meta

70891698_2487769471269311_4227514989235142656_n.jpg
ent ela08:40 | 16/09/2019

Presidenti i Republikës Ilir Meta ka uruar të gjithë nxënësit në nisje të vitit të ri shkollor. Përmes një postimi në facebook, kreu i shtetit shprehu bindjen se ky do jetë brezi i ditur që  që do t’ja ndriçojë edhe më shumë emrin Shqipërisë.

Ai u bëri thirrje të gjithë fëmijëve që kanë braktisur shkollën t’i rikthehen asaj, ndërsa shtoi se prioriteti kryesor i një shoqërie, që ka besim tek e ardhmja është vetëm duke investuar në dije dhe arsim tek gjenerata më e re, sepse ky është investimi më i sigurtë për të ardhmen europiane.

Mesazi i Presidentit Meta:

Të dashur vogëlushë që uleni sot për herë të parë në bankat e shkollës, ju u uroj me zemër shumë suksese dhe një vit të mbarë shkollor, në nisjen e rrugëtimin tuaj drejt dijes dhe ndërtimit të një të ardhmeje të ndritur, plot me ngjyra si ëndrrat tuaja!

Sot ju hidhni hapin më të madh e më të rëndësishëm, suksesi i të cilit, do ju ndihmojë të fitoni garat e tjera të jetës. Me mësuesit, si udhërrëfyes e bashkëudhëtarë, jam i bindur se do të jeni një brez i ditur që do t’ja ndriçojë edhe më shumë emrin Shqipërisë.

Uroj gjithashtu shumë suksese edhe për të gjithë nxënësit në këtë vit të ri shkollor, në përpjekjet e tyre për nxënien e dijeve të reja, aq të domosdoshme në përballimin e dallgëve të jetës.

Mirënjohjen më të thellë për të gjithë mësuesit, që me punë të palodhur, përkushtim e sakrifica arsimojnë denjësisht brezat e rinj. Përmbushje me sukses të misionit tuaj fisnik të edukimit!

Gjithashtu sot është dita për t’ju bërë një thirrje edhe të gjithë familjarëve dhe fëmijëve, të cilët me apo pa arsye kanë braktisur shkollën, t’i rikthehen asaj sa më parë.

Prioriteti kryesor i një shoqërie, që ka besim tek e ardhmja plot sfida, është vetëm duke investuar në dije dhe arsim tek gjenerata më e re. Ky është investimi më i sigurtë për të ardhmen tonë europiane.

Vetëm kështu ne mund të rrisim shpresën dhe besimin se do t’i kapërcejmë me sukses sfidat e së ardhmes, në radhë të parë në interesin e fëmijëve tanë, të cilët janë drita e syve, shpirti dhe zemra e çdo familjeje shqiptare, dhe e shoqërisë sonë. /abcnews.al

META-SINKRON.mpg_snapshot_00.13-1280x720.jpg
ent ela09:39 | 15/09/2019

“Të shpëtojmë demokracinë nga pengmarrja e një pakice të papërgjegjshme dhe jolegjitime!” Është ky apeli i fortë i Presidentit Ilir Meta në Ditën Ndërkombëtare të Demokracisë. Në një postim në  Facebook kreu i shtetit u bën thirrje të rinjve që të mos largohen nga Shqipëria dhe  u kërkon që të luftojnë për demokracinë dhe të ardhmen e tyre.

Sipas tij e vetmja mënyrë për të rrëzuar regjimin e oligarkëve është përballja.

Mesazhi i Presidentit Ilir Meta:

Të dashur miq, sot është Dita Ndërkombëtare e Demokracisë. Në themel të demokracisë qëndron vota, e drejta e çdo qytetari për t’u zgjedhur e për të zgjedhur, pluralizmi politik.

Demokraci do të thotë që çdo qytetar të vendosë për të ardhmen e vet. Që çdo qytetar të ketë besim te roli i vet në demokraci. Që çdo qytetar të ketë mundësi për të ndikuar mbi vendimmarrjen. Për ta detyruar atë të jetë transparente, nëpërmjet llogaridhënies në çdo nivel vendor dhe kombëtar.

Demokraci do të thotë që çdo qytetar të jetë i barabartë para ligjit. Fatkeqësisht shumë nga këto parime e vlera që janë kolonat dhe zemra e botës demokratike, janë përçudnuar në vendin tonë.

Zhgënjimi është i madh. Jo ndaj demokracisë që sollëm në dhjetor ’90, por ndaj formës së shëmtuar që ajo mori në 30 vite. Shpopullimi dramatik i Shqipërisë dhe humbja e shpresës, veçanërisht tek brezi i ri, është treguesi më i dhimbshëm dhe fatkeq. Shikoni ku jemi sot: të fundit në rajon para dyerve të BE-së. Dhe ende askush nuk mban përgjegjësi, përkundrazi. Ka edhe më shumë thellim në paligjshmëri.

Fenomeni i rrezikshëm i shtetit paralel të propagandës dhe PPP-ve, dhe axhendat e nëndheshme që kanë kapur për fyti Shqipërinë, nuk janë gjë tjetër veçse një komplot kundër demokracisë, çdo vlere e parimi të saj, kundër sovranitetit të të gjithë qytetarëve që duan një demokraci të vërtetë europiane dhe perëndimore.

Ndaj ne sot kemi një mision të përbashkët historik: Të shpëtojmë demokracinë nga pengmarrja e një pakice të papërgjegjshme dhe jolegjitime!

Koha nuk pret!

Kjo është beteja jonë! E njerëzve të lirë, të ndershëm dhe punëtorë, e rinisë sonë të mrekullueshme! E të gjithëve ne që e duam me shpirt dhe zemër Shqipërinë! Dhe unë jam më i vendosur se kurrë!

Për një Shqipëri demokratike, si gjithë Europa! Sepse liria, demokracia dhe dinjiteti njerëzor janë të panegociueshme!

Mbrojtja e demokracisë sot është një detyrë patriotike për t’i rikthyer besimin çdo qytetari dhe çdo të riu se e ardhmja më e mirë është vetëm këtu dhe kjo kërkon kontributin e secilit për ndryshim.

Zgjidhja nuk është largimi, por zgjimi dhe ndryshimi! Largimi u intereson atyre që duan të zbrazin Shqipërinë nga shqiptarët, ndaj prej kohësh kanë planifikuar vrasjen e ngadaltë të demokracisë dhe shtetit të së drejtës.

T’ua kthejmë Shqipërinë shqiptarëve dhe vetëm atyre! Sepse të rinjtë tanë mund të gjejnë çdo gjë jashtë që u mungon sot këtu, por kurrë nuk do të gjejnë Atdhe!

Regjimi i bllokmenëve ishte shumë herë më i vështirë se regjimi i oligarkëve për t’u përmbysur! Zgjidhja nuk është tërheqja dhe justifikimet foshnjore, por përballja me të keqen dhe ligësinë!

O SOT O KURRË!

/abcnews.al

LAJME-20-00001.mpg_snapshot_03.18-1280x720.jpg
ent ela21:22 | 12/09/2019

Zëvendëskryeministri Erjon Braçe i ftuar në studion e  Mbrëmjë në ABC News të Mirela Milorit ka folur për situatën politike në vend, seancën dëgjimore me presidentin Ilir Meta, shqetësimin e opozitës së re parlamentare dhe luftën kundër informalitetit.

I pyetur nëse ishte në dijeni qeveria që mund të digjej parlamenti gjatë protestës së opozitës në 8 qershor, Braçe deklaroi se nuk ka akses në informacione të klasifikuara.

Milori: Ka patur dijeni qeveria juaj që ekziston një informacion që mund të digjej parlamenti gjatë protestës?

Braçe: Nuk kam akses në informacione të klasifikuara dhe as jam interesuar ndonjëhërë për të pasur akses. Nuk ka lidhje kjo situatë me atë lloj dekreti. Pse merreni me një gjë që ka qenë evidente. Ju e keni transmetuar live tentativën për të djegur kryeministrinë, parlamentin, shkollat.

Sipas tij deklarata e presidentit Ilir Meta në seancën dëgjimore në komisionin hetimor parlamentar të ngritur për shkarkimin e tij, nuk ka të bëjë me zhdekretimin e datës së zgjedhjeve, pasi Shqipëria është republikë parlamentare dhe Kuvendi është sovrani.

“Nuk më intereson se çfarë ka thënë Presidenti, më intereson Kushtetuta e Republikës së Shqipërisë. Kushtetuta është shumë e ftohtë në këtë aspekt, në asnjë nen të kushtetutës Presidentit nuk i jepet e drejta të zhdekterojë. Për këtë është ngritur komisioni hetimor. Në rastet kur ka turbulenca të rendit publik, Kushtetuta orienton Presidentin t’i drejtohet Kuvendit dhe është kuvendi sovrani në këtë vend, se Shqipëria është republikë parlamentare dhe jo presidenciale. Kush refuzon të njohë pushtetin parlamentit është jashtë kornizës kushtetuese të Shqipërisë. Vendos parlamenti e askërkush tjetër”.

Shqetësimit të opozitës së parlamentare për një pakt të mundshëm Rama- Basha, zëvendëskryeministri i përgjigjet se ka vend për panik, pasi është ajo që vendos me votë në sallën e parlamentit.

“Secili prej tyre ka të drejtën e vetos dhe votës. Ka shumicë të cilësuar dhe secili prej tyre është faktor në sallën e parlamentit dhe nuk ka vend për panik dhe përdorje se janë ata njerëzit që vendosin me votë në sallë. Gjithçka e shoh si një shqetësim që mund të tejkalohet se kanë të drejtën e votës, që nuk e ka opozita televizive”. /abcnews.al

KRONIKE-META-PAS-VENECIAS-ABCM5T2.mpg_snapshot_00.58-1280x720.jpg
ent ela20:51 | 11/09/2019

Pas takimeve të Komisionit të Venecias, Presidenti i Republikës doli përpara mediave duke thënë se do të qëndrojë në zyrë deri në ditën e fundit të mandatit. Ilir Meta komentoi me skepticizën deklaratat e PS-PD për shanse për të hapur negociatat në 18 tetor, dhe shtoi se nëse kjo do të ndodhë, ai do të dekorojë Edi Ramën.

Pas takimit me delegacionin e Venecias që erdhi në Tiranë për të mbledhur të dhëna mbi shkarkimin e tij, Ilir Meta është i bindur se do të qëndrojë në zyrë deri në ditën e fundit të mandatit. SINK

Debatin politik në vend, dëshiron ta spostojë diku tjetër.

Vetë distancohet nga sjelljet qeveritare.

Jo pak i habitur është Ilir Meta nga deklarimet optimiste jo vetëm të Ramës, por edhe të Bashës për hapjen e negociatave.

Kreu i shtetit nuk i kursen ironitë, kur thotë se në 30 qershor fituan të gjithë.

Dhe në këtë proces, është gati t’i japë Edi Ramës  gjithçka ka në dorë.

Sfida presidenciale ngel e hapur, deri në 18 tetor kur Kësghilli Evropian do të japë verdiktin e tij për çeljen e negociatave me Shqipërinë. /ABC news Albania 24/7

meta1-1280x690.jpg
ent ela18:24 | 11/09/2019

I pyetur nga media në konferencën për shtyp, nëse Meta i druhet shkarkimit, Ppresidenti u përgjigj i vendosur se do të qëndrojë në këtë detyrë deri më 24 korrik 2022.

“Kjo është një pyetje që u shkon atyre që kanë frikë nga votimet  e lira demokratike, nga dorëheqjet dhe situata të tilla. Meta ka thënë ca gjëra shumë qartë në kohë të vazhdueshme dhe mënyrë të qëndrueshme. Do punojmë shumë fort bashkë deri në 24 korrik 2022. Gjithë ky kuadrat i Presidencës është vetëm Shqipëri dhe kuqezi deri në atë datë dhe deri në atë moment që do largohem nga kjo detyrë dhe nuk ka asnjë shans e mundësi që Meta të dalë para 24 korrikut 2022 nga ky institucion, se është betuar që do mbrojë kushtetutën, demokracinë dhe të ardhmen evropiane të Shqipërisë në interes të popullit shqiptar”.

Më shumë si detyrë postin e Presidentit, Meta e sheh si një mison historik në mbrojtje të interesave të vendit e rajonit.

“Meta është këtu për një motiv historik për mbrojtje të interesave. Këtë punë do ta bëj jo si punë, po si mision historik të padiskutueshëm”. /abcnews.al

meta-1280x632.jpg
ent ela18:03 | 11/09/2019

Presidenti i Republikës Ilir Meta në një konferencë që ka zgjatur për më shumë se 90 minuta, ka folur lidhur me takimin që ka pasur në Tiranë me delegacionin e Venecias. Ai tha se për vendimin e anulimit të 30 qershorit është bazuar vetëm në Kushtetutë, teksa theksoi edhe njëherë se informacionin për djegien e parlamentit e ka pasur të saktë. Gjatë konferencës Meta tha se më e rëndësishme se 11 tetori, është data 18 tetor kur do të vendoset për hapjen e negociatave të Shqipërisë me BE.

Presidenti i Republikës Ilir Meta tha se nuk ka shkelur Kushtetutën me vendimin e tij për të anuluar zgjedhjet e 30 Qershorit.

Në një konferencë për shtyp pas takimit me përfaqësuesit e Komisionit të Venecias, Meta tha se se bashkëpunimi i Presidentit të Republikës me Komisionin e Venecias do të jetë i shkëlqyer dhe transparent, ndërsa i ftoi të gjithë që të merren më shumë me 18 tetorin sesa me 11 tetorin.

“Dua të falënderoj Kuvendin e Shqipërisë për këtë respekt dhe besim të madh që tregon ndaj Komisionit të Venecias dhe t’ju bëj të ditur edhe juve dhe gjithë opinionit publik se bashkëpunimi i Presidentit të Republikës me Komisionin e Venecias do të jetë i shkëlqyer dhe transparent. Në respekt të punës që ata kanë nisur dhe do duhet të bëjnë deri më 11 tetor, ju kemi dhënë një raport paraprak lidhur me disa pyetje që Kuvendi i Shqipërisë u ka drejtuar lidhur me cilësitë e Presidentit të Republikës, i cili është i qartë dhe analitik dhe i shoqëruar me dokument. 11 Tetori është një datë jo e rëndësishme për Shqipërinë, sepse qytetarët e dinë se Presidenti nuk ka bërë asnjë shkelje të Kushtetutës. Kuptohet që çdo përpjekje për të sajuar një datë si fokus propagande, për fat të keq është një lëvizje dëshpëruese për të shmangur datën më të rëndësishme që kemi përpara, që është 18 Tetori. I ftoj të merren me 11 Tetorin, por të merren aq sa duhet. Të merren të gjithë më 18 Tetorin, se çdo bëhet me 18 Tetorin edhe me shqiptarët”. /abcnews.al

MBULIM-META-MESAZHI.mpg_snapshot_00.22-1280x720.jpg
ent ela11:29 | 07/09/2019

Presidenti Ilir Meta, përmes një video nga mitingu i vitit 2008, kur drejtonte LSI-së, i ka përcjellë një mesazh politikës se nuk do të lejojë asnjë kompromis që cënon Kushtetutën e vendit. Kreu i Shtetit risjellë në vëmendje momentin kur ai kundërshtonte marrëveshjen e 21 prillit mes ish-kryeministrit Sali Berisha dhe kreut të PS, Edi Rama, nga e cila ndryshoi thellësisht Kushtetuta e Shqipërisë.

Reagimi i fundit i Metës vjen në një kohë kur faktori ndërkombëtarë ka bërë thirrje të vazhdueshme  që qeveria dhe opozita të ulen në dialog për të zgjidhur krizën politike në vend dhe të nisin nga puna për reformën zgjedhore.

Mesazhi i Presidentit për të mos lejuar cënimin e Kushtetutës nënkupton se ai nuk do të pranojë një marrëveshje të re politike mes Ramës dhe Bashës, që cënon sërish Kushtetutën si në vitin 2008.  Ndërkohë, përtej krizës politike, mazhoranca ka ngritur një Komision Hetimor për shkarkimin e Presidentit. Kreu i Shtetit ka konfimuar se do të jetë i pranishëm para këtij Komisioni në seancën dëgjimore që është planifikuar të zhvillohet të paraditen e së hënës. /ABC News Albania 24/7

Nene-Tereza.jpg
ent ela09:20 | 05/09/2019

Sot mbushen 22 vjet nga vdekja e humanistes së madhe shqiptare nënë Tereza dhe 3 vjet nga shenjtërimi i saj. Në këtë përvjetor, kanë reaguar zyrtarët më të lartë shtetërore.

Në një postim në facebook, presidenti Ilir Meta shkruan se me madhështinë e thjeshtësisë së saj, Shën Nënë Tereza është frymëzimi që na nxit çdo ditë për të bërë gjëra të vogla me dashuri të madhe.

Ndërkaq, kryetari i Kuvendit Gramoz Ruçi bën thirrje që të ndriçohemi nga dashuria e tolerance dhe të mos errësohemi nga mëritë dhe urrejtja. “Më 5 shtator- shprehet Ruçi –  shënohet ikja e nën Terezës, por rikthimi i saj si shenjtore”.

Kryetari i Partisë Demokratike Lulzim Basha në mesazhin e tij shkruan se sot është një ditë reflektimi për ditët dhe kohët e vështira që janë ulur këmbëkryq në mijëra vatra familjare shqiptare.

“Bekimi i Zotit dhe Shën Nënë Terezës qoftë me ne, për të na e lehtësuar rrugën për t’u shërbyer sa më mirë bashkqytetarëve tanë dhe për një të ardhme më të mirë për kombin tone”, e përfundon mesazhin Basha./ABC News Albania 24/7

meta-5.jpg
ent ela12:09 | 04/09/2019

Një ditë pas komisioni i posaçëm hetimor thirrjen e presidentit Ilir Meta në një seancë dëgjimore para anëtarëve të tij, kreu i shtetit ka konfirmuar se do të marrë pjesë.

“Së pari, Presidentit si Kryetar i Shtetit, i takon të jetë shembull i bashkëpunimit institucional. Dhe besoj se në këto dy vite kam bërë gjithçka për vendosur këtë bashkëpunim, në respekt të plotë të Kushtetutës, shtetit ligjor dhe interesit publik”, shkruan në facebook, presidenti.

“Mezi pres të kthehem te Parlamenti”, e përfundon Meta postimin e tij. /ABC News Albania 24/7

meta-5.jpg
ent ela13:21 | 03/09/2019

Presidenti i Republikës, Ilir Meta ka reaguar lidhur me nisjen e punës së Komisionit Hetimor për shkarkimin e tij nga detyra e kreut të shtetit. Sipas Metës, propaganda anti-President nuk ndihmon sundimin e ligjit që është kusht për çeljen e negociatave në 18 tetor nga Bashkimi Europian për vendin tonë.

Presidenti  e sheh vendimin e maxhorancës për të rrëzuar dekretet e tij por edhe për të vijuar punën me shkarkimin nga detyra si mënyrë për të spostuar vëmendjen nga detyrimi për respektimin e dekretit në fuqi të 13 tetorit për zgjedhje gjithëpërfshirëse vendore. Meta i ka kujtuar shumicës se kjo sjellje nuk ndihmon për zgjidhjen e krizës, por ndihmon përshkallëzimin e saj. Rikujtesa e kreut të shtetit për shumicën ishte e njëjt : Zgjedhjet janë e vetmja zgjidhje! /ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono