Milot

endrit-vejsiu.jpg
ad min13:52 | 18/10/2019

Gjykata e Lezhës liroi nga burgu Endrit Vejsiun, vëllain e moderatores Alketa Vejsiu, i cili u arrestua një vit më parë me 4 mina me telekomandë dhe 3 kilogramë lëndë narkotike.

Endrit Vejsiu u dënua me 6 vite burg për dy vepra penale “Prodhim dhe shitje e lëndëve narkotike” dhe “Mbajtja pa leje dhe prodhimi i armëve, armëve shpërthyese dhe municionit”.

Vejsiu përfitoi nga gjykimi i shkurtuar dhe dënimi i shkon në 4 vite heqje lirie, të cilat sipas gjykatës ai do t’i shlyejë pjesën e mbetur të dënimit me shërbim prove për një periudhë kohore prej 5 vitesh dhe jo pas hekurave.

Vendimi u dha nga trupa gjykuese e kryesuar nga Artan Hajredinaj. Endrit Vejsiu u kap në Lezhë më 30 Shtator të vitit 2018 në rrugën Milot-Lezhë. Në automjetin e tij u gjetën të fshehura 4 mina me telekomandë dhe 3 kilogramë kanabis.

Nga hetimet e prokurorisë, Vejsiu rezulton se ka shërbyer si korrier i një personi tjetër, që kishte si synim të trakonte katër mina nga porti i Shëngjinit në drejtim të Italisë./ABC News Albania

aksidenti119.jpg
nev ila09:18 | 23/09/2019

4 pjesëtarë të së njëjtës familje kanë mbetur të plagosur në një aksident rrugor në Laç.

Mjetin me të cilin udhëtonin doli nga rruga duke u përplasur me një masiv gurësh pranë kryqëzimit të Patokut.

Për pasojë mbetën të plagosur drejtuesi, bashkëshortja  dhe dy prindërit e tij. E vetmja që shpëtoi pa lëndime ishte vajza e mitur.

Të lënduarit po marrin ndihmën mjekësore në spitalin e Traumës në Tiranë. Shkak i aksidentit dyshohet të jetë bërë përgjumja e drejtuesit të mjetit./abcnews.al

lulzim-basha-2.jpg
ad min12:51 | 12/09/2019

Kryetari i Partisë Demokratike, Lulzim Basha ka reaguar për kontratat koncensionare Milot Balldren dhe Orikum-Dukat që pritet të miratohen sot në parlament, pas rrëzimit nga maxhoranca të dekreteve të Presidentit Meta. Kryedemokrati i kujtoi të gjithë deputetëve të parlamentit se do të jenë subjekt i ligjit antimafia nëse do të votojnë për këto kontrata dhe pasuria e tyre do të hetohet kur PD të vijë në pushtet.

Kur në sallën e Kuvendit, deputetët e mazhorancës diskutonin për rrëzimin e dekreteve për Presidentit për dy kontratat koncensionare të rrugëve Milot-Balldren dhe Orikum-Dukat, nga selia e Partisë Demokratike, Lulzim Basha iu drejtua me një paralajmërim të fortë deputetëve të Kuvendit.

“Vetëm një parlament peng i krimit dhe i oligarkëve mund të bëhet noter i një vepre kaq të rëndë, kriminale dhe hajdutërore. Kjo është vjedhje me ligj. Ndaj dua të paralajmëroj sot dhe pikësëpari çdo anëtar të seancës që ngre dorën për të votuar këtë vjedhje me ligj se nesër do të jetë subjekt i Ligjit Antimafia. Sot po ju vëzhgojmë dhe mbajmë shënim emrat. Nesër do t’ju ndjekim këmba këmbës! Çdo qindarkë, çdo shpenzim në Shqipëri dhe jashtë saj, çdo pronë dhe pasuri  e juaja do të jetë nën lupën e Ligjit Antimafia dhe të SPAK-ut”.

24 orë pasi Kuvendi të ketë votuar mbi këto dy koncensione, Partia Demokratike në emër të opozitës do t’i drejtohet me një letër dy kompanive që do të marrin përsipër ndërtimin e rrugëve por edhe bankave të nivelit të dytë që kanë garantuar dhënien e kredive.

“Ditën e nesërme ANK dhe Gjikuria do të paralamërohen zyrtarisht me letër nga Partia Demokratike, në emër të opozitës së bashkuar, për të gjitha pasojat penale  dhe kriminale për ta dhe për çdo person privat të kompanive të tyre nga pronari dhe drejtuesit, deri tek juristët e kompanisë, si subjekte të ligjit të forcuar anti-mafia, ditën e parë që PD dhe opozita e bashkuar do të marrin përgjegjësitë e qeverisjes në vend.

Një letër e ngjashme do ti dërgohet të gjitha bankave të nivelit të dytë pa përjashtim, për ti paralajmëruar se çdo financim, kredi apo garanci bankare dhënë këtyre koncensioneve, do ti bëjë këto banka automatikisht subjekte të ndjekjes anti-mafia. Do ti vendosë ato menjëherë në vëmendjen epërditëshme të opozitës sot dhe të qeverisjes së nesërme në bashkëpunim me SPAK, BKH dhe institucione të tjera ligjzbatuese të Shqipërisë dhe vendeve partnere”.

Kryedemokrati është i bindur se me miratimin e këtyre kontratave konsensionare, buxheti i shtetit do të jetë i paralizuar për kryerjen e investimeve mardje rrezikon edhe dhënien e pensioneve dhe rrogave për mjekët dhe arsimtarët./ABC News Albania 24/7

ishti.jpg
ad min13:30 | 27/08/2019

Karburanti në aksin Lezhë-Milot, ku ndodhi shpërthimi i bombolës së gazit dhe për pasojë u plagosën 7 persona është bllokuar nga Inspektoriati Shtetëror Teknik dhe Industrial. Sipas këtij institucioni, karburanti nuk do të lejohet të vazhdojë punën, pasi nuk përmbushte kushtet teknike.

Inspektoriati Shtetëror Teknik Industrial ka bllokuar piken e karburantit Lezhë-Milot, pak ditë pasi depozita e gazit shpërtheu duke shkaktuar 7 të plagosur.

Sipas ISHTI pas verifikimeve të kryera nga grupi i punës rezulton se kjo pikë nuk i plotëson kushtet e sigurisë, ndërsa do të operohet edhe me sanksione të tjera që parashikon ligji ndaj subjektit.

Mbrëmjen e së shtunës në këtë pikë karburanti shpërtheu një depozite me 5 mijë litra gaz ku mbetën të plagosur 7 persona mes tyre edhe dy fëmijë si dhe u dëmtuan 10 automjete që ndodheshin të parkuara aty pranë.

Nga hetimet e kryera rezulton se ngjarja ndodhi pas rrjedhjes së gazit në momentin e furnizimit të një automjeti./ABC News Albania 24/7

meta-5.jpg
ad min17:00 | 08/08/2019

Kontrata koncesionare për ndërtimin e rrugës Milot Balldren është kthyer për rishqyrtim në Kuvend nga Presidenti i Republikës. Ilir Meta argumenton se kjo kontratë është një rrezik për buxhetin e shtetit, dhe se gara nuk ishte transparente. Kreu i shtetit kujton dhe vërejtjet e FMN-së, për rrezikun e shtimit të kontratave me Partneritetit Publik Privat.

Presidenti i Republikës, Ilir Meta ka kthyer për rishqyrtim në Kuvend kontratën koncesionare për ndërtimin e aksit Milot-Balldren.

Kreu i shtetit argumenton se Kontrata Koncesionare është nënshkruar në kundërshtim me parimin e shtetit të së drejtës;

“Ky ligj miraton një Kontratë Koncesionare ku vullneti i Qeverisë Shqiptare në këtë proces është formuar në kundërshtim të hapur me interesin publik dhe në shkelje të parimit të konkurrencës së lirë dhe të barazisë përpara ligjit.  Kontrata e lidhur mes autoritetit kontraktoi dhe operatorit ekonomik është formalizuar përgjatë një procesi aspak transparent ndaj publikut dhe pa një bazë ligjore për negocimin e çmimit të saj”.

Ilir Meta vlerëson se kostoja financiare e këtij projekti do të dëmtojë financat e shtetit shqiptar.

“Mungesa e një vlerësimi të qartë ekonomik krijon rrezik për cenim të financave të shtetit. Rriskon seriozisht buxhetin e shtetit, pasi nuk ka një përllogaritje të saktë të efekteve të saj në ekonominë e vendit. Qëllimi i miratimit me ligj të kësaj kontrate është vetëm mbulimi i paligjshmërisë së bërë nga autoriteti kontraktor dhe qeveria shqiptare, me qëllim mos evidentimin e përgjegjësisë në këtë proces dhe mbulimin e çdo paligjshmërie nëpërmjet ligjit”.

Në vijim të argumentit presidencial, kujtohet raporti i FMN-së.

“Në konsultim të raporteve të institucioneve ndërkombëtare, veçanërisht të raportit të FMN-së, të muajit janar 2019, i cili, ka theksuar se vendi ynë në kushtet e rritjes së shpejtë të Partneritetit Publik Privat (PPP) ka rritur për rrjedhojë dhe rreziqet fiskale duke orientuar qeverinë në vendimmarrjen e hapave konkrete me qëllim kontrollimin e tyre, Presidenti i Republikës ka arritur në përfundimin se, ligji i duhet kthyer Kuvendit me qëllim rishikimin”.

Rruga Milot-Balldren ka një gjatësi prej 17,2 kilometrash dhe vlera totale e ndërtimit është 161,5 milionë euro./ABC News Albania 24/7

milot-1280x696.jpg
ent ela09:30 | 10/07/2019

Reshjet e dendura të shiut që ranë gjatë natës në veri të vendit kanë shkaktuar jo pak probleme. Një ndër to ka qenë bllokimi i plotë i nënkalimit në Fushë Mamurras në superstradën Thumanë Milot. Zgavrat e shkarkimit nuk kanë funksionuar dhe për pasojë uji ka bllokuar nënkalimin. Gjatë natës lëvizja e mjeteve ka qenë e pamundur, por edhe pasi reshjet kanë pushuar qarkullimi ka nisur me vështirësi. Ndërkohë probleme ka patur edhe në Shëngjin, Tale e Zadrimë./ABC News Albania 24/7

rabak.jpg
ad min16:45 | 31/05/2019

Partia Demokratike e ka quajtur projektin për ndërtimin e rrugës Milot- Balldren si “më korruptiven deri më sot”. Pas kësaj afere, sipas ish nënkryetares së komisionit të ekonomisë Jorida Tabaku, qëndron një ish-deputet socialist.

“Një projekt edhe më korrupti se ai e Unazës së Madhe.” Të tillë e quan ish-deputetja demokrate Jorida Tabaku projektin për rrugën Milot – Balldren, vlera për të cilin sipas saj, jo vetëm është fryrë por pritet të rritet edhe më në favor të ish-deputetit socialist që ka në pronësi kompaninë përfituese të tenderit.

“Ndryshimi nga unaza e madhe, nuk u shpik kompani por qeveria ja dha kontratën me ofertë të pakërkuar një kompanie të vogël që zyrtarisht është në pronësi të ish-deputetit të PS Agim Kola. Ne buxhetin 2018 projekti u parashikua 1130 milion euro, tenderi u hap me 161 milion euro, duke lënë mundësi në dokumentacion që të rritet kosto. Në kontratën e depozituar në parlament vlera shkon në 256 milion euro bashkë me tvsh. Ende jo kosto përfundimtare”.

Kontrata parashikon se është kontraktori ai që mund të kërkojë ndryshim të kostos.

“Kontraktori bën kërkesë për kosto shtesë që do përballohen nga ministria e financave. Ndryshe nga kontratat e tjera. Kjo është kontrata e parë që tenderohet me vlerë më të ulët se zbatimi i saj. Përfituar nga firma ANK e Agim Kolës… sa herë ndodh diçka kontrata i lejon investitorit të kërkojë diçka nga shteti”.

Një tjetër parregullsi në dokumentacion sipas kryetares së departamentit të anti-korrupsionit Lealba Pelinku, është kompania e dytë, pjesë e bashkimit të operatorëve që fituan tenderin.

“Kjo e fundit është krijuar me 100 mijë lekë si mirëmbajtëse. Bardhi kosntruksion nuk zotëron kapacitet të tillë. Bëhet fjalë për vetëm një operator në garë. Shoqëria e dytë përse u bë pjesë e këtij bashkimi operatorësh. Dyshimi lind që shoqëria të formatizojë paratë e pista. Ajo ka aktive 2 miliard lekë, ndërkohë që deklaron e ka 50 milion euro për këtë projekt”.

Pjesë problematike e kësaj kontrate është gjithashtu fakti se është llogaritur në monedhën euro, jo lek, riskun për të cilin e merr përsipër shteti shqiptar – përfundoi partia demokratike./ABC News Albania 24/7

ramaa-1280x696.jpg
ad min14:20 | 30/05/2019

Rruga Milot-Balldre do të jetë e standardit A dhe në koncension do të përfshihet edhe 13 vjet mirëmbajtje. Sqarimin e ka dhënë Kryeministri Edi Rama në Parlament duke iu përgjigjur akuzave se paratë për këtë projekt po shpërdorohen.

Shpif kushdo që akuzon se po abuzohet me ndërtimin e dy projekte shumë të rëndësishme, Milot- Balldre dhe Orikum-Llogara.

Akuzave iu përgjigj Kryeministri Edi Rama nga foltorja e Parlamentit.

Projekti i rrugës Milot – Balldren parashikon ndërtimin e një aksi tërësisht të ri që është pjesë e korridorit Adriatiko-Jonian dhe do të kushtojë 161 milion euro për 17.2 kilometra.

Duke sqaruar se është një rrugë me standarde evropiane, kreu i qeverisë tha se Projekti Milot-Balldren ka dy ura, urën mbi Drin me 224 m hapësira drite dhe urën mbi Mat me 624 m hapësirë drite dhe ka gjithashtu edhe dy tunele. Ajo çka është më e rëndësishme do të mirëmbahet për 13 vjet.

Ata që ngrenë akuza për vjedhje duhet të jenë hajdutë – tha Kryeministri.

Një tjetër projekt infrastrukturor me rëndësi është rruga Dukat – Orikum në të cilin parashikohet të ndërtohet aksi 14.7 kilometra që lidh Portin e Jahteve në Vlorë me ByPass-in e Orikumit dhe Dukatin. Në total kompania do të investojë për ndërtimin e rrugës 51 milion euro.

PPP apo koncesionet nuk janë metoda kriminale të shpikur nga mafia, jo skema abuzive për përfitime në kurriz të popullit, por janë skema që të bëjnë të mundur në një kohë të shkurtër rritjen e cilësisë së shërbimit për publikun që me kapacitetet e tij shteti nuk i bën dot u shpreh kreu i qeverisë.

Të dy veprat janë pjesë e programit “1 miliard euro investime” dhe do të ndërtohen fillimisht me kapital të operatorëve privatë, ndërsa buxheti i shtetit do të shlyejë shumën e investuar në vite./ABC News Albania 24/7

basha-6.jpg
ad min19:02 | 25/04/2019

“Kjo e sotmja është vetëm fillimi i mosbindjes civile. Shqipëria është në këmbë. Edi Rama nuk e merr peng vullnetin e shqiptarëve”.

Ishte kjo deklarata e kryetarit të opozitës Lulzim Basha në protestën e opozitës në Milot. Për sa i përket zgjedhjeve të 30 Qershorit, Basha theksoi se nuk do të ketë zgjedhje pa opozitën dhe këtë e di edhe bufi.

“Nuk do të ketë zgjedhje pa opozitën. Këtë e di dhe bufi dhe vëllai i bufit Edi Rama. Nuk ka zgjedhje pa opozitën. Ato vetëm zgjedhje nuk janë dhe opozita as nuk klonohet, as nuk shpiket dhe as nuk krijohet si mercenarët e Edi Ramës. Ka vetëm një opozitë. Ajo jemi ne e bashkuar me popullin dhe njerëzit. Ne jemi të vendosur që të mos lejojmë më kurrë krimin elektoral që është nëna e krimeve ekonomike, nëna e varfërisë, papunësisë që ka krijuar qeveria e njeriut më të paaftë më të inkriminuar në pluralizmin shqiptar. Do ketë vetëm zgjedhje të lira. Nuk do lejojmë me asnjë forme, me asnjë mjet, me asnjë çmim krimin elektoral. Zgjedhje false nuk do ketë më”, tha Basha.

“Në asnjë qendër votimi nuk do lejojmë krimi elektoral të përsëritet. Është borxhi ynë para atyre që sakrifikuan për demokraci dhe liri. Të mos lejojmë më krimin elektoral, por të luftojmë sy për sy dhe dhëmb për dhëmb për demokraci, për votën e lirë. Asnjë hap pas nuk do të ketë. Largimi i Ramës është sot emergjencë kombëtare, krijimi i një qeverie tranzitore është shansi i fundit për të shmangur përballjen totale të popullit me klikën gjakpirëse që sundon në vendin tonë”, u shpreh më tej kreu i PD-së./abcnews.al

aksidente-1280x676.jpg
ad min16:56 | 19/04/2019

Një person ka humbur jetën dhe pesë të tjerë kanë mbetur të plagosur në dy aksidente që ndodhen në Maliq dhe Milot.Ngjarja e para u regjistrua gjatë mesditës në afërsi të fshatit Podgorie.

Mësohet se një person qe po udhëtonte me motor humbi kontrollin dhe doli nga rruga. Për pasoje gjeti vdekjen e menjëhershme. Aksidenti i dyte u shënua pranë vendit të quajtur Ura e Zogut në Milot.

Sipas policisë dy mjete janë përplasur me njëra-tjetrën dhe pesë persona mbetën të plagosur, dy prej të cilëve në gjendje kritike për jetën. Shkak i aksidentit dyshohet një parakalim i gabuar i njërës nga mjetet./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono