milano

ekspozite-1280x691.jpg
Sej rie16:59 | 22/04/2019

Një ekspozitë në Milano me video instalime ndërvepruese në nder të 500 vjetorit të ndarjes nga jeta të Leonardo da Vinci. Vizitorët do të kenë mundësi deri në 14 korrik që të bëhen pjesë e imagjinatës së gjeniut.  

Vazhdojnë në mënyrë të veçantë në Milano aktivitetet në lidhje me 500 vjetorin e ndarjes nga jeta të Leonardo Da Vinci. Në pallatin mbretëror deri në 14 korrik do të qëndrojë e hapur ekspozita multimediale “Leonardo. Makina e imagjinatës “: shtatë videoinstalimet e realizuara nga Studio Azurro, nga të cilat pesë interaktive, duke krijuar mundësinë për tu futur në brendësinë e botës së gjeniut. Ekspozita promovohet nga bashkia e Milanos dhe institute I enciklopedisë italiane Treçani.

Duke integruar gjuhët dhe kompetencat e ndryshme – nga video deri tek animimi grafik e sistemet interactive – propozohet një rrugëtim projektual kompleks.

Ekspozita multimediale është e përbërë nga shtatë videoinstalime, nga të cilat pesë interactive, të cilat përfshijnë spektatorin në një tregim figurash dhe tingujsh, që flasin në gjuhën e Leonardos për kohën që jetojmë aktualisht.

Makineritë e mëdha skenografike, struktura e të cilave frymëzohet nga vizatimet e tij, korrespondojnë me katër seksione: Vëzhgimet mbi natyrën; Qyteti; Peisazhi; Makineritë e paqes; Makineritë e luftës; Tryeza anatomike; Piktura.

Është menduar për një hapësirë që fut vizitorët në botën e imagjinatës së Leonardo da Vincit. Eksperienca e vizitorëve kalon nga vëzhgimi në pjesëmarrje, duke lëvizur nëpër forma që kërkojnë një përpikëri të përsosur gjeometrike.

Kjo botë makinerish të transformuar në jete rrëfyese, të fletëve gjigande shënimesh në pritje për tu zbuluar, presin vizitorët në një gjysmë hije nga e cila bien në sy ngjyrat e drurit, të telajos dhe të letrës.

Ndërveprimi ndodh me sisteme të ndryshme: modelimi i dritës dhe i zërit janë mjetet më të privilegjuara. Vizitorët mund të zgjedhin disa fjalë kyçe, dhe sapo të shqiptohen, do të nisë rrëfimi – video, ku vizatimet e Leonardos do të shpalosen njëri pas tjetrit./abcnews.al

kaso.jpg
G. P.18:32 | 13/02/2019

Universiteti i Arteve në bashkëpunim me koleksionistë shqiptarë prezantuan në Milano punët e 8 artistëve bashkëkohorë. Pedagogu dhe kuratori Ilir Kaso thotë se qëllimi kryesor është integrimi i artistëve të rinj jashtë Shqipërisë.   

Krijimi i profilit individual është pjesa më e rëndësishme e një artisti. Universiteti i Arteve sëbashku me koleksionistë shqiptarë, janë bërë bashkë për të lançuar artistët bashkëkohorë jashtë Shqipërisë, pikërisht në Milano në panairin “E përballueshme”. 8 artistët e përzgjedhur janë emra të njohur të skenës bashkëkohore në artet pamore shqiptare  të cilët për 2 ditë punët e tyre u prezantuan në panairin e artit bashkëkohor botëror.

Kuratori i ekspozitës Ilir Kaso thotë se ky është një shteg për të integruar artistët e rinj pas universitetit. Kaso është shpresë plotë për këta artistë të cilët me gjuhë të ndryshme si piktura, fotografia videoarti dhe instalacioni shprehin probleme sociale apo ndjesi të brendshme reflektimi. Pas prezantimit të punëve të tyre në Milano, punët e tyre do të prezantohen për një javë në galerinë Kalo në kryeqytet./abcnews.al

italia.png
G. P.09:49 | 31/10/2018

Policia e Durrësit ka arrestuar një person të shpallur në kërkim ndërkombëtar nga Itsalia.

Robens (Arben) Berberi, 52 vjeç, është dënuar nga Gjykata e Milanos me 18 vite burg. Berberi është dënuar për “Organizatë kriminale” dhe  “Trafik narkotikësh”.

Autoritetet shqiptare pritet ta ekstradojnë 52-vjeçarin drejt shtetit fqinj./abcnews.al

intri.png
G. P.08:06 | 31/10/2018

Interi mendohet si kundërshtari kryesor i Juventusit në Serinë A. Fitorja 3-0 në fushën e Lacios tregoi se skuadra e trajnerit Luçiano Spaletit është tepër e fortë në kampionatin italian.

Kërkohej reagim dhe ai erdhi. Interi la pas versionin negativ të Championsit, që u turpërua në Barcelonë, duke u shfaqur krejt ndryshe në kampionatin italian. Suksesi 3-0 në fushën e Lacios ishte i tillë që edhe kritikët më të rreptë të skuadrës së trajnerit Luçiano Spaleti, patën vetëm lavdërime. Epërsia ishte e madhe, me epërsi të dy golave që në pjesën e parë, dhe me mbërritjen në vendin e dytë, krah për krah me Napolin, në kuotën 22 pikë.

Zikaltërit vërtet ende nuk shënojnë sa Juventusi apo napolitanët, por janë në përmirësim me 6 fitore radhazi në Serinë A. Padyshim që mund të pretendohet për titull.

“Shikoni se çfarë Interi, – titullon “La Gazeta delo Sport”, – Lacio mposhtet 3-0 në fitoren e gjashtë radhazi, me zikaltërit në vend të dytë”.

“Inter shkakton frikë, – komenton “Il Korriere delo Sport”, – dygolësh vrasës i Ikardit, gol i Brozoviçit dhe ndeshja kurrë në diskutim”.

Trajneri Spaleti është cilësuar “prifti” nga analistë të ndryshëm. Ai foli sërish si i tillë, duke u treguar i kujdesshëm.

“Le të themi se ishte një ndeshje e bukur, duke marrë parasysh gjithçka, ndonëse ne kemi luajtur edhe ndeshje të tjera të mira. Kjo ka ndodhur edhe kur kemi humbur, apo nuk kemi fituar, sepse në futboll gjërat jo gjithnjë shkojnë siç duhet. Pjesa e parë ndaj Lacios ishte vërtet thuajse e përsosur. Arritëm të bënim lojën që donim, të zotëronim topin, ndërsa ruajtëm qetësinë dhe nuk u nxituam. Sot jemi një skuadër më e fortë se vjet, më të ndërgjegjshëm dhe arrijmë të reagojmë edhe kur gjërat nuk na shkojnë mirë”.

Po presidenti më i ri në historinë e klubit, 26-vjeçari nga Kina, Stiven Çan, çfarë mendon për ekipin e tij?

“Kjo ndeshje tregoi se lojtarët tanë kanë zemër të madhe dhe personalitet gjithashtu të madh. Interi jo vetëm fitoi ndeshjen, por sidomos lojtarët e mbështetën njëri-tjetrin. Kjo ndeshje tregoi jo vetëm se kemi lojtarë shumë të talentuar, por edhe që ata punojnë fort në stërvitje. Jam i bindur se do të dimë të konkurrojmë në Serinë A dhe në Champions, edhe ndaj ekipeve si Barcelona. Do të mësojmë nga humbjet dhe do të përmirësohemi”.

Druajtja e vetme e klubit nga Milano është nëse do të dijë të ruajë këtë vazhdimësi deri në fund. Tifozët, për momentin, duan të paktën fitimin e një trofeu të madh, qoftë Championsin apo Serinë A, edhe pse ëndrra mbetet përsëritja e tripletës së Murinjos./abcnews.al

inter.jpg
ent ela08:19 | 22/10/2018

Interi fitoi duelin me Milanin dhe e meritoi fitoren. Gjithsesi, ia doli vetëm në sekondat e fundit, falë golit të kapitenit Mauro Ikardi.

Ishte një derbi, por i takoi plotësisht vetëm njërës skuadër.

Interi dominoi përballjen me Milanin në stadiumin “San Siro” të Milanos, dhe meritoi të fitonte, ndonëse këtë e arriti vetëm në fund.

Në një sfidë që pritej më e ekuilibruar, zikaltërit ishin ata që luajtën më mirë, që krijuan raste dhe që nuk patën fat disa herë.

U duk qartë se e kishin përballuar më mirë trysninë e një dueli të tillë, ndër më të mëdhenjtë në botë.

Formacioni i trajnerit Luçiano Spaleti tregoi sërish se këtë vit do të jetë një pretendent për titull në Serinë A, ndërsa tashmë e ka lënë pas nisjen e keqe të sezonit.

Milani i Gatuzos, në të kundërt, ishte një zhgënjim.

Pavarësisht se këtë vit po luan më mirë sesa në të kaluarën, sërish i mungoi pjekuria dhe karakteri I duhur për nivele të tilla.

Thuajse nuk gjuajti asnjë herë në portën kundërshtare, diçka që rrallë mund të ketë ndodhur vitet e kaluara në ndeshjet derbi.

Gjithsesi, mund të kishte marrë barazimin, por në minutën e 92-të, portieri Donaruma gaboi, duke I dhënë mundësi kapitenit të Interit, Mauro Ikardi, që të shënonte golin e fitores.

Pas këtij suksesi, Interi u ngjit në vend të tretë në Serinë A me 19 pikë, 6 pikë prapa Juventusit kryesues.

Milani mbeti prapa, në nivelin e 13 pikëve. /abcnews.al

 

 

shqiptari.jpg
G. P.20:15 | 02/09/2018

Policia italiane ka arrestuar një shqiptar 26 vjeç, i cili ishte deportuar për në Shqipëri në vitin 2016, por që kishte rihyrë sërish në mënyrë të paligjshme. Ai dyshohet si autori i disa vjedhjeve të ndryshme në Lombardi.

Shqiptari u ndalua gjatë një postblloku të policisë. Më pas, gjatë një kontrolli në banesën e tij autoritetet gjetën 4 mijë euro dhe shumë objekte me vlerë si, ora, piktura të vjetra, argjend dhe byzylykë ari.

Disa prej objekteve të gjetura rezultonin se ishin vjedhur nga një apartament në provincën e Bergamos.

Por ajo që habiti mediat italiane ishte fakti se shqiptari pavarësisht se kishte hyrë i paligjshëm në Itali frekuentonte palestrën, universitetin dhe klubet sociale. Ai gjithashtu mburrej me Masterin dhe specializimin që kishte bërë në universitetin Bocconi të Milanos për politika ekonomike./abcnews.al

C_2_articolo_3160421_upiImagepp.jpg
ent ela16:15 | 29/08/2018

Një 52 vjeçare është arrestuar më akuzën e tentativës së vrasjes pas hedhjes së acidit klohridrik në shishene  ujit të një kolegu në punë. Pasi piu gllënkën e parë, viktima një 40 vjeçar, menjëhëre e kuptoi shijen e hidhur të pijës dhe e pështyu. 40 vjecari përfundoi në spital me djegie në gojë dhe gjuhë, të cilat iu shëruan pas 3 ditësh.

Autorja u identifikua dhe u arrestua nga karabinierët e San Donatos një komunë në Jug të Milanos për persekutim ndaj kolegëve, ndërsa tentativa e vrasjes u kontestua.

Në të kaluarën, gruaja kishte sulmuar një tjetër person si me telefon, ashtu edhe duke njollosur makinën dhe derën e shtëpisë.

Gruaja kishte sulmuar dy kolegë. Jo vetëm 40-vjeçarin, i cili kohët e fundit kishte marrë telefonata anonime dhe paraqiti denoncime për ngacmime, por edhe një kolege 35 vjeçare, i cili kishte denoncuar një sërë veprimesh persekutive të kryera kundrejt tyre, të cilat u konfirmuan gjatë kontrollit të celularit të 52-vjeçarit.

Gjithashtu nga smartfoni i saj, gruaja kishte bërë disa hulumtime mbi acidet kryesore në treg (sulfurik, muriatik dhe hidroklorik) dhe karakteristikat e tyre. Në shtëpi ajo kishte fshehur gjithashtu një seri shishesh spray dhe llak, ndoshta të njëjtat që përdori për të njollosur makinën dhe shtëpinë e kolegut të saj. Në shtëpi iu gjetën një shiringë e përdorur nga gruaja për të injektuar acid klorhidrik në shishen e ujit të kolegut të saj. Gruaja është shpallur e pafajshme.. /abcnews.al

DROGA-NE-MILANO-1280x720.jpg
ent ela08:17 | 07/05/2018

Policia italiane ka arrestuar një 52-vjeçar shqiptar dhe një Italian për trafikim të lëndëve narkotike. Lajmi është bërë I ditur nga mediat e vendit fqinj që citojnë policinë e Milanos. Dy të arrestuarit janë suprizuar nga agjentët në një operacion të fshehtë, ndërsa po transportonin 206 kilogramë marjuanë me një kamion dhe një furgon. Kjo sasi droge ishte ngarkuar në Barcelonë dhe destinacioni përfundimtar ishte tregu i Milanos. Pasi kanë parë policinë t’u afrohej ata kanë tentuar të arratisen, por disa  minuta më pas u arrestuan. Pas kontrollit të kryer në banesat e shqiptarit dhe italianit janë sekuestruar mbi 60 mijë euro. Dy të arrestuarit akuzohen për posedim dhe trafikim të lëndëve narkotike. Idenditeti I tyre nuk bëhet i ditur. /abcnews.al

shqiptaret-1.jpg
G. P.10:42 | 22/03/2018

Një grup kriminal shqiptarësh që merrej me trafikun e lëndëve narkotike është shkatërruar nga autoritetet italiane. Sipas policisë, në pranga kanë rënë 16 shqiptarë, identitetet e të cilëve nuk janë zbuluar endë.

Gjithashtu, ata sekuestruan në Milano 440 kilogramë marijuanë, rreth 10 kilogramë heroinë dhe gati 200 kilogramë substancë, që do përdorej për përzierjen e heroinës.

Mediat bëjnë me dije se banda e shqiptarëve e siguronte drogën në Shqipëri dhe e shpërndanin në Itali dhe Zvicër. Sipas autoriteteve, shqiptarët përdornin një sistem të koduar komunikimi, në mënyrë që të fshihnin trafikun e paligjshëm që kryenin./abcnews.al

HAJDUTET-SHQIPTARE-1280x720.jpg
ent ela10:41 | 14/03/2018

Karabinierët kanë shkatërruar një bandë kriminale shqiptare, që merrej kryesisht me grabitje, në rajonin e Lombardisë.

7 shtetas shqiptarë janë arrestuar me urdhër të lëshuar nga Prokuroria e Milanos. Idenditeti i tyre nuk bëhet i ditur.

Mediat italiane shkruajnë se ata i përkasin moshës 20 deri në 26 vjeç. Shqiptarët akuzohen për krime kundër pronës publike dhe private, si dhe shpërndarje droge.

Hetimet për këtë rast kanë nisur në janar të vitit të kaluar. Banda kriminale ka kryer 15 grabitje të stacioneve të shërbimeve dhe disa grabitje banesash në Milano. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono