mirela Milori

arian-curri-1280x720.jpg
ent ela20:33 | 08/11/2018

“Deklarata të nxituara dhe gjaknxehta i ka konsideruar Peadgogu i UET-së Arian Curri, thirrjet antishqiptare dhe nacionaliste gjatë ceremonisë së varrimit të Kostandin Kacifas në Bularat. Sipas tij thirrjet antishqiptare janë shkelje penale, ndërsa Kacifas është një viktimë e nacionalizimit.

“Në dy anët e kufirit ekzistojnë njerëz me bindje nacionaliste dhe ultranacionaliste dhe e kthyen në një varrim me nota të forta epike. Thirrjet “Kacifa ti na drejton”, “Kacifas ti je gjallë”, “Vorioepiri është grek”, janë thirrje që në një varrim nuk duhet, sepse varrimi duhej respektuar në heshtje”. Bie dakord që Kacifas është një viktimë. Në ceremonitë fetare njerezit luten dhe falen dhe kërkojnë që Zoti ta prehë e çojë në parajsë dhe thirrje të tilla e nxjerrin jashtë kontekstit shpirtëror këtë ceremoni”.

Heshtjen në territorin shqiptar pë këtë ngjarje Curri e sheh si një qëndrim për të mbajtur tonet e ulura kur situata u tensionua.

“Deputetët kanë patur qëndrim korrekt. Mbase kanë zgjedhur që të mabjnë tonet ulura se situata ishte e tensionuar”.

Ai  e cilësoi agresive deklaratën e Ministrisë sonë të Jashtme, kur thirri dy herë bremnda ditës ambasadoren greke për ngjarjen, kur në fakt sipas tij duhet të kishte reaguar Ministria e Brendshme, pasi është ngjarje e ndodhur në territorin shqiptar.

“Unë e pashë agresive MPJ tonë,  u thirr dy herë amabsadorja . Si mund të bëjë deklarata Ministria e Jashtme, mund ta bënte Ministria e Brendshme. Eleni Theolarius deputete qipriote tha se ishte vrajse politike dhe do ta çojë në bruksel, do hapë hetim për vrasjen. Janë shkelje penale thirrjet antishqiptare. Për çfarë ndodh në shtetin shqiptar nuk ka punë MPJ, por MB”.

Curri theksoi gjithashtu se ky është një rats i izluar që nuk cënon marrëdhëniet mes dy vendeve tona.

“Ka pasur raste kur jemi treguar inferiorë ndaj grekëve, por në këtë rats nuk e pashë. Një pjesë e territorit grek është shqiptar, po kështu mendojnë dhe një pjesë e grekëve, ky është mendim i popullit.  Unë shoh që kjo ngjarje është e izoluar, përveç humbjes dhe dhimbjes së familjes, dy shtetet do ecin përpara, nuk do prishen marrëdhëniet mes dy vendeve”. /abcnews.al

 

LAJME-19-_-I-FTUAR.mpg_snapshot_24.54-1280x720.jpg
G. P.20:44 | 01/11/2018

I ftuar në Mbrëmje në ABC News me gazetaren Mirela Milori ishte eksperti ligjor pranë PD Gazmend Bardhi. Një diskutim mbi reagimin pas daljes publike të ish-ministrit të Brendshëm Tahiri dhe çështjet me të rëndësishme politike në vend.

“Ajo ç’ka i PD ka sqaruar sot opinionin publik është vendimi që paraqiti Tahiri për akuzën nga Prokuroria për trafik droge është një vendim që nuk ka lidhje për vendimet që po kryen në Shqipëri. Dalja e sotme e Tahirit është pjesë e strategjisë që ai ka zgjedhur për të parapregatitur opinionin publik për atë vendim të prokurorisë shqiptare.”

Bardhi dhe dhe mendimin e tij për faktin se sa e favorizon Tahirin dokumenti italian:

“Zero. Këtë gjë e di çdo jurist, këtë gjë e din edhe Saimir Tahiri, por thjesht e ka pjesë të strategjisë për të manipuluar opinionin publik. Ai e di që një hetim për veprimtarinë e tij kriminale në Itali nuk ka ndikim për veprimtarinë e tij kriminale në Shqipëri. E përsëris, Saimir Tahiri ka kryer veprimtari kriminale në Shqipëri.”

“Saimir Tahiri sot përdori gjuhë prej mafiozi ndaj çdo punonjësi drejtësie që nuk i është bindur deri më tani urdhërit të Edi Ramës për të ndërprerë hetimet për Saimir Tahirin. Saimir Tahiri është bashkëpunëtori i Edi Ramës dhe koordimini i veprimeve mes të dyve tregon që janë bashkë. Ka fakte për këtë. Saimir Tahiri ka qenë ministër i Brendshëm, siç di Edi Rama veprimtaritë e Saimir Tahirit, di dhe Saimir Tahiri me fakte dhe prova veprimtari kriminale të Edi Ramës dhe familjarëve të tij.”

“Ai i arrestuar duhet të jetë dhe pas kësaj deklarate duhet të arrestohet, për shkak se është i aftë dhe po tregon së është i gatshëm për të prishur prova, për të shantazhuar dëshmitarë, për të blerë dëshmitarë, për të shantazhuar prokurorë. ”

“Ka prova dhe fakte të plota që Saimir Tahiri do të duhej që sot të ishte në burg. Ai ka mbrojtjen e Edi Ramës dhe Prokuroria për sa kohë të jetë kryeministër Edi rama do të bëjë atë që thotë Edi Rama, sepse sot kryeprokuror në Shqipëri është Edi Rama. Ai vendos kush hetohet, si hetohet dhe kush janë rezultatet e hetimit.”

Gjithashtu ai tregoi se nëse Partia Demokratite do të ketë më denoncime të kësaj natyre apo jo:

“Unë besoj që po për sa kohë që fokusi jonë është në luftë pa kompromis ndaj lidhjeve midis qeverisë dhe krimit të organizuar. Jo si dëshirë e opozitës, por si nevojë e qytetarëve shqiptarë. Unë sot nuk jam në gjendje të them ndonjë rast konkret, por të jeni të sigurt që nëse Prkuroria do të kishte si busull orientuese zbatimin e ligjit, sot pa asnjë dyshim, të paktën 2 ministra të Edi Ramës do të ishin në burg dhe të paktën 6 deputetë të tijdo të ishin në burg. Prokuroria ka dosje, jo vetëm dosjen 339 në qendër të së cilës është zoti Dako, por ka dhe dosje të tjera me të njëjtën mënyrë siç ka vepruar Vangjush Dako kanë vepruar edhe ministra të Edi Ramës. Janë të dokumentuara lidhjet e tyre me krimin e organizuar dhe shkëmbimi i favoreve ku krimi i organizuar blen vota në emër të Edi Ramës dhe përfiton pushtet me anë të Edi Ramës në lidhje direkte me të paktën 2 ministra. Në atë dosje ka gjithçka për të provuar që Vngjush Dako është një politikan i lidhur me krimin dhe i korruptuar. Prokuroria ka dosje të plota të tjera ku faktohet lidhja e ministrave dhe deputetëve të Edi Ramës me krimin e organizuar dhe korrupsionin.”/abcnews.al

neli-demi.jpg
G. P.18:36 | 26/10/2018

Mjeku psikiatër, Neli Demi, ishte i ftuar në ABC News ku foli rreth ndikimit të politikës në jetën sociale dhe psikologjinë e qyetarëve. E pyetur nga gazetarja Mirela Milori pse në Shqipëri kemi një politikë agresive dhe popull të qetë, Demi tha se sipas tij populli është i ndrydhur. Shembull mori vitin 1997.

“Nuk do thoja që është popull i qetë. Unë do thoja që është i ndrydhur. Ne siç ia kemi treguar vetes dhe botës arrijm që të shmangim aktivizmin tonë dhe vijmë në një moment kur shpërthejmë në dukuritë tona, ’97-a për shembull. Nuk dua të them që populli është fajtor, por ne kontribuojmë në një farë mënyre”, tha Demi.

Gjatë emisionit, Demi tha gjithashtu se psikologjia shfrytëzon momentet e një shoqërie të caktuar.

“Psikologjia politike shfrytëzon momentet e një shoqërie të caktuar. Shfrytëzon dinamikat demografike, historinë, nga vjen kjo shoqëri, çfarë mentaliteti të përgjithshme ka. Të gjitha këto janë gjëra që ata që ndërtojnë politika i dinë mirë dhe ata që këshillojnë politikantët e dinë mirë për të formuar imazhin e një individi që do bëhet politikan”, u shpreh Demi.

Opinioni i politikanëve ndikon shumë te qytetarët, sepse sipas psikiatrit Demi ata kanë pushtet dhe marrin vendime në jetën e tyre të përditshme.

“Sigurisht që ndikon. Politikanët nuk janë opoinionbërës të thjeshtë por me pushtet përveç aksesit që kanë në media, kanë dhe pushtet dhe marrin vendime në jetën e tyre të pë4rditshme. Kjo sigurisht që ndikon. Njerëzit mund të ndjehen të intimiduar, dëshpëruar, nervozuar. Sjellja e politikanëve ndikon jashtë mase në mënyrën si i përçojnë mesazhet”, tha Demi./abcnews.al

elisa.jpg
G. P.19:26 | 23/10/2018

E ftuar në “Mbrëmje Ide”, nënkryetarja e grupit parlamentar të Partisë Socialiste, Elisa Spiropali tha se ato që pretendon Alibeaj ndaj Dakos së pari janë sekrete hetimore. Sipas saj është prokuroria ajo që duhet t’i shkojë në fund dosjeve hetimore.

Në të njëjtën studio, deputeti i PD-së, Enkelejd Alibeaj, deklaroi se ekziston një procedim penal ndaj Vangjush Dakos në Prokurorinë e Krimeve të Rënda.

“Ta nxjerrë zoti Alibeaj dosjen nëse e ka. Unë nuk di se si guxon Alibeaj që të vijë në këtë studio të nderuar dhe të flasë për sekrete hetimore që pretendon ai apo dosje të tëra hetimore në prokurori. Nuk e di kush ia jep këto informacione. Ndoshta ata që kanë ende brenda në sistemin e drejtësisë se në fakt po e sulmojnë reformën se nuk duan t’i ikin ata që kanë brenda, por kjo është temë tjetër. Përsa i përket temës së zotit Dako dhe Alibeajt që vjen në studio i bie që për çdo akuzë të Alibeaj, Salianjit dhe të gjithë të tjerëve janë akuza që ata janë në prokurori dhe po hetohen ne të marrim vendime. Ne nuk marrim vendime në studio mediatike apo banaqe të këtyre kolegëve të nderuar”, tha Spiropali.

Më tej ajo shtoi se “Ne nuk kemi asnjë kompetencë për të verfikuar dosjen e porkurorisë. Prokuroria ka të gjithë kompetencën për t’i shkuar deri në fund hetimit të dosjeve. Ne e kemi të provuar me fakte si forcë politike që ne nuk mbrojmë asnjë njeri kur janë përballë ligjit. Ne kemi një standard tjetër kushdo që ka shkelur ligjin duhet të përballet me forcën e ligjit”.

Më herët, Enkelejd Alibeaj tha gjatë emisionit “Mbrëmje Ide” nga Mirela Milori se “Ka një procedim penal në Prokurorinë e Krimeve të Rënda me numër 339 të vitit 2017 brenda të cilës janë të gjitha ato që kemi thënë që në 2017-n lidhur me mobilizimin, me zhytjen në vorbullën kriminale të Vangjush Dakos, në bandat që gëlojnë në territotrin e Bashiksë Durrës e më gjerë sesa kaq. Kontakte këto që prej kryetarit të bashkisë janë të fokusuar te kërkesa për të bërë vota”.

/abcnews.al

spartak-koka.png
G. P.21:54 | 22/10/2018

Megaoperacioni “Vol-vo 4” ishte në qendër të diskutimeve këtë të hënë në ABC News. I ftuar në emisioni “Mbrëmje Ide” nga Mirela Milori, gazetari Spartak Koka u shpreh se grupet kriminale, paratë e fituara i pastrojnë në ndërtimtari, aktivitete turistike apo lokalet e natës.

Ai tha gjithashtu se grupet kriminale tashmë bashkëpunojnë mes njëra tjetrës që të maksimalizojnë fitimet. Përsa i përket rastit, sipas prokurorisë Shijaku është nyja ku bashkohen këto grupe kriminale.

“Po qe se kanë prova të forta është një goditje e fuqishme. Nuk janë grupe të vogla, por kanë shumë punë për të bërë. Nuk është për të dekurajuar policinë por ka shumë punë për të bërë sepse zyrtarisht flitet për 41 grupe. Policia thotë kemi goditur 8 më përpara, po t’i shtosh dhe këto të katërtat janë 12. Pra ka ende grupe të tjera, më shumë se gjysma të evidentuara, të cilët janë ende pa goditur, por mund të ketë të tjera të paevidentuara. Po flasim për linja që shkojnë deri në Amerikën e Jugut, ku shtetas shqiptarë kontrollojnë dhe drejtojnë rrjetin e trafikimit të kokainës”, tha në studio gazetari Spartak Koka.

/abcnews.al

sali-berisha-2.png
G. P.00:01 | 19/10/2018

Ish-kryeministri Sali Berisha ishte i ftuar në ABC News ku foli për situatën e fundit politike në vend dhe jo vetëm. Përballë gazetares Mirela Milori në emisionin “Mbrëmje Ide” ai u u ndal në disa nga çështjet më të nxehta politike dhe aktuale.

Përsa u përket mbylljes së basteve, Berisha tha se ato do të zhvendosen në telefonat inteligjentë dhe sipas tij do “ta hanë” Shqipërinë në një kohë të shkurtër. Më tej, ish-Presidenti foli rreth situatës së rendit, opozitës e rajonit duke përfshirë marrëveshjen me Greqinë dhe idenë për korrigjimin e kufirit mes Serbisë dhe Kosovës.


/abcnews.al

sali-berisha.png
G. P.16:38 | 17/10/2018

Ish-kryeministri i vendit do të flasë në “Mbrëmje Ide” për situatën politike në vend.

Si po qeveris Edi Rama? Akuzat për bashkëpunim të tij me grupet kriminale dhe akuzat për abuzim me fondet publike të të afërmve të kryeministrit.

Rezulatet e reformës në drejtësi dhe procesit të Vettingut në opinionin e ish-Presidentit të vendit Sali Berisha.

Përse është kundër korrigjimit të kufijve të Kosovës me Serbinë dhe përse mendon që Tirana është vasale e Athinës në lidhje me Marrëveshjen detare Shqipëri-Greqi?

Si po vepron opozita e drejtuar nga Lulzim Basha?

Për të gjitha përgjigjet të enjten, në  orën 20:00, Sali Berisha përballë gazetares Mirela Milori në ABC News.

43664694_1870853113034808_625190579365478400_n-1280x720.jpg
ent ela22:01 | 11/10/2018

Ministrja e Arsimit Lindita Nikolla e ftuar në Mbrëmje në ABC News ka folur për arritjet e sistemit arsimor, reformat dhe sfidat. Sipas saj portali “Mësues për Shqipërinë”, implemetimi i skemës së re të kualifikimeve dhe 3 lëndë në 6 orë kanë rezultuar një sukses.

Një tjetër arritje sipas Nikollës është mbyllja e klasave kolektive Një hap është hedhur edhe në mbylljen e 340 k klasave kolektive në 260 shkolla në të gjithë vendin.

“Janë 340 klasa të tilla në mbi 200 shkolla në të gjithë vendin. Nuk është e mundur që të arrihet në të gjithë territorin e Shqipërisë mbyllja e klasave kolektive, por qeveria do të ndërhyjë në zonat me prioritet” – tha ministrja e arsimit.

Pas pilotimit në 15 gjimnaze ka rezultuar e suksesshme dhe vendosja e një oficeri policie në shkolla, bëri të ditur ministrja.

Sipas saj nuk bëhet fjalë për punonjës policie, por persona të kualifikuar që janë trajnuar edhe për ruajtjen e rendit dhe sigurisë në shkolla. Praninë e tyre ministria e arsimit do ta shtrijë në 150 shkolla në mbarë vendin.

Heqja e celularëve theksoi Nikolla është dhe betaja më e vështirë, por kjo nismë ka gjetur përkrahjen e prindërve.

“Nëse nxënësi  herën e parë kapet me celular, i dorëzohet prindërve. Por nëse rasti përsëritet do të ketë konfiskim të celularit apo edhe masa të tjera të rrepta”- tha ministrja Lindita Nikolla.

Përsa u përket problemeve të teksteve mësimore, ministrja tha se ato janë drejt fundit.

“Tekstet nuk çertifikohen që vitin e parë, sepse bëhet diferencimi nga mësuesit dhe prindërit dhe pasi kalon këtë sitë përcaktohen ndryshimet që duhen bërë. Vitin tjetër shkollor ato nuk futen nëse nuk bëhen ndryshimet e sugjeruara.

Në fund të vitit ne marrim nga mësuesit rekomandimet se çfarë nuk shkon me librin dhe në bazë të kësaj ne vendosim nëse çertifikohen apo jo”.

Gjithashtu Nikolla foli edhe për reformën në arsimin e lartë dhe prioritetin e qeverisë që është mësuesia. Sipas saj arritja e këtij viti është se përzgjedhja e mësuesisë në universitet është e treta dhe me mesatare mbi 7.

Ministrja foli edhe për degët e mbylluara në disa universitete dhe hapjen e disa degëve të rejave, sipas kërkesë së tregut.

Një tjetër çështje që u diskutua ishte edhe shkolla e drejtorëve që sipas ministres i shërben rritjes së cilësisë në arsim. /abcnews.al

 

 

LAJME-19-_-I-FTUAR-SALIANJI-1280x720.jpg
ent ela20:07 | 10/10/2018

“Prokuroria ka fabrikuar prova dhe është përdorur si grup kriminal për të fabrikuar prova”. Këtë përgjigje dha deputeti demokrat Ervin Salianji në Mbrëmje në ABC News sa i përket audio përgjimit të publikuar mbrëmjen e djeshme në emisionin “Opinion” të Blendi Fevziut në  Tv Klan.

“Unë nuk e njoh, më ka ardhur si fytyrë në një audio të caktuar që nuk e kam marrë seriozisht, se nuk e mendoja kurrë që shteti do kalonte në fabrikimin e një prove”– theksoi ai.

I pyetur se kush e ka bërë përgjimin e  Alizotit, Salianji u përgjigj se për këtë do të flasë në Prokurori të premten.

Milori: Pse e bëtë përgjimin e Alizotit?

Salianji: Nuk kam bërë asnjë përgjim

Milori: Kush e ka bërë përgjimin?

Salianji: Nuk kam dijeni dhe ato që di do t’ia bëj të ditur Prokurorisë të premten.

Deputeti demokrat theksoi se nuk i beson Alizotit nën kërcënim, por i beson atij në gjendje të lirë.

“Nëse Prokuroria beson variantin e parë duhet të besojë edhe të dytin, nëse ky është i pabesueshëm për njërën palë është i pabesueshëm edhe për palën tjetër.

Unë Alizotin nuk besoj kur ka shkuar në prokurori nga këta persona, por e besoj Alizotin në gjendje të lirë. Nëse jemi te kallëzimi i rremë Prokuroria e Krimeve të Rënda nuk duhet të bënte deklarim, por hetim për Ardi Veliun, Ballën dhe ballafaqimin mes këtyre personazheve”. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono