Mirela Bogdani

mirela-bogdani-1280x722.jpg
nev ila21:16 | 12/07/2019

E ftuara në mbrëmjen e sotme të emisionit “Provokacija” me gazetarin Mustafa Nano ka qenë Anëtarja e Këshillit Bashkiak Mirela Bogdani. Bogdani ka shprehur qëndrimin e saj lidhur me lirinë e cdo individi në shqipëri, se sa i dukshëm dhe sa shprehet. Sipas Bogdanit njerëzit e lirë po kalojnë në një minorancë të frikshme pasi njerëzit kanë frikë të komentojnë dhe të mbajnë qëndrimet e tyre të lira, lidhur sidomos me politikën shqiptare. Bogdani gjithashtu komentoi zgjedhjet e 30 qershorit, dhe qëndrimet e KQZ. Ajo tha se sjelljet e qeverisjes shqiptare lidhur me këtë situatë ishin të një neodiktature ku produktivitetin e saj e mat me numrin e pëlqimeve dhe komenteve në rrjetet sociale.

“Njerëzit e lirë po kalojnë në një minorancë të frikshme, për sa i përket lirisë së mendimit apo së fjalës etj. Këtë e shoh në fobinë e madhe të njerëzve për tu shprehur në lidhje me çdo gjë që ka të bëjë me qeverisjen apo me stablishmentin politik. Kjo gjë është aq e dukshme sidomos më median sociale. Unë e kam parë vetë që, nëse unë botoj një status në Facebook, me natyrë politike, me kritikë apo me qëndrimin tim lidhur me një situatë të caktuar, ka shumë pak njerëz që reagojnë dhe shoh një numër minimal komentesh apo pëlqimesh. Kur i takoj në rrugë, më thonë se: “i pëlqejmë shumë statuset që bën por nuk na e mban të shkruajmë sepse monitorohemi”. Flas për të gjithë ata që janë të punësuar në administratën shtetërore shqiptare. Pra ka arritur një paradoks dhe për mua është tamam një neodiktaturë, sepse të monitorosh punonjësit e tu të administratës, se si e kanë sjelljen e tij…., përpara ca kohësh doli dhe një ish zv/ Ministër i Arsimit ku tha se në mbledhjen e qeverisë, produkti më kryesor i saj, ishte që kryeministri kërkonte me grafik sa pëlqime ka, e kuptoni se ku ka arritur produktiviteti i një qeverisjeje? Unë di gjithashtu, që në ministri të caktuara, mbledhin të rinj e të reja, ku puna e tyre është të monitorojnë të gjithë punonjësit, se çfarë qëndrimi kanë ndaj statuseve të caktuara, sidomos me titullarin. Kështu që në këtë kuptim, liria është një gjë e madhe që e dëshiron çdo njeri por jo çdo njeri mund ta ketë, pse? Sepse liria vjen me një kosto shumë të madhe. Ajo fillon me kosto financiare, kosto  materiale, sociale etj. Të jesh i lirë në Shqipëri, sot, nuk duhet të kesh lidhje me shtetin shqiptar por edhe me biznesin privat, sepse edhe aty ta gjejnë anën etj, etj. Unë jam një njeri i lirë dhe fatkeqësisht jam një nga njerëzit shumë të pakët që po kalojnë në minorancë të frikshme në këtë vend. Unë jam e lirë se nuk kam lidhje me shtetin shqiptar, nuk jam e punësuar nga shteti shqiptar. Për sa i përket zgjedhjeve të 30 qershorit, kam qenë vetë te shkolla Avni Rustemi, dhe qëllimi i opozitës nuk ishte për rezultatin por për çështjen e numrit, e nivelit të pjesëmarrjes. Jam kurioze për qendrën ku isha, ku u mbajtën shënim njerëzit si numër, edhe para dy ditësh kam kontrolluar faqen e KQZ, për të parë se a kanë nxjerrë numrin, se sa vetë kanë votuar në këtë qendër votimi, dhe fakti është që nuk kanë dalë akoma. Në gjithë zgjedhjet e tjera kanë dale, vetëm në këto zgjedhje nuk kanë dalë akoma. Kjo ishte një arsye që grupet e opozitës shkuan në qendrat e votimit për të mbajtur shënim numrin e votuesve. Unë mund ta them që tani sa kanë qenë te shkolla “Avni Rustemi”, dhe jam kurioze të dëgjoj se sa do nxjerrë KQZ. Pra ky ka qenë misioni kryesor Dua të them që me analizën e pas zgjedhjeve, ajo që më ka ardhur jashtëzakonisht keq, është për presionin e ushtruar ndaj administratës, duke filluar që nga kontrolli i gishtave. Dhe rezultati në këto zgjedhje ishin 2 gjëra: Në këto zgjedhje doli një numër rekord i fletëve të pavlefshme dhe mbushja e kutive me fletë votimi tepër. Hapja e disa kutive në Lezhë më duket se është në vijim të farsës, për të thënë që: “ja shikoni po i hapim”. Jam e sigurtë që ato kuti do dalin mirë, pra siç do KQZ dhe partia në pushtet. Pyetja ime është, pse nuk e bënë me partinë që kërkoi e para këtë gjë siç ishte Bindja Demokratike por u hapën për këtë? Pra ka standard të dyfishtë, domethënë një teatër i radhës”, tha Bogdani.

Por si qëndron problemi me demokracinë e brendshme të partive? Në diskutimin e saj me gazetarin Mustafa Nano, Mirela Bogdani shpjegoi se, sipas saj të gjithë partitë e tranzicionit shqiptar kishin shumë probleme lidhur me demokracinë e brendshme./abcnews.al

PROVOKACIA-12-MARS-MIRELA-BOGDANI-PJESA-2.mpg_snapshot_08.05-1280x720.jpg
ent ela21:32 | 12/03/2019

Anëtarja e Këshillit Bashkiak Tiranë Mirela Bogdani ka kritikuar në studion e Provokacijas moslënien e mandatit nga deputetja demokrate Rudina Hajdari, pasi sipas saj ai vendim është marrë hap pas hapi pas diskutimeve në Kryesi, Sekretariat dhe Këshill Kombëtar.

 “Vendimi për djegien e mandateve është marrë hap pas hapi në të gjitha strukturat e partisë. U bë me kryesi e sekretariat dhe këshill kombëtar dhe unë e pashë vetë entuziazmin në PD. Unë atë entuziazëm në PD mu duk sikur kishin fituar zgjedhjet. Pas vendimit fillon masa e kolegjialitetit që është disiplina e partisë”.

Për Bogdanin është e papranueshme që të marrin poste apo mandat deputeti në parti njerëz pa përvojë dhe pa kredencialet e duhura dhe rasti i Rudina Hajdarit  për të është një fenomen i njerëzve të shpërblyer nga partia.

“Ky fenomen që ajo përfaqëson më ka degustuar në kulm si ata fëmijët e përkedhëlur që i bien dhurata dhe gëzon dhe ajo ka extra se nëse të tjerët kishin eksperiencë, kjo s’kishte as dyvjeçare po kishte një legasi të babait të vet.

Njerëzit që në politikë i marrin kollaj ofiqet e pozicionet e larta dhe nuk kanë punuar fort për t’i arrit por si dhurata, ato njerëz hedhin vickla. Kësaj iu dha si shpërblim i një legasie që kishte lënë babai i vet”.

Referuar deklaratës së Rudina Hajdarit se djegia e mandateve i bën dëm vendit, Bogdani ngre pyetjen se përse Hajdari nuk ngriti  asnjëherë në strukturat e PD-së, shqetësimëet se përse u arrit te ky vendim.

“Rudina ka një problem, mezi artikulon dhe ky është një handikap i madh. Tha djegia e mandateve i bën dëm vendit. Po jo me shoqe se n’daç ti dhe n’daç ata të tjerët, pyetja shtrohet ju që vini na kërkoni dhe jepni llogari, nuk bëni pyetje që ky grup politik që erdhi te ky akt ekstrem pse i dogjët dhe e dyta ky pushtet është i dështum i korruptum dhe i kriminaluzium dhe këtë tipen kjo e shprehu ndonjëherë këtë problem brenda strukturave të PD?”.

Bogdani thekson se ka kritikuar listën për deputetë të Bashës dy vjet më parë pasi ka njerëz që përfitojnë nga partia jo vetëm financiarisht por edhe deri te akademia.

“Aso kohe kam thënë që se u diskutua lista e famshme e Bashës dhe u bë shkak për pasoja të rënda të partisë. Unë isha jasHtë dhe nuk e mendoja se do bëhesha pjesë.

Kam kritikuar hapur fare që angazhohen dhe përftiojnë përmes partisë nga ana financiare dhe deri akademike. Këto hyjnë në politikë me 4 klasë dhe bëhen profesorë. Për mua është e papranueshme se unë besoj te riciklimi i elitave”.

Mandati i deputetit është pika më e lartë e karrierës politike, thotë Bogdani që kërkon formim, përvojë dhe kredenciale.

“Mandati i deputetit është pika më e lartë e karrierës politike. Që të shkosh deri te lista duhet të kesh disa kredenciale se mund te kësh punu shumë te baza e partisë, kur nuk ke formim, je me 4 klasë shkollë, rri mirë, bëj atë punën e partisë te baza”.

Kritika Bogdani ka edhe për Këshillin Bashkiak të Tiranës, që sipas saj është kthyer në një teatër ku nuk diskutohen problemet e banorëve të Tiranës, por është kthyer në zyrë noteriale të bashkisë së Tiranës. /abcnews.al

 

vlcsnap-error603-1-1280x720.jpg
G. P.21:10 | 22/01/2018

Një seancë maratonë rezultoi ajo e nënkomisionit përgjegjës për zgjedhjen e anëtarëve për Këshillin e Lartë të Gjyqësorit dhe atij të Prokurorisë, të cilët nuk vijnë nga rradhët e gjyqtarëve dhe prokurorëve. Debati që zgjati mbi 5 orë nuk solli asnjë ndryshim në listën e përgatitur nga sekretari i përgjithshëm i Kuvendit, mes kandidaturave të së cilit u zhvillua dhe shorti, që përcaktoi kandidatët.

Pas pesë orësh debat në nënkomisionin përgjegjës për zgjedhjen e kandidatëve jo gjyqtarë e jo prokurorë për Këshillin e Lartë Gjyqësor dhe atë të Prokurorisë, këta të fundit u zgjodhën me short, nga lista e Sekretarit të Përgjithshëm e mbetur e pandryshuar nga ky komision:

Avokatët KLGJ: Arben Vani dhe Sokol Lame
Pedagogët KLGJ: Erion Muharremaj dhe Ilir Panda
Shoqëria civile KLGJ: Altin Azizaj
Avokatët KLP: Kozma Jano dhe Floreta Gjini
Pedagogët KLP: Eneida Sema dhe Mirela Bogdani
Shoqëria Civile KLP: Alfred Balla

Janë këto dhjetë emrat që do të përbëjnë listën e vetme, e cila do i drejtohet seancës plenare brenda 10 ditësh dhe kërkon dy të tretat e votave në parlament për miratim. Skenari më i mundshëm duket ai i dështimit të votimit në parlament, nisur nga fakti se asnjë nga kandidatët e listës nuk mori shumicën e votave në nënkomision.

Madje vetëm njëri prej të përzgjedhurve me short, Ilir Panda, arriti të merrte tre vota nga pesë anëtarët e nënkomisionit të treguar mjaft pasiv gjatë votimit. Këta kandidatë nuk përjashtohen nga një proces i dytë i përzgjedhjes në nënkomision, në rast se lista, e cila në Parlament votohet në bllok, nuk merr 94 vota.

Opozita, votimin e kandidatëve të përjashtuar nga ONM, njëri prej të cilëve sot i përzgjedhur nga shorti për të qënë anëtari nga shoqëria civile për KLP-në, tregon qartë kapjen e këtij procesi.

Por për mazhorancën detyrat e tyre janë qartësisht të përcaktuara në ligj./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono