mimoza kociu

kociu-alket-hyseni.jpg
nev ila23:05 | 19/02/2020

Në emisionin Byro Politikë mbrëmjen e sotme përballë gazetares Juli Xhokaxhi ishte i ftuar deputeti i PS Alket Hyseni.

I pyetur nga gazetarja Mimoza Kociu se përse nuk u prit delegacioni i Venecias dhe më pas të vendosej për përzgjedhjen e anëtarit të Gjykatës Kushtetuese, deputeti Hyseni tha se nuk ishte ky thelbi i pyetjes për të cilin i ishin drejtuar venecias duke anashkaluar përgjigjen.

Mimoza Kociu: Në momentin që kishit përplasje me presidentin për anëtarin e Gjykatës kushtetuese , ku pati debat mes mazhorancës dhe presidentit, cfarë nguti kishit që nuk pritët komisionin e Venecias të jepte opinionin e saj. Ju e miratuat vetëm 1 ditë përpara ardhjes së Komisionit këtu.

Alket Hyseni: Inciativa që ne kemi bërë është përpara se ti nisej Venecias. Ne hoqëm dorë nga ai nen, në atë projekt ligj i cili i jepte fuqi prapaverpuese de fakto cështjes së betimit të asaj kandidateje. Ne e bëmë këtë që të ruanim një standart, për atë që i jemi drejtuar Venecias do presim përgjigjen e saj, e hidhur apo e ëmbël qoftë ajo, mendojmë se është një zgjidhje e një organi të specializuar që sot e respekoj më tepër.

Mimoza Kociu: Po përse nuk e pritët opinionin e venecias?

Alket Hyseni: Nuk është ky thelbi i gjykimit që i jemi drejtuar Venecias. Ne i jemi drejtuar Venecias me këtë pyetje; a mundet që presidenti që tej afatit 30 ditë pa e ushtruar të drejtën të zgjedhë një emër jashtë 3 emrave të përzgjedhur./abcnews.al

edi-rama-ofl-kck-politika.jpg
nev ila22:39 | 15/02/2020

Premtimet e kryeministrit Rama për luftë ndaj krimit të organizuar e korrupsionit janë në fokus të analizës së Mimoza Koçiut me Politika në ABC News.

Skepticizmit publik i vuri përballë javën politike që lamë pas, numrat kushtetues në Kuvend, ilustrimi i qeverisjes përmes shembullit të forcës, e jo forcës së shembullit që Rama premtoi si model qeverisje kur erdhi në pushtet.

Për më tepër ndiqni Politika në ABC News./abcnews.al

 

mimoza-kociu-1.jpg
ger ta09:03 | 13/01/2020

Ditën e djeshme presidenti Ilir Meta ktheu në Kuvend paketën “anti-shpifje”.  Për të folur për këtë ishte në studion e Enkel Demit, në emisionin “Abc-ja e mëngjesit”, gazetarja Mimoza Koçiu.

Koçiu mes të tjerash u shpreh se gazetarët nuk do të tërhiqen në kundërshtinë e tyre për ligjin ndaj medias.

“Ne do presim, por nuk kemi ndërmend ta lëmë përgjysme. Kemi edhe një premtim nga opozita që ka thënë se do e rrëzojë. Meta përmendet te argumentin, nuk mund të themi që AMA dhe AKEP janë të pavarurura se kemi zotin Malaj që për shkak se foli kundër qeverisë u realizua shkarkimi”, u shpreh mes të tjerash Koçiu.

Ndërkaq, e pyetur nëse presin një reflektim nga Rama, gazetarja tha se shpresojnë tek pesha që tashmë ka me kryesimin e OSBE.

Pjesë nga intervista:

Në OSBE ka shumë zëra kundër …

Po është dhe ambasadri në Tiranë që është shprehur kundër.

Pavarësisht se ata janë në një linjë, Rama ka shprehur idenë që të vazhdojë përpara.

Mesa duket as Presidenti nuk e ka lexuar se ngrinte të njëjtat çështje. Nëse ti shkruan ndaj qeverisë dhe ke instrumemti si AMA dhe AKEPI që do marrin masa ndaj teje. Nëse ndodh një vrasje, proceduar është më e gjatë. Nëse ti flet kundër qeverisë atëherë ti duhet ta paguash direkt.

Komuniteti i gazetarëve, është për ta sistemuar pak ligjin?

Ne jemi që të tërhiqen të dy projektligj. Ne kërkojmë vetërregullim

Për ta konceptuar ligjin?

Ligji është, edhe online mund të funksionojë në bazë të ligjit. Fakti se të marrësh vesh kush është pronar, por pse jo. Shteti i ka instrumentet që nëse ka një problem me një portal e zbulon.

Beson se Rama do të reflektojë?

Po shpresoj për peshën që ka me OSBE-në. Ka edhe konfliktin Ukrainë-Rusi. Është kumbari, garanti që palët të shkojnë siç duhet, sepse po përgatitet për takim që do bëhet në Berlin.

Ti shpreson te reflektimi i Ramës?

Ky nuk është prioriteti i tij. Në momentin që na thotë se është model i Gjermanisë, po por e ka për shkak të urrejtjes, ligjin e kanë bërë për këtë edhe në Francë është bërë kundër ndërhyrjes në zgjedhje, 4 muaj para zgjedhjeve tani në Francë kanë detyrimin të tregojnë psh. Ky artikull është publikuar nga Moza.

Mua gjëja që më bën përshtypje ne këtë situatë të me mediat online komuniteti i gazetarëve e kishte parashikuar vetë. Instituti i medias ka rithemeluar Kodin e Etikës, ku përfshihen prania e mediave online dhe kjo është bërë edhe nga Ama dhe Akep, pse nuk i thonë këto kryeministrit që ne e kemi bërë këtë? Ne nuk do kemi tjeshtë Ama dhe Akepin por edhe Ramën?

Mund edhe të mbyllet media, dhe pastaj ti të ndjekësh rrugën ligjore. Prandaj është më kollaj në këtë vend te vrasësh  sepse e ke procesin më të gjatë.

Në OSBE tashmë është edhe Ditmir Bushati…

Unë mendoj se Zoti Rama aty ka bërë zgjedhjen e duhur. Zoti Bushati është njohës i mirë për politikën e jashtme, kam përshtypje që diferenca mes të dyve do i ndihet.

Njerëzit do orientohet aty ku ka thelb. Kush e di sa do jetë mërzitur Batoni. Le të kthehemi te ligji, do ketë një reagim tjetër nga gazetarët?

Ne do presim, por nuk kemi ndërmend ta lëmë përgjysme. Kemi edhe një premtim nga opozita që ka thënë se do e rrëzojë. Meta përmendet te argumentin, nuk mund të themi që Ama dhe Akep janë të pavarurura se kemi zotin Malaj që për shkak se foli kundër qeverisë u realizua shkarkimi.

Duhet të pranojmë që gjatë kësaj periudhe ka një tërehqje të veçantë të medias, ka qenë një periudhë kalimtare, nuk më duket se ka ndonjë shtim të rënia apo ngritjes së shpifjes.

Ai ka shpallur gjendjen e fatkeqësisë natyrore, por ai mendonte se do kishte këto superfuqitë, e shtyunë situatën dhe nuk po ndodh asgjë. Ditët e para thoshte që mediat po terrorizojnë qytetarët. Ku ka terrorizuar media, por vetëm se ka ndihmuar. Nuk ke të arrestuar për asnjë rast. Edhe jetë njerëzroe nuk kanë kosto në këtë vend.

Jemi në një situatë gati-gati anomalie, portalet ndërrojnë edhe domain dhe hajde kapi…

Ka humbur kreativitetin për të patur qasjen tjetër me media, mendon tu qaset me arroagancë.

/abcnews.al

byroja.png
R D22:20 | 18/12/2019

Debati pro dhe kundër ligjit të medias është duke u zhvilluar mbrëmjen e sotme në “Byro Politike” nga gazetarët Bledian Koka e Mimoza Koçiu përballë deputetes Milva Ekonomi e analistit Frrok Çupi. Ndërsa Çupi u shpreh pro ndryshimeve ligjore, sepse sipas tij shpifja është kthyer në kolerë, ka reaguar Mimoza Koçiu, e cila e tha se ky ligj nuk është konsultuar me komunitetin e gazetarëve, ndaj nuk e pranojmë. Më tej ajo e pyeti Çupin, e indinjuar nëse ka dijeni për faktin se prej 7 vitesh Rama nuk lejon kamerat në aktivitete, por transmeton vetëm nga ERTV. Çupi u shpreh i habitur dhe tha se media nuk duhet te pranojë kaseta.

Më tej, Mimoza Koçiu si pjesë aktive e organizatave të gazetarëve tha se do të ndiqen të gjitha hapat që do pengojnë zbatimin e këtij ligji. Si fillim, u shpreh ajo, do i kërkojmë Presidentit të mos e dekretojë e më pas do e çojmë në Gjykatën Kushtetuese, madje do e çojmë deri në Strasburg. /abcnews.al

moza.jpg
ger ta10:33 | 18/12/2019

Teksa ka nisur seanca plenare, jashtë ambienteve të Kuvendit prej disa minutash, gazetarët dhe aktivitstë po protestojnë.

Gazetarët janë mbledhur për të kundërshtuar paketën anti-shpifje që pritet të votohet sot në Kuvend.

“Mos ma prek fjalën e lirë” është slogani që gazetarët kanë zgjedhur. Ndërkohë, gazetarja Mimoza Koçiu sqaroi arsyet pse gazetarët janë kundër këtyre ndryshimeve ligjore.

Koçiu theksoi se drafti është bërë publik mbrëmë dhe se Parlamenti është kthyer tashmë në sekretariatin e kryeministrit.

Po ashtu gazetarja nënvizoi se ata janë kundër dhe se kjo është e turpshme pasi për hatimin e draftit nuk janë bërë konsultime me gazetarët.

Na kanë se sjellë drafet të ndryshuara edhe Parlamenti është kthyer në sekretariatin e kryeministrit. Ne vazhdojmë ti qendrojmë qendrimit tonë që nuk duam që qevërerinë ta kemi redaktore. Ne po e shohim se çfarë po ndodh me Parlamentin, por shohim edhe si po kalon ky ligj. 45 vjet është përpjekur Enver Hoxha të ndalojë fjalën e lirë, por njerëzit kanë arritur ta flasin dhe ta thonë fjalën e tyre. Është një sinjal se çfarë po ndodh. Shqipëria po tentohet të kthehet pas, është një parti që po vendos veten mbi vendin. OSBE nuk ka certifikuar akoma ligjet.

Ne jemi kundër cdo lloj ndryshimi kozmetik. Njëherë nuk është bërë konsultimi me gazetarët, e pranuan edhe njerëzit e kryeministrit mbrëmë nëpër studio. Kjo është e turpshme. Si mund të bësh diçka për një komunitet gazetarësh dhe të mos i pyesësh. Diktatorët bëjnë të njëjtën gjë”, u shpreh Koçiu./abcnews.al

rama-politika.png
R D16:44 | 14/12/2019

Paralajmërimi i kryeministrit Rama për të kaluar në kuvend më 19 dhjetor atë që e quan paketë “antishpifje” për mediat online dhe ato vizive ka sjellë reagimin e shoqatave, por edhe të aktorëve ndërkombëtarë. Politika në Abc News na sjell këtë betejë personale të kryeministrit ndër vite, të cilën e nisi për të heshtuar akuzat e rivalëve politikë, e po tenton ta finalizojë me ndëshkime të mediave nga organe administrative, të zgjedhura nga parlamenti.

Nga Mimoza Koçiu

Pas ditësh anatemim të mediave për pasqyrimin e situatës së pas tërmetit në vend, Kryeministri bëri këtë paralajmërim nga mbledhja e jashtëzakonshme e qeverisë të premten e 6 dhjetorit.

Ky vendim i gjeti të papërgatitur edhe vetë deputetët, sepse paketa ligjore antishpifje e depozitar nga qeveria në kuvend, nuk kishte kaluar ende në komisionet parlamentare, sipas procedurës që parashikon edhe dëgjesa me grupet e interesit.

Në momente delikate politike për të, Edi Rama i është kthyer vazhdimisht medias me paralajmërime për sanksione ligjore, me disa momente kulmore. I pari i takon nëntorit 2015, kur kishin nisur debatet për dekriminalizimin. Parlamenti ishte kthyer në arenë akuzash e përplasjesh e në fokus ishin të zgjedhurit e Ramës me dënime në të kaluarën. Më 11 nëntor, një ditë para seancës plenare, u zbulua një propozim i KM Rama, për të futur në kodin penal dënimin, deri në 3 vjet burg për shpifje.

Të parët reaguan gazetarët dhe shoqatat e tyre, e të drejtave të njeriut, që e lexuan si kërcënim ndaj mediave. Reagimi ishte i fortë dhe mëngjesin e seancës plenare, më 12 nëntor, përmes tre postimeve në tuiter, KM kërkoi ndjesë që ishte keqkuptuar.

Asnjë lidhje me shtypin kriminalizimi i shpifjes! Jo, shpifja duhet te jete veper penale per çdo politikan qe paguhet me taksat e popullit! Eshte koha qe kjo shoqeri te perballet hapur me kulturen e shpifjes! Populli nuk na zgjedh dhe nuk na paguan me taksat e tij per te shpifur! Edhe neni perkates duhet te reflektoje kete qellim, qe e kam shprehur publikisht me kohe. Ndjese qe ka hapur shteg per nje keqkuptim te madh!

Në fakt dekriminalizimi i pjesshëm i shpifjes, si vepër penale kishte ndodhur 3 vite më herët në 1 mars 2012. Një premtim elektoral i Sali Berishës i materializuar në propozim për dekriminalizimin e shpifjes, u mbështet nga socialistët atëherë në opozitë, duke hequr vetëm dënimin me burg, por duke rritur nivelin e gjobës. Mbi 30 nene të propozuara nga qeveria dhe të riformuluara nga opozita u miratuan me konsensus mes demokratëve në pushtet dhe socialistëve në opozitë. Por ajo që mbeti në Kodin Penal, me këmbënguljen e opozitës së kohës, është se shpifja dhe fyerja, akuza me të cilën përballen zakonisht gazetarët, do të trajtohen penalisht.

Një fitore e pjesshme e organizatave e shoqatave të medias të cilat prej 7 vitesh kërkonin heqjen e shpifjes, si vepër penale.

Po kjo vepër, kur kryhet botërisht, në dëm të disa personave ose më shumë se një herë, përbën kundërvajtje penale dhe dënohet me gjobë nga pesëdhjetë mijë gjer në tre milionë lekë.

Ajo që socialistët atëherë në opozitë pranuan, ishte heqja nga Kodi Penal i mbrojtjes ligjore që gëzonin zyrtarët, ndaj shpifjes dhe fyerjes për shkak të detyrës. Kështu PD e PS bashkuan votat në 2012, duke shfuqizuar nenin e fyerjes për shkak të detyrës, nenin e shpifjes për shkak të detyrës, si dhe nenin e shpifjes ndaj presidentit të Republikës. 3 vjet më vonë Edi Rama dukej se ishte penduar që i kishte dhënë mbështetje heqjes së dënimit me burg për veprën e shpifjes.

Mungesa e një specifikimi që përjashtonte gazetarët, ishte në bazë të skepticizmit të organizatave të medias që reaguan fort, duke adresuar shqetësimin e tyre edhe tek homologët ndërkombëtarë e institucionet ndërkombëtare. “Një nen i tillë, në formën e paraqitur nga kryeministri është një kërcënim serioz në punën tonë të përditshme si gazetarë”, thuhej në deklaratën e tyre. Përfaqësuesja e asaj kohe për Lirinë e Medias të OSBE, zyra në Vjenë, u bëri thirrje deputetëve të rrëzonin propozimin e qeverisë, pasi sipas saj institucionet e zyrtarët publikë, nuk duhet të gëzojnë mbrojtje shtesë ndaj kritikave.

Me të gjithë kundër, Rama u detyrua të tërhiqej.

Ai neni nuk u formulua kurrë e as nuk u përmend më. Por një tjetër situatë delikate u paraqit 3 vjet më vonë, kur një vajzë nga fushë Kruja denoncoi për dhunë djalin e deputetit socialist të zonës Rrahman Rraja. Akuzat e opozitës ndaj mazhorancës si e përfshirë në mbrojtjen e djalit të deputetit socialist u ndezën më keq, kur një komisar policie Emiljano Nuhu denoncoi presione politike nga eksponentë të PS, për të mos e cuar më tej cështjen. Eshtë momenti kur Edi Rama përmes një statusi në rrjetet sociale paralajmëron një paketë antishpifje. Paralajmërimi i dt 2 tetor 2018 ka si shënjestër jo vetëm kundërshtarët politikë, por edhe mediat.

“Më vjen mirë që s’jam më i vetmi që them se vajzën e morën peng dhe e kthyen në mish për topat e kazanit politik e mediatik! Më mirë vonë se kurrë. Ndërkohë duhet çmontuar me fakte pjesa tjetër e këtij horrori mendjesh e gojësh të përdala. Dhe shumë shpejt një paketë antishpifje”.

8 ditë më vonë (10 tetor) tashmë Rama e ka qartësuar shënjestrën e tij. Nuk është më opozita, por media, e para ajo online. Përmes Twitterit, KM thotë se vijon diskutimi për paketën antishpifje, me konkludimin se urbanizimi i asaj që quan xhungël online, nis nga legalizimi portaleve. Ndërsa për mediat nis përgatitjen e një pakete ligjore, nuk e ndërmerr një hap të tillë për kundërshtarët politikë. Ata do t’i padisë në Gjykatë për shpifje, si vepër penale. Nuk mund të mungonte edhe paketimi i imazhit, krijimi i asaj që e quan Fondi i Edukimit. Paratë që do fitohen, sipas KM nga paditë për shpifje, do të shërbejnë për të mbështetur kopshtet e shkollat me libra e materiale mësimore.

Ka kaluar një vit, por ende nuk ka një bilanc gjyqesh apo fondesh në përfituara, nga paditë ndaj shumë eksponentëve të PD, e vetë kryetarit Lulzim Basha, apo nëse ka një shumë të mbledhur në fondin e edukimit. Rama nuk u mor më me denoncime të opozitës, por u përqëndrua plotësisht tek media.

Në 17 dhjetor 2018 kishte gati ndryshimet në ligjin për mediat audiovizive dhe në ligjin funksional të Autoritetit të Komunikimeve Elektronike dhe Postare, AKEP. Amendimet parashikonin një rol kontrollues e ndëshkues përmes një institucioni që do ngrihej pranë AMAs, i quajtur Këshilli i Ankesave, si dhe AKEP. Gjobitja deri në mbyllje të medias, bazohet sipas amendamenteve ligjore në shkaqe të gjëra, të cilat përfshijnë gjykimin nëse një lajm i publikuar në një media të caktuar është apo jo “i paanshëm” apo cënon apo jo “moralin publik”. (neni 33.1 dhjetor 2018) Konsultimi me organizatat e mediave, i këtyre projekt ligjeve iu la AMA-s, edhe pse kreu i Bordit Gentian Salaj, tha në atë kohë, se projektligji që prek institucionin e tij është hartuar në fakt jashtë këtij institucioni.

Organizatat e gazetarëve i kundërshtuan që në fillim 2 pligjet, duke iu referuar së pari nenit 22 të kushtetutës, që në pikën 2 thotë se “Liria e shtypit, e radios dhe e televizionit është e garantuar.”

Sidoqoftë ishte presioni i aktorëve ndërkombëtarë, ndaj qeverisë së një vendi që kërkonte hapjen e negociatave të antarësimit me BE, ai që e frenoi KM. Nuk u tërhoq nga ideja, por në mbledhjen e qeverisë së 3 korrikut 2019, miratoi paketën ligjore të rishikuar.

Tashmë në ndryshimet e propozuara është qartësuar, se objekt janë edhe mediat elektronike. “AMA mbikëqyr zbatimin e këtij ligji nga subjektet që ushtrojnë veprimtari në fushën e mediave elektronike dhe, në rast shkeljesh, vendos sanksione.”, thuhet në pikën 3 të nenit 10.

7 ditë më vonë, më 11 korrik përfaqësuesi i OSBE-së për Lirinë e Medias, Harlem Désir, publikoi një analizë ligjore, në vijim të konsultimeve me qeverinë për atë që nëse miratohet, du quhet Ligji për Shërbimet e Medias në Shqipëri. OSBE kritikon kompetencat e shtuara për AMA-n, duke theksuar se ky institucion nuk mund të vihet në rolin e Gjykatës për të gjykuar lajme, e nuk mund të trajtojë njëlloj median online me atë audiovizive.

Tërheqja e rradhës e Kryeministrit nuk zgjati shumë. Pas refuzimit të hapjes së negociatave nga BE në Samitin e 18 Tetorit, ku sërish qeveria u vu në qendër të kritikave, KM iu rikthye sërish asaj që e quan paketë antishpifje. Në nëntor 2 pligjet u përcollën në kuvend, duke sjellë reagimin e organizatave të medias, por edhe interesin e aktorëve ndërkombëtarë, të cilëve qeveria u ishte drejtuar për ekspertizë. Historia e lëvizjeve të këtyre konsulencave zbulohet pikërisht përmes dëgjesave të mbajtura javën politike që lamë pas në komisionet parlamentare. Kështu, në dëgjesën në komsionin përgjegjës, atë të medias me përfaqësues institucionesh e aktorë ndërkombëtarë, u mësua se kishte qenë komisioni i ligjeve, ai që kishte luajtur rol protagonisti. Ky komision i kishte përcjellë p/ligjet AMA-s, sic konfirmoi kreu Gent Salaj në dëgjesën para komisionit të medias. Bordi i AMAs i mbetur me 5 anëtarë nga 7, kishte votuar me shumicë për rrëzimin e p.ligjit, ndërsa vetë Salaj me një anëtar kishin qenë pro…

A mund t’i jepet AMA-s një rol, që zyrtarisht e ka refuzuar? Kryetarit Gent Salaj i ka mbaruar mandati 5 vjecar në 6 Nëntor, njëlloj si anëtarit Gledis Gjepali më 9 tetor, dhe kuvendi përvec tyre, duhet të emërojë edhe dy emra të rinj, pasi vakancat në AMA janë plot 4.
Edhe institucioni tjetër i përfshirë në këtë paketë ligjore, AKEP ka mungesa. Javën politike që lamë pas u mësua se kreu i këtij institucioni Ilir Zela, më 2 Tetor i kishte paraqitur dorëheqjen kuvendit, organit që e kishte zgjedhur dy vite më parë. Në fillim të dhjetorit, Rama i coi Kuvedit propozimin për zëvendësuesin e Zelës. Në krye të AKEP propozohej drejtori i protokollit të Ramës, Tomi Frashëri. E në pritje të miratimit nga Kuvendi, përfaqësuesi i AKEP në dëgjesën në komisionin e medias, shprehu dakordësinë me detyrën që i caktonte ligji i propozuar nga qeveria

Një ditë para kësaj dëgjese, OSBE bënte të ditur se paketa e propozuar, pavarësisht disa ndryshimeve, ende nuk ishte në standardin që garantonte lirinë e medias. Përfaqësuesi për lirinë e medias Harlem Desir publikoi ekspertizën, ku sërish kritikohej roli prej quasi gjykate i AMA-s dhe AKEP.

Qëndrimi u përcoll edhe në dëgjesën në komisionin e medias, përmes përfaqësueses për media të prezencës së osbe në Tiranë, Irina Radu. Interesant është qëndrimi ndryshe i delegacionit të BE në Shqipëri, që duket më praë qasjes së organizatave të medias që e kundërshtojnë prej një viti atë që njihet si paketa antishpifje. Tre muaj më parë, në shtator ambasadori Luigi soreca nënvizonte se parimi që mbështet BE është vetërregullimi i medias.

Komisioni rekomandon qasje që janë më pak të ashpra, bazuar në një qasje të vetërregullimit. Kjo është qasja që Komisioni Evropian propozon në Komunikimin e tij mbi “Trajtimin e dezinformimit në internet “. Ne mendojmë se standardet evropiane dhe ndërkombëtare në fushën e lirisë së shprehjes dhe lirisë së mediave janë thelbësore për zhvillimin e mediave të forta dhe pluraliste, dhe duhet të merren parasysh plotësisht nga autoritetet shqiptare.

Qendrimi pro vetërregullimit, u përsërit nga zv. Shefja e Delegacionit të BE-së Monika Bylaite në seancat dëgjimore në komisionet parlamentare mbi paketën e propozuar nga qeveria.

“Sic është bërë e ditur në komentet tona të mëparshme, madje edhe në deklaratat publike, ne sigurisht kemi dhe ndajmë të njëjtat shqetësime si autoritetet shqiptare në lidhje me cështjen e dezinformimit, megjithatë Komisioni Europian vazhdon të rekomandojë qartë qasje më pak të ashpra dhe të bazuara në qasjen e vetërregullimit”.

Tek vetërregullimi e bazojnë kundërshtinë e tyre edhe organizatat e medias, e të të drejtave të njeriut. 15 organizata u bënë bashkë javën politike që lamë pas, në seancat dëgjimore, duke i kërkuar së pari qeverisë të tërhiqte projektligjet, të mbështetura nga organizatat ndërkombëtare të medias, e më pas edhe parlamentit që t’i rrëzonte. (efekt shkurt) edhe pedagogët e gazetarisë ishin në një linjë në qëndrimin e tyre në komisionin e medias, edhe pse me tensione me deputetë.

Interesant është se janë të të paktën dy institucione të rëndësishme ndërkombëtare që sugjerojnë vetërregullimin e mediave. BE ka financuar një ekspertizë të KiE, që i është vënë në dispozicion komisionit të ligjeve.

“Ne kemi mobilizuar me fonde të BE, ekspertizë tjetër të KiE që ata të ofrojnë opinionin e tyre mbi këtë paketë ligjore që I është vënë në dispozicion komisionit të ligjeve para dy javësh dhe për të gjitha këto arsye I bëjmë thirrje paralamentit edhe njëherë që të përfitoni sa më shumë nga kjo ekspertizë”.

Politika në ABC News e ka siguruar atë opinion, që eksperti ka paraqitur në Komisionin e Ligjeve më 25 nëntor, por që nuk është bërë publik. Duke folur për standardet e KiE, eksperti u ka kujtuar deputetëve nenin 10 të Konventës Europiane të të drejtave të Njeriut, që garanton lirinë e shprehjes, dhe sesi ai nën është lexuar përmes një vendimi të GJEDNJ, që i dha të drejtë një gazetari Rus, që paditi shtetin e tij në vitin 2010. GJEDNJ vlerëson se ndërhyrja e shteteve në ushtrimin e lirisë së shprehjes është e mundur vetëm kur i korrespondon një presioni të nevojshëm social, dhe ajo duhet të jetë e legjitimuar, e justifikuar, nga vendime gjyqësore të mirëarsyetuara.

Në ekspertizë i vihet theksi vetërregullimit, si standarti demokratik.

“Amendimet i fusin mediat online, normalisht jashtë qëllimit të rregullimit të medias audiovizive, brenda sistemit rregullator të medias. Ky propozim është kritikuar në vitin 2018 kur Këshilli i Europës, bëri rishikimin e amendimeve të para të këtij ligji, për shkak të standardit bazë Europian të qasjes ndaj medias së shkruar e shtypit, e me shtrirje tek mediat online e ato audiovizive. Ky standard ka qenë gjithnjë, ai i vetërregullimit nga ky komunitet, përmes Këshillave ose Komisioneve të Mediave”.

Edi Rama nuk u përfshi fare në këtë debat javën politike që lamë pas, edhe pse praktikisht i ka të gjithë kundër. I pyetur nga VOA, drejtori i tij i komunikimit Endri Fuga nuk shfaqi shenja tërheqjeje, por tha se kjo cështje është tashmë është në dorë të parlamentit. (efekt pak sot) Teksa organizatat e medias e të të drejtave të njeriut, po përgatisin edhe protestën si formë reagimi kundër dy projektligjeve mbi mediat, heshtja e Ramës duket enigmatike. Paketa antishpifje është bërë objekt i Komisionit të Helsinkit në SHBA, ku këshilltari i këtij komisioni, ka ngritur pikëpyetje nëse me këto ligje shqipëria do ketë autoritetin për të trajtuar rastet e shkeljes së lirisë së medias, kur të marrë pas pak javësh prezencën e OSBE-së.

Kryeministri i ka votat, e nuk ka pasur ndonjëherë pengesa numerike për zbatimin e vullnetit të tij nga institucioni që në fakt duhet ta kontrollojë, parlamenti. Madje km ka luksin, që edhe të kalojë ligje të personalizara, si propozimet për të ndryshuar ligjet për GJK e sistemin gjyqësor në vend, për të cuar patjetër Arta Vorpsin në Gjykatën kushtetuese në vend të Marsida Xhaferllarit. Një nen i propozuar nga socialistët, do i ligjërojë Vorpsit, betimin para noterit, më 14 nëntor.

Kuvendi e konsideron si të shpallur të emëruar, Arta Vorpsin, pasi renditja e KED, ku ajo figuron e para, është botuar në FZ. Një nen i posacëm me një mekanizëm zhbllokues, edhe për betimin tek presidenti.

Presidenti i Republikës organizon ceremoninë e betimit jo më vonë se 10 ditë nga data e zgjedhjes, emërimit ose shpalljes të emëruar të anëtarit të Gjykatës Kushtetutese. Nëse anëtari i Gjykatës Kushtetuese nuk thirret për të bërë betimin, pas përfundimit të këtij afati, ai kryen betimin në formë të shkruar dhe ia dërgon atë Presidentit të Republikës, organit të emërtesës dhe Gjykatës Kushtetuese.
Pikërisht përplasja për vakancën që i takonte në GJK, mbi të dekretuarën prej tij Marsida Xhaferllari e të shpallurën nga KED Arta Vorpsi, ka përfunduar me një padi nga presidenti për kreun e KED për “Shpërdorim Detyre” dhe “Përvetësim të Titullit” shtetëror. Për herë të parë një president në detyrë ngjiti shkallët e prokurorisë, ku për 60 minuta iu përgjigj pyetjeve të prokurorëve të Tiranës lidhur me padinë ndaj Ardian Dvoranit.

Pak minuta më vonë erdhi publikimi i videos së premtuar me titull si u përdor Ardian Dvorani nga mazhoranca për kapjen e Gjykatës Kushtetuese. Një ditë më pas, edhe Ardian Dvorani u pyet për tre orë në prokurori.

Do jetë organi i akuzës së Tiranës që me vendimin e vet pas mbylljes së hetimit, do përcaktojë nëse Presidenti kishte të drejtë në dekretimin e Xhaferllarit apo KED, që publikoi në FZ listën ku kishte renditur të parën Arta Vorpsin. Socialistët duken në garë me kohën për të kaluar në kuvend ndryshimet në ligjin për GJK, që do orientonin këtë moment, përmes rikthimit të Arta Vorpsit.

Seanca e fundit për këtë sesion parlamentar do jetë më 19 dhjetor, datë kur vetë Rama, i vetëm kundër të gjithëve, ka paralajmëruar miratimin e paketës antishpifje. Pavarësish kundërshtive, KM do e kalojë atë paketë. Politika në abcnews ka siguruar materialin që u është shpërndarë deputetëve me ndryshimet e bëra që sic shihet që në krye të dokumentit, autorë të ndryshimeve janë relatorët e komisionit të ligjeve e të mediave, që i janë referuar opinioneve të ekspertëve vendas e ndërkombëtarë, por jo organizatave të mediave. Deputetëve që do duhet të mbrojnë këto ndryshime u është shpërndarë ky dokument informues, duke u lënë detyrën e ngritjes së kartonëve, për një akt që të paktën 4 vite më parë kishte premtuar me zë e figurë se nuk do ta bënte ndonjëherë. /abcnews.al

moza-kociu-ne-studio.jpg
nev ila19:31 | 11/12/2019

Dy projekt ligjet e qeverisë për mediat online kanë shkaktuar polemika të shumta gjatë ditës së sotme. E ftuar në studio me gazetarin Endri Xhafo, ishte Përfaqësuesja e Shoqatës së Gazetarëve profesionistë, gazetarja Mimoza Koçiu.

Koçiu tha se nuk ka asnjë model të ngjashëm në botë ku trupa që de fakto nuk perceptohen të pavarura nga qeveria, të kontrollojnë median dhe se këtë, organizatat e gazetarëve në vend, por edhe ata ndërkombëtarë, e shohin si tentativë për censure e intimidim.

Përmbajtja e lajmit “fake news”  ose lajmi i rremë, në mediat online, është bërë shqetësim publik sipas qeverisë, por për këtë nuk ka asnjë lloj studimi statistikor, por vetëm deklarata publike nga aktorë në konflikt interesi, siç është qeveria, tha Koçiu.

Koçiu sqaroi se kryeministri nuk është se e ka këtë shqetësim vetëm me mediat online, por edhe me ekranet televizive pasi gjatë kohës së tërmetit, kryeministri Rama thoshte se do fikte ekranet, që do të thotë se shqetësimi i tij nuk ishte vetëm për mediat online.

Këto dy projektligje propozojnë 2 struktura që do të kontrollojnë mediat. Sipas këtyre projektligjeve AMA do të ketë një këshill i cili do të vlerësojë se nëse përmbajtja e lajmit është i vërtetë ose jo.

Këtu përfshihen jo vetëm lajmet e publikuara në mediat online, por edhe ato të ekraneve televizive.

“Pse duhet ngritur një strukturë nga dy trupa, që me ligj janë të pavarura, por që askush nuk e beson pavarësinë e tyre, pasi anëtarët e bordit të AMA-s psh por edhe kreu i AKEP, përzgjidhen politikisht.  Kodi penal dhe ai civil kanë të parashikuar në përmbajtjen e tyre dënimet për shpifjen, si nga qytetarët e zakonshëm, ashtu edhe për mediat, madje Kodi Penal e ka të cilësuar edhe vepren penale të shpifjeve dixhitale. AMA është autoriteti që kontrollon respektimin ligjor të etikës apo privatësisë e madje vendos edhe gjoba e ka vënë të tilla. Por në këtë rast, AMA-s i jepet fuqia e një “quazi” gjykate, për të kontrolluar përmbajtjen e lajmit, e të gjykojë vërtetësinë e tij e më pas të vendosë edhe gjoba. Frika jonë në këtë situatë qëndron në faktin, se ekziston një legjislacion që dënon shpifjen, si vepër civile apo penale, pra përse duhen këto ndryshime ligjore të propozuara nga qeveria dhe për më tepër të pakonsultuara nga askush. Ne këtë e shohim si tentativë për censure, pasi do të intimidojë gazetarët, duke i çuar së pari drejt vetëcensurës. Bashkimi Europian ka qenë më pranë qëndrimit të Organizatave të medias, pasi ambasadori Soreca e ka bërë të qartë në muajin Shtator se BE inkurajon vetërregullimin e mediave, atë c’ka kërkojmë të gjithë ne. Edhe organizatat tona partnere ndërkombëtare të gaazetarëve janë shprehur se media duhet të vetrregullohet përmes Kodit të Etikës. Pra dua të them që këtë vetërregullim të medias, nuk na e imponon dot qeveria, por e bëjmë ne si pushtet më vete. Edhe përfaqësuesi për lirinë e medias në OSBE, z.Harlem Desir kundërshtonte fort faktin që AMA merrte rolin enjë “quasi” gjykate, bazuar në një analizë juridike e bërë nga ekspertë të saj në Vjenë. Sot në komisionin e medias, ne e bëmë të qartë se nuk i pranojmë këto 2 projektligje, pasi i quajmë ndërhyrje në punëntonë. Media është “Whatch dog”, ruan qeverinë, nuk është qeveria ajo që kontrollon median. Fakti që këto 2 projektiligje janë ndryshuar 3 herë, do të thotë që presioni i ndërkombëtarëve ka funksionuar. Edhe tani OSBE ka kërkuar që të ketë ndryshime të tjera, pasi nuk përmbushin kushtet për të garantuar lirinë e medias”, tha gazetarja Mimoza Koçiu. / abcnews.al

do.jpg
in a08:07 | 10/12/2019

E ftuar në “ABC e mëngjesit” me Enkel Demin, Mimoza Koçiu shprehet se OSBE ka reaguar vazhdimisht ndaj deklaratave të kryeministrit Rama për projektligjin për mediat. Ajo theksoi se propozimi i parë i ligjeve ishte kontrolli i lajmit nga një përfaqësues i shtetit për të vendosur nëse ishte i paanshëm dhe brenda normave të moralit.

Koçiu gjithashtu thekosi se Shoqata Europiane e Gazetareve ka reaguar për ndaj vendimeve të Ramës, por ende pritet një përgjigje.

Ndërkohë që një ligj për median online që nuk egziston, ajo thekson se se kush e dënon kryeministri që i quan mediat “tualet”. Ka AMA të njëjtën ndjeshmëri ndaj reagimit te kryeministrit, shprehet Koçiu.

“Nuk ka transparencë për ERTV që tek momenti se si prodhohet sinjali i aktiviteteve të kryeministrit. Ka informacione se e prodhon TV publik TVSH, pra taksat e shqiptarëve për transmetuesin publik përdoren për ERTV e kryeministrit, tha Koçiu.

“Sa herë që kryeministri Rama vendoset përpara detyrimit për të dhënë një përgjigje, ka prodhuar gjithmonë narrativën që mediat janë një “kazan”, shprehet ajo./abcnews.al

POLITIKA-NE-ABC-NEWS-PRIORITETET-E-EDI-RAMES-DHE-NDIKIMI-RUS-02.11.2019.mpg_snapshot_00.57-1280x720.jpg
ent ela14:10 | 02/11/2019

Rënia e të dytit kryebashkiak socialist për shkak të ligjit të dekriminalizimit, rikthen çështjen e përzgjedhjes së personave me të shkuar të errët për funksione publike. Me probleme edhe brenda vetë socialistëve e kërkesës tashmë të artikuluar qartë për zgjedhje të parakohshme, Edi Rama po përcakton prioritete të tjera. Detajet i sjell Mimoza Koçiu me Politika në ABC News.

Pas një rezistence disa javore, Edi Rama humb edhe një tjetër kryebashkiak socialist. Agim Kajmaku i Bashkisë Vorë ngeci në rrjetën e ligjit të dekriminalizimit. Por akti nuk dukej jashtë vullnetit të KM, e për pasojë javën politike që lamë pas, Edi Rama u shfaq i fokusuar në qasjen e re pozitive të krijuar ndaj Shqipërisë, njëlloj si MV, pas refuzimit të KE për hapjen e bisedimeve të antarësimit. Lëvizjet gjeopolitike në rajon, ku Rusia në mënyrë të papritur mori rol publik, po shqetësojnë BE dhe SHBA.

Po çfarë ndodhi javën politike që lamë pas?

Në tre muaj, Edi Rama lëshoi të zgjedhurin e vet të dytë për shkak të ligjit të dekriminalizimit. Pas Valdrin Pjetrit që u dorëhoq, me një hetim që ende vijon, ra edhe kryetari i Bashkisë Vorë Agim Kajmaku, ndërsa i denoncuar njëlloj nga PD dhe në proces hetimi është një tjetër kryebashkiak socialist, ai i Vaut të Dejës, Mark Babani. Rezistencës tre mujore të Kajmakut, i dha fund hetimi i PP, që konkludoi se kryebashkiaku i Vorës Agim Kajmaku kishte fshehur problemet me drejtësinë në Greqi, ku përdorte emrin Jorgo Toto, konkretisht akuzën e përdorimit dhe shpërndarjes së kartmonedhave të fallsifikuara, kryer në vitin 2003, për të cilën kishte marrë pafajësi në shtator të këtij viti, pasi  kishte apeluar vendimin e dënimit të tij, teksa mbante postin e kryetarit të Bashkisë. Ai akt nuk hynte në veprat që ndalonin marrjen e një funksioni publik, por mungesa e sinqeritetit i kushtoi Agim Kajmakut postin, pasi sipas ligjit, pasqyrimi i të dhënave të pavërteta, të paplota, dhe të pasakta në formularin e dekriminalizimit, passjell përjashtimin e menjëhershëm dhe në çdo kohë nga kandidimi/zgjedhja/emërimi apo nga funksioni publik.

Pavarësisht mirëkuptimit të krahut të majtë në KQZ, për veprën për të cilën kishte marrë pafajësi, vendimmarrja finale ishte unanime: 5 vota pro ndërprerjes së mandatit si kryebashkiak për Agim Kajmakun. /abcnews.al

politika-ne-abc-news-1280x716.jpg
ad min18:44 | 19/10/2019

BE refuzoi të hapte negociatat e antarësimit si me Shqipërinë ashtu edhe Maqedoninë e Veriut. Mosndarja e dy vendeve aspirante, ndikoi në reagimin e Tiranës zyrtare, si në justifikimin e Edi Ramës, ashtu edhe në apatinë e Lulzim Bashës. Ndjekim Mimoza Koçiun me Politika në ABC News.

Për herë të katërt, që prej 2014, kur mori statusin e vendit kandidat, Shqipëria e humbi shansin e hapjes së negociatave. Franca frenuese e zgjerimit mori pas vetes edhe vende të tjera, që ishin për lënien në klasë të Shqipërisë, por jo të Maqedonisë së Veriut, duke bërë që të dy vendet të mbeten në vend numëro. Në Tiranë Edi Rama e Lulzim Basha po bashkëjetojnë çuditshëm me krizën politike 9 mujore, një realitet absurd që u evidentua edhe nga Kryeministri italian, vend mbështetës i fortë i Shqipërisë për hapjen e negociatave. Refuzimi i BE për hapjen e negociatave duket se nuk do e prishë këtë status quo, të paktën së afërmi. Duket se nuk do shohim as modelin e fqinjit tone, Maqedonisë së Veriut, ku zgjedhjet e parakohshme u shfaqën nga Zaev, si opsioni më i parë pas dështimit në hapjen e negociatave.

Po çfarë ndodhi javën politike që lamë pas?

16 muaj pasi kishin vënë disa kushte, si për Shqipërinë e Maqedoninë, Këshilli Europian nuk gjeti dot unanimitetin e kërkuar, për të nisur bisedimet e anëtarësimit me këto dy vende. Në Tiranë ky vendim u parapri me një klimë stanjacioni. Kriza politike e institucionale vijon prej 9 muajsh e aktorët kryesorë po bashkëjetojnë me të, pa vullnetin për ta zgjidhur. Ua vuri në pah, Km italian në pak orë qëndrim në Tiranë, duke premtuar se si pjesë e Këshillit Europian do bënte gjithcka mundej që Shqipërisë t’i hapen negociatat. Por Giuseppe Conte nënvizoi pritshmërinë për zgjidhjen e krizës politike, duke i thënë KM se duhej të bënte lëvizje konkrete.

Nuk pati një reagim nga Kryeministri, por i njëjti mesazh duhej të ishte përcjellë edhe në takimin me presidentin Meta e kreun e opozitës Basha. Të dy i bashkoi 10 vjetori i Kastiftung në Shqipëri, fondacioni politik i Unionit Kristian-Demokrat të kancelares Merkel, mazhoranca që e orietoi Bundestagun drejt hapjes me kushte të negociatave për Shqipërinë, pasi në mënyrë të përsëritur ishte ofruar për të ndërmjetësuar zgjidhjen e krizës. Ilir Meta ripërsëriti apelin për dialog mes palëve.

9 kushtet gjermane Lulzim Basha thotë se i ka kauzë të vetën. Por asnjëra palë nuk shkoi përtej deklaratave. Kjo panoramë mbeti kokëfortë në Tiranë, teksa në Bruksel sinjalet e refuzimit qartësoheshin ditë pas dite: të parët ambasadorët e përhershëm që dështuan për të gjetur gjuhën në tre takime të përjavshme. Pas tyre, njëlloj edhe ministrat e jashtëm të vendeve anëtare. Refuzimi i Francës kishte ndikuar edhe vendet e tjera, Holandën e Danimarkën. Në siklet së pari u vu Komisioni Europian, rekomandimi i të cilit nuk konsiderohet nga Këshilli, prej të paktën 4 vitesh.

Pavarësisht atij mesazhi paralajmërues, Rama u shfaq optimist në një videomesazh nga makina e tij, teksa njoftonte se po shkonte në Bruksel bashkë me Zaev. Shefi i ekzekutivit njoftoi shqiptarët se Merkel do takonte Macronin skeptik, për ta bindur për një PO për negociatat. Sipas informacionit zyrtar në faqen e presidencës franceze, mikpritëse e takimit, në fokus ishte bashkëpunimi mes dy vendeve për mbrojtjen, klimën, inovacionin, hapësirën dhe kulturën. Disa prej tyre do ishin edhe objekt i Samitit të KE. Kjo duket arsyeja se pse takimit Merkel-Makron, i ishte bashkuar edhe presidentja e zgjedhur e KE Ursula von der Leyen.

Ish-ministrja e Mbrojtjes e Merkel mbështetet nga Franca, pasi sic thuhet në faqen zyrtare të presidencës franceze, programi i Von der Leyen është frymëzuar nga vizioni i Francës për risktrukturimin e BE, i paraqitur nga Macron në Shtator 2017 e i detajuar në Mars 2019, sipas të cilit nuk duhet të ketë zgjerim me vende të reja, pa reformuar në thellësi BE-në. Për pasojë vendimmarrja për Shqipërinë e MV, doli në konferencën për shtyp Makron-Merkel, vetëm pas pyetjes që bënë gazetarët. Presidenti francez e ilustroi me Shqipërinë arsyen se përse nuk duhet lejuar zgjerimi, pa e reformuar si proces.

Kancelarja Merkel u përpoq të merrte kohë. Por të nesërmen para nisjes për në Bruksel, para Bundestagut, Merkel nuk u shfaq optimiste. A po përgatiteshin vallë për këtë vendimmarrje dy vendet në pritje? Në Bruksel dy ditë para Samitit u shfaq Km Zaev, që pati takime me kreun e PE David Sasoli, presidentin në largim të KE Donald Tusk dhe një takim e konferencë për shtyp me komisionerin për zgjerimin Johannes Hahn, që konfirmoi deklaratën e dhënë më herët, se qeveria e tij mund të rrëzohej në rast të një refuzimi nga KE për hapjen e negociatave.

Siç kishte njoftuar, në Bruksel kishte mbërritur edhe Rama. Takim me Tusk, Mogherinin e Hahn, e në vend të një konference për shtyp si me Zaev, një mesazh përmes gojës së komisionerit, se një JO për hapjen e negociatave, nuk ishte faji i qeverisë. Arritja e marrëveshjes për Brexit me Britaninë e Madhe, pika e parë në axhendën e Samitit të Këshillit Europian, nuk e cliroi dot vendimmarrjen për një dritë jeshile për Shqipërinë e RMV. Madje as lehtësimi për një armëpushim të Turqisë ndaj kurdëve në Veri të Sirisë, i arritur pas një takimi 4 orësh të zv/presidentit amerikan Pence me presidentin Erdogan në Ankara.

Në tryezën e KE mbetën vetëm çështjet e BE në vazhdim, buxheti, klima e zgjerimi, por nuk pati dritë në fund të tunelit për Shqipërinë e MV. E para që reagoi nga tryeza e udhëheqësve ishte kancelarja Merkel e cila tha se kjo qasje do zhgënjente dy vendet. Ai që i kishte prerë shpresat edhe për MV ishte presidenti Francez. I kishte vënë veton dritës jeshile, që disa vende do i hapnin Shkupit.

Kush ia kishte vizatuar vallë Presidentit Macron, atë skenar dhune, në rast të ndarjes së Maqedonisë së Veriut nga Shqipëria? SHBA shohin një tjetër rrezik nga vendimi i KE që e vlerësojnë zhgënjyes. Në një deklaratë të DASH thuhej se një vendim pozitiv do të kishte riafirmuar besueshmërinë e rrugës së këtyre vendeve për në BE dhe do t’i ishte kundërvënë vendosmërisht aktorëve të huaj dashakeqës, të cilët kërkojnë të minojnë vlerat perëndimore dhe komunitetin euro-atlantik. Lënia në klasë e dy vendeve është një lehtësim politik për Ramën, që paraprakisht e ka lexuar atë qasje, si problem të vetë BE, edhe pse për Shqipërinë rezervat ishin materializuar tek 9 kushtet gjermane. A e ndjen vallë Kryeministri se duhet të ndryshojë dicvka, qoftë edhe të testojë veten në kuvend?

Opozita duket që kishte pritshmëri për hapjen e negociatave me 9 kushtet gjermane, të cilat do ta ulnin në tryezë me Edi Ramën. Tonaliteti i zbutur politik i Bashës dhe përcaktimi i reformës zgjedhore si prioritet, duket orientimi që bashkon PD me PS, i nxitur apo jo nga ndërkombëtarët. Roli i tyre në Tiranë mbetet i zbehtë, sidomos pas situatës në të cilën u përfshi javën politike që lamë pas, iniciuesi i tryezës zgjedhore edhe me opozitën politike, ambasadori i OSBE Bern Borchardt.

Mbrëmjen e 13 tetorit, kreu i prezencës së OSBE po kalonte në trotuarin ku po qëndronin familjarë e mbështetës të protestuesve të arrestuar, kur drejt tij është lëshuar thirrja “shame on you”, “turp të kesh”, e cila 5 muaj më parë ishte shkruar në hollin e pallatit ku ai jetonte, e që u lexua gjerësisht si kërcënim ndaj ambasadorit për shkak të deklaratave të tij kundër dhunës në protestat e opozitës. Rikthimi i kësaj shprehje, duket i ka humbur vetëpërmbajtjen gjermanit Bernd Borchard ndërsa ky gjest i tij si përgjigje, bëri xhiron e mediave e rrjeteve sociale. Prezenca e OSBE ne Shqipëri postoi në llogarinë tuiter një mesazh ndjese të ambasadorit.

Këshilli i Ambasadorëve shqiptarë dënoi gjestin dhe kërkoi nga OSBE marrjen e masave disiplinore ndaj diplomatit të lartë, ndërsa vetë banorët e unazës së re iniciuan një peticion ku kërkohet shkarkimi i ambasadorit. Njëlloj si në rastin e shkrimit në banesë, politika ishte e ndarë në leximin e ngjarjes. Por Parlamenti prej muajsh me 122 deputetë nga 140 që parashikon kushtetuta, vijon të humbasë së pari solemnitetin e vet. Një situatë në kufijtë e një telenovele u prodhua brenda grupit Demokrat 9 anëtarësh, deputetë të dalë nga listat e Lulzim Bashës, që thyen vendimin politik për djegien e mandateve. Një tentativë për të larguar Rudina Hajdarin nga kreu i grupit, duke e zëvendësuar me Korab Litën dështoi, ndërsa të paktën dy deputetë që kishin firmosur për shkarkimin e Hajdarit, ndryshuan mendje. Kjo e fundit ia faturoi Lulzim Bashës atë tentativë, ndërsa siguroi votat e 5 deputetëve të tjerë duke shpëtuar postin e vet, por dhe grupin nga shkrirja.

Energjitë politike në Tiranë mbeten të fokusuara tek axhendat respektive, të orientuara më shumë drejt ndarjes, të paktën publikisht, sesa drejt bashkimit. E tillë duket iniciativa e socialistëve për të shkarkuar presidentin e Republikës, pas anullimit prej tij të zgjedhjeve vendore të 30 qershorit. C’ka i bashkoi në orientimin që komisioni i Venecias të interpretonte vendimin e Ilir Metës, i ndau sërish në leximin e konkluzioneve. Për herë të parë opinioni përfundimtar i komisionit pësoi ndryshime të ndjeshme nga varianti paraprak. Në dokumentin final konstatimet ishin zëvendësuar me vlerësim hipotetik, duke ia lënë fjalën e fundit parlamentit e Gjykatës kushtetuese.

Dy janë momentet ku spikasin këto ndryshime të lidhura me aktet e kreut të shtetit. Në draft dokument në pikën 99 të konkluzioneve thuhej se  “Presidenti i tejkaloi kompetencat e tij sipas Kushtetutës, fillimisht duke anulluar e më pas, duke shtyrë zgjedhjet lokale dhe se i takon parlamentit e GJK të vlerësojë peshën e shkeljeve të rënda, që do çonin në shkarkimin e presidentit”.

Ndërsa në opinionin përfundimtar fraza konstatuese e tejkalimit të kompetencave është hequr, por duke u plotësuar pjesa vijuese me specifikim të njëjtë. Ndryshim ka pësuar dhe pika 101 e përfundimeve të Komisionit të Venecias. Konstatimi i draftit paraprak se “Presidenti tejkaloi kompetencat e tij kushtetuese duke anulluar dhe shtyrë më pas zgjedhjet lokale, përtej mandatit zgjedhor të autoriteteve lokale, pa një bazë të veçantë ligjore”, është riformuluar, duke e sjellë si akt hipotetik, në konkluzion të parashtrimeve të mëparshme.

Këto ndryshime nga drafti paraprak, të cilin e pati kritikuar ashpër, i evidentoi i pari Presidenti Meta. Por pika e pandryshueshme e ekspertëve se gjesti i Metës nuk justifikon shkarkimin e tij, nuk arriti t’i bashkonte palët, mazhoranca kundër e opozita politike pro Presidentit. JO-ja e KE për hapjen e negociatave, iu shtua kësaj situate absurdi Kafkian, ku kriza politike po përjetohet si normalitet. “Jeta vazhdon” duket filozofia e Tiranës zyrtare, që po arshivon dështimin e radhës pa reflektim. Krejt ndryshe nga Maqedonia, ku KM Zaev, edhe pas presionit të Opozitës mori përgjegjësinë për refuzimin e KE, dhe tregoi gatishmëri për ta cuar vendin në zgjedhje të parakohshme. E paqartë nëse palët në Tiranë do impenjohen të paktën për një strategji për vendin, ndërsa hapja e negociatave do të shqyrtohet sërish vitin e ardhshëm, para Samitit BE-BP, që do mbahet në Zagreb të Kroacisë në Maj 2020./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono