mesazh

19624476-7565573-The_mobile_numbers_of_those_affected_were_found_on_two_seized_ph-m-22_1570881596081-1.jpg
ent ela14:12 | 13/10/2019

Policia britanike u ka dërguar mesazh 2 mijë personave që blinin kokainë nga një bandë shqiptare, me qëllim për t’u ofruar atyre mbështetje për abuzimin e drogës.

Numrat e klientëve u zbuluan në dy celularë, që u sekuestruan nga një rrjet shqiptar që merrej me shpërndarjen e kokainës.

Mediat britanike raportojnë se në tekstin që policia u ka dërguar klientëve të bandës shqiptare, u ofrohej mbështetje për t’u rehabilituar nga droga.

Në mesazhin e dërguar nga policia, ishte edhe një link që ofronte këshillim dhe mbështetje për përdoruesit e substancave narkotike, ku mediat britanike raportojnë se është klikuar 1852 herë.

12 shqiptarë u kapën me 1.2 kg kokainë, me vlerë deri në 144 mijë paund, dokumente false dhe 20 mijë paund.

Drejtuesit e kësaj bande, Bledar Ponari 28 vjeç dhe Fjoralb Fera 21 vjeç, u arrestuan disa muaj më parë, ndërsa mësohet se ata kishin tetë korrierë që shpërndanin drogë përmes celularit.

Dedektivi Konstable Lee Johnson, që udhëhoqi hetimin 8-mujor tha se përdoruesit e drogës nuk janë të vetëdijshëm se po ushqejnë krimin e dhunshëm dhe skllavërinë. /abcnews.al

tusk-per-johnson-1280x716.jpg
nev ila18:38 | 03/10/2019

Presidenti i Këshillit Europian, Donald Tusk deklaroi të enjten se Bashkimi Europian mbështet tërësisht qëndrimin e Irlandës në lidhje me largimin e Britanisë nga blloku.

Tusk tha se Brukseli mbetet i hapur për më shumë bisedime me Londrën, por shtoi se nuk ka mbetur i bindur nga propozimet e fundit të Boris Xhonson.

“Sot pata dy telefonata, një me Dublinin dhe një me Londrën. Mesazhi im për kryeministrin irlandez ishte se e mbështesim plotësisht. Ndërsa ai për kryeministrin Xhonson se, jemi të hapur për bisedime, por skeptikë për propozimet”, shkroi Tusk në profilin e tij në rrjetin social Twitter./ABC News Albania 24/7

ilir-meta-3.jpg
nev ila09:23 | 23/09/2019

Presidenti Ilir Meta ka zgjedhur sot të japë një mesazh qetësimi për gjithë shqiptarët e përfshirë nga paniku pas tërmeteve që ranë këtë fundjavë.

Mirëmëngjes të dashur miq,
Me rëndësi është t’i kthehemi jetës së përditshme dhe qetësisë në familjet tona!

Ju uroj një javë të mbarë!”, shkruan kreu i shtetit./abcnews.al

1550810260-mYfnm.jpg
nev ila16:04 | 16/09/2019

Në Beograd është zhvilluara parade e homoseksualëve kryesisht për mbrojtjen e të drejtave të këtij komuniteti. Kryeministrja serbe Ana Brnabic, një homoseksuale e deklaruar, bëri apel për paqe dhe tolerancë.

Parada gay në Serbi. E nisin më këngët e Dua Lipës. Është hera e gjashtë që organizohet protesta për të drejtat e këtij komuniteti.  Qindra aktivist nga i tërë rajoni janë mbledhur për të kërkuar më shumë të drejta. Parulla dashurie duan të çojnë dhe të drejta për të gjithë. Shqiptarët janë vellëzërit tanë shkruhet në këtë pankartë.

Një mesazh për paqe dhe dashuri e solli edhe kryeministrja serbe, Ana Brnabic, e cila është e deklaruar si pjesë e komunitetit. Ajo tha se po bëhet gjithënjë më e lehtë, por ka ende punë për të bërë. Bashkë me partneren e saj, një mjeke nga kryeqyteti serb, ajo u paraqit në mbështetje të kësaj parade.

 “Kjo është e rëndësishme për Serbinë, pasi jepet mesazh për paqe dhe tolerancë,  dhe kjo është dicka që duhet ta kultivojmë edhe më shumë.”

Kështu dukej vite më parë kjo paradë: përleshje pafund me huliganët me qindra të arrestuar e të plagosur. Tani aktivistët nga Serbia pretendojnë se do të jenë organizatorë të paradës evropiane pas dy vitesh për të dëshmuar arritjen e të drejtave të njeriut.

Ata që e kundërshtojnë tani paradën janë vetëm një numër i vogël njerëzish, kryesisht konservatorë që këndojnë këngë patriotike dhe kishtare për të mbrojtur familjen. Të dyja palët u përballen, por vazhduan në drejtimet e tyre.

Në këtë paradë kanë qenë edhe dhjetëra shqiptarë nga Shqipëria dhe Kosova që kanë qëndruar në Serbi prej disa ditësh.

Dy prej tyre, thonë se mbështetja për tërë rajonin tregon progres për të gjithë. Ajo që ngelet shqetësuese për ta është se diskriminimi vazhdon pavarësisht ligjeve progresiste që sjellin qeveritë.

Qeveria serbë u premtoi se do të punohet për mbështetjen e tyre. Kryeministrja serbe tha se gjithçka një ditë do të jetë normale.

E gjithë ngjarja përfundoi me performanca të ndryshme përfshirë edhe shqiptarët që kësaj radhe nuk e patën problem të paraqiten me muzikë shqip dhe morën mbështetje./ABC News Albania 24/7

giuseppe-conte-1280x853.jpg
nev ila23:30 | 02/09/2019

Kryeministri i Italisë, Xhuzepe Konte i ka dërguar një mesazh Lëvizjes 5 Yje, duke i kërkuar që ta pranojë bashkëpunimin me demokratët, si një mundësi unike për të ndryshuar Italinë.

Por në një reagim, kryetari i 5 Yjeve, Luixhi Di Maio është përgjigjur se partia anti-sistem do të vendosë duke u bazuar në idetë e saj.

Kryeministri i Italisë, Xhuzepe Konte i bëri sërish thirrje të hënën anëtarëve të partisë anti-sistem Lëvizja 5 Yjet që të mbështesë koalicionin e ri me Partinë Demokratike.

Në apelin e tij, Konte tha se qeveria e planifikuar mund të transformojë Italinë. Konte ka mbajtur një seri bisedimesh si me 5 Yjet ashtu dhe me liderët e PD në përpjekje për të bashkuar dy subjektet në një administratë të re, pas rrëzimit të qeverisë së kaluar të përbërë nga 5 Yjet dhe Liga e Veriut.

Anëtarë të 5 Yjeve do të mbajnë një seri takimesh ditën e martë mbi platformën e tyre qeverisëse dhe për të diskutuar nëse grupi parlamentar do të bashkojë forcat me demokratët, deri dje armiqtë e tyre tradicionalë.

Duke konstatuar pasigurinë, Konte postoi një video në Facebook ku tha se koalicioni i propozuar do t’i bëjë mirë Italisë.

“I kuptoj dyshimet tuaja, por kemi një mundësi unike për të treguar se mund ta reformojmë vendin dhe të bëjmë gjëra të jashtëzakonshme”, deklaroi Konte.

Menjëherë pasi foli ai, lideri i 5 Yjeve Luixhi Di Maio përdori gjithashtu Facebook-un për të shpërndarë një mesazh, por refuzoi t’u sugjeronte anëtarëve të grupit të tij se si të votonin.

“Këtu nuk ka të bëjë vota e drejtë apo e gabuar. Këtu kanë të bëjnë idetë dhe idetë e bashkuara do të udhëheqin lëvizjen tonë”, tha Di Maio.

Ai u shpreh i bindur se Lëvizja 5 Yjet do të dalë fituese nga ky proces.

Sipas një sondazhi të televizionit “La Sete”, 51 për qind e elektoratit të 5 Yjeve mbështesin lidhjen me PD, ndërsa nga demokratët rreth 69 për qind mbështesin gjithashtu bashkëpunimin me 5 Yjet./ABC News Albania 24/7

ilir-meta-pushimet-1280x657.jpg
nev ila16:05 | 31/08/2019

Një nga aktorët kryesorë, i impenjuar publikisht për zgjidhjen e krizës politike është kreu i shtetit Ilir Meta. Gushti ka qenë muaji ku presidenti ka ndërthurur mesazhet politike drejtuar palëve, me promovimin e bukurive të Shqipërisë.

U nis me pushime me celular të ndezur me shpresën se do ta telefononin drejtuesi i mazhorancës dhe ai i opozitës për ti dhënë lajmin se një marrëveshje kanë ndër mend. Por kjo nuk ndodhi.

E kryetari i shtetit vazhdoi udhëtimin e tij që kish nisur drejt maleve, me vete kishte edhe familjen.

Duket se kush marrë përsipër të promovonte pikat turistike e njëherësh të jepte mesazhe. Kështu bëri ndërsa përfundoi terapinë me ujë bore.

“Pas një terapie me ujë bore, më lindi një pyetje që dua ta ndaj me ju, dhe që u drejtohet atyre të cilët bëjnë si të paanshëm, pasi kanë shkëlqyer me njëanshmërinë e tyre, duke ia kaluar dhe Kryeministrit tonë, i cili në fund të fundit përfaqëson një anë politike: Pse nuk keni sy për të parë apo veshë për të dëgjuar zgjidhjen e krizës që ka dhënë një institucion që ekziston, por ia kërkoni zgjidhjen një institucioni që nuk ekziston, falë edhe paanësisë tuaj tepër të vonuar?
Kaq të domosdoshëm e keni dështimin e çeljes së negociatave për vendin tonë në 18 tetor?”

Që zgjedhjet janë e vetmja zgjidhje presidenti Ilir Meta i përsëriti edhe në ditët në vijim por përsëri nuk mori asnjë reagim.

Pas kësaj zgjodhi të përqendrohet më së shumti në promovimin e turizmit.

Nga ngjitja në ujëvarën e Bjeshkëve të Prevallës, në lartësinë 1850 m.

Në kredhjet në Liqenin e Jazhincës, një monument i rrallë natyror 2180 metra mbi nivelin e detit.

Pa harruar të shijojë boronicat në Bjeshkët e Sharrit. E kështu kaluan dy javë pushime të presidentit me familjen në Prevallë.

Një ftesë pune nuk mundi ta shmangë.  Në “Festën Tradicionale të Vjeljes së Rrushit – Hardh Fest 2019🍇” në Rahovec, u bë bashkë me Presidentin e Kosovës, Hashim Thaçi dhe Kryeministrin Ramush Haradinaj.

Tashmë duket se e ka harruar presidenti krizën politike për të cilën është angazhuar në Tiranë, vazhdon të shijojë peizazhet malorë midis Bizës dhe Martaneshit të cilët e bëjnë edhe të reflektojë.

Në këtë udhëtim mes këtyre bukurive magjepsëse pata kënaqësinë të takoja dhe disa nga blegtorët, të cilët punojnë mes shumë vështirësive dhe nuk dorëzohen, me bindjen se një ditë do të bëhet më mirë dhe për ta, do të ketë më shumë vëmendje dhe mbështetje, që këto vende të bekuara të mos braktisen.
Ndoshta për këtë ndihmojnë dhe objektet e kultit dhe besimit që ekzistojnë në këtë zonë, që njerëzit t’u qëndrojnë me kurajo disa vështirësive dhe pengesave që nuk i meritojnë
”.

Nga mali në plazhin e Gjirit të Lalzit.

E përsëri rikthim në mal në sfidën e fundit për këtë sezon pushimesh, ngjitjen në malin e Korabit.

Në 2751 m lartësi, maja më e lartë jo vetëm e Shqipërisë por edhe e Ballkanit presidenti Ilir Meta ka lënë në këmbët e tij refrenin e zgjedhjeve të 13 tetorit.

Tashmë i duket se prek qiellin me dorë dhe thotë se  kjo e frymëzon që të kalojë me sukses çdo pengesë që e pret në zbritje, aty ku ka gjithçka ka mbetur siç e ka lënë kur u nis./ABC News Albania 24/7

meta-5.jpg
nev ila09:29 | 12/08/2019

Presidenti i republikës, Ilir Meta e ka nisur ditën me një shënim në rrjetet sociale duke përsëritur apelin e fortë për palët politike në vend. Meta u ka kujtuar palëve politike se ka kaluar 1 vit, që nga koha kur u bën të njohura konkluzionet e Këshillit për Çështjet e Përgjithshme, mbi negociatat e anëtarësimit të Shqipërisë me Bashkimin Europian.

Sipas presidentit, jo vetëm që u shpërdorua një vit pa bashkëpunim, përqëndrim e përgjegjësi, por gjithçka u përkeqësua vetëm në interes të luftës për pushtet.

Meta thekson se “duhet shfrytëzuar urgjent gatishmëria e drejtuesve të OSBE-së për të ndihmuar në tejkalimin e kësaj krize duke e pranuar këtë gatishmëri tani, me qëllim që jo vetëm të realizohen zgjedhjet vendore në 13 tetor 2019, por edhe të arrihet marrëveshja për refomën zgjedhore sa më parë, në mënyrë që vendi ynë të ketë mundësi të çelë negociatat në 18 tetor 2019”.

Të dashur miq! 
Po ju rikujtoj qëndrimin tim publik në 27 qershor 2018, një ditë pasi ishin bërë të njohura konkluzionet e Këshillit për Çështjet e Përgjithshme mbi negociatat e anëtarësimit të Shqipërisë me Bashkimin Europian!

Jo vetëm që u shpërdorua një vit pa bashkëpunim, përqëndrim e përgjegjësi, por gjithçka u përkeqësua vetëm në interes të luftës për pushtet.

Ndërkohë kanë kaluar më shumë se dy muaj nga dita kur u dhashë mundësi të dy palëve për të realizuar zgjedhje vendore gjithëpërfshirëse.

Ende kemi mundësi t’i shfrytëzojmë këto ditë, për të realizuar zgjedhje në 13 tetor 2019, si një detyrim, jo vetëm ligjor, por edhe si domosdoshmëri për të mos i mbajtur zero shanset që Shqipëria t’i çelë negociatat për anëtarësim me BE në 18 tetor 2019.

Askush të mos lodhet të gjejë justifikime dhe alibi nëse nuk reflekton. Çdo gjë mund të lobohet në BE, por jo injorimi i kritereve të Kopenhagenit. Zgjedhjet e lira e të ndershme janë pjesë e tyre dhe të paevitueshme.

Ndaj duhet shfrytëzuar urgjent gatishmëria e drejtuesve të OSBE-së për të ndihmuar në tejkalimin e kësaj krize duke e pranuar këtë gatishmëri tani, me qëllim që jo vetëm të realizohen zgjedhjet vendore në 13 tetor 2019, por edhe të arrihet marrëveshja për refomën zgjedhore sa më parë, në mënyrë që vendi ynë të ketë mundësi të çelë negociatat në 18 tetor 2019.🇦🇱🇪🇺

– 27 qershor 2018 – 
Ashtu siç kaloi një ditë, do kalojë dhe një vit

Konkluzionet e djeshme të Këshillit për Çështjet e Përgjithshme mbi negociatat e anëtarësimit të Shqipërisë me Bashkimin Evropian duhen mirëpritur me realizëm dhe përgjegjshmëri.

Ne të gjithë duhet ta vlerësojmë dhe çmojmë vullnetin pozitiv me të cilin si Komisioni Evropian ashtu edhe të gjitha vendet anëtare, e mirëpresin procesin e integrimit të Shqipërisë dhe gjithë rajonit në BE.

Kjo qasje duhet të na nxisë për një lexim të drejtë dhe realist të sfidave serioze që kemi përpara, veçanërisht në fushën e sundimit të ligjit.

Një vit kalon shpejt, ashtu si nga dje kaloi një ditë.

Provimi ynë i qershorit të ardhshëm do të jetë shumë i vështirë e kërkues pasi edhe vetë Bashkimi Europian do të ketë provimin e tij zgjedhor në të njëjtën kohë.

Ndaj, i ftoj të gjithë për përqendrim, përgjegjësi dhe bashkëpunim“, shkruan Presidenti./abcnews.al

putin-putin.jpg
nev ila18:04 | 05/08/2019

Pak ditë pas tërheqjes zyrtare të Amerikës nga traktati bërthamor i Luftës së Ftohtë, mes Rusisë dhe Shteteve të Bashkuara kanë filluar fërkimet. Presidenti rus Putin ka paralajmëruar se Moska është gati të zhvillojë raketa të reja nëse Uashingtoni ndërmerr një hap të tillë.

Presidenti rus Vladimir Putin paralajmëroi të hënën se Moska do të detyrohet të prodhojë raketa të reja bërthamore nëse Shtetet e Bashkuara e bëjnë një gjë të tillë. Bëhet fjalë për raketat me rreze të mesme veprimi dhe me bazë tokësore, që ndaloheshin në kuadër të traktatit të Luftës së Ftohtë, nga i cili Amerika u tërhoq të premten e kaluar.

Pas mbledhjes së këshillit të tij të sigurisë, Putin urdhëroi ministritë e Mbrojtjes dhe të Jashtme, si dhe shërbimin sekret SVR që të monitorojnë nga afër lëvizjet e palës amerikane në këtë aspekt.

“Dhe nëse Rusia merr informacion të besueshëm që Shtetet e Bashkuara kanë përfunduar së zhvilluari këto lloj sistemesh raketore, atëherë ajo nuk do të ketë rrugë tjetër veçse të angazhohet në një përpjekje analoge”, deklaroi Putin.

Shtetet e Bashkuara e braktisën traktatin me argumentin se Moska e kishte shkelur atë dhe kishte vendosur të paktën një model raketash të ndaluara në gjendje gatishmërie, akuzë kjo që është hedhur poshtë nga Kremlinit.

Në vijim të fjalimit të tij, Putin tha se është e domosdoshme që Shtetet e Bashkuara dhe Rusia të rifillojnë bisedimet për kontrollin e armëve, në mënyrë për të parandaluar atë që e quajti një “garë të shfrenuar armatimi”.

“Në mënyrë që të shmanget kaosi, ne duhet sa më parë të peshojmë pasojat e rrezikshme të tij dhe të nisim një dialog serioz, të çliruar nga çdo ambiguitet”, shtoi Putin./ABC News Albania 24/7

meta.jpg
nev ila09:45 | 31/07/2019

Presidenti Ilir Meta ka nisur ditën e sotme me një mesazh për politikën shqiptare, duke theksuar se Shqipëria ka nevojë për zgjidhje tani, pasi në Shtator do të jetë shumë vonë.

Shqipëria është tejet e lodhur me marrëveshjet e vonuara, shkruan presidenti duke theksuar se kjo ka ardhur si rezultat i politikanëve të papërgjegjshëm e të llastuar, të cilët kanë minuar stabilitetin e Shqipërisë.

Meta thekson se Shqipëria ka nevojë për zgjidhje tani pasi në shtator do të jetë tepër vonë.
Të mos kalojmë në KundërKohë!

Ky është pikërisht momenti kur koha nuk punon më për ty dhe ti fillon e gënjen veten se do gjesh një rrugë justifikimi për dështimin tënd të sigurt.
U ndodh shpesh fëmijëve kur kanë përpara provimin e një lënde që nuk i tërheq fare. Nuk e zënë me dorë librin për një kohë të gjatë dhe vazhdojnë e luajnë duke gënjyer veten se kanë ende kohë para provimit.
Por vjen një moment, kur koha nuk punon më për ty dhe kalon në KundërKohë.

Atëherë fillon e mendon si të justifikosh dështimin tënd në provimin që ti s’mësove kur duhej. 
Kuptohet, zakonisht prindërve u thuhet se fajin e kishte Zysha, se ishte e keqe dhe e padrejtë.
Por fëmijëve u falen sjellje të tilla dhe ato u kthehen në mësim për të ardhmen.

Ndërsa politikanëve jo!

Për më tepër të një vendi që ka shpërdoruar kaq shumë kohë dhe mundësi në tre dekadat e fundit. Të një vendi që në vitet 2000, 2001 ishte gati me të njëjtin ritëm integrues si Kroacia dhe shumë para Serbisë e Malit të Zi. 
Se ku ështē Kroacia, dihet prej vitesh, por edhe Serbia dhe Mali i Zi gjithashtu. Po kështu edhe sakrifikimi i çeljes së negociatave për Maqedoninë e Veriut nuk mund të jetë, as zgjidhje, dhe as shpëtimi i fytyrës tonë që nuk duam t’i plotësojmë detyrimet që i dinë të gjithë.

Populli ynë nuk e meriton të mbetet i fundit në rajon, për shkak të liderëve të tij të llastuar!

Kemi dhe fare pak kohë për të mos kaluar në KundërKohë!

Nuk na mjaftoi që ishim në KundërKohë me gjithë qytetërimin Perëndimor për 45 vite?

Duhet hequr dorë urgjentisht nga kokëfortësia për të ecur në dy rrugë përjashtuese, jodemokratike dhe joeuropiane, që s’kanë pikë takimi, jo vetëm me njëra-tjetrën, por që të dyja e nxjerrin vendin për një kohë të pacaktuar nga rruga europiane e sigurt dhe e dëshiruar nga të gjithë shqiptarët.

Duhet Lidership dhe Lidershipi jep zgjidhje në interes të të gjithë vendit!

Në mënyrë që 18 tetori të jetë një ditë e gëzueshme për mbarë shqiptarët dhe rikthimi, jo vetëm të shpresës e sigurisë për të ardhmen, por në radhë të parë të të rinjve tanë.

Shqipëria ka nevojë për zgjidhje! 
Tani! 
Në shtator do jetë shumë vonë!

Aq më tepër pas 18 tetorit të sakrifikuar për mungesë përgjegjësie ndaj vendit.

Shqipëria është lodhur me marrëveshje tejet të vonuara, që sakrifikojnë të ardhmen e saj, për të shpëtuar karrierat e politikanëve të papërgjegjshëm, në emër të gjoja stabilitetit që ata e minojnë çdo ditë me sjelljet dhe mosveprimet e tyre.

SHQIPËRIA E PARA!🇦🇱
Me vepra, jo fjalime!”, shkruan presidenti Meta./abcnews.al

67088548_1272105472913864_8495705260088623104_n.jpg
Sej rie12:20 | 23/07/2019

Ish-kryeministri i Kosovës Ramush Haradinaj ndodhet në Hagë, ku do të merret në pyetje në Dhomat e Posaçme. Haradinaj pritet të merret sot në pyetje, ndërsa në një portim në “Facebook”,  ka dhënë një mesazh ku shprehet këmbëngulës se taksa ndaj Serbisë nuk duhet të hiqet pa njohjen e Kosovës si shtet.

Postimi i plotë i Haradinajt:

Luftëtarët e lirisë gjithmonë ishin të rreshtuar me të drejtën!

Sot, si Ramush Haradinaj, qytetar i Republikës së Kosovës, i përgjigjem ftesës për intervistim nga Dhomat e Posaçme në Hagë. Tërësisht në të drejtën e Kosovës, i palëkundur për vendimet e mia jetësore dhe i patrazuar e ballëlartë.

Kosova ka ecur përpara në rrugëtimin euro-atlantik dhe është më e fortë se kurrë, në rreshtin e paqes dhe miqësi të përhershme me ShBA-në. Kosova është e gatshme të dialogojë me Serbinë deri në arritjen e një marrëveshjeje finale ligjërisht obliguese, përfshi njohjen reciproke në kufijtë ekzistues. Por, tregun e japim vetëm për njohje.

Me nder kam mbrojtur të drejtën tonë, dje, sot dhe do ta mbrojë gjithmonë!


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono