Merkel

14938728-7154083-image-a-56_1560864891055.jpg
Sej rie17:00 | 18/06/2019

Britanikja Deili Meil ka publikuar pamje shqetësuese për sa I përket gjendjes shëndetësore të kancelares gjermane Angela Merkel. Vetë Merkel ka qetësuar gazetarët duke thënë se ishte vetëm pak  e dehidratuar

Kancelarja gjermane Angela Merkel përgënjeshtroi shqetësimet rreth gjendjes së saj shëndetësore pasi u filmua duke u dridhur në një ceremoni zyrtare. Merkel tha se çdo gjë ishte për faj të dehidratimit.

Ajo u pa e paqëndrueshme dhe duke e dridhur teksa qëndronte në diell në mesditë në Berlin në pritjen që iu bë presidentit të Ukrainës Volodimir Zelenski, i cili u prit me nderime ushtarake.

Trupi i Merkel po dridhej teksa ajo shtrëngonte buzët që të mos jepte veten teksa qëndronte pranë Zelenskit, ndërsa banda ushtarake luante himnet kombëtare jashtë ndërtesës së kancelarisë.

Menjëherë pas përfundimit të himnit ajo dukej më mirë duke ecur me shpejtësi drejt ndërtesës, madje ndaloi të përshëndeste bandën ushtarake

E pyetur nga gazetarët për gjendjen e saj shëndetësore rreth 90 minuta më vonë ajo buzëqeshi duke thënë se ndërkohë kishte pirë shumë ujë, gjë për të cilën kishte shumë nevojë. Ajo shtoi se ishte shumë mirë.

Merkel, e cila mbush 65 vjeç muajin e ardhshëm, buzëqeshi dhe ndaj batutës së presidentit ukrainas i cili tha se ndodhej aty për ta shpëtuar nëse do të kishte qenë nevoja. Nuk dihet nëse Merkel e cila drejton Gjermaninë që nga viti 2005 ka ndonjë problem shëndetësor, pasi ligjet në vend rreth privatësisë janë shumë të rrepta. Merkel shpesh cilësohet si një nga liderët më me influencë në Bashkimin Evropian dhe një nga gratë më të fuqishme në botë. Ajo ka deklaruar se do të largohet nga politika në përfundim të mandatit të saj në vitin 2021./ABC News Albania 24/7

merkel-zaev-1280x707.jpg
Sej rie11:00 | 13/06/2019

Maqedonia e Veriut ka marrë garanci nga Gjermania se në shtator do të marrë dritën jeshile për hapjen e negociatave të anëtarësimit. Në një takim me kryeministrin Zaev, kancelarja Angela Merkel ka deklaruar se vendi ka realizuar reforma të rëndësishme që i mundësojnë nisjen e bisedimeve.

Premtime se Bundestagu në shtator do të jep dritë jeshile për fillimin e negociatave të Maqedonisë së Veriut me BE-në dhe urime për rezultatet e arritura të Qeverisë. Këto janë mesazhet që Kryeministri Zoran Zaev, sipas delegacionit të Maqedonisë së Veriut, sot i ka marrë nga kancelarja gjermane Angela Merkel në takimin e Berlinit.

Nga Qeveria e Maqedonisë thonë se janë të kënaqur me atë që kanë dëgjuar nga Kancelarja Merkel në këtë takim. Në komunikatën zyrtare të Qeverisë thuhet se shtatori mbetet muaji kur Bundestagu do të debatojë dhe me siguri, do ta miratojë fillimin e negociatave.

“Kryeministri Zaev në takim ka theksuar se Republika e Maqedonisë së Veriut ka besim të plotë në kancelaren gjermane Merkel dhe përkrah politikën e saj për procesin e zgjerimit të BE-së, si dhe politikën e saj ndaj Ballkanit Perëndimor”, bëri me dije qeveria e RMV-së.

Konfirmimi për këtë paralajmërim paraprakisht kishte arritur edhe nga Deputeti i CDU-së në Bundestagun gjerman Johan Vadefull i cili në një deklaratë për Frankfurter Allgemajne Cajtung ka theksuar se në shtator do të miratohet fillimi i negociatave.

Komunikatë ka lëshuar edhe Kabineti i kancelares gjermane Merkel, por në të nuk ka asnjë fjalë për perspektivat evropiane të vendit. Për këtë takim njoftohet përvec marrëdhënieve dypalëshe është biseduar edhe për cështje evropiane dhe të jashtme politike./ABC News Albania 24/7

merkel-haradinaj-780x439.jpg
ent ela22:00 | 04/06/2019

Kancelarja gjermane Angela Merkel do të presë më 6 qershor në Berlin, në një takim kokë më kokë, kryeministrin e Kosovës, Ramush Haradinaj. Sipas një njoftimi për shtyp të publikuar nga zyra e kancelares, në takim do të bisedohet për marrëdhëniet mes Gjermanisë dhe Kosovës, por edhe për ato mes Kosovës dhe Serbisë. Takimi i 6 qershorit vjen pak kohë pas samitit të Berlinit, organizuar nga kancelarja Merkel dhe presidenti francez Makron me praninë e liderëve të Ballkanit. Në përfundim të tij, Merkel i bëri ftesë Haradinajt që në fillim të qershorit të vizitojë sërish kryeqytetin gjerman për një takim me të. /ABC News Albania 24/7

Gutting_Olav_SVS4065_20x30_002-1280x853.jpg
Sej rie12:50 | 31/05/2019

Përmes një deklarate për shtyp, deputeti i CDU, Olav Gutting ka shprehur respekt për progresin e Shqipërisë, duke deklaruar njëkohësisht se vendo ka ende shumë rrugë për të bërë. “Problemet e brendshme janë shqetësuese, por ne duhet të jemi të kujdesshëm kur këshillojmë Shqipërinë, për shembull sa i përket datës së zgjedhjeve” – shkruan Gutting. Sipas tij politikanët atje mund vetëm të thonë se dalja nga parlamenti dhe hedhja e bombave molotov nuk janë opsion dhe nuk përputhet me vlerat evropiane. Ndasitë politike duhet të zgjidhen përmes dialogut dhe debatit parlamentar – vijon Gutting, i cili vijon me përshëndetjen e progresit që Shqipëria ka bërë dhe njohjen e këtij përparimi nga raporti i Komisionit Europian. Në përfundim të deklaratës, Gutting pranon se rrugëtimi i Shqipërisë në këtë proces duhet shqyrtuar nga këndvështrimi i tyre për t’u analizuar më vonë, por kjo – përfundon deputeti i partisë së Merkel – duhet të ndodhë në dialog./ABC News Albania 24/7

1-45-1280x853.jpg
Sej rie23:00 | 22/05/2019

Zhbllokimi i dialogut mes Kosovës e Serbisë, heqja ose pezullimi i taksës 100% ndaj produkteve serbe e boshnjake, si dhe çështja e liberalizimit të vizave për kosovarët pritet të jenë disa nga temat të cilat do të diskutohen në takimin e kryeministrit të Kosovës Ramush Haradinaj me kancelaren gjermane Angela Merkel, në Berlin  më 6 qershor . Mediat në Kosovë raportojnë se zyra e kryeministrit Ramush Haradinaj konfirmoi se kreu i ekzekutivit në këtë takim do ta kërkojë mbështetjen e Gjermanisë në procesin e liberalizimit të vizave, si dhe për dialogun mes Kosovës e Serbisë. Kryeministri Haradinaj në fillim të qershorit do të udhëtojë për në Berlin në një vizitë dyditore. Me ftesë të kreut të Bundestagut gjerman ai do të marrë pjesë në ‘Lutjet e mëngjesit’./ABC News Albania 24/7

merkel-haradinaj-780x439.jpg
ent ela12:45 | 22/05/2019

Kryeministri i Kosovës Ramush Haradinaj do të takohet në 6 qershor në Berlin me kancelaren gjermane Angxhela Merkel. Tema kryesore e takimit do të jetë liberalizimi i vizave dhe zhbllokimi i dialogut me Serbinë.

Zhbllokimi i dialogut mes Kosovës e Serbisë, heqja ose pezullimi i taksës 100% ndaj produkteve serbe e boshnjake, si dhe çështja e liberalizimit të vizave për kosovarët pritet të jenë disa nga temat të cilat do të diskutohen në takimin e kryeministrit të Kosovës Ramush Haradinaj me kancelaren gjermane Angela Merkel, i cili do të mbahet më 6 qershor të këtij viti.

Mediat në Kosovë raportojnë se zyra e kryeministrit Ramush Haradinaj konfirmoi se kreu i ekzekutivit në këtë takim do ta kërkojë mbështetjen e Gjermanisë në procesin e liberalizimit të vizave, si dhe për dialogun mes Kosovës e Serbisë.

Kryeministri Haradinaj në fillim të qershorit do të udhëtojë për në Berlin në një vizitë dyditore. Me ftesë të kreut të Bundestagut gjerman ai do të marrë pjesë në ‘Lutjet e mëngjesit’. Më pas do të vijojnë takimet me deputetë të Bundestagut. Tashmë dihet se kërkesat e Kryeministrit Haradinaj janë mbështetja e Gjermanisë në procesin e liberalizimit të vizave, për dialogun dhe për fuqizimin e marrëdhënieve bilaterale”, thuhet në deklaratën për mediat të Kryeministrisë. /ABC News Albania 24/7

merkel-2.jpg
ent ela23:35 | 15/05/2019

Në një intervistë për një të përditshme gjermane, kancelarja Angela Merkel ka rrëfyer të fshehtat e marrëdhënies së saj me Emanuel Makron. Merkel ka deklaruar se shpesh herë me presidentin francez kanë debate të forta, por në fund gjejnë gjuhën e përbashkët për të çuar përpara projektin europian, të vënë në provë nga avancimi i euro-skeptikëve.

Të njohur për afrimitetin mes tyre, Angela Merkel dhe Emanuel Makron kanë herë pas here edhe fërkime. Prapaskenat e marrëdhënies mes dy liderëve më të fuqishëm të Europës i ka rrëfyer kancelarja gjermane, e cila megjithatë ka nënvizuar se pavarësisht dallimeve ajo dhe presidenti francez e gjejnë gjuhën e përbashkët. “Sigurisht që kemi debate të forta. Mentalitetet tona ndryshojnë në disa aspekte dhe në disa të tjera rolet tona i shohim ndryshe. Por e arrijmë gjithmonë një kompromis”, ka deklaruar Merkel në një intervistë për një gazetë gjermane. Gruaja e hekurt e Europës ka nënvizuar se sikurse ajo, edhe Makron po lufton për një objektiv të përbashkët, reformimin e Eurozonës. “Në këtë mënyrë kemi arritur dhe vazhdojmë të arrijmë shumë objektiva për projektin europian”, ka thënë Merkel, që megjithatë ka shtuar se i ka kundërshtuar disa ide të kreut të pallatit Elize që ekspozonin Gjermaninë ndaj rrezikut. Sa u takon zgjedhjeve euro-parlamentare që mbahen këtë muaj, kancelarja ka shprehur shqetësimin për avancimin e euro-skeptikëve, por është shprehur optimiste sa i takon së ardhmes europiane. “Kjo do të thotë se e ndjej edhe më të fortë detyrën për t’u bashkuar me të tjerët, për të bërë që Europa të ketë një të ardhme”, ka vijuar Merkel. Në janar, Merkel dhe Makron nënshkruan një traktat të ri për të ripërtërirë atë të pasluftës të vitit 1963, por analistët druhen se ata do ta kenë të vështirë të udhëheqin një Union që tashmë është bërë me 28 vende anëtare, shpesh herë interesat e të cilave janë përplasur. /ABC News Albania 24/7

BISEDE-NE-STUDIO-ORA-20.mpg_snapshot_27.31-1280x720.jpg
ent ela22:18 | 02/05/2019

Ministrja për parlamentin Elisa Spiropali e pranishme në samitin e Berlinit ka folur në studion e Mbrëmje në ABC News për takimin e kryeministrit Rama me kancelaren gjermane, Angela Merkel, e cila sipas saj ka dhënë mbështetje për hapjen e negociatave.

“Takimi me Merkel ishte i hapur, i sinqertë e prodokutiv. Dy takime zhvilloi merkel me Ramën e Zaev. Qartazi Shqipëria dhe Maqedonia e Veriut kanë vëmendje nga Gjermania. Në momentin që ne jemi zhvillohen zgjedhjet evropiane dhe ndjeshmëritë janë të shtuara, kërkojnë një maturi të plotë dhe kancelaria nuk mund të shprehej paraprakisht para raportit të KE apo Bundestagut gjerman, por vullneti i saj është i plotë dhe takimi ishte produktiv”.

E pyetur nëse në takimin e Ramës me kancelarin gjermane u fol për situatën në Shqipëri, Spiropali tha se liderët si Merkel nuk negociojnë me shantazhues.

“Jo nuk u fol, se ishte e qartë Merkel për situatën në Shqipëri dhe liderët si Merkel nuk negociojnë me shantazhues, që duan të marrin peng sistemin”.

Për Spiropalin PD dhe LSI po lobojnë kundër hapjes së negociatave të Shqipërisë për të përfituar elektoralisht.

“E them me përgjegjësi të plotë se opozita ka punuar intensivisht kundër interesit të Shqipërisë. Mendja e tyre e ngushtë përkthehet se dështimi i Shqipërisë është dështimi i Ramës, është dështimi i qeverisë. Nuk ka ende asnjë metër që të masë atë që ke ne mëndje e zemër. Ata ngrejnë pyetje a e duan këta njerëz vendin e tyre”?

Sipas saj përpjekjet për destabilim janë forca kundër interesit kombëtar.

“Opozita mendon që interesi elektoral nuk përputhet me atë kombëtar se duke dëmtuar Shqipërinë do përfitojë vetë elektoralisht”, ndërsa apeloi për kthim te politika kombëtare në inters të vendit”.

Gjatë bisedës me Merkel është folur edhe për situatën në Ballkan dhe bashkëpunimin rajonal, por jo për  korrigjim kufijsh.

“Takimi i fokusuar te bashkëpunimi rajonal dhe Kosovë-Serbi. U diskutua për nevojën e një zgjidhjeje”.

Ka patur bisedë për shkëmbim territoresh?

“Nuk është folur për korrigjim kufijsh. Janë idetë e mediave, por nuk ka ansjë draft konkret me të cilat mund të dialogohet. Serbia duhët të repsektojë të drejtën e Kosovës për t’u njohur. Taksa që iu vu Serbisë ishte klithmë për të ndalur këtë”. /abcnews.al

ISH-MINISTRI-BRITANIK-RMV.mpg_snapshot_00.03-1280x720.jpg
ent ela17:54 | 02/05/2019

Ish ministri i Britanisë për Evropën, Denis Mekshejn, në një shkrim të publikuar në gazetën “Globalist” pyet: Përse Merkel dhe Makron i mbyllin dyert e Bashkimit Evropian për evropianët midis detit Egje dhe atij Adriatik? Pengimi i vendeve të Ballkanit Perëndimor të stabilizohen, si vende të varfëra, por normale evropiane, është qëllimi kryesor i politikës së jashtme të Kremlinit, thekson Mekshejn.

Ballkani Perëndimor ka probleme me korrupsionin dhe krimin, por këto vende nuk janë më të këqijia se vendet tjera të Ballkanit të cilat tanimë janë anëtare të BE-së, as se Italia ose Spanja. Të pritet këto vende të bëhen Suedia ose Zvicra është politikisht joserioze, shkruan ish-ministri britanik për Evropën, Denis Mekshejn, i njohur si mik i mirë i Maqedonisë gjatë kohës së qeverisjes së kryeministrit Toni Bler në Londër. Ai për gazetën “Globalist” shton se Emanuel Makron dhe Angela Merkel nuk duhet të lejojnë që politika e tyre të jetë e diktuar nga islamofobët si Marin Lë Pen ose partia AefDe në Gjermani.

Në Berlin këtyre ditëve liderët e dy vendeve udhëheqëse të Bashkimit Evropian, Franca dhe Gjermania, deklaruan se ambiciet e vendeve të Ballkanit Perëndimor për anëtarësim në BE do të refuzohen në 5 deri 10 vitet e ardhshme , gjë që sipas Mekshejn është “ politikë shkurtpamëse dhe e marrë”.

“Me mohimin e të ardhmes evropiane për gjashtë vendet e  vogla evropiane të lokalizuara midis detit Egje dhe atij Adriatik, Makron dhe Merkel në fakt e vënë veten në duart e Vlladimir Putinit. Maqedonia, ose tani Maqedonia e Veriut bëri përpjekje heroike t’a zgjidhë problemin me Greqinë. Shqipëria gjithashtu, në mënyrë stabile ec përpara e udhëhequr nga kryeministri Edi Rama”.

Njëzet vite pasi demokratët evropianë vepruan që t’a ndalojnë gjakderdhjen dhe spastrimin etnik në Kosovë, edhe Prishtina është e dënuar, dhe arsyeja kryesore për këtë është fakti se Serbia nuk mund t’a pranojë se Kosova tani është shtet i pavarur, njësoj si Irlanda në vitin 1920.

Qëllimi kryesor i politikës së jashtme të Moskës është ta pengojë Ballkanin Perëndimor të stabilizohet, vendet të bëhen shtete normale evropiane, kurse Rusia gjithmonë ndërhynte që t’a ndalojë marrëveshjen midis Maqedonisë dhe Greqisë.

Presidenti Makron para dy vitesh shfaqte  vizionin se “ BE duhet të jetë i hapur për Ballkanin”, por tani e ndryshoi politikën për 180 shkallë, shkruan Mekshejn në analizën voluminoze  për politikën evropiane ndaj këtij rajoni dhe për konferencën e përbashkët të liderëve të Gjermanisë dhe Francës këtë javë në Berlin. /ABC News Albania 24/7

 

hashim-thaci-1.jpg
G. P.12:59 | 01/05/2019

Presidenti i Kosovës, Hashim Thaçi, tha se Serbia, pavarësisht qasjes armiqësore ndaj Kosovës, ka ecur e papenguar në rrugën e saj drejt integrimeve evropiane. Gjatë një konference për shtyp, Thaçi kërkoi nga Kuvendi miratimin e një rezolute për gjenocidin serb në Kosovë.

Ndonëse Serbia ka sjellje armiqësore dhe antievropiane nuk është penguar fare në rrugën e saj drejt integrimit evropian ka thënë presidenti i Kosovës Hashim Thaçi. Ndërsa Kosova po mbetet e izoluar për shkak të bllokadave të cilat sipas tij po i bëhen nga 5 vendet e BE-së që nuk e kanë njohur pavarësinë e saj.

Ai ka thënë se marrëdhëniet e Kosovës me Serbinë janë vazhdimisht të acaruara. Thaçi në një konferencë për mediat ka folur edhe për rrëfimin e Vasfije Krasniqit në Kongresin amerikan për dhunën seksuale që ka përjetuar ajo gjatë luftës në Kosovë.

Ka kërkuar nga Kuvendi që të nxjerrë një rezolutë për gjenocidin dhe krimet e kryera nga Serbia ndaj shqiptarëve në Kosovë. Sipas tij asnjë krim i kryer nga Serbia nuk duhet heshtur.

“Edhe pas 20 vitesh askush nga urdhërrendësit apo ekzekutorët e këtyre masakrave dhe veprimeve genocidale në Kosovë nuk doli para drejtësisë vendore apo ndërkombëtare”, tha ai.

Pas dy dekadash e mbijetuara e dhunës seksuale gjatë luftës në Kosovë, Vasfije Krasniqi-Goodman ka raportuar dje para Kongresit amerikan për përjetimet e saj të tmerrshme të asaj kohe./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono