Ministria e Brendshme

lleshaj.jpg
Autor E11:32 | 11/01/2020

Ministri i Brendshëm Sandër Lleshaj ka publikuar dy prioritetet kryesore të kësaj ministrie gjatë 2020 duke theksuar se do të jenë lufta kundër krimit të organizuar dhe siguria rrugore.

Ai ishte i pranishëm gjatë analizës me 12 Drejtoritë Vendore të Policisë dhe drejtuesit qendorë, për rezultatet e vitit që lamë pas, problematikat si dhe u diskutuan prioritetet për vitin 2020.

“Krimi i organizuar është prioriteti numër 1. Personat, që janë dënuar për veprimtari në fushën e krimit rë organizuar, të krimeve të rënda, të korrupsionit etj., pra janë disa nene të Kodit Penal, nëqoftëse janë dënuar për këto vepra, brenda apo jashtë shtetit, që janë hetuar apo janë proceduar për këto vepra, nga momenti i hyrjes në fuqi të ligjit, Policia ka detyrën t’i shkojë dhe t’i trokasë në derë, t’i thotë: – ti ke bërë 10 vjet (burg) për trafik droge? Po. Ke dhe këtë hotelin këtu. Tani, hoteli sekuestrohet, i vihet shiriti dhe ti shkon në gjykatë dhe provoje që është i yti”- tha Lleshaj.

Sipas tij, prioriteti numër 2 eshte siguria rrugore.

“Siguria rrugore na vret më shumë njerëz se sa krimi i organizuar. Jo më shumë, por 5 herë më shumë. Çfarë do të bëjmë? Do të ndryshojmë Kodin Rrugor, do të ashpërsojmë masat, do të ashpërsojmë kontrollet, do të modernizojmë kontrollet, do të luftojmë fort për integritetin e punonjësve. Pra do të punojmë në të gjitha drejtimet, do të punojmë shumë për edukimin e qytetarëve nëpërmjet medias, përmes shkollës, përmes aktiviteteve të tjera”, u shpreh ministri i Brendshëm.

Ai shtoi se për t’u përballur suksesshëm me zhvillime e fenomene të reja të krimit, do të ngrihet 4 Njësi të posaçme në Policinë e Shtetit, me ekspertët më të mirë.

“Do të bëjmë ndryshime të rëndësishme krahasuar me vitin e kaluar. Do bëjmë ndryshime në strukturë, e para. Do të krijojmë Njësi të specializuara për të luftuar ato fenomene kriminale, të cilat kërkojnë specializim. Do të krijojmë Njësi të reja, të cilat do të jenë:
– “Njësia E”, që është Krimi Ekonomik. Njësi e fortë, e specializuar, me ekspertë, e trajnuar, e pajisur, e cila do të trajtojë krimin ekonomik në kuptimin e krimit të organizuar, krimit të sofistikuar.
– Njësia tjetër do të jetë “Njësia I”, informacioni, inteligjenca. Këtu kërkohet dhe do të bëhet ndryshim thelbësor. Rrjetet e informacionit duhet të kthehen në rrjete profesionale.
– E treta, është “Njësia C”, e Krimit Kompjuterik. Edhe për krimin kompjuterik nuk besojmë që mund të krijojmë ekspertizë në nivel drejtorish vendore, është e pamundur dhe e panevojshme. Dhe do të përqendrojmë energjitë për të krijuar një strukturë të specializuar të krimit kompjuterik.

– Është krijuar në fakt struktura “Njësia K”, që ka të bëjë me kapjen e personave në kërkim. Gjithë kjo njësi është prapë një strukturë e specializuar, e cila është një strukturë gjahtarësh që do të ketë detyrë kapjen e personave të listës prioritare”, theksoi zoti Lleshaj.

Ministri kërkoi nga gjithë strukturat policore angazhim të fortë për luftën kundër trafiqeve dhe kontroll të rreptë të territorit. Masat për luftën kundër kanabisit do të nisin që në ditët e para të Janarit, e po ashtu edhe përgatitjet për mbarëvajtjen e sezonit turistik.

Ai nënvizoi si një tjetër prioritet kryesor të Ministrisë së Brendshme në tërësi, e Policisë gjithashtu, ofrimin e shërbimeve online për qytetarët. Që prej 1 janarit MB ofron 48 shërbime të tilla, që do të pasohen nga një tjetër paketë shërbimesh në Qershor 2020.

page-1280x480.jpg
nev ila14:30 | 07/01/2020

Avokatët e shtetasit turk Harun Çelik i kërkojnë informacion ministrisë së brendshme dhe policisë së shtetit,  mbi procedurat e dërgimit të tij në Turqi. Shqetësues është fakti se të njëjtin fat mund të ketë edhe një tjetër mbështetës i lëvizjes gyleniste i ndaluar në Tiranë, mik i mësuesit turk Harun Çelik.

Deportimi i mësuesit Turk Harun Çelik nga autoritetet shqiptare, ka ngritur një sërë dyshimesh për zbatimin e procedurave ligjore. Avokatet e 42 vjeçarit Alban Bregasi dhe Elton Hyseni i kanë dërguar një kërkesë ministrisë se brendshme dhe policisë se shtetit për informacion lidhur me deportimin e Harun Çelik drejt Turqisë në datën 1 janar.

Përmes kësaj kërkese avokatët e Çelik kërkojnë informacion zyrtar nga këto institucione shtetërore, nëse bëhet fjalë për deportim apo dëbim nga autoritetet shqiptare. Avokatët i thanë ABC News se nëse kemi të bëjmë me deportim atëherë mësuesi 42 vjeçar duhet të ishte dërguar nga policia e emigracionit në Kosovë, pasi 42 vjeçari kishte ardhur në Tiranë nga ky shtet, me destinacion final Kanadanë.

Ndërsa deri më tani nuk kanë marrë asnjë përgjigje. Çelik ishte arrestuar ne 8 korrik 2019 ne Rinas teksa tentonte të largohej me vizë të falsifikuar drejt Kanadasë. Pas gjykimit me procedure të përshpejtuar dhe dënimit me 8 muaj e 20 ditë burg, në aplikim edhe të uljes së 1/3 së dënimit, ai kreu dënimin prej 5 muaj e gjysmë burg.

Për ABC News avokatët janë shprehur se klienti i tyre nuk ishte as i dënuar dhe as i kërkuar zyrtarisht nga drejtësia turke. Por miqtë e tij janë shprehur për ABC Neës se mësuesi turk,  kërkohej në vendin e tij që pas grushtit të dështuar të shtetit.

Në fakt dëbimi i 42 vjeçarit ka ngritur një sërë dyshimesh për procedurën e ndjekur dhe mos transparencën për këtë çështje. Por fatin e mësuesit turk Harun Çelik mund ta ketë edhe miku i tij Selami Shimshek.

Ai  do të përballet me gjykatën e Tiranës me 13 janar ku do të vendoset fati i tij nëse çështja do të kalojë për gjykim apo do të kthehet për hetim në prokurori. Ai  është ndaluar në Rinas në të njëjtën ditë me Çelik dhe ka pasur vizë kanadeze të falsifikuar.

Por deri tani ka qenë në paraburgim dhe për të ka vazhduar hetimi.

Prokurorja Anila Galanxhi, që ka nën hetim çështjen e  Shimshek, ka ngritur ndaj tij akuzën e falsifikimit të dokumenteve. Gjyqtari i seancës paraprake është Ahmet Metalia që do të vendosë për fatin e Selami Shimshek. Avokatët i thanë ABC News se po bëhen gati për t’i paraprirë çdo lloj situate./abcnews.al

 

adriana-kalaja-1280x616.jpg
ger ta10:36 | 03/12/2019

Në studion e Abc news, aktivistja Adriana Kalaja ka sqaruar ngjarjen e mbrëmjes së djeshme, pasi i shpëtoi shoqërmit policor në pedonale, pranë Teatrit Kombëtar.

Sic ka raportuar edhe më herët abcnews.al aktivistët e Aleancës për Mbrojtjen e Teatrit u përplasën me policisë pasi këta të fundit tentuan të shoqërojnë me forcë Kalanë për shkak të filmimit të bërë nga kjo e fundit në ministrinë e Brendshme, të zbritjes të një automjeti dhe futjes së ndihmave në ambientet e ministrisë. Ndërsa sipas sqarimit të bërë  dje nga SHÇBA ndihmat që u shkarkuan ishin të sekuestruata pas hetimit ku dy punonjës policie kishin tentuar ti vjedhin.

Ndërkaq, Kalaja mes të tjerash tha se tentuan ta shoqërojnë me forcë edhe pse nuk kishte një shkresë ku kërkohej ndalimi i saj.

Në studio me Juli Xhokaxhi ajo tha se filmoi momentin e zbritjes së ndihmave nga një makinë, pasi iu duk e dyshimtë, ndërsa sipas saj nuk ka hedhur asnjë akuzë.

Lidhur me këtë veprim të saj SHÇBA ka kërkuar shoqërimin me akuzën se ka përhapur lajm të rremë, ndërsa aktivistja shprehet se SHÇBA nuk mund të kërkojë një gjë të tillë për të pasi është jashtë kompetencës.

Pjesë nga biseda në studio:

Unë me përgjegjësinë time duke qenë se për 20 muaj që ne protesojmë jemi vënë në dijeni se ministria e Brendshme është vjedhur dy herë unë thashë që me përgjegjësinë time, shikoj që në ministrinë  e vendit tim kam detyrimin ligjor të afrohem dhe të marrë informacione, nëse aty kryhet një vepër penale unë mund të akuzohem edhe për mos-kallëzim krimi. Unë nuk kam thënë akuza. Mbas deklaratës korrekte të bërë nga SHÇBA pasdite Lleshaj bën një status fyes ndaj aleancës dhe presionin se do merren masa ligjore. Nëse ministria e Brendshme mendon se ne kemi kryer një vepër penale, ministria mund ta bëjë një kallëzim penal, por jo SHÇBA.

Ka realisht një urdhër të prokurorisë për shoqërimin tuaj?

Nga inromacionet që kam nuk ka urdhër të prokurorit dhe ky ishte edhe konflikti që unë pata mbrëmë. Ne ishim në Borizanë. Kur vij në Tiranë më marrin në telefon dhe me thotë të vini për tu sqaruar në drejtorinë e policisë. Më mori pas 5 minutash dhe më tha a do vini. Unë i thashë nuk do vij por më keni te sheshi i teatrit.

E marr në telefon oficerin dhe më thotë unë nuk vij dot por do dërgoj një oficere. Dhe pastaj vinë ata të krimit ekonomik. Më thanë kërkojmë t’ju shoqerojmë.

Dy oficerë që Krimit Ekonomik ku kërkojnë miqësisht që të shoqëroheni?

Unë i sqarova për videon dhe e dyta ministria e Brendshme është e survejuar 24 orë, të hapin kamerat dhe të shikojnë nëse ne kemi bërë ndonjë vepër.

Më morën me dhunë. Unë si njeri i sistemit mendoj se ajo ishte një grabitje.

Ju morën ju futën në makinë?

Tentuan, në momentin që largohen nga sheshi i teatrit, mbas meje ishte një makinë civile dhe pas saj ishte një makinë policie. Në moment që unë po afrohesha makina e policisë parakalon makinën civile dhe më pret rrugën, më afrohen policët e shqiponjave, ishin edhe 3 civile. Ata mu prezantuan nga drejtoria e policisë dhe aty erdhën për të më shoqëruar mua. Më thanë hap xhamin dhe u them po flas me avokatin, por unë po flisja me kolegët e aleancës, i njoftova. Në moment që unë hapa pak xhamin ai futi dorën se unë e kisha makinë  e mbyllur dhe hap derën, policët vinë nga dera tjetër, më tërheqin zvarrë për të më futur te makina e policisë, dhe në atë moment dëgjoj se po vinin ata të aleancës. Në atë moment filloi edhe debati m es aleancës dhe policisë. Ne i tham ku është shkresa që unë të vij në polici.

Nuk besoj se e kanë bërë policët me kokë të tyre atë?

Absolutisht jo. Ne do i shkojmë deri në fund, mbrëmë u kemi bërë edhe një kërkesë të gjitha ambasadave se po shkelen të drejtat e njeriut.

Më the se keni fakte, për çfarë?

Po të shikojmë videot që janë transmetura nuk kanë lidhje farë m pamjen, logon. I kemi të gjitha provat. Edhe një element tjetër, mund të preket një provë pa doreza.

Keni frikë?

Unë këtu kam ardhur bashke me te aleancëa, jo se kam frikë por veprime të policisë mund të ndodhin në çdo moment./abcnews.al

 

petrit-vasili.jpg
ad min21:43 | 13/10/2019

“Mbështetje deri në fund, mbështetje politike dhe njerëzore për heronjtë antidiktaturë të Unazës së Re”.

Kështu e nis reagimin e tij, nënkryetari i Lëvizjes Socialiste për Integrim, Petrit Vasili, pas shoqërimeve të protestuesve të Unazës së Re. Sipas Vasilit, ministri i Brendshëm, Sandër Lleshaj ka zgjedhur që të jetë përfundimisht armik i shqiptarëve të thjeshtë të Unazës së Re.

“Bedeli i Bablokut në Ministrinë e Brendshme Lleshaj zgjedh përfundimisht të jetë një armik i shqiptarëve të thjeshtë te Unaza e Re. Asnjë harresë, asnjë tolerance, asnjë keqardhje nuk do të ketë kurrë për ata si Lleshaj, që urrejtshëm vendosën kundër qytetarëve të thjeshtë.

Këta të pacipë dhe të urryer arrijnë deri aty sa të lexojnë paturpësisht si komunikata të tyre idiotësirat e kriminalizuara që ju dikton fjalë për fjalë Babloku i fshehur. Ta kenë të qartë që Babloku do t’i shesë si një kilogram fiq këta budallenj dhe do t’u lërë pas për gjithë jetën një urrejtje pa kthim te populli”, thotë Vasili./abcnews.al

MBULIM-MINISTRIA-E-BRENDSHME-PER-AKUZAT-E-PD.mpg_snapshot_00.08-1280x720.jpg
ad min15:44 | 03/10/2019

Shërbimi për Çështjet e Brendshme dhe Ankesave ka nisur një hetim për mënyrën si janë vjedhur disa pajisje elektronike dhe pjesë makinash në magazinat e Qendrës së Automjeteve të Transportit në varësi të Ministrisë së Brendshme.

Autorët janë ende të paidentifikuar ndërsa kallëzimi është referuar në Prokurorinë e kryeqytetit. Në njoftimin e policisë thuhet se, pajisjet ishin jashtë funksionit dhe se mund të jenë marrë për skrap.

Po të njëjtat burime sqarojnë se kanë që  dy personat të cilët kanë kapërcyer nga muri duke marrë sende, që nuk ishin vendosur në një ambient të veçantë, por një hapësirë në oborrin e jashtëm./ABC News Albania 24/7

policia-e-shtetit.jpg
ad min09:15 | 02/08/2019

Ministria e Brendshme ka reaguar ndaj akuzave të Partisë Demokratike për tenderin e uniformave të Policisë së Shtetit.

Sipas Ministrisë, pretendimet e PD janë të pavërteta, duke sqaruar se “Procedura e kufizuar” është një prej llojeve të procedurave të parashikuara nga ligji për prokurimin publik, përmes së cilës çdo operator ekonomik mund të kërkojë të marrë pjesë në fazën e parë që është edhe parakualifikimi, por vetëm operatorët ekonomikë të përzgjedhur në fazën e parë, mund të dorëzojnë oferta teknike dhe ekonomike.

Gjithashtu në reagim, Ministria e Brendshme sqaron se afati kohor në dispozicion të operatorëve ekonomik për paraqitjen e kërkesave për pjesëmarrje në Fazën e parë, i përcaktuar në dokumentet e tenderit dhe njoftimin e kontratës është 25 ditë, nga 20 ditë që është afati minimal ligjor.

Ministria deklaron se afati minimal i përcaktuar në ligj, për dorëzimin e ofertave në fazën e dytë është 20 ditë, por duke patur parasysh kompleksitetin dhe rëndësinë e procesit të përgatitjes së ofertës teknike dhe ekonomike, ku përfshihen edhe kampionet/mostrat e uniformës dhe dokumente të tjerë teknikë, afati që do të lihet në dispozicion do të jetë më se i mjaftueshëm dhe i arsyeshëm për përgatitjen e ofertave nga të gjithë operatorët e kualifikuar./abcnews.al

mb.jpg
ad min15:22 | 03/06/2019

Publikohet një video nga Ministria e Brendshme nga protesta e mbrëmshme e opozitës, ku situata degjeneroi në dhunë ndërmjet të pranishmëve. Ngjarja ndodhi në afërsi të ish-Hotel Dajtit, ndërsa mbetën të lënduar me mjete të fortë babë e bir.

Ministria e Brendshme ka shpërndarë një video, lidhur me konfliktin e në protestën e organizuar nga opozita mbrëmjen e së dielës. Në pamje shihen se protestuesit janë përplasur fizikisht me njëri-tjetrin.

Babë e birë u konfrontuan me persona të tjerë që ndodheshin pranë zonës së ish-Hotel Dajtit. Sherri ka vijuar për disa çaste, ndërsa të lënduar mbetën, Ymer dhe Erion Çela, të cilët morën plagë në kokë dhe trup.

Në video e bërë publikë në Twitter nga ministri Brendshëm Sandër Lleshaj, duken disa prej personave që mbajnë në duar shufra hekuri. Policia ka analizuar pamjet filmike dhe ka kërkuar ndalimin e personave të përfshirë në konflikt për sqarimin e ngjarjes./ABC News Albania 24/7

MBULIM-MINISTRIA-E-BRENDSHME-PER-AKUZAT-E-PD.mpg_snapshot_00.08-1280x720.jpg
nev ila11:35 | 25/05/2019

Në zgjedhjet e 30 qershorit kanë të drejtë të votojnë rreth 3 milion e 500 mijë shqiptarë ndër to rreth 133 mijë janë votues për herë të parë. Ministria e Brendshme ka publikuar listën përfundimtare të zgjedhësve.

Pavarësisht se opozita dhe qeveria qëndrojnë në dy skaje të kundërta sa i përket lokaleve të 30 qershorit, Ministria e Brendshme ka publikur listën përfundimtare të zgjedhësve.

Në këto zgjedhje kanë të drejtë  të votojnë 3 milion e 536 mijë e 15 shqiptar.  51% janë meshkuj dhe 49 % femra. Ndër to 132 mije e 788 janë votues për herë të parë.

Ministria e Brendshme bën të ditur se ka pastruar listën nga dublikimet, votuesit mbi 100 vjeçare dhe sipas përcaktimeve të ligjit në kuadër të dekriminializimit nga personat që vuajnë dënimin në burgje.  Për herë të parë ministria thotë se janë zbardhur adresat e sakta për rreth 285 mijë zgjedhës.

Lista përfundimtare e zgjedhësve sipas Ministrisë së Brendshme ka përmirësime të dukshme  në raport me zgjedhjet e kaluara, qoftë ato për pushtetin vendor të vitit 2015 ashtu dhe zgjedhjet parlamentare të vitit 2017.

I gjithë procesi i hartimit të listës thekson ministria në njoftimin e shpërndarë për mediat është kryer nën mbikëqyrjen e auditëve teknicienë të KQZ-ës dhe  në zbatim të dekretit të Presidentit të Republikës për caktimin e datës së zgjedhjeve për organet e qeverisjes vendore./ABC News Albania 24/7

av-min-brendhs.jpg
ent ela17:10 | 13/05/2019

Ministria  e Brendshme paralajmëron se në tubimin e sotëm të opozitës do të përsëriten të njëjta akte dhune që ndodhën në 11 Maj. Në një deklaratë për mediat zv/ministri i Brendshëm Besfort Lamallari u bëri thirrje qytetarëve që të distancohen nga aktet kriminale dhe të bashkëpunojnë me me organet e rendit.

“Sipas të dhënave mediatike rezulton se organizatorët e dhunës planifikojnë ta përsërisin dhe sot. Ata që përdorën bomba molotv në mbrëmjen e 1 majit do tentojnë sërish të njëjtat akte dhune në manifestime  sotëm. Ministria e Brendshme bën thirrje që gjithë qytetarët të distancohen nga këto grupime e akte kriminale dhe të bashkëpunojnëme me organet e rendit”.

Ndërkaq Lamallari dënoi sulmet me bomba molotov mbi punonjësve të policisë së shtetit dhe theksoi e të gjithë organziatorët dhe ideatorët do të vihen para drejtësisë. Policia e shtetit me Prokurorinë po hetojnë të gjithë mekanizmin e ideimit, të organzimit dhe të gjithë autorët do përballen me forcën e ligjit.

“Ministria  e Brendshme dënon ashpër sulmet e rrezikshme për jetën e punonëjsve të policisë së Shtetit. Qindra bomba molotiv të prodhuara shpërndara sipas një plani kriminal janë hedhur mbi punonëjsit e policisë në krye të detyrës. Veç tyre janë hedhur horizontalisht bateri me fishekzjarre të kalibrit të lartë nga distancë e afërt. Policia e shtetit u tregua profesionale dhe nuk arrtiti limitet e reagimit të ligjshëm. Përdorimi i gazit lotsjellës është mjeti i parë që përdorin forcat policore në përballje me turmat e dhunshme. Përballë bombave molotov nuk mund të ketë asnjë pikëpyetje mbi përdorimin e këtij mjeti. Dënojmë me ashpërsi aktin e organizatorëve të tubimti të dhunshmë për devijimin nga bulevardi në zonat e populluara.

“Sipas të dhënave mediatike rezulton se organizatorët e dhunës planifikojnë ta përsërisin dhe sot.

Ata që përdorën bomba molotv në mbrëmjen e 1 majit do tentojnë sërish të njëjtat akte dhune në manifestime  sotëm. Ministria e Brendshme bën thirrje që gjithë qytetarët të distancohen nga këto grupime e akte kriminale dhe të bashkëpunojnëme me organet e rendit”. /abcnews.al

protesta-opozita.jpg
ad min13:01 | 03/04/2019

Protestues të shumtë u mblodhën përpara parlamentit për të protestuar këtë të mërkurë, ndërkohë që Kuvendi ishte mbledhur për të vazhduar seancën plenare të radhës.

Pasi protestuan aty për rreth dy orë, ata u zhvendosën nga godina e Kuvendit drejt Piramidës. Aty tubuesit i vunë zjarrin një piramide prej letre, të cilën e kishin etiketuar si “Piramida e Krimit”. Pas qëndrimit për disa minuta aty, protestuesit u zhvendosën drejt selisë blu.

“Shumë shpejt do ta shihni si do marrë vrapin dhe nuk do dijë ku të ndalet. Ka dalë dhe numëron sa ishin demokratët sot, sa kishte mbledhur opozita sot sa do mbledhë nesh. Ai nuk kupton një gjë, ne do të jemi në shesh, dhe që urrejtja e grumbulluar sot në shpirtin e shqiptarëve është gjithë ditën aty dhe një ditë do ta mbysë”, tha Paloka.

Ndërkohë gjatë momentit që Kryeministri Rama mbante fjalimin e tij në foltoren e Kuvendit, pati përplasje mes protestuesve dhe policisë.

Gjithashtu tensionet e para janë shënuar në mëngjes pranë Ministrisë së Brendshme, aty ku banorët e Unazës së Re janë ndaluar nga policia të kalojnë në pedonalen Murat Toptani. Ndërkohë, ish-deputeti Klevis Balliu në një prononcim të shkurtër për mediat tha se e gjithë përplasja bëhet nga policia që më pas të arrestojë dhe shoqërojë protestuesit.

“Kjo bëhet vetëm për shoqërime, s’bëhet për asnjë gjë tjetër. Kjo këtu është një pikë grumbullimi, s’është pjesa e protestës dhe mundohen që të përplasen me banorët që më vonë t’i arrestojnë dhe shoqërojnë kot. Për këtë bëhet kjo”, tha Balliu.

Mësohet se kreu i Partisë Demokratike, Lulzim Basha mungon në këtë protestë sepse ka udhëtuar në Berlin mbrëmjen e së martës. Ai do të zhvillojë takime punë me anëtarë të PPE. Kjo është protesta e dytë nga 8 të tilla, ku kryetari i PD-së nuk do të jetë prezent. Megjithatë, ai i ka inkurajuar protestuesit nëpërmjet një statusi në rrjetet sociale.

“Qytetarët shqiptarë janë ngritur kundër Maduros së Ballkanit i cili është kapur duke vjedhur. Ky vend ka zot! Sovrani në Republikën e Shqipërisë është populli shqiptar”, shkruan Basha

Ndërkohë policia ka marrë masa të shumta përpara parlamentit. Mësohet se kësaj here, drejtuesit e uniformave blu kanë vendosur shumë efektivë edhe pranë Kryeministrisë dhe Ministrisë së Brendshme për shkak të zhvendosjes së protestuesve.

Ndërkohë rruga George W. Bush u bllokua për automjetet. Gjithashtu edhe pedonalja Murat Toptani u bllokua për qarkullimin e këmbësorëve./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono