minatore

ministrii.jpg
G. P.14:20 | 04/07/2018

Minatorët e Korçës kanë protestuar për statusin e tyre para para Prefekturës. Ata thonë se që prej vitit ‘91 nuk po marrim statusin dhe i kërkojnë qeverisë t’u japë të drejtat që u takojnë.  Protestuesit thanë se pensioni që marrin nuk na del as per ilaçe. Janë mbi 3 mijë minatorë në Qarkun e Korçës që presin të marrin statusin. Ata pretendojnë që shteti i ka lënë pas dore. Protesta e minatorëve do të vazhdojë derisa ata pretendojnë të gjejnë zgjidhje./abcnews.al

statusi-i-minatoreve.jpg
G. P.14:19 | 13/06/2018

Bulevardi përpara kryeministrisë në mesdite u kthye në shesh protestë. Ishin miniatorët nga e gjithë Shqipëria që kërkuan nga kryeministri miratimin e statusit të tyre.

Minatorët thonë se nuk do të ndalen deri në miratimin e statusit të tyre. Dolën sërish në protestë përpara godinës se kyreministrisë, ndërsa kërkesën ja drejtuan shefit të qeverisë.

“Timonin siç e deshi, e mori. Nëqftëse kryeministër do që të largohemi menjëherë prej këtej dil e na thuaj vetëm një fjalë: A e meritojnë këta njerëz statusin e minatorit në Republikën e Shqipërisë”?

Por kryeministri nuk ishte në zyrë, prej dy ditësh, ai ndodhet në Durrës.

Pavarësisht kësaj, minatorët përsëritën kërkesat në thelb të të cilave qëndron rritja e masës së pensionit, kontrolle shëndetësore periodike falas dhe mbështetje përmes politikave sociale.

“Nuk ka më prit. Prisni ju. Ne s’lemi ç’presim më. Ne po desim përditë. Ne duam ta gëzojmë statusin tonë sot, sepse është e drejta jonë, është gjaku jonë, është djersa jonë”.

Ministria e Infrastrukturës dhe Energjisë e ajo e Financave dhe Ekonomisë javën e shkuar pranoi se drafti për statusin e minatorit është gati, por sipas tyre ishin përfaqësuesit e sindikatave, ata që nuk kishin rënë dakord me të.

Në protestën e të mërkurës, sindikatat e minatorëve ishin bashkë ndërkohë thirrjet i kishin për plotësimin e të njëjtave kërkesa. Në të njëjtën koëh në Memaliaj, ish-minatorët e kësaj zone dolën në shesh dhe deklaruan mbështetjen për minatorët që po protestonin në Tiranë./abcnews.al

minatoret.jpg
G. P.17:20 | 06/06/2018

Statusi i ka nxjerrë sërish minatorët përpara kryeministrisë. Ata kërkojnë miratimin e shpejtë të tij. Ndërkohë, Ministria e Infrastrukturës dhe Energjisë, e ajo e Financave dhe Ekonomisë deklarojnë se drafti është gati, por me të nuk kanë rënë dakord, të gjithë përfaqësuesit sindikalë.

Minatorët kanë dalë sërish para kryeministrisë për të kërkuar miratimin e statusit. Ndonëse Policia e Tiranës iu ka refuzuar kërkesën për tubim, ata e vijuan protestën e tyre.

Drafti shpjegojnë se është hartuar dhe ka kaluar në të gjithë institucionet, por nuk dinë të thonë pse miratimi i tij është vonuar. Rritja e masës së pensionit është kërkesa kryesore e tyre. Minatorët paralajmëruan një tjeter protestë të martën, ndërkohë që nuk përjashtuan as mundësinë për të hyrë në grevë urie.

Ministria e Infrastrukturës dhe Energjisë dhe ajo e Financave e Ekonomisë pas protestës pranoi se drafti për statusin e minatorit është gati. Ai është hartuar nga një grup ndërinstitucional pune, por jo të gjithë përfaqësuesit e sindiakatave kanë rënë dakord me të.

Fatkeqësisht, deri tani, ka dhe një pjesë përfaqësuesish sindikalë të cilët nuk kanë rënë dakord me draftin e propozuar nga pjesa kryesore e sindikalistëve. Gjejmë rastin që tu bëjmë thirrje të gjithë përfaqësuesve sindikalë që të bëhen pjesë e diskutimeve në tryezën e grupit të punës, të bashkohen në qëndrime mbi një draft të vetëm i cili më pas ti nënshtrohet procedurave të përcaktuara në ligj”, thuhet në njoftimin e ministrisë./abcnews.al

edi-rama-me-minatoret.jpg
G. P.14:35 | 16/04/2018

Qeveria do të detyrojë me ligj kompanitë minerare të sigurojë jetën e çdo minatori që punon në to. Kryeministri e njoftoi këtë gjatë një interpelancë online me një përfaqësi të minatoreve, ku u diskutua për kërkesat e tyre.

Në takimin virtual me kryeministrin Edi Rama i adresojnë një shqetësim të vjetër që s’ka marrë ende zgjidhje.

“Është një kërkesë që është aq e vjetër, sa jeni ju në politikë”.

Pagat minimale, jo më pak se 200 përqind e pagës minimale zyrtare. Pensioni minimal të jetë 131 përqind i pagës minimale. Janë disa nga kërkesat e minatorëve, të cilat janë në rrugën e zgjidhjes, sipas ministrave, në krah të kreut të qeverisë.

Një tjetër kërkesë është për familjet e minatorëve që humbin jetën në minierë. Por është kryeministri që u tregon se çfarë ka planifikuar qeveria.

Edi Rama: “Rruga nuk është buxheti. Rruga është sigurimi i jetës dhe ne e kemi pjesë të planit që t’u imponojmë kompanive sigurimin e jetës së çdo minatori”.

Pavarësisht se kryeministri u shpjegoi se qeveria ka çuar përpara shumë reforma, në shëndetësi dhe drejtësi minatorët dëshmojnë të kundërtën.

I ashpër tregohet kreu i qeverisë edhe me gjykatësit që nuk po kalojnë procesin e Vettingut duke i paralajmëruar se nuk ka mbaruar me kaq.

Edi Rama: “Askush të mos mendojë që këta gjykatës që spastrohen do jenë rehat sepse sistemi i ri i Prokurorisë dhe Gjykatave nuk ka për t’i lënë rehat në rast se kanë shkelur në raste flagrante dhe këta kanë shkelur në raste flagrante”.

Pavarësisht toneve të ashpra për ata që abuzojnë me detyrën e ligjin, kryeministri u përpoq ta bëjë më pak institucionale bashkëbisedimin virtual./abcnews.al

vlcsnap-error736-1280x720.jpg
G. P.14:03 | 12/02/2018

Qeveria ka vendosur të ndryshojë ligjin për të përndjekurit politikë. Në një interpelancë të thirrur nga minatorë, që kanë qenë të burgosur, ministri i Financave dhe Ekonomisë, Arben Ahmetaj, u premtoi se do t’u njihen dy vite punë, për çdo një vit burg, që kanë bërë gjatë regjimit komunist.

264 ish të burgosur politik bënë punën e minatorit gjatë viteve që vuanin dënimin. Me ardhjen e demokracisë, ata shpresuan se ato vite punë do t’u njiheshin dhe do të përfitonin një pension. Por institucionet shtetërore i kërkonin një document, që vërtetonte pretendimin e tyre. Dhe është pikuërisht mungesa e këtij vërtetimi, që i ka sorrollatur prej vitesh këta ish të burgosur politikë që kanë punuar në minierë.
Vendosën t’i drejtohen platformës dixhitale shqipëriaqëduam.

Minatori 1: “Kemi katër vjet që po vuajmë lidhur me një dokument që na kërkojnë ministria për sigurimet shoqërore. Dokumenti nuk ekziston”.

Minatori 2: Të paktën të na njihnin punën e papaguar që kemi bërë atje. Të paktën të na njihni pensionin”.

Përgjigjen e morën menjëherë nga ministri i Financave dhe Ekonomisë, Arben Ahmetaj.

Arben Ahmetaj: “Vitet e burgut që ju fatkeqësisht keni bërë të njihen për shkak të pensionit, për minatorët drejtëpërsëdrejti, dy vite në fund të pensionit, si dy vite punë në bazë të ligjit, por që ju mos të jeni më të detyruar të merrni atë letër por t’iu njihet automatikisht”.

Me ndryshimin e ligjit dhe miratimin e tij në parlament hiqet pengesa për këta ish të burgour politikë.
Shqetësimet e tjera do të shihen rast pas rasti u premtoi ministri Ahmetaj.

Minatori: “Zoti ministër, po ai person që ka bërë 5 vjet e 9 muaj burg, s’do ta gëzojë këtë të drejtë”?

Arben Ahmetaj: “Ne do t’i shohim dosjet rast pas rasti”./abcnews.al

minatore.jpg
G. P.19:50 | 01/02/2018

Rreth 950 persona kanë ngelur të bllokuar brenda një miniere ari në Afrikën e Jugut, pasi një stuhi shkaktoi prerjen e energjisë elektrike. Ndërprerja e elektricitetit ka ndaluar lëvizjen e ashensorëve, të rëndësishme për largimin e minatorëve.

Sipas një zëdhënësi, minatorët janë mirë.

Ndërkohë, BBC shkruan se deri tani janë arritur të shpëtohen rreth 65 minatorë dhe po punohet për të shpëtuar të tjerët.
Zyrtarë të sindikatave shprehen të frikësuar se jeta e minatorëve mund të jetë në rrezik.

Afrika e Jugut është një nga prodhuesit më të rëndësishëm të arit, por kjo industri është akuzuar për sigurinë e ulët për jetën e punëtorëve.
Miniera, ku janë bllokuar rreth 950 persona, ka 23 nivele dhe arrin deri në 1000 metra nën tokë./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono