mercedes

download-6.jpg
in a11:20 | 22/11/2019

Mercedes ka prezantuar këtë të enjte modelin më të ri Maybach GLS 600.

Duke shënuar herën e parë që emblema e Maybach prodhon një model që nuk është një S-Class. Mercedes-Maybach GLS 600 4MATIC përfaqëson majën e modeleve luksoze SUV nga Stuttgarti.

GLS 600 mundësohet nga një motor 4.0 litërsh binjake-turb V8 që prodhon 550 kuajfuqi. Shpejtësinë nga zero deri në 100 kilometra në orë e arrin për 4.8 sekonda, derisa shpejtësinë maksimale e ka të kufizuar në 200 kilometra në orë.

Ndërkohë në videon e mëposhtme mund të shikoni në detaje këtë super makinë luksoze nga gjiganti gjerman.

konjari-1280x720.jpg
Autor E13:43 | 18/10/2019

Detaje të tjera kanë dalë pas shpërthimit të fuqishëm që tronditi Tiranën mëngjesin e sotëm. Objektivi ishte Artion Bylyku, një emër që nuk është skeduar nga policia më parë.

Siç raporton gazetari Andi Qosja për abcnews.al, ishte makina e blinduar ajo që i shpëtoi jetën Bylykut pasi shpërthimi ka qenë mjaft i fortë. Ndërkohë grupi hetimor gjeti edhe një sasi tjetër tritoli në sediljen e pasme të makinës, e cila nuk shpërtheu.

VIDEO/ Makina luksoze ishte e blinduar: Çfarë zbuloi policia pas shpërthimit që tronditi Tiranën

Fill pas shpërthimit, si u hodh në erë mercedezi i blinduar në mes të Tiranës

Fill pas shpërthimit, si u hodh në erë mercedezi i blinduar në mes të Tiranës

Publiée par Abc News Albania sur Vendredi 18 octobre 2019

Por, kush është 50 vjeçari Artion Bylyku?

Ai nuk është i skeduar nga policia dhe rezulton si tregtar makinash, megjithatë policia dyshon se kjo tentativë për ta vrarë lidhet me vrasjet e famshme mes grupeve kriminale në Tiranë, kjo pasi Bylkyku është kunat i Domart Konjarit, nje emer i njohur per policine i cili i ka shpetuar drejtesise shqiptare dhe asaj franceze.

Domart Konjari është në arrati ndërsa akuzohet për një sërë veprash penale në Francë si, “trafik ndërkombëtar droge” dhe “krijimi i organizatave kriminale”.

Konjari u arrestua në nëntor të vitit 2015, për llogari të autoriteteve franceze por pesë muaj më vonë, Apeli i Krimeve të Rënda zbuti masën e sigurimit ndaj Konjarit, nga “arrest me burg” në “detyrim paraqitjeje”.

Kjo bëri që Konjari të arratisej dhe të jetë ende në kërkim.

Në dosjen që Krimet e Rënda kanë marrë nga autoritetet franceze, renditen me detaje të gjitha veprimtaritë e Konjarit në Shqipëri, Francë, Holandë, Belgjikë, Spanjë, Itali dhe Gjermani.

Hetuesit francezë thonë se kanë ndodhur edhe disa vrasje, ku në dy raste, 42-vjeçari Konjari u ka shpëtuar atentateve me armë.

Në dosjen që ka polici rezulton se Konjari është i përfshirë në mnëyrë direkte ose indirekte në disa vrasje apo tentative vrasje përveç trafikut të drogës nga Amerika Latine.

Rasti i fundit ishte vrasja e Devi kasmit ne Tirane, e cila dyshohej se ishte kryer me porosi te Konjarit. /abcnews..al

gara-e-japonise.png
Vladimir Prenga09:18 | 13/10/2019

Valtteri Bottas ka triumfuar në garën e Japonisë dhe ka përfituar nga rrëmuja e krijuar në fillim nga makinat Ferrari. Piloti i Mercedes bëri një start shumë të mirë dhe në fund regjistroi fitoren e tretë në këtë sezon të Formula 1. Në vendin e tretë u rendit shoku i tij i skuadrës, Lewis Hamilton, çka bëri që Mercedes të merrte titullin e gjashtë radhazi për konstruktorë.

Piloti britanik thuajse e ka në xhep titullin kampion, pasi ka 64 pikë më shumë në renditje se Bottas. Deri në fund kanë mbetur edhe katër gara për t’u zhvilluar dhe vetëm një mrekulli ia heq titullin Lewis Hamilton-it.

Për Ferrarin ishte një garë e komplikuar, edhe pse e nisën garën në radhën e parë. Sebastian Vettel gjithsesi ia doli ta ruante vendin e dytë deri në fund. Leclerc pati një aksident me Verstappen, me këtë të fundit që u tërhoq nga gara më vonë. Piloti i Ferrarit e mbylli garën në vendin e gjashtë, pasi iu desh të kryente 3 ndalesa në boske. /abcnews.al

hamilton.jpg
ad min08:53 | 15/07/2019

Ljuis Hamilton fiton Çmimin e Madh të Anglisë dhe shkëputet në krye të renditjes së Formula 1. Ky ishte suksesi i gjashtë i anglezit në pistën e Silverstounit.

Nuk u nis i pari, por kjo nuk i prishi asnjë punë. Ljuis Hamilton di sesi fitohet në Formula 1, dhe e shfrytëzoi gjithë përvojën si dhe klasin e tij, për të triumfuar në pistën e Silverstonit.

Kampioni i botës dhe kryesuesi i renditjes ia doli në garën e shtëpisë, në Çmimin e Madh të Anglisë, në një nga episodet më spektakolare të këtij sporti prej vitesh. Duelet ishin të fortë me shokun e tij të skuadrës, pilotin tjetër të Mercedesit, Valteri Botasin, që fitoi provat zyrtare një vit më parë.

Megjithë përpjekjet, anglezi 34-vjeçar nuk e parakaloi dot në fushë finlandezin, por kjo ndodhi vetëm pasi Botasi ndaloi për të ndërruar gomat. Duelet në pistë ishin disa, mes Leklerkut të Ferrarit e Verstapenit të Red Bullit, si dhe me Fetelit po të Ferrarit dhe Pjer Gaslisë së Red Bullit.

Çmimi i Madh mori një drejtim tjetër kur në fushë hyri makina e sigurisë, pas një incidenti në pistë. Kjo ndihmoi Hamiltonin që ndërroi gomat, kur makinat ishin duke ngadalësuar, dhe mbajti vendin e parë.

Pas një dhurate të tillë, anglezi nuk u pengua më për të shkuar drejt fitores, ndonëse në garë pati emocione të forta. Leklert, Gasli e Verstapen vazhduan konkurrimin mes tyre, ndërsa Sebastian Fetel, katër herë kampioni i botës, bëri një gabim të madh.

Ai goditi nga pas Verstapenin, duke përfunduar të dy jashtë piste, e duke u dënuar me 5 sekonda vonesë. Hamilton doli i pari, madje vendosi xhiron më të shpejtë në rrotullimin e fundit, duke thyer sërish rekordin e pistës. Botas e Leklerk ishin dy të tjerët në podium.

Kjo ishte fitorja e 6-të e Hamiltonit në Çmimin e Madh të Anglisë, duke qenë më i miri i të gjitha kohëve. Piloti i Mercedesit kryeson renditjen e Botërorit të Formula 1 me 223 pikë, me plot 39 pikë më shumë se Botasi, ndërsa ferraristët kanë mbetur pas. Mercedesi kryeson renditjen për skuadra me 407 pikë, ndërsa Ferrari ka 243./ABC News Albania 24/7

hamilton.jpg
ad min18:02 | 03/09/2018

Lewis Hamilton tregoi në Çmimin e Madh të Italisë se është piloti më i mirë në Formula 1. Kampioni i botës mundi Ferrarin në shtëpinë e tij dhe u shkëput në garën për titull.

Nuk kishte shumë për të vërtetuar, por Monza sikur i vuri kapakun.

Nëse sot ka një “pinjoll” të Fangios, Senës apo Shumaherit, ky është Luis Hamiltoni.

Me një makinë jo superiore, në “gojë të ujkut” në Çmimin e Madh të Italisë, me 100.000 tifozë e më shumë kundër dhe me dy makinat Ferrari në rreshtin e parë në nisje, piloti i Mercedesit tregoi se di ta përballojë presionin më mirë se kushdo tjetër.

Fitoi një garë që u quajt e humbur, dhe u shkëput në 30 pikë epërsi në krye të Botërorit të Formula 1 ndaj Sebastian Vettelit të Ferrarit.

Gjermani e ndjeu trysninë duke gabuar që në xhiron e parë, duke u përplasur me Hamiltonin, e duke zbritur në vendin e 19-të.

Pas gare, ai u ankua (pa të drejtë) se Hamiltoni nuk i lejoi hapësirë.

Ish-kampioni i botës, Niko Rosberg, nuk e kurseu ferraristin.

“Ishte 100 për qind gabimi i Sebastianit, – u shpreh finlandezi, – Hamiltoni i la atij gjithë hapësirën e nevojshme, dhe ai nuk do të bëhet kurrë kampion bote, nëse do të vazhdojë të sillet kështu”.

Demon Hill, kampioni i vitit 1996, theksoi se “Ferrari ka një problem dhe ky problem quhet Luis Hamilton, por këtë herë ishte vetë Ferrari që bëri vetëvrasje”.

Ferrari u ankua më kot pas garës që Mercedesi e orkestroi garën e pilotëve të vet.

Kjo ishte e vërtetë, por po ashtu është e vërtetë historike se Ferrari gjithnjë i ka komanduar pilotët, në favor të numrit 1, pra nuk i takonte të akuzonte.

Skuadra italiane gaboi strategjinë që në nisje.

Nëse do të ishte urdhëruar Raikonen të lejonte Vettelin të kalonte në krye që në metrat e para, gjermani nuk do të ishte detyruar të përplasej me Hamiltonin.

Mbeten edhe 7 gara deri në fund dhe Hamilton duket më pranë titullit të 5-të, sesa Vettel, titull që do ta barazonte atë me Fangion, dhe do ta linte 2 tituj prapa Shumaherit./abcnews.al

shpejtesia-1280x653.jpg
ad min17:08 | 17/03/2018

Sinjalizimi i Policisë së Tiranës nga disa qytetarë, u ka çuar dëm garën e shpejtësisë tre drejtuesve të mjeteve luksoze në Unazën e Madhe. Ata janë ndëshkuar me gjoba nga 40 mijë lekë të rinj.

Nuk është ndonjë kompeticion sportiv. Janë vetëm persona të apasionuar pas shpejtësisë, që shfrytëzojnë orët e vona të natës për të bërë gara në Unazën e Madhe në Tiranë.

Nga kjo garë të tre kanë dalë të humbur.

Pas disa telefonatave nga qytetarë të ndryshëm në adresë të sallës operative të Drejtorisë Vendore të Policisë Tiranë, se në Unazën e Madhe tre automjete po bënin gara shpejtësia, policia është mobilizuar.

Shërbimet policore kanë organizuar pika kontrolli, ku kanë mundur të ndalojnë dhe procedojnë tre drejtuesit e këtyre mjeteve.

Sipas policisë, mjeti “Mercedes-Benz” GLC 43AMG me targa të huaja u ndëshkua me 40 mijë lekë gjobë për mosrregullim shpejtësie dhe për gara shpejtësie.

E njëjta ka qenë masa e gjobës edhe për mjetin “BMW M6” me targa të huaja. Ndërsa mjeti “Audi A7” me targa shqiptare u dërgua në komision, pasi kishte edhe mangësi të tjera në dokumentacion.

Ky nuk është rasti i parë kur drejtues mjetesh bëjnë gara në të njëjtin segment duke rrezikuar veten dhe përdorues të tjerë të rrugës./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono