merkato

Torreira.jpg
Veronik Istrefaj22:14 | 13/11/2019

Mesfushori i Arsenalit, Lucas Torreira, nuk po kalon një moment të mirë. Marrëdhëniet e tij me trajnerin Unai Emery janë krisur dhe uruguaiani po mendon seriozisht largimin.

Torreira nuk po aktivizohet titullar nga Emery, madje, dhe në ato sfida që luan, nuk po luan në rolin e tij natyral, çka ka bërë që mesfushori t’i kërkojë llogari drejtuesve.

Sot, ka pasur një takim mes Torreiras dhe drejtuesve të Arsenal. Mediet britanike kanë arritur të zbulojnë disa nga detajet që janë diskutuar në atë mbledhje.

Mësohet se Torreira i ka kërkuar klubit të luajë rregullisht dhe në qendër të mesfushës, aty ku është roli i tij, ose në të kundërt, do të largohet drejt Milanit, me skuadrën italiane që është interesuar për shërbimet e tij që vitin e shkuar.

Torreira u transferua te Arsenali në verën e vitit 2018 për 35 milionë euro nga skuadra e Sampdorias./abcnews.al

Vidal.png
Veronik Istrefaj20:42 | 13/11/2019

Arturo Vidal ka hedhur dritë mbi të ardhmen e tij. Në një intervistë për “Futuro”, kileni është distancuar nga zërat që vazhdojnë ta lidhin atë me një transferim të mundshëm te Interi: “Më pyesni gjithmonë për të njëjtën gjë! Për momentin jam mirë, edhe fizikisht jam shumë mirë dhe shpresoj të vazhdoj të jap gjithçka për Barcelonën”, tha ndër të tjera mesfushori.

Vidal është një nga lojtarët e shumtë që kanë qenë të lidhur me një transferim te Interi. Rodrigo de Paul, Rolando Mandragora, Ivan Rakitic, Dejan Kulusevski dhe Gaetano Castrovilli janë disa nga të përmendurit që lidhen me një kalim te Interi.

Ish-lojtari i Juventusit ka bëri 11 paraqitje në të gjitha kompeticionet këtë sezon, duke luajtur 453 minuta në total. Vidal ka shënuar dhe tre gola në sfidat që ka luajtur për katalanasit./abcnews.al

Pinamonti.jpg
Veronik Istrefaj18:45 | 13/11/2019

Interi po mendon të rikthehjë në ekip Andrea Pinamonti, në merkaton e janarit, raporton Corriere dello Sport. Zikaltërit e dërguan talentin te Genoa në huazim me opsion blerje në fund të sezonit, por tashmë, synojnë ta rimarrin sërish. Megjithatë, ka një problem, pasi parashikohet e vështirë që lojtari të largohet pas vetëm gjysmë sezoni.

Sulmuesi 20-vjeçar ka përfituar vërtet nga kalimi në “Stadio Luigi Ferraris”, pasi ka qenë një startues i rregullt, diçka që ai nuk ishte në gjendje ta arrinte tek Interi, kryesisht për faktin se skuadra po luante me vetëm një sulmues në kohën kur ishte Spalleti.

Këtë sezon, ai ka bërë 11 paraqitje në të gjitha kompeticionet për Genoan. Në 895 minuta në fushë, Pinaonti ka shënuar dy gola dhe ka asistuar tre herë./abcnews.al

Florenzi-1.jpg
Veronik Istrefaj17:28 | 13/11/2019

Deri më tani këtë sezon, Alessandro Florenzi ka qenë thjesht një “spektator” në projektin e trajnerit Fonseca te Roma. Mbrojtësi i djathtë ka zbritur në fushë vetëm në tetë ndeshje të Serisë A dhe është zëvendësuar në katër ndeshjet e fundit radhazi.

Me Euro 2020 shumë pranë, Florenzi kërkon të luajë sa më shumë. Flite se Interit ishte skuadra favorite për firmën e tij, por situata ka ndryshuar. Fiorentina ka filluar bisedat fillestare për të arritur te firma e 28-vjeçarit, por Florenzi është gjithashtu një objektiv edhe i ekipit francez, Lyon.

Si Lyon, ashtu dhe Fiorentina, i garantojnë minuta kapitenit të Romës, ndërsa tek Interit, rivaliteti në mbrojtje dhe skemat e Contes nuk i ofrojnë garanci italianit./abcnews.al

Bayern-Munchen.png
Veronik Istrefaj17:09 | 13/11/2019

Skuadra e Bayern Munchen është ende e interesuar për sulmuesin e Manchester Cityt, Leroy Sane, por ka vetëm një kleçkë. Bavarezët duan një zbritje për shumën që City kërkon për lojtarin.

Drejtuesit e kampionëve të Gjermanisë nuk kanë hequr dorë nga 23-vjeçari gjerman dhe së shpejti do të paraqesin një ofertë për klubin anglez. Sidoqoftë, ata janë duke kërkuar një zbritje të konsiderueshme në krahasim me 90 milion eurot që u kërkuan nga “Cityzens” verën e kaluar.

Sane, i cili është aktualisht i dëmtuar deri në muajin shkurt, ka qenë një lojtar kyç për trajnerin Pep Guardiola. Skuadra gjermane është e gatshme të presë deri në verën e ardhshme për shërbimet e Sane, kontrata e të cilit skadon në verën e viti 2021./abcnews.al

Chelsea.jpg
Veronik Istrefaj19:57 | 12/11/2019

Skuadra e Chelsea po vuan një dënim me bllokim merkato dhe nuk arriti të afrojë asnjë lojtar gjatë muajve të verës. Gjithashtu, Blutë e Londrës nuk do të shpenzojnë as në muajin janar, por në merkaton e ardhshme, do të jenë të gatshëm të shpenzojnë.

Plot 70 milionë euro janë përgatitur për mesfushorin e Lazios, Sergej Milinkovic-Savic. Serbi është një dëshirë e Frank Lampard dhe 70 milionë eurot, me shumë gjasa do të pranohen nga Igli Tare dhe stafi tjetër drejtues i Lazios.

I vetmi problem për Chelsea është se duhet të presë deri në merkaton e verës, si dhe Blutë vazhdojnë të shpresojnë se nuk do të jetë një akord të lojtarit me ndonjë skuadër gjatë muajit janar./abcnews.al

Milinkovic-Savic dhe Igli Tare
Real-Madrid-1-1280x998.jpg
Veronik Istrefaj17:44 | 12/11/2019

Real Madrid është gati të bëjë një çmenduri në muajin janar. Siç raportojnë mediet europiane, “Galaktikët” duan me doemos shërbimet e Kylian Mbappe dhe siç mësohet, presidenti Florentino Perez ka përgatitur plot 400 milionë euro.

Kjo ofertë faraonike, pritet të jetë në tavolinën e drejtuesve të PSG-së në fillim të muajit janar. Kur trajneri i Real Madrid, Zinedine Zidane, u pyet për një afrim të mundshëm të Kylian Mbappe, nuk e mohoi aspak. “Është dëshirë e lojtarit, nëse ai kërkon të vijë këtu, ne nuk do e pengojmë.

Te Real Madrid, luajnë lojtarët më të mirë dhe Mbappe është një prej tyre”, tha para disa ditësh Zidane. Nëse Reali arrin të transferojë Mbappen për 400 milionë euro, ky do të ishte transferimi më i shtrenjtë në histori. Këtë rekord, e mban aktualisht Neymar, i cili u transferua te PSG nga Barcelona për 222 milionë euro./abcnews.al

Kylian Mbappe
Ronaldo-NApoli-Juve-1280x852.jpg
Veronik Istrefaj16:15 | 12/11/2019

Juventusi dhe Napoli do të rivalizojnë edhe jashtë fushave të blerta. Gjatë merkatos së janarit, pritet që dy skuadrat italiane të luftojnë me njëra-tjetrën për firmën e talentit të Salzburg, Haaland.

Sulmuesi 19-vjeçar po çmend Europën me paraqitjet e tij dhe ka tërhequr interes të madh nga shumë skuadra. Juventusi dhe Napoli janë gati të paguajnë deri në 60 milionë euro, raportojnë mediet italiane. Haaland ka qenë i shkëlqyer për Zalburg këtë sezon, duke shënuar 26 gola dhe duke asistuar 6 herë në 18 sfida!

Statistika të frikshme këto për bomberin norvegjez, i cili duket se ka një të ardhme të ndritur dhe do të jetë një ndër goleadorët më të mirë në botë!/abcnews.al

Haaland i shenoi Napolit ne UEFA Champions League
bore-1280x736.png
Vladimir Prenga08:42 | 12/11/2019

Ka mënyra nga më të ndryshmet për të tërhequr vëmendjen dhe klubi amerikan, Forward Madison, ia ka arritur qëllimit me atë që ka në plan të bëjë. Përmes një njoftimi në “Twitter” ka njoftuar se do të njoftohet rikthimi i një lojtari në klub.

Ajo që tërheq vëmendjen është mënyra se si do të njoftohet emri i lojtarit rikthehet në ekipin e tyre, duke i shkruar emrin në borën që ndodhet brenda stadiumit të klubit amerikan. “EVENTI KRYESOR – Do të njoftojmë rikthimin e fundit sot, duke e vizatuar emrin e tij në borën brenda stadiumit tonë.

Nuk jemi të sigurt nëse do të funksionojë, por qëndroni gati dhe ndiqni rreth orës 13:00 videon tonë live për të parë se si do të shkojë”, shkruhet në faqen e Forward Madison. Diçka e tillë ka ndodhur, sikurse shikohet edhe në videon që klubi e ka publikuar. /abcnews.al

Ibra-Zllatan.jpg
Klejdi Kaimi12:37 | 11/11/2019

Zlatan Ibrahimovic ka bërë lëmsh më shumë së gjysmën e Europës. Që kur sulmuesi konfirmoi rikthimin në ‘kontinentin e vjetër’, në drejtim të tij kanë ardhur shumë oferta.

Inter, Juventus, Barcelona, Bologna apo dhe një rikthim i mundshëm tek AC Milan janë disa nga klubet që kërkojnë suedezin. Madje ka ardhur dhe një ofertë nga Australia e largët, konkretisht nga Perth Glory.

Në orët e fundit është edhe Manchester United i interesuar për shërbimet e 38-vjeçarit, siç raporton ‘Mail Online’. Një rikthim në ‘Old Trafford’ mund ta tundojë Ibrën, por nuk ka ende asgjë zyrtare. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono