Ministria e Mbrojtjes

demtime-1.jpg
G. P.13:05 | 04/07/2018

Një tërmet me magnitudë 5.1 ballë dhe epiqendër në Hamallaj të Durrësit goditi Shqipërinë këtë të mërkurë. Ministria e Mbrojtjes në një njoftim për mediat shkruan se janë konstatuar disa dëmtime në banesa të ndryshme dhe fatmirësish nuk janë raportuar lëndime në njerëz.

Njoftimi i Ministrisë së Mbrojtjes:

Nga informacionet e grumbulluara nga Qendra Kombëtare Operacionale pranë Shtabit të Përgjithshëm të FA deri në orën 12:30 janë konstatuar :

  1. Rënia e një çatie në një banesë të braktisur, njësia administrative Manzë.
  2. Në Yrshek, Kashar i është çarë muri i një banese.
  3. Në Marqinet, Bashkia Vorë, raportohet dëmtimi i catisë së një banese.
  4. Në lagjen Dyl Haxhire Myzyri, pallati nr. 8 ka plasaritje të mureve.
  5. Njësia Cudhi, Bashkia Krujë është plasaritur një banesë.
  6. Fshati Brret, Bashkia Krujë një banesë e plasaritur.
  7. Plasaritje e një supermarket në lagjen 17, Bashkia Durrës.

Nga komunikimi me qarqet Fier, Shkodër, Vlorë, Lezhë, Berat,  Kukës etj. nuk janë raportuar dëme në objekte dhe lëndime në njerëz./abcnews.al

olta-xhacka.jpg
ent ela14:07 | 14/04/2018

Ministria shqiptare e Mbrojtjes ka shprehur mbështetjen për sulmet raketore ndaj Sirisë, për të shkatërruar bazat e armëve kimike. Sipas saj sulmi i SHBA-së, Britanisë dhe Francës është përgjigjia e duhur ndaj një vendi që rrezikon sigurinë ndërkombëtare duke përdorur armë kimike.

Reagimi i Ministrisë së Mbrojtjes:

Ministria e Mbrojtjes mbështet sulmin e Shteteve të Bashkuara të Amerikës, Mbretërisë së Bashkuar dhe Francës ndaj regjimit të Sirisë.

Shqipëria, si një vend anëtar i NATO-s, i vlerëson si të papranueshme përdorimin e armëve kimike, të cilat kanë marrë jetë njerëzish të pafajshëm. Këto veprime bien në kundërshtim të plotë me të gjitha konventat ndërkombëtare.

Për këtë arsye, Ministria e Mbrojtjes e Republikës së Shqipërisë konsideron se, përdorimi i armëve kimike rrezikon sigurinë dhe paqen ndërkombëtare. Ndaj dhe veprimi i SHBA dhe dy prej vendeve anëtare të NATO-s është përgjigjia e duhur në emër të mbrojtjes së lirive dhe të drejtave themelore të njeriut. /abcnews.al

 

030-1280x853.jpg
G. P.11:31 | 07/04/2018

Në Bazën Ajrore të Farkës është përkujtuar 2-vjetori i rënies në detyrë të dy “Dëshmorëve të Atdheut”, kapiten Florian Deliut dhe toger Donald Hoxhës, të cilët humbën jetën pas rrëzimit të helikopterit EC -145 në Grizhë të Malësisë së Madhe, gjatë një fluturimi stërvitor.

Në ceremoni ishte e pranishme ministrja e Mbrojtjes, Olta Xhaçka, e cila deklaroi se në funksion të rritjes së sigurisë për Forcën Ajrore, ashtu si dhe në forcat e tjera vijon procesi i reformimit dhe i modernizimit.

“Sigurisht, trajnimi, taktika, pajisjet përdorimi i elementëve të tjerë që i janë shtuar ose përmirësuar me kalimin e kohës e kanë ulur probabilitetin e aksidenteve”, u shpreh Xhaçka.

Më pas, ministrja së bashku me Shefin i Shtabit të Përgjithshëm të Forcave të Armatosura gjeneral brigade, Bardhyl Kollçakun, drejtuesin e Forcës Ajrore, Kuto Hasanin, si dhe familjarë e të afërm të dëshmorëve vendosën kurora dhe buqeta me lule në memorialin kushtuar pilotëve të rënë në Bazën Ajrore të Farkës./abcnews.al

keshilli-ministrave.png
G. P.17:09 | 26/03/2018

Qeveria ka vendosur t’i heqë 20 milionë lekë buxhetit të Ministrisë së Bujqësisë dhe Zhvillimit Rural për t’ia kaluar Ministrisë së Mbrojtjes. Ky kalim fondesh bëhet me qëllim që të përdoret për sigurimin e bazës ushqimore për blegtorinë në zonat e përmbytura në Shkodër. Në këtë qark, situata vazhdon të jetë e përkeqësuar nga reshjet e tre javëve të fundit.
Këtë vendim Këshilli i Ministrave e mori në mbledhjen e ditës së sotme./abcnews.al

shkoderr-1280x656.jpg
G. P.12:14 | 24/03/2018

Reshjet janë ndërprerë, por situata në territorin e Bashkisë së Shkodrës duket se është e njëjtë. Bashkia në njoftimin për mediat raporton se sipërfaqja totale e përmbytur është mbi 5003 Ha.

Mbi 500 shtëpi janë të rrethuara nga uji. Deri tani 76 persona jane evakuuar dhe akomoduar në konvikte. Bashkia insiston në kërkesën për shpalljen e emergjencës civile në një pjesë të territorit të Shkodrës, pasi sipas tyre situata e krijuar është rezultat i shkarkimeve të mëdha në sasi dhe për një kohë të gjatë në kaskadën e lumit Drin.

Nga ana tjetër, Ministria e Mbrojtjes bën me dije se në zonat e përmbytura ka një përmirësim të situatës dhe një rënie të nivelit te ujit. Ministria i kërkon Bashkisë së Shkodrës që të bashkëpunojnë për shpërndarjen e ndihmave tek banorët e rrethuar nga uji./abcnews.al

MINISTRIA-E-MBROJTJES-1280x720.jpg
ent ela20:46 | 23/03/2018

Pas akuzave të kreut për Partisë Demokratike Lulzim Basha për situatën e përmbytjeve në Shkodër, ka reaguar edhe ministria e Mbrojtjes. Në njoftim për mediat, thuhet se ushtria në Shkodër vazhdon të jetë në këmbë 24 orë në 24, që prej minutës së parë.

“Kudo ku uji ka paralizuar jetën e njerëzve, në Obot, Dajç, Ana e Malit, Trush, Livadhë, Velipojë apo Bushat, që prej 5 Marsit e deri më sot vazhdojnë të jenë pranë çdo banori në vështirësi. Kushdo që thotë se, ushtria nuk e njeh terrenin mirë, me siguri ka shkuar vetëm në ato zona ku e gërryen meraku për militanët”. Për ne, thuhet në njoftimin e ministrisë së mbrojtjes, “banorët e Shkodrës janë qytetarë të Shqipërisë”.

Deri më tani, 26 familje janë evakuuar, 2 mijë banorë janë lehtësuar me transportin e përditshëm. Bashkëpunimi mes forcave të ushtrisë, institucioneve të qeverisë dhe pushtetit vendor është detyrimi ynë i përbashkët, dhe vendosja e qytetarëve në qendër të përpjekjeve të përbashkëta, është nderi i çdokujt që paguhet nga taksat e tyre! /abcnews.al

shkoder-info-1280x653.jpg
G. P.10:01 | 19/03/2018

Reshjet po bien me intensitet të lartë në Shkoder mëngjesin e sotëm dhe niveli i ujit në zonat e përmbytura po rritet përsëri. Ministria e Mbrojtjes raporton për 2520 ha nën ujë, por duket se pas kaq ditësh problemi emergjent është ushqimi për vetë njerëzit. Nga Institucioni i Prefektit të Qarkut Shkodër është bërë kërkesë mbi bazën e nevojave që ka kërkuar Bashkia Shkodër dhe sot po të ndahen për komunitetin rreth 500 pako ushqimore dhe rreth 30 çadra të shoqëruara me set prej 200 batinijesh, krevatë nga rezervat e shtetit. Ndërkohë të rrethuar nga uji janë rreth 155 banesa prej të cilave: 70 banesa në fshatin Obot, 15 banesa në fshatin Gorricë, 15 banesa në fshatin Shirq, 15 banesa në fshatin Mushan dhe 40 banesa në zonën e Livadheve.

Njoftimi i Ministrisë së Mbrojtjes:

Bashkia Vau-Dejës – Njësia Administrative Bushat: Ka pasur rreth 390 ha tokë të përmbytur.

Bashkia Shkodër – Qyteti Shkodër: Në zonën e Livadheve janë përmbytur 60 ha. Në këtë lagje ndodhen mbi 40 banesa me prezencë uji afër oborreve të tyre dhe nga këto 4 familje mbajnë bagëti, ku si pasojë e fushave të përmbytura paraqiten vështirësi në sigurimin e ushqimit për to. Familjet e këtyre banesave furnizohen me ujë të pijshëm nëpërmjet puseve dhe ky paraqitet si problem. Në lagjen Ajasëm janë rreth 80 dynymë tokë e mbuluar nga uji dhe si pasojë 5 familje të kësaj lagje, të cilat mbajnë rreth 100 krerë bagëti, kanë vështirësi në sigurimin e ushqimit për to.

Njësia Administrative Bërdicë: Ka pasur rreth 290 ha tokë të përmbytur.

Njësia Administrative Dajç: Ka pasur rreth 780 ha tokë të përmbytur pasi niveli i ujit ka pësuar rritje me rreth 12 cm. Në lagjen Zadrimë, Marinaj dhe Maçit, të fshatit Shirq, kanë qenë të izoluara nga prezenca e ujit 20 familje dhe në fshatin Mushan 5 familje. Kërkohet të ndërhyhet për lartësimin e argjinaturës së Pentarit në rreth 300 ml gjatësi.

Njësia Administrative Ana e Malit: Ka pasur rreth 1200 ha tokë të përmbytur (fshati Muriqan 420 ha, fshati Oblikë 580 ha dhe fshati Obot 200 ha), pasi niveli i ujit ka pësuar rritje me rreth 20 centimetra. Në fshatin Obot, kalimi është bërë vetëm me automjete të kalueshmërisë së lartë dhe me varka e gomone. Ujësjellësi Oblika 1 vazhdon të jetë jashtë funksionit si pasojë e përmbytjeve. Bashkia Shkodër ka vazhduar me 2 mjete autobote furnizimin e banorëve me ujë të pijshëm.

Njësia Administrative Rrethina: Ka pasur rreth 60 ha tokë të përmbytur.

Njësia Administrative Guri i Zi: Ka pasur rreth 5 ha tokë të përmbytur. Konstatohet fenomeni i erozionit në tokat bujqësore. Vazhdon gërryerja e tokës në fshatin Juban, në afërsi të Malit të Vukatanës. Gjithsej, në bashkinë Shkodër janë rrethuar nga uji rreth 155 banesa prej të cilave: 70 banesa në fshatin Obot, 15 banesa në fshatin Gorricë, 15 banesa në fshatin Shirq, 15 banesa në fshatin Mushan dhe 40 banesa në zonën e Livadheve.

Nga Institucioni i Prefektit të Qarkut Shkodër, mbi bazën e nevojave që ka kërkuar bashkia Shkodër dhe planifikimit të bërë nga DBU, është bërë kërkesë dhe do të ndahen sot nevojat për ushqime për komunitetin me rreth 500 pako ushqimore dhe rreth 30 çadra të shoqëruara me set prej 200 batinijesh, krevatë, etj nga rezervat e shtetit./abcnews.al

nenshkodra-1280x658.jpg
G. P.11:05 | 16/03/2018

Ministria e Mbrojtjes njofton se 24 orët e ardhshme pritet të përkeqësohet situata e përmbytjeve në zonën e Nënshkodrës. Shkak, sipas kësaj ministrie, pritet të jenë reshjet e dendura të paralajmëruara nga shërbimi meteorologjik i ushtrisë.

Në njoftimin më të fundit të bërë publik mëngjesin e sotëm, thuhet se në zonën e Nënshkodrës, në fshatin Obot, niveli i ujit ka rënë në krahasim me ditën e enjte. Aktualisht në rrugët e këtij fshati, njofton ministria e Mbrojtjes, niveli i ujit është rreth 70 centimetra.

Nxënësit dhe banorët e Obotit, të cilët duan të lëvizin nga fshati i tyre drejt zonave të tjera po ndihmohen në transport nga mjete të larta të ushtrisë.

Ndërkohë që gjatë 24 orëve të ardhshme priten sërish reshje të dendura, Forcat e Armatosura kanë marrë masa me efektivë dhe mjete për të qenë në gatishmëri për çdo situatë të mundshme./abcnews.al

NDALEN-SHKARKIMET-1280x720.jpg
ent ela10:12 | 13/03/2018

Gjatë 24 orëve të kaluara mbi vendin tonë ka mbizotëruar mot me vranësira të ndrueshme dhe të dendura. Të pranishme reshje shiu në pjesën më të madhe të vendit.

Reshjet e shiut kanë qenë të herëpashershme me intensitet deri të lartë, lokalisht shtrëngata dhe stuhi.
Gjatë natës sasia më e madhe e reshjeve të shiut të rëna është: Lezhë 20.0 mm shi, Shkodër 12.0 mm shi dhe Tiranë 12.0 mm shi, ndërsa në pjesën tjetër e vendit kanë rënë më pak se 7.0 mm shi.

Fierza : Kuota 295.49 m; Q=700 m3/sek; P=460 MW; 4AG në punë; Shkarkim nga porta 0 m3/s.

Kimani: Kuota 172.78 m; Q=870/420 m3/sek; P=580 MW; 4AG në punë; Shkarkim nga porta 400 m3/s.

V.Dejës: Kuota 74.80; Q=1360/280 m3/sek; P=239 MW; 5 Ag në punë; Shkarkim nga porta 800 m3/s.

Qarku Shkodër. Si pasojë e reshjeve të rëna janë ndodhur nën ujë një sipërfaqe e konsiderueshme e tokës bujqësore dhe janë izoluar nga uji shumë banesa ku më i prekuri ka qenë fshati Obot, si dhe janë marrë masat për sigurimin e ushqimit për bagëtitë të këtyre zonave.

Janë siguruar dhe shpërndarë ndihmat si më poshtë:

Në Njësinë Administrative Ana e Malit janë shpërndarë 7 tonë koncentrat si dhe 11 ton bar i thatë.

Në Njësinë Administrative Dajç janë shpërndarë janë shpërndarë 11 ton koncentrat për bagëti.

Ndodhen të magazinuara 2 ton koncentrat për bagëti i cili do të shpërndahet sipas një grafiku të caktuar.

Kjo sasi ushqimore për bagëti është siguruar nëpërmjet ndërmjetësimit të Institucionit të Prefektit të Qarkut Shkodër me Ministrinë e Mbrojtjes (DPEC) Ministrinë e Bujqësisë dhe Donacioni i Dhomës së Tregtisë dhe AIBA.

Gjithashtu janë siguruar ndihma ushqimore për familjet e izoluara nga uji si më poshtë:
Nga Drejtoria e Përgjithshme e Rezervave Materiale të Shtetit janë dërguar në Njësinë Administrative Ana e Malit 450 pako ushqimore dhe 180 pako me detergjent.

Ditën e djeshme më datë 12.03.2018 me fillimin e reshjeve situata është vështirësuar dhe niveli në Lumin Bunë në zonën e Dajçit ka arritur rreth 22 cm, duke e vështirësuar përsëri gjendjen në zonat e përmbytura.

Aktualisht FA është e pranishme ne zonat e prekura nga uji me efektivet dhe mjetet e batalionit të këmbësorisë së Shkodrës.

ushtria.jpg
ent ela09:24 | 08/03/2018

Bazuar në informacionet e mbërritura në Qendrën e Bashkuar Operacionale pranë Shtabit të Përgjithshëm ju bëjmë më dije situatën në vend deri në orën 9:00. Forcat e Armatosura janë të angazhuara në të gjitha qarqet që kanë paraqitur probleme. Aktualisht angazhimi kryesor i FA është në qarkun e Shkodrës në ndihmë të banorëve në vështirësi.

Qarku SHKODËR

Bashkia Vau-Dejës: Njësia Administrative Bushat, janë përmbytur 300 ha tokë dhe 10 ha jonxhë në fshatin Fshati i Ri, si dhe është dëmtuar Ura e Gjolulit.

Bashkia Shkodër:

Njësia Administrative Dajç, janë përmbytur 430 ha tokë.

Në fshatin Darragjat 10 ha tokë nga të cilat 5 ha janë të mbjella foragjerë.

Në fshatin Shirq 110 ha tokë nga të cilat 40 ha janë të mbjella foragjerë.

Në fshatin Mushan 35 ha tokë nga të cilat 30 ha janë të mbjella foragjerë.

Në fshatin Sukaj 50 ha tokë, nga të cilat 5 ha janë të mbjella foragjerë.

Në fshatin Dajç 275 ha tokë, nga të cilat 10 ha janë të mbjella foragjerë.

Aksi rrugor rural që lidh fshatin Darragjat me fshatin Shirq është i bllokuar nga rritja e nivelit të ujit. Është i kalueshëm vetëm me mjete të larta.

Në fshatin Trush janë bllokuar kanalet anësore dhe ka përmbytje të tokave që janë afër rrugës.

Në Njësinë Administrative Bërdicë janë përmbytur rreth 20 ha tokë.

Prurjet e lumit Drin janë rritur shumë.

Njësia Administrative Ana e Malit, janë përmbytur 1000 ha tokë, si dhe 370 ha jonxhë, 180 ha foragjerë, 442 ha livadhe, 1 ha vreshta, 2 ha sera dhe 5.2 ha bimë dekorative.

Në fshatin Obot janë përmbytur 310 ha tokë.

Në fshatin Oblikë 290 ha tokë.

Në fshatin Muriqan 400 ha tokë.

Në fshatin Obot, Forcat e Armatosura nga Reparti Ushtarak Vau-Dejës kanë shkuar për ndihmë për transportimin e komunitetit me 1 mjet transporti dhe 2 varka.

Në fshatin Obot disa segmente rrugore janë bllokuar. Ujësjellësi Oblika është përmbytur dhe është jashtë funksionit dhe rreth 800 banorë nuk kanë furnizim me ujë të pijshëm. Rrezikon të përmbytet dhe Ujësjellësi Oblika 2.

Në Njësinë Administrative Gur i Zi, konstatohet fenomeni i erozionit në tokat bujqësore dhe janë gërryer rreth 3 ha tokë në 800 ml gjatësi.

Në fshatin Kuç dhe Vukatane janë përmbytur 5 ha livadhe.

Në aksin rrugor rural për në malin e Shoshit lëvizja e mjeteve bëhet me zinxhirë për shkak të reshjeve të dëborës.

Aksi rrugor rural për në fshatin Bruçaj-Qafë-Thanë të Njësisë Administrative Pult është i bllokuar.

Aksi rrugor rural Mazrek, në Njësinë Administrative Gur i Zi është i bllokuar, për shkak të reshjeve të dëborës.

Bashkia Fushë Arrëz: fshati Apripë Guri është i bllokuar dhe ditën e sotme është dërguar 1 varkë nga FNSH Shkodër për ti ardhur në ndihmë kësaj bashkie.

Bashkia Malësi e Madhe: Në fshatin Gropat e Selcës, Njësia Administrative Kelmend, është dëmtuar një segment rrugor me gjatësi rreth 1000 m, si pasojë e rrëshqitjes së gurëve dhe dherave.

Në fshatin Maklaj, Njësia Administrative Shkrel, janë dëmtuar këmbët e një ure si dhe një segment rrugor me një gjatësi rreth 150m.

Në fshatin Palvar dhe Culaj, Njësia Administrative Qendër, nga përmbytja janë dëmtuar 4-5 shtëpi.

Në fshatin Kçar i Poshtëm, Njësia Administrative Gruemirë, janë përmbytur disa toka nga përroi i Rrjollit.

Qarku Dibër.

Akset rrugore nacionale dhe rurale në të gjithë qarkun janë të qarkullueshme pa probleme.

Aksi rrugor nacional Ura e Qytetit-Zerqan, është i dëmtuar nga rrëshqitja në një segment prej 20 m. Firma kontraktore ka ndërhyrë duke e kthyer këtë aks rrugor të kalueshëm.

Për shkak të kësaj rrëshqitje është dëmtuar banesa e shtetasit Bexhet Murrja.

Aksi rrugor nacional Trebisht-Doganë, është i bllokuar në një segment për shkak të rrëshqitjes së skarpateve të rrugës.Firma kontraktore po ndërhynë duke e kthyer këtë segment rrugor të kalueshëm.

Bashkia Bulqizë: Aksi rrugor rural Zogjaj-Bllace është i kalueshëm, pasi kanë ndërhyrë forcat e bashkisë duke e kthyer këtë aks rrugor të kalueshëm.

Aksi rrugor rural që lidhen fshatrat Ternovë e Madhe dhe Ternovë e Vogël, me Njësinë Administrative Fushë Bulqizë është i bllokuar nga rrëshqitja e gurëve dhe dherave.

Në fshatin Vlashaj, Njësia Administrative Shupenzë, është dëmtuar banesa e shtetasit Femi Dani nga rrëshqitja e tokës.

Në fshatin Gjurras, Njësia Administrative Shupenzë, është dëmtuar banesa e shtetasit Qamil Teta nga rrëshqitja e tokës.

Bashkia Klos: aksi rrugor rural Xibër-Tiranë është i pa kalueshëm.

Bashkia Mat: është dëmtuar një banesë në fshatin Prell, Njësia Administrative Rukaj, për shkak të rrëshqitjes së dherave.

Në 2 lagje të qytetit të Peshkopisë dhe Njësia Administrative Zall Dardhë, ka pasur mungesë me furnizimin me energji elektrike.

Grupet e punës së OSHEE po punojnë për riparimin e defekteve.

Qarku Durrës.

Bashkia Krujë. Në fshatint Murqin, Mallkuç, Njësia Administrative Bubq, bashkia Krujë, ka dalë nga shtrati lumi Ishëm, duke përmbytur 50 ha tokë. Prezenca e ujit nuk ka arritur në qendrat e banuara dhe ka pësuar rënie. Situata vazhdon të monitorohet nga forcat e bashkisë Krujë.

Qarku Kukës.

Akset rrugore nacionale që përshkojnë Qarkun e Kukësit vazhdojnë të jenë nën efektin e rënies së gurëve dhe dherave. Firmat Kontraktore janë në gadishmëri për ndërhyrje në problematikat e shfaqura.

Akset rrugore rurale janë nën efektin e rënies së gurëve dhe dherave deri në rrëshqitje të skarpatave. Vazhdon të jetë e bllokuar Njësia Administrative Arrën, fshati Lojme, bashkia Kukës dhe 2 fshatra të Njësisë Administrative Lekbibaj, bashkia Tropojë.

Qarku Gjirokastër.

Aksi rrugor rural i Njësisë Administrative Frashër që lidh fshatrat Miçan, Vërçisht dhe Ogrenj, bashkia Përmet, është  i bllokuar për shkak të rrëshqitjes së masivit shkëmbor.

Në fshatin Tërbuq, Njësia Administrative Odrie, bashkia Gjirokastër, rreth 100m mbi banesat e fshatit ka pasur rrëshqitje gurësh dhe dherash. Me kërkesë të Prefektit të Gjirokastrës kërkohen specialistë nga Shërbimi Gjeologjik Shqiptar për të bërë studimin e zonës. QKOEC menjëherë ka dërguar shkresë Shërbimit Gjeologjik Shqiptar dhe ditën e sotme pritet që specialistët të shkojnë në vendngjarje për të bërë studimin e zonës.

Qarku Korçë.

Në fshatin Kalivaç, Njësia Administrative Trebinjë, bashkia Pogradec, ka pasur rrëshqitje masive të tokës që rrezikon varrezat e fshatit.

Në fshatin Vërri, Njësia Administrative Proptisht, bashkia Pogradec, ka pasur rrëshqitje masive të tokës, e cila rrezikon një pikë karburanti në aksin rrugor rural Golik-Proptisht.

Bashkia Pogradec ka ngritur grupe me specialistë, të cilët kanë shkuar në vendngjarje dhe kanë verifikuar situatën e krijuar nga këto dy rrëshqitje masive të tokës.

Me kërkesë të QKOEC pritet që të shkojnë në vendngjarje specialistë të Shërbimit Gjeologjik Shqiptar  për të bërë studimin e zonës.

PARASHIKIMI I MOTIT.

Parashikimi i motit për sot, 8 Mars 2018.

Gjatë ditës së sotme mbi vendin tonë do të mbizotërojë mot me vranësira mesatare dhe të dendura. Të pranishme reshje shiu në pjesën më të madhe të vendit. Mjegullinë nëpër lugina për shkak të reshjeve.

Era do të fryjë e lehtë, në bregdet deri 20 km/orë, nga jugperëndimi.

Temperaturat ekstreme, pritet të luhaten:

Në vendet malore: temperaturat minimale do të zbresin deri në 2°C,ndërsa ato maksimale do të ngjiten deri në 10°C.

Në vendet e ulëta: temperaturat minimale do të zbresin deri në 7°C,ndërsa ato maksimale do të ngjiten deri në 17°C.

Në bregdet: temperaturat minimale do të zbresin deri në 9°C, ndërsa ato maksimale do të ngjiten deri në 16°C.

Parashikimi i motit për nesër, 9 Mars 2018.

Gjatë ditës së nesërme mbi vendin tonë do të mbizotërojë mot me diell dhe vranësira kalimtare deri në mesditë. Më pas mot i kthjellët në të gjithë territorin. Reshje shiu të izoluara në veriperëndim.

Era do të fryjë e lehtë, në bregdet deri 20 km/orë, nga jugperëndi./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono