ministrat e rinj

META-NE-KORCE_ABC-1280x690.jpg
ent ela13:29 | 09/01/2019

Presidenti Meta ka saktësuar dhe njëherë tjetër se shkarkimi i Ditmir Bushatit si ministër i Jashtëm nuk do të ndodhë deri në vlerësimin e figurës së emrit që do ta zëvendësojë atë. Duke folur nga Kavaja, Meta tha se vendimi i tij do të bëhet publik menjëherë sapo të merren përgjigjet nga institucionet përkatëse për Gent Cakajn, të propozuar nga Rama si kreu i ri diplomacisë shqiptare.

Mosdekretimi për shkarkimin e Bushatit si Ministër i Jashtëm dhe emërimin e Gent Cakajt në këtë post, lidhet pikërisht me propozimin e një figure jo politike nga ana e kryeministrit Rama, për të drejtuar në vijim këtë dikaster.

Këtë argument dha sërish Presidenti Ilir Meta lidhur me pozicionin e tij përballë rikompozimit të kabinetit qeveritar.

“Të gjitha propozimet janë konfirmuar menjëherë, që vijnë nga politika, nga Kuvendi, pasi janë përfaqësues, të cilët kanë kaluar disa filtra në të kaluarën përsa i takon integritetit të tyre publik. Për të gjithë emrat e rinj apo figurat e reja që promovohen për ministra, pra që propozohen si të tillë po bëhet detyra normale, me shumë përgjegjësi për verifikimin e integritetit të tyre në mënyrë që të respektojmë institucionin e ministrit, si një institucion shumë të rëndësishëm kushtetues”.

Duke insistuar në përmbushjen e të gjitha detyrimeve kushtetuese që ka Presidenti i Republikës , Meta sqaron se vendimi i tij do të bëhet publik sapo ai të marrë përgjigjet drejtuar institiucioneve përkatëse për figurën e Gent Cakaj i propozuar nga kreu i qeverisë si ministër i jashtëm.

“Brenda afateve dhe sa më shpejt që të jetë e mundur, jo duke pritur orët e fundit. Por kjo do të varet nga përgjigja e institucioneve që ne u jemi drejtuar. Do të bëjmë të gjitha veprimet përfundimtare dhe publike, me transparencë maksimale”.

Ndryshe nga qendrimi ndaj emrit te ri per Ministrine e Jashtme, Presidenti Meta dekretoi pa vonese te gjitha shkarkimet ne qeveri te kerkuara dhe propozuara  nga kryeministri Rama. /abcnews.al

MINISTRAT-E-RINJ-NE-PRESIDENCE.mpg_snapshot_00.01-1280x720.jpg
ent ela12:03 | 05/01/2019

Mbërrijnë në Presidencë nëntë emrat e ministrave të propozuar nga shefi i qeverisë Edi Rama, i cili bëri ndryshime në kabinet më 24 dhjetor gjatë mbledhjes së Asamblesë Kombëtare të Partisë Socialiste.

Besa Shahini, Anila Denaj, Genti Caka, Bledi Çuçi, Elva Margariti, Eduard Shalsi, Elisa Spiropali, Belinda Balluku dhe Erjon Braçe janë emrat që kryeministri i propozon për të qënë pjesë e kabinetit të tij qeveritar.

Bazuar në kushtetutën e vendit, neni 98, presidenti i Republikës  emëron ministrat brenda 7 ditësh nga porpozimi i kreut të qeverisë. Më pas është Kuvendi ai i cili voton dekretin e presidentit brenda 10 ditësh.

Tashmë pritet lëvizja e kreut të shtetit Ilir Meta, nëse do të dekretojë emrat e propozuar brenda afatit kushtetues apo do të përsërisë precedentin e vendosur prej tij dy muaj më parë kur refuzoi të dekretonte ministrin e propozuar Sandër Lleshaj për të kërkuar informacion shtesë në funksion të vendimit të tij. /abcnews.al

edi-rama-qeverria.jpg
ad min17:12 | 28/12/2018

7 ministra të rinj kanë marrë poste drejtuese në qeveri. Disa prej tyre kanë qenë zv/ministra në të njejtët dikastere, kurse të tjerë vijnë nga eksperienca në administratë.

E dinin apo e dëgjuan aty për aty që nuk do të jenë më pjesë e bashkëqeverisjes, në një farë mënyre e treguan edhe përjetimet e tyre. Ministrja e Arsimit, Lindita Nikolla u përlot teksa dëgjonte falenderimet e kryeministrit për punën e bërë. Megjithatë stafetën duhet tia dorëzonte zëvendësministres së Arsimit, Besa Shahini.

Zyrtarja nga Kosova është njëherazi edhe analiste dhe hulumtuese e çështjeve të integrimit evropian dhe politikave arsimore ka punuar deri në verë të vitit 2015 si analiste në Inciativën Europiane për Stabilitet (ESI), organizatë kjo me bazë në Berlin. Gjithçka mundi të thotë ministrja Nikolla për gazetarët ishte vetëm një urim.

“Ditë më të mira do të vijnë“, tha ajo.

Të njëjtën përgjigje dha edhe një tjetër ministër në largim.

“Gëzuar”, tha Bushati.

Detyrën e Ministrit për evropën dhe Punët e Jashtme, Ditmir Bushati, do ta marrë zëvendësi i tij, një tjetër zyrtar nga Kosova, Gent Cakaj ka qenë edhe këshilltar i kryeministrit për politikën e jashtme. Shifrat në rritje të ekonomisë nuk e mbajtën dot në detyrë ministrin e Financave Arben Ahmetaj. Vendin e tij do ta zërë Anila Denaj e cila drejton Fondin e Sigurimit të Detyrueshëm të Kujdesit Shëndetësor.

Në të njëjtën mënyrë si ministri Ahmetaj u largua edhe ministri Gjiknuri. Bëri atë që askush tjetër nuk do ta bënte krye të këasj ministrie për reformën e energjisë elektrike tha Edi Rama, por sot ai ka një emër që e zëvendëson. Belinda Balluku një tjetër bashkëpunëtore e vjetër e kryeministrit Edi Rama që nga koha e drejtimit të Bshkisë së Tiranës. Nga viti 2015 e deri më tani, Belinda Balluku ka mbajtur postin e drejtoreshës së “Albcontrol sh.a’.

Lë detyrën edhe ministrja e Kulturës, Mirela Kumbaro dhe në vend të saj vendoset Elva Margariti, e cila aktualisht është këshilltare në kryeministri dhe koordinatore e projektit të “100 Fshatrave”. Vendin e Ministrit të Bujqësisë, Niko Peleshi, do ta zërë Bledi Çuçi, i cili ka mbajtur funksione të rëndësishme në Partinë Socialise, së fundi ishte ekspert i kësaj partie në Komisionin e Posaçëm Parlamentar për Reformën Zgjedhore.

Edhe pse nuk i kishte mbushur 5 vjet në detyrën e ministres së Shtetit për Mbrojtjen e Sipërmarrjes, Sonila Qato do të kalojë në një detyrë tjetër të rëndësishme. Në detyrën e ministrit u vendos Eduard Shalsi, i cili ka punuar ngushtë me kryeministrin Edi Rama veçanërisht në kohën kur ishte shef kabineti e më pas nënkryetar i Bashkisë së Tiranës.

Rikthimi i ministrisë për Marrëdhëniet me Parlamentin do të sjellë edhe një emër të ri në qeveri. Elisa Spiropali! Pasi e kreu me sukses detyrën e Drejtoreshës së Përgjithshme të Doganave nga viti 2013 deri në vitin 2015, Spiropali është përzgjedhur nga kryeministri si kandidatja e duhur për këtë ministri që rregullon marrëdhëniet me parlamentin.

Më i emocionuari në këtë grup zëvendësimesh duket Erjon Braçe. Pasi kryeministri vendos largimin e znj. Senida Mesi, një ndër anëtarët më të vjetër të kësaj partie, Ejon Braçe i ka idetë e qarta për punën që do të bëjë.

“S’ka lidhje me lumturinë kjo gjë. Ajo duartrokitje në sallë ishte shumë më tepër se çdo gjë tjetër”, tha ai.

Që kanineti i riformatuar i Këshillit të Ministrave të nisë punë, pritet dekretimi i emërimeve nga Presidenti i Republikës, Ilir Meta./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono