mirela Milori

spaho.jpg
G. P.21:04 | 21/03/2019

Opozita do të vazhdojë të protestojë sa herë të ketë seancë plenare. Ishte kjo deklarata e ish-kryetarit të grupit parlamentar të PD-së, Edmond Spaho, i cili gjatë emisionit “Mbrëmje ABC” me Mirela Milorin tha se po diskutohet një datë tjetër ku do të protestohet përpara Kuvendit.

“Çdo të enjte do të ketë protestë kur mblidhet parlamenti. Do të ketë edhe një protestë të radhës përballë Kryeministrisë që mund të jetë 6 ose 13 Prill. Shumë shpejt do e vendosim. Po konsultohemi me të gjithë aktorët”, tha Spaho.

Të shtunën e 23 Marsit, Partia Socialiste pritet të zhvillojë Kongresin e saj, por është lajmëruar që mund të ketë edhe një miting nga ana e simpatizantëve të saj. I pyetur nëse Partia Demokratike do të zhvillojë një anti-miting të shtunën, Spaho tha se nuk ka dijeni nëse do të ketë ndonjë aktivitet nga selia blu, por nuk e përjashtoi dhe mundësinë e një proteste.

Përsa i përket frikës për një konflikt civil, Spaho tha se kokëfortësia dhe mungesa e tolerancës mund të çojnë në një përplasje.

“Nga sa jam në dijeni nuk di të ketë aktivitet tonin të shtunën, por nuk e përjashtoj të zhvillojmë një protestë, pasi jemi në një cikël protestash. Nuk e shikoj si anti miting, por si përpjekje për të përçuar edhe njëherë më shumë mesazhin tonë te kjo mazhorancë. Është e mira që mazhoranca ta shikojë me kthjelltësi rrugën ku po e fut vendin. Të shikojë defektet dhe problemet që ka pasur në qeverisje dhe të përpiqet të marrë disa përgjegjësi dhe ti vërë në rrugën e zgjidhjes. Këto problematika nuk janë krijuar për faj të opozitës. Nuk dua ti referohem një rasti konkret si ky i ditës që po flisni ju, po kokëfortësia, mungesa e tolerancës mund të çojë në përplasje civile. Këtë nuk e them unë për herë të parë. Shikohet si një opsion që do jetë produkt i intoleranës, i kokëfortësisë, i të vazhduarit në atë rrugë që ka nisur në 2013-n. Ndryshe pse do kishim ardhur këtë? Dhe për këtë nuk mund të akuzohet opozita. Është produkt i sjelljes së mazhorancës. Opozita nuk qeveris”, tha Spaho.

Gjithashtu, Spaho u shpreh se do ishte kundër hyrjes së PD-së në zgjedhjet lokale të Qershori.

“Vendimi nuk është marrë, por nëse do më pyesnit mua e shikoj pakuptim pjesëmarrjen në zgjedhje lokale sa kohë luftojmë për zgjedhje të përgjithshme”, tha Spaho./abcnews.al

damian-gjiiknuri.jpg
G. P.19:55 | 21/03/2019

Deputeti i Partisë Socialiste, Damian Gjiknuri, i ftuar këtë të enjte në emisionin “Mbrëmje Ide” nga Mirela Milori ka folur rreth dosjes 339, për të cilën opozita thotë se vërteton që PS ka vjedhur vota. Por për ish-ministrin ky është një rast që ka të bëjë me hetimin e një grupi kriminal për trafikun e drogës dhe jo për shit-blerjen e votës.

Për sa i përket akuzave që opozita ka bërë për të, ku thotë se edhe ai është pjesë e përgjimeve të dosjes 339 , ai tha se nuk është thirrur asnjëherë nga prokuroria për këtë çështje.

Damian Gjiknuri: Si mund të blihen me mijëra vota? Ne nuk kemi një rast të provuar. Edhe këta që pretendojnë marrin rastin e dosjes 339. Çfarë është dosja 339? Ky është një rast që ka të bëjë me hetimin e një grupi  kriminal për trafikun e drogës.

Mirela Milori: Opozita thotë se edhe ju jeni në këto dosje?

Damian Gjiknuri: Le ti nxjerrin nëse jam në këtë dosje. Nuk e di të ketë dalë. Nëse i kanë dalë le ti nxjerrin! Kemi të bëjmë me grup të strukturuar kriminal, nuk ka lidhje me zgjedhje. Se dilka dikush që paska folur me dikë kjo nuk përbën fare provë. Duhet të vërtetohet episodi i shit-blerjes së votës. Këta njerëz që këta pretendojnë i ka në burg. Është një proces në hetim. Nëse do kishte gjëra të tjera këto do dilnin gjatë hetimit publike. Dosja 339 informacioni i saj ka dalë që para 2018-s . do të thotë që ky informacion ka ekzistuar.

Mirela Milori: Opozita ju akuzon që keni folur dhe thotë që në dosjen 339 dhe 184 jeni ju, ka dhe emra të tjerë të PS që keni folur me eksponentë kriminal për shitblerje vote në Dibër?

Damian Gjiknuri: E para, zgjedhjet në Dibër janë zgjedhje të pushtetit vendor dhe s’kanë lidhje me këtë që pretendojnë këta. 184-a nuk e di. Unë nuk jam thërritur ndonjëherë nga prokuroria. Nëse kemi të bëjmë me krim elektoral nuk kemi pse futemi te Krimet e Rënda njëherë, Fenomeni i shit-blerjes së votës nuk hetohet nga Krimet e Rënda. Nëse ka ndonjë hetim penal për këtë unë nuk e di se nuk kam lidhje me atë proces. Fitorja e Dibrës është fitore mbi 4500 vota. PD në një vend të vogël si Dibra ka firmosur çdoi lloj procesverbali, nuk ka bërë asnjë ankesë.

Gjiknuri tha në ABC News se nuk ka asnjë akuzë apo provë, kundër tij, por thjesht aludime.

Mirela Milori: Nuk ju shqetësojnë akuzat?

Damian Gjiknuri: Çfarë akuzash? Unë jam mësuar me politikë. Po të vini re PD godet figura politike me peshë elektorale. Kjo është logjike. Jam goditur unë, mund të jetë goditur  Vangjushi ose dikush tjetër sepse jemi njerëz që kemi peshë elektorale dhe kemi sjellë fitore.

Jua them me garanci të plotë se nuk ka asnjë strukturë kriminale të lidhur me PS në funksion të votave. A mund të kenë ndodhur kontakte? Në Shqipëri jetojnë dhe ata. Ka njerëz me background kriminal, të cilët janë kontakte me të gjitha partitë politikë. Por a është kjo sistemike? Asnjë s’mund ta thotë këtë. Është absurde. Është thjesht sebep, justifikim për të ndërmarrë veprimet që morën. Unë nuk shoh arsye tjetër.

S’kam asnjë lloj akuze, s’kam asnjë lloj prove. Ka vetëm aludime. Fakti që qëllonke të fliske me një njeri që qenka pjesë e krimit të organizuar. Po ku e di ti me kë flet? Se në fushata takon lloj-lloj njeriu./abcnews.al

arta-dade.jpg
G. P.19:53 | 08/03/2019

Ish-ministrja e Jashtme, Arta Dade, nga emisioni “Mbrëmje Ide” në Abc News ka dhënë një mesazh ndaj Ramës. Ajo tregoi se kontakti i fundit me Edi Ramën ka qenë kur ky i fundit e ka përshëndetur nga një ekran televizioni.

“Nuk para jam takuar, vetëm kur më përshëndeti dhe më puthi nga një ekran televiziv. Dhe unë do t’i them sot nga ekrani televiziv, meqë më ka aq xhan duhet të bëjë këtë që them unë dhe nëse më ka me të vërtetë xhan duhet të më kishte dëgjuar mua. Duhet të më kishte dëgjuar një çikë më shumë dhe kur isha në parti sepse besoj sikur 20% do më kishte dëgjuar mua dhe kolegë të tjerë ndoshta Shqipëria nuk do ishte në këtë situatë si sot”, tha Dade.

Ajo tregoi se edhe kur ka qenë pjesë e strukturave të PS-së ka pasur kritika ndaj kryeministrit për çështje parimore.

“Edhe kur kam qenë në strukturat e partisë kritikat e mia kanë qenë parimore. Unë isha e bindur se Rama do zgjidhej. Duhej respektuar statuti. Kundërshtitë e mia për ligjin për shërbimet e jashtme, besoj se isha në të drejtën time për ta bërë këtë gjë sepse Shqipëria duhet të ketë një trupë diplomatike profesioniste dhe nëse nuk i motivon në bazë të ligjit, atëherë nuk mund ta krijosh këtë trupë”, tha Dade./abcnews.al

erl-murati.jpg
G. P.18:03 | 05/03/2019

Për gazetarin Erl Murati vendi ndodhet në një krizë politike e cila do të zgjasë. I ftuar në emisionin “Mbrëmje Ide” nga Mirela Milori, ai tha se në fund gjithçka do të përfundojë me një pazar mes liderëve politikë.

“Unë mendoj që në fund do përfundojë me një pazar, siç ka treguar politika moderne e 27 viteve pluralizëm. Në fund të fundit do jetë një lloj krokodili si ai takim i 18 Majit. Them pazar se unë shoh precedentin. Ne nuk e dimë se çfarë është folur dhe vendosur në marrëveshjen e 17 Majit. Ka mjaft pika të errëta. Besoj që kjo krizë do jetë e zgjatur”, tha Murati.

Murati komentoi edhe qëndrimin e Presidentit Meta. Sipas tij Meta ka mbajtur qëndrim korrekt, por nuk mund të shërbejë si negociator mes palëve. I vetmi që mund të ulë palët në tavolinë sipas Muratit është faktori ndërkombëtar.

“Ka një përpjekje të PS për ta kompleksuar Metën, për t’i thënë që je produkt i mazhorancave të kaluara dhe nuk duhet të flasësh. Zoti Meta në këtë rast ka mbajtur qëndrim korrekt. Nuk është se ia ka lënë topin njërës apo tjetrës palë. Nuk do ishte anormale edhe nëse do ishte më kritik ndaj qeverisë, por është kujdesur që të jetë deri diku i baraslarguar nga dy palët. Unë nuk besoj që Meta mund të shërbejë si negociator për të ulur palët. Palët i shoh aq të larguar, saqë vetëm ndërkombëtarët do ishin një faktor i besueshëm, që palët të ulen në tavolinë”, tha Murati.

Sipas gazetarit djegia e mandateve është akt i fortë ligjor. Megjithatë sipas tij këtë vit nuk do të ketë zgjedhje të parakohshme.

“Djegia e mandateve ishte akt i fortë, megjithatë nga pikëpamja ligjore nuk e cenon vazhdimësinë e parlamentit. Mospjesëmarrja në zgjedhje do shënonte një përshkallëzim të situatës. Do ta konsideroja gjest më të rëndë. Skenari është që PS do shkojë në zgjedhje pa opozitën dhe ndoshta vitin e ardhshëm mund të kemi zgjedhje të parakohshme. Këtë vit nuk shoh zgjedhje të parakohshme parlamentare”, tha Murati./abcnews.al

gjylameti1-1280x720.jpg
ent ela19:52 | 22/02/2019

Frika për reformën në drejtësi dhe zgjedhjet lokale janë për deputetet socialiste Blerian Gjylameti shkaqet kryesore të lënies së mandateve të deputetëve të opzoitës. E ftuar në studion e Mbrëmje në ABC News Kryetarja e Partisë Socialiste të Tiranës përmendi disa nga arsyet që çuan në këtë pikë opozitën, një ndër to është është dhe mungesa e alternativës.

“Alternativa që sot ofrojnë kolegët e mi të opozitës me keqardhje e them se alternativa e tyre është politikë qorrase dhe nje tentativë për të parë pushtetinn në tavolinë. Nuk është ratsi se qytetarët votuan në 2017 për alternativën e PS. Zgjehdjet u njohën nga mazhoranca e opozita. Të punojnë çdo ditë për të krijuar alternativën e re qeverisëse.

Duhet të kuptojmë arsyet që çuan në këtë zgjidhje ekstreme dhe të parecedentë. Mjafton që të shohim historinë me alternativat qeverisëse. Tentuan të krijojnë kaos të merrnin me dhunë pushtetin por morën një menaxhim profesional nga policia. Është e papranueshme se çfarë duan të bëjnë Nëse në 2017 të gjithë e mbajnë mend tenden që nuk jepte alternativë, por donte të bllokonte.

Në bazë të asaj marrëveshje u propozua për të ndaluar përdorimin e administratës. Pranuan zgjedhjet. I tremben KLP e KLGJ do të duhej të votonin dhe për SPAK”.

Gjylameti shprehet se mazhoranca ka qenë gjithnjë e gatshme për dialog , por nuk është për marrje pushteti në tavolinë.

“Në asnjë moment nuk ka munguar shtrirja e dorëa për negiocim e dialogim. Drafti është në parlament nëse duan të bashkëpunojnë, që reforma elektorale të hynte në fuqi, fjala nuk mungon as hapësira për të ofruar alternativën e tyre nuk mungon.

Rezultati i zgjedhjeve nuk përcaktohet në tavolinën e negociatave, nuk vihet, zgjedhjet parakoshme që ne të kemi kosto”.

E pyetur nëse kjo situatë mund të çojë në përplasje civile Gjylameti i bën apel qytetarëve që të distancohen nga aktet e dhunës, pasi çdo forcë politke vjen në pushtet përmes votës së lirë.

“Nuk besoj se do shkojë në një situatë të tillë. Unë u bëj thirrje qytearëve që të distancohen nga këto akte. Dhuna nuk çon askund. Secila forcë politike në pushtet duhet të vijë përmes votës së lirë”. /abcnews.al

mbremje-ide.jpg
ent ela21:04 | 14/02/2019

Nga studioja e “Mbrëmje Ide”, kreu i grupit parlamentar të PS-së, Taulant Balla, është shprehur se Basha është në fund të mandatit të tij si kryetar i PD-së. Më tej, deputeti është tha se lideri i PD-së është detyruar nga Berisha që të organizojë protestën e 16 Shkurtit. Gjithashtu socialiti është shprehu se PS merr habere nga Basha, ku sipas tij, ai kërkon të vijë në pushtet me qeverinë e Ramës.

“Luli vazhdimisht dërgon habere për këtë punë. Luli dhe në mesazhet që jep thotë se dua të bëhem pjesë e pushtetit. Lulzim Basha kërkon të marrë pushtet pa votë. Kërkon të vijë me ne në pushtet pa votë dhe këtë dëshirë nuk ia plotësojmë dot. Basha është në fund të mandatit të tij si kryetar i PD. Ky person është drejt dështimit të fundit. Ai ka halle të tij personale dhe jo hallet e shqiptarëve”.

Teksa flet për protestën që do të mbajë opozita më 16 Shkurt, Balla tha se ajo ka dështuar pa nisur.

“Politikisht jam rritur përmes protestave. Kjo është protestë pa kauzë. Këtu nuk protestohet kundër nesh. Basha është detyruar të protestojë për t’i treguar kryetarit de fakto të opozitës se është në gjendje të organizojë një protestë. Në 6 vite, opozita nuk kishte ngritur një protestë të  madhe si protesta e studentëve. Përbetimet e Lulit nuk i merr askush seriozisht dhe ky është dështimi tjetër. Në pushtet vihet vetëm me votën e popullit shqiptar”.

E ndërsa u pyet nëse ka infromacione se do ketë akte dhune në protestë, Balla tha:

“Unë nuk jam shërbim sekret dhe as punonjës i policisë dhe i referohem apelit të ambasadave që sigurisht kanë informacione dhe duke iu referuar dhe retorikes politike të ashpër të përfaqësuesve të opozitës së sotme dhe thirrjet e tyre janë të paligjshme. Opozita ta harrojë se mund të fitojë më bonuse sikur mori në 2017-n. Luli nuk kërkon më zgjedhje, por kërkon ministri që të fitojë ndonjë tender”./abcnews.al

albert-dervishaj.jpg
G. P.18:35 | 13/02/2019

Opozita prej kohësh ka paralajmëruar një protestë masive më 16 Shkurt. Të mërkurën, Ministria e Brendshme doli në një deklaratë ku theksohej se ka informacione për persona të cilët mund të kryejnë akte dhune.

I ftuar në emisionin “Mbrëmje Ide” nga Mirela Milori, drejtori i Rendit në Policinë e Shtetit, Albert Dervishaj, theksoi se policia punon për të marrë informacione dhe ka indicie që persona të tillë mund të ketë në protestë.

Ai nënvizoi se policia do të organizohet dhe do të sigurojë një tubim normal. Dervishaj bëri thirrje që të gjithë qytetarët të ruajnë gjakftohtësinë më 16 Shkurt.

“Ky nuk është mitingu i parë dhe as i fundit që do kryhet në Shqipëri. Policia e Shtetit është duke u organizuar, duke menduar masat që do marrë për mbarëvajtjen e tubimit. Qëllimi është që policia të sigurojë një tubim normal, që të mos cënohen tubuesit.  Ka informacione që do vijnë protestues nga rrethet. Policia nuk ka për qëllim të pengojë protestuesit. Ne për këtë punë jemi. Në këtë kontekt ne jemi duke u përgatitur që të marrim masat me numrin e pjesëmarrësve.

Njoftimi zyrtar është  konsumuar dje dhe ka një bazë reale. Policia punon për të marrë informacione me strukturat brenda vendit, por edhe jashtë saj. Bashkëpunon me misionet policore që ne na monitorojnë që janë në Shqipëri dhe shkëmbejmë informacione. Ka indicie që individë të veçantë mund të tentojnë të kryejnë akte dhune. Thirrja ime si zyrtar i policisë është që secila palë të ruajë gjakftohtësinë. Policia do përpiqet të jetë garante e sigurisë”, tha ai.

Policia është duke e hartuar planin e masave për protestën e së shtunës. Dervishaj theksoi se janë caktuar personat përgjegjës që do kontaktojnë me organizatorët e protestës. Nëse do të ketë përshkallëzim të saj, ai theksoi se policia do veprojë ashtu si ia lejon ligji.

“Jemi në hartimin e planit. Shumë shpejt do ta kemi gati. Po analizojmë çdo informacion që kemi. Mendojmë që policia do luajë një rol ligjor garante e rendit publik për të mbrojtur një tubim dhe protestë paqësore, por nga ana tjetër për të mos u krijuar privime qytetarëve të të që do kalojnë në rrugë.

Ligji për tubimet i ka përcaktuar disa hapa si do veprojë policia, por edhe organizatorët. Ne kemi caktuar oficerin përgjegjës që do flasë me organizatorët e protestës. Do jemi në komunikim të vazhdueshëm. Kur tubimi do jetë në zhvillim normal secila palë do bëjë punën e vet. Nëse do ketë përshkallëzime do ketë zhvillime që ligji për tubimet i përcakton”, u shpreh Dervishaj./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono