ministra

biii-1280x732.jpg
Sej rie23:30 | 19/06/2019

Gazeta gjermane “Bild” ka publikuar sot 10 audio-përgjime të tjera, pjesë e dosjes “184” se hetimit për dyshimet për shitblerje votash në zgjedhjet për kreun e bashkisë së Dibrës në 2016.

Në këto përgjime dëgjohen biseda të disa eksponentëve lokale në Dibër me disa ministra e deputete të PS-së.

Në audio-përgjimin e parë të publikuar nga “Bild” dëgjohet një bisedë telefonike e ministrit Damian Gjiknuri drejtues politik i PS-së në qarkun e Dibrës në 2016 me shefin e policisë Robert Aga dhe një person të quajtur Bekim Krashi. Fjala që përdor Gjiknuri për rezultatin e PS në Dibër është “tërmet”.

 

Me të njëjtin përcaktim “termet” shprehet Gjiknuri edhe në një bisedë telefonike me Ymer Lalën, të cilësuar nga “Bild” në komentin që shoqëron audio-përgjimin, si një bos i krimit.

Edhe një bisedë tjetër e publikuar nga gazeta gjermane ka protagonist Gjiknurin dhe Lalën

Ky personazh Ymer Lala shfaqet në shumë nga audio-përgjimet e publikuara nga “Bild”. Në një nga bisedat telefonike Ymer Lala vihet në dijeni nga nipi i tij për investigimin e një programin televiziv për zgjedhjet në Dibër.

Në një tjetër bisede Ymer Lala informohet nga një person i panjohur se kreu lokal i FRD ka votuar kandidatin e PD-së.

Në audio-përgjimin e aradhes, dëgjohet Ymer Lala në  bisedë me një qytetar me emrin Ardit.

Një tjetër person Ymer Lala e instrukton të kthejë mbrapsht kartat ID.

Ndërsa në 3 biseda të tjera telefonike me 3 persona të panjohur për publikun, Ymer Lala tregon për njohjen që ka me Kryeministrin Rama.

Në një tjetër përgjim të publikuar nga “Bild” dëgjohen tre deputetë të PS Xhemal Qefalia, Saimir Tahiri dhe Ulsi Manja që bisedojnë me shefin e Policisë së Dibrës Robert Aga./ABC News Albania 24/7

70853Bashkimi.jpg
G. P.12:30 | 19/06/2019

Politika e zgjerimit nuk ka patur asnjëherë kaq shumë kundërshtime siç po ndodh me Shqipërinë dhe Maqedoninë e Veriut. Kështu deklarojnë  katër ish-ministrat e Jashtëm të Shqipërisë, Greqisë, Qipros dhe Bullgarisë.

Katër ish-ministra të jashtëm i bëjnë thirrje Bashkimit Evropian që të hapë negociatat me Shqipërinë dhe Maqedoninë e Veriut. Në një komunikatë të përbashkët, ish shefat e diplomacisë së Shqipërisë, Bullgarisë, Qipros dhe Greqisë, nënvizojnë se pranimi i Shqipërisë dhe Maqedonisë së Veriut nuk do të thotë t’i bësh nder dikujt, por është pasurim i vetë projektit europian.

“Pavarësisht se është ndoshta politika me e suksesshme e transformimit të Bashkimit Evropian, asnjëherë me parë politika e zgjerimit nuk ka qenë subjekt i kaq shumë kundërshtive brenda vetë BE-së”.

Ish-ministrat e Jashtëm ia drejtojnë apelin e tyre në veçanti dy shteteve të rëndësishme të Bashkimit Evropian.

“I bëjmë thirrje kryesisht dy shteteve kryesore, Gjermanisë dhe Francës, të tregojnë përgjegjshmërinë e duhur për të ardhmen e Bashkimit Europian dhe Europës dhe të përmbushin premtimet e tyre. Ne u bëjmë thirrje të veprojnë me përgjegjshmërinë e duhur dhe të mos shtyjnë rrugën europiane për këto dy vende”.

Në këtë kontekst, duhet që Këshilli i Europian i qershorit, pa hezitim, të vendosë një datë për nisjen e negociatave me Shqipërinë dhe Maqedoninë e Veriut është këshilla e katër ish-ministrave të Jashtëm, midis të cilëve është edhe ish-ministri Ditmir Bushati./ABC News Albania 24/7

sebastian-kurz-shutterstock_676502323.jpg
G. P.16:16 | 21/05/2019

Të gjithë ministrat e ekstremit të djathtë në qeverinë austriake, kanë dhënë dorëheqjen pas pezullimit të ministrit të brendshëm, po nga radhët e tyre. Ministri i Brendshëm u hoq nga posti i tij, për të garantuar hetime transparente ndaj liderit të partisë së tij, ish zv/kancelarit Shtrahe.

Skandali i korrupsionit i ditëve të fundit vijon të ketë pasoja në qeverinë austriake. Në qendër të asaj që tashmë konsiderohet si ‘Ibizagate’ është Heinz-Kristian Shtrahe, protagonist i një video në të cilin flet për shkëmbime nderesh dhe manovra për të shmangur rregullat për fondet elektorale, me një trashëgimtare të pasur ruse.

Zëvendëskancelari dhe lideri i partisë së ekstremit të djathtë “Fpoe” u dorëhoq të shtunën, ndërsa kancelari Sebastian Kurz theksonte: “Kur është tepër, është tepër, skandalet e reja të ekstremit të djathtë janë të papranueshme”.

Vendin e tij duhej ta merrte ministri i Transportit Nobert Hofer, i cili të hënën paralajmëroi Kurtz mbi zërat që qarkullonin: “Si ministra do të dorëzojmë të gjithë mandatet tona nëse ministri i brendshëm  Herbert Kikl do të hiqet nga posti i tij”.

Një premtim i cili u mbajt. Kancelari pezulloi Kikl dhe partia e ekstremit të djathtë konfirmoi dorëheqjen të gjitha ministrave të saj. Bëhet fjalë për ministrin e Jashtëm, atë të Mbrojtjes, Transportit dhe atë të Çështjeve Sociale.

Postet e tyre do të mbahen nga ministra teknikë deri në zgjedhjet që presidenti i vendit Aleksandër Van der Belen lajmëroi për në Shtator të këtij viti. Kurz kërkoi largimin e ministrit të Brendshëm në mënyrë që të garantohej një hetim i plotë dhe transparent i skandalit që i dha fund një koalicioni, i cili nga ekstremi i djathtë europian shihej si një shembull./ABC News Albania 24/7

gazment-bardhi-1280x736.jpg
Sej rie13:10 | 25/04/2019

Sekretari i Përgjithshëm i Partisë Demokratike Gazment Bardhi konfirmoi në një intervistë për Abc Neës se ka një tjetër dosje që do ta bëjë publike së shpejti që denoncon një tjetër aferë korruptive të qeverisë që ka të bëjë edhe me shitblerjen e votës.

Një tjetër denoncim po përgatit Partia Demokratike që sipas saj janë përfshirë në aktivitet kriminal anëtarët e qeverisë.

“Konfirmoj që po, kemi informacione të cilat i kemi në përpunim dhe verifikim të mëtejshëm, dhe sapo të jenë të të gatshme për tu ndarë me opinionin publik sigurisht që do të bëjmë denoncimin përkatës”.

Në studion e ABC News përballë gazetares Mirela Milori sekretari i përgjithshëm i Partisë Demokratike paralajmëron se denoncimi i radhës mund të jetë më i rëndësishmi ndër ata që ka bërë deri më tani. Në thelb është shitblerja e votës ku janë përfshirë ministra dhe ish ministra.

“Ministra, ish-ministra. Pra ministra në detyrë dhe ish-ministra e gjithë veprimtaria e kësaj qeverie. Kjo qeveri sillet si bandë. Në çdo veprim që kryen sillet si bandë. Mungesë respekti ndaj ligjit dhe shërbim ndaj grupeve kriminale dhe një grushti të caktuar njerëzish. Edi Rama është njeriu që zgjohet në mëngjes, hap hartën e Shqipërisë dhe vendos se çfarë do të bëjë me Shqipërinë dhe cilën copë do ti japë kujt krimineli apo oligarku”.

Partia Demokratike është ende në procesin verifikues dhe dokumentues të këtyre informacioneve dhe sapo të jetë gati do të bëhet publik njofton Gazment Bardhi sipas të cilit dosjet denoncuese nuk janë të pakta.

“Prokuroria ka dosjet e veta, ashtu siç partnerët ndërkombëtarë dhe shërbimet partnere kanë informacione e tyre. Prokuroria, besoj unë, ka të dokumentuara mal me material që provojnë. Nëse prokuroria do të ishte në krye të detyrës, sot gjysma e qeverisë apo ish-ministrave të kësaj qeverie, do të ishin në burg, përfshirë edhe Edi Ramën”./abcnews.al

putin-1280x803.jpg
ent ela14:55 | 23/04/2019

Politikanë që pozojnë para kamerave me armë në duar. Ka qenë pikërisht fotografia më e fundit me mitraloz në dorë e ministrit të brendshëm Italian Mateo Salvini, që ka detyruar mediat online të hapin arkivat.

Fotografia e ministrit të brendshëm Italian, Mateo Salvini, me një mitraloz në dorë, ditën e Pashkëve – dhe të masakrës në Sri Lanka, e postuar nga këshilltari i tij strategjik për komunikimin, shkaktoi jo pak polemika. Por Salvini është vetëm një nga politikanët e shumtë të cilët kanë pozuar me armë para kamerave

Për të gjetur fotografi të politikanëve karizmatikë të së majtës dhe të djathtës që pozojnë të armatosur para objektivëve të fotografëve, nuk duhet të merren parasysh vetëm ata që me mitralozë kanë drejtuar revolucione të vërteta.

Në arkivin fotografik të AFP-së gjenden fotografi të Saddam Hussein i cili inspekton armën amerikane “Tommy” në 1997-ën; apo të Yasser Arafat në linjën e parë të frontit në jug të Bejrutit në vitin 1982, apo moment kur Fidel Castro inspekton artilerinë kubane gjatë krizës së raketave në 1962-shin.

Për të qëndruar në Amerikën latine, vjen në mend fotografia e Hugo Chavez, i cili në mënyrë të papritur nxjerr nga brezi dy pistoleta gjatë festimeve për përvjetorin e 229 të vdekjes së heroit kombëtar Bolivar.

Dikush që për Venezuelën ka bërë shumë, për të qëndruar në temën e armëve është Vladimir Putin, presidenti rus i admiruar nga Salvini dhe që nuk ngurron të shfaqet në public në poza aksioni. Si për shembull kur drejton nnjë tank apo në sporte të tjera. Mes të cilave dhe drejtimi i një motoskafi apo të kalërojë gjysëm i zhveshur.

Janë të paktë ata që mbajnë mend se një nga të vetëshpallurit si një nga miqtë më të mirë të Putin, Silvio Berlusconi, në vitet ’70 mbante një revolver në tryezë për t’u mbrojtur nga grabitjet. Por në një nga fotografitë e tyre më të famshme është pikërisht kjo, ku dhe pse nuk kanë një armë të vërtetë, media e cilësoi si një pozë kërcënuese.

Për të qëndruar në aktualitet, Salvini është në shoqëri të mirë. Në atë të presidentit të Filipines, Rodrigo Duterte. Të këtij të fundit gjenden me dhjetëra fotografi online, ku ka në dorë revole apo snajper. Kreu i shtetit është i famshëm në botë për politikën e tij të egër ndaj trafikantëve të drogës, të cilët ai synon t’i kapë të gjithë: gjallë apo vdekur.

Por tërheqja ndaj armëve prek dhe politikanë më të rinj në europë. Në spanjë për shembull kreu i Voks, Santiago Abascal, hyri në skenën politike pikërisht me një pistoletë në brez: Në fillim ishte për të mbrojtur babain tim nga Eta, tashmë është për të mbrojtur fëmijët e mi,” deklaroi ai. /abcnews.al

ministrat.jpg
G. P.10:40 | 21/02/2019

Dy ish-ministra maqedonas janë dënuar me 30 ditë burg në pritje të procesit gjyqësor pasi akuzohen si të përfshirë në ngjarjet e 27 Prillit të vitit 2017. Një masë e tillë është kërkuar dhe për ish-kryetarin e parlamentit, por ai ka përdorur imunitetin e deputetit.

Gjykatësi i procedurës paraprake në Shkup, me kërkesë të Prokurorisë Publike vendosi masën e paraburgimit 30 ditor, për dy ish-ministrat, Mile Janakieski dhe Spiro Ristevski, të dyshuar për organizimin e ngjarjeve të përgjakshme të 27 Prillit të vitit 2017.

Në Gjykatë ishte kërkuar dhe prania e ish-kryetarit të Kuvendit, Trajko Veljanoski, por ai përdori imunitetin e deputetit dhe nuk pranoi të qëndrojë në sallën e gjyqit. Mediat maqedonase raportojnë se nuk përjashtohet mundësia që gjatë ditës së enjte të kërkohet nga Kuvendit që t’i hiqet imuniteti.

Përveç Mile Janakieskit dhe Spiro Ristovski, Prokuroria për Krim të Organizuar dhe Korrupsion ka hapur procedurë hetimore edhe për tre persona, të cilët gjithashtu janë të dyshuar për organizim të ngjarjeve të 27 Prillit në Kuvendin e Republikës së Maqedonisë, të cilët sipas informacioneve jozyrtare janë ish- kryeministri Nikolla Gruevski, ish-agjenti i DSK-së, Nikolla Boshkovski. Gruevski mbetet në arrati në Budapest, kurse Boshkovski në Greqi./abcnews.al

qeveria-e-re.jpg
G. P.14:43 | 17/01/2019

Janë betuar në Presidencë zëvendëskryeministri dhe 7 ministrat e rinj të qeverisë pas votimit në seancën e pasdites së djeshme të dekreteve të kreut të shtetit Ilir Meta. Në këtë ceremoni nuk ishte i pranishëm kryeministri Edi Rama. Pezull ka mbetur kërkesa e kreut të qeverisë për shkakimin e ministrit për Evropën dhe Punët e Jashtme Ditmir Bushati dhe zëvendësimin e tij në këtë detyrë nga kryeministri Edi Rama.

Pas kësaj ceremonie kanë marrë detyrën zyrtarisht zëvendës kryeministri Erjon Brace, Ministrja e ekonomisë Anila Denaj, Ministrja e Infrastrukturës dhe energjitikës Belinda Balluku, Ministrja e Kulturës Elva Margariti, Ministrja e Arsimit, Besa Shahini, Ministri i Bujqësisë Bledi Çuçi,
Ministri për Sipërmarrjen Eduard Shalsi dhe Ministrja për Marrëdhëniet me Parlamentin Elisa Spiropali./abcnews.al

ILIR-META-1280x877.jpg
G. P.20:08 | 09/01/2019

Presidenti i Republikës, Ilir Meta, ka dekretuar katër nga pesë ministrat jo deputetë, të propozuar nga kryeministri Rama për kabinetin e tij. Mbrëmjen e të mërkurës, kreu i shtetit dekretoi Anila Denajn, si ministre e Financave e Ekonomisë; Besa Shahinin, si ministre e Arsimit, Sportit e Rinisë; Elva Margaritin, si ministre e Kulturës dhe Belinda Ballukun, si ministre e Infrastrukturës e Energjisë.

Në dekretet e presidentit bie në sy mungesa e një dekreti për emrin e Gent Cakës, i propozuar nga kryeministri si ministër i Jashtëm, e njëkohësisht edhe dekreti i shkarkimit të ministrit në detyrë Ditmir Bushati. Presidenti Meta e ka justifikuar mosdekretimin e shkarkimit të Bushatit, me argumentin se vendi nuk duhet të qëndrojë asnjë sekondë pa ministër të Jashtëm.

Kreu i shtetit dekretoi menjëherë ministrat që mbanin mandatin e deputetit, Erion Braçe, si zv/kryeministër, Bledi Çuçi, si ministër i Bujqësisë, Eduard Shalsi, si ministër për Sipërmarrjen dhe Elisa Spiropali, si ministre për Marrëdhëniet me Parlamentin. Për emrat e tjerë të propozuar, presidenti kishte bërë të ditur se po bënte verifikimet pranë institucioneve. Në pritje mbetet propozimi për ministrin e Jashtëm, Genti Cakaj, për të cilin ka patur debat publik mbi moshën dhe eksperiencën profesionale./abcnews.al

qeveria.jpg
G. P.20:37 | 28/12/2018

Pasditen e sotme, kryeministri Edi Rama ka postuar në rrjetet sociale një foto të kabinetit te riformatuar qeveritar, ku dukshëm në tryezë janë ulur ministrat e shkarkuar nga detyra dhe ata të sapo emëruar. Në fotën e cilësuar nga kreu i ekzekutivit, si fotoja e ditës, 7 ministrat e larguar nga kabineti dhe pasuesit e tyre janë mbledhur në një tryezë të rrumbullaktë, ndërsa krahas fotos kryeministri ka vendosur një simbol me shenjën e shtrëngimit të duarve.

Ndërkohë pak më vonë, në një tjetër mesazh të bërë publik nga kryeministri në rrjetet sociale ai shkruan:

Oh sa e bukur radha e salinjve e kadrinjve që gjuajnë qeverinë e re, pa e fshehur dot gishtin e mbetur në gojë (edhe njëherë si përherë). S’kanë faj jo, sepse kemi hedhur një hap të madh sot drejt fitores së qershorit tjetër”, përfundon mesazhin e tij kreu i ekzekutivit.

ministrat.jpg
G. P.09:55 | 02/08/2018

Në konfliktin për ndjekjen penale të një prifti nga SHBA, SHBA vendosën sanksione kundër dy ministrave turq. Masat ndëshkimore prekin ministrin e Drejtësisë Abdulhamit Gül dhe ministrin e Brendshëm Süleyman Soylu.

Zëdhënësja e Presidentit të SHBA, Sarah Sanders tha: “Të dy kanë luajtur rol drejtues në arrestimin me vendim gjykate dhe ndalimin e pastorit Brunson”. Ajo e karakterizoi si “viktimë” Brunsonin, i cili është i ekspozuar ndaj përndjekjes “jo korrekte dhe të pajustifikuar” të autoriteteve turke. Klerikun Andrew Brunson e akuzojnë në Turqi si të dyshuar për terrorizëm dhe spiunazh, atë e pret një dënim i gjatë me burgim.

“Ne nuk shohim ndonjë dëshmi, që prifti Brunson të ketë bërë ndonjë veprim të gabuar”, vazhdoi më tej zëdhënësja. Për shkak të sanksioneve, pasuritë e ministrave në SHBA bllokohen, veç kësaj qytetarë amerikanë e kanë të ndaluar të bëjnë biznese me ta.

Turqia nuk tërhiqet

Qeveria e SHBA pati kërcënuar hapur javën e kaluar me vendosjen e masave ndëshkimore: zëvendëspresidenti Mike Pence tha në adresë të Presidenttit turk Recep Tayyip Erdogan: “Lëreni të lirë priftin Andrew Brunson – ose përgatituni që të përballoni pasojat”.

Erdogani theksoi sërish të mërkurën se vendi i tij nuk do t’i pranojë kërcënime të tilla. Ai i akuzoi SHBA për një “mentalitet evangjelikan, sionist”.

Drejtësia turke e akuzon priftin protestant për spiunazh si dhe për mbështetje të Partisë së ndaluar Punëtore Kurde (PKK) dhe të lëvizjes Gülen. Javën e kaluar një gjykatë vendosi papritur që Brunsoni të lirohej nga burgu për arsye shëndetësore, por urdhëroi që ai të mbahet në arrest shtëpie. Akuzat nuk u tërhoqën. Prokuroria kërkon deri 35 vjet heqje lirie për priftin nga SHBA./DW


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono