ministri

saimir-tahiri.jpg
nev ila09:32 | 19/06/2019

Gjykata e Krimeve të Rënda ka shtyrë seancën për ish-ministrin e brendshëm Saimit Tahiri dhe tre ish-oficerë e policisë së Vlorës. Tahiri i kërkoi gjykatës që të mos e zvarrisë procesin, por nëse mundet ta zhvillojë atë çdo ditë. Ish-ministri hodhi akuza mbi prokurorinë duke e cilësuar procesin si politik.

Pas daljes nga gjykata ish-ministri iu përgjigj interesit të mediave se cila është arsyeja që ai ka kërkuar gjykim të shkurtuar ne seancën paraprake, duke mos pranuar fajësinë.

“E mendova dhe e mendoj që nuk ka nevojë të zgjatet asnjë seancë më shumë, apo seancë pas seancash, nuk ka nevojë të zvarritet ky gjyq. Ka shumë të cilët janë të interesuar që kjo të vazhdojë kështu, situata të zvarritet, unë të zvarritem në seanca gjyqësore dhe nuk janë të interesuar për drejtësi. Më duket se jam i vetmi që jam i interesuar për drejtësi dhe do të vazhdoj.”

Ish-ministri kërkon që gjyqi i tij të jetë i pandërprerë, ndërsa e konsideron procesin si të ndikuar politikisht, pa pranuar ta specifikojë

“Unë i kërkova gjykatës mundësisht t’i bëjë seancat ditë për ditë, sepse nuk besoj se ka më kohë për të humbur nga çkemi humbur deri më sot. U bënë dy vjet që zvarritet kjo histori, unë nuk e kuptoj përse, edhe pse kam dyshimet e mia për cilat arsye ka interesa që kjo histori e imja të zvarritet në një proces politik, komplet politik”.

Tashmë i pandehur nga Prokuroria e Krimeve të rënda, në pritje të nisjes së procesit gjyqësor ndaj tij, Saimir Tahiri nënvizon se ka qenë ministri më i mirë i brendshëm në 3 dekadat e fundit.

“Jam ministri më jetëgjatë, jam dhe më i miri madje në historinë e pluralizmit”.

Ish-ministri i Brendshëm sëbashku më 3 ish-zyrtarët e Policisë së Vlorës akuzohen se janë të përfshirë dhe kanë favorizuar grupit kriminal të Habilajve për të trafikuar lëndë narkotike.

Saimir Tahiri i ka mohuar akuzat e Prokurorisë duke thënë se nuk kanë asnjë provë kundër tij. Për Tahirin hetoi edhe Prokuroria e Katanias, por hetimi u mbyll pasi ndaj tij nuk u gjetën prova që e implikonin në trafikun e drogës./ABC News Albania 24/7

MichaelRoth-e1513100332115.jpg
Sej rie10:45 | 15/05/2019

Ministri gjerman për Çështjet Evropiane thotë se dhuna ne protestat e opozitës është tërësisht e papranueshme. Duke folur për Deutche Welle, zyrtari gjerman shprehet se Shqipëria i ka plotësuar të gjitha kushtet dhe BE duhet të çelë negociatat e anëtarësimit.

Qeveria gjermane dënon dhunën në protestat e opozitës në Shqipëri, duke e quajtur atë plotësisht të papranueshme. Ministri gjerman i shtetit për Çështjen Evropiane Mikael Roth në një intervistë për Deutche Welle thotë se opozita duhet të reagojë drejt në përgjegjësinë e saj për demokraci.

“Kritika është normale në çdo demokraci të gjallë, por dhuna, si mjet i demokracisë apo i politikës, është absolutisht e papranueshme. Ne jemi shumë të shqetësuar për situatën politike në vend në Shqipëri dhe gjithashtu për përgjegjësinë e opozitës për dhunën. Pres që opozita të reagojë drejt në përgjegjësinë e saj për demokraci. Nuk është aspak e qartë për mua se si ajo mund të shpallë një bojkot parlamentar, se si bojkoton zgjedhjet lokale. Parlamenti është pikërisht vendi ku duhen bërë debatet kritike. Nuk mund t’i ikësh kësaj përgjegjësie. Kam përshtypjen se opozita sikur nuk është aspak e interesuar që Shqipëria të anëtarësohet në BE dhe se po ndjek një politikë penguese të papërgjegjshme në kurriz të popullit të Shqipërisë. Kjo nuk është e pranueshme! Dhe përsëris: Nëse qytetarët kritikojnë qeverinë e tyre, ose parlamentarët, kjo duhet marrë seriozisht. Askush prej nesh nuk po e zhbllokon situatën në Shqipëri. Por këto shpërthime të dhunës nuk duhet të bëhen normalitet, as në Shqipëri e as në të gjithë Evropën”.

Sipas ministrit gjerman të shtetit, Gjermania do të mbështesë hapjen e negociatave të anëtarësimit të Shqipërisë në BE. Roth thotë se Shqipëria ka përmbushur detyrat e lëna ndaj saj një vit më parë.

“Unë madje shkoj aq larg sa të them se ndoshta nuk ka vend që të ketë përmbushur kaq shumë detyra para çeljes së negociatave të anëtarësimit. Sigurisht ka akoma shumë për të bërë, por jam optimist, se mbi bazën e kritereve të qarta që janë përmbushur, mund të bëhet një diskutim pozitiv për çeljen e negociatave të anëtarësimit me Shqipërinë”.

Ministri gjerman deklaron se do te angazhohet personalisht për hapjen e negociatave të anëtarësimit të Shqipërisë. Roth i kujton Bashkimit Evropian se duhet t’i qëndrojë angazhimeve dhe premtimeve të veta. Sipas ministrit gjerman për  çështjet evropiane, stabiliteti dhe paqja në Ballkanin Perëndimor janë me interes të madh për Gjermaninë, por edhe për Bashkimin Evropian./ABC News Albania 24/7

106750943_04fbbc17-13fd-400e-9ccd-54c4bd5b6c36.jpg
Sej rie21:30 | 01/05/2019

Ministri britanik i Mbrojtjes, Gevin Uilliamson është shkarkuar nga detyra nën akuzën e zbulimit të informacioneve shtetërore të klasifikuara. Konkretisht, Uilliamson akuzohet se i ka përcjellë mediave vendimin e qeverisë britanike për t’i lejuar kompanisë kineze të telefonisë “HUA UEI” akses të kufizuar në ndërtimin e rrjetit 5G të internetit, pavarësisht presionit të Shteteve të Bashkuara. Në një komunikatë për shtyp, qeveria britanike ka bërë me dije se kryeministrja Theresa Mej ka humbur besimin tek aftësitë e Uilliamson për të kryer detyrën. Nga ana e tij, ish-ministri ka mohuar çdo rrjedhje të informacionit të diskutuar në Këshillin e Sigurisë Kombëtare. Por në një takim të zhvilluar pasditen e së mërkurës, kryeministrja Mej i ka thënë atij se ka prova të pakundërshtueshme se kishte qenë ai përgjegjës për përcjelljen e paautorizuar të informacionit./ABC News Albania 24/7

58384724_2312540355682259_1968670522946355200_n.jpg
Sej rie15:16 | 26/04/2019

Ministri në Detyrë Gent Cakaj zhvilloi një takim në Austri me homologen Karin Kneissl e cila i konfirmoi mbështetjen në hapjen e negociatave me Bashkimin Evropian.

Ministri në detyrë bëri me dije se fokusi i takimit ishte edhe rritja e bashkëpunimit dypalësh në fushën e ekonomisë, veçanërisht për rritjen e investimeve të huaja në Shqipëri.

Ministrja e Jashtme e Austrisë inkurajoi Shqipërinë të çojë përpara reformat e ndërmarra, reformën në drejtësi, luftën kundër korrupsionit.

klosi-3-1280x712.jpg
Sej rie14:50 | 25/04/2019

Një hotel me pesë yje, investim gjerman, do ti shtohet vendit tonë. Punimet kanë nisur në prani të ministrit të Turizmit dhe Mjedisit Blendi Klosi.  Sipas ministrit Klosi paketa fiskale në mbështetje të turizmit po jep efektet e saj.

Në këtë shesh pranë Aeroportit Ndërkombëtar “Nënë Tereza” në Tiranë shumë shpejt do të ngrihet një hotel me pesë yje.

Themelet u hodhën në prani të ministrit te Turizmit dhe Mjedisit Blendi Klosi i cili tregoi se investimi është 100% gjerman.

Paketa fiskale miratuar në parlament për të mbështetur po jep frytet e saj.

Ndërsa investitori gjerman nga ana e tij do t’i ofrojë turizmit në Shqipëri ndër të tjera tre gjëra kryesore.

Vetëm në pesë muaj pesë marka ndërkombëtare në hoteleri sipas ministrit te Turizmit kanë gjetur interesant vendin tonë për të investuar./abcnews.al

Mirela-dhe-genti-1280x714.jpg
Sej rie20:31 | 17/04/2019

Gent Cakaj i ftuar në “Mbrëmje Ide” ka pasur një përplasje me gazetaren Mirela Milori, teksa kjo e fundit i tha se shpesh e akuzojë si ministër gjaknxehtë edhe për mungesë të maturisë emocionale.

Mirela Milori: Unë jam kurioze të di sepse mosha juaj, me njerëz të cilët sa kemi ju moshën mund të kenë vite pune, e ndjeni një lloj hezitimi aty?

Gent Cakaj: Çështja e moshës nuk është as precedent historik në Shqipëri dhe as disavantazh në përgjithësi. Shqipëria ka pasur edhe Kryeministra të moshës time.

Mirela Milori: Më lejoni të flas këtu sepse kam 20 vite në profesion, por nuk e kanë ndritur këta njerëzit më moshës së re që na kanë ardhur si Kryeministra.

Gent Cakaj: Puna e tyre vlerësohet në bazë të performancës së tyre dhe jo në bazë të moshës së tyre. Por Shqipëria ka shumë njerëz në moshë dhe me shumë përvojë, por që kanë shumë pak arsye dhe më pak kontribut. Asgjë nuk është e përcaktuar nga mosha. Ne jemi qenie më komplekse sesa vitet tona.

Mirela Milori: E ndjeni këtë në përballje me diplomatë të caktuar?

Gent Cakaj: Unë ndjej peshën e kompetencës time dhe të angazhimit tim dhe nuk mendoj se sa vjeç jam. Por unë matem me vizionin që kam dhe me punën që bëj.

Mirela Milori: Ata që janë përballë jush mund t’iu akuzojnë edhe për një mungesë të një maturie emocionale.

Gent Cakaj: Në çfarë rasti?

Mirela Milori: Në kuptimin që jeni pak gjaknxehtë. E merrni shumë seriozisht dhe me shumë pasion një debat.

Gent Cakaj: Kush iu tha që jam gjaknxehtë? Të lutem vetëm një sekondë ku po e shikoni gjaknxehtësinë.

Mirela Milori: Ngaqë flisni me shumë pasion dhe tek një diplomat pikërisht kjo maturia emocionale është e para.

Gent Cakaj: Punën që bëj me shumë sinqeritet, shërbej këtu me zemër me shpirt dhe me parimësi. Por të qenurit i angazhuar në debat me pasion nuk është pamaturi emocionale. Të lutem është një dallim shumë i madhe që nuk i tolerohet një gazetareje si ju.

Mirela Milori: Dakord e lëmë, diplomacia dhe maturia emocionale janë paralel me njëra-tjetrën.

Gent Cakaj: Unë iu sfidoj tepër më shumë, por nuk jam i sigurt nëse do të ndiheshit komode nëse unë shfaq gjithë arsenalin tim në tërësi.

Mirela Milori: Jo nuk dua të hyj fare aty, iu lutem e keqkuptuat gjithë kontekstin./abcnews.al

lleshaj-ttt-1.jpg
nev ila21:00 | 13/04/2019

Ministri i Brendshëm Sandër Lleshaj ka reaguar sërish me anë të një statusi në Twitter ku shkruan se sulmi ndaj 5 punonjëse të policisë së shteti është bërë nga një grup parapolitik.

5 punonjës të Policisë së Shtetit të plagosur janë në Spitalin e Traumës, pasojë e ethes për pushtet të një grupi të papërgjegjshëm parapolitik. pic.twitter.com/0Rv2cQRx3i

— Sandër Lleshaj (@SanderLleshaj) April 13, 2019

Ora 20: 20-Ministri i Brendshëm: Plagosja e policëve është një turp

Ministri i Brendshëm Sandër Lleshaj, në një postim në rrjetet sociale teksa ka postuar foto të një efektivi të lënduar, dënon dhunën në protestën e opozitës dhe thotë se autorët do të mbajnë përgjegjësi.

Edhe sot dhuna e verbër po godet institucione kushtetuese dhe Policinë e Shtetit shqiptar. Plagosja e policëve është një turp dhe shkelje e madhe e ligjit dhe autorët do të mbajnë përgjegjësi”, shkruan Lleshaj në një postim në Twitter.

Pas zhvendosjes së protestës para parlamentit, protestuesit u përplasën me policinë. Ata hodhën sende të forta në drejtim të efektivëve, ndërsa këta të fundit iu përgjigjën me gaz lotsjellës./abcnews.al

ministri-1280x704.jpg
ent ela13:24 | 09/04/2019

Pas deklaratave të bëra kundër shqiptarëve nga ministri i Administrimit të Pushtetit Lokal në Kosovë, Ivan Teodosijeviç, Kryeministri Haradinaj ka varrë vendimin për shkarkimin e tij.

Me anë të një postimi në “Facebook” shefi i qeverisë së Kosovës shkruan se është e patolerueshme gjuha e urrejtje e përdorur nga ministri në fjalë.

“Sot kam marrë vendim për shkarkimin e Ministrit të Administratës së Pushtetit Lokal, Ivan Teodosijeviq. Është e patolerueshme një gjuhë e tillë e urrejtjes nga ministri në fjalë. Është e pakuptimtë se si një deri sot kolegë i yni shprehet me aq injorancë, urrejtje dhe fyerje për viktimat e Reçakut, viktimat e tjera të regjimit të Millosheviçit dhe akceptimin dhe miratimin që ai i bëri terrorit të këtij regjimi. Kjo nuk arsyetohet. Në Qeverinë që unë e drejtoj nuk do të ketë vend për askë që në çfarëdo mënyre fyen të tjerët në bazë etnike, racore, fetare apo tjetër, e as ata që synojnë të akceptojnë politikat e tilla. Vendimi hyn në fuqi menjëherë”, shkruan Haradinaj.

Ministri Ivan Teodosijeviç, në ditën e 20 vjetorit të bombardimeve të NATO-s, deklaroi se ai ishte një agresion ndaj Serbisë dhe se shqiptarët janë terroristë. Sipas tij masakra e Reçakut ishte trillim, dhe ishin terroristët shqiptarë ata që trilluan gjithë këtë dhe bënë krimet më të mëdha në Kosovë e Metohi. Ai thekson se shqiptarët kanë bërë krime para agresionit të NATO-s; dhe gjakpirjen e tyre e kanë vazhduar edhe gjatë agresionit dhe pas ardhjes së misionit të ashtuquajtur paqësor në Kosovë e Metohi. Këto deklarata ai raportohet t’i ketë bërë në Zveçan./abcnews.al

tod-1.jpg
ent ela12:10 | 09/04/2019

Mediat kosovare raportojnë se ministri i Administrimit të pushtetit Lokal në Kosovë, Ivan Teodosijeviç, në ditën e 20 vjetorit të bombardimeve të NATO-s, deklaroi se ai ishte një agresion ndaj Serbisë dhe se shqiptarët janë terroristë. Sipas tij masakra e Reçakut ishte trillim, dhe ishin terroristët shqiptarë ata që trilluan gjithë këtë dhe bënë krimet më të mëdha në Kosovë e Metohi. Ai thekson se shqiptarët kanë bërë krime para agresionit të NATO-s; dhe gjakpirjen e tyre e kanë vazhduar edhe gjatë agresionit dhe pas ardhjes së misionit të ashtuquajtur paqësor në Kosovë e Metohi. Këto deklarata ai raportohet t’i ketë bërë në Zveçan./abcnews.al

Cuci-1280x758.jpg
G. P.20:05 | 04/04/2019

Një lajmi i mirë mund të quhet ky i sotmi për fermerët të cilët janë prekur nga ndryshimi i tvsh-së. Këshilli i Ministrave ka vendosur një fond kompensimi për fermerët që prodhojnë dhe shesin qumësht. Lidhur me këtë vendim ministri i Bujqësisë dhe Zhvillimit Rural, Bledi Çuçi është shprehur se  shteti do t’i kompensoje fermerët me 10 lekë për litër qumështi të shitur.

Bruna Çifligu: Sot Këshillimi i Ministrave vendosi të miratojë  një fond për të kompensuar të gjithë fermerët që janë prekur nga i ndryshimit të TVSH-së. Një vendim më i fundit i Këshillit të Ministrave ku dhe vetë sot e keni bërë publik në një deklaratë për shtyp lidhur me fermerët që prodhojnë dhe sheshin qumësht. Në çfarë konsiston ky vendim i fundit i Këshillit të Ministrave dhe si u vjen në ndihmë fermerëve?

Bledi Çuçi: Sot Këshilli i Ministrave vendosi që të miratojë një fond për të kompensuar të gjithë fermerët që prodhojnë dhe shesin qumështin për përpunimit të cilët në një farë mënyrë janë prekur nga ndryshimi i kompensimit të tvsh-së nga 20% në 6 %. Pra ajo që po ndodh sot me qumështin dhe ju e keni parë me protestat e fermerëve dhe në këtë situatë ne vendosëm t’i kompensojmë drejtpërdrejt fermerët për këtë zbritje të çmimit që mund të vinte nga ndryshimi i taksës. E thënë shkurtimisht edhe për të informuar të gjithë, nëse nga ndryshimi i taksës sot mund të humbnin 5 lekë për litër nga qumështi i shitur, ne do ta kompensojmë me 10 lekë për litër qumështi të shitur. Skema është shumë e thjeshtë, me fatura tatimore dhe pa pasur nevojën për asnjë dokument tjetër. Fermerit duhet të shkojë të paraqitet në zyrat e Drejtorisë Bujqësore në territorin e Shqipërisë, ose në ato 20 agro-pika  që ne kemi nëpër Shqipëri. Mjafton që fermeri të ketë faturën tatimore sigurisht edhe nipin dhe do të kompensohet menjëherë me 10 lekë për litër qumështi të shitur. Pra është një lajm shumë i mirë për fermerët dhe besoj se është një ndihmë shumë e madhe që i vjen në këto kohëra.

Bruna Çifligu: Ka pasur një komunikim me ta para këtij vendimi dhe si e kanë pritur fermerët?

Bledi Çuçi: Kemi patur biseda vazhdimisht lidhur me problemet që mund të shkaktonte ndryshimi i taksës nga ndryshimi i tvsh-së nga 20% në 6 % për prodhimin bujqësor. Dhe nga të gjitha bisedat që kemi bërë ka rezultuar se ata që mund të prekeshin ishin fermerët. Dhe ata që nuk përfitonin që sa herë behej një rregullim në sistemin e taksave kanë qenë gjithmonë fermerët. Pra ne vendosëm që këtë herë të kompensojnë drejtpërdrejt fermerët. Pavarësisht se mesatarisht sot një fermer nga ndryshimi i regjimit të tvsh-së mund të humbi 5 lekë për litër dhe do u japim dyfishin, do iu japin 10 lekë për litër. Mjafton vetëm një faturë tatimore dhe ai do marrë menjëherë kompensimin./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono