meta

MMMMMMMMM-1280x715.jpg
Sej rie14:30 | 14/06/2019

E ka lënë dashurinë dhe ka vendosur përgjegjësinë të parën për të përcaktuar pa humbur kohë një datë të re zgjedhjesh për shqiptarët.

“Sa më parë që të jetë e mundur. Po punoj me shumë qetësi dhe me shumë përgjegjësi. Dekreti është në fuqi dhe është i detyrueshëm për të gjithë. Presidenti mban shënim me shumë vëmendje çdo institucion që shkel ligjin”.

Askush të mos e vërë në dyshim që një dekret presidenti paralajmëron kryetari i shtetit.

“Dekreti është në fuqi. Dekreti është i detyrueshëm për zbatim nga të gjithë. Kush dëshiron të ecë në rrugën e paligjshmërisë, le të vazhdojë! Është e drejta e tij. Presidenti ka të drejtë që të bëjë thirrje çdo ditë për reflektim”.

E vetmja që mund ta gjykojë është Gjykata Kushtetuese të tjerave nuk i kushton rëndësi Ilir Meta.

“Dekreti mund të gjykohet edhe nga Gjykata e Skraparit, që nuk ekziston. Presidenti nuk ndalon askënd të çmendet. Përkundrazi, i fton të gjithë që të izolojmë çdo të çmendur, i cili në këtë Ditë të Dhurimit të Gjakut bën thirrje për gjëra të ndryshme”.

Presidenti është zgjedhur nga Parlamenti dhe i përket Republikës. Kjo e fundit u përket qytetarëve është mesazhi që i dërgon kryetari i shtetit  pretendimit të mazhorancës se Shqipëria është republikë parlamentare e si e tillë vendos ajo e institucioni i presidentit. Gjithsesi shënimet për ata që shkelin ligjet vazhdojnë të hidhen në bllokun e numri një të shtetit i cili paralajmëron se nuk do të mbesin thjesht në letër.

“Ata që ecin në rrugën e paligjshmërisë duhet të jenë të sigurt që do të kenë të gjitha pasojat që do të provokojnë paqen sociale dhe stabilitetin demokratik në vend”./ABC News Albania 24/7

Ilir-Meta-prononcim-1.jpg
Sej rie14:00 | 14/06/2019

Presidenti i Republikës i kërkon Komisionit Qendror të Zgjedhjeve informacion zyrtar lidhur me numrin e deputetëve dhe listën e tyre emërore. Zëra brenda opozitës kanë kërkuar shpërndarjen e parlamentit, që ka më pak se 140 deputetë.

Pasi u betua edhe deputeti i fundit në seancën parlamentare të së enjtes, Presidenti i Republikës kërkon të informohet mbi numrin e saktë të të zgjedhurve të popullit.

“Cili është numri aktual i mandateve të deputetëve të Kuvendit të Shqipërisë në shkallë vendi?”

Kërkon informacion të saktë institucioni i presidencës edhe mbi listën emërore të deputetëve .

“Vënien në dispozicion të listës emërore të deputetëve aktualë të kuvendit të Shqipërisë për çdo zonë zgjedhore për çdo subjekt, si dhe listën emërore të deputetëve aktualë në shkallë vendi”.

Përpara këtij interesimi të kryetarit të shtetit zëra brenda opozitës kanë kërkuar shpërndarjen e parlamentit pasi në të nuk ulen 140 deputetë.

Aktualisht kuvendit ka vetëm 17 vakanca të cilat nuk u plotësuan dot nga listat shumë-emërore të Partisë Demokratike./ABC News Albania 24/7

meta-4-1280x678.jpg
ent ela11:10 | 14/06/2019

“Presidenti është zgjedhur nga parlamenti, plotësisht legjitim, Presidenti i takon Republikës dhe Republika qytetarëve”. Është kjo përgjigjia e kreut të shtetit në lidhje me rezolutën e miratuar dje nga Parlamenti për shkarkimin e Ilir Metës.

I pyetur për datën e zgjedhjeve, Presidenti Meta tha se ajo do të jetë shumë shpejt dhe se është duke punuar  me qetësi dhe përgjegjësi.

Kur do jetë data e zgjedhjeve?

Meta: Sa më parë të jetë e mundur. Po punojmë me qetësi dhe përgjegjësi.

Dekreti juaj pritet të gjykohet nga Kolegji Zgjedhor a do e pranojë Presidenti i Republikës çdo vendimmarrje cilado qoftë ajo?

Meta: Dekreti mund të gjykohet edhe nga gjykata e Skraparit që nuk ekziston. Presidenti nuk ndalon askënd që të çmëndet. Përkundrazi i fton të gjithë që të izolojmë çdo të çmendur, i cili në këtë ditë të dhurimit të gjakur bën thirrje për gjëra të ndryshme.

Shqipëria kë nevojë për zgjedhje të lira dhe të ndershme sepse vetëm ato sigurojnë çelje të negociatave për në BE që është objektiv i të gjithë qytetarëve. Dekreti është në fuqi, është i zbatueshëm dhe i detyrueshëm për të gjithë. Kush dëshiron të ecë në rrugën e paligjshmërisë le të vazhdojë. Presidenti ka të drejtë që çdo ditë të bëjë thirrje për reflektim.

Çfarë pasojash do të kenë ata që ecin në rrugën e paligjshmërisë?

Meta: Ata që ecin në rrugën e paligjshmërisë të jenë të sigurt që do të kenë të gjitha pasojat që do të provokojnë paqen sociale dhe stabilitetin demokratik në vend.

Këto deklarata Kreu i Shtetit i bëri në përmbyllje të fushatës së dhurimit të gjakut i pyetur nga gazetarët. /abcnews.al

rama-7-933x445.jpg
Sej rie10:46 | 14/06/2019

Edhe në takimin që pati me banorët e Njësisë Administrative Nr.11 në Tiranë, kreu u qeverisë Edi Rama, deklaroi se Presidenti Ilir Meta ka hedhur firmën për dekretimin e zgjedhjeve të 30 Qershori dhe tani nuk mund të kthehet më pas. Sipas Kryeministrit firmosja është ajo që njihet dhe anulimi i datës së zgjedhjeve nga ana e Presidentit Ilir Meta ishte befasi.

“E para rëndësi ka që nga pikëpamja ligjore gjërat të bëhen siç duhet dhe ne të mos i përgjigjemi paligjshmërisë më paligjshmëri se pastaj aty ka marrë fund. Ai akt është befasi për historinë e Republikave Parlamentare në botë jo, në Shqipëri. Se në fund të ditës shtetin si koncept e mban firma, fjalën e merr era. E hodhe firmën nuk i kthehesh dot. Firmosja njihet, çfirmosja nuk njihet. Midis gjendjes natyrale të njerëzve dhe jetës, bashkëjetesa në një shtet është fjala është firma. Si qenka kjo, unë firmos unë çfirmos, po gaboi shumë, po është pjesë e planit nuk është lajthitje. Çdo gjë mund të ndodhë. Kur në bëmë marrëveshje më Lul Bashën ne ishim duke shkruajtur aktin e marrëveshjes zyra e Bujar Nishanit merrte në telefon bini letrën e konsensusit për të shtyrë datën me një javë. Atëherë ishte gjë e madhe se marrëveshja u bë në mes të natës. Kemi shkruar në letër, e kemi çuar në Presidencë dhe pastaj nxori dekretin e ri. Erdhi puna të duket BujarNishani burrë shteti. Po pavarësisht atyre q fliste kur ishte në gjendje të lirë, tek dekreti i Fatmir Xhafës bëri gjithë atë punë”, tha Rama.  /abcnews.al

meta-2.jpg
Sej rie14:50 | 13/06/2019

Teksa në Kuvend diskutohej mocioni për zhdekretimin e datës së zgjedhjeve vendore, Presidenti Ilir Meta ka bërë thirrje për përgjegjshmëri e mature, nga të gjithë aktorët politikë.

Në një status në rrjetet sociale, kreu i Shtetit shkruan:  “Shqipëria ka nevojë për reflektim dhe përgjegjësi maksimale nga të gjithë aktorët politikë! Të mos humbasim këtë moment historik për të hedhur një hap përpara drejt Europës”. Meta bën thirrje gjithashtu të bëhet çdo përpjekje për mos-shkëputjen nga përparimi i fqinjit tonë Maqedonisë së Veriut.

“Çelja sa më parë e negociatave të anëtarësimit detyrim historik për të gjithë ata që duan Shqipërinë si Europa!”, e përfundon postimin e tij, Presidenti Meta.

Kjo deklaratë e Presidentit vjen në një moment kur Maqedonia e Veriut mori “PO”zyrtare nga Berlini për hapjen e negociatave dhe data pritet të caktohet në Shtator./abcnews.al

rana-922x445.jpg
Sej rie14:30 | 13/06/2019

Asgjë nuk ishte paralajmëruar, por masat i mori policia për të rrethuar parlamentin me uniforma blu e tela me gjemba. Pika e vetme në rendin e ditës,rezoluta ndaj dekretit të presidentit për anulimin e zgjedhjeve i mobilizoi për të mbrojtur deputetët.

Kryeministri Edi Rama fjalimin e tij të gjatë e kishte përqendruar jo vetëm në antikushtetueshmërinë e vendimit të kryetarit të shtetit, por edhe se çfarë përfaqëson Ilir Meta, politikan që kjo mazhorancë ia ka falur edhe skandalet i kujtoi kreu i qeverisë.

“Kujt i ka bërë Shqipëria më shumë ndere, sesa këtij njeriu, të cilin, pa mbushur ende 50 vjeç, e ka bërë si askënd tjetër në histori, edhe Kryeministër, edhe Kryetar Kuvendi, edhe President të republikës? Jo president të republikës, por mbret të të gjithë shqiptarëve po ta shpallnin shqiptarët, madje jo vetëm të Shqipërisë, por të gjitha trojeve dhe viseve shqiptare, prapëseprapë, Ilir Meta nuk do ndihej mirë, nuk do qëndronte drejtë, nuk do ndalej së tunduar fatin e vet, me pakënaqësitë e tij të pashërueshme, me pangopësinë e tij të pashpjegueshme, me pagjumësinë e tij të pangushëllueshme”, tha Rama.

Duke u rikthyer pas në kohë, në ditën e votimit të Ilir Metës si president i vendit thotë se bëri atë që bënë të gjithë, ngriti kartonin jeshil, një veprim i detyruar sipas kryeministrit Rama.

“Unë e kam votuar Metën si president. Të gjithë në këtë sallë kanë bërë të njëjtën gjë. Nuk jam penduar, nëse do ktheheshim pas do bëjë të njëjtën gjë”, tha Rama.

Kjo deklaratë nuk u prit mirë nga deputeti i opozitës Kujtim Gjuzi. Sqaron se mund t’i thoshte po anulimit të zgjedhjeve të 30 Qershorit sepse siç u shpreh vetë kryeministri nuk do t’i prishte punë as atij personalisht e as qeverisë që drejton. Por ka arsye të forta sipas tij që t’i përgjigjet prerë.

“Por jo. Jo dhe jo. Kurrsesi jo. Unë njëherë jo, asnjëherë nuk do të dorëzohem as si kryeministër jo e jo, por as si qytetar i thjeshtë i këtij vendi”, tha ai.

Sot nuk shohin zgjidhje tjetër socialistët përveçse ta këshillojnë presidentin që sipas tyre nuk meriton të qëndrojë në atë detyrë.

“I uroj sot me gjithë zemër ta lexojë me qetësi dhe me kthjelltësi rezolutën e këtij Kuvendi, nëse ka ende probleme me dëgjimin dhe nuk do t’i kuptojë qartë fjalët që po thuhen sot nga ky Kuvend në adresë të tij”, tha kreu i qeverisë

Kjo seancë parlamentare u mbyll me këshillat votimin e rezolutës dhe këshillat që iu drejtuan presidentit nga deputetët e majtë e të djathtë në Kuvend./ABC News Albania 24/7

RAma-Parlament-1280x853.jpg
Sej rie12:30 | 13/06/2019

Nga Kuvendi Kryeministri Edi Rama pretendon se ka një plan midis ish-kryeministrit Sali Berisha dhe Presidentit Ilir Meta për ta larguar nga pushteti.

Gjatë fjalës në Parlament, Rama tha se ta harrojnë se e largojnë nga detyra me molotovët e Lulit dhe mallkimet e Monikës.

Rama: Pse Meta e bëri këtë ndërhyrje antikushtetuese? Nuk është kërcënim vetëm për Republikën parlamentare por për logjikën njerëzore. E bëri pikërisht atë ditë kur SHBA dënuan dhunën duke treguar me gisht Bashën dhe Kryemadhin si përgjegjës.  E vërteta e dalë nga ky akt marrëzie është se veprimi i Metës nuk ishte një rrufe në qiell të pastër por një hap për të marrë peng jetën demokratike të vendit dhe për të minuar rrugën drejt BE. Berisha dhe Meta kujtojnë se mund të më largojnë mua me molotovët e Lulit dhe mallkimet e Monikës, por e kanë gabim! Këta janë instrumente në duart e tyre. Dy ustallarët e rrëmujës dhe intrigave e kanë qitjen më të largët. Unë jam shënjestra që dukem, koka që i duhet turmës për ta sjellë në bulevard, iluzioni që i duhet artistit dhe fallxhores, ndërsa preja nuk jam unë por Shqipëria. 4 aventurierë që duan të ndalin shtetbërjen. Doni të dini si do të ishte Shqipëria e tyre, shikoni ata. Doni që Shqipëria t’i ngjajë atyre të katërtëve.

Pjesë e këtij plani ishte dhe publikimi i përgjimeve në tabloidin gjerman të cilat mbaheshin nga një mirënjohës i Saliut në Prokurorinë e Krimeve të Rënda. Luli dhe Mona kanë marrë përsipër shpëtimin e vendit me doçkat  e tyre. Meta dhe Berisha duan ta nxjerrin vendin jashtë procesit demokratik. Janë në të drejtën e tyre të kërkojnë një Shqipëri të qeverisur ndryshe, por ata duan që në vend që Shqipëria të luftojë për të kapur trenin e 2025, të rrijë të sfilitet dhe të mendojë për makthin e ’97.

Ata janë në një hall të madh dhe duan që halli i tyre të kthehet në problemin e të gjithë Shqiptarëve. Merreni vesh si të doni por veshët aman mos na i çani më se ky vend kështu e paska pas taksiratin. Por jo, unë jo njëherë, sa të jem unë kryeministër. Sikur unë mos të besoja te Shqipëria dhe e drejta e fëmijëve tanë për të trashëguar një vend më të mirë asnjë sekondë nuk i jap”./abcnews.al

rama-kuvend-1280x665.jpg
ent ela12:15 | 13/06/2019

Një akt brutal, transgresiv, të papërgjegjeshëm dhe të patolerueshëm të Ilir Metës, e ka konsideruar kryeministri Edi Rama, dekretin e Presidentit Ilir Meta për shfuqizimin e datës së zgjedhjeve.

Në kohën kur Kuvendi sot duhet të kalonte një rezolutë konsensuale për çeljen e negociatavepër anëtarësim, Rama thotë se sot duhet të shpjegojmë shqiptarëve se çfarë kërkon më shumë Ilir Meta nga Shqipëria që pa mbushur ende 50 vjeç e ka bërë edhe Kryeministër, edhe kryetar Kuvendi edhe President Republike, janë falur shumë skandale dhe i është dhënë mundësia për të rilindur.

“Duhet të ishte Kuvendi i njëzëshëm i të gjitha forcave politke për të tërhequr vëmendjen e të gjitha shteteve anëtarë të BE. Duhej t’u drejtuar atyre shteteve për tu këkriaur njohjen e  meritës së Shqipërisë për çeljen e negociatave.

Fatkeqësisht ky kuvend sot është i detyruar të merret me një akt brutal transgresiv, të papërgjegjshëm, të patolerueshëm të Ilir Metës. E pyes veten çfarë kërkon më shumë Ilir Meta nga Shqipëria? Kujt i ka bërë Shqipëria më shumë ndere sesa këtij njeriu të cilit, pa mbushur ende 50 vjeç e ka bërë edhe Kryeministër, edhe kryetar Kuvendi edhe President Republike. Kujt më shumë se Metës i janë falur përçarjet, skandalet, hiletë dhe i është dhënë mundëisa të rilindë i burrëuar, i kthjelluar. Kujt përpara Ilir Metës mund t’ua lajë Shqipërëia detin me borxhe? Shqiptarëve lumin me borxhe që u kam?  Socialsitëve e zgjedhësve të mi t’u laj borxhin qe më kanë mbështetur e toleruar?.

Psenë për aktin e fundit të Metës, Rama e shpjegon me pakënqësinë dhe pangopësine e tij të pashërueshme.

“Psenë e rrëshqitjes së fundit të Metës? Se Iliri është mësuar keq, ta shqelmojë të mirën e tij të përqeshë Zotin e tij duke u bërë vend e pavend protagonist. Metës nuk i mjafton vendi që ka e maja ku ngjitet. Jo President të Republikës, po Mbret të gjithë shqiptarëve po ta shpallin shqiptarët, prapë ilir Meta nuk do ndjehej mirë. Nuk do të qëndronte drejt, nuk do ndalej së tunduari fatin e vet me pakënaqësinë e pashërueshme, me pangopësinë e pashpjegueshme”.

Sot jemi dëshmitarë të Presidentit të Republikës që do bashkohej me zjarrvënësin historik Sali Berishën  për të djegur e bërë lëmsh Shqipërinë. Për cilën arsye do merrte përsipër shkeljen më skandaloze të Kushtetutës përmes firmës së tij me firmën e tij për arsye që bëjnë trillues e qesharak.

Ka vetëm një arsye që i shpjegon të gjitha me dy fjalë; Ilir Meta. E gjitha përfshihet në këto dy fjalë por kjo punë që po bëjmë sot e kërkon që t’u shpjegohemi shqiptarëve se si e qysh erdhi puna deri në këtë pikë vlimi në kazanin e jetës në politike. Presidenti duke kapërcyer mbi kushtetutën dhe duke fluturar përtej kufirit të imagjinatës për të vrarë zgjedhjet përmes zgjedhjeve”.

/abcnews.al

spiropali-1280x712.jpg
ent ela11:45 | 13/06/2019

“Akti i Ilir Metës, atentat i pastër kushtetues, shkel parimet e demokracisë dhe cënon rëndë të drejtën e zgjedhjes së shtetasve”. Kështu u shpreh nga foltorja Ministrja e Shtetit për Marrëdhëniet me Parlamentin Elisa Spiropali lidhur me mocion debatin për dekretin e Presidentit Meta që shfuqizoi datën e zgjedhjeve.

“Janë mësuar të bëjnë me Kushtetutën, ligjin dhe me shqiptarët çfarë kanë dashur dhe si kanë dashur por jo më.

Në 30 qershor do përballen me murin e ligjit ku do thyejnë hundët. Ilir Meta shkeli parimin e unitetit kombëtar, shkeli parimin e sovranitetit të popullit. Me veprimin e tij Meta dëshmoi se mund të nxjerrë Presidentin nga kulla e LSI po jo ta shkulësh LSI-në nga zyrat më të larta të shtetit, shkeli parimin e sovranitetit.

U zgjati organeve tej organeve mandatin tej afatin kushteues dhe këto nuk mund ta ushtrojnë funksionin e tyre.

Presidneti synonn tëzgjidhë një pseudokrizë institucionale duke e ditur shumë dhe duke qenë ideator i kësaj përpjekje për mbijetesë të opozitës ekstra parlamentare. Si e shkel Presidenti të drejtën e 42 partive të regjistruara në zgjedhjeve.” /abcnews.al

 

METAAAAAAAAAAAAAAAAAAAAAAAAAAAAAA-933x445.jpg
Sej rie09:45 | 13/06/2019

E ndërsa Kuvendi do të mblidhet sot për të nisur proceduar për shkarkimin e Presidentit, vetë kreu i shtetit Ilir Meta ka njoftuar pasditen e sotme një konferencë për shtyp. Dalja në media do të bëhet nga zyra e Presidencës në orën 17:00, ndërkohë që në fokus pritet të që të jetë kriza politike.

“Të nderuar kolegë! Sot në ora 17:00, konferencë për shtyp në Presidencë. Ftohet media të jetë e pranishme, edhe me transmetim LIVE! Ju faleminderit për bashkëpunimin!”, thuhet në njoftimin për mediet./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono