milan

Maldini-Boban.png
Vladimir Prenga09:20 | 23/02/2020

Paolo Maldini është shfaqur i irrituar me arbitrin e ndeshjen, pas barazimit mes Milanit dhe Fiorentinës. Legjenda kuqezi, i cili është pjesë e strukturave drejtuese të klubit italian, fillimisht tha: “Fatkeqësisht morëm vetëm një pikë, në një ndeshje që e kishim nën kontroll dhe luajtëm më mirë se Fiorentina”. Më pas kaloi te tema e gjykimit dhe penalltia që u dha kundër Milanit, për një ndërhyrje të kapitenit Romagnoli.

“Është pak irrituese, pasi në këtë rast arbitri nuk përdori VAR. Isha më i qartë dy vite më parë, nëse një rast ishte apo jo penallti. Nëse kjo është penallti, atëherë nuk e di se çfarë po ndodh ditët e sotme në futboll. Na thanë që prekja e topit duhet të jetë vendimtare, gjë që sinqerisht nuk e kam dëgjuar kurrë më parë.

Ose VAR duhet të thjeshtohet, ose të sqarohet, pasi mos thirrja e tij na dëmton të gjithëve. Ka zgjidhur shumë gjëra, por përdorimi i tij duhet të bëhet ndryshe. Kishim golin e Ibrahimovic, ata shkuan ta shohin dhe e anuluan. Edhe në faullin e Dalbert shkuan ta shihnin dhe e ndëshkuan me karton të kuq. Nuk e kuptoj pse herën e tretë nuk shkoi ta shihte, pasi ishte një episod i rëndësishëm.

Gjykimi se prekja nuk është e mjaftueshme është e ndërlikuar. Nuk mendoj se është e lehët për një gjyqtar të kuptojë kur një prekje është e lehtë. Unë kurrë nuk kam parë një penallti si kjo. Ju e shihni që nuk është penallti. Arbitri duhet të shkonte ta shikonte dhe t’i shpenzonte 30 sekonda për ta riparë përsëri, pasi ai episod ndryshoi lojën dhe rezultatin”, është shprehur Maldini për DAZN. /abcnews.al

pioli.jpeg
Veronik Istrefaj23:49 | 22/02/2020

Trajneri i Milanit, Stefano Pioli, nuk është përmbajtur aspak pas barazimit 1-1 kundër Fiorentinës, duke fajësuar arbitrimin. “Jemi ne përgjegjësit për rezultatin, pasi e kishim ndeshjen në dorë. Ne bëmë gjithçka që duhej të bënim, por më pas nuk luajtëm më kur Fiorentina mbeti me 10 lojtarë”, tha Pioli fillimisht për DAZN.

“Jemi treguar të cekët dhe kemi bërë disa gabime. Penalltia nuk ishte, nuk kam dyshime për këtë. Mund ta shikoje që nga stoli se topi lëvizi pas ndërhyrjes së Romagnolit. Nuk e kuptoj pse nuk përdoret VAR-i në këto raste. Duhej të kishim fituar ndeshjen dhe ishim në kushtet ideale për ta bërë një gjë të tillë.

Unë besoja se VAR-i ndihmonte arbitrin për të marrë vendimin e duhur, por duket se nuk është kështu. E vështirë ta pranosh këtë rezultat, sepse kemi pasur disa episode të çuditshme kundër nesh në takimet e fundit. Siç thashë, ne kemi përgjegjësitë tona, sepse kemi bërë gabime, por nuk mund të bëjmë asgjë për të kontrolluar situata që nuk i kemi në dorë”, përfundoi Pioli./abcnews.al

Ibrahimovic-1.jpg
Veronik Istrefaj22:44 | 22/02/2020

Është mbyllur takimi në Firence mes Fiorentinës dhe Milanit, me barazimin 1-1. Ante Rebic shënoi i pari në këtë sfidë, në minutën e 56-të. Sulmuesi kroat përfiton nga një hezitim i mbrojtjes vendase dhe gjuan fort me të djathtën nga brenda zonës. Pas një devijimi, topi i goditur prej tij përfundon në rrjetë.

Pak minuta më vonë, Fiorentina mbetet dhe me 10 futbollistë, pas kartonit të kuq të Dalbert. Kur dukej se gjithçka ishte në kontrollin e kuqezinjve, ish-lojtari i Milanit, Cutrone, fiton një penallti. Në fakt, një penallti e dyshimtë, pasi nuk duket qartë nëse Romagnoli prek topin fillimisht apo jo.

VIDEO | Milani ndëshkon Fioren, shënon njeriu i momentit për kuqezinjtë

Megjithatë, pak rëndësi ka për Fiorentinën dhe për Pulgar, i cili merr topin në duar dhe gjuan penalltinë, duke mposhtur portierin Begovic, që u fut në fushë pas dëmtimit të Donnarummas. Milani ndalet kështu në një ndeshje që dukej se e kishte në dorë, ndërsa Fiorentina kënaqet dhe me një pikë në shtëpi./abcnews.al

Milan-3.jpg
Veronik Istrefaj22:05 | 22/02/2020

Milani ka kaluar në avantazh përballë Fiorentinës në transfertë, pas 56 minutash lojë. Ka qenë njeriu i momentin, Ante Rebic, ai që tundi rrjetën. Një aksion i gjatë i kuqezinjve dukej drejt fundit në zonës Viola, pasi mbrojtja vendase kishte gjithçka në kontroll.

Megjithatë, një hezitim për të larguar topin i ndëshkon, me Rebic që përfiton dhe gjuan me të djathtën. Pas një devijimi, topi i sulmuesit kroat ndalet në rrjetë. Në avantazh kuqezinjtë e Piolit!/abcnews.al

Serie A

Fiorentina – Milan  0-1
Rebic 56′

Lapadula-1.jpg
Igli Nikolli17:57 | 21/02/2020

Alfredo Lapadula luajti me Milanin në sezonin 2016-2017 dhe ia doli të shënonte 8 gola. 30-vjeçari u transferua te Lecce verën e kaluar dhe po ndihmon skuadrën jugore të qëndrojë në Serie A me golat e tij (ka shënuar 7 gola deri tani). Në një prononcim për Gianlucadimarzio, Lapadula i rikthehet aventurës së shkurtër me kuqezinjtë dhe zbulon prapaskenat e kalimit te skuadra e “Djallit”.

Isha pjesë e Teramos në Serie C dhe një vit më pas agjenti im më tregoi se shumë klube po interesoheshin për mua. Isha gati të shkoja te Genoa, por presidenti Sebastiani bllokoi gjithçka. ‘Më ka telefonuar Berlusconi dhe brenda 24 orëve të do te Milani’, më tha. Pranova menjëherë sapo dëgjova emrin Milan.

Nuk i besoj mallkimit të numrit 9. Është e kotë të nënvizosh peshën e asaj fanelle. Kur luan me Milanin, çdo fanellë peshon shumë, pavarësisht numrit që mban mbi shpinë. Jam i sigurt për diçka, do të paguaja nga xhepi im për t’u kthyer te Milani dhe për të veshur fanellën me numrin 9“, deklaron sulmuesi italian. /abcnews.al

pioli.png
Veronik Istrefaj15:08 | 21/02/2020

Trajneri i Milanit, Stefano Pioli, foli në konferencë për shtyp para ndeshjes kundër Fioretinës. Si Milani, ashtu dhe Fiorentina, vijnë nga rezultate pozitive dhe Pioli parashikon një sfidë të vështirë. Në fjalën e tij, strategu i “Djallit” tha: “Është mirë kur puna juaj të konsiderohet pozitive, asnjë trajner nuk mund të konfirmohet në pankinë, pavarësisht nga rezultatet e mira. Nuk mund të flas për të ardhmen time, i ndjek të gjitha thashethemet, por mendoj vetëm për të tashmen.

Duarte, Krunic, Biglia dhe Kjaer nuk do të thirren, të tjerët janë duke bërë mirë. Ne mund të përmirësojmë pozicionin tonë në tabelë, ka edhe 14 ndeshje. Ne po stërvitemi mirë dhe kemi ajër pozitiv, për gjëra të tjera nuk mund të vendosim dhe nuk mendojmë. Një shembull i vendosmërisë si Ibrahimovic mund të na bëjë mirë, nëse ai është bërë kampion, është bërë sepse është gjithmonë i uritur. Rebic? Kam punuar pak me të, ai duhet të vazhdojë dhe ai ende duhet të japë shumë në fushë. Tani për tani, ai është duke bërë mirë.

Kam kujtime të bukura në Firence, është normale për ato që kam përjetuar. Pas tragjedisë së Davidit (Astori), ne ishim protagonistë të një situate negative që e kthyem në një situatë pozitive. Unë mendoj se Astori është i lumtur që më ka parë në Milano pas Fiorentinës, sepse ai u rrit këtu. ‘Viola’ vjen nga një fitore e madhe, por ne gjithashtu vijmë nga një moment pozitiv”, tha Pioli./abcnews.al

paqueta-ibra.jpg
Vladimir Prenga14:29 | 21/02/2020

Zlatan Ibrahimovic njihet për karakterin e tij të fortë dhe shumë prej tifozëve e donin suedezin pjesë të Milanit pikërisht për të vendosur rregull në dhomat e zhveshjes.  Sulmuesi është nga ata që nuk duron shumë kur sheh që ata rreth e rrotull tij nuk impenjohen.

Në ndeshjen e fundit që Milani fitoi kundër Torino, ka pasur edhe një përplasje të Ibrahimovic me mesfushorin brazilian Lucas Paqueta.  38-vjeçari i është hakërryer shokut të skuadrës, të cilin e ka ofenduar për paraqitjen e bërë. Lajmi raportohet nga Tuttosport, gazetë shumë pranë klubeve nga Torino.

Në konferencën e sotme për shtyp ka folur edhe trajneri Stefano Pioli, i cili ka hedhur poshtë gjithçka. “Episodi që thuhet se ka ndodhur nuk është i vërtetë. Mund të ketë diskutime, siç janë normale në fushë. Por grupi është kompakt dhe si i tërë udhëton në një rrugë të vetme. /abcnews.al

Gabbia.jpg
Igli Nikolli20:39 | 20/02/2020

Matteo Gabbia përfitoi nga dëmtimi i Kjaer dhe debutoi në Serie A në fitoren kundër Torinos. Mbrojtësi i Milanit zhvilloi një ndeshje pozitive dhe ndihet i lumtur për momentin që po kalon. 20-vjeçari tregon ëndrrat e tij në një prononcim për Sky Sport, aty ku flet edhe për dyshen Zlatan Ibrahimovic-Thiago Silva.

Jam shumë i lumtur dhe i përqendruar tek e ardhmja. Mundohem të qëndroj me këmbë në tokë, dua të falënderoj ata që kanë harxhuar kohë për të më dërguar një mesazh për debutimin. Ëndrra ime quhet Milan, dua të bëj një karrierë shumë të rëndësishme këtu, shpresoj ta kem këtë shans. Po fokusohem tek e tashmja, pa e vrarë shumë mendjen se çfarë do të ndodhë në të ardhmen.

Në këtë skuadër kanë luajtur shumë lojtarë të fortë, të cilët kanë shkruar historinë e Milanit. Modelet nga të cilët tentoj të marr diçka janë Maldini dhe Thiago Silva. Ibrën e shijova nga afër, shpresoj të ndodhë e njëjta gjë me Thiago Silvën. Ibra ishte një ëndërr, do të ishte e mrekullueshme të takohesha edhe me Thiagon“, deklaron Gabbia. /abcnews.al

Rebic.jpg
Igli Nikolli19:23 | 19/02/2020

Ante Rebic është lojtari më në formë i Milanit për momentin. Kroati e ka nisur në mënyrë spektakolare vitin 2020 dhe ia ka dalë të shënojë 6 gola të rëndësishëm. 26-vjeçari ofensiv ka realizuar ëndrrën e tij për të luajtur përkrah Zlatan Ibrahimovic, teksa bën një krahasim midis Serie A dhe Bundesligës në një prononcim për Dalmatinski Portal.

Më në fund po aktivizohem vazhdimisht dhe po tregoj aftësitë e mia. E kam të vështirë për të shfrytëzuar mundësitë e mia kur aktivizohem rrallë. Tani po më shkon gjithçka mirë. Serie A? Nuk e konsideroj kampionat më të vështirë se ai gjerman.

Motra ime më nisi pak ditë më parë një foto të një gazete të vitit 2012. Aty shprehesha se ëndërroj që një ditë të luaj përkrah Zlatan Ibrahimovic. Sot është realitet diçka e tillë dhe është kënaqësi të shijoj çdo ditë kualitetin dhe eksperiencën e tij. Zlatan po na ndihmon shumë.

Boban? Ai është një figurë shumë e rëndësishme për ne. Vjen gjithmonë në dhomat e zhveshjes pas përfundimit të ndeshjeve për të na inkurajuar. E bën këtë gjë shpeshherë edhe në seancat stërvitore“, përfundon Ante Rebic. /abcnews.al

Milan-1-e1576937893762.png
Igli Nikolli17:27 | 19/02/2020

Mediat e ndryshme insistojnë në faktin që Milani ka zgjedhur Ralf Rangnick. L’Equipe shkon edhe më tej, teksa raporton se kuqezinjtë kanë firmosur një kontratë me gjermanin e njohur, i cili do të mbajë rolin e trajnerit-menaxher te klubi i famshëm italian.

Në kontratë është përcaktuar edhe një klauzolë penaliteti nëse Milani vendos të tërhiqet pas. Në Francë janë të sigurt për akordin, edhe pse Maldini dhe Boban mohuan çdo marrëveshje me Rangnick.

Gjithsesi, Calciomercato raporton se burime pranë fondit Elliot, presidencës së kuqezinjve, mohojnë mundësinë e uljes së gjermanit në pankinën e Milanit në fund të këtij sezoni. Tifozët mbeten të paqartë për të ardhmen, por vera do të zbulojë ndryshimet e mundshme te “Djalli”. /abcnews.al

 

Ralf Rangnick


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono