Mertens

Mertes-1280x853.jpg
Veronik Istrefaj14:22 | 16/10/2019

Napoli mund të humbasë shërbimet e një prej lojtarëve më të mirë në ekip, Dries Mertens. Sulmuesi belg është në vitet e tij të fundit të karrierës, por ende po i jep shumë futbollit italian dhe ekipit të Napolit. Megjithatë, oferta që drejtuesit napolitanë kanë marrë gjatë kësaj jave është me të vërtetë tunduese.

Corriere dello Sport raporton se plot 17 milionë euro janë ofruar për shërbimet e 32-vjeçarit, një ofertë më se e kënaqshme për drejtuesit e Napolit. Kontrata aktuale e Mertens skadon në fund të sezonit dhe të dyja palët, nuk kanë negociuar ende për rinovimin e saj.

Mertens ka luajtur 290 ndeshje për të kaltrit në të gjitha kompeticionet, duke shënuar 114 gola dhe duke asistuar 68 herë. Disa javë më parë, Mertens parakaloi Maradonën në listën e golashënuesve më të mirë të Napolit në Serie A, duke kaluar kuotën e 82 golave./abcnews.al

napoli-champ.jpg
nev ila20:55 | 28/04/2019

Napoli është thuajse i kualifikuar për në Champions sezonin e ardhshëm, pas fitores arritur në fushën e Frozinones në Serinë A. Skuadra e trajnerit Karlo Ançeloti triumfoi 2-0, dhe u ngjit në kuotën e 70 pikëve, shumë larg vendit të katërt.

Autorët e golave për napolitanët ishin Mertens në pjesën e parë, dhe Junes pas pushimit. Me rrjetën e shënuar në minutën e 19-të, Mertens arriti në kuotën e 81 golave në Serinë A për Napolin, duke u barazuar me një legjendë si Diego Armando Maradona.

Mbrojtësi i kombëtares shqiptare, Elseid Hysaj, këtë herë nuk luajti asnjë minutë, duke u mbajtur në stol nga trajneri Ançeloti, ndërsa e ardhmja e tij tek Napoli mbetet e paqartë. Shkodrani ka oferta nga klube të tjera në Itali dhe në Angli, dhe pritet të bëjë zgjedhjen e tij në verë./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono