mes tyre

policia-4.jpg
ad min17:45 | 19/07/2019

Drejtoria Rajonale e Shërbimit për Çështjet e Brendshme dhe Ankesat (SHÇBA) në bashkëpunim me Prokurorinë e Rrethit Elbasan, në vijim të procedimit penal të filluar për ekspozimin e arsenalit të armëve në qytetin e Elbasanit, ka bërë sot ekzekutimin e vendimeve të Gjykatës së Rrethit Gjyqësor Elbasan për “Pezullim të ushtrimit të detyrës” për 4 punonjës policie ne nivel drejtues.

SHÇBA Elbasan ekzekutoi vendimin e Gjykates se Elbasanit vendosi masat e sigurisë “Pezullim i ushtrimit të detyrës, në mungesë”, si persona të dyshuar për veprat penale të parashikuar nga nenet 248 dhe 259/a/3 të Kodit Penal për ta.

Vendimet janë:

– Gjykata ka vendosur “Pezullim i ushtrimit të detyrës” për Kryekomisar B.S., 50 vjeç, me detyrë Shef i Komisariatit të Policisë Cërrik, si person i dyshuar për veprën penale “Shpërdorim i detyrës” dhe “Zbulimi i akteve ose të dhënave sekrete”;

– Gjykata ka vendosur “Pezullim i ushtrimit të detyrës” për Komisar A.XH., 45 vjeç, me detyrë Shef i Krimeve në Komisariatin e Policisë Cërrik, si person i dyshuar për veprën penale “Shpërdorim i detyrës” dhe “Zbulimi i akteve ose të dhënave sekrete”;

– Gjykata ka vendosur “Pezullim i ushtrimit të detyrës” për Nënkomisar E.GJ., 41 vjeç, me detyrë Specialist për Hetimin e Krimeve në Komisariatin e Policisë Elbasan, si person i dyshuar për veprën penale “Shpërdorim i detyrës” dhe “Zbulimi i akteve ose të dhënave sekrete”;

– Gjykata ka vendosur “Pezullim i ushtrimit të detyrës” për Nënkomisar E.H., 40 vjeç, me detyrë Specialist për Hetimin e Krimeve në Komisariatin e Policisë Elbasan, si person i dyshuar për veprën penale “Shpërdorim i detyrës” dhe “Zbulimi i akteve ose të dhënave sekrete”.

sh-1280x613.jpg
ent ela21:00 | 20/06/2019

Në kohën kur kryeministri Edi Rama po mbante takimin elektoral në Vaun e Dejës, protesta-marshim, e paralajmëruar nga simpatizantët e PD-së në Shkodër, është mbajtur mes tensionesh.

Protestuesit kanë tentuar të çajnë kordonin e policisë për të arritur në sheshin ku do të mbante Kryeministri Rama mitingun e radhës, pas atij ne Vaun e Dejës.

Por policia u është përgjigjur me gaz lotsjellës.

Turma është shpërndarë dhe më pas është afruar serish duke gjuajtur me gurë dhe mjete të tjera rrethanore efektivet e policisë.

Mësohet se nëndrejtori i Policisë Shkodër, një burrë dhe një fëmijë kanë mbetur të lënduar nga gazi lotsjellës ndërsa një grua ka humbur ndjenjat.

Protesta e simpatizantëve të opozitës ka vijuar deri rreth orës 21.00, kur Kryeministri Edi Rama ishte larguar nga qyteti i Shkodrës.

Vendi ku u organizua marshim-protesta e simpatizantëve të PD-së është pranë zonës ku u zhvillua takimi elektoral i Kryeministrit Edi Rama. Qëllimi i protestuesve ishte pikërisht pengimi i mitingut të Partisë Socialiste.

Protesta është udhehequr nga kryetarja e bashkisë Voltana Ademi, e cila theksoi se, me anulimin e zgjedhjeve nga Presidenti Meta mitingu i PS ishte i paligjshëm./ABC News Albania 24/7

komandoja-qipro.jpg
nev ila21:52 | 28/04/2019

Autoritetet qipriotë kanë arrestuar një ish-oficer ushtrie i cili dyshohet se ka vrarë 7 gra midis tyre edhe dy vajza të mitura 6 dhe 8 vjeç. 35 vjeçari ka rrëfyer para gjykatës se i ka krye ai vrasjet dhe se trupat e pajetë të grave i ka futur në valixhe dhe i ka hedhur në liqen. Ish-komando ka vrarë gra filipinase pasi ka një komunitet të tille në Qipro.

“Kam kryer 7 vrasje. Aq janë, nuk janë më shumë”, këto kanë qenë fjala e një personi të dyshuar për vrasjen e 7 grave kryesisht filipinase që jetonin në Qipro.

Gjykata e Nikozias ka vendosur masën e sigurisë “arrest me burg”. Autoritetet Qipriote dyshojnë se mes viktimave janë edhe dy vajza të mitura të moshave 6 dhe 8 vjeçe. Mediat vendase shkruajnë se, 35-vjeçari ka dalë i qetë përpara gjykatësve, duke pranuar fajin.

Ndërsa ajo që ka habitur gjykatën është së i dyshuari është një ish-oficer i ushtrisë, dhe ka pranuar paraburgimin.

Autoritete ligj-zbatuese të Qipros e kanë përshkruar ngjarjen si më të tmerrshme, duke e cilësuar si në kufijtë e horrorit. Krimi i makabër për të cilën dyshohet se e ka kryer ish-oficeri i ushtrisë greko-Qipriote  ka bërë që asnjë avokat të mos e marrë përsipër të mbrojë të dyshuarin, së paku deri tani.

Përpara gjykatës dhe organit të akuzës 35-vjeçari ka treguar vetë se ka kryer 7 vrasje.  Ish-komandoja ka pranuar se pasi i vriste viktimat i fuste në valixhe dhe i hidhte në liqen.

Ish-oficeri i ushtrisë u ka rrëfyer grupit të hetimit se kishte futur edhe tre trupa të tjerë në valixhe dhe i kishte hedhur në Liqenin e Kuq. Një valixhe me trupin e pajetë të një gruaje, ka dalë së fundmi nga fundi i një liqeni, raportojnë zyrtarët qipriot.

Ky mendohet të jetë trupi i katërt i pajetë në serinë e viktimave që ka prodhuar ish-oficeri i ushtrisë greko-qipriote. Trupi ndërkohë po i nënshtrohet ekzaminimit pasi ishte në fazë të avancuar të dekompozimit.

Rasti i parë që çoi në zbardhjen e vrasjeve makabër ishte gjetja e trupit të 38 vjeçares, nga Filipinet. Trupi i saj u gjet në një pus pranë liqenit, Mitsero 32 km në perëndim të kryeqytetit Nikosia.

Kundër ish-komandos rëndojnë një sërë akuzash, për 7 vrasje të kryera me paramendim. Procesi ndaj tij u mbajt me kushte të forta të sigurisë.

Qindra e mijëra qytetarë kanë protestuar për rastin e rëndë. Ndërkaq, për ngjarjen reaguan edhe politikanë të lartë të vendit, duke e dënuar me forcë atë që ka ndodhur./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono