ministria

ambasadorja-1.png
G. P.20:58 | 30/10/2018

Ambasadorja e Greqisë në Shqipëri, Eleni Surani u thirr në Ministrinë për Evropën dhe Punët e Jashtme për ngjarjen e ndodhur në Bularat të Gjirokastrës. Sipas zyrës së shtypit të kësaj ministrie mësohet se ambasadores iu komunikua pozicioni i autoriteteve shqiptare lidhur me këtë çështje. Në takim u theksua se ngjarja e rëndë po hetohet nga Prokuroria Shqiptare, autoriteti i vetëm që në bazë të kushtetutës dhe legjislacionit penal shqiptar kryen hetim të pavarur për çdo vepër penale që ndodh në territorin e Republikës së Shqipërisë.

Ministria për Evropën dhe Punët e Jashtme përsëriti thirrjen për maturi dhe mosngjyrime politike e diplomatike të kësaj çështje, duke siguruar se Shqipëria është vend i sigurtë e i qetë për të gjithë shtetasit e saj, përfshirë pa asnjë dallim ata me kombësi greke./abcnews.al

kldd.png
G. P.20:02 | 20/10/2018

Këshilli i Lartë i Drejtësië ka reaguar për deklaratat e ministres Etilda Gjonaj, që është edhe anëtare e këtij Këshilli. Në një deklaratë për mediat thuhet se KLD shpreh keqardhje për pasaktësinë e mungesën e korrektesës së deklaratave të ministres së drejtësisë, e cila nuk ka marrë pjesë në mbledhjen, të cilën e cilësoi si të zhvilluar në mungesë transparence.

“Është i pavërtetë gjithashtu dhe deklarimi se Këshilli i Lartë i Drejtësisë, nuk ka patur kuorumin e nevojshëm për vendimarrje, pasi kuorumi vendimmarrës i KLD-së mbi këtë çështje pasqyrohet qartësisht dhe në mënyrë transparente në procesverbalin e mbledhjes të publikuar. Gjithashtu sqarojmë se z.Gjin Gjoni, nuk ka marë pjesë në votimin e kësaj pike shtesë të rendit të ditës”, thuhet në reagimin e KLD.

Çdo pretendim apo kundërshtim nga Ministrja e Drejtësisë apo çdo anëtar i KLD mund të paraqitet në mbledhjet e këtij organi, duke marrë pjesë e duke përmbushur kështu funksionin e anëtarit të kësaj trupe, përfundon me ironi reagimi i KLD ndaj deklaratave të ministres Etilda Gjonaj./abcnews.al

BONUS-PER-SHTRESAT-NE-NEVOJE-MBULIM.mpg_snapshot_00.11-1280x995.jpg
G. P.17:38 | 12/09/2018

Familjet në nevojë do të përfitojnë bonus për çdo fëmijë që kanë në arsimin e detyrueshëm me qëllim mosbraktisjen e shkollës. Këtë e bëri të ditur ministrja e Shëndetësise dhe Mbrojtjes Sociale Ogerta Manastirliu, pasi i shpërndau libra fëmijëve të komunitetit rom në banesat sociale në Lanabregas.

Manastirliu deklaroi se nga pagesat e posaçme për ndjekjen e arsimit të detyrueshëm përfitojnë 47 mijë fëmijë të familjeve që trajtohen me ndihmë ekonomike. Për vitin 2018, ministrja e Shëndetësisë dhe Mbrojtjes Sociale u shpreh se qeveria ka vënë në dispozicion 171 milionë lekë./abcnews.al

luciano-boci.jpg
ent ela17:08 | 02/09/2018

Një tjetër denoncim ka ardhur nga Partia Demokratike. Deputeti Luciano Boci në një postim në rrjetet sociale akuzon Ministrinë e Arsimit se nëpërmjet Drejtorive Arsimore Rajonale u mohon mësuesve, pa dijeninë e tyre, pagesat për sigurimet shëndetësore dhe shoqërore.

“Megjithëse janë definitivë, Ministria i konsideron sikur ata punojnë në të zezë, sikur të ishin emigrantë në vendin e tyre”, shkruan deputeti Luciano Boci i cili bashkëngjitur me statusin në Facebook ka  publikuar edhe një dokument, ku pretendon se mungojnë sigurimet e një mësuesi në disa muaj./abcnews.al

ministrat.jpg
G. P.09:13 | 17/07/2018

Numri i turistëve italianë që vizitojnë vendin tonë është gjithnjë e në rritje. Për këtë arsye Ministritë e Brendshme të të dy vendeve, kanë vendosur të aktivizojnë patrullime të përbashkëta në qytetet kryesore bregdetare, si Durrësi, Saranda dhe Vlora.

Agjentët e policisë italiane thuhet në njoftimin e ambasadës së vendit fqinj, do jenë të veshur me uniformën e tyre të dallueshme dhe do t’i vijnë në ndihmë operatorëve të policisë shqiptare, ku fokusi do të jetë pushuesit përtej Adriatikut.

Ky patrullim do të kryhet prej datës 16 Korrik e deri më 31 Gusht. Ambasada e Italisë në Tiranë, mirëpret këtë formë të re bashkëpunimi dypalësh në fushën e sigurisë, duke i bërë thirrje të gjithë pushuesve italin që të kontaktojnë në numrat zyrtarë të ambasadës./abcnews.al

minatoret.jpg
G. P.17:20 | 06/06/2018

Statusi i ka nxjerrë sërish minatorët përpara kryeministrisë. Ata kërkojnë miratimin e shpejtë të tij. Ndërkohë, Ministria e Infrastrukturës dhe Energjisë, e ajo e Financave dhe Ekonomisë deklarojnë se drafti është gati, por me të nuk kanë rënë dakord, të gjithë përfaqësuesit sindikalë.

Minatorët kanë dalë sërish para kryeministrisë për të kërkuar miratimin e statusit. Ndonëse Policia e Tiranës iu ka refuzuar kërkesën për tubim, ata e vijuan protestën e tyre.

Drafti shpjegojnë se është hartuar dhe ka kaluar në të gjithë institucionet, por nuk dinë të thonë pse miratimi i tij është vonuar. Rritja e masës së pensionit është kërkesa kryesore e tyre. Minatorët paralajmëruan një tjeter protestë të martën, ndërkohë që nuk përjashtuan as mundësinë për të hyrë në grevë urie.

Ministria e Infrastrukturës dhe Energjisë dhe ajo e Financave e Ekonomisë pas protestës pranoi se drafti për statusin e minatorit është gati. Ai është hartuar nga një grup ndërinstitucional pune, por jo të gjithë përfaqësuesit e sindiakatave kanë rënë dakord me të.

Fatkeqësisht, deri tani, ka dhe një pjesë përfaqësuesish sindikalë të cilët nuk kanë rënë dakord me draftin e propozuar nga pjesa kryesore e sindikalistëve. Gjejmë rastin që tu bëjmë thirrje të gjithë përfaqësuesve sindikalë që të bëhen pjesë e diskutimeve në tryezën e grupit të punës, të bashkohen në qëndrime mbi një draft të vetëm i cili më pas ti nënshtrohet procedurave të përcaktuara në ligj”, thuhet në njoftimin e ministrisë./abcnews.al

xhafaj-dhe-gjermania.jpg
G. P.15:38 | 18/05/2018

Ministri i Brendshëm, Fatmir Xhafaj, zhvilloi një takim me ambasadoren gjermane në Task-Forcën speciale “Forca e Ligjit”. Susanne Schütz, dha një mesazh të fortë duke theksuar se lufta kundër kirmit të organuzuar është pikë kyç për integrimin në BE.

Për herë të parë publikohen pamje nga brenda të njësisë Task-Forcë, “Forca e Ligjit, të servirura nga ministria e Brendshme.

Fatmir Xhafaj, gjatë një vizite me ambasadorën e Gjermanisë në Tiranë, Susanne Schütz, theksoi se kemi disa çështje në proces hetimi policor të përbashkët  të cilat janë shumë të ndjeshme edhe për publikun shqiptar.

Fatmir Xhafaj: “Ka jo pak probleme që lidhen në fushën e trafikut të drogës, trafikut të qënieve njerëzore dhe të vjedhjes. Janë çështje që ne i trajtojmë bashkarisht me kolegët tanë gjermanë në funksion në kuadër të operacionit Forca e Ligjit përmes Task-Forcës dhe kuadrin e njësisë “anti-Skifter” të ngritur për hetime të përbashkëta me palën gjermane”. 

Ndërkohë ambasadorja gjermane ishte e prerë në fjanë e saj, duke rikujtuar se lufta kundër krimit të orgazuar është një ndër prioritetet kyçe për ecjen përpara të Shqipërisë në drejtim të integrimit në BE. 

Susanne Schütz: “Qëllimi i vizitës ishte që të informohem për punën e bërë nga Task-Forca. Mund të them që dal me përshtypje shumë pozitive. Ne kemi filluar tashmë bashkëpunimin e ngushtë me Task Forcën. Kemi arritur rezultatet e para dhe do të vazhdojmë që ta mbështesim aktivisht këtë Task Forcë.Dua të theksoj që lufta kundër krimit të organizuar është një ndër prioritetet kyçe për ecjen përpara të Shqipërisë në drejtim të integrimit në BE. Është diçka shumë e rëndësishme dhe dua që të them që ne do të vazhdojmë që të mbështesim në këtë drejtim”. 

Në fund, Schütz pohoi se mbështetja e qeverisë Gjermane nuk ka qenë thjesht në kuadrin e këshillave, por edhe asistencë në çështje konkrete./abcnews.al

dami.jpg
G. P.13:08 | 03/04/2018

Taksapaguesit shqiptare do të dëmshpërblejnë kompanitë private që kanë marrë me koncesion mirëmbajtjen e Rrugës së Kombit për dëmet e shkaktuara gjatë protestës së të shtunës.

Ndërsa banorëve të Kukësit do t’u duhet të paguajnë gjithashtu tarifën prej pesë eurosh për çdo kalim në Rrugën e Kombit deri në identifikimin e tyre si përdorues të shpeshtë të rrugës dhe pajisjen me abone.

Ministri i Infrastrukturës pranon se tarifa është më e lartë se në Maqedoni dhe Serbi, por e vemja mënyrë për të investuar dhe mirëmbajtur këtë rrugë. Ndërkohë ministri Gjiknuri akuzoi opozitën që shprehet kundër kësaj tarife se kishte miratuar një çmim më të lartë, kur qeveriste vendin.

Ministri i Infrastrukturës citoi një vlerësim të Bankës Botërore, sipas të cilit, vetëm për mirëmbajtjen e 3 mijë e 900 kilometra rrugë nacionale, qeveria duhet te shpenzojë 320 mln euro dhe taksën e qarkullimit e quan të pamjaftueshme.

Në këtë pike, ministri Gjiknuri thotë se për një nder rrugët më të frekuentuara ndonëse në gjendje të amortizuar, autostradën Tiranë-Durrës, do të kryehet investim i pjesshëm.

Ndërsa për segementin Kukës –Morinë këtë vit Minstria e Infrastrukturës dhe Energjisë ka parashikuar rreth 880 milionë lekë investime./abcnews.al

voltana-ademi-1280x656.jpg
G. P.16:12 | 06/03/2018

Në Anën e Malit, situata është e njëjtë me dy ditët e mëparshme, pasi uji nuk është larguar. Për të parë nga afër gjendjen, kryetarja e Bashkisë së Shkodrës, Voltana Ademi, u takua me banorët, të cilët bënë përgjegjës për situatën shkarkimet nga kaskada e Drinit. Por një ditë më parë KESH njoftoi zyrtarisht se përmbytjet në Anën e Malit nuk kanë ndodhur nga shkarkimet, por nga reshjet e shiut.

Voltana Ademi: “Keni një rritje deri në 20 centimetra deri më tani, sipas verifikimeve të banorëve, që vjen nga shkarkimet nga hidrocentralet. E theksoj derdhjet nga hidrocentralet. Situata tashmë është e përkeqësuar në tokat e mbjella. Kemi një situatë të përkeqësuar të territoreve të mbjella në zonën e Anës së Malit dhe kemi vështirësi për blegtorët. Ministria përkatëse, KESH-i të jenë përgjegjëse me informacionet që japin.”/abcnews.al

vlcsnap-error594-3-1280x720.jpg
G. P.12:12 | 31/01/2018

Duke filluar nga dita e sotme në Prishtinë ka nisur të zbatohen një sërë masash për të ulur nivelin e ndotjes së ajrit. Në qendër dhe në hyrje të kryqytetit do të ndalohet qarkullimi i automjeteve, ndërsa banoret do të shfrytëzojnë autobuset e linjave të brendshme pa pagesë.

Policia e Kosovës ka nisur zbatimin e masave të vendosura të martën nga bashkia e Prishtinës në bashkëpunim me Ministrinë e Mjedisit dhe Planifikimit Hapësinor si dhe me Ministrinë e Punëve të Brenshme. Ky plan masash është vendosur për të ulur nivelin e ajrit të ndotur në kryeqytet. Palët ranë dakord që nga 31 Janari, këto masa të vihen menjëherë në zbatim deri në një vendim të ri.
Një nga masat ka të bëjë me reduktimin e numrit të automjeteve që qarkullojnë në kryeqytet duke ndaluar të gjitha automjetet që vijnë nga qytetet e tjera në hyrje të kryeqytetit, për nëntë orë në ditë. Gjithashtu është vendosur që në varësi të numrit të fundit të targës të çdo automjeti, ato mund të lëvizin përkasisht në ditë teke ose çift. Në hyrje të Prishtinës do të krijohen hapësira për parkim deri në tejkalimin e kësaj situate emergjente.

Ndërkohë Bashkia e Prishtinës ka vendosur që shërbimi me autobuzët brenda qytetit të jetë falas, me anë të një subvencionimi nga ana e qeverissë.
Ministri i Punëve të Brendshme, Flamur Sefaj dhe nënkryetari i Komunës së Prishtinës, Selim Pacolli, monitoruan gjatë ditës masat për ndalimin e qarkullimit të automjeteve në disa zona të Prishtinës.

Por pavarësisht masave të marra cilësia e ajrit në Prishtinë vijon të jetë shqetësues. Të dhënat e fundit nga Qendra për matjen e cilësisë së ajrit e vendosur nga Ambasada Amerikane në Prishtinë në orën 09:00 të mëngjesit së të mërkurës është regjistruar vlera e ndotjes 161, që konsiderohet e rrezikshme.
Lajmi për nivelin e ajrit të ndotur, që rradhit Prishtinën në krye të listës botërore për ajrin e papastër, ka bërë që shoqëria civile të organizojë një sërë protestash në kryeqytet./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono