miqesoret

partizani-antalyaspor.jpg
ent ela17:40 | 12/01/2019

Kontrast i madh tek Partizani mes ndeshjeve që po zhvillon në Turqi, dhe mungesës së përforcimeve. Trajneri Gega shpreson që drejtuesit e klubit t’i sjellin një sulmues.

Në fushën e lojës, është ekipi i duhur. Partizani po bind në Turqi, madje edhe më shumë sesa po e bënte në Superligën shqiptare gjatë fazës së parë, ndonëse problemet duket se nuk mungojnë.

Përtej barazimeve dhe paraqitjes mjaft pozitive, me Sivasporin dhe me Antaliasporin, trajneri Gega ka edhe disa kërkesa të tjera, dhe këto lidhen me përforcimet.

Më në fund, mbërriti një mbrojtës, me origjinë nga Kosova, Lum Rexhepi, që luan në Finlandë me KU PS. Futbollisti 26-vjeçar pritet të bashkohet shpejt me skuadrën në Turqi, dhe të jetë një alternativë e mirë në mbrojtje.

Gjithsesi, faza sulmuese mbetet ajo që ishte. Partizani mund të kishte marrë Vasil Shkurtajn, por burime pranë lojtarit tregojnë se Kukësi u tregua më I shkathët dhe praktik.

Po ashtu janë përfolur alternativa si Kuame Amponsah apo edhe Ibraimi nga Domzhale, por asnjëri prej tyre nuk po vjen.

Faza përgatitore në Antalia do të vazhdojë edhe për pak ditë, dhe në ditët e fundit të janarit do të nisë kampionati, me Partizanin, që edhe nëse arrin të marrë ndonjë lojtar, ka humbur ndërkaq shumë ditë për ta përshtatur me lojën e skuadrës.

Megjithatë, Gega mund të ndihet i qetë sepse formacioni kryeqytetas po tregon rritje në lojë, dhe kjo pritet t’i shtojë shanset për të fituar titullin kampion, aq më tepër që ndodhet në krye të renditjes./abcnews.al

LISTA-E-KOMBETARES-PER-MIQESORET-1280x720.jpg
ent ela13:21 | 21/05/2018

Trajneri i Kombëtares, Kristian Panuçi, bën me dije emrat e lojtarëve, që do të grumbullojë në dy miqësoret e radhës. Jashtë ekipit mbetet Armando Sadiku, ndërsa debuton, sulmuesi kryesor i Superligës, Sidrit Guri.

Sulmuesi kryesor mbetet jashtë.

Armando Sadiku nuk është preferuar nga trajneri Kristian Panuçi për dy ndeshjet e radhës të kombëtares, miqësoret ndaj Kosovës dhe Ukrainës.

Golshënuesi më i mirë sot për sot duket se po vuan pasojat e aktivizimit të paktë tek Levante në Spanjë, por edhe faktin që Panuçi kërkon të provojë lojtarë të tjerë, përveç atyre që njeh.

Njeriu kryesor nën vëmendje është Sidrit Guri, sulmuesi i Kukësit dhe shënuesi më i mirë i Superligës këtë sezon, i thirrur për herë të parë në ekipin përfaqësues.

Po ashtu, debutues në grumbullim do të jetë Egzon Binaku I Malmos, një mbrojtës krahu që shpresohët të jetë pasardhës i Ansi Agollit.

Në kombëtare kthehen Armando Vajushi e Rei Manaj, që të dy në sulm.

Mungesat janë të shumta, me disa prej lojtarëve të dëmtuar si Xhaka, Memushaj, apo Abrashi por po ashtu edhe Llullaku, Lila dhe Aliji.

Panuçi do të thërrasë gjithsej 24 lojtarë për ndeshjet që luhen në 29 maj ndaj Kosovës në Zvicër, dhe në 3 qershor ndaj Ukrainës në Evian të Francës.

Këto do të jenë disa nga provat e fundit para fillimit të takimeve eleminatore të Europianit si dhe të Ligës së Kombeve të Europës.

Grumbullimi dhe përgatitja e kombëtares do të bëhet pikërisht në Zvicër. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono