
ent ela18:56 | 10/08/2018

Tejkalimi i normave të lejuara të shpejtësisë është shkaku kryesor i aksidenteve që kanë ndodhur ditët e fundit. Në këtë përfundim ka arritur drejtori i përgjithshëm i policisë rrugore Mitat Tola. Në një deklaratë për mediat, Tola kërkoi të tregohet kujdes jo vetëm nga drejtuesit e mjeteve por edhe nga këmbësorët e drejtuesit e biçikletave.

Shpejtësia vazhdon të marrë jetë njerëzish. Thirrjen ndaj drejtuesëve të mjeteve që të tregojnë kujdes e bën drejtori i përgjitshmëm i policisë rrugore Mitat Tola.
Kujdes duhet të tregojnë edhe përdoruesit e biçikletave, motoçikletave dhe këmbësorëve. Jo në pak raste këta të fundit janë fajtorë.

Nisur nga aksidentet e fundit që kanë ndodhur në korrik dhe gusht ka një numër të evidentuar drejtuesesh femra që janë përfshirë në aksidente rrugore.
Vetëm javën e fundit janë 8 drejtuese mjeti femra të konstatuara në gjendje të dehur për të cilat ka filluar ndjekja penale.
Ndërkohë, policia rrugore vazhdon monitorimin në akset rrugore ku ka fluks lëvizjesh. Drejtori Tola kërkon zbatim të kodit rrugor me qëllim shmangien e aksidenteve./abcnews.al

MITAT-TOLA-ABC-1280x720.jpg
ent ela17:51 | 03/08/2018

Pas pesë aksidenteve të ndodhura një ditë më parë me pasojë vdekjen e 4 personave, 3 prej të cilëve ishin kalimtarë, ka reaguar edhe drejtori i Policisë Rrugore Mitat Tola. Ai u bëri apel drejtuesve të automjeteve, motorëve dhe këmbësorëve që të respektojnë shpejtësinë, të përdorin rripin e sigurimit, të mos përdorin celularin gjatë drejtimit të automjetit, të evitojnë sjelljet e rrezikshme në rrugë si parakalimet e gabuara dhe manovrat e papërshtatshme, ndërsa drejtuesit e motomjeteve të përdorin kaskën mbrojtëse.

Deklarata e plotë e Drejtor i Policisë Rrugore, Mithat Tola

“Policia Rrugore, masa shtesë për menaxhimin e trafikut në sezonin e verës dhe parandalimin e aksidenteve – 3 Korrik 2018

Në vijim të masave të marra nga ana e Policisë së Shtetit për garantimin e rendit dhe sigurisë gjatë sezonit turistik veror 2018, Drejtoria e Policisë Rrugore kërkon të tërheqë vëmendjen e përdoruesve të rrugës për ditët në vijim:

Pavarërisht të dhënave pozitive në tërësi të periudhës së deritanishme, për ngjarjet me pasoja në rrugë, nisur nga ngjarjet e tre ditëve të fundit, nisur edhe nga shkaqet e evidentuara të këtyre aksidenteve, kërkojmë të adresojmë shqetësimin tonë sa më poshtë: 

– Drejtoria e Policisë Rrugore tërheq vëmendjen e drejtuesve të mjeteve të rritin kujdesin në drejtimin e mjeteve në rrugë. Të moderojnë shpejtësinë, të evitojnë sjelljet e rrezikshme në rrugë si parakalimet e gabuara dhe manovrat e papërshtatshme;

– Bashkëatdhetarëve turistë që ndodhen me pushime në vendin tonë të marrin kohën e duhur për pushim dhe udhëtim, sidomos kur janë familjarisht në udhëtim me mjetet e tyre, të evitojnë përdorimin e pijeve alkoolike;

Policia Rrugore ka evidentuar faktin së në aksidentet me pasojë të evidentuara ditët e fundit, janë përfshirë këmbësorë – ndaj apelojmë këmbësorët:

– të respektojë me korrektësi rregullat e qarkullimit;

– të kalojnë në vijat e baradha dhe mbikalimet, pasi edhe nga vëzhgimet e patrullave të Policisë Rrugore në rrugë urbane dhe interurbane, shumica e këmbesoreve nuk i respektojnë ose i respektojnë pjesërisht normat e sjelljes në rrugë.

– Në qendrat e banuara dhe në zonat rurale një tjetër kategori drejtuesish mjetesh të përfshirë në aksidente, janë edhe drejtuesit e çiklomotoreve. Shërbimet e Policisë Rrugore po vazhdojnë kontrollet për këtë kategori mjetesh, me synim evidentimin e atyre shtetasve që i drejtojnë pa lejedrejtimi përkatëse, që nuk vendosin kaskon mbrojtëse.

Tërheqim vëmendjen e grupit të çiklomotoreve që janë të punësuar për llogari të bareve dhe restoranteve – duke kërkuar nga pronarët e subjektve, plotësimin e kushteve për këta drejtues, kasko dhe veshje reflektuese të personalizuara konform kërkesave të legjislacionit shqiptar;

Në të gjitha Drejtoritë e Qarqeve dhe veçanërisht në zonat bregdetare, Policia Rrugore është duke kryer shërbime me orë të shtuara, me qëllim përballimin e fluksit të madh të automjeteve që qarkullojnë në territorin e Republikës së Shqipërisë gjatë sezonit veror.

Gjatë muajit Korrik 2018, Policia Rrugore ka arrestuar 101 drejtues mjeti për drejtim mjeti në gjendje të dehur, 164 drejtues automjetesh për drejtim pa leje drejtimi.

Ndërkohë, janë ndëshkuar rreth 7 mijë drejtues mjetesh për përdorim të celularit gjatë drejtimit të mjetit etj.

Policia Rrugore apelon të gjithë drejtuesit e automjeteve që gjatë fundjavës, ku fluksi i lëvizjes do të vazhdojë të jetë më i shtuar në disa akse rrugore, kryesisht ato që të çojnë drejt zonave bregdetare të tregojnë kujdes, të respektojnë shpejtësinë, të përdorin rripin e sigurimit, të mos përdorin celularin gjatë drejtimt të automjetit, dërsa drejtuesit e motomjeteve të përdorin kaskën mbrojtëse.

Policia Rrugore do të vijojë bashkëpunimin me radiot me shtirje kombëtare, përmes së cilave shpërdahen njoftime të vlefshme për drejtuesit e mjeteve, gjatë kohës që udhëtojnë, duke i këshilluar dhe orientuar ata për akset me më tepër trafik”. /abcnews.al

 

 

mitat-tola.jpg
G. P.15:18 | 27/07/2018

Drejtori i policisë Rrugor Mitat Tola përmes një deklarate për mediat është shprehur se janë marrë masa shtesë për trafikun në sezonin e verës për të shmangur aksidentet. Ai theksoi se në të gjitha drejtoritë e qarqeve dhe veçanërisht në zonat bregdetare, Policia Rrugore është duke kryer shërbime me orë të shtuara, me qëllim përballimin e fluksit të madh të automjeteve që qarkullojnë në gjatë sezonit veror.

Fluksi i automjeteve në sezonin veror arrin kulmin sidomos në zonat bregdetare.

Për këtë arsye drejtori i Policisë Rrugore, Mitat Tola, evidentoi disa nga masat shtesë të ndërmarra për të shmangur aksidentet rrugore që në periudhën Korrik-Gusht gati trefishohen, krahasuar me muajt e tjerë të vitit.

Gjatë javës së fundit, Policia Rrugore ka arrestuar 85 drejtues automjetesh për drejtim në gjendje të dehur dhe 151 drejtues mjetesh janë arrestuar për mungesën e lejes së drejtimit. Janë gjobitur rreth 490 mijë drejtues mjetesh për shkelje të ndryshme të Kodit Rrugor, si tejkalim shpejtësie, parakalim i gabuar, mospërdorim i rripit të sigurimit, përdorim i celularit gjatë drejtimit të mjetit etj”.

Tola shtoi se përdorimi i rripit të sigurimit dhe respektimi i shpetësisë nga drejtuesit e automjeteve janë dy nga kriteret për të shmangur aksidentet në rrugë. Drejtori i Policisë Rrugore paralajmëroi se do vijojnë kontrolle gjatë fundjavës, pasi ka dhënë rezultat sidomos në ndërgjegjësimin e shoferëve për të mos përdorur pije alkoolike.

Në fund Policia Rrugore kërkon ndihmën e qytetarëve dhe medias që të denoncojnë çdo rast të abuzimit me detyrën nga ana e punonjësve të saj./abcnews.al

BYRO-POLITIKE-11-KORRIK-2018-1280x720.jpg
ent ela11:39 | 12/07/2018

Humbjet e jetëve në det, aksidentet në rrugë dhe masat e marra përgjatë sezonit turistik janë diskutuar në studion e “Byro Politike” me të ftuarit: Albert Dervishi Drejtori i Rendit Publik, Skënder Bratja, drejtor i urgjencës, Mitat Tola, drejtori i Policisë Rrugore dhe gazetari i ABC News Armand Bajrami.

Sipas drejtorit të Urgjencës, Skënder Bratja, pika kryesore është parandalimi, sensibilizimi dhe trajnimi për të dhënë ndihmën e parë.

Gazetari i ABC News, Armand Bajrami, ka folur në lidhje me ngjarjen e ndodhur në Dhërmi, ku u cënua siguria e turistëve dhe qytetarëve në një nga lokalet e natës.

Albert Dervishaj tha se ngjarja e Dhërmiut është nje vepër kriminale dhe shqetësuese për rendin dhe sigurinë publike.

Dervishaj theksoi se janë ngritur komisione që vlerësojnë rrezikun për çdo subjekt dhe për masa shtesë. Ligji sipas tij është në zbatim e sipër dhe nuk ka përfunduar.

Drejtori i Policisë Rrugore, Mitat Tola, u shpreh se në kohën e sezonit turistik ndodh eksod dhe rrjeti rrugor nuk është i përgatitur për flukse njerëzish të tillë. /abcnews.al

 

 

 

 

policaaa.jpg
G. P.14:15 | 10/06/2018

Duket se edhe në këtë sezon turistik veror, problemet e vitet të kaluar vijojnë të jenë të njëjta, si mospërfundimi akseve rrugore pranë zonave bregdetare apo edhe mungesat e sinjalistikës rrugore.

Në këtë sezon veror pushuesit që kanë zgjedhur zonat bregdetare, por edhe qytetet historike, problem kryesor për turistët do të jetë mospajisja me sinjalistikë të rrugëve, si ato vertikale apo holizontale.

Mitat Tola: “Problematik është të themi mos kompletimi me sinjalistikë. Vendosja e sinjalistikës nga ARRSH dhe entet-pronarë  të rrugëve e lehtëson trafikun. Eleminon dhe prezencën e punonjësit të policisë”.

Në një intervistë për ABC News, drejtori i Policisë Rrugore, Mitat Tola, shpjegon se kausi në trafik dhe radhët kilometrike krijohet edhe nga mospërfundimi i akseve kryesore në vend.

Mitat Tola: “Ne vazhdojmë të vuajmë një mosmbarim rrugësh, në mombarimin e unazës, aksit, të By-passit të Fierit, i cili na angazhon shumë forca policore pasi i gjithë jugu i Shqipërisë kanalizohet në atë rrugë”.

Sipas numrit një të Policisë Rrugore, në të gjitha akset rrugore pranë zonave bregdetare do të angazohen mbi 100 efektiv shtesënë, të cilët do të ndihmojnë në orientimin e pushuesve vendas e të huaj.

Mitat Tola: “Në të gjithë zonën bregdetare duke filluar nga Shkodra në drejtim të Sarandës por pa harruar dhe qytete si Berati, Gjirokastra dhe Pogradeci, ku fluksi i turistëve është i madh”.

Nga 15 Qershori deri me 15 Shtator, Policia e Rrugore ka hartuar planin e masave për mbarëvajtjen e sezonit turistik./abcnews.al

vlcsnap-error112-1-1280x719.jpg
us er12:45 | 19/11/2017

Drejtori i Policisë Rrugore, Mitat Tola, deklaroi se të hënën do të ketë kontroll të intensifikuar të mjeteve dhe sensibilizim në kuadër të “Ditës së Përkujtimit të viktimave nga aksidentet rrugore”. Ai u shpreh plani i masave, ka bërë që të ketë një numër më të ulët të aksidenteve, referuar 2016, por edhe 40 viktima më pak se në 2016.

Në ditën e përkujtimit të viktimave nga aksidentet rrugore, Drejtori i Policisë Rrugore Mitat Tola, deklaroi se të hënën fillon aksioni për të ndërgjegjësuar drejteusit e mjeteve, pasi numri i aksidenteve mbetet i lartë krahasuar me vendet e BE-së.

Një ndër shqetësimetm për nurmit 1 të policisë rrugore është edhe kthimi i emigrantëve për festat e fundvitit ku trafiku rëndohet dhe në të njëjtën kohë shtohen edhe aksidentet. Për këtë arsye Tola theksoi se policia rrugore do të përdorë 20 radarë që do të zhvendosen në akset me trafik.

Në fund Tola foli edhe për ndryshimet mbi rritjen e ndëshkimit për aksidentet rrugore me vdekje është përdorimi i celularit në drejtimin e automjetit./abcnews.al

 

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono