mesazh kosoves

70853Bashkimi.jpg
ent ela22:51 | 16/04/2018

Një grup prej 29 eurodeputetësh, përmes një letre dërguar presidentit Thaçi dhe kryeministrit Haradinaj kanë kërkuar që autoritetet në Kosovë të veprojnë sipas ligjit kur bëhet fjalë për ekstradimin e shtetasve të huaj. Ligjvënësit europianë i janë referuar deportimit të 6 shtetasve turq, veprim ky që sipas tyre është bërë në shkelje të të gjitha procedurave ligjore në fuqi. Në letër nënvizohet se anulimi i lejeve të qëndrimit të 6 personave pa ndjekur procedurat dhe largimi i tyre nga vendi pa një proces gjyqësor përbën shkelje të ligjit. Nisur nga paralajmërimi i presidentit turk Erdogan, se nga Kosova do të ketë ekstradime të tjera, anëtarët e PE i kanë bërë thirrje autoriteteve në Prishtinë që të veprojnë në përputhje me standardet europiane. “Duke qenë se Kosova synon anëtarësimin në BE, atëherë ajo duhet të veprojë në përputhje me parimet europiane dhe sundimi i ligjit është një parim thelbësor”, thuhet në letër. Në të thuhet më tej se, procedurat arbitrare për arrestimin, burgimin, apo ekstradimin e personave të caktuar përbëjnë shkelje të këtyre parimeve. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono