Mirsad Jonuz

Jonuz.jpg
Igli Nikolli17:54 | 07/11/2019

Java e 12-të e Kategorisë Superiore nis nesër me duelin Tirana-Vllaznia. Kjo përballje do të luhet pa tifozë, por mbetet klasikja e futbollit shqiptar pavarësisht problemeve që kanë hasur këto dy skuadra vitet e fundit. Kuqeblutë vijnë në këtë ndeshje nga dy humbje rresht dhe do të tentojnë të mos dalin pa pikë.

Mirsad Jonuz është dënuar me dy ndeshje pezullim për shkak të protestave kundër arbitrit në ndeshjen kundër Bylisit dhe nuk do të jetë i pranishëm në pankinë. Trajneri i ekipit shkodran prek disa tema gjatë konferencës për shtyp, teksa ka një mesazh për tifozët dhe lojtarët e ekipit.

SITUATA – “Duhet të bëjmë çdo gjë për ta kaluar këtë situatë ku jemi futur. Për mua është mëkat që do të luajmë pa tifozë. E njoh mirë Tiranën. Edhe ata kanë ndryshuar trajner dhe mënyrën e lojës. U kam kërkuar lojtarëve që të mos dekurajohen, por të luajnë edhe më fort. Kjo është krizë rezultatesh, por jo e gjendjes fizike të lojtarëve. Si skuadër luajmë më mirë jashtë, ndaj do të përpiqemi të marrim pikë edhe ndaj Tiranës”.

KUNDËRSHTARI – “Përballja me Tiranën është një sfidë shumë e madhe për lojtarët e mi. Besoj se janë të gatshëm që, pas dy humbjeve të fundit, të reagojnë. Kërkoj prej tyre të japin gjithçka nga vetja. Kam një mesazh edhe për tifozët: duhet të na përkrahin më tepër në këto momente të vështira”.

RIKTHIMET – “Për ndeshjen e radhës kthehet Gurishta, Ramadani dhe Hygor. Kur të mungojnë kaq shumë lojtarë është e vështirë për çdo skuadër. Tani e tutje do të vazhdojmë të përqendrohemi vetëm te ndeshjet. Nga sot nuk do të bëjmë asnjë koment ndaj vendimeve të federatës apo të arbitrave. Këto gjëra do t’ia lëmë personelit drejtues të klubit”.

FORMACIONI – “Të shohim se cilët lojtarë do të luajnë titullarë ndaj Tiranës. Kemi disa prej tyre me dy apo tre kartonë të verdhë. Kampionati nuk përfundon pas ndeshjes me Tiranën, duhet t’i bëjmë disa llogari, ndaj mos më pyesni për formacionin e nesërm”.

PEZULLIMI – “Para ndeshjes do ta përgatisim skuadrën. Marrëdhënia ime me ndihmësit është e ngushtë. Do të jemi në njëlloj kontakti gjatë lojës. Mendoj se edhe në këto kushte, lojtarët e dinë se çfarë kërkoj unë dhe do të dinë si të reagojnë në varësi të situatave”.

KTHESA – “Duhet të gjejmë zgjidhje dhe ta heqim nga koka këtë lloj frike. Lojtarët nga Shkodra duhet ta heqin nga vetja kompleksin e inferioritetit. Kam biseduar me lojtarët e mi. U kam thënë luani futboll, edhe nëse humbni 5-0. Vllaznia duhet të luajë si në ndeshjet e mëparshme dhe do të ketë sukses”. /abcnews.al

jonuz-1.jpg
Vladimir Prenga12:10 | 03/11/2019

Vllaznia kërkon rikthimin te rezultatet pozitive. Pas humbjes së pësuar me Laçin, shkodranët humbën lojtarë të rëndësishëm si Gurisha e Ramadani, të pezulluar me kartonë. Ndërkohë për arsye dëmtimi vazhdojnë të shqetësojnë Gligorov dhe Hygor. Trajneri Mirsad Jonuz e ka pranuar që do të aktivizojë të rinj. Në konferencën për shtyp ai analizoi kundërshtarin e radhës, Bylisin.

“Nesër luajmë një ndeshje interesante dhe të rëndësishme për ne. Kemi përballë Bylisin, një skuadër që ka më shumë pikë se ne dhe tashmë kemi 6 skuadra që kanë të njëjtat pikë. Ky kampionat po bëhet gjithnjë dhe më interesant. Një ditë skuadrat shkojnë poshtë në renditje, një ditë shkojnë lart. Duhet të kemi vazhdimësi”, tha Jonuz fillimisht.

Më tej ai shtoi: “Bylisi bën një lojë të mirë dhe me pasime. Kanë gati 8-9 lojtarë qëe prej dy vitesh luajnë bashkë dhe kanë marrë rezultate të mira me ekipe si Tirana e Partizani. Vllaznia nesër kërkon 3 pikët dhe lojtarët e mi do japin maksimumin. Besoj se do kemi edhe shumë tifozë që do na ndjekin”.

Në lidhje me ndryshimin  e datës së ndeshjes, Jonuz deklaron: “Është e njëjta gjë, si të luhet të shtunën, si të hënën. Problemi i vetëm ishte stadiumi”. Trajneri i Vllaznisë foli edhe për situatën në skuadrën e tij. “Kemi 4 mungesa. Hygor dhe Gligorov shpresoj të jenë gati për Tiranën. Kjo ndeshje do jetë shumë e rëndësishme, sepse Vllaznia dhe Bylisi luajnë pak a shumë të njëjtin futboll. Edhe te Bylisi kemi një trajner jugosllav, që vjen nga e njëjta shkollë. Nesër Vllaznia nuk ka shans tjetër veç fitores. Besoj se nesër do arrijmë të fitojmë”.

Jonuz iu kthye edhe përballjes së parë në Ballsh, që përfundoi në barazim pa gola: “Ishte fillimi i kampionatit, para 2 muajve e gjysmë. Bylisi kishte pak a shumë të njëjtat probleme si ne, lojtarë me kartonë e të dëmtuar. Nesër të dy ekipet do luajnë me lojtarë të rinj nga ndeshja e parë. Kam folur me lojtarët e mi, i kam dhënë një ditë pushim. Besoj se edhe lojtarët e rinj që do angazhohen nesër, do japin më të mirën”. /abcnews.al

mirsid-jonuz.jpg
Vladimir Prenga15:12 | 27/10/2019

Mirsad Jonuz, trajneri i Vllaznisë, para ndeshjes me Laçin deklaronte se në Laç shkonte për fitore, pasi barazimi nuk i bënte punë asnjërit ekip. Pas ndeshjes, në emisionin “Gol pas Goli” në Supersport u ndal tek ajo që ndodhi në fushën e blertë në takimin me kurbinasit.

“Humbja në transfertë? E kam thënë që është e vështirë të luash tre ndeshje në shtatë. Ishte ndeshje e rëndësishme sot. E vështirë të luash ndaj një klubi që kishte luajtur në Europë. Ne i kemi nisur vonë. Nuk ka rëndësi nëse humb 2-0 apo 3-0, është një humbje dhe duhet analizuar. E kam thënë para një jave që këto ndeshjet e këtyre javëve do të na jepnin përgjigjet që doja. Tani kemi një punë të madhe për të bërë”.

“Laçi luajti në kundërsulm. Humbëm një rast të mirë në pjesën e parë. Nwabueze shënoi dhe më pas ishte më e lehtë për Laçin, ata kanë një nga sulmuesit më të mirë. I kisha lënë Shehin ta mbulonte. Kemi një ndeshej të rëndësishme me Bylisin. Sot nuk luajtën dy lojtarë, kurse me Bylisin nuk do luajnë dy të tjerë. Do mundohemi të ndryshojmë diçka”.

“Shehi në dy raste humbi duelet me Nwabueze dhe pësuam. Janë gabime individuale, por kam besim te ky lojtar. Na mungoi Hygor dhe Gligorov, i cili është një nga lojtarët më të mirë tanët. Do kërkojmë të rikuperojmë diçka në ndeshjen e ardhshme. Jemi një familje dhe unë besoj te lojtarët e mi”. /abcnews.al

 

Jonuz.jpg
Vladimir Prenga12:58 | 26/10/2019

Vllaznia udhëton drejt Laçit nesër dhe kërkon të vijojë të marrë rezultatet pozitive jashtë fushe. Trajneri i kuqebluve, Mirsad Jonuz, thekson se një pikë nuk u bën punë, ndaj duan triumfin me bardhezinjtë e drejtuar nga Armando Cungu. Tekniku analizoi kundërshtarin në konferencën e sotme për shtyp, ndërkohë që foli edhe për gjendjen në skuadrën e tij.

SITUATA NË EKIP – “Ndodhemi në një periudhë kur skuadra ka zhvilluar dy takime në harkun e katër ditëve dhe ka një tjetër brenda javës. Të gjithë takimet kanë qenë të rëndësishme, ashtu siç është edhe takimi me Laçin. Nuk ka diferenca mes skuadrave. Të gjitha ndeshjet janë të vështira dhe të rëndësishme. Ne kemi rreth tre muaj që të gjithë lojtarët jemi bërë një dhe pas 9 javëve të para njihemi edhe më mirë me njëri-tjetrin. Ne kemi arritur që të komunikojmë mirë së bashku. Të dy skuadrave u duhen pikët. Por ajo që unë synoj është që Vllaznia të jetë një skuadër kompakte, që do të luajë kundër çdo kundërshtari”.

KUNDËRSHTARI – “Skuadra e Laçit mori pjesë në Kupat e Europës. Lojtarët e saj kanë luajtur gjatë gjithë verës. Para dy javësh kanë ndryshuar edhe trajnerin, duke futur më shumë cilësi tani në këtë skuadër. Skuadra ka mjaft kualitete. Ajo që shikohet është se nga takimi në takim ajo po luan edhe më mirë. Do ju kënaqte edhe një pikë në këtë sfidë? Nuk do t’i kryente punë asnjërës prej skuadrave një pikë. Ne shkojmë për ta fituar këtë takim. Sfidë me Cungun nesër? Nuk ka lidhje një gjë e tillë. Ai bën punën e tij, unë timen. Nuk është e habitshme që pas një farë kohe ai të jetë këtu dhe unë në një skuadër tjetër”.

DËMTIMET – “Për këtë takim do të marr 20 lojtarë. Dihet që nuk do të jenë Hygor e Gligorov, ndërsa të tjerët janë të gatshëm që të japim gjithçka në fushën e lojës. Ajo që për mua është me rëndësi në këtë lloj derbit të fqinjëve, është se këto dy skuadra janë mësuar si brenda dhe jashtë të humbin dhe të fitojnë pikë. Pas takimit me Flamurtarin, disa lojtarëve u kemi dhënë pushim për t’u rifreskuar. Me përjashtim të dyshes që përmenda më parë, të gjithë të tjerët janë të gatshëm. Do të shkojmë për të fituar tre pikët. Ajo që më kënaq është se lojtarët e Vllaznisë janë të gatshëm që të japin gjithçka nga vetja.

ECURIA NË TRANSFERTA – “Mendoj se do të vazhdojmë sërish kështu. Dy ndeshjet e humbura ndaj Tiranës dhe Partizanit ishin dy fatkeqësi për Vllazninë. Dihet se ndaj Tiranës ishte arbitri që ndikoi. Edhe në takimin ndaj Partizanit pjesërisht arbitri dhe pjesërisht gabimet individuale tonat”.

POZICIONI NË KLASIFIKIM – “Nuk ka rëndësi renditja në tabelë. Ne po ndërtojmë një skuadër të mirë dhe të stabilizuar. Pas takimit me Laçin kemi të tjera takime të forta, si me Bylisin e Tiranën. Pastaj do ta shikojmë sesi do të shkojë puna. Dëshira ime është që të fitojmë sa më shumë pikë në fazën e dytë”. /abcnews.al

jonuz.jpg
Veronik Istrefaj18:18 | 23/10/2019

Trajneri i Vllaznisë, Mirsad Jonuz, ka folur për Supersport pas ndeshjes kundër Flamurtarit, ku u shpreh shumë i lumtur për fitoren. Në fjalën e tij, tekniku tha:

NDESHJA – “Ishte një ndeshje shumë e rëndësishme për ne, pasi luanim jashtë shtëpisë pas ndeshjes me Partizanin. Kjo ndeshje ishte e barabartë dhe rezultati po shkonte drejt barazimit. Kjo sfidë ishte më shumë psikologjike. Flamurtari ka ekip të mirë, disa lojtarë të shkëlqyer, por pas kartonit të kuq, fola në dhomat e zhveshjes se si të luajmë në pjesën e dytë. Bëmë disa ndryshime”.

FORMACIONI – “Do të luajmë me Laçin, është shumë e vështirë të luajnë të njëjtët futbollistë. Do të bëjmë ndryshime gjithmonë. Sot aktivizova lojtarë të rinj dhe jam shumë i gëzuar që fituan, pasi ishte një sfidë shumë e vështirë. Duhet të fitojmë sa më shumë, pasi deri më tani kemi vetëm 15 pikë. Në fund të ndeshjes, nuk është e rëndësishme 2-1 apo 3-1, por vetëm të marrim tre pikët. Kjo është e rëndësishme për Vllazninë”.

OBJEKTIVI – “E kam thënë më përpara, mos shikoni renditjen, çdo gjë është abstrakte. Gjithçka mund të ndryshojë me një fitore apo humbje. Kualiteti i kundërshtarëve është shumë i mirë. Duhet të vazhdojmë të punojmë dhe jam shumë i lumtur që lojtarët dhanë gjithçka në fushë. Luajme me Laçin, Bylisin dhe Tiranën. Ne duam të marrim 6-7 pikë në këto tri ndeshje”.

MARRËDHËNIET – “Kam relata të mira me drejtuesit, por në fillim të punës time, jam unë komandat i skuadrës. Kam një grup të mirë dhe besoj te lojtarët e mi”, përfundoi Jonuz. /abcnews.al

Jonuz.jpg
Vladimir Prenga19:37 | 19/10/2019

Vllaznia u mund në fund nga Partizani dhe trajneri Mirsad Jonuz në lidhjen direkte me emisionin “Gol pas Goli” në Supersport deklaroi: “Uroj portierin e Partizanit, pasi ishte njeriu i ndeshjes. Patëm dy raste me Likën dhe Shtubinën, por ai i priri. Ai ishte fituesi. Nuk kam çfarë të them për portierin tonë, që gaboi dy herë. Unë besoj tek ai dhe e mbështes, si dhe gjithë lojtarët. Ishte një ndeshje e barabartë. Kam parë 2-3 gabime të arbitrit në pjesën e parë. Ky është futbolli.

Është humbje e madhe për ne. Ndryshova 3 lojtarë, pasi Gligorov se ishte i lodhur. Më pas nxora Shtubinën. Duhet të vazhdojmë të punojmë dhe i përgëzoj lojtarët e mi, pasi dhanë maksimumin. Ky është futbolli”.

“E thashë një ditë më parë, që pesë ndeshjet e radhës janë shumë të rëndësishme. Kemi një ekip të ri dhe këto katër ndeshje do shoh çdo gjë në skuadrën time. Besoj tek ekipi dhe do t;u jap shansin të gjithëve të luajnë”.

“Ndoshta është problem psikologjik kur luajmë me kaq shumë fansa. Më shumë se gjysma janë nga Shkodra dhe ndoshta do duhet të punoj në aspektin psikologjik. Është bukur të luash para kaq shumë tifozëve dhe i falënderoj ata. Na ndodhi e njëjta gjë, si me Tiranës, ashtu edhe me Partizanin. E di që nuk shkon diçka, por nuk dua të flas tani”. /abcnews.al

jonuz-1.jpg
Vladimir Prenga13:09 | 18/10/2019

“Dua të flas për ndeshjen me Partizanin, që është shumë e rëndësishme. Pas kësaj ndeshje kemi sfidat me Laçin dhe Flamurtarin dhe dy ndeshje të tjera. Është një muaj i rëndësishëm për klubin dhe lojtarët” shprehet Mirsad Jonuz, trajneri i Vllaznisë, në fillim të konferencës për shtyp para ndeshjes me Partizanin.  Tekniku i kuqebluve flet më pas edhe për kundërshtarin, që e vlerëson maksimalisht.

“Partizani është ekipi kampion, janë ekip i mirë dhe kanë trajneri shumë të mirë. Asanin dhe Belicën i njoh. Vijmë pas dy fitoreve dhe psikologjikisht jemi mirë. Është situatë ndryshe pas dy ndeshjeve të para. Kemi luajtur disa ndeshje së bashku dhe lojtarët janë në maksimumin e tyre.  Nesër presim sa më shumë tifozë në stadium. Shpresoj të dalim të gjithë të lumtur. Kërkoj nga lojtarët e mi që të japin maksimumin. E kam parë Partizanin në video dhe në stadium. Kam folur me lojtarët për Partizanin dhe nesër kemi një surprizë për ta. Nuk ua them tani”.

KËRKESA – “Pres çdo gjë nga kjo ndeshje. Ata ndryshojnë shpesh taktikisht, herë luajnë me tre mbrojtës, herë me katër. Ka raste që luajnë me tre ose dy sulmues. E rëndësishme është që kemi shumë lojtarë që luajnë në disa pozicione dhe mund t’i përdorim kudo. Kam një mesazh për lojtarët dhe fansat: të kenë vetëkontroll. Lojtarët të jenë të lidhur dhe të kenë kujdes në 20 minutat e para. Nuk ka eufori, është një ndeshje si të tjerat, tre pikë të japin ndeshjet me këdo. Nëse fitojmë atëherë do të jetë një situatë e mirë për të gjithë”.

ÇINARI DHE FORMACIONI – “Nuk është i rëndësishëm Çinari apo Asani, por i gjithë ekipi. Nuk flitet vetëm për një lojtar. Nuk kemi aspak presion, është vetëm fillimi i kampionatit. Formacioni. Nuk flas për të sot. Nuk e di nëse më kënaq barazimi. Unë luaj për të fituar”.

KRAHASIMI ME LERDËN – “Kemi komplet filozofi ndryshe me italianët. Ne ballkanasit jemi të ngjashëm. Gjoka ka shkuar te Shkëndija, disa nga Maqedonia janë në Kosovë dhe këtu. Jemi të njëjtë ne ballkanasit, kurse italianët janë ndryshe”.

TITULLI – “Një fitore ju ngacmon për titullin? Është vetëm fillimi, është bukur. E thasë edhe më parë, këtë muaj duhet të shohim shumë gjëra. Bën mirë për lojtarët dhe të gjithë që të kemi vazhdimësi. Pas pesë ndeshjeve këtë muaj presim të shohim situatën. E kam thënë se kjio skuadër ka nevojë për punë. Unë nuk jam magjistar”. /abcnews.

jonuz-me-eto.jpg
Vladimir Prenga14:33 | 10/10/2019

Mirsad Jonuz ka lënë Katarin dhe është rikthyer në qytetin e Shkodrës. Tekniku nga Maqedonia e Veriut ka dalë sot në stërvitje me ekipin dhe po përqendrohet te puna me futbollistët, që të jenë gati për ndeshjen e radhës me Partizanin.

Klubi shkodran zbulon se Jonuz ka ftuar personalitete si Samuel Eto’o dhe Santiago Solari të vizitojnë Shkodrën dhe Vllazninë. “Tekniku ka qenë i autorizuar nga Klubi i Futbollit Vllaznia për të biseduar dhe gjetur ura bashkëpunimi me klube të ndryshme. Nga sa ka bërë të ditur vetë ai pas kthimit në Shkodër, ka patur biseda edhe me personalitete të tilla të futbollit si Samuel Eto dhe Santiago Solari, të cilët madje i ka ftuar që në një të ardhme të afërt të jenë në Shkodër.

Ftesa është mirëpritur nga ana e tyre dhe është lënë që bisedohet sërish në të ardhmen për detaje të tjera. Po ashtu, një ftesë i është bërë edhe zëvendëspresidentit të Akademisë ‘Aspire’ të Dohas, Tarik Aziz, një prej më të mëdhave në Botë, për të bashkëpunuar me Vllazninë. Edhe ai po ashtu e ka mirëpritur një ftesë të tillë”, thuhet në njoftimin e klubit shkodran. /abcnews.al

Jonuz dhe Tarik Aziz, zëvendëspresidenti i Akademisë ‘Aspire’ në Doha
jonuz-me-eto.jpg
Vladimir Prenga12:13 | 09/10/2019

Vllaznia e Mirsad Jonuz i ka habitur të gjithë, ndërkohë që ka vlerësime mjaft pozitive edhe për trajnerin me origjinë boshnjake të kuqebluve. Së fundmi ai është larguar nga Shqipëria dhe ndodhet në Katar, aty po merr pjesë në një aktivitet të rëndësishëm.

“Trajneri i Vllaznisë, Mirsad Jonuz, prej dy ditësh ndodhet në Doha të Katarit, aty ku po merr pjesë në një samit botëror të organizuar nga ‘Aspire Academy’ të titulluar ‘Performanca e futbollit dhe shkenca’. Ai është ftuar në këtë samit nga drejtuesit e kësaj Akademie, për të qenë i pranishëm bashkë me shumë personalitete të tjera të futbollit botëror dhe përfaqësues të shumë klubeve dhe federatave nga vende të ndryshme.

Jonuz ka shfrytëzuar ndërprerjen e kampionatit tonë këtë javë dhe ka udhëtuar drejt Katarit për të marrë pjesë në këtë eveniment shumë të rëndësishëm ku në rolin e lektorëve kanë qenë emra të tillë si Mauricio Pochettino, Felix Sanchez, Hernan Crespo, Heimir Hallgrimsson, Slavisa Jokanoviç etj.

Trajneri i ekipit kuqeblu, po ashtu, ka zhvilluar edhe shumë takime duke biseduar për mundësinë e krijimit të urave të bashkëpunimit me Vllazninë. Samiti përfundon sot dhe trajneri Mirsad Jonuz do të kthehet menjëherë në Shkodër për të vijuar punën me ekipin dhe përgatitjet për ndeshjen e radhës me Partizanin”, njofton klubi i Vllaznisë. /abcnews.al

jonuz.jpg
Vladimir Prenga14:26 | 05/10/2019

Vllaznia është skuadra e vetme që këtë sezon vetëm në një ndeshje ka pësuar gol dhe do tentojë edhe në sfidën me Kukësin sërish ta mbajë portën e paprekur. Shkodranët duan të marrin pikë në Elbasan dhe trajneri Mirsad Jonuz e largon presionin nga skuadra e tij.

“Sfida me Kukësin nuk është aspak e vështirë. Ne nuk kemi se çfarë të humbim, mundemi vetëm të fitojmë. Do ta shohim nesër si do të jetë në fushë ky takim. Kam parë disa video të ndeshjeve të Kukësit brenda dhe jashtë fushe. Kanë sulm të mirë, por edhe ne kemi mbrojtje të mirë. Të shohim se çfarë do të ndodhë”, është shprehur Jonuz për mediat..

Më tej ai ka vijuar me analizën e tij dhe arsyeton pse Vllaznia do tentojë të marrë pikë ndaj verilindorëve. “Kukësi ka edhe mbrojtje të mirë, por unë u ndala tek sulmi sepse kanë në dispozicion Abazaj, Gavazaj, Shkurtaj, Rroca etj. Megjithatë unë besoj se do ia dalim, sepse kemi filluar të funksionojmë ashtu si duhet”.

OPTIMIZMI – “Të gjithë lojtarët do t’i kem të gatshëm. Zhvilluam edhe stërvitjen e fundit dhe gjithçka duket mirë. Sa i takon formacionit, do të ketë lëvizje vetëm taktike. Në ndeshje do të hyjmë me idenë e qartë për të fituar, pastaj çdo rezultat pozitiv është i mirë. Në stërvitjen e fundit me ekipit kam vënë re që edhe te sportistët është një situatë optimale dhe kjo më bën entuziast edhe mua”, përfundoi Jonuz. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono