meta

Presidenti-Meta-foto-mesazhi-675x450-11.jpg
eri Ida18:26 | 17/02/2020

Presidenti Ilir Meta ka përshëndetur Konferencën e Donatorëve në Burksel, për të ndihmuar Shqipërinë në rindërtimin pas tërmetit tragjik të 26 nëntorit.

Meta shpreh mirënjohje për vendet që kontribuan në ndihma për Shqipërinë.

“Përshëndes Konferencën e Donatorëve që po zhvillohet në Bruksel, në mbështetje të Shqipërisë, për kapërcimin e pasojave të tërmetit të nëntorit të vitit të kaluar, e njëkohësisht shpreh mirënjohjen e thellë për solidaritetin dhe kontributin e vendeve pjesëmarrëse dhe kontribuuese”, shkruan kreu i shtetit./abcnews.al

Screenshot_9-5.png
R D12:00 | 17/02/2020

Presidenti i vendit Ilir Meta reagoi ashpër ndaj mazhorancës e cila me 86 vota vendosi të ndryshojë ligjin për betimin e anëtarëve të Gjykatës Kushtetuese. Sipas ndryshimeve të fundit ligjore, Meta ka afat 10 ditë për të thirrur në ceremoninë e betimit, një anëtar të Gj. Kushtetuese, në të kundërt anëtari mund ta çojë betimin me shkrim.

Në një konference të jashtëzakonshme për shtyp, Meta tha se nuk ka për ta pranuar kurrë këtë ligji, ndërsa paralajmëroi se do të jetë personalisht në tryezën e Komisionit të Venecias për këtë çështje.  Sipas tij, kjo është tentativë për grusht shteti.

“Votimi i këtij ligji është veprim mafioz që Rilindja tenton të vendosë në kontroll politik Gj. Kushtetuese. Për këtë ligj, mazhoranca kishte ftuar dy muaj më parë Komisionin e Venecias, por e votoi pa pritur opinionin e Venecias. Kjo është fyerje për ambasadorët dhe për vetë Venecian”, tha Meta.

Deklarata e Presidentit:

Vetëm disa orë përpara se të zhvillonte takimin me delegacionin e Komisionit të Venecias në datën 12 shkurt, Parlamenti  voton në errësirë të plotë projektligjin për organizimin e Gjykatës Kushtetuese. Përmbajtja e këtij ligji dhunon në mënyrën më flagrante nenin 129 në Kushtetutës.

Votimi i këtij ligji është një tjetër atentat i rëndë i Kushtetutës.

Ky ligj synon vendosjen e këtij procesi nën kontrollin politik të Rilindjes. Duke dhënë mesazhin se çdo emërim në këtë gjykatë do të kalojë vetëm nëpërmjet testit të besnikërisë politike. Kjo nuk do të pranohet kurrë nga Presidenti. Është një fyerje shumë e rëndë që i bëhet institucioneve,  ambasadorëve dhe Komisionit të Venecias në veçanti.

Si President i kërkoj ndjesë Komisionit të Venecias që u keqpëdor në këtë mënyrë nga mazhoranca në funksiom të realizimit final të grushtit të shtetit.

Nuk do të pranoj instalimin e grushtit të shtetit përmes ndërrimit antikushtetues të shtetit në PPP. Konfirmoj se do të marr pjesë në seancën plenare të Komisionit të Vencias ku do ti njoh me fakte edhe më të rëndë të përpjekjes së realizimit të një grushti shtetit në këtë vend. /abcnews.al

ilir-metaaa.jpg
R D10:27 | 17/02/2020

Presidenti i vendit, Ilir Meta pritet të dalë në një konferencë për mediat sot në 11:30 që është cilësuar nga zyra e shtypit si ‘konferencë e jashtëzakonshme’.  Nuk dihet ende se për çfarë do të flasë Meta, por dihet se qendrimi i fundit i tij ka qenë kundër paketës anti-KÇK.

Në një status në facebook, të shtunën e javës që lamë pas ai shprehej: “Në shtetin e PPP (Polici Parti Propagandë) nuk ekzistojnë as direktivat e BE, as Marrëveshja e Stabilizim Asocimit, as Konventat Ndërkombëtare, se kriteret e Kopenhagenit nuk i kujton më njeri që kur u mbyll Ambasada daneze këtu.

Në shtetin e PPP (Polici Parti e Propagandë) ekziston vetëm grushti i shtetit dhe shpopullimi i vendit.

Me miratimin në pabesi të plotë të ligjit anti-kushtetues të KRYEKÇK-së një ditë para mbërritjes në Tiranë të Komisionit të Venecias, të thirrur nga vetë Kuvendi një-partiak, nuk kanë më vlerë as thirrjet “Ndiq paratë” se tashmë paratë, pronat, çdo pasuri dhe të drejtat e shqiptarëve do përqëndrohen në një grusht të vetëm, falë grushtit të shtetit që finalizohet me shndërrimin e Gjykatës Kushtetuese në Polici kushtetuese të shtetit të PPP”. /abcnews.al

ilir-meta-fb.jpg
eri Ida08:28 | 14/02/2020

Presidenti i Republikës Ilir Meta mëngjesin e kësaj të premte ka zgjedhur një mënyrë të veçantë për të uruar Shën Valentinin.

Përmes një postimi në facebook, presidenti uron gjithe shqiptaret per me shume dashuri.

Më shumë dashuri në zemrat e të gjithë shqiptarëve!”.

Bashkengjitur urimit ka zgjedhur nje foto te vecante me bashkeshorten e tij, Monika Kryemadhin, teksa kane pozuar te qeshur e te shpenguar ne nje lendine./abcnews.al

ilir-meta-konferenca-1.jpg
R D19:27 | 13/02/2020

Presidenti i vendit Ilir Meta theksoi edhe njëherë se ndryshimi i kufijve nuk është zgjidhje as për Kosovën e as për rajonin. Teksa mori pjesë në ceremoninë e organizuar nga ambasada e Kosovës me rastin e 12-vjetorit të Pavarësisë, ai u shpreh se Kosova është faktor stabiliteti në rajon dhe e tillë duhet të mbetet. Sipas tij ka ardhur koha që të zgjidhet problemi mes Serbisë dhe Kosovës ashtu siç u zgjidh problemi mes Greqisë dhe Maqedonisë së Veriut. “Në zemër të një marrëveshje të normalizimit duhet të jetë njohja e ndërsjelltë mes dy vendeve”, u shpreh ai.

Fjala e Metës:

“Kam 2-3 mesazhe. Në Ballkan, nga eksperienca ime 30 vjeçare s’ka popull të keq e popull të mirë, por politikë të mirë dhe vizionare dhe politike të keqe dhe vrastare. Kjo është e vlefshme për çdo vend.

Së dyti në Ballkan çdo popull dhe çdo komb është shumicë në një shtet dhe pakicë në një shtet tjeter, dhe zgjidhja kurrë s’mund të jetë ndryshimi i kufijve, por respektimi i njëjtë i të drejtave të çdo pakice në çdo vend. Shqipëria është shembull sa i takon respektimit të të drejtave të pakicave.

Ne pas kësaj ceremonie,  kemi një ngjarje tjetër po të rëndësishme, që është festa e Serbisë ku duhet të marrim pjesë. Unë dua tu them të gjithëve se pavarësisht paragjykimeve unë kam patur fatin të njoh një udhëheq të madh të Serbisë pro europian me vizion të qartë që ishte Zoran Gjingjic. Edhe pse ai nuk jeton më, ëndrra e shumë qytetarëve të Serbisë është për një Serbi europiane.

Ndaj dua të theksoj se nuk duhet të udhëqihemi nga paragjykimet. Duhet të ecim me frymën e re të bashkëpunimit dhe zgjidhjes së problemeve për të mos qenë peng i së shkuarës. Siç u zgjidh problemi mes Maqedonisë se Veriut dhe Greqisë duhet të zgjidhet tashmë problemi mes Kosovës dhe Serbisë. Për këtë dua të sjell në vemendje fjalën e Sekretarit Amerikan të Shtetit, Pompeo, i cili ka thënë se në zemër të një marrëveshje të normalizimit duhet të jetë njohja e ndërsjelltë mes dy vendeve./abcnews.al

8387d818-4919-4cb6-a84f-003214f4b216.jpg
R D19:38 | 12/02/2020

Parlamenti pas një seance të gjatë votoi mbrëmjen e sotme ndryshimet ligjore për mënyrën se si do të betohen anëtarët e Gjykatës Kushtetuese dhe Kryeprokurori. Nevoja për këto ligje, siç kanë shpjeguar socialistët, erdhi pasi Presidenti Meta nuk thirri për betim Arta Vorpsin, për pasojë ajo nuk u bë anëtare e Kushtetueses.

Në bazë të ndryshimeve ligjore që u bënë sot me votat e mazhorancës dhe disa vota të opozitës së re, Meta ka 10 ditë afat për të thirrur në ceremoni betimi një gjyqtar. Nëse nuk e bën atëherë gjyqtari e dërgon vetë betimin në Gj.Kushtetuese. Po kështu do të veprohet edhe për Kryeprokurorin.

Votimi sot në Kuvend:

Miratohet me 87 vota pro dhe 15 kundër projektligji “Për disa shtesa dhe ndryshime në ligjin nr. 96/2016 “Për statusin e gjyqtarëve dhe prokurorëve në Republikën e Shqipërisë” të ndryshuar.

Miratohet me 86 vota pro, 7 abstesnim dhe 13 kundër projektligji “Për disa shtesa dhe ndryshime në ligjin nr. 8577, datë 10.02.2000 “Për organizimin dhe funksionimin e Gjykatës Kushtetuese” të ndryshuar”. /abcnews.al

84973633_2799423883437200_2089953407178637312_o.jpg
R D20:33 | 11/02/2020

Në Tiranë u zhvilluan disa aktivitete për 100 vjetorin, ku Rama dhe Meta morën pjesë në aktivitete të ndryshme. Teksa Rama ishte në ceremoninë e zhvilluar nga Veliaj, Presidenti Meta ka qenë pjesë aktivitetit “Tirana- një shekull kryeqytet” të organizuar në ambientet e Teatrit Kombëtar, nga shoqata “Tirana Intellectum”, në bashkëpunim me shoqatën “Bashkësia Dibrane”.

Në ditëlindjen e 100 të kryeqytetit, Presidenti jep mesazh të qartë në mbrojtje të Teatrit Kombëtar, duke e cilësuar një pasuri kulturore të pazëvendësueshme.

Statusi i Metës:

Nga ambientet e Teatrit tonë Kombëtar, kësaj pasurie kulturore të pazëvendësueshme të jetës shpirtërore të kryeqytetit dhe mbarë kombit tonë, pata sot kënaqësinë dhe nderin t’ju uroj qytetarëve të Tiranës dhe mbarë shqiptarëve:

GËZUAR 100-VJETORIN E SHPALLJES SË TIRANËS, KRYEQYTET I SHQIPTARISË!

Në këtë përvjetor të shënuar, nga buqeta e spikatur e bijve dhe bijave të shquara të Tiranës, atdhetarëve dhe intelektualëve të saj të pashoq, vendosa të vlerësoj kryetarin e parë të Bashkisë, Ismail Ndroqin, rilindasin e shquar Said Sermedin Toptani, humanisten e njohur Hatixhe Skënderi, këngëtaren simbol të këngës tiranase Hafsa Zyberi, atdhetarin dhe mësuesin e shquar Ethem Tabaku, si dhe studiuesin e historianin e njohur, Gazmend Bakiu.

Tirana është modeli që udhëheq shqiptarët drejt demokracisë, shoqërive perëndimore dhe aleancës euroatlantike.

/abcnews.al

meta-kurti.jpg
eri Ida12:44 | 11/02/2020

Presidenti i Republikës Ilir Meta priti këtë të martë ka takuar Kryeministrin e Republikës së Kosovës Albin Kurti, ku ka teksuar se qeveria e re e Kosovës i ka të gjitha mundësitë të jetë një shembull pozitiv i mirëqeverisjes në rajonin tonë. Në këtë takim kreu i shtetit ka vlerësuar marrëdhëniet mes Shqipërisë dhe Kosovës që janë të shkëlqyera e vëllazërore.

“Bashkëpunimi midis dy vendeve konsiderohet strategjik, stabilizues për rajonin dhe orientues për perspektivën euroatlantike. Duhet të konkretizojmë Partneritetin Strategjik me Kosovën, duke e bërë atë një model dhe inkurajim për bashkëpunimin rajonal”,  tha Presidenti Meta.

Në këtë takim presidenti bën me dije presidenti Meta dhe Kryeministri Kurti diskutuan rreth intensifikimit të bashkëpunimit ndërmjet dy vendeve, proceseve integruese të të dy vendeve në BE, si dhe zhvillimeve në rajon.

Presidenti Meta tha se Shqipëria mbështet dialogun Kosovë-Serbi, për normalizimin e marrëdhënieve mes dy vendeve.

Në këtë kuadër, janë të mirëpritura dhe përpjekjet e SHBA-ve dhe BE-së, për rifillimin e dialogut mes Republikës së Kosovës dhe Republikës së Serbisë. Është e rëndësishme që të gjitha forcat politike të Kosovës të jenë të bashkuara rreth një platforme gjithëpërfshirëse në këtë proces”, tha Meta.

Presidenti Meta shprehu besimin e plotë se institucionet e Kosovës do të vijojnë të përfaqësojnë interesin më të mirë të Kosovës në dialogun me Serbinë.

Presidenti Meta inkurajoi gjithashtu bashkëpunimin e ngushtë me partnerët strategjikë, SHBA, Gjermaninë, Britaninë e Madhe dhe partnerët e tjerë, që kanë patur një rol vendimtar në pavarësinë e Kosovës./abcnews.al

deklarata-e1561035071910.jpg
eri Ida13:59 | 10/02/2020

Presidenti i Republikës Ilir Meta kiëtë të hënë ka bërë me dije se po ndjek nga afër të gjitha zhvillimet në Luginën e Preshevës e në mënyrë të veçantë zhvillimet politike lidhur me zgjedhjet e ardhshme në Serbi.

Kreu i shtetit shqiptar ka bërë thirrje që në vijimësi për zgjidhjen në mënyrë demokratike të të gjitha çështjeve që shqetësojnë popullsinë shqiptare të Luginës dhe të gjithë shqiptarët në Serbi. Në këtë kontekst, pjesëmarrja në zgjedhje, si ato të përgjithshme, ashtu dhe lokale, është me rëndësi madhore.

Ndër të tjera në reagimin e tij për mediat thuhet se presidenti Meta do të inkurajojë të gjitha forcat politike të Luginës së Preshevës dhe të gjithë popullsinë shqiptare kudo ku jeton në Serbi, të marrin pjesë në zgjedhje, të unifikojnë qëndrimet, në mënyrë që të maksimalizojnë rolin dhe kontributin e tyre në institucionet e ardhshme, si në nivel qëndror, ashtu edhe në nivel lokal.

Gjithashtu Meta shpreh bindjen se pjesëmarrja sa më masive e shqiptarëve në zgjedhjet e përgjithshme dhe ato vendore, bashkëpunimi i të gjithë subjekteve politike për rritjen e përfaqësimit të shqiptarëve, si dhe bashkëpunimi i tyre i ngushtë me faktorin ndërkombëtar do të garantojnë forcimin e zërit të popullsisë shqiptare në funksion të plotësimit të kërkesave dhe të drejtave të tyre legjitime në Serbi./abcnews.al

84436467_2794577000588555_5186981288405368832_n.jpg
eri Ida11:38 | 09/02/2020

Presidenti i Republikës, Ilir Meta është takuar me Drejtorin Ekzekutiv të Programit Botëror të Ushqimit, David Beasley dhe Drejtoren Ekzekutive të UNICEF, Henrietta H. Fiore.

Kreu i shtetit përmes një postimi në rrjetin social Facebook, ka publikuar një foto me dy zyrtarët e lartë ndërkombëtarë, me të cilët, thekson se ka diskutuar për programe për kujdesin e fëmijëve.

“Kënaqësi të takoja David Beasley, Drejtorin Ekzekutiv të Programit Botëror të Ushqimit dhe Henrietta H. Fiore, Drejtoren Ekzekutive të UNICEF-it, dhe të diskutonim për programe për kujdesin e fëmijëve në veçanti”, shkruan Meta./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono