milan

Pioli-Milan.png
Igli Nikolli17:47 | 07/12/2019

Milanin e pret një tjetër transfertë e komplikuar nesër në mbrëmje. Kuqezinjtë e Piolit do të udhëtojnë drejt Bolognas për t’u ndeshur me ekipin e Mihajlovic. Trajneri i Milanit vlerëson forcën e kundërshtarëve në konferencë për shtyp, aty ku flet edhe për gjendjen e ekipit të tij dhe disa lojtarëve në veçanti.

SULMI – “Nuk ekziston asnjë çështje Piatek, nuk ekzistojnë individët në lojën e skuadrës. Ajo që vlen është puna dhe fitimi i ndeshjeve. Titullari në sulm? Do të zgjedh atë që më duket më i përshtatshëm Piatek dhe Leao kanë karakteristika të ndryshme”.

SKEMA – “Nuk do të luajmë me dy sulmues, por nuk e përjashtoj ta bëjmë në të ardhmen. Mesfusha dhe anësorët e krahut janë pika jonë e fortë. Caldara dhe Duarte nuk do të luajnë nesër. Suson nuk e shoh në krahun e majtë për momentin, mund të na shërbejë më shumë në qendër.

BOLOGNA – “Janë një skuadër agresive dhe fituan në Napoli. Duhet të jemi shumë të përqendruar. Mihajlovic? Shpresoj të jetë në pankinë nesër. Bëj tifozllëk për Bologna që në verë, mënyra se si klubi i qëndroi pranë ishte diçka fantastike. Do të rikthehem të bëj tifozllëk për Bologna prej së hënës e në vazhdim” /abcnews.al

Milan-1.png
Igli Nikolli17:51 | 06/12/2019

Objektivi i Milanit është kualifikimi në Champions League për sezonin e ardhshëm. Stefano Pioli e ka në dorë fatin e tij. Nëse rikthen kuqezinjtë në skenën europiane do të vijojë të jetë trajner, përndryshe aventura e tij me Milanin do të marrë fund.

Drejtuesit e “Djallit” kanë një emër në mendje për sezonin e ardhshëm. L’Equipe raporton se Milani pëlqen shumë Paulo Sousen. Portugezi mori drejtimin e Bordeaux marsin e kaluar dhe po bën një punë shumë të mirë.

Bordeaux renditet përkohësisht në vend të tretë dhe ëndërron kualifikimin në Champions League. 49-vjeçari, i cili është aktivizuar si futbollist me Juventusin, Interin dhe Borussia Dortmund, ka një eksperiencë të madhe, teksa në Serie A ka drejtuar ekipin e Fiorentinës. /abcnews.al

Paulo Sousa
Ibra-Zllatan.jpg
Igli Nikolli23:31 | 05/12/2019

Zlatan Ibrahimovic është objektivi i madh i Milanit dhe drejtuesit janë afër mbylljes së akordit përfundimtar me sulmuesin suedez. Tifozët e kuqezinjve mezi po e presin, ashtu si edhe Jack Bonaventura.

30-vjeçari italian shpreson që Ibrahimovic të rikthehet te Milani dhe nuk i kursen elozhet për bomberin e famshëm në fjalët e thëna për Sky Sport.

“Ibrahimovic është një lojtar i madh, një kampion. Sikur ta kishim në skuadër… Mendoj se të gjithë do e donin këtu. Kampionët janë gjithmonë të mirëpritur, por nuk ia kam idenë se çfarë do të ndodhë”, thekson mesfushori i Milanit. /abcnews.al

Materazzi.png
Igli Nikolli19:29 | 05/12/2019

Zlatan Ibrahimovic nuk duhet ta acarosh kurrë. Hakmarrja e tij është e sigurt, edhe pse mund të ndodhë pas 4 vitesh. Sulmuesi suedez i është rikthyer dëmtimit të Marco Materazzit gjatë një derbi midis Milanit dhe Interit.

38-vjeçari ishte pjesë e kuqezinjve dhe në një moment realizoi një veprim akrobatik për t’i marrë topin mbrojtësit zikaltër, më saktë për ta dëmtuar. Ibra rrëfen gjithçka në një prononcim për suedezen GQ, aty ku pranon se ndërhyrja e tij ishte me qëllim.

Isha pjesë e Juventusit dhe luanim përballë Interit në një ndeshje të vitit 2006. U dëmtova dhe u detyrova të dilja jashtë loje pas një ndërhyrje vrasëse të Materazzit. Pasi kalova te Milani, gjatë një derbi, Materezzi nisi të më karikojë në pjesën e dytë.

Vendosa t’i bëj një ndërhyrje taekwondo dhe ai përfundoi në spital. Stankovic më pyeti: ‘Pse e bërë këtë, Ibra?’ Unë iu përgjigja: ‘Po e prisja këtë moment prej 4 vitesh, ja përse‘ dhe u largova prej aty“, zbulon Zlatan Ibrahimovic. /abcnews.al

Ibra-Galliani.png
Igli Nikolli17:30 | 05/12/2019

Zlatan Ibrahimovic vazhdon të flasë, teksa të gjithë tifozët e Milanit po presin me padurim rikthimin e tij në Milanelo. Zyrtarizimi është çështje ditësh, teksa bomberi 38-vjeçari i është rikthyer edhe njëherë largimit nga kuqezinjtë në një prononcim për suedezen GQ.

Ibra ishte pjesë e Milanit në vitet 2010-2012 dhe fitoi një kampionat e Superkupë Italie me “Djallin”. Ai ndihej mirë në Milanon kuqezi, diçka të tillë ia përsëriti edhe drejtuesve, por gjithçka kishte marrë fund dhe sulmuesi u shit te PSG.

Galliani ishte një drejtues fantastik dhe Milani i vjetër ishte i madh. I thashë Gallianit se nuk doja të largohesha dhe se ndjehesha mirë në atë ekip. Më pas pashë 5 thirrje telefonike brenda 30 sekondash. Isha në plazh dhe e kuptova se kishte ndodhur diçka. Mora menjëherë në telefon Raiolën dhe mora vesh se më kishin shitur te PSG“, deklaron Zlatan Ibrahimovic. /abcnews.al

Galliani-Ancelotti.png
Igli Nikolli14:18 | 04/12/2019

Silvio Berlusconi dhe Adriano Galliani nuk mund të qëndrojnë larg futbollit. Dyshja e famshme mori drejtimin e Monzës, ekip që garon në Serie C. Ekipi po zhvillon një kampionat të mirë nën drejtimin e Christian Brocchit dhe kryeson grupin A të divizionit të tretë me 13 pikë diferencë nga vendi i dytë.

Galliani, i cili mban postin e administratorit të deleguar të klubit, ka rrëfyer për Corriere dello Sport se shumë shpejt do të kemi një derbi tjetër në Serie A.

Qëllimi ynë është të arrijmë me Monzën në Serie A brenda vitit 2021. Silvio Berlusconi e ka mendjen te derbi Milan-Monza. I dashuroj kuqezinjtë, por klubi është një çështje e të tjerëve për momentin. Ibra? Nuk flas për të, jo të gjithë mund të luajnë në San Siro.

Napoli? Askush më mirë se Carlo Ancelotti nuk di të nxjerrë një ekip nga kriza. Do t’i telefonoj pas një viti e gjysmë. Do të jemi ngjitur në Serie A dhe do e telefonoj për t’i ofruar pankinën“, përfundon Adriano Galliani. /abcnews.al

Ibra.png
Vladimir Prenga08:34 | 04/12/2019

Zlatan Ibrahimovic e ka ndarë mendjen se ku do ta vijojë karrierën, gjithmonë nëse ajo çka thotë është një “show” i madh i suedezit. Së fundmi ai ka dhënë një intervistë të gjatë për “GQ Italia” dhe fillimisht flet për eksperiencën në MLS me Los Angeles Galaxy, për të kaluar më pas tek e ardhmja në… Itali. Nga ato që thotë, Milani do të jetë ekipi i tij i ri.

“Jam i lumtur që përjetova këtë eksperiencë te Los Angeles Galaxy, edhe sepse pas dëmtimit shumë njerëz thanë se nuk mund të luaja më. Përkundrazi tregova se mund të bëj akoma diferencën. Gjithsesi pas dy vitesh thashë mjaft.

Këtu, në nivel teknik dhe taktik duan akoma kohë të rriten. Për të vrapuar, vrapojnë, janë kafshë. Por nuk janë mësuar të luajnë me këmbë, sepse në të gjitha sportet e tyre tradicionale përdorin duart”, u shpreh Ibrahimovic.

“E ardhmja? Unë do të shkoj në një ekip që duhet të fitojë përsëri, që duhet të rinovojë historinë e tij, që është në kërkim të një sfidë kundër të gjithëve. Vetëm kështu do të jem në gjendje të gjej stimujt e nevojshëm për t’ju befasuar sërish.

Si futbollist nuk është vetëm çështje zgjedhje e një skuadre. Ka edhe shumë faktorë të tjerë që duhet të përfshihen. Edhe në interes të familjes time. Shihemi së shpejti në Itali”, ka deklaruar mes të tjerash Ibra për revistën e njohur. /abcnews.al

Faqja e parë e revistës GQ Italia
Ibrahimovic.png
Igli Nikolli13:44 | 03/12/2019

E ardhmja e Zlatan Ibrahimovic është e qartë  dhe zyrtarizimi pritet të vijë me datë 15 dhjetor. Sulmuesi suedez ka marrë një vendim dhe do të rikthehet te Milani. Diçka e tillë konfirmohet edhe nga lajmet që vijnë nga Anglia.

The Telegraph raporton se Ibra ka refuzuar çdo mundësi për t’u rikthyer në Premier League dhe karriera e tij do të vazhdojë në Milanon kuqezi. Sipas tyre sulmuesi ka arritur akordin me drejtuesit e “Djallit” dhe nuk ka më dilema për ekipin e ardhshëm të 38-vjeçarit nordik.

Ai ndihet i motivuar në maksimum për të bërë mirë me ekipin e Piolit dhe do të stërvitet individualisht gjatë këtij muaji për të qenë në formë në janar, atëherë kur do të nisë aventurën e dytë me Milanin. /abcnews.al

Suso.png
Veronik Istrefaj16:27 | 02/12/2019

Skuadra e Milanit feston këtë vit 120 vjetorin e klubit, me kuqezinjtë që u krijuan në vitin 1899. Për këtë vit jubilar, PUMA ka krijuar një fanellë të re për kuqezinjtë, që kanë dalë në shitje sot.

Ngjyrat mbeten kuq e zi, me viza të holla e të gjata vertikale. Detajet më interesante ndodhen në emblemën e klubit, aty ku shkruhen me gërma të arta vitet 1899-2019 dhe më poshtë, numri 120, që përfaqëson jetëgjasinë e klubit të madh italian.

Ylli i skuadrës, Suso, ishte ai që u fotografua me këto fanella të reja, të cilat tifozët e Milanit do të kenë mundësinë t’i blejnë gjatë gjithë muajit dhjetor./abcnews.al

Theo-Hernandez-Leoao.png
Igli Nikolli10:29 | 02/12/2019

Një gol i Theo Hernandez dy minuta përpara fundit të ndeshjes i dhuroi fitoren Milanit në ndeshjen jashtë fushe kundër Parmës. Goli i tretë në kampionat për 22-vjeçarin francez, i cili është golashënuesi më i mirë i ekipit bashkë me Piatek.

Theo u shpall lojtari më i mirë i ndeshjes, ndihet i lumtur për golin e fitoren, dhe konfirmon shkakun që e bindi të vazhdonte karrierën në Milanon kuqezi në prononcimin e dhënë pas ndeshjes.

Jam shumë i lumtur që ia dola të shënoj. Zhvilluam një ndeshje të madhe, por duhet të vazhdojmë punën, na presin ndeshje të tjera po kaq të rëndësishme. Largimi nga Real Madrid? Nuk aktivizohesha shumë dhe fakti që më kërkoi Maldini i thjeshtësoi gjërat. Nuk mendova dy herë dhe vendosa të vi te Milani“, thekson mbrojtësi i majtë i kuqezinjve. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono